2005 年 7 月 17 日 星期日 【清涼】

成日都話星期一返工係一件好辛苦的事，不過今日都好乖咁Only懶咗5分鐘床就起身，但無奈仍然都係趕唔切前一班MTR，唉！如果我對腳係著波鞋的話就一定會趕得上的…

今日都係無乜野做，成日都係得個『坐』字，唯有上下Internet、Cupid查下D無聊野！下午時收到通知原來個Flight Schedule唔Work，哈哈！其實在朝早前我就發現唔妥，不過果時以為係我自己部機的問題，點知原來唔係wo，呵呵！Anyway，佢地都好快咁搵人搞返掂佢！

Around 4點就閃啦！今日要趕返學校攞Transcript，學校又好Cheap咁無Paste D成績上網，搞到人心惶惶…好Yeah！今年又可以光明正大咁企係小鵬哥面前大聲同佢講：「我畢業啦！」。嘻嘻！至於「他」，哼！我就放長雙眼睇你點算！

工作和成績都已經結終了，係時候走另一條路…係時候去完全小鵬哥昔日還沒完成的路…

差D又忘了提一件事，哈哈！再唔提就比人罵我【無良心】了 – 謝謝子霖的支持，想不到每天見得最多的居然是你，呵呵！看來有人要反省吓啦！唉！有時候會想『為什麼我喜歡的人不是你？』



有人因為做錯事，所以比人落咗『禁制令』，呵呵！「活該…」呢個故事教訓你以後咪咁自大…雖則是『禁制令』，但我唔覺得對你有咩影響。哼！偏心偏到出晒面，知你地的友情堅固無比啦！過份…

曾經有朋友說：

在工作方面，「他」是個好伙伴，對朋友忠心、友好。當朋友心情不好，「他」往往是第一個表達關心的人。從開始到現在，「他」待人處世的態度從未改變，在朋友眼裡，「他」絕對是個從一而終的「好孩子」、「好朋友」和「好兄弟」。

在愛情方面，「他」很大男人性格，喜歡『家的感覺』，希望女朋友為他做飯，並隨時掌握對方行蹤。當女朋友不在身邊，就會拚命打電話、傳簡訊，問東問西，一天數十通電話是家常便飯。在交往初期，對女朋友的黏、膩、纏，卻不曾變過。（從女朋友的角度：或許女生都會喜歡這樣，但久而久之，沒自由的感覺會油然而生。）

>>July 18, 2005 at 2:40:37 PM GMT+8

2005 年 7 月 16 日 星期六 【清涼】

今日去到巴士站又送車尾，結果就走咗入去OK增值，點知增完先發覺自己早兩天已經增咗。唉！無奈咁走返出去等車…近來真係唔知自己想點、做緊乜！

返到聖堂就見到阿康、子揚、子昌、Herman，後來見到熊貓…呢隻熊貓的Schedule仲忙過我，所以每約佢食飯都起碼要1個月前通知。望完Mass就同埋鄒姐和終於回來的「他」去蘊莎開飯，然後就去打Bowling…本來我和「他」都係打算去【睇】吓，畢竟今日都係青年事務組搞的活動。但後來因為唔夠人，所以「他」就比人拉埋落場，成績打得不錯，嘻嘻！因為「他」昨天先和「他」的朋友打完，唔知道的人仲讚「他」剛從外國回來都無生手…哈哈！果個Moment真係想爆佢大獲…

打完Bowling就坐順風車入天水圍，呵呵！好耐無食過「別人阿娘」煮的飯啦！佢仲記得我鍾意食雞翼，Yeah！連「別人爸爸」都讓埋最後的雞翼比我食丫，好開心！原來「別人阿哥」在機場貨運站做丫，呵呵！找天一齊食Lunch啦！

今次又要麻煩阿康整機，真係辛苦晒佢啦！仲有就係「司機」，哈哈！食完飯，玩到差不多十點就打道回府，畢竟明天都係返早…慘！

>>July 17, 2005 at 4:57:02 PM GMT+8

2005 年 7 月 15 日 星期五 【酷熱】

今日終於可以睡足12個鐘，如果唔係因為阿娘嘈鬼往晒，我估15個鐘就一定少不了的。這個星期簡直和虛脫差不多，每天都要很早起床，Miss咗班MTR就會遲到，都唔明點解在去年的時候自己每天都會那麼早就回到公司！奇怪！奇怪…

今日係老豆生日，所以又會見到『佢』，哈哈！一個星期見足6日，都無乜特別的Feel…起身食咗D沙律就可以開始清一清書櫃的Notes，雖然無收到學校的電話，但我怕會有另一個可能發生。所以都係唔好咁老定…

呢個阿哥，麻X煩！今日係老豆生日就應該係老豆話事，明知佢老豆係一個好Out的人，仲叫佢去食泰國野咪等於叫佢唔好食…呢個老豆仲麻煩，自己唔鍾意食好心就出句聲啦！唔出聲鬼知你想點！總之呢兩個男人好好好好煩…

到最後因為主角唔出聲，大配角又堅持，結果闔家和『佢』一齊去九龍城黃珍珍食泰國野。D野食都OK啦！但就真係幾辣，好彩Only叫咗2碟頭盤係辣，如果唔係我成餐都可以剩係飲水…食到十點幾就同埋『佢』一齊返屋企睇返套大結局…

>>July 16, 2005 at 5:45:10 PM GMT+8

2005 年 7 月 14 日 星期四 【酷熱】

奇怪~~~明明早咗起身，但都係無早到返公司…氣死我了！仲要係送車尾果隻，唉！又要等多10分鐘…好彩行得快，如果唔係連S1都上唔到就真係又遲大到。

想不到『呆』了成個星期，今天終於Keep住成日都有D野做吓，幸好D野都唔係太難，但就要用時間慢慢Pick Up…而今朝有兩個Summer Intern返工，哈哈！我唔會再係成個Department最細果個啦！Lunch前『阻住』提我佢下午請假，結果嚇到我馬上同佢Arrange星期一出Duty Travel的事情…然後就匆匆忙忙咁搭車過Regal果邊食Lunch，但最後因為上唔到架Shuttle Bus，所以同佢地其他人搭S1過去，搞到Rebecca等咗我地好耐！

今日Cindy請我、Rebecca and Shirley去Dragon Inn食飯，哼！為什麼Summer Intern的Welcome Lunch去紅軒食，連某人果時的Welcome Lunch都係去食居酒室，而我就係去Dinning Room…Very無奈！而且眼看佢地個勢，我今個月的糧分分鐘都會比佢地『鋸』返晒我一獲！嗚！果然係好同事！

因為DR菜上得好慢，結果成2點15分先搭車返公司，哈哈！在車上見到班無良怪獸…下午阿姐全程開會，哈哈！我又可以鬆一鬆，慢慢咁再去Follow Up D野！整埋D手尾，6點幾就打道回府…

今日放工都算幾黑仔，好完整咁比人『撞』3次…首先係在MTR，人都未出外面D人就起勢咁衝入來，真係想【士多啤梨蘋果橙】；然後經過巴士站，有個大男人落車跌倒成個撞埋我度，頂丫！如果唔係見係年紀咁大真係想鬧你；最後就係在便利店買野俾＄時又比個好不知所謂的阿毛撞咗野，頂頂頂！我比緊＄你撞咩丫！真係火都黎…

結果本來想出街見吓穎風都無晒心情丫！返到屋企二話不說就『躂』係張梳化上找周公子…

>>July 15, 2005 at 4:22:49 PM GMT+8

2005 年 7 月 13 日 星期三 【酷熱】

今日最主要的工作就係『發呆』，因為教我野的AO今日忙到飛起，而我又衰衰咁放咗好多File在枱面，造成一個『我好忙』的錯覺…哈哈！

Lunch同阿娘去咗食日本野，所以叫埋「佢」一齊。唉！忘了提阿娘我的Lunch time係放1230，無辦法啦！結果是我同「佢」叫野食先再慢慢等呢個阿娘！叫咗3個餐一齊食，不過對於仍然牙痛的我都唔係食咗好多，最開心的都莫過於食雪糕！嘻嘻！

下午返到公司就繼續同Lover和「別人的女朋友」Talking…阿姐今日On Leave，對我來講都不失為一個好消息。後來跟個同事吹水時，佢話我今次返來呢個Department令好多人都好驚！哈哈！因為佢地仲係度challenge緊邊個通知我apply呢個post，畢竟呢個vacancy係無出到街的…唉！其實有乜好驚丫！你地又唔係無料，唔通真係怕我有牙咩！結果無奈咁同佢講我其實都係Apply AO的Post，但就唔係呢個Department，只不過Interview時佢問我如果有機會會否回去？咁唔通我話No咩！咪玩啦！唉！算吧啦！反正講咗佢地都未必信，而且我去年入去做的時候佢地都以為我係靠人事的，誰想到我是因為要交學校的功課時順便Apply埋份Job！總之今次一言難盡啦！

今日發現原來我的Team有個男同事個名叫『詠風』，哈哈！不過我都係覺得我呢個『穎風』個名正D！Yeah…

下個星期約咗西門爸爸食飯，順便慶祝佢的大日子…我唔知道可以再見到佢幾多次，但唯一肯定的是在我心目中他永遠都是我最喜歡、最依賴的西門爸爸！

>>July 14, 2005 at 12:46:18 PM GMT+8

2005 年 7 月 12 日 星期二 【酷熱】

今日Miss咗班東涌車，結果遲咗成20分鐘先返到公司…仲要撞到隻賤精比佢寸，哼！你咪又係一齊遲到…

工作依舊做返昨天未完成的野，可能個人仲未習慣，而且又嚴重的睡眠不足，所以個頭有D痛…成朝一邊做Filing、一邊同我的至愛Talking…如果唔係一定走咗見周公子！Lunch係Canteen同Rebecca and Florence食，而我一來牙痛、二來無乜胃口…Only食咗件三文治！其實Brandon晨早就約咗我一齊食Lunch，不過我以為佢地係同Rebecca佢地係一齊，所以咪跟著Rebecca。後來先知原來唔係，哈哈！Sorry丫！我下次會問清楚的…

下午就搞Telephone Directory的東東，中間衰咗D野！唉！返工三日每日都會因為大意而做錯野，唉！都唔知自己想搞乜…分分鐘過唔到Probation都唔出奇！好想申請Airport Permit，唔通真係咁老實同Manager講因為我想睇飛機咩？找死丫！唉！如果今年係在SDO做的話一定會好老實咁同Kevin講我要申請Permit的，哈哈！因為舊年係佢Suggest我咁做…點算呢？在出面好難近距離睇到佢地的…煩悶中…

啪咗粒Panadol，今晚都係早D去見吓周公子先，頭痛~~~>.<~~~

To「你」：或許「你」在這方便對自己很有信心，但意外的事好難去預計，所以常叫「你」小心D的，但每次都草草咁應我…今次就當破財檔災、買個教訓回來吧！

>>July 13, 2005 at 3:54:25 PM GMT+8

2005 年 7 月 11 日 星期一 【酷熱】

今日同昨天差無幾，早咗DD啦！返到KA剛好0830，打電話比某人原來佢都係剛下車…哈哈！佢今次終於搭到呢班車啦…

今日都無乜特別，主要都係Follow Up返昨天的事。因為兩個Manager都有事請咗半日假，所以令我更加無乜野做，成個上午都係左搞右搞咁！後來走咗過去搵Kevin傾咗一陣…佢唔知我返咗來IMD，仲問我去咗邊個Department做。哈哈！估唔到佢都唔知我返咗來！但為什麼佢D下屬咁快就知呢？原因咪就係佢地『八』lor…

本來Kevin話同埋我地一齊食Lunch的，但後來佢有D公務跑不掉，呵呵！唔緊要啦！來日方長嘛！計埋我今日有14個人去『天廚』開飯，非常人齊！最搞笑係成個IMD的4個Team都有代表出席，哈哈！真俾面！我咪又係被人圍攻果個，最衰都係【加納豆】聊起個話題先，搞到成餐飯都比人審…拜託！我真係跟著個Procedure去Apply份工先返到入來做的，只不過佢調咗我返來IMD咋…呢個Chris Long咁耐無見都仲係有咁多位可以比人『寸』，既然係咁…我無理由唔『寸』佢的，對不對？哈哈！

下午大部份時間在表面上都係做Filing，但實際上同『Lover』和『別人的女朋友』用email去傾計…哈哈！後來某人扮晒野走咗過來IMD行來行去騷擾我，真係想起身打佢一獲…

>>July 12, 2005 at 4:21:06 PM GMT+8

2005 年 7 月 10 日 星期日 【晴】

今日是正式返KA的日子，和去年不同的是今次要Permanent Staff…老實說，今次返工的心態很不同，總是提不起勁。哈哈！第一日返工居然玩遲到…

晨早流流收到個電話，原來某人Miss咗班公司車，因此搞到我都好遲先出門，去到東涌某人又怕遲到，所以就一齊【打的】返公司…在Reception登記後就坐埋一邊等啦！原來今日又有個姓『吳』的新人上班，哈哈！當Reception叫『NG小姐』時，我地兩個一齊起身，後來再問清楚原來係我…勁搞笑！

上到HR要簽好多野，中間發生咗段小插曲…哈哈！第一日返工就見到「陳生」，真係忍不住要同佢頂吓嘴…搞到成十點半先去返自己的Department，基本上都無乜Surprise，反正都通晒天！唯一不同係今次將會認識埋IT的同事，而因為我部PC未setup好，所以就走咗去SDR和SDO果邊打招呼…哈哈！我仲以為通晒天，原來Stephen係唔知我會返去的…仲問我點解會【鼠】咗入來！嘻嘻！咪玩啦！我係光明正大用Pass【咇】入來的…之後同佢傾咗一陣，佢依舊都係對我好好，仲教我去如果做選擇某D事。吹完水就同Rebecca傾咗一陣，更搞笑係當『加納豆』走出來，Rebecca就話：「你快D邁儂鴽A個女…」哈哈！佢個『Cheap精』居然叫我嘔返舊年食過的野出來比佢！哼！小器鬼！不過我幾時做咗佢個女？哈哈！我在KA好似得一個爸爸咋喎…

下午同IT同事食Lunch，咁Q又見到某人同埋佢D同事！但見佢咁人多勢聚，所以Only同佢有Eye Contact就閃人…近來個胃唔係咁好，所以都唔敢食咁多野。哈哈！D舊同事話我瘦咗，有咩？食完飯就開始睇吓D野點做，成日都要麻煩Shirley，不過衰仔D講句，我都係鍾意Rebecca多D！嘻嘻！

唉！今日先星期一，幾時到Weekend呢？

>>July 11, 2005 at 2:22:23 PM GMT+8

2005 年 7 月 9 日 星期六 【晴】

本打算今朝早D訓，但唔知點解左搞右搞都要搞到成4點幾先去見周公子。所以今朝仍是懶床，返到聖堂都唔係早果隻…

望完Mass，同淇爸爸、淇媽媽和淇淇講咗幾句，然後就同Lover食Lunch，哈哈！因為星期5無同佢食到，今日補返。After that就找咗個朋友去吹水，例如是近來彼此發生過的事、大家之後有什麼計劃之類的事！今次的Talking大家都講咗好多野...好的、唔好的，咩都講晒出來！哈哈！

在不知不覺中原來大家都變咗好多，不論對事或對人都有所不同。曾幾何時什麼都要知、什麼都要理的我，到今時今日有很多事都會選擇不聞、不聽，除非是對方想說，若不…我也不會主動去接觸那些事情。也許這可以形容為『消極』的態度，但對於身在某些環境的時候，這是唯一能生存的方法，也是讓我有勇氣等下去的方法…

>>July 10, 2005 at 2:31:11 PM GMT+8

2005 年 7 月 8 日 星期五 【晴】

呢個阿哥，方死無人知道佢返咗屋企，晨早流流係度嘭嘭聲…頂！人家今朝天光先去見周公子ja…結果忍無可忍起身X佢一獲，點知佢仲駁返我話：「吓？我已經好細聲啦喎」…真係【士多啤梨蘋果橙】…

因為比呢個無良阿哥嘈醒咗的關係，阿娘話不如出街睇吓有無D咩野係For返工。但經過一日的行程，我的結論係『阿娘想搵人陪佢行街，仲係做埋阿四果隻』…唉！累死我了！仲打算最後兩天的假期可以同周公子來一個Long Talk…今餐的晚餐去咗佐敦果邊的New Forest食，看來咁多間最差的都係MK果邊…不過話雖如此，返到屋企個肚唔舒服。可能真的腸胃炎發作，食多D、食少D或食油D都會胃痛或肚瀉。但呢樣都未算慘，今日搭𨋢時比個小朋友用架鐵的玩具車兜野打落個『下爬』度，（>.<）結果有3個『瘀痕』…唉！返工前先整單咁的野，真係唔方唔樣衰！最慘就係無仇報…嗚！

有人說穎風就像是我的『長腿叔叔』…哈哈！又似係喎！因為我總喜歡把我想和他分享的事都會用文字寫下來，不管他有沒有看，我仍然會把想說的話全寫下來。但是我想…我們之間的結局很難會跟童話裡的故事一樣，不是嗎？

>>July 9, 2005 at 5:27:18 PM GMT+8