2006 年 3 月 30 日 星期四 【晴】

呢個星期簡直處於作戰狀態，因為呢個星期要交份5000字的Retail marketing report，真係死都唔掂！最慘的係當D資料越來越多的時候，發覺自己寫D野越來越亂，前前後後都唔知改咗幾多次。

每日平均睡2-3個鐘就又起身做assignment，但因為呢個Week要上2日whole day Training，所以都不能夠在公司點做到份功課。最慘的係上完Training之後返到個位又要做返平日的Daily Work…成枱都係野，真係怕做唔死我咁！無辦法啦！唯有交份唔夠字數的Assignment啦！都欠成千字的…

同自己expect的一樣，一交完份assignment就馬上病了。返到屋企食咗幾啖飯都唔想食，因為頭痛到爆…換咗衫咩都唔理就躂上床訓咗幾個鐘，之後再起身沖澡，然後先再訓過。

PS：在此感謝有同事們的協助，將我份都唔知似咩的Assignment整返靚仔D，等我可以有頭有面咁去交呢份野。

>>April 4, 2006 at 10:36:46 AM GMT+8

2006 年 3 月 23 日 星期四 【晴】

忙咗成個星期，趁阿姐今日放假等我補返D日記先…

等咗差不多4年，終於等到他們第2次的演唱會…而今次都係靠「別人的女朋友」去想辦法搵演唱會票回來，今次又辛苦你啦！你放心！我已經交帶咗子霖好好咁補返比你的。

幸好個RM-Report defer到下個星期先交，所以連名都懶得返去簽。雖然成朝都未停過手，不過個心始終都有一半係不在公司的。差不多7點幾就去到尖沙咀，我同埋「別人的女朋友」都很有默契咁去返我們4年前那天的飯堂開飯，無錯！就係「吉野家」，哈哈！食飽飽就行返過去紅館。我們一邊行一邊回想返那一年演唱會的畫面…

今年同果年都差不多，仍然是背台。唯一美中不足的係今年無機會同佢地握到手了，不過總好過連看都不能看。老實講丫！入來睇Show之前上網睇過吓D新聞和相片，果刻真係無乜興趣入去看。但睇完之後原來不喜歡的環節只是佔一小部份，而最開心的莫過於係我啦！因為周生今次係企背台，哈哈！

睇F4的演唱會最開心的並唔係睇佢4個，而係去感受一下現場的氣氛。呢D氣氛並不是每個歌手的演唱會都可以看到的，我同「別人的女朋友」大部份的時間都是企起身的，哈哈！無辦法啦！你唔企的話係睇唔到的，加上個表演台又唔係好大，又加咗好多櫈，所以感覺上其實都OK近的。

今次的Concert最大突破都莫過於周生啦！見到佢今次跳舞個樣真係同果年差很遠，起碼條腰識郁！嘻嘻！其二就係在台上大膽咗，都主動行近Fans區。唉！如果果年佢咁生性的話我該不只跟他握一次的手。至於第二個人就梗係身形最靚的Vanness啦！佢今次仲彈結他，哈哈！之前都聽過佢唱『我討厭我自己』，但唔知點解覺得今次係最好聽的一次，加油丫！Vanness…而孝天今次都係以音樂為主，哈哈！4個之中佢的音樂感是最好果個，所以佢今次打鼓都有板有眼…最後的就不可不提的旭旭啦！他今年仍然都是要帶病演出，呵呵！心痛死「某人」啦！阿旭今年除了表演跳舞之外，仲用鋼琴自彈自唱，好叻仔丫！講到呢！在他們4個人之中好像得丫周生沒有用樂器去表演喎！（周生：什麼沒有，我只是在最後那場才Show出來…）（我：Cher~~不知道是誰在最後一場表演的時候入錯Key…）

成個Concert 11點半左右就完，都算抵睇！雖然唔係唱晒所有歌，不過佢地揀的歌都算是好聽。最搞笑係旭旭突然抱起仔轉咗幾個圈，嚇到個小子抓著他不放，當順利落地時忍不住走過去作狀打他…

雖則一直以來也有很多報告都說他們不和或是最後一次的的合作，但有時候我覺得他們本身都不是一個團體，『F4』這個名字只是因為流星花園的關係而已（感覺就像『展翔』一樣）。他們之間的感情不是外人可以了解，總之他們之間的關係是好是壞，根本就不需要向別人交代。

臨走的時間看來一個Fans做了一個很漂亮的燈牌，結果我和「別人的女朋友」都好厚面皮咁問人可否借給我們映相…

>>April 4, 2006 at 6:34:45 AM GMT+8

2006 年 3 月 21 日 星期二 【晴】

雖則我都知道自己今年犯太歲（好似無乜邊年係無犯），但都唔洗霉成咁丫！日日返公好似受難咁，由當初的雄心壯志的心情趺到一落千丈，到底是自己處事的態度變咗定係自己心不在此？

今日突然比GM招咗入去，其實都無乜野，只係叫我以後如果同事上Training Course咪咁遲先比佢簽名，同埋做個Training Table for his reference。（唉！佢地係要咁遲先比我做野我都無辦法）之後唔知講開D咩野，佢個衰佬話我成日坐係度無野做。嘩！聽到呢句真係火都嚟！就忍唔住駁返佢…
我：「唔係嘛！無野做，做到連自己都唔知自己做緊D咩丫！而家D PABX同CRRF都係我自己去跟，手都上就去做啦！再講！做野唔係坐係度唔通企係度？企唔係問題丫，不過你下次咪話我成日企係度係咪有心睇你做咩！（因為我個位對正我GM個工作位的）」
GM：「比D野你做吓好過你成日係度無無聊聊丫！」
我：「無聊？又有幾丫！我係佔一個Headcount唔係兩個丫」
GM：「你係每邊各佔一半」
我：「人工又唔見加多一半，我而家手上的Workload根本就唔Balance，應該係話無Balance過，D時間用晒去應付隔離果邊…唉！算啦！你要果個Table有拖無欠，我出返去先啦！」

哈哈！我想成個Division都應該得我咁夠膽同GM講D咁的野，不過老實講丫！係果個Moment真係無想得咁多。至於D同事都替我沬一額汗，連Rebecca都叫我下次咪駁得佢咁爽。呵呵！看來我今次都好似唔知死咗少少咁，唉！算啦！反正都理唔到咁多，都係果句『如果係想炒我的唔該快手D同直接D，千祁唔好One month notice果隻』



6點鐘咩都唔理就閃，因為約咗阿康去睇『極地雪犬』，坐廠車出去旺角，我地睇1935果場，所以入場之前去咗惠康買D野食先入去，D位都幾舒服，唔錯！呢套野都做咗成2個鐘，內容都唔錯，唔係有太多悶場。唯一的遺憾就係始終都有『死狗』，好慘…不過其中有一Part就真係比佢嚇死，就係隻狗豹突然係條死咗的殺人鯨個肚走出來，成個心嚇一跳。總之一句到尾，果8隻狗都好醒，同埋值得入戲院睇的…正丫！

PS：今日係Rebecca的生日，我同SDR佢地一齊同埋Rebecca去食Lunch慶祝，之後我跟咗Kenneth的車車去東涌買晒蛋糕先返公司…雖則在呢度都做咗大半年，但我都係喜愛跟SDR果邊多D…

>>March 23, 2006 at 4:04:11 AM GMT+8

2006 年 3 月 20 日 星期一 【晴】

到底人的自信心可以去到幾高同幾低？到底是我高估了自己的能力或是由一開始我其實是沒有這個能力去做好這份工作？到底當一個人的自信心由正數跌到去負數的時候又會係點呢？

當日子越耐，就越覺得表面對你好的人，其實都有另一面的，只在於你遇不遇到而已！

今日正式接手CRRF的工作，感覺既無奈又唔知自己到底為咗D乜而去做！有時會想，如果叫我去做的人不是那個目中無人的阿姐的話，我會不會比較積極去做好呢份工作呢？

唔知係咪因為近來工作同學業都很忙，根本沒那麼多的時間去想「他」！放工的時候居然有D衝動去找吓他們，就算唔可以好好咁傾吓計，見一見都好丫！咁當然最後都被自己的理智打敗了！畢竟他們都有他們自己的事要忙！

好掛住小鵬哥丫！好想靠著他的肩膊哭一場...

>>March 21, 2006 at 2:48:33 PM GMT+8

2006 年 3 月 19 日 星期日 【晴】

後補日記：

今晚同展翔佢地在屯門食Pizzahut，順便慶祝阿婷的生日…食飯時發生了一件好好笑的事，哈哈！因為趙生要OT的關係，所以好晏先到…而果時我地都已經開緊餐，故此就夾開咗D野留比佢食。Pizzahut近來又有新款的Pizzahut推出，就係Pie邊夾著條香腸…趙生來到之後見到咁得意就開始食，食到咁上下講咗句：「咦！呢隻Pizza又幾好食」
「係咩？咁你要多謝伍少啦！係佢好辛苦咁啜晒Pie邊的芝士再塞條腸入去」阿康話
「吓！唔係嘛」
「梗係啦」身邊的損友馬上和議地說
而我就沒有理佢地，繼續享受的眼前的Pizza
跟過一輪鬧劇之後，趙生話：「呢個Idea都幾好喎，不如我地寫意見書反映吓」
眼見他真的想寫的時候，我終於忍不住說：「你咪咁天真啦！你唔係真係信我會在公聚場合做埋D咁樣衰的野丫！你見我唔出聲理你就知道佢地點你啦！」
結果趙生先知道原來佢比人玩咗一獲…唔知佢係咪在USA呆得太耐，居然相信這個「Pizza腸」的笑話。

到後來我地唔知仲咩事講開小時候的零食 – 「綠寶橙汁」，趙生居然以為我地講「金寶綠水」，哈哈！笑死我們，同佢形容咗好耐佢都唔知係咩。結果我地決定帶佢去超級市場睇吓究竟係D咩！阿康仲好抵死咁講咗句：「我地籌錢買條比你飲吓吧！」

>>April 4, 2006 at 4:03:45 AM GMT+8

2006 年 3 月 19 日 星期日 【晴】

真係好鍾意Janice D 歌，大部份都好到「肉」...

今日突然收到個好Suprise的消息，就係我個「呆呆老闆」辭職，唉！對於我就無咩怕，最怕係第日阿姐會「管」埋呢邊條Team我就大獲啦！

因初吻著你想慶賀　你卻開始疏遠我
假使你是覺得怯懦　你會不會拒絕我

你有意欲去找我　你會通電再會過
如實在認真喜歡我　或是有心敷衍我
如今只有三歲都清楚

＊是你不想我啦　甚至不找我啦
　無非幾天變化　就像刮我幾千巴
　難道你共我親吻抱擁之後竟有偏差
　不想和我好　請求直說真話＊

很想你是愛得懶惰　至會多天不理我
心境正逐秒鐘跌墮　我哪一樣有做錯

過去你極愛惜我　快慰之後侮辱我
曾自問自私開心過　自問自卑擔心過
如今的我只要知清楚

沒有膽色纏你　心亂如麻
回去吧　回去吧　來讓我傷口結疤

是你不想我嗎　是你不找我嗎
無非幾天變化　就像刮我幾千巴
難道你共我親吻抱擁之後竟有偏差
不想和我好　不如直說真話

>>April 4, 2006 at 3:37:27 AM GMT+8

2006 年 3 月 18 日 星期六 【微冷】

雖然「人」近在咫尺，但感覺卻是「遠在天邊」

近來很忙，很多野都要去處理，到底自己一直追求的是什麼？想要的...又要什麼？越來越討厭這種婆婆媽媽的性格...

又愛聽返呢首歌，「你」還記得上次Paste呢首歌在這裡的是在什麼時候嗎？



Hi My one and only　這麼多天沒見　可是我總想起你的聲音在我耳邊
今天心情好嗎　是否不愉快　要一切都看得開　世界沒有太壞　
雖然不在你身邊　我的心有一條線　連著你　牽著你

我好想你　想到願意相信　我就閉上了眼睛　你在這裡
別忘記　我們的約定　一直都在我心裡　
不管你在哪裡　不要忘了我有多麼愛你

不要忘了吃飯　不管有多忙　不要忘了開車時候　一定要往前看
其實我真的很快樂　有你一直守候　一直走到了以後都挽著你的手
雖然不在你身邊　但我在你心裡面　我願意　等著你

我好想你　想到不能呼吸　想到全身沒力氣　沒有關係
你別忘記　我們的約定　一直都在我心裡　
不管你在哪裡　不要忘了我有多麼愛你

我一直在這裡　不要忘了我有多麼愛你

>>March 19, 2006 at 4:33:45 PM GMT+8

2006 年 3 月 13 日 星期一 【乍雨乍晴】

近來忙得不可開交，最奇怪的是忙的並不是私事或是功課，而是公司的事。無辦法！誰叫我對上的經理有乜大事、少事、無事、佢D細的事都叫晒我去做咩！搞到我D Assignment無限期延期，唉！

呢排都發生咗好多事，但因為時間關係都係後補啦！至於今日晨咁早返到公司阿姐已經叫我今天之內整好成公司的Extension、Fax、Hotline的System Record比佢！天啊！成間公司only extension都有3千幾個啦！真係想爆粗問吓佢有無病丫！唉！唔講啦！成肚氣！

今天是白色情人節，也是第一年和「他」真真正正的活在同一個地方，雖然距離很近；但感覺仍是很遠！有時候真的有點兒羨慕「別人的女朋友」，起碼每當「女朋友」發生什麼事也好，他總會用最快的速度來到她的面前支持她、鼓勵她。雖然有時間他來的Timing也不是太好，但總好過連「影」都無。對不對？

>>March 14, 2006 at 10:43:09 AM GMT+8

2006 年 3 月 7 日 星期二 【晴】

到底一個Administration Officer的Work Duties是什麼？是不是什麼人叫你做的工作你就要做？是不是不管那個人是普通Staff or Manager你都要做？是不是除了你的工作是重要之外，其他人給我的工作也可以放在一旁，就算那份工作是Urgent的？

>>March 8, 2006 at 11:09:24 AM GMT+8

2006 年 3 月 6 日 星期一 【晴】

真的很累...
累到眼睛也張不開...
累到眼淚流下來也停不了...

到底是人累...還是心累...

>>March 7, 2006 at 3:02:39 PM GMT+8