2007 年 8 月 31 日 星期五 【晴】

原來不經不覺和我剛過了的生日都差不多有一個月，哈哈！其實要記的事、要寫的事並不是沒有，不過有時知道自己來來去去都是講那些事，睇的唔悶、寫果個都會覺得悶！早前睇過一篇報導，說什麼女人為何那麼喜歡把自己不開心的事情向別人說，有時候分分鐘同一段對白跟不同的人說過無限咁多次而又會繼續去說，事關可能係『女人』覺得「不吐不快」，而「吐」得越多，可能只會令自己更不開心。所以現在的我有時候都選擇「吐」少D！

講返我今年的生日，晨咁早就起床，因為9點鐘前要去到太子坐過境巴！根據上次﹝鬧人﹞的經驗之後，老豆今次決定由香港直接坐過境巴返佛山。而今次除了我們三個之外，仲有唔知幾耐無見的佩叔同佢老婆，都係果句，表面功夫我盡可能都會配合的。坐咗2個鐘頭多就去到皇岡過關，之後就轉另一架旅遊巴返佛山，又坐多2個多鐘頭的車程返佛山，唔可以話唔舒服，不過就興趣不大，而且4個多鐘頭的車程足夠我飛返轉日本﹝哈哈！職業病﹞

落咗車就梗係去返轉洗手間先，然後就等詳叔和拉叔來接我們，對上見拉叔果次都好似係9歲左右的事，哈！仲記得小時候最開心就係坐拉叔的電單車周圍去。上咗車就去一間叫﹝人山人海﹞的餐廳食自助餐，味道就一般，不過我就唔敢食佢地D生野，所以我都唔係食咗好多，加上呢排自己又好似細食咗！至於拉叔就不停咁拎野比我地食，當地D人食自助餐是一邊拎一邊食！

食完野就返去阿麻度坐一陣，之後就去詳叔和拉叔的新屋睇裝修，2間屋都有3層高【好似碧桂園果D咁】！係間房仲大過我屋企個廳，而每間房都有獨立的洗手間，完全係我的Dream House！咁又磨咗幾個鐘，而我早就係架車度訓咗。之後就去一間環境好古色古香的地方食飯，相比上次返大陸食的野，我覺得上次好食D。而呢餐飯都食咗3-4個鐘，呆咗！

食完飯又返去阿麻度坐咗一陣，之後就出去食宵夜！到12點幾就返酒店訓覺。好彩因為阿哥第二日下午要上堂，所以可以晨咁早就返香港，如果唔係實悶死我！而我的生日也就咁就過咗了！

『生日快樂』

>>September 24, 2007 at 9:48:31 AM GMT+8

2007 年 8 月 30 日 星期四 【晴】

哈哈！唔知由幾時開始成日都比人投訴我無update本帥哥的日記，唉！矛辦法啦！返到屋企已經唔想郁，加上呢排好努力咁打緊NDS的炸彈人，所以回到家第一件會做的事已不再是開PC而是開NDS，呵呵！

講返今年的生日，今年的生日同往年的一樣都係無乜特別，唯一的不同就係自己生日那天返咗大陸賀阿嫲的舊曆生日。本來今晚去觀塘操兵，但因為對隻新的唇瘡藥膏敏感，搞到成條豬嘴咁，結果一收工就去咗元朗睇街症。仲乜要咁山長水又遠？其實我係預約屯門果間的，但因為當天已爆滿，而元朗又有位，所以咪去果度睇，加上又可以電話預約唔洗自己排得咁苦。

好準時咁去到元朗，不過都係要等成半個鐘，點知個醫生只開咗D止敏感藥比我就算，唉！結果咪叫佢寫個藥名比我第時自己出去買。睇完醫生打電話比Lover，然後就走咗過去Hea咗一陣兼食返個靚飯，仲同契仔玩咗陣。阿仔而家認得自己，仲發揮他攀爬的本領周圍攀，真係睇少陣都唔得。後來本打算直接返九龍訓，咁第二日就唔洗咁早起身。不過後來想起無帶回鄉咭係身，所以最後都係返屋企。返到屋企執埋D野，收到幾個電話同SMS，真係估唔到第一個SMS居然係阿哥，之後就係阿泉、穎風、「別人的女朋友」和「別人的師傅」，而第一個電話的就係細我幾天的兄弟和阿康。

哈哈！今年都算係識阿泉之後的第一個生日，老實說感覺也不會有太大的變化，都是各有各的生活，而唯一安心的係「別人的女朋友」都開始接受阿泉，呵呵！其實不管是穎風或是阿泉，都係同一類的人，所以都唔到我去想之後的事會是怎麼樣！

>>September 12, 2007 at 9:32:06 AM GMT+8

2007 年 8 月 29 日 星期三 【晴】

臨近八月尾，又係本帥哥大日子的來臨，今年和去年不一樣的就係今日生日係在星期六，嘩！開心開心。當研究緊星期五晚在那兒玩通霄的同時收到一個非常都壞的消息，就係當天係阿麻的舊日生日。頂！本以為可以用ＡＣＣ考試的藉口可以逃離一劫，點知阿哥話：考試呢樣野可以請假！我唯一的藉口都無埋，唉！好難得今日本帥哥生日係星期六，就咁被糟蹋了！

講開ＡＣＣ，唔知道有幾多個人知道我入咗去Air-cadet做officer cadet？不過無論有幾多知或不知也好，總之就不要再問我為何入去玩Air-cadet，也不要問我入面有D咩玩，一句到尾…如果你係鍾意比人罵、鍾意制服團隊而體力良好的話就入去玩吓啦！而我就在沒有以上三個條件下入咗去，所以就無得怨！而且入面的人有8成 都係識阿哥，因此各位自己去想像下我會有幾『享受』。

回正題：其實呢幾個月都發生了很多事，仲發癲咗幾次！不過好彩我身邊有很多好朋友和好情人，如果唔係我都唔知自己會做D乜出來。多謝「他」做我最佳的聆聽者和軍師、多謝老婆唔舒服都陪我出去唱Ｋ、行街街、一齊返學上堂兼開飯睇戲、多謝Ｌｏｖｅｒ和佢老公的生日飯、多謝阿康借部ＰＳＰ比我玩、多謝阿哥和女朋友送的ＮＤＳ比我做生日兼畢業禮物、多謝Ｋｅｎｎｅｔｈ同我去扭蛋作為生日禮物、多謝公司同事的生日飯局…

其實我識的朋友話多唔多、話少唔少，雖然未必經常可以見面和聯繫，但彼此之間的情誼仍在。早前收到「別人的師傅」的ｓｍｓ叫我珍惜身邊的人，『珍惜』呢２個字其實都幾沈重，因為呢兩個字也可以代表給對方另一種承諾。如果所有的事都像小鵬哥說的一樣，那這個世界都就是完美嗎？



今日係阿哥同卿卿的生日，祝你地生日快樂丫！

>>August 30, 2007 at 9:38:33 AM GMT+8

2007 年 8 月 8 日 星期三 【驟雨】

因為蛋躂明天返完假回來，所以今日要清晒D野免得佢返到來又發癲，你都知一把年紀的人係無乜耐性的，尤其是一D好無品的人就不願致評。正剛努力整緊份Report的時候收到個message叫我急速去老婆度睇戲『吓！發生什麼事丫？』一係就唔睇，一睇完就真係【O】咗嘴，繼而火都起！又係果隻思覺失調的生物，佢今次又係老婆度留言之餘又以為我講的野係話緊佢，真係!@##$$%^&**^%#@！無野丫，一隻生物有無咁多野比人講丫！

老婆有佢的自由，佢鍾意邊個、Reply邊個的message係佢的自由，這不是我或任何人可以控制到，而我也沒打算去控制佢。再者…邊個人留言比老婆洗唔洗要交份application form比隻生物去Approve先可以留，人地係邊個關隻生物乜事，咪自作多情啦！如果隻生物真係覺得自己咁了解老婆就不如去反省吓為什麼老婆唔理隻生物的Message和電話。

我唔知隻生物會唔會又闖入來，不過我唔想係老婆度因為隻生物而搞到佢果邊好似一個戰場咁，加上隻生物成日都覺得我在背後叫老婆遠離佢，乜野衰野都係我叫老婆做之類的事。所以我都費事解釋咁多，畢竟不管是我的朋友或是老婆的朋友都知道我是什麼人！

「爭女朋友」？真可笑，如果人地真係鍾意就根本就唔需要去爭，同埋由始至終我都會無打算去爭，因為我的老婆是我最愛的人，並不是一件貨物，我尊重她的選擇，只要是她喜歡的。至於「恩怨」，而家爭家產咩！真係想問一問需唔需要介紹個精神科醫生？

我知道在UST係幫過老婆唔少，咁洗唔洗頒返個良好市民獎去讚揚吓？阿泉成日都話：幫過人唔需要成日講出口的。

呻完~~~

>>August 9, 2007 at 9:42:13 AM GMT+8

2007 年 8 月 6 日 星期一 【晴】

阿邦…

生日快樂丫！又大一歲要生生性性，唔好成日好似個死嚫仔咁坐又唔定、企就更加唔定！適當的時候要做適當的野，咪成日激我先得ka，你再係咁我只有向咪咪姐告狀！哈哈！

本帥哥今日約咗人睇戲，所以唔得閒找你，反正你今天都應該是full appointment的，多我一個唔多、少我一個唔少啦！所以你要乖乖啦！



雖然今日不能同阿邦一齊慶祝生日，但不代表我不能同「別人的女朋友」一齊去街街。而剛巧今日又係星期二，所以我們決定一齊去睇由周董自編、自導、自演的『不能說的秘密』，咪當係送份禮物比阿邦，FRIEND~~

未睇之前睇過很多影評，都說這是一部不錯的電影，所以吸引到無乜戲癮的我們。好彩好醒咁在網上買咗飛，如果唔係去到實有排排隊兼無乜位可以揀…收工坐廠車去鑽石山，好彩問一問司機，如果唔係真係坐過咗唔知去咗邊。因為我最初以為它是在荷里活廣場旁落車的，因為「別人的女朋友」今日無帶電話的關係，所以我們就約定在某一個地方等，然後就上去戲院拎咗戲飛先再去食野。

行咗幾個圈最終都係決定係Food court，而我今次無食越南檬粉叫咗食泡飯。點知衰咗，D味道怪怪的，最大問題係好多油，所以食到一半都未夠就放棄咗。而「別人的女朋友」叫咗個唔辣的酸辣檬粉，味道一樣怪怪。食完野就去埋超級市場買飲品兼零食就入去戲院…

入到去我地原來訂的位比人坐咗，不過因為已經開咗場就費事同人嘈，唯有辛苦「別人的女朋友」坐最邊。『不能說的秘密』比想像中有意外的驚喜，仲要係有笑點果隻，最大的收穫係當自己以為估到個劇情時最後發覺完全不同，而去到後期真係比佢的劇情嚇一嚇，畢竟大家都知道我對靈異片係完全抗拒的，總之一句到尾 – 「強力推薦」！如果大家未睇的話記得買飛入戲院睇丫！

睇完之後本來想去食甜品，不過最後都係決定打道回府，而返屋企前我就在車站等了阿娘半個鐘，唉！早知就自己返去先…

>>August 8, 2007 at 6:54:23 AM GMT+8

2007 年 7 月 25 日 星期三 【晴】

我從來都沒有想過「他」會叫我放棄…畢竟一直以來都是「他」叫我勇敢去面對和學習。上個星期send咗封email比「他」，點知send完之後有點後悔，因為一直以來我都只是靠在「他」的護庇下成長，包括現在也是。我想自己能夠獨立一點、我想自己能夠堅強一點；我想自己是風風光光的回來也是風風光光的離開。而且我要比其他人知道雖然我是「他」找回來的，但我是因為我有自己的能力‧

>>July 26, 2007 at 10:11:27 AM GMT+8

2007 年 7 月 14 日 星期六 【晴】

昨天發咗個好奇怪的夢，內容有點兒蒙糊，只知道自己當見到「安dox媽媽」的時候抱著他大哭一場…

難道是把自己壓抑得太厲害？

很累、很累、真的很累！累到連做事情都不知道為什麼要去做、累到連說都不想說、累到連想哭的力氣也沒有！

很想離開、走到一個沒有人認識的地方，走到路的盡頭去看一看那個屬於我的『您』是不是還在那裡！

>>July 16, 2007 at 9:53:14 AM GMT+8

2007 年 6 月 21 日 星期四 【晴】

好累、真的好累…累到連說笑的心情也沒有、累到連想哭的力氣也沒有！『人』…應該為什麼而生存呢？

比個思覺失調的生物搵到我日記、仲要睇埋果隻，雖然放得上網就預咗會比人睇。不過對住呢D咁的生物…感覺上完全比人侵犯私隱咁。最火的係仲要盜用埋我給別人的名字，真係不知所謂！火都起，阿泉話要去認識吓呢個生物到底是什麼東西，因為不單止我對呢個生物好唔滿意之外，連老婆都唔想再提呢個生物。係咪讀得書多真係會出問題？「超低能」的是生物以為常入去睇佢日記果個人係我，仲成日留言比我！「勁搞笑」，拜託！『我對別人的事沒興趣』好不好？

真係好想同生物講句，【你咪以為自己好了解人、好醒，其實係豬頭炳咋！】

>>June 22, 2007 at 6:28:40 PM GMT+8

2007 年 5 月 30 日 星期三 【晴】

人越大，要面對的人、要面對的問題其實很多，每一天要接觸的人和事都不同，所以如果要在這個世界生存的話，唯一的方法就是勇敢去面對。雖然類少爺曾經說過「解決問的最好方法就是面對」…話雖如此，但真真正正能夠做得到又有幾人？

家庭、事業、愛情…嚴格上是每個人都會經過的階段，但這條路如何去走、如何去選擇每個人都不同，我睇人好、人睇你好，總之每一個人的感覺和面對的事和人也不同，很難去界定那一條路、那一個選擇是最好，畢竟未試過、未走過的話，沒有一個真實的答案跑出來。

在事業方面，自問自己不是一個愛攀登的人，簡簡單單的工作環境和聊得來的同事已經足夠。但倘若跟著一個沒有一個好planning的上司的時候，不搞三搞四、搞是搞非就已經減輕了你不少的工作量。

其實自己真的很幸運，由F5畢業後做的第一份工時遇到一個好老闆，雖然工作沒有一個正統的流程，但起碼自由度大，而很多程序都可以簡單化…

到第二份工，來來回回居然3次都是在同一個Division、同一個Title上工作，只是每次跟的老闆的不同。第一次以暑期工的身分跟Stephen，所有人都把我寵上天一樣呵護備至。這三個月我學到的比讀完一個文憑更實際，而也是因為這個原因我決定畢業後選擇回去。

第二次是因為剛好HD畢業，而Division又需要一個AO的人，所以就是這樣畢業不久就返去做返一個正式的Staff。一做就做咗一年零兩個月，因為工作時間長咗，所以見到的野比以前多咗。有開心的事、有無奈的事、有委屈的事、有心淡的事…但其實我仍活在一個被保護的溫室下工作。

第三次是被點名回去，以為一切依舊，但事實上和自己預期的有很大的不同。新人事新作風，估唔到一個經理的領導能力居然是如此無能。但這也不是重點，重點是這個所謂的經理當遇到問題時就會選擇留返比下屬處理，並喜歡問埋一D根本無辦法解決到的問題，簡單一句是【無事化小、小事化大】就是他的作風。因為溫室的主人自己也自身難保，所以習慣了在溫室工作下的我也只能獨自去面對。在這個過程上遇到很多問題、很多自己解決不了的困難，但沒辦法！誰叫你要靠這份工作去生活。再者溫室的主人雖然沒辦法繼續維持已破碎的溫室，但背後他仍給我很大的支持和鼓勵，而我也就是靠著這份的支持去撐下去…因為我要大聲的告訴所有人「我是他帶出來的」

講完事業就要講下愛情，近來很多人都問我為什麼不拍拖，畢竟以我的性格應該很容易就找到，但事實上並非如此…

愛一個人 – 「難」
愛一個同樣愛自己的人 –「很難」
最後決定放棄自己愛的人 –「更困難」
要做到不聽、不聞、不理、不見，其實真的需要很大的勇氣！

其實自己喜歡的類型來來去去都是那一Type，只不過遇不上，就算是知道有這個人的存在也不代表是什麼。反正我常和身邊的人說『如果他肯【嫁】、我肯馬上就【娶】出去』呵呵！可惜這種事是不會發生的，除非這個世界上有奇蹟吧！我不是不希望有一個人可以陪自己、寵自己、疼自己和愛自己，但如果明知道那個人是不適合自己的話，那為何又要在一起呢？難道真的是每天一小吵、三天一大吵就叫好的嗎？如果是這樣的話，我情願說『算了吧！』

>>May 31, 2007 at 4:16:58 PM GMT+8

2007 年 5 月 10 日 星期四 【晴】

雖則終於考完試了，但並沒有什麼興奮的感覺！越來越覺得自己一直都是自我麻醉、一直都是活在回憶之中，而且從來都沒有打算從回憶中走出來。所以當實際上的生活和自己預期中有所不同的時間就會唔開心，並有一點點的怨氣浮出來。好容易就會火起、也好容易會怨天尤人。

因為蛋躂的轉變，所以我也輕鬆了一點，只不過是近來新來的同事我都覺得他們怪怪的，有些就是態度很囂張，有點目中無人的感覺；有些就好像在發呆一樣，講過很多次應該點做，但最後還是不斷的問你，唉！有時真係懷疑自己的表達能力係咪好有問題，想起昔日的時候（現在也是…）如果我問多過兩次就已經比人罵了。同人唔同命！我都唔明白當天的我是怎樣挨過去的…

雖則蛋躂有點兒的改變，但正所謂性格呢樣野係無得改的，結果他又問埋我一D全人公認為【Stupid】的問題，拜託！講過十幾萬次都話關於System的setting係無得改的。對住佢真係火都起！自己下星期放大假就係咁要我地清晒D野比佢，但佢自己又乜都唔做，連Work planning都要我地做埋，拜託！真係好懷疑請你返來係做D乜，又係做成日問埋D【Stupid】的問題？定係係度【搞是搞非】？真係不知所謂…

呢個星期我都無見過、無搵過「他」，原因一是工作太忙了、原因二是自己要開始學習要獨當一面，不能經常都依賴著「他」了，雖然口中永遠都會提著，但我仍然都覺得『我是「他」找回來的，不能夠因為我而讓「他」被人有任何把柄，再說我也不可以讓「他」為我擔心了』。其實說到底也只是為了一口氣才讓自己可能繼續撐下去，所以如果「他」去另外一間公司的話，我想…我也不會再顧慮那麼多了。

PS：呵呵！要開始計劃吓我的「月尾大行動先」

>>May 12, 2007 at 5:04:40 PM GMT+8