2005 年 11 月 6 日 星期日 【晴】

昨晚同穎風ICQ到成3點幾先訓，今朝起身的時候真的有點衝動Report Sick Leave，9點前返到公司（我的Office Hour係由0830開始的…呵呵）…左搞右搞整埋D手尾就落Canteen買早餐…

之後成朝就不停咁對返D Payment Bill，唉！都唔明阿姐想什麼，要經過3輪人的Checking先肯簽名，搞到Finance成日打電話來問我到底D Payment Slip幾時transfer比佢地，仲收到無數的Reminding / Warning的Payment advise…唉…

Lunch同埋George、Michael、Alfred、Nikita出去食飯，臨時咁決定去食「居酒屋」，哈哈！唔知係咪我同Nikita講得多我地兩個窮，阿George話今餐佢做萬歲喎，不過唔好啦！前前後後都食咗佢唔少了，留返下次先啦！

食飽飽返到公司就睇咗幾張Slide，之前睇過果D都已經流走晒了…再係咁今次的Examination就真係凍過水了，用了三分之一的精神去做公司的事務、然後用了三分之一的豬腦去睇Slide、再用埋果三分之一的閒情同Lover講電話，哈哈！

夜晚上堂無乜心機~𢡟A結果好衰格咁上上吓堂走咗去Great行咗個轉，等個人集中D精神先再返上去，不過都係差無幾。唉！唔可以再係咁的，唔可以衰比佢地睇的…

>>November 7, 2005 at 2:30:48 PM GMT+8

2005 年 11 月 5 日 星期六 【晴】

晨早流流收到一個非常之驚喜的消息（其實都唔算早的，都已經成3點幾），本來仲在張床上的我不得不起床打電話問一問到底事情是否屬實。不過無論點都好啦！在我的角度都係希望你能開開心心和健康就足夠。

今日都無乜特別，整天都不停咁訓、訓同訓，起咗身食咗D野，睇咗阿康借比我套『荒失失奇兵』，之後又走咗入房再訓，唔知點解一躂上床就好自然會訓。

食完飯打算睇Fab 5，不過唔知點解做Model大賽，所以就轉台睇Laputa，哈哈！雖然睇咗無數咁多次，連對白都識背，但就是點都要繼續去睇…

近來個腦有好多野唸，情緒唔係好穩定，越來越唔係好了解自己…公司有公司的一個樣、屋企有屋企的一個樣、對朋友又有對朋友的一個樣，到底那一個才是真真正正的自己？連我也不知道…好想去專心完成一些事，無奈有太多的因素讓你不得不重新考慮或放棄這一步。其實有時候真的想自己自私一點、狠心一點，這樣就不會有那麼多的顧慮…

>>November 6, 2005 at 6:55:46 PM GMT+8

2005 年 11 月 4 日 星期五 【晴】

昨晚訓得都唔知叫好定唔好，成晚都好似仲身處在「猛龍」的戲入面，D槍聲、畫面、劇情都不斷咁浮現出來，咁當然仲包括型到爆的「黃信豪」啦！睇吓佢幾時佢出VCD先…呵呵！

很夠都未試過直訓到2點了，雖則昨晚都成2點幾先訓。匆匆咁換衫、攞Notice就出門返學。返到金鐘遲咗半個鐘，而阿Sir今次居然好準時上堂，少有喎！不過返到去都係處於一個未訓飽的情況下半上堂、半發呆的狀態。

上完堂就留咗在Centre傾一傾我地完全未傾過的Project，連Draft都未交，更何況是Proposal。傾完之後就同小虫搭「叮叮」去銅鑼灣陪佢買野，經過一間叫Simply Bread的麵包店買咗佢地推介的肉鬆包，個包有沙律醬的，都幾好味…行到差不多7點就散水，因為我同佢都好累，呵呵！可能我地兩個都好耐無「郁」過卦，而且見到條街咁多人都唔想再行…

返到屋企打算繼續補眠的，不過見到電視做吳奇隆就打消了見周公子的念頭，哈哈！近來好花心~𢡟I

>>November 6, 2005 at 8:43:08 AM GMT+8

2005 年 11 月 3 日 星期四 【晴】

又到星期5了，初時的Planning是同埋阿德返學校攞袍and入場卷。不過因為阿康話佢又抽到免費的飛 - 「猛龍」，咁就唯有要放棄阿德，仲好唔要面咁搶咗阿康其中一張飛去睇，哈哈！多謝你比我搶丫…

因為D時間好趕，所以一收工就馬上攞袋閃人。首先要返SBI攞野先，以為好快，點知都要成7點先到，結果要好好好趕咁在7點半前去到旺角…一出MTR就跑去「新寶戲院」就見到阿康成個化石咁等我。Sorry丫！入到戲院D正位都比人坐晒了，所以唯有坐下面最旁邊的位啦！

一開場就聽到Vanness把聲，哈哈！內容我唔多講啦！因為「有人」未睇，免得比人話我講晒D劇情出來。總之相比「少年阿虎」，Vanness真的又進步了，在呢套戲簡直可以用『型、英、帥、靚、正』去形容丫，尤其係佢戴金框眼鏡的Look，真係好鬼鐘意佢呢個造型。至於之前關於他來HK宣傳時在Poster旁寫的「左手神槍」…他是沒有寫錯的，套戲係用呢4隻字去形容佢的…

另一樣最開心的係呢套戲其中某D部份原來借用了青衣的SBI，哈哈！突然覺得自己是SBI的學生好有滿足感，每天踏過的腳步也許當天Vanness也曾經走過的（自我淘醉中…）

完場後導演【李仁港】來了同我們討論了一會，仲大讚Vanness相比阿虎的時候進步了很多，是一個積極和很拚的年青人，而且最搞笑的係他原來本身有很多對白是用國語的，不過後來發覺他講英文仲流暢過國語，加上他的角色是做國際刑警，所以用英文去講都不成問題。導演仲話因為拍完阿虎的關係，令他好enjoy同年青人合作，所以今次再同他們合作。（有觀眾仲讚Vanness做得好…）導演仲推介最後果場戲Vanness和Michael對打的戲，雖則對方都是有經驗的演員，但Vanness拍埋去一點也不差，完全無失色。。。聽到之後真係開心死…

睇完戲就打電話比「別人的女朋友」，因為佢在旁邊的Neway City同Cheaper慶祝生日，佢仲攞咗隻「猛龍的製作特輯」的VCD比我丫！哈哈！本來打算請阿康食甜品的，不過唔係多人就係無位坐，所以結果各自回家…欠你一餐丫阿康，嘻嘻！

第一次覺得唔洗食都飽的感覺，哈哈！仲以為自己會挨唔到肚餓一散場就搵野食，點知返到屋企都無搵到野食丫！自己都覺得奇！



>>November 5, 2005 at 6:44:29 PM GMT+8

2005 年 11 月 2 日 星期三 【晴】

今日是我們INF的Gathering Dinner，他們原先打算收工後一齊去打Golf，然後去尖沙咀的潮樓開飯，不過因為我想在公司搵吓有咩資料做功課，所以就無Join佢地去打Golf。

不過到最後為咗搞阿姐D野都搞到成7點，搞埋D手尾就要急急咁出返尖咀，臨去食飯前走咗去「龍城」買野。好彩Nikita打電話問我在那裡，那時我才知道我去錯地方，所以又由尖東行返去北京道一號…

今日食Dinner的人有George、Rex、Toby、Jan、Patrick、Michael、Niktia and Me八個人，呢間野都OK好食…叫咗個8個餐都食晒。唔知係咪因為個個都肚餓呢？所以都好快咁就清晒D野食，到最後咪又比佢地屈一餐，好彩都3個人分…而且到最後Michael話佢出2份，因為佢賺的＄多過我地wo…哈哈！所以我只不過是夾咗＄200…

食完正餐就去食Haagen Dazs，由阿George做萬歲…而我就同Nikita就好唔客氣咁叫咗個有6個雪糕球的脆筒，都要成＄78的…不過D雪糕就梗係細D啦！本來想試吓個鐵版雪糕的，不過因為好難分…所以都係自己叫自己的。

大家食到差不多12點就散水，畢竟第2日仲要返工…返到屋企搞埋D相都成3點幾先去找周公子。這個星期每天都平均見佢4-5個鐘都咪話唔辛苦。



>>November 5, 2005 at 6:46:00 PM GMT+8

2005 年 10 月 31 日 星期一 【晴】

究竟我在這間公司算是一個什麼的員工？
私人秘書？任勞任怨？私人助理？隨傳隨到？尋物專家？搵波鞋、搵運動衫、搵水杯蓋…

唉！點解會搞成咁？

>>November 1, 2005 at 5:40:01 PM GMT+8

2005 年 10 月 29 日 星期六 【晴】

後補日記正式開始……


晨咁早就比吵醒，原因是因為今日要去PTS撐阿哥場，佢今日在Air-Cadet攞XXX的銀獎章（哈哈！佢講過好多次但我都係唔記得…算吧啦！）食咗D野等埋「女朋友」就由老豆楂車出發，呢個阿娘都唔知佢想點。咁「女朋友」遲來咗我都無辦法的，唔通你打電話去罵人咩。而且老豆楂緊車你就唔好咁多野講啦！行錯路咪行錯lor，你起勢咁又老脾都幫唔到手的，成日都話我，你自己咪又係成日鬧人。唉！果然係『女人』…

2點幾就入到PTS，行去搵位的時候就見到阿哥，哈哈！結果坐到個正位，不過就矖到嘔！畢竟都係在Open Area…今次終於見到PTS最出名的『三條痕』，這個就是D準警察在操場不斷練步操出來的景象，勁丫！

3點鐘個Parade就開始，經過一輪檢閱之後就正式頒獎了。真係唔好話我呢個妹無人性，不過佢就真係好【羞家】，人地頒完獎比佢，咁佢就會操返入後台，點知佢操得太大動作，個勳章『哼』一聲就趺咗落地，係呢個Moment我覺得係非常之樣衰，所以當個Parade完咗之後我和「女朋友」都無馬上走去同阿哥映相，反而走咗去食茶點，免得比人發覺佢係我阿哥…

等D人散緊D之後先同阿哥映咗幾張相，臨走前見到做警信的Leo，所以我就和「女朋友」一齊走咗去映相，哈哈！不過話時話，佢的人品據閒都好極有限，唔知係咪因為是警察，所以都幾「寸」。而呢個係公聚場合，佢都要顧及自己的形象，呵呵！所以『有求必應』啦！





>>November 5, 2005 at 6:48:57 PM GMT+8

2005 年 10 月 27 日 星期四 【晴】

Yeah！又到Happy Friday啦！呢個星期都唔知自己做過D乜，日日都好似渾渾噩噩咁，返工、返學、返屋企，有街出街、無街回家，都唔知幾時先唔洗過D咁的生活。

Lunch同埋ITS的人去天廚食飯當同Derek食Farewell餐，佢班人真係當細姐死的樣，亂講野！唉！怪不得咁多User投訴啦！如果我係一個管理層的話，一定唔會比佢地咁樣…不過無辦法啦！總之攞咗個學位之後先睇吓個環境才決定下一步是怎樣…

難得6點成個ITD都無晒人，因為連平日會留在公司的人都因為要去阿姐搞的唱K活動而閃晒，我就因為要等埋「同事」一齊過海才留在公司，咁都好！順便搵吓有咩資料係可以做到Assignment先。其實無人的公司雖然有D恐怖，不過就令個人可以專心D咁做吓野…

夜晚約咗Lover在金鐘食元氣，我同佢都好耐無去食啦！我想呢間係唯一一間唔洗點等位的元氣，唔知點降感覺上無咩特別的想食，所以我地2個都食得好慢咁。之後就一齊行過去IFC當散步，走咗入CitySuper搞搞陣就一齊搭MTR，途中見到張柏芝和她的外國男朋友，張柏芝真係非常之瘦，嚇死人果隻，而佢的男朋友就非常之高…

>>October 29, 2005 at 6:11:15 PM GMT+8

2005 年 10 月 26 日 星期三 【晴】

呢2日返工除咗搞阿姐星期5的活動之外都無乜點做過野，唯一學咗的係計OT Record的Summary，都不知幾耐無計過數，而家突然要我計返數都幾慘，左計右計之後，最後都係要找Rebecca求救…

Lunch突然比INF的同事拉埋我同GM食飯，真係嚇鬼死。成餐飯唔係講公事就講打Golf，我咪又係扮晒好專心、心中好想訓的樣子，如果唔係同GM的話我晨早食完飯就閃返去補眠，因為真係好睏…結果成個下午不停咁釣魚，唉！

雖然今日個人都幾累，但難得約咗01601B/T的同學仔去唱K，點都要去的…一來大家都好耐無見、二來我都好耐無唱過K了。7點幾去到MK打電話比佢地，又係未有人到，都唔明點解次次最遠果D都係最快到的。我地01601B/T的Style簡直拍得住EM仔佢地啦！

在等緊佢地的時候見到穎風，哈哈！佢今日同埋阿Chris一齊行街，仲好傻咁見到我的時候已經用手指著我，不過我掛住同我D朋友仔講野見佢唔到。嘻嘻！今日見到阿Chris真係嚇一跳，因為佢整咗個「道明寺」的髮型丫！如果戴埋頭巾就真係exactly一樣丫！不過我都係喜歡佢之前的頭多D，型好多！都唔知穎風做過D乜搞到佢咁，哈哈！

差不多8點先去Neway City攞房，今日有卿卿、璇、伊婷、Nike and Bebe…個個都無乜點變，唯一係Nike自從做咗學校的工之後定咗好多，無以前咁成日周圍走成隻Monkey咁，而卿卿就更加Lady咗，呵呵！星期四唱K都幾抵，食埋野都係每人＄120，加上Nike撞到個friend可以比我地直唱通宵…如果唔係因為第2日要返工的話我地會直唱的…

玩到差不多12點就散水，始終明天都仲要返工…返到屋企整埋D野都成3點先找周公子，唉！D Assignment都仲未做過…

>>October 29, 2005 at 5:51:09 PM GMT+8

2005 年 10 月 25 日 星期二 【晴】

今日係Nikita生日，好彩之前已經在迪迪妮睇中咗入小禮物比佢，放咗在公司成個星期終於可以送比佢啦！唯一估唔到係佢昨天入咗迪迪妮玩，放咗D風聲比佢知，好彩到最後佢都無買到相同的東東…

今日無乜特別，Lunch就同埋壽星女、Gaius、William、神哥、Florence、Chris and Dennis去食日本野，臨出發之前INF先出個Email話慶祝壽星女牛一喎，哈哈！學人玩Surprise…結果咪唔理佢地照我們2個人的行程出發，都話明別人的大日子就梗係要晨早make appointment啦！

返到Office就開始問ITS的人去唔去星期五的唱K活動，唉！又要幫阿姐搞埋D同工作無關的事…其實搞呢D野唔係問題，問題係佢問咗好多好Low B的問題，要去玩、要去D高級的地方（銅鑼灣CEO）、但就唔想洗咁多＄…真係「士多啤梨蘋果橙」，自己咪成日出去食飯然後返來Claim公數咪唔想煩年尾無＄洗lor…

近來個人都唔知仲乜、又黑仔，今晚返學的時候去錯地方上堂，原來今日係返九龍塘，而我就過咗金鐘，如果唔係條虫打電話來我都唔知…而且架「廠車」的八達通機壞咗，搞到要找零＄，落到車就嗱嗱臨搭返MTR過九龍塘，好彩仲有學生價，如果唔係車＄仲貴…返到學校仲以前Miss咗好多張Slide，點知原來阿Sir都去錯地方，哈哈！而我只不過遲佢幾分鐘入課室…

>>October 29, 2005 at 4:59:19 PM GMT+8