2007 年 5 月 5 日 星期六 【酷熱】

今日去咗ACC果度in Officer的post，雖然係volunteer的制服團體，但成個interview一點也不馬夫，仲係好認真果隻…而且去interview的人都唔弱，有master生和差人，感覺上我係最細果個。而最無奈係去到居然無的名，那個人問我係咪收到email，結果我話無（因為我係洗橫手來interview的），最後要問一個比較senior的人先入到去interview。點知唔洗問，好快就比人知道我的身份，唉！全因為我和阿哥的中文名太相似了…

成個interview分individual and group discussion，係individual那部份時那個女官一開ball就已經問Murphy係咪我阿哥，問的話題都離不開阿哥的關係。最後她比咗張新機場同舊機場的相我去做presentation，唉！返機場返咗成2年都已經無乜感覺，結果都唔知係咪考試效應居然講講吓講左句economic of scale，完全九唔搭八。無辦法啦！成個presentation都係用English。講咗一陣就去到group discussion，6分鐘discussion，6分鐘debate…同Team的有4個都係當差，好彩我都講過吓幾句，如果唔係真係樣衰，而我唯一對佢地好唔滿意的就係佢地開口埋口都話「一個制服團體應該要…」拜託，難道呢個世界無制服團體D人會唔識生存嗎？搞到成4點幾終於走我，係寶林搵咗間餐廳開飯就去MK見「別人的女朋友」。

唔想入ACC最大的原因都係因為阿哥的關係，最怕D人乜都提阿哥的野，衰衰格格講句，佢最好Fail咗我個interview，起碼唔洗煩！

去到MK，唔洗問我同「別人的女朋友」就梗係去搵佢「師傅」，呵呵！順便我們可以放底D行李輕輕鬆鬆去行街，不過我對住佢「師傅」就越來越無野講，可能因為大家的想法不同卦！之後就同埋「別人的女朋友」去食「蜂壽司」，呵呵！其實昨天先同阿康去食完，不過唔緊要啦！反正「別人的女朋友」生日我都未同佢食過餐好的…仲介紹咗佢食好好味的鰻魚壽司。正丫！但可惜「別人的女朋友」近來心情不好，所以都無乜胃口…唉！看來「別人的男朋友」要加多幾錢努力去哄吓女朋友了，你咪以為自己一星期抽兩天的時間陪女朋友就可以過關，別忘你仲有我呢個後備男朋友隨傳隨到的，問你怕未！

行到差不多11點就返去鋪頭拎返D野就打道回府了…

>>May 12, 2007 at 5:03:38 PM GMT+8

2007 年 5 月 2 日 星期三 【晴】

自從考完第一科CBI之後，整個人在心靈上好像放開了一點，但思維上仍然有很多東西不停地圍繞著。雖然如此，工仍然都要返、野依然都要做，不是嗎？而蛋躂近呢個星期又好似無乜點煩我，遇到問題他都會選擇開返D有關人士而沒有再叫我花時間去找個都唔知係咪答案的答案比佢。唉！不管他怎麼樣，反正不要搞到我的話我都無乜意見！

因為仲有張大的INVOICE仲未搞得清，所以今日又抽咗半日過CX繼續未上完的堂。本來打算下午食完Lunch就過去，不過突然比件蛋躂捉住咗，之後又發現到其中有個同事原來一直都做錯野，到最後搞到成4點先過到去。好快咁略講咗D比較重要的Section就收工，因為本帥哥明天放假，所以今日收工前要還返張CX Staff Card比人。加上又要比返條車匙給親愛的「他」，所以都想留返一點時間可以跟他聊一聊。

其實本來約咗今朝比「他」的，因為「他」今朝過咗來搵CEO，可是「他」可能忘了，所以就只好親自送過去給「他」吧！反正我又不介意的，哈哈！老實說我發覺我們平均隔個星期都會見一次，而通常都是我半工半私走過CX整野時順道找他大訴苦，不過近來因為飯局比較多所以我們見的次數也好像多了一點。

到差不多成5點45分先落去找「他」，但是剛巧被一個不知名的女士捷足先登，所以我就去咗轉Toilet先再返轉頭，點知佢地都仲未聊完，不過我呢D醒字派就梗係係門口走來走去讓「他」發現！Yeah！【成功】所以那位女士就只好離開換我進去了。而「他」又用那個幸災樂禍的樣子問我「今天上堂說的東西明不明白」（哈哈！那一刻有點像『爸爸』的感覺），而我就梗係一個非常自豪的樣子說了句「醒字派的人係唔會有問題的」，結果當然比佢【~X】我啦！（哈哈！而在這一刻又有點像『好親蜜的朋友』的感覺。）

比咗條車匙佢之後就講咗幾句無聊野，然後我就乘機告訴「他」近來蛋躂的轉變，結果「他」就自豪地讚自己當天找周生說的話起作用（別混亂，這個周生是蛋躂的老闆），而我也順道追問「他」那天到底說了什麼！

原來「他」真的為了我去找周生說蛋躂的處事問題，而首當其衝的就是我。因為蛋躂完全無考慮過我的背景就叫我去處理一些不單止有經驗、還有這方面知識的事，而剛巧那些又會涉及到金錢上的問題，結果就搞到之前那些【鍋】出來。聽到那一刻真的很感動，因為我完全沒有想過「他」會這樣的幫我，畢竟「他」這樣做也許會被人說閒話的。所以到最後就當然是『訓話』時間啦，而我也只能乖乖的答應「他」我會盡力去學、盡力去做。其實今天的『訓話』我都不知道該不該生氣，居然說我「以為自己好醒、但其實係豬頭炳」哼！我呢D叫純真、無機心。過份！跟「他」聊了六點鐘我就走了，因為他都很忙，而我又要還返張Card比人。

返到公司都差不多六點半，就正式做我今天本來在下午要做的工作，因為明天放假，而蛋躂又要我明天返份commitment的report比佢，如果今日完全不了唔通要我明天返來咩，最火的係條友明知我明天放假居然仲叫我明天比佢，都唔知係咪有心玩野！結果成個Department只有我一個，而怕死的我就梗係開吓歌仔，起碼一個人都無咁驚嘛！做到差不多九點就走了。收工之後就打電話比「別人的女朋友」，自從她從BKK回來後我們都無乜點聊過天…等我考埋星期六個Exam要好好咁搵日出來跟她Long talk先。

>>May 3, 2007 at 5:09:41 PM GMT+8

2007 年 4 月 29 日 星期日 【晴】

今日都算係呢排過得最平靜的一天，也算是自己最輕鬆的一天。返到公司用咗半個鐘頭急速咁整咗D野就過咗CX，臨去搵Phoebe之前在HSBC度搞埋D手續。之後就又開始去學SITA的Background。雖然連我親愛的「他」都認為我無乜理由需要去了解及明白什麼是SITA，但無奈本部門有個好【肺】的經理經常問埋我一D technical的問題，所以我都不得不去搞清楚what is this…真係shit~

對了！何解我要用呢個【肺】去形容這個【廢人】，原因是這個蛋躂近來成日都咳，仲好無品咁唔戴口罩，首當其衝被感染的就當然是我啦！結果搞到我病住去考試，連Maria都話：「呢個人咁【廢】，唔怪得個【肺】咁差成日咳啦！」

臨過CX之前出咗封Email約咗我親愛的「他」、Kenneth同William一齊食Lunch，呵呵！當然是為慶祝我中咗六合彩啦！成個上午都留咗在CX果邊，本來下午都要繼續在那邊的，不過我選擇返公司，畢竟自己都有很多野要做。差不多成12點幾就Send咗SMS問我親愛的「他」想去那兒開飯，點知條友打電話第一句就問我「咁快上完堂」。哼！氣死我！本來我想同佢地去『居酒屋』度食，後來親愛的「他」說下午要趕回來開會，所以去T2…而我搞掂完我D野之後就落去5樓搵埋佢一齊行。

上到車問佢想去邊間度食，佢就話去食「雲吞麵」…果吓我真係O咗嘴！結果我忍唔住問：「你講真？今餐我請喎」結果佢好認真咁點頭！哈哈！呢條友都唔知係咪知道我窮呢！幫我慳返D…佢帶咗我去T2一間叫「陳枝記」的餐廳，食物同「恆香棧」的一樣，不過就細碟D，所以相比價錢會貴D…入門口之前我見到只收現金，結果一坐下來我就看一下銀包夠唔夠＄，而親愛的「他」就說唔夠佢會搞掂，總之唔會留下我洗碗，哈哈！真係越來越鍾意佢丫！

因為William未到的關係，所以乜都唔怕同佢講，而今次我無乜點講工作上的事，反而是閒話家常…講吓如何學習英語、又講吓買車、講吓蛋躂點散播病菌、講吓我考試要病住去考（仲話埋比佢聽我Fail的事）…講開我近呢兩次考試前就會病的事，我們發生了一段少少的插曲
「他」：係咪因為壓力大所以病
我：應該唔會丫！以前都唔會的，我估係蛋躂惹D菌比我就真
「他」：邊有可以你次次考試就比D菌你，壓力大都會令人病的，加上你而家又跟住個咁的老闆
（呵呵！聽到呢句野我梗係唔放過佢啦！）
我：哈哈！你都覺我呢個老闆好有問題呢！
而「他」也保持以住的作風 – 一笑至之，而醒目的我再無追問下去。老實說我同佢都好清楚是我們選擇迴避呢個問題，畢竟今天的我在「他」面前是昔日純真的我。之後我問William HAS入面好唔好做，結果親愛的「他」好快咁講咗句「非常之唔好」，呵呵！聰明的我就梗係無理到佢啦！因為佢的答案是非常之不可信，但其實我想佢都應該好清楚我未必會在這裡做得長，不過後來連William都說是不好的時候我才結束了這個問題。

埋單的時親愛的「他」居然一手咁拎咗張單去Cashier比＄，嚇到我馬上叫William幫我拎住D野而我就衝咗去比＄，說到明今餐係我結帳的。結果搞到我數都無數到就比咗幾張＄20收銀姐姐，果吓真係好樣衰，因為我比少咗＄…最後就梗係補返個差額啦！如果唔係邊可能出到門口。

行去搭車返公司時我告訴他們近來我在學【炒股票】，結果親愛的「他」又好快咁說：「細路女學還學，千萬不要去玩孖展和窩輪」，哈哈！後來佢仲解釋比我知什麼叫孖展和窩輪。到最後上車時佢都千叮萬囑叫我不要去玩孖展和窩輪！呢種感覺比「爸爸」更好…

越來越唔識去形容親愛的「他」比我有什麼的感覺，嚴格上說他是我一個上司，但有時候他像一個爸爸、有時候又像一個長輩、有時候又會像一個朋友，越來越難界定一個特定的身份給他，總之我發覺對住佢我越來越像一個小朋友、越來越容易跟他分享我的感覺和想法、也越來越依賴他。老實說一直以來我都很討厭別人說我『小朋友』或『細路女』，但每當「西門爸爸」或親愛的「他」這樣叫我時，我都會有一種『被保護著』、『被關懷』和『安全』的感覺，我不知道這是好或是不好，但現在的我確實很需要這份的『關懷』和這份的『安全感』！所以這個稱呼也只有是他們才可以這樣叫的。

>>April 30, 2007 at 5:45:36 PM GMT+8

2007 年 4 月 29 日 星期日 【暴雨】

今日是「別人的女朋友」生日的大日子，而「別人的男朋友」今年也終於實踐了他的承諾，就是和「別人的女朋友」一起度過這值得紀念的日子，只可惜「別人的男朋友」萬萬也想不到女朋友今年會選擇去旅行去度過生日，呵呵！最衰我要考試，若不然我一定會跟埋一齊做電燈泡的。不管怎麼樣，他準備的禮物早就送到她的手裡。唉！看到這一幕真的讓人既羡慕又妒忌…

在「別人的女朋友」去了旅行這幾天，我的生活好似缺了一部份，可能是因為近來已經習慣了有什麼事情都會第一時間的告訴她，甚至會好即興咁約出來食飯、逛街，這種生活感覺上就像以前和Lover仲未生契仔時的日子…我們可以一星期連續見足五天、又會整個星期也不見，但是電話總會保持聯絡…關係也許比一般的情侶更好。

前幾天「別人的女朋友」告訴我她的第一好知己要結婚了，突然間讓她有一種失落感，也許全因為小時候一句「將來你一定要做我的伴娘」、「將來我們一定要一起結婚」…人慢慢的長大，要成功做到給對方的承諾並不是一件容易的事，有時候就算你很努力去做，到最後也會可能失敗的。

近來常有人跟我說「你是不是不需要愛情的人？」「你好像讓人感不到你想要愛情？」…其實我不是不想，只是我不想因為想要愛情而隨隨便便的找一個人在一起，畢竟我是一個很容易就會培養出一種習慣的人，當一種習慣養成了之後，我會很容易的喜歡上他/它，包括一個人。再說我很早之前已經說過，我喜歡的類型不可能會喜歡上我的，這方面「別人的女朋友」一定很清楚的。所以就算我有多想、多急也沒用丫！反而我會常提醒自己順其自然吧！

TO「別人的女朋友」：難得有人肯抽這麼長的時間來陪你，開心吧！所以我也會好醒咁唔同佢爭你啦！但你都不能將所有的時間比晒佢的，畢竟我都算是你的掛名愛人丫…HAPPY BIRTHDAY…I LOVE YOU~~

>>April 30, 2007 at 5:21:10 PM GMT+8

2007 年 4 月 28 日 星期六 【晴】

今日返學校考CBI，知道題目問D乜、知道答案大約答D乜、乖乖咁在家溫過、背過D points，但最後入到試場居然是一片空白！唉！都唔知自己想點，越來越唔認識自己、越來越討厭現在的自己。連中咗六合彩有幾百蚊的進脹都唔識得去開心、唔識得應該點笑！

呢排都唔知係咪睇得蘇師傅太多，開始懷疑自己的「運」是不是已經用完了？開始懷疑自己的「夢」是不是應該要醒了！早過穎風畢業是我的底線、同埋「別人的女朋友」一起著袍去映畢業相是我們的夢想、成績雖不能像「泉」一樣攞Distinction，不過都唔想同佢有太大的距離…到底是我一直都自我麻醉或是我一直都沒有接受現在的生活…

「他」的調職無疑是令我失去了唯一的依靠，也令到我在這環境下迷失了方向，好想好想大聲叫出來、好想好想大聲哭出來，但內心總有另一種阻礙力去抑壓著我不知道這是一種不甘心、不值得的氣，或是另一種對抗的氣，總之就是說不出來也哭不出來。

因為「別人的女朋友」飛咗去Bangkok渡過她美滿的生日，所以考完試我就乖乖地打道回府，加上自己又唔舒服，咳到喉嚨好痛，而且又鼻水直流…臨返到屋企之前去咗馬會派彩，矛錯！本帥哥中了生平第一次的六合彩，Yeah！真係估唔到買電腦票都會中！仲要係當初買完六合彩張票睇都無睇到就放咗入銀包，係到果晚臨訓之前想起要對六合彩才拎出來睇吓中唔中。去到馬會拎派彩時我見到馬會的姐姐一開始就拎咗幾張＄500出來，我心想：『吓！仲乜拎咁多張＄500出來，我成身得＄20，邊有錢找比你』，後來才知道原來自己中咗個四獎。呵呵！呢D係咪叫做傻人有傻福。雖然中咗六合彩，但居然笑唔出！反而果吓會想一想，糟糕！莫非D考試運就係因為中張六合彩而無晒？

拎完派彩就搭車返屋企食Dinner，順便分咗一半獎金比佢，呵呵！呢個時候先同佢講我中咗六合彩。食完飯就馬上食返D感冒藥，因為之前怕食完會眼訓所以一直都唔敢食…結果死撐下去。

>>April 30, 2007 at 3:51:17 PM GMT+8

2007 年 4 月 27 日 星期五 【晴】

頂！今次又比件蛋躂害死，佢呢排成日係公司咳，又好無品的唔戴口罩…結果身處最近的我現在喉嚨痛之餘、咳同流鼻水…拜託！本帥哥要考試，而家搞到成個人都半死狀態點去考。上次已經因為考試前兩日發燒搞到科IHR死咗！今次唔可以再衰的…真係!!@#$#$%%^&*&*%#w，好忟丫！

>>April 28, 2007 at 5:54:06 AM GMT+8

2007 年 4 月 23 日 星期一 【乍寒還暖】

我科IHR炒咗！

>>April 28, 2007 at 5:50:47 AM GMT+8

2007 年 4 月 18 日 星期三 【晴】

近來很不開心，不管自己有多努力結果還是被人說到一文不值，比人【彈】到咁都唔係問題，問題係做得咁辛苦為乜？係為左比個機會一個無腦的生物去【彈】？定係為咗一啖氣、一份情？在工作中常會遇到困難和挫折，如果我真係無用心去做、無認真去做而做得唔好我會認。錯咗又點，難道唔比錯嗎？錯咗咪去改囉！衰咗咪去認囉！衰唔起咩而家…好想好想大喊一場，奈何就是喊唔出。

今日晨咁早，蛋躂又搞埋D野出來。明明無事都比佢搞到大件事，正一係無事化小、小事化大。有張invoice比其中一個Department Head reject咗，結果我要入System重新入過request比佢地re-approve，呢隻蛋躂就好唔滿意咁問為什麼佢要re-approve，明明佢之前已經approve咗！呢個都未係問題，問題係呢個白痴居然話我入咗2次，D＄咪會duplicate咗，咁咪會入晒我袋！聽到呢句真係O晒嘴，拜託！用吓腦啦！D＄有乜可能入我袋丫，係的話我晨早每張單加幾個零係後面啦！真係想爆粗問候吓佢！咁唔信我咪唔好叫我做囉！巴之閉，反正我一直都唔鍾意做invoice的野。

問完呢句都未結束，佢居然夠膽死打電話去Finance叫人地搵人endorse佢re-approve的action係安全的，同Finance的人傾咗成半個鐘，結果人地都怕咗佢搵個Manager grade的人去endorse佢個approval係無問題之餘仲係唔會duplicate咗！唔洗問，結論咪就係我比Finance果邊的人馬上打電話來XYZ，仲問我點做野！果下真係想拎把Cutter入去插佢一刀！真係晨早流流就比人整穫甘。

唔知係巧合定係連個天都知我頂唔住，我親愛的GM無端端約食Lunch，最搞笑係佢打電話叫Toby約人，而剛巧因為Toby要開會所以搵咗我去arrange。可能因為有點兒鬥氣的關係（我氣為什麼GM不是直接打電話叫我去約人開飯，呵呵），所以我只是幫手搵人、Book table開飯兼send email！不過到最後GM都係有問到我會唔會一齊去食飯，而我就開始半玩的狀態說「Can I？」而他也很快就reply返我「why not？」哈哈，超低能兼無聊的conversation。到最後我都reply返佢一句「因為佢無invite我所以我唔敢去」，而他最後也只說了句「see you in restaurant」，呵呵！完全似足佢的style。無答你的問題、但又會令你知道答案，絕！

因為今日係星期四的關係，本身呢排又趕FYP，睡眠不足，如果唔係因為GM叫食飯我打算留在公司見周公子。加上心情又唔係咁好，而係食飯的過程中，他們的話題又講果個無腦的蛋躂，所以成餐飯我只不過是說了5句野都無。（今餐飯有GM、我、Nikita、Toby和Joyce Choy）精明的GM一開始就已經發現到我今日有點兒不妥，不過因為今次我們其不是一起坐，所以他都沒辦法問我發生什麼事，不過以他的智慧都已經猜到是跟蛋躂有關。而最讓我估唔到係他第一句問我的問題居然是「你幾時考試」，嘩！勁丫！咁都比佢估到我就來考試…

係食飯途中他們講開蛋躂叫人介紹女朋友比佢識，結果我口快快講咗句「唔好害人啦！」而好奇心超高的Joyce就馬上focus在我身上，聰明的我就梗係繼續扮啞無理佢！不過她仍然死心不息地問我，最後我親愛的GM幫我解圍，以他的身份就當然可以令到阿Joyce想問都問唔到啦！

走的時候GM突然走過來拍一拍我個頭（呵呵！越來越鍾意佢拍我個頭），話比我知佢同周生傾過計【周生係蛋躂的老闆】，不過最後我同佢講「算啦！我食穫都已經食到麻目晒，連Finance果邊都比人X完，所以都已經淡晒了」，雖然幾分鐘的路程，但我都有話比佢聽發生咩事。而果吓對住佢真係真係好想喊出來，好想好想靠在他身上大聲喊出來。當然環境上唔容許我這樣做，但果吓我知道他真的很關心我，雖然我唔知道他和周生講過D乜，不過起碼佢幫得到都會盡量去幫我…所以呢一個也是我其中一個為何繼續肯撐下去的理由。

每個人的角度和觀點不同，可能在其他人眼中我這樣做很不值，因為GM或許並不是我想像中的好。可是不管怎樣，我只是覺得現在的他對我是唯一在公司的依靠…

>>April 23, 2007 at 5:37:42 PM GMT+8

2007 年 4 月 15 日 星期日 【晴】

我不要哭，不管怎樣我也不要哭。曾經為工作哭過一次，我不要為了一個沒大腦、沒思想、沒品格的人去哭。就算你說周圍唱我辦事不力、唱我乜都做唔到、甚至說我精神分裂，我也不要去被你看低…可惡！ !@#$%%^&&&##!!@!%^

>>April 16, 2007 at 3:40:19 PM GMT+8

2007 年 4 月 5 日 星期四 【暴雨】

連放5天的假期，終於可以比自己去休息一下。而且下個星期連交2份paper，都咪話小野！本來想趁呢個假期同「別人的女朋友」去睇Mr Bean，但佢公司係放勞工假的關係，所以都係搵日啦！

基本上呢幾日假期話就話呆在家做Paper，但最終都係懶懶閒閒咁一日拖一日，矛辦法啦！最後一個SEM係咁上下態度啦！加上住在荒島，吓吓搭車出城都咪話唔煩，而且車費又貴…所以都係留返在家做隱蔽青年！雖然係咁，但今日都係出咗街的。

約咗Rebecca、William、Simon Sum、Gaius同神哥在荃灣稻香飲茶兼吹水，而Rebecca就梗係帶埋佢2位可愛的小公主一齊出來啦！不過因為我坐得比較遠的關係所以無乜點同佢地玩，食到咁上下就打電話比「別人的女朋友」問佢食咗飯未，因為佢開始作病，而「別人的男朋友」又不在，所以我呢個掛名男朋友就梗係要看住佢啦！如果唔係佢又唔介口亂食野。到時我又會比人「煩住晒」就唔係幾好啦！呵呵！畢竟踏入四月份是某對戀人的大日子啊！

同Rebecca佢地食完Lunch之後便搭車返屯門搵我的寶貝契仔兼「別人的阿媽」，之後同盈盈去街市買R就回去了，而我都好老實不客氣咁叫佢地煲湯，哈哈！矛辦法啦！呢排躁底兼壓力大，飲多D湯下火嘛！到5點幾就煮咗個雙腸公仔麵打定底，因為今晚7點鐘要返到贖世主堂，有排挨！幾大都食定碗麵先…而臨走前就梗係好快咁飲埋碗湯啦！

大約7點鐘返到贖世，原來今日有86個人成人領洗和堅振儀式，Oh NO！無4個鐘都唔會完丫。今日除了闔家出席之外仲有阿哥ACC的朋友，果然人強馬莊。老實說，如果唔係因為阿哥的關係我才不會去望這場彌撒，仲長過子夜…真係少D精力都頂唔順。而呢場彌撒我、阿哥女朋友同埋ACC的兄弟就梗係充當這個攝影機啦！成個儀式終於在11點半左右就完結，映吓相左搞右搞都搞到成12點半先走，之後就去咗附近食碗蛇羹醫肚就回家了。累死人了！

轉自『泉Blog』的小分享 ﹕
最快樂的人未必擁有最好的每件事情，他們只是懂得珍惜一路來得到的任何東西。
（The happiest people don't necessarily have the best of everything; they just make the most of everything that comes along their way.）

>>April 14, 2007 at 5:42:29 PM GMT+8