2005 年 9 月 7 日 星期三 【微雨】

返埋明天就可以放假了，呵呵！接近中秋，有好多Vendor都送咗好多月餅來…不過阿姐話下個星期五等佢地上完Training先比開喎！苦…

不過呢邊無得食，我仲有「佐治」和Rebecca，哈哈！結果今日開咗送比「佐治」的生果籃和SDR的月餅，嘻嘻！Terry見到都懶得理我，嗚！SDR果邊真係多D野食的…下午都係用咗1/3的時間做野、用咗1/3的時間食野和用咗1/3的時間見周公子…係咪好勁呢！

因為阿哥要入Disneyland做野，所以我和「同事」就一齊坐順風車回府…哈哈！阿哥仲楂咗架車去Disneyland行咗一轉，雖則未入過去，不過就真係唔係好大…而且現在都只有3個唔穩定的Game，都係搵日得閒無聊又有人陪的情況下先入去玩…

>>September 8, 2005 at 3:27:03 PM GMT+8

2005 年 9 月 5 日 星期一 【晴】

無寫幾日日記，都唔係好記得發生過D咩事了！呵呵！不過算吧啦！反正來來去去都係果幾味，無乜特別、兼心情去理！

Lunch同SDR＋SDO去富東酒家食飯，因為Kenneth帶埋他2歲的小女兒一起出來…呵呵！所以我好面皮厚咁跟埋一齊出去…人物有：Rebecca、Mandy、Timmy、Steve、William、Florence、Gaius、Anson、Nikita、Serena、Kenneth一家3口、賤精和加納豆，哈哈！真係好耐都無咁樣同埋佢地一齊食飯啦！感覺好似返咗去年的時候，老實講…我還是比較喜歡SDR＋SDO的工作環境！Kenneth的小女兒「瑤瑤」好可愛，成日攞住「Mo仔」同我地講條尾有幾得意，哈哈！佢地話「瑤瑤」的動作和我差不多，哼！咪又想話我白痴…呢D叫童真！

放咗工就先返屋企等阿康電話，因為佢好義氣咁去幫我個同學仔整PC、換火牛…好衰長沙灣間【綠野仙"龰j摺咗，所以我唯有帶佢去食【米線】。嘻嘻！我都好耐無去果度食了…唔知點解覺得碗野有D辣的感覺，都無乜胃口再食落去…近來都要控制返D食量先，撐大咗個胃就麻煩了！

『展翔』打算星期去碧波暢泳，老實講就真係唔多想去…不過見到Lover佢咁想都費事掃佢興，不過唔理你地點，總之唔可以唔比我睡覺（這是類在巴塞隆納說的）哈哈！

>>September 8, 2005 at 3:10:23 PM GMT+8

2005 年 9 月 4 日 星期日 【晴】

昨晚返到屋企，整埋D野都差不多2點先訓…好累丫！人大咗、體力都無以前咁好了！呵呵！話雖如此，街都係照樣出的，哈哈！趁仲行得、走得，點都要好好咁利用埋佢先…

晨早返工，阿姐又問埋D我知識範圍以外的事了，好彩問咁多條我都識答一條，哈哈！有進步的…食完Lunch就返公司又整吓D電話費單、打吓電話問野咁就到放工了！

今日搭廠車返屯門同阿康、阿婷和正式壽星仔食飯。想不到會見到Jackie，哈哈！果然成個空爺Look喎，最搞笑係佢D隨身用品都係今日先Pass比佢地就比我撞正…如果唔係因為我旁邊坐咗人一定要好好咁訪問吓佢有咩感覺先！不過真係睇唔出原來佢咁關心我公司的事務（一個字『八』）…

返到市中心稻香都成7點半多D，因為在青山公路塞車，仲係唔知塞咩果隻…但好彩最遲果個都唔係我，哈哈！4個人叫咗個4人Set…D菜都幾好食！唔錯唔錯…Hea到10點幾就叫壽星仔送阿婷回家，而我就自己出返九龍…

明明應該無乜野要Handle，但每次躂落張床都已經2點幾…唉！要想一想辦法先…

To壽星仔：每個人總會希望自己找到一份自己喜歡的工作，但有時機會和際與的事都是我們控制範圍之外，或許這條路需要比其他人走得更長、更遠，但並不代表你沒有這個機會…加油吧！Happy Birthday！！！

>>September 6, 2005 at 3:29:47 AM GMT+8

2005 年 9 月 3 日 星期六 【晴】

昨天狂訓…都唔知自己有無訓夠15個鐘，因為都係訓吓又醒吓、搞吓又訓吓…但因為今日約咗展翔食Lunch，所以就算今朝有幾唔想起身都要起的…返到屯門都成12點了！

本來今日打算同鄒姐飲茶慶祝本月5號的壽星仔的，不過因為她要開會，所以阿康、熊貓、壽星仔和我就去咗椰林閣開飯…唔知係咪呢個Birthday Week食得太勁呢？個人好滯、個胃又唔係咁舒服…最搞笑係壽星仔點了一個【巨形牛柳餐】，哈哈！想不到佢在USA居然仲未食到怕…

吹到2點幾水就閃人，點知落大雨…好彩我和熊貓都有Umbrella，畢竟都係一把單人的Umbrella，所以相比之下壽星仔係濕身過我的，真係唔好意思啦！後來因為我約咗人6點在MK未夠鐘，就難為了熊貓陪我在市中心磨到5點…初打算同壽星仔傾吓計的，不過佢話有些做…所以都係下次先同佢好好咁傾吓計啦！我同熊貓又走咗去扭蛋，哈哈！今天見到部新機關係火車的玩具，我好好彩一扭就中咗我想要果架火車頭…後來隻熊貓比我加鹽加醋之下佢又扭咗幾隻，不過全都係車頭，呵呵！都唔知係咪之前果對男女扭晒D車卡…

出到MK好準時咁去到MTR等她們，到6點半就同Be和卿卿去搵地方落腳…想咗好多地方，結果都係猜拳去決定…Be代表K界、卿代表日本、我代表PizzaHut界…點知由PizzaHut界大比數3比0勝出，哈哈！我地真係好無聊丫…

等埋伊婷都差不多8點先開始食，無見咁耐我們都係有咁多的話題，唯一唔同的係由學生的生活轉變到談論工作上的求生之道…傾到差不多10點就埋單在MK逛街，由睇手提電話到卡車公仔的飾物…到11點幾就散水了，因為明天仲要返工…

>>September 5, 2005 at 7:19:49 AM GMT+8

2005 年 9 月 1 日 星期四 【晴】

出咗幾天街，而且晚晚都咁【早】先找我最愛的周公子，搞到今日成7點半先起身。唔洗問就梗係遲到啦！哈哈！所以我都話今年返工的態度係非常之求期…

今日的工作並不是太多，而且因為嚴重的睡眠不足，所以成朝都處於一個神遊太空的狀態。Lunch同埋ITD佢地出咗去機場的味千拉麵開飯，食飽飽就同Penny佢返去先，因為其他人要去買野…在Shuttle Bus見到Nikita、Gaius、Ben… 原來Nikita佢入禁區就係為咗補返份生日禮物比我丫！呵呵！多謝丫！至於阿Ben係因為佢要入HIAS做野先見到佢，哈哈！在車上同阿Ben狂講衰野…

下午的生活仍是在一個渴睡的狀態，難得今日阿姐無招見我…哈哈！可能佢開始後悔請咗我返去做，畢竟佢叫我做D野我都係唔識做的…所以最後都係要難為Shirley和Cathy…

本來今晚同D朋友繼續我的Birthday Week，不過真係頂唔順啦！嗱嗱臨整理埋D野就坐車過機場搭E車回家，哈哈！因為貪E車可以小睡片刻…

返到屋企就收到SCOPE寄過來的Time Table，今次大獲…1830去到金鐘上堂，唉！真係要想一想辦法先，如果唔係實遲大到…

『補返張龍貓的相先…呢隻龍貓頭係可以打開放野入去的，哈哈！所以個樣怪咗D…仲有就係史迪杯丫！』


>>September 2, 2005 at 5:12:36 PM GMT+8

2005 年 8 月 31 日 星期三 【晴】

Happy Birthday to ME…Happy Birthday to ME…Happy Birthday to ME…Happy Birthday to ME…祝自己牛一快樂丫！今年是我第2年在KA過生日了，唉！很懷念在去年的時候有『西門爸爸』和我一起切蛋糕…

不過『西門爸爸』都有打電話同我講生日快樂丫！哈哈！我仲好樣衰咁認唔到佢把磁性的聲音，嘻嘻！呢份禮物係用＄都買唔到的，嗚…好掛住佢丫！至於今日點慶祝…嘻嘻！Lunch打算自己出去機場買雞包食的，因為ITI佢地今日有Vendor請食飯…後來在電梯見到ITS，所以就同埋佢地一齊在Canteen開飯…可能因為我係度啦！佢地今日的話題都講得好暗語，擺明就唔想比我知…哼！雖然都估到D，不過就始終都唔肯定啦！到下午比人發覺咗我是今日的壽星，結果就約咗15號食Lunch，順便慶祝埋另外2個9月之星（Penny and Alfred）…「女朋友」帶咗生日禮物比我丫！一部MP3和一隻龍貓公仔，呢隻野個頭可以打開放D野入去的，哈哈！真係好鬼鍾意佢個樣咁蠢…（MP3阿哥都有份夾＄的）

收工啦！今次都係唔搭廠車搭MTR，哈哈！安全D嘛！去到太子剛好7點，就Join咗阿康行咗一陣先入去「和花亭」坐低等埋Lover和阿睿，呢間野都幾好食，至於價錢我就唔知啦！呵呵！因為今餐唔係我埋單…之後就行去旺角等埋一個收工收9點的人就一齊出車去深井食「發記甜品」…嘻嘻！（辛苦您啦！）突然覺得阿睿今日因為遲到而架車返工的結果都幾好，去邊度都方便D…

唔知點解都係覺得呢間「發記甜品」比銅鑼灣果間好食D，呵呵！大家都討論香港Disneyland，因為阿睿之前已經入咗去玩嘛！最鍾意佢突然爆果句：「對於白雪公主果度就真係 – 遠睇跨啦啦、近睇吹喇叭。」哈哈！笑死我們了…

到最後因為個個第2天都要返工，所以11點幾就散水了。他們本來打算載埋我返去的，不過點知當想上車果刻就有52X，呵呵！所以我都好體諒佢地唔洗載我回家了…唉！差不多成2點幾先找周公子，有D衝動想請假…不過都係想吓好啦！呵呵！

再次多謝今日出＄出精神陪我過生日的兄弟和情人…多謝…多謝各位來賓…

今年的收獲好豐富丫...



>>September 2, 2005 at 8:25:14 AM GMT+8

2005 年 8 月 30 日 星期二 【晴】

仲有一日就又大一歲了，基本上人越大，對生日呢D日子都無乜話特別的感覺…反正時間仍是一分一秒地走、日子仍是一天一天地過…

下午同Dennis、Chris、Fiona、Gaius、Andy、Frances佢地一齊出去Rouge Restaurant和Clemence食Farewell Lunch…見到Clemence就想返起去年這個時候我仍在『西門爸爸』的保護吓在公司搞搞陣，而且去年身份唔同，加上又咩都唔識…感覺無咁大壓力，但今年始終都係被點名回去，唔想做得唔好、唔想再浪費時間去適應現在的工作…不過事實終歸事實，有很多工作真係無從入手。他們無責備並不代表他們無意見，只是別人給你多一個額外的機會，所以…唉！我都唔識講…

好辛苦咁終於挨到放工，就打電話比穎風睇吓佢同小英在那兒啦！哈哈！小英很好人咁讓返穎風比我，嘻嘻！初時本來約咗在旺角等，後來我上咗廠車佢地先打電話比我改去銅鑼灣，咁唯有去到旺角再轉返MTR啦！更樣衰係的行咗個大大圈先找到MTR站…

去到銅鑼灣就同穎風去我們最喜歡的【綠野】開飯，自從小英回來HK放暑假，我們都很久沒好好的聊天了！不過你放心喎，我唔會介意的，只要你心中有一個專屬的位置留給我就OK的…嘻嘻！食飽飽就在附近行咗一陣，哈哈！仲帶咗我去扭蛋，今次又因為我手多多的關係比我扭多隻蛋…呵呵！不經不覺我夾夾埋埋都扭咗成百蚊的玩具蛋…

今年穎風送給我的禮物我真的真的很喜歡，由其係本Schedule Book，哈哈！因為入面寫咗D只有我們明白的句子，哈哈！仲有不可不提就是子霖的生日蛋糕丫！嘻嘻！如果個蛋糕係小可整就好啦！因為小可識整可樂味蛋糕的…Yeah！



>>September 1, 2005 at 7:29:19 AM GMT+8

2005 年 8 月 29 日 星期一 【綿綿細雨】

昨夜同『新朋友』聊天到2點先去找周公子（哈哈！近來都無乜點陪過佢~𢡟K）所以今朝都磨咗好耐先起身，點知出師不利…突然落大雨，就算有Umbrella都無乜分別…唉！早知帶對波鞋啦！

難得阿姐出咗Outport簽Contract下午先返，就光明正大咁同Nikita去Canteen食返個靚早餐先…點咗個腸蛋米，後來見到『加納豆』互寸咗幾句啦！返到公司就見到『新朋友』online…呢個人簡直唔尊重睡眠的重要性，有得比佢訓佢都唔訓，難為有人想訓無得訓…氣死我了/>.<\...都唔知呢個人係咪有【過度活躍症】…

臨收工時，GM又走出來吹水…後來仲在𨋢口見到佢~𢡟I唉！避無可避啦！佢咪又問我做成點之類的野啦！哈哈！結果我又耍咗佢幾句…點知佢突然問我咁對D人有咩意見…嘩！咪玩啦！點答丫…唔知係咪因為『新朋友』的事傳到佢耳邊呢？不過今非昔比，我的答案有答同無答都係無乜分別…嘻嘻！如果殺人係無罪的話，那他一定當場把我幹掉！哈哈！

PS：今日阿哥和卿卿的牛一，哈哈！生日快樂丫！扮晒野的阿哥要對女朋友好D丫…而卿卿就梗係要越來越愛我啦！Yeah！

>>August 30, 2005 at 5:00:14 PM GMT+8

2005 年 8 月 28 日 星期日 【晴】

由今日開始要學習自己去決定問題、去找出答案是怎麼樣？唔可以再有D咩就打3733了…除咗3733…還有『新朋友』，佢都算係我咁多個朋友中對睡眠無乜要求的人…哈哈！

講返今日…都幾唔開心！咪又係阿姐，唉！其實我真係明白佢講咩的，但當我話返比佢知時又唔係佢心目中所想，結果佢聽都無再聽我講就叫Shirley…唉！真係非常無奈，她除了要做自己野之餘仲要顧埋我…都咪話唔苦！返咗成個月啦！唔可以咁依賴的…

人越大，要兼顧的事很多，有時都唔知點去講…就算講咗出來對方又唔明白的話，咁講出來又有咩意思？倒不如乜都唔講…

夜晚同全家去咗「飛行會」食飯，慶祝我和阿哥生日…哈哈！老實講，真係唔知可以食D乜，來來去去都係果幾味…不過「飛行會」最好食的都莫過於佢D麵包…其他的就…

>>August 30, 2005 at 2:45:23 PM GMT+8

2005 年 8 月 26 日 星期五 【晴】

十點幾就醒咗，起身睇咗半個小時的卡通影片就又走返上床繼續和我最愛的周公子大戰…不過到12點幾就比個無良阿哥吵醒咗，結果忍無可忍起身X咗佢一獲就又走返上床…如是者訓吓又醒吓、訓吓再醒吓的情況吓直到2點…

到3點幾先開始搵野食醫肚，點知發覺成廳都係鞋油…真係【士多啤梨蘋果橙】，唔洗問又係我個無良阿哥的傑作啦！成日在家擦鞋擦到成地都係，今次仲有萬能膠~𢡟K@#$%^&*&^%$#@#%&…趁阿娘未打道回府就嗱嗱臨搵野搞返好佢，不過到最後都係比阿娘發現咗！所以呢個咁沉重的任務就交返比阿娘做，而我就換衫落街會Lover…哈哈！搞到遲咗半個鐘…整完我地的野就同佢去睇開倉，哈哈！晨早同佢講話無乜野睇的，又唔信我…

之後就返屋企攞包包出尖咀的Fat Angelo食飯，其實本來唔出的…因為佢地都無打電話比我，後來唯有打電話再問多Brandon一次先知道正確地點…唉！呢餐飯係Farewell Clemence和Tom…點知去到除咗見到Dennis、Brandon一家、Fiona、Andy、Chris、Gaius之外，仲有Cindy和Francis…呵呵！嚇咗一跳~𢡟I今日都唔係食咗好多野，嘻嘻！因為掛住同Boris仔玩，佢個樣真係好呆丫！食完10點左右就散水，而我就走咗去HMV浦一浦先打道回府…

PS：原來今日Tessi都有同佢地去唱K丫！哼！過份丫！居然叫咗Tessi都唔話比我知…氣死我了…

>>August 27, 2005 at 5:46:46 PM GMT+8