2010 年 12 月 26 日 星期日 【乍雨乍晴】

夠啦！你地應該感慶幸我為何仲可以生存到今時今日…

夠啦！你做咁多野到最後只不過是別人眼中的垃圾…「尊重」呢兩個字人地唔會比你，而你都唔洗指意係人地身上得到…

夠啦！你仍然堅持的一份希望只換來一切的失望…

>>December 27, 2010 at 2:05:52 PM GMT+8

2010 年 12 月 21 日 星期二 【晴】

我無興趣理你地D恩恩怨怨、瓜瓜葛葛...你地的事唔該你地自己搞掂佢，搞唔掂就唔好咁多意見！

我無咁既能力再去理到你地咁多野！

我亦都無咁既興趣去理你地咁多野！

你地要生就行埋一邊、要死就唔好阻頭阻世！

對住你地已經係一個包袱。

係咪要有一個人離開才可以平平靜靜？

>>December 22, 2010 at 11:14:45 AM GMT+8

2010 年 12 月 20 日 星期一 【晴】

就算肯行多步，結果都是一樣！

就算用另一個身分去做，結果都是不被尊重！

一次又一次的期待，其實又為左什麼？

是執著？或是不捨？


或許「工作」是唯一可避開問題的地方！一切一切的問題都係。。。

你地的「問題」唔該你地自己解決，次次都唔同的版本！你地想我點。。。

>>December 22, 2010 at 11:12:38 AM GMT+8

2010 年 12 月 10 日 星期五 【晴】

每日收工都有種虛脫的感覺，公司每日都處於一個打仗的狀態，雖然請左個人，不過因為太Green，所以佢每做完一樣野都要幫佢跟多次，結果用的時間多咗，每日都要等到6點後各大人收工才開始我的工作，每晚八、九、十點已經係例行公事…

以為以前跟開Manager應該問題不大，不過可以都有一段很長、很長的日子無應酬過D Manager，當要跟Manger時真係有D唔慣，而且而家的身份又係一個秘書、又係一個AA…Manager的野一定要馬上做，因為佢係一個性急的人！但平時我做開AA果D野又唔少，新人有時就太醒咁去做野，但最後D野入錯晒…所以有時係度想，自己做埋佢可能無咁多問題…

不過咁樣的生活都好，起碼唔會有太多的時間胡思亂想，雖然問題一直都圍繞著！但其實自己好清楚有D野要重新去習慣…

>>December 10, 2010 at 4:27:42 PM GMT+8

2010 年 11 月 25 日 星期四 【晴】

真係好諷刺，原來係自己一相情願去想、原來係自己係度擔心！既然係咁，何必要自討苦吃？！反正每個人對生活的要求都不同，既然人地享受生活，你又何必多事！

你要記住，無論你背後做咗D乜野、做咗幾多野，人地都唔會覺得係咩一回事，反而只會覺得你多此一舉、甚至係『早知今日；何必當初』…

當初的承諾已是過去，回憶也只會是傷痛…只能說無論是以前或是現在，都不應該相信「承諾」

>>November 26, 2010 at 3:32:30 AM GMT+8

2010 年 9 月 30 日 星期四 【晴】

頂住…點都要頂住，一喊咗就代表你認輸…無論點都要頂住…

因為你自己好清楚你真係拎個「Heart」出來，佢根本無資格講你「無Heart」…既然佢係咁認為，咁不如就做個「爛泥」比佢睇…

>>October 2, 2010 at 6:29:52 PM GMT+8

2010 年 9 月 20 日 星期一 【颱風】

好倦…呢個星期正式落site坐，但上星期一整傷咗隻腳所以之後果四日都無返到工，本來醫生話如果我想佢可以寫埋呢個星期的假紙比我休息，但已經四日都無返到工，加上又落Site…再唔返，D野都唔知會積到幾多同幾高，而且仲要自己執返好D野…所以都係決定星期一啟市！

雖然有個護腳托，就算自己點減少行路都係避唔到，加上唔知係咪戴個腳托戴得耐，今日隻腳已經無乜力同痛，所以下午的時候會除咗個腳托等隻腳鬆一鬆先再戴返，不過可能佢又腫過，所以當再戴個腳托會比之前更痛…

唉！都唔知點，天氣又唔好！每日龜速咁由九龍站行返Site公司都要用15-20分鐘，所以返到公司坐係個位度真係有D虛脫…

唔知係咪因為隻腳的關係令到夜晚訓得唔係咁好，有時轉身唔為意會好易又扭到傷果個位置，結果又紮醒郁一郁隻腳先再訓…真係人都癲！

>>September 21, 2010 at 4:34:37 PM GMT+8

2010 年 8 月 29 日 星期日 【酷熱】

未試過打開個Words唔識得打自己想打的字出來…

每日放工返到屋企只想靜一靜，但總會有個人不停咁係你耳邊講東講西，連政治都可以講一餐…唔想返屋企又唔知可以係條街度行幾耐同去邊度，感覺就好似無一個可以容納自己的地方…幸好呢排公司的工作忙到嘔電，朝九晚八的生活好似已經成為一個習慣，再過多幾個鐘就可以乜都唔理咁返去搵周公子…一日復一日！

假日有時間就返下Meeting，又係一個找不到容納自己的地方，所以每次都會問自己是否有個必要回去的理由…如無必要就會留在家喪瞓，總之乜都唔想去理、唔想去唸…完全唔知自己想點！但又唔想同人講自己有咩唔開心，因為自己都講唔出；唔想將自己的負能量傳到比任何人，因為呢樣係自己的問題…

從小就知道一個「家」可以很美滿，但同時都可以很失敗，所以凡事只能靠自己，因為只有自己才不會離棄自己。也許是一切的希望、祈望、盼望都換來一次又一次的失望、無望、絕望…當彼此都覺得自己為對方付出很多而得不到自己期望的回報，會質疑自己的付出是否值得？會反覆地問自己的需要是什麼？希望對方可以為自己做些什麼？一切一切的問題，到最後又有幾多人可以一起解決…

>>August 30, 2010 at 2:22:42 PM GMT+8

2010 年 8 月 3 日 星期二 【晴】

今日同公司同事食飯時，其中有個同事分享咗一個男女之間的辦公室故事…

從前有一對情人，相識於一間公司，剛開始的時候兩人都屬於同一個部門，後來兩人都升職了，後此的職位一樣、下屬一樣，只是兩人都分別管理不同的事務…自此兩人之間的分歧一日比一日嚴重，男朋友覺得女朋友只愛跟他講公事，而女朋友覺得男朋友不關心她工作時遇到的困難…日子一天一天地過，兩人之間的話題從而一天比一天的少、兩人以情人的身份見面就更加少…

某天在公司內部會議，女朋友提出了一些意見希望下屬可以注意和命令，但男朋友很快就否決，並當著所有人面前叫各位不需要理會，而女朋友當時的選擇是…無言，因為她知道在「公」…那一個Project由男朋友負責，外人的意見只屬於參考成份…但在「私」…她完全覺得男朋友一點面子也不給她！而最後女朋友選擇不參與這個Project的任何arrangement…

女朋友負責的項目部門都會比男朋友得到較多優惠，而男朋友每次見面、講電話都會同女朋友：「去邊都好，你都係免費！」雖然女朋友多次表達過不滿，但男朋友總會嬉皮笑臉地不斷重複、又重複地說…
﹝無語﹞

又在某天…

女朋友問男朋友：「你覺得我今日襯呢個衣著夾唔夾？」
男朋友好快就答：「著係你身上，點襯都唔會夾！」
﹝再一次無語﹞

女朋友再問男朋友：「你覺得我新剪的髮型好看嗎？」
男朋友好快就答：「鏟青最好睇！」
﹝又再一次無語﹞

某天兩人外出..

男朋友說：「好想同屋企人去澳門」
女朋友問：「幾時」
男朋友說：「可能x月的星期x」
女朋友答：「好丫！不過果日係平日」﹝女朋友心中盤旋著那段時間可否請假陪他﹞
男朋友說：「無所謂，反正都無打算預你！」
﹝仍再一次無語﹞

女朋友近來要趕工作，做了一整天，本來已經累透想回家休息，而男朋友剛好放大假又在附近，女朋友結果選擇打電話回家留R，陪埋男朋友食飯才趕回去…但因為男朋友約咗剪頭髮，女朋友本來打算找個餐廳坐下等男朋友，可惜大家都決定不了食什麼，女朋友決定叫男朋友先去剪頭髮，而自己行了一間又一間的餐廳，最終選擇等埋男朋友才一起決定…兜兜轉轉終於找到了一間餐廳………


本來都相安無事，但男朋友無意間踩了女朋友一腳，女朋友覺得男朋友應該道歉，但男朋友說：「是你自己將對腳放在我鞋底比我踩，與我無關！」
﹝第N次的無語﹞

餐湯終於來了，兩人都肚子餓了，分別享受著眼前的餐湯…女朋友突然放了一棵羅宋湯的蔬菜在男朋友的忌簾湯裡以報之前被踩一腳之仇，但男朋友腳用不滿的語氣責怪女朋友破壞了他的忌簾湯的味道…

此刻…女朋友想二話不說放下錢離開，但最後都決定留下來繼續食埋呢餐「晚」餐，因為她期盼著男朋友會為剛才的態度道歉。只可惜當男朋友用不滿的語氣問：「你唔係發脾氣丫？」的時候，女朋友就知道男朋友根本就不覺得自己有任何的錯。所以女朋友默默地把打這餐「晚」飯食完、結帳、回家…

當行到地鐵站兩人要分道揚鑣的時候，男朋友一句不滿的bye bye，然後頭也回就走到他要去的月台，這一刻…女朋友最後的一絲希望、期望、盼望都變得不重要了，因為她知道這一刻她心淡了；因為她知道就算自己有多在乎這個人，彼此都不能回到最初的甜蜜…

聽完呢個故事，我在想…兩個人是否真明白對方的需要是什麼？彼此希望對方帶給自己的東西又是什麼？雖然彼此都很在乎對方、珍惜對方，但對方真得收到這個信息嗎？

或許男朋友是一個什麼都可以講得清清楚楚的人，但對於不壇於用「口」去表達自己的人，把所有的事都要當面「說」…是最好的溝通方法嗎？

或許女朋友需要的係一個可以支持她的人，女孩子總希望聽到的是讚美的說話多於被彈的說話，雖然男朋友對於女朋友的想法意見有意見，但是否需要那麼直接就「否決」呢？

這可能真是男子同女子看事情的觀點和角度不同吧！

>>August 5, 2010 at 11:53:15 PM GMT+8

2010 年 7 月 31 日 星期六 【晴】

呢幾個月都發生咗好多不同的事，有開心、有唔開心；有無奈、有生氣；有失望、有委屈…雖然每一天的生活都不會有太大的改變，但人總會不知不覺對處事的方法和態度都會有所改變，尤其係我呢D無乜安全感兼負能量極高的人。

唔知幾時開始我幾享受「靜」的生活，就算之前同老婆佢哋去睇五月天的演唱會，全場High透，我最多都只會係企起身而不會手舞足動…可能人大咗！已經不再有當年第一次睇四子時的衝動！

又或許係屋企有個無人同佢講野的阿娘，每當你回到家想靜一靜的時候，她都會不停咁同你講一大埋你無興趣聽的野，就連安安靜靜睇段新聞，她都會同你講埋政治，如果你叫佢安靜的時候，佢又會發晒脾氣話返你『…而家又唔係同你講，成日自己係間屋，係咪講句野都唔得？』總之家家有本難唸的經…而且我的耐性和脾性都是不好…

有很多時都會想，當兩個人走在兩條線上，或許這是平衡線、或許這是交叉線、甚至這是Y型線，每條線所發生的一切和結果都不會一樣…而當你很在乎一個人的時候，你會好在著意佢的一舉一動、一言一語…開心的時候，你會過得時間轉眼間就過。唔開心的時候，你總會覺得每分每秒都很難過！我不會為唔開心而哭、但我會因為受了委屈而流淚…當我以為我可以得到別人的認同時，原來一切都是假象。既然自己的堅持換來別人的無視，那我何必再自討苦吃？

每當我們抱怨對方總不能從自己的角度去想的時候，其實自己又何時從對方的立場想過？你比的，是否佢所需、所想？然而日子耐咗，不滿、抱怨、無奈、放棄的想法都會浮現，當初所有的開心、快樂、享受、堅持都會一一消失或忘記！早前在書展買咗本書，其中一句是：「當你用了幾多時間去愛一個人，你就需要用最少用相同的時間去忘記這一個人。」當然每一個案例都唔同，最終係點…都只會是當時人最清楚！

>>August 1, 2010 at 4:32:04 PM GMT+8