2006 年 5 月 26 日 星期五 【乍寒還暖】

因為「扮野王」調咗堂的關係，所以今天唔洗上堂，呵呵！無15個鐘點都要訓返12個鐘先，如果唔係就真係浪費晒這個星期六了。

訓到3點幾就被呢個不知死活的阿哥打電話來吵醒咗，不過幸好他原因合理，若不我才不會讓他好過。至於是什麼原因？就是一齊過威爾斯醫院探阿婆，她出院不夠24小時又被送回病房，唉！

左搞右搞，搞到成5點幾先出發…先去MK的Sony整Digital camera，然後返飛行會放底D野先過醫院…上到病房就見到B舅父，同阿婆傾咗一陣計，雖然我們都不知道她明不明白我們說什麼，但是見到她開開心心就已經很足夠了，畢竟都已經是八十多歲的老人家。

探完阿婆就同埋阿哥過沙田，因為今晚我約咗Brandon一家、Rebecca、細妹、William、柏熙、Christy、Chris、Gaius一齊食飯，而Florence因為重感冒所以沒有來，我們11個人去利苑食飯，而點菜呢個責任就又係交咗比我同Rebecca啦！至於細妹今日唔知仲咩，成日鬧情緒，不過又好快就無事…而柏熙就第一次見，唔係好敢搞佢，至於波仔就要等佢見慣咗D人先會比你抱吓，不過就唔可以抱得遠。

我們食到差不多10點就散水，畢竟D小朋友都已經過晒訓覺時間。而我就同Christy行咗一陣，之後就送佢搭車…點知等等吓車阿哥就打電話問我走得未，因為我攞咗D單比佢泊車，所以最後無等Christy上車我就閃咗。

因為今日一訓醒就過咗阿婆度，中間只是食咗D曼頭，所以一去到酒樓嗅到D香味，個肚就馬上餓了，仲不停咁出汗…好彩後來食返D野之後個胃好D無咁唔舒服。

總括今日都幾開心，大家講吓大家的近況，只是中間發生了一段很驚險的小插曲，希望無事啦！若不就真係大件事了。

>>May 28, 2006 at 5:53:41 PM GMT+8

2006 年 5 月 25 日 星期四 【晴】

又到星期五了，在這個星期我也不知道該用什麼心情去形容，開心？刺激？無奈？或是心淡？或許在其他人眼中我相比去年的表現真的變化很大，這只不過是你們還不了解我而已，正如我還沒了解你們一樣…

講返今日，不知道是不是本著『頭有一個、命有一條』的心態，今天的工作也蠻順利，不管做成怎麼辦，總之完全了它就算。而今日因為係Cindy的生日，所以ITS的同事都有同埋呢位7月便離職的阿姐食Birthday Lunch，而我就梗係沒有跟埋一齊去啦！因為本帥哥帶了「便當」之餘，仲要過機場攞Birthday Cake。而呢個Birthday Cake是我昨天在機場那邊訂的，都話而家D AO乜都要做。

到下午5點左右我就開始準備切蛋糕的事，點知呢個大姐荒死無人知道咁好大聲咁講，結果今日的Surprise都因為佢一句話而無晒，唉！真係唔洗比支Mic佢都無乜邊個聽唔到。我在美心訂咗個2磅的鮮果蛋白蛋糕，都幾靚仔的…嘻嘻！而且仲有好多我最愛的Strawberry，因為大家都唔想唱生日歌的關係，所以我好快咁上網搵咗首出來叫佢地開喇叭播，哈哈！除了ITS，GM都有一齊出來玩…

到最後分蛋糕的時候，他們第一件事就分比GM…Size的唔細的，當GM見到的時候就已經話仲咩比咁大件佢，也因為呢個原因，就益咗站在旁邊的我，Yeah！因為我好唔客氣咁叫佢比晒D Strawberry我，哈哈！到最後佢將佢件蛋糕分左一大半比我，當然全部都係Strawberry啦！後期我先知道原來佢自己得返個蛋糕底比自己食。哈哈！係咩？仲咩無人阻止我丫！我果個Moment只係集中於Strawberry。我想成個Division都只有我先夠膽咁樣對GM…

放工的時候跟加納豆車，呵呵！同車的仲有神哥，最搞笑係本來坐車頭的Kenneth落車之後，神哥佢個懶鬼唔肯坐上去，而我又因為個位好窄郁唔到…結果搞到加納豆好似我地的司機咁，呵呵！如果下次佢唔車我的話就一定搵神哥算帳。

返到屋企就打電話比阿哥，因為阿娘返咗娘家今晚無飯食。後來等到阿哥成10點幾都未返就打電話比佢，原來佢已經同佢D朋友食緊，有無搞錯！結果我就又搵咗陳生一齊食夜宵，今次帶咗佢去米堂食…本來想請返佢的，不過最後搶唔切結帳，哼！下次等我收埋張單先…最怕欠人人情。

>>May 28, 2006 at 5:32:51 PM GMT+8

2006 年 5 月 23 日 星期二 【暴雨】

繼昨天比人插完之後，今日返到公司又來Second Round。唉！真係做到心淡…日日返到公司都唔知學到D乜，我想到現在為止，學得最多的都莫過於【如果防範身邊的同事…】大家都係做野咋，點解要搞成咁喎！

事發經過一：

返到公司已經見到成疊的CRRF又在我張Office Desk了。唉！雖然恨不得想一把火燒晒佢，但結果咪又係繼續去做…做咗15分鐘都唔夠，昨天果位同事又打電話來：「D outstanding的record係as at today先叫outstanding，呢D咁簡單的問題應該唔洗我教丫」有時自己都會想，為什麼近來的工作的表現連自己也受不了，一些連自己都覺得唔會發生的問題全部都發生了，難道問題是全在我的身上嗎？

事發經過二：

聽完果位同事咁有Sense的話之後，電話又響起來了。今次係佢老闆（阿姐），阿姐今次唔係話我CRRF了，係另一份關係SITA的invoice。個問題仍然都係講『various from last month』呢4個字…其實數就已經計好晒比佢，不過佢見到2006年之前的數未出就打電話過來問，結果我就講句：「我打算比你confirm咗條formula先再繼續做，無謂浪費大家的時間」結果係呢個moment佢approved咗了！為什麼是這個moment？因為佢次次都話條formula唔岩的，分分鐘明天返到公司佢又為了這份invoice又問我呢條數點計出來。

經過一朝早的疲勞轟炸，Lunch都唔想食…一夠鐘就抱著愛枕搵周公子了，連D同事請食飯我都不出了。照理上應該很餓的，因為今朝無食早餐，連水都係飲得果半杯，但相比精神狀態。我還是覺得讓我補眠是比較重要的事…

訓到2點都係好唔願意咁起身，之後去咗Canteen買咗份三文治返上公司又繼續做…後來老豆打電話來話搵唔到阿娘幫佢攞Order，到後來阿娘打電話比我先知道原來佢部手提又無電，順便叫我們今晚食自己…咁我咪打返電話比老豆，點知佢二話不說就叫我去攞，無野丫！你估現在還是做學生咩！我咪叫佢打電話比阿哥，因為阿哥在家，點都好過要個在赤蠟角的人趕去MK卦！點知阿哥話佢要準備考試唔去，呢條友就打返電話來比我發脾氣。真係火都薄I關我鬼事丫！仲乜次次都係打電話比我發脾氣，如果唔係因為我在公司就真係駁返佢九世。結果我都費事采佢Cut咗線，之後send咗MSN Message比阿哥叫佢話比佢老豆知我收工趕出MK同佢攞。到最後差不多收工的時候阿哥打電話來話佢已經同條友攞咗Order…

比佢咁搞一搞，由本來心情不多好的我跌到落谷底…越來越無心機做野，所以最後整埋D手尾就收工打道回府。臨返屋企之前去咗M記買咗盒Green salad當今晚的dinner，返正成肚氣…

>>May 24, 2006 at 4:30:51 PM GMT+8

2006 年 5 月 22 日 星期一 【晴】

被出賣的遊戲

被點名者，在自己blog上寫下答案，並加一個題目，然後把題目丟給另外2個人，但不可回傳，並且到這些人的留言版上留下：「你被點名了。」這人在自己的blog引用欄裡注明是從哪一個blogger那裏傳來的題目，然後寫下答案，並另寫一個問題，再去貼另外一個人。比如你自己回答14個題目，你回答完了再加一個，被你點名的就要回答15個題目，如此繼續下去.

來自：cha cha
辛追　＝＞　多情　＝＞　和　＝＞　鷹 ＝＞ Charles ＝＞ vis ＝＞ Virginia＝＞ 婉君表妹 ＝＞cha cha => Winnie Anastasia => 靚仔

提問1：2006年，你的野心是什麼！
回答：考試All Pass

提問2：如果你可以變成動漫/卡通裏的角色，你想變成誰，說出原因
回答：Totoro（龍貓），因為佢唔係訓、玩、就係食，岩晒我！

提問3：如果重新讓你選擇一次已經過完的這段人生，你會想從什麼時候開始？換句話說，你對自己什麼階段最後悔，想重新來過？
回答：幼稚園，因為果段時間係最純真的。而過去了的事情都無得後悔，反正有得便有失…

提問4：你最後一次發自內心的笑是什麼時候？
回答：昨日（睇到戚偉易的衰樣）

提問5：你睡前最後一個念頭是什麼？
回答：明天唔洗返工

提問6：另一半如果出軌的話，你會怎麼做？
回答： 唔洗講…分手啦！

提問7：你生命中最重要的到底是什麼？
回答：訓覺、食飯、＄、健康、開心和朋友

提問8：如果世界即將滅亡，你會如何渡過生命的最後一天？
回答：見晒所有的好朋友和一些只會在夢中出現的人

提問9：如果世上只有一件物品能夠陪你入土，你會選擇什麼？
回答：我張被褥

提問10：你的癖好是什麼，至少說出兩個
回答：當無人在家時一定會開TV；就算無野做都要開住部PC

提問11：你在想什麼？
回答：去旅行

提問12：你最崇拜的人物是誰，為什麼？
回答：西門爸爸，是他讓我感到失去了很久的爸爸FEEL

提問13：給你許個願望。你會許什麼
回答：想佢說愛我

提問14：你最近的怨念是什麼..
回答：學費好貴、人工好低；D人好衰，做到谷底

提問15：有什麼好歌介紹麼？
回答：光記的「我等你」和孫耀威＋車沅沅的「再見亦是戀人」

提問16：初吻在什麼情況下失去的？請詳述之。
回答：仲未知道呢個世界係乜野時（BB），都話明係BB就梗係乜都唔知啦

問題１７：說出第一次夢遺感覺。(男性回答）

問題１７：說出第一次夢到與男生纏綿的感受。（女性回答）

回答：訓到咩都見唔到喎！

問題18：請說出一句您會向您所愛的人說的示愛說話（字數不得小於２０個中文字）。

回答：你闖進了我的世界，我可以不聽、不看……但是我卻不能不呼吸你，因為我的藍天碧海掌握在你手裡

問題19: 您為何會選擇他／她做您的男／女朋友或您的丈夫／妻子呢？（冇原因？都要講一個原因）。
回答：因為I Love' in it

問題20 : 如果你的愛人時常都有口臭，你會怎辦？
回答：成支漱口水灌佢

問題21 : 要你埋一樣物件係一棵百年樹下，而它可以慢慢生長既，你會埋D乜野落去呢？
回答：「錢」No money no talk，OK？

問題22 : 如果比你重新選擇既，你想做男人定女人？(原因係咩？)
回答：男人，因為一定唔洗有損失

問題23: 有乜o野係你一生人之中，一定要完成的夢想
回答：去台灣旅行

問題24：若果你可以將你身體其中一個部分改善，會改邊個部位？
回答：對腳啦！高2-3吋

問題25：你們夢想的婚禮會是怎樣?
回答：在一隻豪華的遊輪上，和藍天碧海一起見證這個神聖的時刻

(My) 問題26：中咗六合彩首先會做邊三件事？


「別人的女朋友」＆「親愛的」對唔住喇~ 我出賣左你~我都係比人擺上台的...

>>May 24, 2006 at 3:49:38 PM GMT+8

2006 年 5 月 22 日 星期一 【晴】

今日返公司好黑仔，一朝早比人插咗兩獲…唉！如果唔係因為好多野都未Hand over晒比我的話，我真係唔想采呢個人。

第一獲：
公司有樣野叫CRRF的東西，就係User要做或買任何PC或Software的equipment時都要填的Form…咁有Form就當然要做Filing啦！咁佢地又無人教過我用咩Style去File，而呢位同事的老闆就話：「是旦啦！以Closed Date去做啦！」聽佢咁講咪咁做，點知到今日。呢位同事話：「點解將D CRRF搞到亂晒…Common Sense都知用Reference number去排，每個number都係unique，如果唔係到第時點搵返D Form出來…」。最後咪好無奈咁重新整理過D file…

第二獲：
都係關於CRRF…原因係當我收咗D CRRF之後就會Send返封E-mail比user for acknowledge佢知道我地收咗份Form，咁在份野入面有個Date原來係入返user request果日的Date而不是received date。仲要係Send咗咁多個月先知道，如果唔係今日有個出晒名麻煩的人打電話來Complaint時我都唔知原來錯咗咁耐。不過令我最唔開心的又係果位同事，又問我知唔知道acknowledge的意思是什麼？一D都唔Make sense，仲有就係問我點解User無打電話來問過。咁user為何無打電話來問我又點知喎！

無疑兩件事我都係有錯，不過一個上午比同一個人話我No sense的時候真係好down。大家都係同一個post，我只不過是hand over你昔日的工作而已。嚴格D講句，除咗Filing…呢D野有好多的Procedure根本就唔係我個Post要做的野，有D野我係唔明就係唔明的，所有野都明白的話就唔洗留在這裡做AO啦！

大約4點幾就提早收工去換身分證，拖咗好耐啦！仲唔換就比人罰＄。其實個樣都好殘，不過最後都係算啦！反正今日都唔想留在公司，去到尖沙咀比我約定的時間早咗半個小時，但因為無乜人的關係，所以去到之後就直接入去對返D資料同映相…果個哥哥都好好人，當揀相的時候佢見到我有D相映得唔好就自己同我Delete咗，仲比意見我邊張好D…哈哈！點解入境處D人的態度好咗咁多…好快咁搞完D手續就打道回府了。

>>May 23, 2006 at 4:25:04 PM GMT+8

2006 年 5 月 17 日 星期三 【晴】

又到星期四了！返多一日就可以休息一下，經過星期三的三小時戰場之後，條腰到今日都係好唔舒服。天啊！之後的日子點挨。差點忘了說一件事，本帥哥SEM I的考試All Pass，至於分數就又要等多唔知幾耐先有得睇，不過都好！起碼知道合格先…

夜晚約咗很久沒見的『西門爸爸』一齊食飯，哈哈！對上見佢果次都已經是新年的事了，而今次我叫佢帶埋阿女出來，畢竟佢都很少時間留在香港照顧個女。呢個心情的都曾經經歷過，一點也不好受…

我地揀咗去食「鹿鳴春」，哈哈！因為上次食過覺得幾好食，咁當然今次我們沒有叫『雞包翅』啦！雖然不是自己俾＄，但都唔好食得咁勁。除咗我同『西門爸爸』，仲有其他不方便出名的朋友，呵呵！至於阿女就唔知係D餸唔掂佢胃口或是怕羞，所以無乜點食過野。最搞笑係阿女給我的感覺很像小時候的我，態度和語氣都很相似，哈哈！不過我打的對象是某一些人。從另一個角度去睇，原來的小時候的我都幾惡死。Yeah！

大家都係閒談自己的近況，講吓食之類的話題… 後來阿女可能開始覺得悶就各自各散水，本來打算同『西門爸爸』一齊搭MTR，咁就可以一齊傾吓計，但見到佢湊住個女同埋好累的狀態，所以都係唔煩佢啦…佢今日比咗架Hong Kong Express的飛機我丫，呵呵！其實都放咗佢果度一段日子，只不過是因為大家都忙所以咁遲先攞，哈！其實我都已經唔記得有件咁的事了。

返到屋企整埋D手尾，都唔知點解又搞到成2點幾先訓…部DC今日發生咗D意外，趁保養仲未過快D攞去整一整先。

>>May 19, 2006 at 6:10:49 AM GMT+8

2006 年 5 月 17 日 星期三 【晴】

http://www.parttimelove.com/Assessories/NineType/Paper1.aspx


平和型（隨和豁達，樂天知命）

您通常是溫暖、友善、忍耐、隨和、不好競爭，以及愛說話。您偏好和平、有組織、可預期而舒服的生活。您喜歡配合環境，因而很難知道自己的優先次序，變成跟隨別人所希望而去做事，有時候甚至模仿別人說話的腔調、用詞，以及身體語言。

優點：
非常主動，具有眾多興趣和嗜好。您喜歡與人為伍，可以為了別人而發揮最具生產力的工作成效。

缺點：
您會「自我遺忘」，失去了什麼是對自己真正重要的覺察力。您很容易分心，即使一個人時，亦有可能把高度優先的事情留到最後才做。看起來很像是拖延，但並不故意。

愛情：
您一旦擁有了關係，不會想到分離，而且會承諾去經營恆常不分離的關係。您既忠誠又慷慨，可以不帶妒忌或競爭心去支持並慶賀伴侶的成功，當伴侶的需要浮現時，更能給予回應。

您的憤怒最有可能在親密關係中顯現。因為當您迎合別人時，自己就消失了。
「我有好長一段時間不知道自己的感覺，總是一片空白。當她投射出她所認為我感覺到的事情時，我們便陷入爭吵。我痛恨這種情形，但是對於引發我找到自己想要什麼確實有幫助。」

安定方位：成就型
在安定的狀態下您會變得很專一，能在短時間內完成許多傑出的事。

壓力方位：忠誠型
當面對感情的壓力或情緒對抗時，您會變得充滿恐懼，意識到所潛在的威脅，不但變得退縮，甚至唯命是從、好鬥、彆扭而且更頑固。

建意：
問問自己的想法，而非顧慮別人的意見
注意您對改變的不適感，學習歡迎新事物。
注意您的頑固和被動式抗拒

最渴望：和洽相處
最恐懼：有紛爭，有衝突
最難達到的美德：果斷 (Right action)
最難克服的執念：懶惰 (Sloth)

哈哈！我同「別人的女朋友」的結果都係一樣，怪不得我們一拍即合！Yeah！

>>May 18, 2006 at 8:25:48 AM GMT+8

2006 年 5 月 16 日 星期二 【驟雨】

放咗一個星期SEM Break，今日開始又返學了。呃！不知道是不是因為這幾天都是打風的關係，整個人都好似懶洋洋似的。未夠11點就已經在釣魚，一到1230二話不說便抱著「小飛俠」睡著了，連D同事叫我起身去開飯我都沒反應，完全跟一隻睡死的豬沒差！試過因為Lunch出咗機場食飯而無小睡片刻的關係，那天的下午完全都唔知自己的靈魂跑到那裡去！唉！看來周公子近來真的是『愛』死我了！

今個SEM嚴格來說是上兩科，眼看或許真的是蠻輕鬆，但經過今日的呢堂就Feel到『今次大件事』。準時1730收工，架廠車未轉出東涌我又已經睡死了。隻「野豬」又遲15分鐘先來到，仲話點解我地唔去City U果邊上堂，拜託！你估我地唔想咩！好心你就同City U反映吓啦！學費又貴之餘仲要去咁遠，最大的問題係無淡好食丫！

今個SEM所有的Lecture and tutorial都係連續上3個鐘，講師辛苦之餘聽的學生都好辛苦，個Pat同條腰又痺又痛簡直唔係自己咁…起身的時候仲有D『啪啪聲』！天啊！又唔係唔知老人家係唔可以坐咁耐的。最抵死係隻「野豬」好似好趕咁由頭講到尾，驚教唔切咁。到最後咪又係未夠2130前就落堂，不過咁都好…再咁坐落去的話真係頂唔順！

返到屋企食晒飯都成11點幾，洗埋白白左搞右搞又搞到3點幾先訓…唉！真的很懷念以前每天睡15個鐘的生活…

PS：今日係我公司其一個好好的同事Last Day，雖然唔捨得！但希望她有個更好的未來…我會想你的Florence！

>>May 18, 2006 at 6:20:58 AM GMT+8

2006 年 5 月 13 日 星期六 【晴】

難得這個星期六唔洗返學，所以搵咗阿康上來幫我同部PC做大手術，不經不覺都拖咗成半年有多。嘻嘻！唔該晒丫康！果然是我們「展翔修機王」！

就係因為咁，所以我可以用返自己部PC了！哈哈！用慣咗阿康果部，現用返自己部PC有D唔係幾熟手，不過對於我呢D咁熟習能力高的人就一定好快會『矛問題』的！搞咗成晚，Install返D資料去現在的PC裡都搞到成3點幾先訓。

而今朝也因為懶床的關係差不多成12點半先返到屯門，哈哈！我懶床的功夫真係越來越勁丫！結果返到去就同『展翔』佢地去咗海霸飲茶，對住梁生我都懶得理佢，差點就想攞起杯水對住佢不停咁吹 – 簡稱【吹水】。

之後就同阿康同咗去契仔家，點知佢剛食完奶訓咗覺。所以就同佢阿媽傾吓計、吹吓水、講吓D衰野咁！哈哈！呢個『臭B』，平日都係訓2個鐘，點知今日訓成3個鐘都唔起身…結果到最後要出街時佢先起身，真係丫！D時間洗唔洗咁準丫。最搞笑係我同佢阿媽傾傾吓計時，我地倆個都話肚餓，之後阿康就好好人咁落街買「煎釀三寶」比我地食，呵呵！而我地兩個就當然好似大爺咁坐係度等食啦！Yeah！呢D先叫朋友嘛！呵呵！

之後我就返出九龍Join返阿哥佢地去「飛行會」食飯，唉！又係去果度，都開始食到悶！後來食食吓比阿哥寸，事故係「我叫左個意粉，咁有個朋友比左一小塊牛扒我，咁我見佢個碟倒左D茄汁咪點佢個碟D茄汁lor，點知佢話我無品，仲話成枝在台都唔自己開 (咁我得果一小塊仔就懶得成枝茄汁開出來嘛！)，又話我無manner，點帶你出街！頂丫...你有幾何同過我出街丫！但轉個頭佢自己又係度講屎講尿…真係火唔火薑X！」早知你係去「飛行會」食飯，我就去睇『容祖兒演唱會』！

PS：昨天食咗半包百力滋，又打埋邊爐。今朝起身成塊面都係痘痘，仲打算呢個星期去映相，唉！看來這個星期要比心機救臉先！

>>May 14, 2006 at 4:45:02 PM GMT+8

2006 年 5 月 9 日 星期二 【晴】

因為考完試的關係，所以這個星期唔洗返學，好好咁放我這個一星期的SEM Break！公司的工作都係差不多，每天做、做、做！而這個星期的大事都莫過於「阻住」升到Manager，哈哈！希望佢收吓D火，如果唔係就好難去做野的。

Tea Time的時候本打算又閃去Canteen的，點知落到去見到阿姐同IMAC開會，頂！捉到正！結果都無辦法咁扮無野閃人。而早幾天同Rebecca講開陳生的事，佢話都好耐無見過佢，就約咗今晚食飯，哈哈！唔知佢有無後悔識咗我地兩個呢！研究咗好耐終於決定去荃灣的北京樓開飯。

好耐都未試過準時1730就閃人（唔計返學的日子），我跟咗Rebecca回家湊佢一對可愛的小妹妹，哈哈！呢兩個小妹妹很可愛，好彩唔怕人，尤其是細妹。對眼好大、個樣好甜。去到荃灣剛好陳生就打電話來，結果就約埋一齊先上去北京樓開飯。

我地叫咗個四人餐，但因為Rebecca要顧著兩位小朋友反而無乜點食過野，而我就久不久咁同大妹玩。最無良係呢位「員工聘任經理」居然教細妹走過來咬我，幸好我反應快，如果唔係就真係中招。最後佢就梗係受到教訓比細妹咬，Yeah！都話過本帥哥惡死的…

據聞佢公司講HRO，都好喎！不過呢個Post始終未接觸過，而且又因為要返學的事困死咗，所以都係問多D資料先決定吧！

>>May 11, 2006 at 4:06:05 AM GMT+8