2005 年 11 月 21 日 星期一 【晴】

因為隻「108野豬」上星期唔得閒上堂，所以就改咗今日補返，好財都係返又一城，唔洗咁趕…不過我依舊都係唔知自己要去邊度上堂，呵呵！好彩我有個好同學ja…

臨收工之前比「丹尼爾」跣咗獲，本帥哥已經好趕咁去追廠車，佢突然企在阿姐房門口話阿姐搵我，咁我咪行過去囉！點知佢就好大聲咁話：「無野啦！Bye Bye！」搞到阿姐馬上望我一眼、再望吓佢隻錶，頂！中晒招！雖則果時都差幾分鐘就1730，不過都唔係咁好嘛！總之好無聊啦佢！

後來搭搭吓車又收到佢的電話問我有沒有幫佢攞Cash去Duty Travel，我之前已經講咗好多次話新的Finance Policy係唔可以幫人攞的，結果係點我唔知啦！不過又唔知佢在阿姐面前又加鹽加醋加D乜，唉！激氣丫！

不過好似「神哥」佢地話都唔理得咁多啦！總之以後自己小心D囉！尤其係佢呢D陰險的小人…

講開「神哥」，今年返而同佢較熟絡，哈哈！真奇怪！去年很熟的人今年返而無乜兩句，但去年唔係咁熟的人就會成日聯絡（在公司用MSN）…有時覺得都唔知叫好定唔好。

好掛住「西門爸爸」…

>>November 25, 2005 at 3:13:42 AM GMT+8

2005 年 11 月 19 日 星期六 【晴】

阿娘呢排都唔知又發咩癲，一躂就「著」火…結果咪又係我糟糕，都唔明點解次次都在我面前借題發揮罵果2個男人，又唔當面對住佢地講…小姐…你對著我都無用㗎啦！反正你同我講完佢地都係唔知而繼續做的…

本來今日打算陪佢入GFS睇Open Day，點知佢原來同阿哥講咗唔入去睇。頂！早講嘛！我唔洗咁早起身啦！結果就唔理佢同埋「女朋友」一齊入去，由一至五都在機場，想不到連星期日都要入機場…不過對於喜歡飛機的我可以近距離睇住飛機起飛的話都無咩所謂的，哈哈！

去到東涌見到條巴士龍非常多人，真係估佢唔到會有咁多人入去的，排埋到搞埋D禁區證都成3點幾，略略咁打咗個圈就霸定個靚位睇Show…等咗成大半個鐘先睇到我地的目標－警犬表演…雖然短短的十幾分鐘，但都Feel到佢地D牙力都唔弱…

睇完Show就開始巡例咁同D直昇機映吓相，映埋飛機起飛的相和Movie，之後就見到我個無良阿哥，佢個Cheap精叫人入來但又唔理我和「女朋友」，最Cheap的係居然叫我地兩個自己搭返車出去和食自己，咪玩啦！係就早講嘛！真係有其母必有其子…

結果我就同「女朋友」搭返E車出去，行咗奧海城一陣就行去太子食「和花亭」，呢餐點都要問阿哥攞返＄先，所以我和「女朋友」都好唔客氣咁食…

食飽飽就打道回府，唉！真係好唔想返工…

>>November 24, 2005 at 3:32:59 PM GMT+8

2005 年 11 月 16 日 星期三 【颳風】

星期一至四在工作上都無乜特別，因為阿姐唔得閒的關係都無乜點理過我，所以我就乘機搵吓D資料去寫我份果3份仍未動工的Assignment，結果都係無乜收獲…

臨收工前開Internal Meeting，今次我都算醒㗎啦！等佢地開到咁上下先浦頭，點知去到佢地話一半都未講完，因為之前個個都講閒事，真係比佢地激死。好彩今日唔洗返學，不過就約咗D同學仔開會傾吓我地已經Delay咗很久的Proposal。搞到成8點幾先去到葵芳，以傾Project為名，其實係打邊爐為實。在差不多打完之後小虫才到，哈哈！唔知係咪因為我係無乜點叫肉類的食物，所以打完邊爐之後的湯底都係咁清，都咪話唔勁…

傾到十點幾就打道回府、各自修行…而我近來都呆呆滯滯，居然唔記得落車，好彩係MTR，所以搭返轉頭，如果唔係都唔知點…

>>November 22, 2005 at 5:36:17 PM GMT+8

2005 年 11 月 12 日 星期六 【陰】

又到後補日記的時候啦！哈哈！比人投訴話我一係就唔寫，一寫就寫幾日…呵呵！無辦法啦！鬼叫D Workload唔穩定咩！同埋我肯寫返都算唔話得㗎啦！之前就話可以光明正大在公司打，而家有人坐在後面，都唔想咁揚…

今日終於正正式式著起件畢業袍去映相，哈哈！唔知係咪因為係問人借，所以都唔心急去還，攞咗咁耐都無打算去約人映相。好彩今年是我們『展翔』的畢業年，所以今年都將會映得幾多畢業相，想一想…D主角好似仲係全女班喎！（唔計在外地畢業果個丫，呵呵！）

3點幾先入到UST，嘩！真係人山人海丫，首先在Library集合…之後就正式我們今日的主題–映相！今日都算齊人，呵呵！有阿康、子揚、曾生、孖聰、趙兄、OD＋男朋友、OD妹、鄒姐、阿婷、我和穎風…簡直人強馬壯啦！我地13個人好似有部相機，哈哈！唔理部機係邊個，總之手上有相機就會不停咁映，但求就手嘛！

基本上映映吓D人都會走散咗！好彩我有我的親愛的帶路，呵呵！羨慕死人！之後因為太熱了，所以我走咗上去佢的Hall搞搞陣先，而佢地就繼續映相…我呢個人咩都唔多，就係多朋友…隨時都有地方可以比我落腳，哈哈！問你怕未？

映到6點幾就要馬上收拾細軟，因為我地訂咗7點鐘台在旺角「恰吓恰吓」！分開3架車（1架私家＋2架的）浩浩蕩蕩去旺角出發…後來因為有4個人都有事所以無一齊食Dinner，個個都好似餓鬼咁一開Ball就不停咁叫、不停咁食和不停咁吹水，後來我先發現我和阿婷隻畢業龍貓和畢業Duck Duck都在曾生存私家車上，而本來放Duck Duck的紙袋變咗2紮細花（順帶一提，佢地買咗3紮花比我地3個畢業生）。咁咪唯有叫曾生楂返架車回來，因為佢約咗人唔同我地食Dinner，點知佢唔制，連銀包漏咗在我地個袋佢都寧願返屯門先攞…但我呢D已經係半個九龍人的就唯有勞煩阿康幫我攞明天返學時先攞返啦！

哈哈！Sorry丫！我真係唔知佢原來唔去食Dinner的，如果唔係我一定會抱返畢業仔仔在身的…

返到屋企都11點幾了，整埋D相左搞右搞都成3點先去找周公子，唉！仲要返工丫！

想睇相？去呢度啦！ http://spaces.msn.com/members/acyng/ 或 http://hk.photos.yahoo.com/ph/annangcy/my_photos









>>November 16, 2005 at 3:13:33 PM GMT+8

2005 年 11 月 11 日 星期五 【晴】

深深的愛一個人，那是很痛苦的事情，很痛苦很痛苦的事情，尤其是當他不懂得你愛的時候，尤其是被迫要分開的時候，你們懂不懂那個

昨日好狠心咁話唔幫老豆晨咁早過海攞文件，搞到佢今日搭咗幾舊水的的士＄去北角攞文件…其實都唔係唔幫，只不過我臨訓前唔記得留底張紙條比佢，到今寓當我打到電話問佢的時候佢話已經攞咗。結果我就繼續找我的周公子了…

不過都唔係訓得好耐，因為又要起身返學。唉！如果唔係為咗張證書…我才不會被困死晒D時間，想訓無得訓、想玩更加無得玩、想轉工？唔洗指意啦！

隻野豬呢排全用中文上堂，哈哈！可能佢都Sense到我們無人明佢講D咩，不過佢用唔用中文都好，都係講到非常之快…唸得佢第一句話就聽唔到第二句，所以我寫的Notes通常都係寫寫吓就無咗幾句咁…

好快咁就落堂，傾咗一陣的Project就散水，打電話比穎風打算攞公仔…仲以為佢難得回家Aunt唔會咁狠心留佢在家，點知…哈哈！結果就益咗我同埋佢一齊行街街。

成日困在荒島，所以我們就走咗落旺角的「牛牛」開飯，之後就睇吓呢排有咩新的臭迪公仔…無行咁耐又多咗好多新野，哈哈！行咗兆萬和潮流特區，後來穎風想起佢師傅仔可能會在潮流特區裡看鋪，所以我地就走咗上去`E吓先，點知果然無錯，咁就可以馬上放低兩袋野，然後就繼續行我地的街，哈哈！

行到咁上下就走咗去沙度娜食木槺布甸，感覺仍然都好似雪糕咁的咪，嘻嘻！順便走咗過隔離見吓「左手神槍」，都係果句『型丫』！食飽飽就返去找師傅仔吹咗一會水就攞野閃水，畢竟都11點幾，而我地兩個都累了。

第一次見佢師傅仔好搞笑，成日擺我上台暗寸佢，哈哈！其實係我個樣細咋，而且今日著咗條短褲仔，感覺咪好似仲細個咋！

>>November 12, 2005 at 6:39:47 PM GMT+8

2005 年 11 月 11 日 星期五 【晴】

零說：「人往往不如自己想的那麼堅強，看似堅強其實軟弱。但說他軟弱卻又堅強無比，無論哭得再傷心，該睡的時候還是會睡，肚子也會覺得餓。」

有人問：「如果你只有24小時的生命，你會怎樣過？」
我會說：「首先我仍然會睡足15個鐘頭，然後用1個鐘頭的時間安排我未來7個鐘頭的Schedule和找我需要找的人，之後用大約1-2個鐘頭的時間向一些我平時好討厭的人數佢不是，跟著會用2-3個鐘頭和我D朋友仔去食返餐豪華宴，最後我會跟我的知己們平靜地過著餘下的時間…」

>>November 11, 2005 at 4:43:15 PM GMT+8

2005 年 11 月 10 日 星期四 【晴】

呢個星期最主要的工作都莫過於在公司趕Assignment，眼見身邊的同事都忙得不可開交的樣子，個一刻都唔知該興幸自己無野做定係要保持一個很忙碌的樣子？

「阻住」話慶祝我和Nikita順利畢業，所以贊助了＄100給我們買野食，哈哈！本來每人＄100的，不過之前食咗佢咁多餐，所以就我和Nikita夾埋一齊。結果在Lunch和SDR佢地出去東涌食泰國餐的時候順便買咗D西餅返去，點知間美心無咩選擇，所以好求期咁就買咗九件，返到去先發覺買少咗~𢡟I結果我地兩個主角無得食，但我地就好衰仔咁將D尾數密謀買雪糕食，哈哈！



唔知幾時開始自己唔識喊~𢡟H在公司…環境上唔容許你喊；返到屋企…更加無必要比佢地知你想喊。日子久了，不期然會把喊這個衝動抑壓著，唯一可發洩的地方就是對著自己發脾氣。

唔知幾時開始自己鍾意困在一個寧靜的空間或地方，好討厭D人講電話好似攞住支Mic咁、好討厭D人開電視想比埋隔離屋聽咁、更討厭D人將自己受到的委屈發洩到其他人身上，講咗佢唔聽、聽完都做錯；錯咗又唔認；認咗又唔改。結果咪衰咗lor，不過他/她一句：「So what？」，你又奈佢咩何？

>>November 11, 2005 at 4:14:39 PM GMT+8

2005 年 11 月 9 日 星期三 【晴】

「這世界上有很多笨蛋，別人對他好，他反而會害怕（怕什麼？）怕...怕如果有一天你不再對他好了，他就會非常非常的難過，所以他就會故意說，我不想跟你作朋友」【海王子】

「人真奇怪？想忘掉心事，就跑來看海；飄在海上，卻反而老是朝著有心事的方向航行！ 」【佑爸】

「雖然我們不能常常見面，可是你可以彈吉他給雲和海聽，這樣我們就可以從雲跟海那邊得到你的消息！」【風】

「人生誰沒有遺憾？只要是個人，就難免有遺憾！沒有遺憾的人生，多無聊」【美雲姐】

「我們販賣的是希望。讓那些嚮往物超所值的希望．嚮往生活便利的希望．甚至嚮往美麗．嚮往愛情．嚮往幸福的希望……我們只是努力讓他們開始希望！」【風】

>>November 11, 2005 at 4:45:12 PM GMT+8

2005 年 11 月 8 日 星期二 【晴】

都唔知呢兩日在公司做過D咩，每天返工除了派吓信、Check吓E-mail和Filing吓之外，都唔知自己做過D咩工事上的野。因此就趁呢兩日搞咗3份assignments，唉！仲有2份大野連公司都未想好~𢡟I真煩惱…

Lunch留在Canteen食，食完之後因為時間尚早就出咗機場幫阿娘個Friend攞野，在HAS車見到「加納豆」…哈哈！如果唔係因為佢「郁來郁去」我都唔會理我旁邊的人做咩，畢竟那個Moment正在發呆中。兩個人拍埋一齊就會好嘈的，哈哈！連坐在後面的Victor都頂我地兩個唔順。後來我同「加納豆」講我今日會去九龍塘返學，佢就話叫我等埋佢一齊走，哈哈！少有喎！平時一定會叫我唔好跟住佢的…

成個下午不停咁打噴嚏，連眼淚水都出埋，唔知發生咩事的人都以為我喊~𢡟]想一想我都好似在公司喊過一次）…臨收工前半個鐘「加納豆」比盧總招咗入房開會，見佢地到5點半都好似未傾完的樣就打算留底字條比「加納豆」話我走先，點知未寫完佢地就出來了。So就馬上攞袋同佢會合，臨閃先仲攞咗「神哥」比Nikita食的Haagen Dazs雪糕，哈哈！見到「神哥」個樣都幾無奈，不過我又趕住走就咩都唔理了。

落到留下剛好有車過CX，唔知今日仲咩事…好多人搭廠車，後來見到Nikita，佢以為無位所以就落返車，而我就馬上打電話比佢問點解佢落車…在廠車上同「加納豆」不停咁玩、不停咁笑，對住佢真係會忍唔住駁佢嘴的，最後連盧總都比我地擺埋上台玩~𢡟I哈哈！

玩到咁上下就要訓一訓先，如果唔係一陣上堂就又會見周公子的…不過唔知係咪之前玩得太開心啦！居然訓唔著~𢡟A不過都好乖咁無再搞果隻「加納豆」了。落咗車同埋佢一齊去Taste買野，之後我就返去上堂了。

今堂都係唔知阿Sir佢想點，邊有人會先做Minutes後做Agenda，我讀咁多年Business今次都算幾新穎，結果在這3個鐘內我地自己Group的人忍不住講埋D無聊咁、有D仲好好笑~𢡟I哈哈！名副其實玩足3個鐘…

>>November 9, 2005 at 3:18:35 PM GMT+8

2005 年 11 月 7 日 星期一 【晴】

唔記得開返個鬧鐘的Alarm，結果成9點半先返到公司…


當每個人很忙碌的時候便意味著我在期尾的時候好鬼忙…

>>November 9, 2005 at 2:59:55 PM GMT+8