2005 年 8 月 6 日 星期六 【晴】

好乖咁起床返Church，因為今日係Herman、子健佢地出發去世青的日子，呵呵！要23號先見到佢地啦！記得買多D野返來比我食丫…大不了23號同你地食早餐啦！

同佢地食咗餐Lunch當踐行，之後本來同隻Panda逛咗一陣，但後來我地一路行、一路傾計，都傾到成5點幾先走。其實係佢陪我，因為我等緊阿娘的電話。佢不但陪我去玩D小朋友玩具，仲陪埋我去扭蛋，哈哈！最初我打算過去威記探吓阿公的，不過後來又話出旺角、又話留在馬鞍山，唉！總之就無一個固定的地點，搞到我都唔知上車好定唔上車好，到最後因為阿哥唔想出街咁就返屋企，真係不知所謂！要成村人就佢一個，簡直慈母多敗兒…

PS：今日係最型、最帥、最Cool、最勁的『大象邦邦』生日，哈哈！又大一歲啦！要好好咁計劃吓自己想走的路是怎樣，我知道你能靠自己的力量走到這裡已得來不易，更令很多人大跌眼鏡。雖則如此，有很多事情都是靠自己的努力去爭取的，包括感情！你明我說什麼吧！嘻嘻！加油、加油、Flighting…

>>August 7, 2005 at 4:25:24 PM GMT+8

2005 年 8 月 5 日 星期五 【晴】

因為昨晚飲咗D酒，所以大約2點幾就去找周公子了…直到今朝12點幾比個無良阿哥吵醒才起來了一會。

本來打算煮野食的，不過因為太懶了又打消了這個念頭…後來老豆返咗來，我又走返入房繼續同我最愛的周公子談情說愛…很準時咁補返眠5個鐘，哈哈！超爽丫！因為阿公入咗醫院，無人在家照顧阿婆，所以阿娘就過咗馬鞍山接佢返來食飯…呢個阿婆，有時真係唔知佢係扮失憶定真係失憶，叫咗佢幾百萬句佢都唔應我，但阿娘好細聲講一句佢就聽到，仲鬧我仲咩唔叫佢，唉！真係比佢吹漲…

今日睇書時，其中有幾句是說：「你知道人最深的恐懼是甚麼嗎？不是所愛的人消失了，不是那人仍未出現，而是你就是知道，你所愛的人根本並不存在於這個世界！」或許由一開始我們都不應該認識，畢竟就算現在是擁有了也不代表這是永遠的結果…



越來越喜歡阿沁的歌

灰色的空氣凝結變成零下冰冷的淚　手指頭落下的灰剩下就快熄滅的煙
我打開窗簾靠在窗邊獨自望著藍天　腦袋裏留下全都是你在的畫面
回想起我的童年其實不算浪費時間　發生過種種一切我都把它當作紀念
我打開盒子拿出生日你送我的項鏈　眼框裏落下都是為你留的眼淚
愛情要消失的瞬間　是你要離開那一夜
在一個冰冷的雨天　過了好久我還能感覺
回憶起失去的昨天　你的聲音我聽不見
那次分開我們說好不會再見
你那溫暖的手曾經拉著我　在身邊　每一天
你手心的溫度我還能一直有感覺
回憶起失去的昨天　你的聲音我聽不見
那次分開我們說好不會想念
那次分開我們說好不會再見

>>August 6, 2005 at 4:41:40 PM GMT+8

2005 年 8 月 4 日 星期四 【清涼】

Yeah！辛苦咗成個星期，終於又到Happy Friday…本來今天收工後約穎風同埋EM去飲野的。不過後來ITD的同事話放工去Happy Hours，咁就唯有暫時放下穎風先啦！嘻嘻！

今日都無乜心機working，一來唔夠訓、二來個心早就不知道飄到那裡、三來收到消息今日係陳生的Last Day…唉！我都唔知點解為什麼今次返KA，每個自己很喜歡的人都逐一離開，到底是工作難做？或是其他的原因？我也不敢想像…

時間短絀，在Lunch Time時出咗東涌買咗一點零食當為小禮物，畢竟佢今日Last Day都有好多野要整理和交待…下午走咗上去送禮物，同佢傾咗一會啦！他是我在KA第一個認識的人、也是唯一一個在Interview時教我將來見工的時候應該要注意什麼、如何去解答每一條問題、更是第一個被我收小名『肥仔』的人。雖則他是一個小肥仔，但其實用『小露寶』去形容他更為貼切，哈哈！

終於等到收工啦！變完身就搭冠中巴士陪Nikita去尖咀先再過返去銅鑼灣和ITD會合，趁Nikita去處理她的事時，我又發現到扭蛋鋪頭，哈哈！近來愛上扭蛋的我當然走咗入去搞搞震啦！然後就搭船去CWB，本打算搭『叮叮』的，不過因為已經遲到的關係，便唯有行返去搭MTR。去到Fat Angelo佢地大部份人都已經到咗！成餐飯佢地又攞我同Nikita開玩笑，唉！今次仲揚埋比「佐住」知道~𢡟A如果西門爸爸在場的話就好啦！今次叫果個巧克力味道的Tiramisu無上次咁好食，同巧克力mosses無分別！失望…食完野由「佐住」做東去飲野，初時去Kenneth間Pub的，不過因為好大煙和噪音的關係就全部閃水去其他地方，去到shooters又無位，之後唔知邊個提議去Haagen Dazs，然後又去返Times Square，可惜最後因為太多人改咗去Watami，途中見到另一個Kenneth，哈哈！唔知點解今日在CWB都撞到很多人…一行10個人你一言、我一語吵吵鬧鬧，尤其是Toby狂叫人『飲』，而自己次次就只飲少少。結果比Nikita改咗個花名，哈哈！我叫咗杯Moscow Mule（伏特加＋薑汁汽水），後來幫Nikita頂咗杯Sake…中間試飲咗Patrick果杯Milky Green Tea（奶味勁重，評語 – 唔好飲…哈哈）。

大家High到12點就散水，我本來過去穎風同埋EM仔佢地吹水的，不過因為飲咗D酒搞到臉紅和佢地仲未決定去where，都係同埋Nikita打道回府…

又到七月lu，近來每天都要乖乖早點回家了…

PS：差點忘了提一件事，今日在Times Square等位時見到「小鵬哥」，哈哈！初時都無乜點為意，後來見到個『大頭』咁眼熟再望真D就見到啦！馬上打電話比「別人的女朋友」，哈哈！比子霖知道一定氣死佢…居然在背後想其他人。

>>August 5, 2005 at 5:29:40 PM GMT+8

2005 年 8 月 3 日 星期三 【酷熱】

糟糕…我忘了在這裡向太郎說：「生日快樂」！哈哈！對不起啦！我不是有心不提的…我在公司和屋企都有mark低你個大日子的。只是星期二那天太累才沒有出來…別生氣吧！大不了我把身上所有的餐廳優惠卷給你好不好？不要再嘟嘟嘴了，我們的太郎是天下最可愛、最討人喜歡的貴公子…乖乖…笑一個吧！

>>August 4, 2005 at 3:34:25 PM GMT+8

2005 年 8 月 3 日 星期三 【清涼】

不知道從何時開始，很害怕別人在我面前吵架；不知道又從何時開始，遇到每件事情時也會向後退一步。難道人越大，要顧慮的事也越來越多？

今日朝早我的Department很熱鬧，因為2個AM在我旁邊吵架。由平心靜氣到火紅火綠、勢不兩立…搞到我唔點知好！想走又唔好意思起身閃人，但唔走坐在這個氣氛中都咪話唔心煩…其實成件事我都唔係好清楚，總之就一個一躂就著火的人vs一個很倔強的人，結果咪吵到Department Head出面調停，後來兩個AM各自被GM招見，無辦法啦！我地坐個位對正GM間房，而且GM又無關門，有乜可能聽唔到丫！在呢個位都咪話好，對上就係2個Department Head站在我面前開火，今次到雙方的AM…咁下次又到邊個？在Lunch時佢地又攞呢單野開玩笑，而我想不到原來是因為有人在旁搞小動作，才會發生今次呢單野…

經過一朝早咁火爆的場面，下午都係各自各工作…看見眼前一埋不明白而又要做的工作，都幾無奈。又唔想成日麻煩Shirley佢地教我，唯有靠自己度掂佢。差不多6點半收工時經過『加納豆』間房，見到佢仲未閃，咪帶埋Nikita走入去搞搞陣，最後仲一齊收工…哈哈！對住『加納豆』真係越來越放肆，去到巴士站見到Shirley，她見到我同『加納豆』互相駁嘴的情況都無奈地笑。呵呵！他們每一個人都說『加納豆』當了我是的他女兒，連佢張枱都有我們張合照，但唔知點解佢比我的感覺同『西門爸爸』完全不同的。對住『西門爸爸』我總會乖乖地聽他說話，但對住『加納豆』…嘻嘻！其實我都唔想駁得佢咁盡的，不過對住佢總是忍不住衝口而出，看來在這方面真的要收歛一點！

>>August 4, 2005 at 2:16:35 PM GMT+8

2005 年 8 月 2 日 星期二 【酷熱】

今日好開心，因為感覺好像回到1年前的一樣。唯一不同的是我越來越無大無細，嘻嘻！無辦法啦！誰叫佢地成日都玩我…哼！

朝早陪同事落Canteen買早餐時見到西門爸爸，雖然只同佢講咗兩句，但已給我舒坦的心情，這就是西門爸爸身上獨有的魅力。呵呵！好像說到有點兒跨張，不過時間一分一秒地過，也意味著他離開的日子越來越近！唔開心 【>.<】

今日Lunch在Canteen食，因為Rebecca叫咗外賣Pizza，不過唔係PizzaHut，好像叫「薄餅大胃王」。人物有SDR（除咗Stephen）、SDO有Kevin、『加納豆』、賤少、Gaius、Nikita和我，一共15人。哈哈！人才濟濟丫…真係想不到Kevin會同埋我地一齊食Pizza！想返一年前，我們有時候都會一行十幾人一齊食飯的，只不過那時我只是一個路人甲，不像現在常被玩的對象。今餐飯我又忍不住同『加納豆』鬥嘴，連Kevin都忍不住笑我們倆。哈哈！我承認掉開你是我不對，但我無理由掉開自己Team的同事，再說她又和他們不熟，咁咪唯有難為你一次，誰叫你自己中途離開。哈哈！咪咁小器啦！

在Lunch比佢地玩完後，想不到下午又比GM玩。唉！基本上呢個Division大部份人都係貪玩一族，尤其是職位越高果D。事原係GM為免我地見到佢部PC做D乜，結果加咗一塊反光片貼在佢部LCD Monitor，然後不斷走出走入咁做Testing。後來阿姐見佢咁就忍不住問佢咩事，而我這個低下階層就扮咩都唔知做自己野，點知後來阿姐講開之前訂咗D文具報價貴一倍的事，搞到GM馬上問我發生咩事，仲話比D資料佢打電話鏟果D人。咪玩啦！今次的Contact Person係用我個名的，你咁做係人都知我乜水啦！為了自保，便唯有話咩都唔知。呵呵！點知就比佢寸咗句：「好學唔學，居然學人講【唔知道】，呢句野未到40歲都未夠資格講」，然後就走返入房…阿姐就在旁邊狂笑，而我就好無奈咁低頭做返自己野…

乜我真係好好玩咩？點解次次都係玩我一個喎，我又唔係成個IM最細果個…氣死我啦！

>>August 3, 2005 at 2:44:38 PM GMT+8

2005 年 7 月 31 日 星期日 【清涼】

今朝返到公司又比阿姐急Call，比佢炮轟咗一輪，返到埋位未坐定HR果邊又話帶個新來落薄C結果成朝都行來行去、左搞右搞，都未停過…

下午食完Lunch就繼續同D工作搏鬥，上星期五留低的工作都未有時間去整理。當想做某一件事情時總會被其他的事情打擾而又掉在一旁，結果把心一橫，重新整理所有的工作，一件一件慢慢去完成。畢竟阿姐下午去咗開大會，起碼唔洗成日久不久就比人招見…

3點幾收到阿娘的電話，阿公又入咗『廠』。唉！剛出院未夠半日又要入返去，今次真係難為B舅父了，又要照顧阿婆、又要返公，現在還要去醫院照顧埋阿公，辛苦佢啦！雖然呢個舅父唔生性，但起碼孝順先啦！結果一收工就坐公司巴士過『威爾斯』，呢個阿娘簡直不知所謂，我去到沙田佢仲未出門口…真係鬧得少！

阿公的身體明顯不是咁好，好似佢話頭：「生、老、病、死係人生必經的階段，怕什麼？」但心中總希望下一次見到是一個健健康康的他、一個懂呷醋的老人家…突然有一種感覺，不想今年的中秋節那麼快來…

>>August 1, 2005 at 3:58:22 PM GMT+8

2005 年 7 月 30 日 星期六 【綿綿細雨】

昨晚啪咗粒傷風藥，所以今日無返屯門…決定同周公子大戰15個鐘。可能天氣不大好，加上之前又唔係點夠訓，結果條腰又唔係咁舒服…

因為肚子餓，訓到4點就暫別我張床，起身搵野食。成個星期都無乜點Check過Email和理他們的事，睇咗大約一個鐘又比周公子急Call，結果又走咗去同佢大戰3個鐘，哈哈！今日實行要同佢拚過『你死我活』…

據悉「別人的女朋友」仍為她和子霖的故事而奮鬥，哈哈！希望他們最後能創出一個美好的結局啦！至於我和穎風，看來真的要找天好好咁想一想我們之間往後的發展該怎麼樣！

>>July 31, 2005 at 4:16:22 PM GMT+8

2005 年 7 月 29 日 星期五 【乍寒還暖】

原先今天的Schedule是和周公子大戰15個鐘，不過後來昔日的同學仔話大家不如聚一聚，結果唯有放棄和周公子的約會，去見吓一群在IVE最好的朋友仔…

12點幾就起咗身，因為呢個阿哥趁我仲同周公子約會緊時講我不是，佢居然同阿娘講話我昨天沒有回家…神經病！我晨咁早就打道回府啦！只不過把音量收細你自己唔發覺咋…結果忍無可忍就起身澄清，仲比我暗寸佢動作大大，就算訓咗佢一定會比佢嘈聲。哈哈！問你怕未？呢個故事教訓你無咩事都唔好踩過界…

因為落雨的關係，落咗樓下食完個Tea就回家，後來Lover打電話來話佢仲未食野，所以就叫佢過來陪佢食野…好衰唔衰果時落大雨，結果食完野都懶得周圍走，同埋佢一齊返屋企避一避。到6點幾我就走先，佢就繼續留在我家陪我媽…

呢班野又遲大到，好彩我都醒水遲D先出門口，可惜我仍然是最早到果個。唉！後來個個都有事要仲遲D先到，所以我同BeBe周圍睇吓在Where開飯。今日有我、BeBe、伊婷和海神，本來阿輝、阿璇都一齊來的，但輝哥要開OT到9點都未走得。我地今日去咗一間叫『紅螞蟻』開飯，都幾好食…叫咗5個小食、1個長通粉、1個千層麵和3個甜品…D甜品都幾好食，尤其是個濃朱古力咖啡蛋糕…每人平均＄80啦！食飽飽就行咗一陣、映吓相咁就差不多12點了。D鋪頭都開始關門，所以我地就各自打道回府…

今日都發生咗樣搞笑的事，就係我同BeBe周圍睇吓食咩時，經過一間專扭蛋的鋪頭，我地走咗入去左睇右睇。後來我手多多咁每部機都扭一扭個制，點知去到其中一部機居然比我扭到，之後我就狂扭。結果一扭就扭到5隻蛋，哈哈！怪不得果部機剩返咁少蛋啦！數埋都無8隻…BeBe扭到佢想要的Peter Pan，而我就扭到Stitch，如果唔係因為其餘果3隻蛋卡在一旁，我估我會扭埋佢的，呵呵！Yeah！咁又慳返＄25…

>>July 30, 2005 at 6:56:52 PM GMT+8

2005 年 7 月 28 日 星期四 【綿綿細雨】

有驚有險，又到Happy Friday…今日由朝忙到收工都無停過（其實這個星期都無邊日係停過），真係覺得Shirley之前一個人做兩份Job都咪話唔辛苦。

其實因為仲未上到手，有很多文件都要慢慢咁去想清楚、找Reference先敢去做…所以用的時間多咗，雙比之前在SDR & SDO。要Follow Up的事情其實無咁多，而且仲簡單好多…可能因為唔洗做阿姐果邊的關係吧！講開阿姐，唉！佢又比埋D我答唔出的問題我啦！而且佢想我做的工作有好多都係把那一樣簡單的東西複雜化，總之一句到尾『玩死我』…

Lunch同IT的同事食飯慶祝7月的壽星仔，哈哈！佢地都蠻搞笑，可惜我工作個Location同佢地距離咁遠，如果唔係一定好好玩。而壽星仔下午請我們食雪糕當回禮，嘻嘻！照咁睇都唔洗指意減肥啦！成個下午又比阿姐玩，搞到咩都做唔到，唯有記低返所有的Information星期一先再做，整埋D手尾都要成6點幾先閃人。陪埋Nikita去整野就又去MK睇『七劍』

在東涌Nikita有個朋友等埋佢，哈哈！果個人都幾搞笑，後來佢仲送埋我去油麻地站先搭回頭車走，真係唔好意思啦！雖則第一次見，但我地都好彩有話題…如果唔係就真係Very尷尬…買咗飛睇7點40分，去咗『牛牛』開飯就入場…

呢套戲一開Ball都幾血腥，唔係比人斬頭就斬手…食飽飯千萬唔好馬上入去睇。楊采妮無我想像中打得咁多、黎明都幾瀟灑、甄子丹就打得Very型丫！頭尾打得好激，中間就有D悶…2個鐘都算抵睇的（因為有Discount，If not…我覺得大家等VCD啦）。睇完戲又去兆萬中心睇Stitch，哈哈！今次好醒目直接去返昨天扭蛋的鋪頭…見到第2和第3隻都係Stitch啦！結果又用＄30扭蛋…哈哈！今次終於齊晒2個Stitch啦！其實第3隻都預咗會相同，但見到都係Stitch不如就扭埋比「別人的女朋友」嘻嘻！我地愛屋及烏嘛！

唉！很累丫！無論如何8月份的Schedule都係唔好排得咁密先…

>>July 30, 2005 at 8:18:12 AM GMT+8