2007 年 4 月 3 日 星期二 【乍雨乍晴】

今日係兒童節，但我並沒有開心的感覺。今日係兒童節，但我更沒有愉快的工作環境。


很久都沒有為公司的事而想哭了，但連續2星期就不停咁爆鍋、不停咁在不知情的情況下硬頂蛋躂的鍋、仲要不停咁比佢疲勞轟炸。就算我每天不斷地鼓勵自己努力地撐下去、不斷地安慰自己你是做得野的、甚至不斷地同自己講你唔可以比佢睇死等等的說話！但始終都會有【沉】下去的感覺…

今天由9點開始就已經比蛋躂疲勞轟炸，講佢又唔明、明又唔做、做又做錯、錯咗又唔改，一味得把口。喂！想點丫你，搵人解釋比你聽你又唔聽，仲周圍同人講你已經case done，真係咪玩啦！最火的係當佢比人知道原來個Case仲係pending的時候佢就會瀉咗去比我，們@#$%^&*^$#$@！拜託！你個名好似唔係『A』字頭喎！

忍無可忍頂到下午4點半就過咗CX，半工半私啦！其實過CX好快就搞掂完D野，之後又走咗去搵我的心理醫生 –「他」…其實知佢忙得不可開交，不過唔對住佢講，我真係唔知可以同邊個講，而且最好一樣野佢熟悉我現在的工作環境，所以就算的詞不達意佢都明白我想講D乜野…去到佢果度真係好想喊，但曾經講過唔想再為公事而喊，尤其係為咗件沒腦筋、沒智慧、沒品格兼不想向前的老人家，仲要係一把年紀果隻。所以無論點都要撐下去，雖則連佢都覺得蛋躂在某方面的處理手法是有問題。

今日本想約咗Lover食飯，自從契仔出咗世我地都好耐無出去食飯，加上今日這樣的心情也想出去鬆一鬆，但最後因為Lover要開OT，所以今天的飯局要取消。曾經有想過找另一個「他」，不過始終都係放棄咗！對於這個「他」我不想存有任何的依賴，更不想走回昔日的路，因為我講過我唔想再過「等待」的生活。書中曾經說過：「我寧願高傲地發霉，也不要委屈地愛！」結果…我選擇回家。

轉自『泉Blog』的小分享 ﹕
一有機會就要做對的事。當機會過去了，我們在來盡力，可能就真的來不及了。

貼心的『泉』當然會中英對照啦！
Do good things whenever the opportunity comes. When the opportunity is gone, try as we may but it might be too late

>>April 4, 2007 at 4:28:07 PM GMT+8

2007 年 3 月 29 日 星期四 【晴】

風水大師今年在年頭時曾批算本生肖今年在事業方面『仍順暢，特別是財運也利，也宜發展新事業，投資新項目，上班一族則兢兢業業，埋頭苦幹，認真做事，自會有貴人提攜，時到運轉。』，而在感情方面就算說『今年感情運佳，有利於締結良緣，但有時感情不定，未婚者今年也易遇上理想對象！』

看完以上的推算，我想幸好我不是一個迷信的人，對於這些的東西通常都是當information only！倘若我真的完全沉醉於這些事情，我想我早就已經崩潰了！

我承認在外面工作不是所有的事情都能合自己心意，但並不代表我可以一次又一次咁硬食那個所謂的部門經理種下的鍋…每個星期跌幾隻鍋比我，怪不得連CX的Senior M都出聲問發生咩事！比著我連爆幾單我都會問啦！更何況幾單都唔係少野，最火的係佢居然在完全沒有通知我的情況下就已經跌隻鍋比我，搞到我都唔知發生咩事之餘連為自己申辯的機會都無佢就已經代我回覆人地會叫我盡快去解決件事‧所以在其他人眼中咪就係認為問題在我身上囉！同埋係總之佢唔洗有手尾跟對於佢就係已經解決了，但事實上係『未解決、未解決同未解決』，話雖如此，呢幾隻鍋都已經壓在我身上，而我就只有繼續揹負著，直到某一天我選擇離去‧

本以為自己可以撐得住、本以為自己可以頂得住、本以為自己可以用自己的能力去解決，但最終發覺原來我仍站在原地上等救援‧本以為我可以跟「他」說些開心的事、本以為我可以跟「他」分享工作上的成功、本以為我可以不用再讓「他」那麼擔憂我，但事實上我對「他」的信賴和依賴也越來越多‧雖則對於自己面對的不滿和委屈相比「他」，我那些鍋根本就不算什麼？不過我始終都是因為「他」才能離開失業大軍的行列、也因為「他」我才能回到這裡，所以我不能讓其他人用我作為藉口對「他」說些什麼或做些什麼！也許這個想法和堅持很白痴，因畢竟商場如戰場，今天你對一個人好並不代表對方永遠會對你好；今天你對一個人而對方可能不覺得你是對他好‧

至於係感情方面…我想這是我最沒有把握和能夠控制的問題吧！類曾經說過「這個世界有兩種遺憾是最折磨人，一個是得不到自己愛的人，另外一個是看到你愛的人得不到幸福 」前者你無選擇的權利，因為感情是需要雙方面的付出…後者你仍能有得選擇以什麼身份去對待或幫助你愛的人，朋友？知己？總之你都是只想你愛的人得到幸福‧

因為彼此相處已久，令到「別人的女朋友」學懂有些事情都不能那麼執著去做，作為你的『親愛的』，在這方面我不方便加插多太的意見，總之你知道自己想要什麼？目標是什麼就行了！而我、阿英、阿哥或Chris永遠會在你需要的時候陪伴著你…而我呢？其實我喜歡的來來去去都是那一種類型，只是我喜歡的人永遠也不會知道我會喜歡他，因此他也不會會喜歡上我，除非這個世界上有奇蹟吧！但這個機會率比中六合彩的機會更低…所以我要學憧要放棄了！因為等待中的日子並不好受！

差點忘了說，今天是我們的類少爺生日，呵呵！本來打算今日連埋「別人的女朋友」一起去賀一賀佢的，難得她記得嘛！但展翔臨時改了開飯的日子…所以唯有後補啦！不過我想對於類少爺來說除了對某人的事會有興趣之外，其他的他…也不會在乎的‧對不對？

>>March 30, 2007 at 3:29:13 AM GMT+8

2007 年 3 月 21 日 星期三 【晴】

雖則公司和功課都比較忙，但自從由美國返來之後，總覺得自己在精神和體力上都有種力不從心的感覺，每天都很累、很倦！無論是身體和心靈上都一樣。照理上短短的一個星期應該唔會有咁多影響，但事實證明比自己知…美國的生活的步伐真的比香港慢很多…其實再想深一層，根本就是自己不肯面對現實的藉口。

呢排一到12點左右個人已經撐不下去要去找周公子，今朝返工仲發生了一件非常瘀爆的事 – 巴士PK事件！對！無錯，晨咁早返工的時候係巴士度PK…

事原係我坐巴士由東涌返公司，坐在係最後果排，而我當然不會浪費那8-10分鐘的時間繼續補眠，點知當一張眼就發現原來已到站，便急急起身落車…而唔知果時係自己仲未訓醒定係咩原因，突然覺得唔知踩到D乜定係點，成個人係巴士車廂內跌底咗！而果刻其實知道自己係跌緊，只不過係無意識咁去搵野捉住，結果『BOMP』一聲「兩隻膝蓋落地」。嚇到我身後的Cathy和Nikita都唔知發生咩事，不過我自己好快咁起返身就落車，而落到車佢地馬上問我有無事。哈哈！點知反而第一個反應就係條西褲有沒有爛，真係激死佢地！

返到上office放底個包包就去Toilet睇吓有無傷，好彩只係撞瘀晒，不過係架巴士上都真係瘀到爆炸…不過今日都不停地提醒自己做野要小心D、行路要專心D！唉！總之就我都唔知自己做緊D乜啦！

轉自『泉Blog』的小分享 – 一直停留在不愉快的回憶裡是沒有用的，所以現在就覺悟吧，因為只有你自己可選擇你要有一個傷心，還是開心的人生。我要你快樂，我也相信你可以做到的!

>>March 23, 2007 at 4:47:08 PM GMT+8

2007 年 3 月 19 日 星期一 【晴】

原來人真的可以很簡單，當你相信一個人、當你喜歡一個人、當你接受著這個人給你愛護的時候，也許你會很自然地跟隨著他，並會不知不覺地完完全全地依賴著這個人，甚至會覺得這一切是理所當然的事‧所以當這個人漸漸地從你身邊的離開時候，你會發覺原來自己是很緲少的，不管你的職位有多高、不管你的權力有多大！到最後…你能擁有的就只有一個逝去的回憶和不切實際的經驗‧而當初的包容、當初的保護更可能會是一個讓你不肯接受現實的藉口！

但事實終歸事實，「他」也不能夠照顧我一輩子，畢竟跟其他人常說，「他」這樣做也許對一個在社會經驗不多的人仍對這個社會充滿希望和期望，但事實上可能會防礙到我去認識和接受新事物的機會…那到底是誰對誰錯？我想這是一個無法解答的問題，因為每一個人的觀點、角度和接受程度都不同！不過如果我能有選擇權的話，在這一刻我想我仍會選擇活在「他」的保護下成長‧因為我…就是想過這樣簡單的生活！

無否認我是對某些人存有偏見，但既然你是一個管理層，你不是應該要對你自己做的決定和說話負責嗎？出爾反爾只會令跟隨你的人無從入手之餘，還會令我們的工作量百上加斤，難道這就是一個管理層的目的嗎？

>>March 21, 2007 at 8:01:18 AM GMT+8

2007 年 3 月 8 日 星期四 【晴】

昨天去咗fisher’sman wharf，所以今天決定再去多次SFO的China Town附近行，衰人伯伯又係一朝早返工前來車我去Cal train站，不過他今次唔係車我去Mountain view，而係去Sunnyvale那邊的車站，但因為那裡無泊車位，所以當他放下我之後就開車走，而我就自己係車站度食我今天美味的Green Salad。食食吓電話無端端響！原來衰人伯伯怕因為掉下我自己一個而我會生氣，哈哈！聽完之後真係「O」咗嘴！我才不是那麼小家器的人，再說我也不想阻礙他的工作。不過果一刻有人咁關心自己都係開心的。

同昨天一樣都係搭返同一架巴士去China town，去到咁上下就自己走落車周圍行，不過唔知係咪因為D人返晒工，所以成條China town都好靜！加上唔知仲乜鬼天氣咁鬼凍，所以行到咁上下我就走咗去Starbuck買咗杯巧克力暖一暖先。

2007 年 3 月 7 日 星期三 【陰晴不定】

原來不知不覺離我的美國之旅已經過了成半年左右，哈哈！話雖如此，但睇返D相又好似是剛過去了一陣子的事，可能是因為我在某方面也屬於感性的人，活在『回憶』之中也算是我生活上其中一個很重要的支持吧！

不經不覺今天已經是我在美國的第七天，而今天我決定自己一個人坐Cal train去SFO進行深入之旅，而今天的目的地是我最喜愛的漁人碼頭。衰人伯伯一早來接我去火車站，之後我就係火車上補眠。一眠就眠到去總站，哈哈！如果比衰人伯伯知道我訓得咁爽都唔知佢有咩反應。

2007 年 3 月 6 日 星期二 【颳風】

今日衰人伯伯帶咗我去San Jones那邊，因為佢話那邊類似有一個科學館的museum，哈哈！矛辦法啦！話晒佢都係一個IT人就梗係對D電腦野有興趣啦！首先我地去咗一間中菜餐廳食粉麵，哈哈！落單果時我仲口快快咁講咗句：「走青唔該！」幸好老闆係中國人所以識聽，連衰人伯伯都話我勁，因為佢來咁耐都未試過用中文落單，拜託！中菜館有乜可能唔識聽中文丫！哈哈！

食完野佢就車我去一間好似叫Technical museum的地方，而我就自己買飛入場睇野，呢度同之前Monetary Bay的水族館一樣，買咗入場票都係無人收的。行幾個圈發覺有一個Prodcut好吸引，它類似是電子手臀，你在電腦輸入你想要的英文字或句子，機械臀就會在一堆積木中找出你想要的字母並砌成你想要的句子。哈哈！唔洗問我就梗係發揮我聰明才智玩吓啦！仲幫「別人的男朋友」送咗句好Sweet的句子比「別人的男朋友」。哈哈！玩到咁上下就去睇吓有乜紀念品係可以送比人，之後發現原來有好似太空館果D天象廳的野睇，結果硬著頭皮返去買飛果度叫果個人幫我改返張入場票係可以去睇戲的，唔洗問就梗係唔洗錢啦！因為入場票係包埋一套戲的，只不過是因為我唔識揀而無揀到。

2007 年 3 月 5 日 星期一 【晴】

因為衰人老伯要返工，所以呢個星期他每天都會來接我食Lunch之後就放底我在某一個地方遊樂，然後他去上班。而對於呢D獨立兼醒字派的我就當然【矛問題啦。】美國之旅 – 自由行正式開始…

同昨天一樣，衰人老伯在Lunch的時候來接我，今天我們去了一間很大型的Shopping Mall，我們去咗果度的Food court食我們的今天的午餐，終於食到﹝湯包﹞啦！Yeah！真開心！仲係我好耐、好耐都未飲過的周打魚湯，GOOD！食飽飽我就陪衰人伯伯去攞返佢架車，幸好我陪他行出去，因為他居然忘了自己架車泊咗係邊，好彩自己有個習慣識認吓路，如果唔係分分鐘我下半天的行程就係 – 搵車！送走咗佢我就自己行返入去個Mall度探險，唔記得呢個Mall叫乜，不過呢個Mall都算係我到今日為止見得最大的Mall，而且本帥哥有的係時間，所以決定實行『磨爛毯』。

2007 年 3 月 4 日 星期日 【晴】

嘩！不經不覺原來我由美國返來香港都已經有2個月的事，但關於今次美國之行的感想都未打晒出來，並不是本帥哥懶，而係近來真係好忙，就算唔忙都好累，所以大家都係將就吓啦！反正呢個Blog睇得明的人會明我講乜、睇唔明的人點都係唔會明的‧好！回正題～

經過呢兩日的北上和南下之後，今天的行程就係乖乖地留在衰人老伯屋企搞埋份Assignment，其實份assignment都已經完成了很多﹝全因為我有個好同學 – 小虫﹞，其次就係整吓公司D野，其實我都唔明為什麼去旅行都會好自然咁去做公司D野，可能始終都覺得自己責任的問題，加上因為自己要出Trip，所以比咗好多連自己都無眼睇的野比件蛋躂，為免讓它有任何藉口。都係自己乖乖地浦頭！而可幸地我仍可以同D同事或朋友上網聊天，所以好快咁衰人老伯就放工回來接我出去食晚餐，之後就去左一間很多中國人買野的Supermarket，可惜無野睇中。所以就打道回府計劃吓明天的行程…

>>May 23, 2007 at 9:26:16 AM GMT+8

2007 年 3 月 3 日 星期六 【晴】

經過呢2日的驗證之後，我發覺我係隨時可以去外國生活而不怕有Jetlag的問題，哈哈！就連衰人老伯就話我勁，呵呵！係香港生活咁多年，都已經習慣了夜晚動工早上休息的生活，所以當第一日來到SFO的時候，我都無擔心過我會因為Jetlag而產生的問題…﹝別人的女朋友，我相信你應該都會跟我一樣的‧哈哈！﹞講返今日，因為無PC係身，所以每天洗完白白睇一陣TV，大約一點左右就會乖乖的上床見周公子，然後就準備第2天的行程‧而衰人老伯仍然放假，所以今天他都可以帶我出去玩同食…

昨天北上﹝SFO﹞，所以今天我們就要南下﹝Monterey Bay﹞…而由Sunnyvale開車去Monterey Bay都要成個鐘有多，仲要係行山路，多急彎！拍得住香港的青山公路…不過我都係果句啦！要用神駕車果個又唔係我，呵呵！

去到Monterey Bay都差不多11點，係附近的餐廳行咗轉好似無乜野岩食，結果決定去Starbuck Coffee食我們今天的早餐，而我就點了巧克力酥+Mocha。個巧克力酥真的好好味丫，呵呵！完全滿足到我呢個巧克力王的要求…食飽飽我們就向呢個大型水族館 – Monterey Bay Aquarium