2006 年 1 月 25 日 星期三 【晴】

我今日好勁丫！比人包起我的Lunch ＋ Dinner，呵呵！連車＄都慳返唔洗自己比…原因係今日Lunch ＋ Dinner都係食公司數的，Yeah！至於車＄就係因為Lunch ＋ Dinner盧總都會一齊食，所以我就搭單跟埋佢車… 呵呵！

ITS就訂咗台去東薈軒飲茶，我同埋三黃一齊跟盧總車，阿總經理換咗架Benz車丫…呵呵！對於車呢樣野我無乜研究，總之有得我坐、可以比我訓到覺就無咩要求…ITS有15個人一齊食飯，都算身貼身啦！盧總坐阿姐隔離，我就梗係坐開一邊啦！基本上盧總對住我地都無乜話題，結果同阿姐講吓公事咁啦！久不久寸我幾句啦…不過我都慣咗啦！

至於INF就去咗Friday Restaurant食，哈哈！我提議的，因為佢可以比我地1930開飯之餘仲唔洗限住我地埋單…同埋我都想食多次，哈哈！咁Q我地又有同事今日生日，仲唔攞正牌去食咩！Yeah！

唔洗問今晚我依然都係跟盧總車啦！本來得我同Nikita的，後來我叫埋Patrick一齊跟，呵呵！如果唔係我又要一個人應付盧總的…不過呢個盧總真係欠打，6點幾就叫阿姐佢開會傾ITS Roster，一傾就傾到7點半…搞到我地3個化石咁在公司等，唉！早知就自己坐出去好過…去到Friday Restaurant都成8點幾了…在車度我好醒咁扮訓覺，呵呵！而Patrick就好慘咁比盧總問HQMail01的事，一句到尾，都係公事。

去到無耐就可以開餐了，因為長方形台，所以都幾難傾到計…加上佢地又留左個主席位比盧總…真奇怪！我明明是坐中間的，去完個Toilet之後就坐咗盧總旁，有無搞錯丫！又係咁…結果搞到我不停咁搵話題同佢講！

食完10點幾就結帳，飛開盧總和Department Head我地一行7人就殺咗過去食Haagen-dazs，點知太多人兼佢就來打烊，所以就無食到各自打道回府了…

>>February 1, 2006 at 9:14:37 AM GMT+8

2006 年 1 月 24 日 星期二 【晴】

隔咗成個多月，今日終於出糧了…要找Card數、交學費、比＄阿娘過年…雖然有Bonus，不過加加埋埋咁多支出都係無乜餘錢洗…同埋公司D同事已經話到明避年的…唉！又少咗D收入了…

Lunch同咗神哥、Nikita、William and Gaius去食Spaghetti House…因為欠神哥一餐，但搞笑地神哥又欠Nikita一餐喎！哈哈！搞到好複雜咁…我地叫咗2個2人餐…本來我想叫個沙律的，不過個餐無包埋，所以都係算！

呢兩日不停咁食巧克力，每日食一排…哈哈！勁丫！Herman之前在德國買咗排85%的Lindt比我…入口果吓真係好苦，不過慢慢有種甘味出來…正丫！我就係想要呢種Feel…不過我身邊的同事就真係『叫苦連天』。哈哈！好Yeah！仲好…無人同我爭食！不過唔知係咪食咗D藥，搞到個人腫晒…好似發水麵飽咁！日日返到公司D同事都會問我係咪化咗妝，因為見到我塊面紅晒…哈哈！答案係無啦！只不過係因為天氣乾燥搞到我『爆擦』咋！仲有D痛，唉！D皮膚真係越大越衰…老啦！老啦！

>>January 26, 2006 at 8:26:04 AM GMT+8

2006 年 1 月 23 日 星期一 【晴】

今日在公司發生咗件大事，不過就唔係好關我事…老實講丫！佢有咁的Penalty都係正常的，畢竟係佢違反了他的職業道德標準的問題，所以都唔掛得邊個…唯一慶幸的是呢單野都可以蓋住佢…

放工之後就搭車去Meet穎風同師傅，時間剛剛好…大家都在差不多時間就到咗。之後就去咗食『壽司亭』，我同穎風今日都好夾咁著咗件淡粉紅色的衫，哈哈！完全係心有靈犀啦！呢間的『壽司亭』好食過上次在尖咀果間，D壽司好好味！我地3個人食咗＄333，哈哈！好多3丫！唔洗問呢餐就係師傅比＄啦！多謝丫！

之後就去睇吓有D咩VCD，因為佢地SAE初三去師傅家放火喎！然後就去行咗一陣兆萬睇吓有咩新貨…師傅就好無奈咁跟著我地兩個啦！哈哈！行到差不多10點就返去攞埋D野就散水，因為我同穎風都處於嚴重的睡眠不足狀態。

今次係我第3、4次見師傅，同穎風講的一樣…佢份人都幾急，行路又急、食飯又急…好彩我昨天著果對係平底鞋，如果唔係實追死我…不過佢都幾慘，就算果日on leave結果都係要返工，比著我！唔熄咗部電話已經偷笑了…

『別人的男朋友』終於下個月回來了，仲可以一見就見2個月…開心死『別人的女朋友』啦！雖然我同你一樣好想好想一起見證他們的第2次，畢竟我都好掛住阿邦，哈哈！無錯！係阿邦…同埋好想去回味4年前的聖誕節，我們6個人一起渡過那天的日子。不過無論點都好啦！我知道就算我地果日缺席都好，子霖都會體諒我們的（你別忘記那段時間我們倆都在考試中…）順其自然吧！

>>January 25, 2006 at 2:56:48 AM GMT+8

2006 年 1 月 22 日 星期日 【颳風】

近來發覺不管我每天幾點起床，我都會依舊唔知點解搞到最後一刻先出門，唔洗問，返到公司都已經係After 0900的事了。初時都會有D內疚的，不過當你發覺返到公司眼見得小貓三四隻的時候，你都唔覺得自己有幾遲了…

唉！好悶丫！簡直返到來都唔知有咩做，反而身邊的同事就好忙好多野做…搞到我好似唔知點咁！最慘就係想訓吓都唔得…講返今日的節目，本來要返學的…不過因為要去飲，所以唯有Miss一堂啦！最搞笑係師傅又約咗今日食Dinner，慶祝佢升職，哈哈！其實呢個係穎風的師傅，同我無乜關係，不過都係果句啦！一次生、兩次熟嘛！呵呵！同埋師傅都幾好玩，成日當我地係細路仔咁…但其實佢個樣都係細路仔樣。

因為我有約的關係，所以佢地都Postpone到星期二，嘻嘻！又可以騙一餐，想一想食D咩先，仲係要果D貴格唔飽的餐廳…哈哈！

收咗工之後就趕出去九龍灣德福，因為今日得詩姐一個撐場…去到之後就臨時比人拉咗做今日的攝影師…唉！無辦法啦！鬼叫『朋友的定義是互相利用』咩！不過我慘極都唔夠詩姐慘，做咗場務之餘仲要做埋MC，有好多野都係臨時度出來的…真係辛苦晒佢啦！

老實講…做攝影師都幾大壓力，因為我用果部係菲林相機，根本就睇唔到有無手震之類的情況…希望無啦！如果唔係就大件事啦！因為D相係已經映唔返的…差不多九點就開始入席，D野食都OK啦！唔錯…但當個人一坐定咗就真係Feel到有D累了…

成個宴會搞到11點幾就收工，幫手清埋D手尾返到屋企都點幾，成個人好似散晒咁…連行都唔都行。洗完白白連頭都未吹乾就去找周公子了…

>>January 24, 2006 at 8:08:22 AM GMT+8

2006 年 1 月 20 日 星期五 【颳風】

昨天先叫苦緊無端端搞到我1930先放到學的Subject，今日返到學校就有Good news，就係我地唔洗等到1930才可放學，呵呵！都不失為一個好消息…不過呢個阿Sir個Style有點似肥仔陳，就連講野都係咁慢，所以搞到明明好精神都會變到好眼訓！

講返今日，去咗M記買咗個漢堡飽就開始上堂，成堂都係唔知佢講咩！唉！終於挨到1630放學，走咗去食『吉野家』的Tea，呵呵！之後就過去銅鑼灣找穎風，去到佢學校一個人影都無，打電話比佢又飛咗去Voice Mail，咁咪自己行吓集成，點知無端端比人踩爛咗隻鞋，正想轉頭X佢時見到原來係【阿毛】，唉！當堂無野講！無奈地走咗去10蚊城買支AA膠搞一搞佢先…

找咗穎風成個鐘都搵唔到佢，後來迫於無奈找隻豬，好彩佢有阿Chris電話，如果唔係我都唔知點算！Call咗阿Chris，才知道佢地約咗在Times Square大電視等。而果時我身在Times Square的M記坐底咗！上返去就見到佢、阿星、Tony、大鵬了…之後陸陸續續見到阿Chris＋朋友仔、Vicky、Maggie、Wing姐、阿程、文修、阿傑、Katie、仲有D唔記得咗個名，哈哈！其實我Only熟悉的得阿Chris、Vicky同Maggie，其他果D都係唔係好熟甚至係唔識的…

今日Total有19個人一齊食團年飯…不過佢地D EM效應果然名不虛傳，聽佢地講…佢地約咗Cheaper在1800等的，但最後Cheaper成2030才到，哈哈！Oscar就仲勁，2130左右先到…我大約留到22301左右就閃先，因為無鎖匙返屋企，費事阿娘等我門等咁夜。而佢地就好似玩到2330左右才散水…

第一次見齊晒佢地成班EM，都幾搞笑…起碼一個文修同阿星都唔會搞冷個場先啦！哈哈！

>>January 23, 2006 at 3:56:12 AM GMT+8

2006 年 1 月 19 日 星期四 【暴雨】

D皮膚敏感越出越多，仲出埋D瘀…都唔知搞咩？睇咗4次醫生都好似無咩反應咁，都係咁多一點點和瘀…真奇怪！最慘的係一唔搽藥膏，D野又出返晒來，痕到我成晚都唔洗點訓…

講開訓，昨晚就比人搞到無覺好訓。事原係唔知邊層樓的男女凌晨3點幾係度吵鬧，仲嘭嘭聲咁！嘈咗成個鐘，搞到我忍無可忍關晒D窗先再訓到。真係@#$%^&*^$#@$$。咪玩啦！幾點丫！咁鍾意嘈就去卡拉OK攞支Mic去嘈丫！真係火都嚟丫！

放咗一個星期的SEM Break，又要返學啦！今期返一、三、五、六，哈哈！係咪好興奮呢！唉！D時間仲要係非常樣衰果隻，無端端中間有個半鐘的Break先再上堂，搞到唔係成2130放學就係1930先放到學，咪玩啦！係咪真係趕到咁丫！

總之一句到尾，呢排燥底丫！

>>January 20, 2006 at 4:26:14 AM GMT+8

2006 年 1 月 16 日 星期一 【晴】

近來因為要搬家，所以在思維上覺得自己有累的感覺。老實說，我根本就沒有怎麼落手落腳去幫手搬，只是間中將自己房間的東西放入紙皮盒內封好…因此阿娘成日都罵我好似乜都唔關自己事咁！

也許吧！反正『家』對我來說也沒有什麼特別的感覺，還不是一個只供人吃飯、洗澡、休息的地方…所以就不用那麼多的要求，對嗎？人越大、面對的事情就越多，倘若對每件事都要那麼執著的話，根本就沒有開心、滿足可言。就像我家阿娘一樣，就算對一間租回來的屋，她都會把一寸地方打理得整整潔潔…結果咪搞到自己腰酸背痛、身心疲憊，又何苦呢？最無奈的係每天回到家都要望著佢一個不滿的臉孔，小姐！你估我地返工真係在公司休息咩！再說，有時我真的不怎覺得要做得咁仔細…

或許我呢種的態度是不對，不過近來因為搬屋的事令我想到一些事情。近年來覺得自己變了很多，無論對人、對事也是一樣。改變的原因有很多，不過最大的或許是因為呢個所謂的『家』，一個家嘈屋閉的『家』。今天的我已不會不顧一切便向前衝，心口的『勇』字早已消失得無影無踪！今天的我對每一件事都會思前想後，發覺了什麼不對勁的時候寧願選擇先後退一步重新想一想才再決定是否向前走。又或許會選擇按兵不動 – 唔走！因而不知不覺令到自己倒不如一開始什麼都不聽、不聞、不理、不做，過得一天得一天。那做人就不是會有咁多煩惱…

哈哈！正所謂「別人的事我沒興趣」！

>>January 18, 2006 at 3:36:15 AM GMT+8

2006 年 1 月 14 日 星期六 【晴】

本來打算今日返去望彌撒的，不過起身果時都已經係11點半了，所以唯有放棄望Mass的念頭同佢地食Lunch算了…好快咁12點半多D就返到去了，正當我仲想緊在吉之島等他們定行返去Church等他們的時候就已經見到佢地了。

激氣丫！比Herman同隻熊貓打咗我兩野，呢兩野我一定會記住的，哼！同以往一樣又係去千葉開飯，我點咗個雞翼烏冬，味道麻麻…下次都係叫返拉麵好D…衰趙兄居然點咗個雞肉蛋飯，呢個係我平時在居酒屋必食的一味，嘻嘻！因為我懶得去轉，無辦法啦！我專一嘛…呵呵！下次都係唔好話比佢知我的Favor先…

食飽飽佢地就去咗開會，趙兄就因為昨晚同D同事去飲酒飲通宵回家補眠，而我就一個人在吉之島行咗一會、行埋過置樂就去見吓契仔先…我已經有18日無見過佢啦！

呢隻B都係食同訓，同佢洗白白時驚死我地會虐待佢咁成日都郁來郁去…最搞笑係佢阿媽免得佢喊就用條毛巾輕輕咁蓋坐佢…哈哈！又Work喎！不過都係幾秒鐘的事，因為佢老豆已經攞開咗條毛巾…佢食飽飽咪又訓過…而佢舅父、阿媽果D就開枱打牌…唉！鬼叫佢地話悶咩，呢班賭徒真係打少陣都唔掂…而我就坐多一陣就打道回府，因為食咗D抗敏感藥搞到個人好累、好呆…

差D唔記得，今日係寶龍哥的生日，呵呵！又大一歲啦！唔該你唔好再留鬚留到成個阿伯咁先得ka，嚇死人咩！By the way, 新的一年希望你開開心心、做人都要好似我咁專一D，唔好再好似二郎咁做花花公子！

>>January 16, 2006 at 8:55:44 AM GMT+8

2006 年 1 月 12 日 星期四 【晴】

Yeah！又到咗Happy Friday，呢個星期在公司都無乜點做過野，阿姐又唔得閒理我，阿Ko就從來都無乜點理過我…所以日日返到公司都係得一個『等』字。質其話阿姐唔得閒理我，倒不如話佢都唔想理我，次次都做唔到佢心中所想…

唉！都係唔講啦！反正無論我點做都係會在佢面前做錯野的…今日Lunch好突然咁arrange咗個Team Lunch，無他的！因為下星期『佐住』、阿Jan and Toby都不在公司，咁咪趁今日都尚算人齊咪同『朱朱』食咗餐Birthday Lunch先…雖則我今日有帶飯。

出咗東涌食東薈軒，計埋阿民我地有9個人…都OK啦！除埋『朱朱』果份，每人都係＄55，在機場真係算差不多的。食完飯返到去又係半Hea半訓的狀態挨到收工。

放工之後就坐廠車去銅鑼灣，因為約咗阿康同趙兄食飯…7點左右就到咗，走咗去HMV一路睇碟一路等佢地…周圍咁行來行去結果終於決定去『紅螞蟻』開飯，叫咗一個Set Dinner and一個煲仔飯，唔錯！幾好味…趙兄之後約咗D同事去吹水，而我就同阿康都有節目，就係等阿明去飲野！在等緊阿明的時候我又走咗去IKEA睇吓見唔見到阿Chris先…嘻嘻！在IKEA同阿Chris吹咗陣水就閃了，因為阿明已經到咗！

我地又在銅鑼灣行咗半個鐘有多先決定到在那裡落腳，我地由10點幾吹水吹到間鋪頭打烊先閃。之後就同埋阿明行去天后搭車就回府了…

今日成日都比阿康寸我唔聽電話，咩喎！咁個電話放開咗又點聽喎！哼！更何況如果真係有緊要事找我的話點都會搵到我的，洗乜驚喎！

>>January 16, 2006 at 3:34:43 AM GMT+8

2006 年 1 月 6 日 星期五 【乍雨乍晴】

2006年第一個星期六就要考試，都咪話唔死！就咁睇份Notices都免強知道果個Lecture講D咩！不過要Apply返去條Assay就完全唔知發生咩事，唉！

Total考14個Lecture，抽樣咁溫咗幾課，但主要都係前果Part…換完衫就去咗又一城食「吉野家」，不過唔知係咪太大壓力，食咗一半就有D想嘔的感覺，所以都無再食落去。之後就去咗Library搵埋D同學仔，傾咗一陣就上去受死…

打開份Paper就已經知道大獲啦！因為主要都要出晒後半Part，唉！早知就唔洗溫得咁辛苦啦！結果係無得揀的情況之下就做咗3條，仲係唔知自己寫過D咩同Quote咗D咩Example入去…唉！真係唔知點算。

考完試就同條虫過返金鐘Campus做埋份Report，因為星期一就要交啦！都未做晒。做到7點左右就閃人，打電話比穎風完知道原來佢約咗Chris行工展會，咦！都好喎！所以就Join埋佢地一齊，嘻嘻！考完試唔係咁想馬上返屋企…

入工展會之前又走咗去IKEA食Hot Dog，哈哈！因為開始有D肚餓…我地好衰咁用咗幾張只有假期才入得的飛入去，好彩門口個哥哥睇唔到…可能因為都夜，所以唔係太多人…我地由7點幾行到差不多9點幾先走，因為在工展會入面都食咗D野，所以都唔係好肚餓…同穎風兩個又無咩地方想去，就走咗去銅鑼灣廣場打咗個圈就打道回府…本來想食埋個糖水先，不過個胃始終唔係咁舒服，都係算吧啦！

>>January 10, 2006 at 6:01:12 AM GMT+8