2005 年 8 月 25 日 星期四 【微雨】

轉眼間就到『西門爸爸』和『新朋友』的Last Day，感覺當然唔係咁好啦！不過咁又點丫，我又可以做到D咩？唯有自己做到幾多就做幾多lor…

結果Lunch就和『西門爸爸』、Rebecca食飯，嘻嘻！今餐我做東…而佢地都好錫我咁去咗【美心小廚】食，呵呵！成餐飯聽著『西門爸爸』講的野，都Feel到其實他並不是外人眼中無憂慮的人，只是他沒有表現出來而已…總之都係果句啦！你永遠都是我心目中最叻、最醒、我最喜歡的『西門爸爸』！

除咗『西門爸爸』之外，今日還是我認識2個月的『新朋友』Last Day…不過因為我事先約了『西門爸爸』，所以今日無同佢地一齊和『新朋友』Farewell…話雖如此，因為佢地入禁區開飯，所以我都無可能跟埋入去的 >.<。唉！無辦法啦！唯有同大圍和他食Dinner啦！後來因為佢未夠鐘做乖乖仔，所以我就好有義氣咁陪咗佢一陣，咪當又傾吓計lor…

PS：今日又飛起咗阿康~𢡟ISorry丫！我搵日陪你去看看吧！Sorry！

我最喜歡的『西門爸爸』

>>August 26, 2005 at 5:48:17 PM GMT+8

2005 年 8 月 24 日 星期三 【微雨】

仲有一日，『西門爸爸』和『新朋友』都會留下我了…唉！一個係我心目中最好的爸爸、一個係我今年返來KA唯一一個較好傾談的朋友仔…過埋明天，就無人再和我在公司用MSN傾計了！實悶死…

今日買咗份炒米粉做早餐，點知食咗一大半就覺得好飽了！仲有D食滯咗的Feel~𢡟K結果到Lunch Time都唔想食野，後隱約咁聽到好似有人同我講野，但我果時仲同D Payment Bill戰鬥中，所以都無理到。當整完份Draft先發覺原來佢地已經閃晒了，無辦法啦！又唔肚餓，都係決定去補吓眠先…嘻嘻！訓咗一陣就打電話比Nikita叫佢幫我買漢堡飽回來，點知佢唔記得咗~𢡟I不過無所謂啦！反正在果個Moment我都仲滯緊，後來好乖咁聽人話落Canteen買咗D野食（一串未熟透的燒賣）…

成個下午都無乜野做（其實係自己唔做…），左整右整、咩都整一餐就收工了！落到巴士站見到一架城巴和一架廠車在互不相讓的情況吓停咗條路上，唉！幸好到最後都無事，不過後面D車就停晒係度…而剛巧在巴士站見到『新朋友』，哈哈！又可以同佢來個Long Talk…嘻嘻！同佢聊計都幾好的，起碼有Feedback…

>>August 25, 2005 at 4:14:41 PM GMT+8

2005 年 8 月 23 日 星期二 【綿綿細雨】

仲有兩日，『西門爸爸』和『新朋友』都會離開KA向他們的路繼續前進…唉！我唔鍾意呢種感覺，或許好似佢地口中所說的一樣，我是否太感情用事？我也不知道！

今日返到公司都無乜Mood，加上又有D傷風，左搞右搞咁又過咗一天…而『新朋友』因為太多野做，所以都無乜點同我傾計。開始發覺人越大，就越難認識新朋友，就算比你識到都未必可以交到心。大家做朋友的，有Heart就當然最好啦！至於『爸爸』…今日搞清楚原來佢要做空中飛人，大部份的時間都在Outport…根本好少時間會在公司，仲咩我得閒可以隨時找佢…而家咁搵喎！唔開心丫！成日都留低我一個人…

>>August 24, 2005 at 3:34:50 PM GMT+8

2005 年 8 月 22 日 星期一 【晴】

今日同咗阿哥去睇「森美小儀歌劇團之亞卡比槍擊事件」，放咗工就嗱嗱臨返屋企Join埋阿哥一齊出車去PolyU…阿哥今次帶咗我去PolyU另一個食中餐的Canteen，都幾好味的…而且唔係太貴

今次換個位都唔錯，坐S行的中間…大約8點半開場…而今日撐場的有I love you Boyz、Niki Chow、Edmond、Paul、仲有幾個睇唔到…好似話都幾多人捧場。成個Drama都幾好笑，係中間有DD悶場…笑點都有好多，完全有晒森美的Style，而小儀都做得很好，哈哈！真係好鬼鍾意佢支【正骨水】。差不多做到10點45分左右啦！今日係最後一場，大部份的演員都忍不住流淚，尤其是森美流著淚都仍不失他的搞笑本色！絕丫！

之後同阿哥去停車場攞車時見到Edmond，哈哈！有D衝動想叫佢的，不過想咗一陣又唔知同佢講咩好，都係算吧啦！最搞笑係佢的助手望住我，個Feel好似隨時Stand By去保護佢老闆咁…哈哈！

>>August 24, 2005 at 3:15:47 PM GMT+8

2005 年 8 月 22 日 星期一 【晴】

仲有15分鐘就收工去睇『森美小儀歌劇團』，唉！今日的時間覺得過得有點兒慢…並不是無野做，而係果D野都係唔識做…做咗的野阿姐都唔滿意打返轉頭，唯有同D同事再夾過，不過佢地又好鬼忙…怎麼辦？

唯一開心的係今日的Lunch Time約咗「西門爸爸」…今餐仲有Kevin、Rebecca、William、Simon、Mandy、Serena、Anson、Kenneth和加納豆…呵呵！成餐飯都好開心，簡單上可以用個【嘈】字去形容…而因為有「西門爸爸」、無「賤精」，所以我可以好享受咁食我的午餐，嘻嘻！都唔明點解佢地次次都要整我一獲…

返到公司，又要接受阿姐的問題了！唉！我咪又係果句：「呢樣我去Check…」真無奈！後來GM好Low B咁走出來睇下我個位見唔見到佢個電腦Mon的野，行來行去、左搞右搞。終於調教到某一個方向我係睇唔到的時候就好開心咁走返出來話比我知…真係唔知話佢過份緊張丫、定係話佢的Security好！？後來我終於忍唔住講咗句：「咪玩啦！我要睇的話都要企高先睇到啦！而呢個咁大的動作你唔好話比我知你見唔到？」結果佢好滿意自己個舉動的款走返入去佢間房！

我終於完完全全Get到加納豆果句說話：「職位越高的人係越貪玩和玩得開心的…」

Yeah！時間剛剛好…收工啦！

>>August 23, 2005 at 9:31:45 AM GMT+8

2005 年 8 月 21 日 星期日 【晴】

今日有D衝動想請Sick Leave，不過想起阿姐今日返來…唉！唯有好唔願意咁離開我最愛的床…唔知係咪昨天淋咗下呢！有D傷風…今晚都係早D找周公子先（如果得的話…）

難得阿姐成朝都無叫我，鬼咩！佢自己都忙到飛起啦！不過也因為咁的原因，搞到Finance果邊追佢交Report時轉移目標追我…咪玩啦！我答得出都係坤你ka啦！到Lunch Time時本來和Nikita、Ben和Jackie去食『蕉葉』的，不過臨出發之前阿姐佢地去『美心閣』開飯，結果我嗱嗱臨Call佢地轉地方…仲好快咁借埋張Discount Card，呵呵！都覺得自己好勁丫！

因為幫阿姐Book Table的關係，搞到我遲咗落去，結果用最快的速度行樓梯Join返佢地，最搞笑係一落到地下就見到成班SDR的人，哈哈！因為佢地果邊有新人到，全部人去食Welcome Lunch（點解我果時無的？>.<）照例又比佢地寸咗幾句啦！嘻嘻！下午的工作仍然係比Finance追Payment、追Report，仲係Email+電話果隻…唉！真救命丫！

本來打算會早D找周公子的，不過最後掛住同「肥仔倫」ICQ…都搞到成2點先訓…（糟糕！真係傷風…）

>>August 23, 2005 at 2:59:02 AM GMT+8

2005 年 8 月 20 日 星期六 【颱風】

昨天落左成日雨，仲要係唔細果隻，所以今日個活動會取消的機會都好低，雖則外面的雨仍然未停，只係和昨天相比無咁大而已…

11點幾就起身換衫，因為約咗詠詩佢地1點在彩虹巴士站等…左搞右搞去到時無遲無早、Timing非常好…哈哈！之後就一行10個人向西貢出發…因為時間尚早，我們先去光顧完『滿記』才上山去聖心堂…

雖然天雨路滑，但上山的行程依然無改…唉！無辦法啦！唯有豁出來lor…上山、涉水過海和泥漿都要去，由3點行到差不多7點先返到Camp Site…接著就正式我們今日的主題【開彌撒】，而呢個Mass會同身在Germany的世青同時間開始…基本上成個Function就算有無Umbrella都無乜分別！最辛苦的係要著住對夾雜泥水的波鞋走來走去…

在西貢的Function完晒返就出返觀塘都成十點幾，結果齊齊搵地方開飯…有個人帶咗我地去大排檔食『打冷』…9個人叫咗11碟餸。哈哈！勁丫！仲要係每人平均＄50有找…

返到屋企第一件事就除底對鞋，評語：「極臭…」嗱嗱臨洗完白白、頭都懶得吹就去找周公子了，畢竟仲要返工…

>>August 23, 2005 at 2:40:25 AM GMT+8

2005 年 8 月 18 日 星期四 【颱風】

轉眼間一星期又過了！輕鬆埋今日就又要處於一個On-call的工作環境…老實講，我本屬於INF個Headcount，但實際做得最多野的係ITS…連「佐治」都忍無可忍講咗句【將我轉返過ITS的Headcount】唉！

下午的時間過得比較快，因為有好多野都要趁阿姐未返來前搞掂佢…終於挨到收工，不過今日同ITD的同事去『六鼎記』食Dinner，所以同大圍一齊走。點知臨出發前先發覺Server房仲有人做緊野，結果Rex、Cathy、Kenneth、Simon、Derek、B、Alfred、Michael、Patrick行先，而Jackie就陪我等埋Jan和Nikita先一齊去…哈哈！因為今日我和Jackie都比較忙，所以就趁呢段時間傾吓計…到差不多6點九先走…

香港這個星期的天氣都唔係咁好，日日都落雨，仲係越落越大、唔外出都唔倒水果隻，唉！搞到個人都唔係咁想走出街…今晚Total有15個人（計埋Rex和Simon的女朋友），相比上次，今次個氣氛比較冷清，可能小咗個Toby搞氣氛卦…食到10點幾就各自四散，返到屋企嗱嗱臨整埋D手尾就去找周公子，因為真係好眼訓…

>>August 20, 2005 at 7:08:26 AM GMT+8

2005 年 8 月 17 日 星期三 【颱風】

享受埋呢2日寧靜的辦公室生活，下個星期開始又要接受阿姐D突如其來的挑戰…唉！真係十萬個無奈，如果唔係因為時間穩定…我想我或許會放棄！

Lunch Time搭Shuttle Bus返公司時見到「西門爸爸」，可惜佢上唔到車。原來佢今天同「佐治」食飯，唉！仲有一個星期他和我不再是同事了，不單止是他…仲有一個新朋友。雖則兩個人和我工作的地方都不是太遠，但始終都唔係在同一間公司，我想是覺得無咁方便！不過從另一個角度去想，如果佢地在新的地方係開心D、順利D的話，咁你都唔會叫佢地留下來吧！

好耐都未試過準時收工了，因為今日要趕返屯門剪頭髮，所以要用最快的速度過返機場搭E33返去…好彩上到24K我係第2個，而且之前果個又差不多剪完，所以唔洗等咁耐。8點幾就同Lover和阿康去珊瑚堡開飯，後來仲有阿睿…食飽飽佢地2個Twins就去睇戲，而我呢對Shine就逛咗一陣先去食甜品，哈哈！我地兩個真係除咗食之外無咩做…

返到屋企、洗埋白白都成2點…唉！明天仲要返工…苦！

>>August 20, 2005 at 4:02:07 AM GMT+8

2005 年 8 月 16 日 星期二 【綿綿細雨】

今天開始要收拾心情乖乖咁做公司的野，若不…阿姐回來就有排煩…唔知點解無晒舊年果種衝勁，或許是因為今年返去做太順利、太容易得到…又或許因為那一種的失落和空虛感，呢種感覺是我最唔想得到和感到的東西…

當以為一切安定下來的時候，總會有很多突然其來的消息令我無所識從，不論是人或工作，都讓我無法找到那份安定的心。當然…「爸爸」的離職無疑令我對這個地方有一種不滿和憤慨感，但對於我呢D草根階層的人又可以做到D咩？雖則這裡沒有明爭、但總有暗鬥，而幸好在這個Moment上我仍有機會生存在這場遊戲上平平安安地過我的日子。唉！想不到昔日的三個月不足以等於我今年一個月的生活…

無論將來是怎樣，希望我這個新認識的朋友開開心心、工作順利吧！

>>August 17, 2005 at 1:31:27 PM GMT+8