2006 年 9 月 21 日 星期四 【晴】

昨天放咗個靚假，今日就乖乖咁返埋呢日的工。其實今日返來的最主要的原因都係因為今日係Division Lunch，仲要係去迪迪呢的酒店食，病都返來食啦！哈哈！

事原接近中秋節，GM話不如搞返個Division Event，其實個個都心裡有數分分鐘過唔到下個星期。結果我就亂嗡咁同Rebecca講不如去迪迪尼食Lunch，反正我地好多人都未去過，呵呵！估唔到呢個意見居然係Department Head Meeting上通過，好Yeah！

老老實實，今朝早個個都處於等放飯的心情去工作，仲已經準備好所需的工具，就係今日不能沒有的相機…大約12點就開始叫人靜悄悄地散水開飯（其實都唔算靜…）今日總共有41個人去食飯，最搞笑係我係架車度數咗好耐都係數到41個人，但Rebecca話因為有個同事會自己去果邊，所以照理上架車唔計司機叔叔和迪迪尼姐姐就有40個人…當大部份人都玩緊我的時候，最後都要勞煩GM幫我解圍，呵呵！而在呢個去緊迪迪尼的路程上，GM就發表一篇關於近來人心惶惶的話題 – 裁員的偉論！老實丫！個個人都知道CX的IT部門Outsource咗Support比人都仲有二百幾人，佢仲洗乜要你KA的人，你當佢傻仔咩！所以對於GM的偉論我都無乜點入腦，反而同Rebecca商量一陣有咩玩，點知講講吓就比「加納豆」打我個頭話我居然唔專心聽GM講野，哼！佢只不過係承機又打我咋！當GM發表完他的偉論之後，我就馬上拎轉頭報仇…而GM見到我地一大一細都無咁好氣理我地…

好快就到達我們今日的目的地 – Hollywood Hotel…SDR、SDO分別一人坐一台；ITS就分開咗男子組和女子組；我就同Rebecca和2個Temp的同事坐另一台，呵呵！櫈都未坐暖我就同Rebecca走咗出去映相，乜都映一餐…映到最後Kenneth走出來搵我地先走返入去…

一開始就食前菜（沙律）、之後就係磨姑湯（我呢D唔愛菌類的人就梗係Pass咗比人啦）、然後就主菜（牛柳）…食到咁上下我又走咗去映吓相，點知仲比我見到Geoffrey和Mickey，哈哈！幾大都走過去映返張相先…然後就走返去食埋個真係好甜的甜品，食咗一啖都頂唔順放底咗！

食食吓GM又周圍咁去搵人映相，而咁岩我又同Rebecca坐埋一齊，所以我地3個人就走咗出去映返張相先，因為呢D機會都唔知幾時再有。最抵死係我叫埋GM一齊同Mickey映相，點知佢話「乜我唔夠佢吸引咩，仲咩要同佢映」…哈哈！小器鬼…

開心的時間過得特別快，我地又要搭車返公司…臨走前迪迪尼的姐姐仲派咗D貼紙比我地，哈哈！在回程的途中就由GM負責抽獎送禮物，點知第一個就係我【美心月餅卷一張】，都唔知要定唔要！之後就係我同Rebecca有少少混亂的情況下繼續抽獎（呵呵！因為我地將D禮物的次序調亂晒），點知後來又發生咗D小插曲，就係抽到Kitty，但IMD分別有兩個Kitty，結果我就用左右分叫GM又抽過去決定那一位Kitty勝出…雖然禮物唔係咁多和實用，但都叫做係Department Head一份心意，呢D咁的部門真係唔係度度都有。而司機叔叔也好好人咁將架車開到慢D方便我地去抽獎…

返到公司個個都將今日映的相Share晒出來，睇返D相個個人都很開心，而呢D機會唔知幾時先會有，不管今天是不是最後的Division Lunch，但起碼今日所發生的一切對IM的人都係一份美好的回憶！


【Rebecca+GM+Me】


【IMD大合照】

>>November 3, 2006 at 4:36:20 PM GMT+8

2006 年 9 月 20 日 星期三 【晴】

又放假啦！因為呢排公司政局都穩，所以都係嗱嗱臨放埋D OT假先，因為呢D無＄補的，想一想我都好似連續幾星期都無返過5天，哈哈！矛辦法啦！誰叫本帥哥每個星期都有一天係有事要去處理…

其實今日都無乜特別，同周公子約會完之後便起身搞吓東、搞吓西就搞咗幾個鐘頭，之後準備換衫返屯門剪頭髮。因為師傅搬咗鋪，所以去到之後都搵咗好耐先搵到。師傅D生意真係越做越好，我都等咗成半個鐘先有得洗頭，矛錯…係洗頭，之後又坐咗一陣就開始剪，佢今次無點同我【偷薄】度，叫佢剪短D佢又唔聽我講啦！佢話要似返個女仔喎！反而今次就Highlight咗隻紫紅色偏紅，雖然上次果隻我都幾鍾意，但染左咗2個月先多D人發覺。咁又係…正常都人都唔會專登走去研究我個頭染咗D咩色！

在師傅到搞咗個多個鐘就搞掂，之後就搵隻熊貓食飯，我地都有一段日子無傾吓計啦！最Surprise係佢居然送咗盞臭迪床頭燈比我，哈哈！真係估唔到過咗咁耐仲有禮物收，仲請我食埋飯，哈哈！多謝華華！搞到我好似又食又拎咁！

同華華傾計可以好簡單，唔需要點轉彎換角就講出自己的看法，雖然佢年輕過我9個月咁多，但有時佢D思想都幾成熟、有時又會細路咁寸下我，唯一係有時鍾意【轉牛角尖】（大個仔，要改吓啦！）…

本來打算過去睇吓契仔，不過因為太夜了，所以搭返西鐵回來…而熊貓就梗係好有風度咁仲陪埋我搭西鐵，咁當然他在兆康站落車啦！

Anyway, many thanks – Panda WA WA！

>>October 26, 2006 at 6:37:47 PM GMT+8

2006 年 9 月 10 日 星期日 【晴】

都話明9月壽星，所以慶祝節目一個接一個…而今日就係阿康用佢張Manhattan Card換咗2張『森美小儀歌劇團 – Big Nose』的飛比我睇，嘩哈哈！多謝丫！最開心的係仲要係坐第6行咋，嘩呵呵！簡直令人興奮丫！

因為後補日記的關係，所以都唔記得當天在公司發生過D咩事，我估都係做、做、做、同埋做…

收工就坐車去金鐘開飯，難得阿康用佢D分換飛比我睇，請佢食飯都好應該的…去到演藝學院剛入場坐下來就開始，因為今日係最後一場…所以都有幾多嘉賓來欣賞，例如有側田、何韻詩、林夕等等…個Show大約2030開始到2300結束，唉！我仲以為會Over-run！成個Show都有很多笑點，而最感觸的都係班DJ們在落幕換場景期間的小小時間講一講對呢個Show的感受和鳴謝等的說話。而他們最主要多謝的都莫過於係自己的父母，雖然自己無同父母講過近來的工作是什麼，但並不代表他們不知道，父母會留意報紙、雜誌或收音機去了解自己兒女的近況...這全因為他們的子女都算是一個公聚人物。

換過角度去想一想自己父母是否又真的能體諒或了解自己？就算你真的坦白跟他們說出你所想、你所要的，這也並不代表他們會支持你，相反會覺得你的想法只會加重他們的負擔…

唔講唔知，原來細So結咗婚，仲係今場補返個求婚儀式比阿Wing，唔洗問呢Part就梗係全場呼叫啦！所以我就話要睇尾場就係咁解！相比去年，我覺得今年的show較為好睇，可能係因為笑點多D卦！

可能因為之前Overrun得太緊要，所以今場11點先完場，之後就搭車返屋企…本來打算食宵夜，不過又無咩野想食…

>>November 1, 2006 at 7:40:31 PM GMT+8

2006 年 9 月 9 日 星期六 【晴】

我呢個9月壽星都幾巴閉，在2個星期內玩晒香港兩大主題公園，哈哈！仲要係兩個『場』都是免入場費的，幾勁！嘩哈哈！正日同「別人的女朋友」去咗海浪公園，而今日都係同埋「別人的女朋友」和F.D的同學仔去迪迪尼…本來今日同埋Rebecca飛上海的，不過想一想「別人的女朋友」一直都好想去迪迪尼，加上佢同「阿震」一樣有良好的慳家性格，而今次我又可以帶埋佢入去一齊玩，所以就決定暫時唔飛上海…

雖然我們係約左九點半係迪迪尼MTR站等，不過F.D同EM仔一樣，哈哈！有遲無早的精神，結果到差不多11點先齊人…今日簡直係全女班，有阿Be、卿卿、伊婷、可欣、阿璇、「別人的女朋友」和我一行6個人。之後等埋D係迪迪尼做的朋友仔帶我們入去。我和卿卿一開始就已經跑去攞Buzz的Fast Pass，之後就去排『馳車天地』。因為今日係星期日，所以都很多人…而且阿Be佢地4個因為遲來，所以當她們一路行入來時都係比人【X】的…我們排了大約一個鐘先有得玩，本來打算2個人一架車，不過最後我和『米奇金獎劇場』都很想做司機，結果我們就決定分車…初時因為唔識控制個『呔』，所以成日撞來撞去，不過我呢D『醒字派』很快就知道如果控制，仲行得不知幾順…哈哈！

玩完『馳車天地』我們就係附近行咗一陣就去玩Buzz…可能因為今日人多的關係，所以架車車都行得很快，而玩玩吓「別人的女朋友」突然大叫，原來有恐龍…而我馬上轉去另一邊免得比佢見到，不過今次佢都好乖咁無再大叫…想起上次同佢去TPE見到恐龍的情況，真係…

之後本來打算睇『米奇金獎劇場』，但因為入場人員已滿所以睇唔到，所以我們走咗去睇『3D唐老鴨』，呢個係我高度「別人的女朋友」l去睇的野…因為我去了迪迪尼咁多次每次都會睇返2-3次先走…呵呵！玩到咁上下就去食Lunch，我們揀咗坐露天的位置，點知有隻黑BeeBee都唔知係咪係變咗種，連牛扒薯條都食，結果要用紙巾蓋住晒D野食等它走，初時旁邊D人都望住我地，因為我地個個起晒身望住蓋滿紙巾的枱，後來隻BeeBee周圍飛，結果附近的人都不得不用我們呢個方法先能夠繼續享用午餐…

後來我發覺因為唔係好夠時間，所以決定唔睇巡遊，睇咗Lion King和『米奇金獎劇場』、去泰山屋等就決定分開玩，因為我要同「別人的女朋友」去搵Donald映相…難得入到來無理由唔搵佢映相的，等咗半個鐘都算快，然後就搭火車去小鎮大街睇下有D咩新野！然後就去霸位等睇煙花…煙花都唔錯，而且今日又大風，所以D煙都散得很快…

睇完煙花再陪「別人的女朋友」去搵吓有無臭迪隻衫，可惜最後都無貨，Join返阿Be佢地就去MK食米線，可能因為個個都餓，所以食咩都好味。返到屋企差不多成12點幾，很快咁洗完白白、Upload埋D相就去搵周公子，因為明天仲要返工…

今次真係Thanks阿璇和她的朋友仔…Yeah！


【哎呀！少咗阿璇…】

>>October 26, 2006 at 4:17:11 PM GMT+8

2006 年 9 月 7 日 星期四 【乍寒還暖】

叮咚叮咚！後補日記時間現在開始，請各位擔定櫈仔、坐好個位、叫埋D朋友仔一齊薇␃窌鴽琲漱@切…

開咗幾日OT，做到咁辛苦到最後卻換來一句：「你自己攞薊滿v

事原係自從做了呢個工作6年的同事離職，咁佢留下來的工作好自己咁順水推舟就落在我手中。其實出來做野，當一個人要走而另一個人去接手根本就係一D好自然的問題，就算有幾唔滿意都好…結果咪又係要去做。其實我直屬老闆都想保我，但問題佢又唔去想一想…如果我出聲係有用的話，我洗乜日日返來做埋D同AO無關的工作，再加上果個都係我老闆，叫我點講！同佢解釋過好多次唔係我唔想出聲，係我用咩身份去出聲！你同佢同一個Title你都唔夠佢講啦！唉！結果我都懶得理佢，唯有日日留係個位度死做爛做，唔識都要去做。

熟悉我的朋友都應該知道我唔出聲個樣都幾惡的，而且呢排一下子要自己接手晒別人用了6年時間去做的工作，都咪話唔辛苦，加上D老闆又成日搵我做磨心…真係乜心機都無。所以我GM呢排成日走出來聊我玩我都無理過佢，對住佢除了工事之外，其他一概不理…哈哈！在KA咁耐都係第一次咁對佢…因此佢今日都忍不住問我仲咩呢排無乜笑容，結果我好快咁應咗佢一句「就褶Q喊」就出返去。

Lunch時直屬老闆問我出唔出去食飯，不過呢排日日OT又訓得唔係幾好，加上手頭上又有好多野未做，所以好求期咁應咗佢一句「好多野做唔出」。點知佢話：「你自己攞薊滿C一開始就已經叫你咪接D野去做，而家你接咗上手佢地邊有可能比機會你放返D野出來」。果下個心真係趺到落谷底，完全無野講。

結果趁佢地出晒去食Lunch，終於都忍無可忍！我想這次也算是我在公司第一次真真正正哭起來… 其實我不在乎別人覺得我的表現是如何，我只在乎自己的負出是否值得？每一個人的觀點和角度都不同，但我討厭別人只用自己的角度去看其他的人，而不是從別人的角度去考慮事情的價值。比咗10分鐘自己去喊，之後就去補眠，因為而家唔補，成個下午就無乜精神去做。

因為今日『神哥』Last Day，所以都預咗下午有野食，結果連三文治都懶得落去買。當『神哥』同阿7過來派野食的時候，同佢地閒聊咗幾句，點知講講吓又比阿7講中我今日的要害，結果又趁無乜人發現的時候走咗入Toliet又喊咗一陣。可能呢排真係忍得好辛苦、又或許自己真的很久沒哭過，所以趁呢件事比自己一個宣洩的機會。咁當然就唔會比公司D人發現啦！哈哈！

到差不多收工時間，『神哥』話想同GM映返張相，所以就入咗去幫佢楂機。而GM又乘機問吓我仲咩唔笑，叫我笑吓！結果我比咗一個仲衰過唔笑的笑容佢就走返出去，我想成個Division都得我一個夠膽咁做！做到6點半左右就收工，返正日日做得咁辛苦到最後其他人唔覺得係D咩！咁何必要自己做辛苦…

>>October 26, 2006 at 4:09:38 PM GMT+8

2006 年 9 月 1 日 星期五 【晴】

尋日同「別人的女朋友」去咗海浪公園玩咗日，但今日都唔係訓到好晏先起身。起碼無15個鐘啦！其實呢排都已經好少會訓足15個鐘了，所以成日都覺得自己訓唔夠…因為過咗生日，所以佢都回來屬於佢的地方…

（因為呢篇係後補日記的關係，所以我都唔係好記得果日做過D乜，差不多成個半月前的事…點記得喎！）

夜晚同展翔佢地係屯門唱K，我地都好耐無一齊唱K啦！本來我想去Neway的，不過因為價錢的問題結果揀咗去Green box，最抵死係我居然係最早到果個。所以我就去咗攞房先，門口登記的小姐都話「乜呢D日子唔係其他人攞咗房等你咩？」哈哈！點知我好快應咗句「呢D咪叫做朋友囉」結果佢比我地唱到第2朝6點先交房，而那時只不過是晚上8點…所以我地都係半唱、半吹水的形式係間10幾人的房度Hea…

今日都唔少人，有盈盈和關生、孖聰、子揚、阿康、OD妹、阿婷、晴晴、9月壽星趙道、子揚和我一共12人…剛好一圍台，哈哈！因為咁多人的關係，我地大部份人都係以吹水多過唱歌，可能因為Greenbox無咩新歌卦，不過算啦！每次阿康搞呢D野都搞到頭都大晒！

因為大家都無打算唱通宵，所以我大約11點幾就走，因為要追尾班車…而其他人也陸續撤退。



>>October 26, 2006 at 4:10:46 PM GMT+8

2006 年 8 月 31 日 星期四 【清涼】

後補日記Part II – Happy Birthday to ME~~~


想不到我會在KA渡過第3年的生日，感覺有點不同！最懷念的當然是第一年和西門爸爸一起分蛋糕的時候。而今年的生日我決定冒著收大信封的危險依舊請假，反正如果真的被炒的話，早收遲收始終都要收，倒不如飯照食、玩照去！而且生日當天去海浪公園係唔洗＄的，完全符合我呢D知慳識儉的人啦！呵呵！最好一樣野就係「別人的女朋友」買了學生的Annual Pass！Yeah！

本來約左10點半在金鐘等，結果因為我懶床的關係差不多11點半先到，途中遇到一些意外，搞搞吓決定係金鐘食埋個Lunch先入去。差不多一點鐘就入到去，一開ball就玩咗個『滑浪飛船』，好彩唔係濕得好勁，之後就去玩埋個『旋轉摩天輪』，結果就中招…加上烈日當空，感覺到有點中暑的跡象…所以馬上躲入去D鯊魚館、海洋館、水母館之類的地方暫避一下。後來感覺到個人開始降咗溫就去玩『普通摩天輪』和『海盜船』，但最後發覺自己都係頂唔順。所以都無再點玩機動遊戲，就走咗去睇『海洋劇場』…每次去海浪公園我都必會睇的，以前就因為有殺人鯨海威，不過現在都起碼有海豚…D海豚真係好醒，而且姿勢幽美，正！完咗Show，「別人的女朋友」就去了洗手間，而我就繼續係睇『海洋劇場』等佢。後來見到D工作人員放返晒D海豚出來同佢地玩，呵呵！我又賺到了！最搞笑係其中有一條海豚居然食咗條魚但就無做動作、同埋有個訓練員放左盒專放魚仔的箱係條海豚的肚度，然後讓條海豚游返入去…哈哈！好奸丫！

因為天氣始終太熱了，結果我放棄玩機動遊戲的計劃…今次真的難為了「別人的女朋友」，而且最後係兩成哄騙八成威迫的情況下捉咗佢同我坐纜車去海浪公園另外那邊睇熊貓，嘻嘻！誰叫我一次都未見過，而最大的問題係熊貓館旁是「別人的女朋友」最怕的恐龍地帶，所以成條路佢都係閉著眼睛捉住我去行…呵呵！行到咁上下先發覺原來『下水禮』仲未完，不過為免濕身，我和「別人的女朋友」都只係走到D泡泡上面映相就算。最搞笑係其一有個外國小朋友不停比佢D哥哥姐姐整D泡泡係佢個頭上面…

去到熊貓館終於見到『安安』同『佳佳』，名副其實的『食』和『瞓』…之後去到兒童王國發現到有塊畫板，所以「別人的女朋友」就發揮佢的小宇宙送咗幅靚畫比我，呵呵！最Sweet的係署名叫「穎風」，嘩哈哈！又益咗佢送少份禮物！講開呢個【海王子】，唔知係因為兄弟壓力定良心發現，居然真係同我過埋生日先走。呵呵！都係唔講佢啦！費事讚壞晒（其實一直都無好過，哈哈）

我和「別人的女朋友」在海浪公園玩到六點幾就搭車去MK食「金太郎」，之後行咗一陣街睇波鞋，然後就打道回府！

在此要特別多謝「別人的女朋友」陪咗我成日，仲有就係各界好友的祝賀！

>>October 14, 2006 at 11:14:34 AM GMT+8

2006 年 8 月 24 日 星期四 【綿綿細雨】

嘩… 原來我都無寫成個月的日記，雖則唔洗返學，但唔代表乜都唔洗做，反而公司的工作仲越來越多，好似要做到我發火為止。不過今日呢個Training由聯絡、安排所有的facility and time都係由我自己一手包辦，所以呢個滿足感都令到我在呢度搵到小小的自信心，而且organizer又好好人，大家的communication都唔錯，所以都係另一個令我好享受呢個Project的原因…

因為今日係第3個ITSM Training，所以昨天收工前要搬D Equipment去MPH度，順便Set埋個場地佈置，好彩有神哥同阿steve幫手，如果唔係我一個人都唔人都唔知點搬。落到去發現張乒乓球枱放正係門口阻礙晒，所以我就走去推開佢，點知一推有半張柗跌咗落嚟！結果撞咗落大脾度，果下都幾痛…不過因為仲有其他野搞都無理佢住，返到屋企先發現原來瘀到成隻雞蛋咁大，哈哈！係咪可以Claim工傷丫。

今日8點左右就返到公司，整埋D手尾就收到HP的電話，哈哈！都有成幾個月無見，今次Lily都有一齊來，好開心！同之前一樣，8點半左右就趕人落去MPH，因為今次有埋Outport同事，所以今次個training都變咗國粵語並用，不過大家都係後生仔，矛問題的！

因為今日要準時交返個場比club house，所以on time就開始…同以往一樣，當他們開始時我就去食我的早餐，點知班蝗虫一件三文治都無留返比我，唔單止係我無得食，連HP的同事都無食過…哼！好彩我後來走返上Office食咗幾塊餅！而因為我成日都走咗落去MPH做雜務，所以今日Rebecca就要pick up埋我的工作，真係辛苦佢啦！

可能係因為又要講粵語、又要講國語的關係，所以Race 1的成績比之前2次的training都差少少，加上第一次玩大家都唔係好清楚個Game點玩。而第2次經過之前的experience and communication，相比好咗！

好快就到食飯了，呢班蝗虫就梗係唔會等埋我先開飯啦！仲留咗個正位比我（GM旁），唉！不過算啦！如果我真係坐去隔離就會好迫（14個人），所以我唯有坐GM果台…不過對我都無咩所謂，反正今日有客係度佢唔會點玩我！呵呵！匆匆咁食完就返上Office整一整公司和save返今日映的相，老老實實…一個training都足以我一個星期的運動，因為整天都不停走來走去未停過。

成個training都係在預算的時間內完成，係中間等GM來做評判的時候有少少的Gap，不過我地呢D咁有效率的人就梗係做咗其他事先。本來GM唔想來做評判的，不過最決都比我3成哄騙7成威脅的情況下叫佢落嚟！其實佢都真係幾錫我的，因為呢斷時間佢真係好忙！比著其他的老闆真係采你都有味！

在後來係大家填緊evaluation form的時候，HP原來買咗份小禮物送比我，哈哈！好開心丫！真係估唔到！最後頒埋獎就結束今次整個的Training…

呢個training都係我第一個在KA自己處理的Project，除了contract的部份，全部都係由我自己一個落手落腳去做，當中可能有做得唔好的地方，但我好enjoy…3個sessions都見到唔到的野和學到唔同的野，呢D就叫做「經驗」

>>September 20, 2006 at 11:51:07 AM GMT+8

2006 年 8 月 19 日 星期六 【晴】

因為星期五行完美食博覽會之後，返到屋企仲要做埋『野豬』份功課先能找周公子，所以一口氣就訓足15個鐘，超爽！故此今日好乖咁起身返聖堂，雖則都係遲到果隻。

其實昨天係屋企訓醒都無咩點做過野，全日都留在家睇吓TV、睇吓之前在書展買咗的書就返阿娘到開飯。完完全全係訓醒就食、食就就Hea、Hae完又食、最後再訓的生活！

今日返到聖堂就已經見到阿康，望完彌撒本來同阿康一齊過Lover果邊開飯，但一聽到某人也在，所以安全起見我都係自己閃過去同Lover and契仔開飯就算。等咗一輪終於有位，阿B呢排因為開始出牙仔所以躁底，搞到佢阿媽無啖好食…食完飯就上咗佢地度坐咗陣，同Lover傾吓計，之後阿B訓醒咗就同佢玩咗陣，坐到5點幾就返九龍，畢竟呢兩個星期阿哥飛咗去歐洲，所以矛人同阿娘食飯。

返到屋企之前去咗吉之島果邊睇吓對波鞋，終於搵到我想買果對Air Max 97，不過試完之後發現對鞋入面開始爆線，擺到明比人著到爛啦，加上佢又無減價，結果都係無買到閃人。返到屋企都係無無聊聊咁睇吓TV就過完一天…

>>August 30, 2006 at 8:44:47 AM GMT+8

2006 年 8 月 17 日 星期四 【晴】

雖然考完SEM D的examination，不過並不代表本帥哥直閒，反而仲忙過考試前2日，原因係要交『野豬』份Report。初時打算考完試那天和同學傾下做咩題目，不過搵唔到她們，所以就拖到星期二先決議做D咩。

因此考完試都未真真正正休息過，加上呢排公司又忙到嘔，又有同事辭咗職，所以她本來的工作毫無意外應該會比晒我，唉！真係好唔想、兼唔鍾意，畢竟我又唔係屬於佢地的Headcount，就算叫我轉都唔好啦！最大的問題係而家政局未定，炒定留都未知，總之前路茫茫。

可以因為挨咗幾晚，又開始作病，到昨晚真係頂唔順12點幾就去搵周公子，所以辛苦咗我的好同學，真係多謝佢的體諒，I Love U！一訓就訓到今朝起身，點知都仲係唔係好掂當，開著冷氣起身發現成身都係汗和個人仲係好熱。結果唯有打返公司Report Sick，之後就咬左塊餅，食咗粒藥再訓過。到差不多一點「別人的女朋友」打電話來問洗唔洗拎埋D野比我，因為今晚約咗佢同Chris Chris一齊拍拖。後來佢知我病病地就叫我再休息下，如果真係再唔舒服就唔好出來。

在屋企食咗D野，然後乖乖食藥就再搵周公子，出咗幾次汗個人終於無咁熱（其實仲係開緊冷氣），訓到「別人的女朋友」5點幾打電話來先起身，雖然個人都仲係有D累，但起碼個身無咁【興】先，所以就出去搵佢地！

臨搭MTR之前去咗拎D手信比陳生，哈哈！都拖咗佢成2個月，佢就梗係投訴為何得咁少，無辦法啦！有時夜晚溫書偷食咗嘛，好辛苦先留到幾粒比你咋！同埋呢D叫少食多之味。

過到灣仔都成7點，去到Meet咗Chris Chris先，因為「別人的女朋友」仲未到，後來Chris Chris話去Hall 1搵佢女朋友，因為她在美食展做工作人員，所以攞Pass比我地入去。行咗斷冤枉路先上到去，Chris Chris仲要有腳傷，今次真係辛苦佢…不過見到佢咁為佢女朋友真係好sweet！我地由7點半鐘行到人地完場先閃，時間剛剛好，而Chris Chris行到8點幾就接咗佢女朋友走先。今年同舊年一樣買得最多野係我，不過相比舊年已經買少咗野了，因為今年真係無咩平野買，同埋無咩目標人物要買野比佢。哈哈！

行完美食展就同「別人的女朋友」和Nigal去銅鑼灣老地方開飯，途中經過Body shop開倉就走咗入去買咗支止汗濟，因為比半價仲要平丫。係老地方食完飯都成12點了，點知一落到街先見到傾盆大雨，好似唔洗＄咁落。等咗成十幾分鐘D雨都未細過，後來因為擔心無尾班MTR就把心一橫冒雨跑去MTR站，結果成身濕晒，而「別人的女朋友」和Nigal好有義氣咁陪我一齊淋雨去MTR站，其實我知道佢地在鵝頸橋已經有車回家的，真係辛苦晒你地丫。後來返到屋企，好彩無銅鑼灣那時咁大雨，所以都係冒雨回家，反正都已經濕晒身。返到屋企唔理三七廿一就洗白白，如果唔係仲病多二錢重就大獲。之後就繼續完成晒份未完全的Report，做到3點左右終於完全啦！打電話比同學仔話比佢知我搞掂咗，而今次又要辛苦她做最後的工作。

經過今天，突然發覺自己好似越來越唔似自己咁，以前咩事都可以一個人頂住，但而家好似遇到D咩事都會依賴身邊的人，甚至好自己接受他們的保護，到底是我變得軟弱，或是我越來越被人覺得需要保護？

>>August 18, 2006 at 8:38:22 PM GMT+8