2005 年 10 月 6 日 星期四 【晴】

由於呢個星期Rebecca仍是放假中，所以變相我就係成個IM唯一一個AO，結果呢個星期不單止可以用充實去形容之外，仲可以用一個「忙字」，加上由這個星期開始我又要接受兩年的讀書生涯…苦~~~

開始發覺現在已不是【日記】，而是變咗做【週記】

回正題：因為每朝都要為GM準備Coffee，所以都不得不「準時」上班，而且夜晚又要趕去金鐘返學，更不得不「準時」下班追廠車。公司的事都不長談了，只是將上個星期扮野大賽的Movie比咗D人睇，呵呵！佢地都話我咁大擔寸GM…

至於返學就真係非常之趕，因為由公司去到金鐘剛剛1830，飛快咁走去統一上堂，事隔一年，又可以同小虫做同學，嘻嘻！如果唔係有佢陪埋我一齊上堂，我實無心機兼又走堂的…

上咗2科的堂都已經心裡有數，起碼已經知道12月要趕交各科的Assignment啦！

7/10：做咗一件要用非常之大的勇氣先可以做的事，就係去找牙醫”Mok”牙…而果隻仲係打橫咗的智慧齒（都算小手術），唉！如果唔係因為隻牙咁近神經線的話可能會好D的，我的天啊！
臨受刑之前同阿娘去食飽飽先，畢竟整完之後都唔洗指意有啖好食…12點幾就上去，不過何醫生今日有好多症，所以都等到12點半先打麻醉針…成個小手術用了1個小時18分鐘，搞到何醫生都無得放Lunch~𢡟I有咩感覺？咪就係有口難言lor。

搞完牙就打道回府補眠，一眠就眠到9點…好彩醒目咁用毛巾隔住訓，唔知係咪因為咬住舊紗布訓呢？起身先知道流咗D血水出來，哈哈！嚇死阿哥~𢡟A佢唔知我今日去整牙…

唉！最衰明天D堂走唔到，如果唔係真係想走咗佢就算！嗚！唔開心丫！又腫又痛又食唔到野…
PS：如果各位想睇30/9在公司玩扮野大賽的相，可以登入以下的網址

http://photobucket.com/albums/b341/annang/

>>October 7, 2005 at 2:57:33 PM GMT+8

2005 年 10 月 1 日 星期六 【晴】

唔經唔覺都有成6日無寫過日記，嘻嘻！無辦法啦！返學前夕嘛，仲有好多野都未準備好（其實係懶…）。趁現在D Manager開會中就一次過打返呢幾日有咩大事、小事、無事的發生先…

29/9：放病假！哈哈…本來打算Only請上午返北區覆診的，不過個新電話無Alarm，搞到一訓就訓到10點（我約咗睇1030），結果就馬上打電話比阿娘叫佢搵人走後門幫我登記咗先，然後用超快的速度換衫、搭MTR、轉KCR再轉巴士，時間用咗1個小時又18分鐘就到咗（好勁！）。睇完醫生都成點幾，返到公司都無用，所以就決定去學校和銀行果邊搞埋D手續…

30/9：今日係黃諾B的3歲生日，不過早幾日表姐佢地已經同佢食咗飯慶祝了。而且本帥哥今日已經約穎風和阿豬入四洲美食展找舅父，呵呵！本來打算搭廠車過海的，不過因為個『扮野大賽』Overrun咗，所以最後搭順風車去尖沙咀再自己坐船過灣仔…

講開『扮野大賽』，等我同大家解釋吓啦！事原係因為今日是公益金便服日，「阿公」（我們的GM）就話不如搵D野玩，結果經過一輪討論之後就決定玩『扮野大賽』（係佢地自己Manager討論）…每個Department都要揀一種行業去扮。老實說丫！我地IT呢邊都無乜人想玩，不過上頭落咗Order唔到你Say NO！

基本上今日都無乜工作氣氛，SDO果邊的同事成朝就準備他們的服裝…到Lunch時就同埋Shirley出咗東涌買零食For一陣4點鐘的Event（都唔明點解居然叫成個Division最細粒果兩個去入貨）。終於到4點鐘啦！要換衫的換衫，唔洗換果D就落去Dinning Room等開Show…「阿公」見到我就不停咁問我扮D咩，而我就玩野咁話我扮病人，點知佢就話如果我係病人的話佢就做醫生（OMG！）咪玩啦！嚇到我走返上Office，順便捉埋其他人落嚟…

哈哈！SDO的同事就扮12生肖，最搞笑的都係「加納豆」，佢牛高馬大扮『水母』…SDR就買咗件黃色的T-Shirt，在T-Shirt後面畫咗佢地在公司工作的心情，都幾靚的。而我地呢邊的INF就扮醫生，哈哈！Toby好勁咁問人借咗8件中學生做Lab果D袍，仲買咗D扮醫生的小朋友玩具…「阿公」見到我咁的樣就話佢唔做球證要做我的病人，而我就口快快咁講：「我係精神科的醫生，你係咪想做我的病人丫！」哈哈！「阿公」都敢寸…到最後ITS就無扮到D咩，佢地主要都係著返Sport Wear…最搞笑係阿姐著咗件球衫，叫人估吓係邊個球隊，經過一輪胡說之後都係由「阿公」估中 – 祖雲達斯…而因為阿Chris中間講錯野的關係比「阿公」出黃牌，勁搞笑！唔洗問勝出的當然係SDO的同事啦！而最傑出扮野獎就係『水母加納豆』先生，哈哈！實至名歸！

最無聊的都係我用部相機拍Movie訪問「阿公」，包括開Show前和完Show後，中間都好無心咁寸咗佢幾句，嘻嘻！身邊的同事都不禁替我擔心丫！因為「阿公」曾經對住我黑臉咗2秒咁多…但可惜反應遲鈍的我在果個Moment一D都Feel唔到…

完晒Show整埋D手尾就搭Kenneth的順風車過尖沙咀再坐船過灣仔Join穎風和阿豬…入到會展都成7點半了，同舅父打咗句招呼就去睇吓有無咩平野、特別的零食。怪不得舅父話無乜著數啦！D價錢同街外的無乜分別，所以我都無乜點買過野，反而阿豬就好似入貨咁掃。臨走前就再去找舅父攞我最愛的芝士腸，之後我以為舅父帶我去Cashier比＄，原來佢係搭人入去過機就攡埋我地D戰利品帶著我地3個閃人。哈哈！早知有得『攞』我就入「大碗麵」啦！今次簡直益咗隻豬丫！

『攞』完貨就去「老地方」開飯，唔知係咪轉咗人呢？今次D野飲淡味咗好多！12點前就回府，畢竟都幾累…唯一的意外咪就係唔知幾時跌咗粒Hand Free的海綿，唉！都唔知有無得配返隻？！

PS：後來先知道原來舅父以為果幾袋野係我，所以就搭人去過機。哈哈！真係唔好意思啦！

1/10：本來同展翔一齊去三星灣曝曬的，不過因為我太累的關係都係無入到去，而且個人已經夠黑了…就係因為咁所以益咗「女朋友」，佢今日要搬部Notebook出來比阿哥整，但阿哥又唔係屋企…所以變樣就要我等佢門咁。中間老點咗佢搭車，呵呵！真係Sorry啦！之後就同埋阿哥3個人一齊過銅鑼灣換電話，嘻嘻！因為舊電好似比我搞壞咗！

明明之前打電話去問有無得換電話，個CS話可以咁我先過去，點知過到去果度D人又話無得換，加上天氣又咁熱，個人都躁D咪嘈咗佢一獲，到最後佢地都比我換。哈哈！近來真係躁咗好多…換完電話就搵地方開飯，然後行過炮台果邊睇煙花…

2/10：因為又換咗電話的關係，所以昨晚又要重新Set返D野…等埋佢Charge足電就出門返屯門，哈哈！又趕唔切望Mass，同埋阿康佢地去「千葉」開飯，我就上去延續我2年前未完成的小提琴課程了…嘻嘻！無拉咁耐，今次真係辛苦晒你啦（師傅）！

拉完琴就過去馬鞍山同阿婆食飯，本來打算去海港的，不過原來今日擺酒，所以無位…搵咗好多地方之後等到維園餐廳開飯，唔知係咪阿娑佢地肚餓呢？不停咁食…哈哈！食完飯我就自己回府先，因為阿娘要等舅父返來開大會…

>>October 4, 2005 at 4:16:27 AM GMT+8

2005 年 9 月 27 日 星期二 【晴】

減肥計劃徹底失敗啦！由返工食到收工，仲係明知自己感冒都唔介口...巧克力、芒果布甸、童星點心麵通通都放晒入口，看來又係要搞到喉嚨痛到飛起食都食唔落果隻先會收口。

因為呢排有幾個同事都去Leisure Travel，而我次次都好順口咁叫佢地買Black chocolate回來比我，連埋自己買咗的巧克力，搞到成枱都好似巧克力專門店咁。所以就把所有的Chocolate開晒放入食物盒內，哈哈！因為D巧克力香味好勁，怕惹埋D小昆蟲，而為免自己食咁多，就周圍咁派比人食，不過唔知點解佢地個個人第一件攞的都唔係巧克力，而係我放埋在同一個盒的童星點心麵，哼！成日都話我食埋D小朋友零食，到最後你地咪又係起勢咁攞蟑飽K

>>September 29, 2005 at 8:48:03 AM GMT+8

2005 年 9 月 25 日 星期日 【乍寒還暖】

同預計的情況一樣，今日返工由朝打呵欠打到收工都仲未打完，好似吸咗毒咁！最大獲的係新部Nokia居然無重響個Alarm，起身果時都已經差不多8點，用非快的速度換衫出門，乜都唔搞了。

慶幸阿姐今日放假，所以返到公司放底咗D野就落Canteen食返個靚早餐先…然後就做埋D唔係AO要做的野【用包書膠包書】…雖則係得果三本書，但我都可以包咗個幾鐘，可想言之我有幾得閒兼雅致…

放工之後本來想搭巴士的，不過『女朋友』話不如坐返MTR早D回府訓仲好啦！同佢傾咗半個鐘就已經無咗2格電，有D擔心唔知係咪第一次Charge電Charge咗半個鐘多D就關咗佢的關係，搞到舊電以為自己已經Charge足咗，唉！算吧啦！大不了攞返去Nokia專門店整。

返到屋企阿哥就好賤咁叫我比張128MMC『女朋友』用，如果唔係就沒收返佢送比我果部MP3機，真係$%^&&*^%#，有無搞錯丫！咁都得…不知所謂，平時又唔見佢對『女朋友』咁好…真係有病ka佢…你係有心就送部MP3比『女朋友』囉！好熨丫！

>>September 27, 2005 at 9:06:33 AM GMT+8

2005 年 9 月 24 日 星期六 【驟雨】

訓咗幾個鐘就離開我張床裝身出門去姨媽家迎接今日的主角（二表哥和二表嫂），但可惜有個不請而來的3號風球襲港，仲係移動速度很慢果隻，看來表哥今次真係『打風都打唔甩』…

好衰唔衰一落到樓下過了第一條馬路就落大雨，無奈地要在橋底避雨，但最後都係無乜分別，因為真係大風兼大雨，企咗成15分鐘都無停過，成身濕晒…所以最後就同阿娘豁出去咁閃人，畢竟都係濕晒了。去到姨媽家樓下就剛撞到表哥佢地，哈哈！恭喜咗兩句就嗱嗱臨上去先…

BB著咗條淺綠色的花女裙走來走去無時停，最後唯有用食物利誘佢跟我入房坐定定，但為時只不過能保持十多分鐘而已…到12點幾就開始同埋D兄弟姊妹分批落街食Lunch，呢隻BB叫佢跟埋我地落去時突然發脾氣打人，3歲就打人，最後咪又比人鬧…

食飽飽我就同埋阿娘、阿姨和舅母搭MTR過紅綿道的婚姻註冊處，今日成日都Keep住落雨，所以個個都幾狼狽。儀式由1415開始、到1445完成，姨媽終於「鬆一口氣、替佢高興」。老實講丫！計埋今次我只不過是見過二表嫂兩次而已，哈哈！但感覺佢都算幾Nice的…哈哈！在香港公園映完相之後我就同阿娘決定回府沖返個涼先再去酒店，返正咁早過到去都無乜野做！

7點鐘左右就去到酒店，估唔到親戚係最早到果批…至於BB？聽阿哥講佢好似由到達酒店果刻開始都無停過咁走來走去，成日都叫人捉佢…阿哥都比佢玩到殘。到入席前阿哥、銘豪和我3個走咗出去Sony Shop睇吓有咩新的PSP Game玩。哈哈！無辦法啦！留係酒店真係好悶丫…

我估大約開咗40圍左右啦！而我地呢班表弟妹就好有義氣咁做咗攝石人四散咁坐，呢咁的時候係要比人出賣吓的…哈哈！好彩二表哥都對我和阿哥都不錯，比我同BB坐埋同一台。講真丫！相比阿Jan果次的婚宴我地就真係無乜氣氛，如果唔係我地呢班兄弟和表姊妹搞搞陣的話，我想今日佢地的心態都係only來For Dinner而已…

BB真係好硬頸，話極都唔聽，到最後比我同阿哥話佢…佢個衰妹仲好寸咁忍住D眼淚死都唔比佢流出來咁的樣，現在想起都幾搞笑！

躂落床都已經成3點了，如果唔係因為星期四請咗假的話，真係有D衝動放假的，反正喉嚨痛兼流鼻水…

>>September 26, 2005 at 9:08:03 AM GMT+8

2005 年 9 月 23 日 星期五 【乍寒還暖】

我幾時都話子霖好錫「自己的女朋友」，咁難攞的門票都比佢攞到，真係唔到我唔服丫！不過阿邦呢個電燈泡又好似發光發亮咗D喎，哈哈！如果我都一齊去埋的話或許你都有D吸引力的…

可能「別人的女朋友」怕我唔開心，所以今日就算佢幾累都好都出來陪我一個下午（其實我真係無野喎），我們去返『老地方』食Tea…呢間野對我們來說真係食極都唔悶的。食飽飽就去One2Free出電話，哈哈！因為Sony部電話開始打柴了，趁仲未洩得太多就放返出去幫補吓先！我發覺我買野都買得幾快，去到就咁叫佢攞部Nokia的6230i出來，到最後都係揀咗代表穎風的白色，哈哈！試咗D簡單野就比＄走人，我都唔明自己為什麼次次買野都咁【那西】…

「別人的女朋友」陪埋我過埋鑽石山先走，如果唔係因為今晚要上姨媽家準備表哥結婚D野，我估我地倆個大把野講，Only講佢同子霖D野都可以講足3日啦！

上到姨媽家先知道自己係最早果個，所以就同BB玩，呢個八妹仔越大越坐唔定，乜都搞、又固執兼臭脾氣，仲要不停咁在你耳邊講野喎！結果我忍不住問咗佢一句：「你講咁耐你唔累咩？」

等齊人就落街食Dinner，然後就返上姨媽家準備「上頭」、「拜神」和其他關於結婚的事務，其實在我的角度如果唔係因為姨媽整湯圓的關係，我都唔會走過來，哈哈！最抵死都係主角（我二表哥）的態度，好似咩都無所謂咁，今次真係『皇帝唔急太監急』，佢最緊張的都莫過於「韋斯咸」果場Ball…

事前功夫終於搞掂晒，回到府整埋自己明天要做的野之後都成3點幾了，唉！今日已經無訓到15個鐘了，都唔知星期一點返工…今次真係比足晒面你啦！二表哥…

>>September 29, 2005 at 8:45:38 AM GMT+8

2005 年 9 月 22 日 星期四 【晴】

等咗成個星期就是等今日的來臨（Why？），嘻嘻！因為今日Vanness和Jerry都會來HK，仲係在我的Lunch Hour左右的時間到步，結果搞到今日不在狀態咁，居然自己走去撞埋塊玻璃門，好在Nikita收手收得快，如果唔係就真係掛彩了。

到Lunch啦！自己一個人去咗Popeye食雞飽，因為Nikita和「安生哥」入禁區食，順便睇吓有無機會幫我映到佢地。食飽飽就好慢條斯理咁去B閘睇吓等唔等到佢地出來，點知好好彩咁等咗一陣就見到Vanness著到成個白衣人咁在一群黑色制服的Secure Star之中走出來（咁揚，離遠都見到啦！）而我呢D懶人就梗係無一齊迫啦（駁炒咩！）遠望都已經滿足…最後等埋Nikita佢地出來就返公司了。

後來穎風打電話來話比我知原來Jerry在12點半已經出咗閘，但可惜上唔到最早果班車過機場，因此就Miss咗見Jerry的機會，去到的時候佢剛上咗車走咗！幫唔到「別人的女朋友」映相！但老實丫，我的目標都係Vanness的，哈哈！

PS：「別人的女朋友」班到張門票了，哈哈！好勁丫你！不過我都係唔去啦！嘻嘻！免得有「人」唔鍾意，而且呢個「人」最想見的又唔係我，無謂比人貼紅字條啦！嘻嘻！記住同子霖玩得開心D丫...

>>September 26, 2005 at 4:10:49 AM GMT+8

2005 年 9 月 21 日 星期三 【晴】

去年的九月，每天回到公司都會好自然咁同自己講「仲有X日就走」！那一刻的我根本無想過會再有機會回這個部門和他們繼續工作，誰想到一年後的我真的可以回到這個部門延續我昔日的工作…世事難料！

成個星期都唔知自己真真正正做咗幾多野、做過幾多野？眼看身邊的同事都好忙的樣子，不禁地左想右想是否有很多事情其實是自己還未去做？結果又把一份份重到可壓扁我的文件重新睇多次，搞到佢地又以為我好多野做乜都無Pass比我，唉！真無奈…

不過臨收工前終於有公事上的野做啦！因為George明天放假，所以比我狂追返晒佢欠我果D文件…6點9先收得工，去到東涌Nikita打電話比我原來佢地今日去打Golf連「西門爸爸」都有一齊去丫！哼！又唔早D話比我知，不過算啦！反正下星期都約咗佢食Lunch。

哈哈！收到個好消息，我今年又同「小虫」做同學啦！好Yeah！估唔到佢會走去問Admin果邊申請調Group，好勁丫你！愛死你…

>>September 23, 2005 at 3:56:31 AM GMT+8

2005 年 9 月 20 日 星期二 【晴】

近來在公司都唔知自己做過D乜，渾渾噩噩咁等放Lunch，然後等收工，有下場就去下場，無就回府補眠。我想這種無聊的日子很快就會完了，因為本帥哥10月就開學了，到時唔病都一身殘…

Lunch拉埋阿Ben和Patrick一齊出去食，都唔明點解佢地可以日日都留在公司的飯堂的。4個人咪又係講某D高層的管理手法有幾【成功】、有幾值得被【讚揚】…唉！有時衰D咁唸，最好快D將D負面的消息傳到去『阿公』耳邊，然後由『阿公』操刀重新整頓過，咁就最好啦！不過Work唔Work又係另一回事，總之現在個勢咪就係睇吓邊個的忍耐力高D和演技好D囉！

PS：今日係伊婷生日，又大一歲啦！既然找到自己的興趣就努力向目標進發…加油、加油、Fighting！

>>September 22, 2005 at 2:47:17 AM GMT+8

2005 年 9 月 19 日 星期一 【晴】

放咗3日假，大部份的時間都係訓、訓和繼續訓，所以照理上應該好精神的，不過…到11點幾又被周公子呼喚，老實講…今朝應該好多野做的，不過就想來想去都唔知要做D咩！結果才會比周公子有機可乘。

等咗成朝終於放Lunch啦！今日同GM（Terry）、Department Head（Stephen、Kevin、Ko、Christine）and Assistant Manager（Yan、Cindy、Dennis、George）一齊食（加納豆因為要上Training所以唔去），而我同Rebecca就搭枱咁跟埋去，嘻嘻！反正有人比＄。我地今次出咗去東涌一間叫『Mood Restaurant』的西餐廳，環境都唔錯，但價錢就真係貴到飛起（＄60一個set lunch），＄20一件壽司…都唔知係咪釀咗金！而味道都算好味，不過D份量對於一個男子就真係唔係好夠了。食到2點就坐返車回公司，因為今日有11個人出去食飯，所以Terry今日要Kevin楂車返工（我就梗係跟Kevin車啦！）哈哈！車油和停車場費仲貴過坐「廠車」…

下午返到公司都無乜心機做野，結果心血來潮就Check吓阿邦和子霖的Flight Booking，Yeah！搞掂…嚴格上佢地今次的Arrival Time and Departure Time都算做夾到我的Lunch Hour的，但世事的野往往都無咁完美的，所以都係『隨緣』吧！（「別人的女朋友」唔好罵我丫！畢竟在機場有咁多線眼，我好難做野的！）

同『兄弟』傾咗好多野，乜都講。總之都係果句啦！人的眼睛為什麼會長在前方？是因為上天希望人能夠向前看，或許當回頭看的時候你會發覺如果當初我選擇堅持食「紅蘋果」而放棄嘗試食「青蘋果」的話，結果就不會跟現在一樣。但從另一個角度去看，或許「青蘋果」不是你心中所想，但並不代表你沒有任何得著，你賺到的係一種新的經驗，人當到某一個階段的時候就要變通，唔嘗試過又點知結果是怎樣呢？沒錯…或許走路比會別人長，但有很多事情都需要真真正正去感受過、體驗過才知道答案是什麼！我不敢保證你走那一條路是最正確，但我敢保證無論你揀邊條路都好，你還有我們在後面做你的Support。所以倘若不嘗試踏出第一步的話，你永不知道你眼前的路到底是什麼？

>>September 21, 2005 at 7:12:50 AM GMT+8