2011 年 9 月 16 日 星期五 【晴】

早前睇到一個朋友的status，她用了大約７個月的時間可以看淡一些事情。自己呢？都已經過了年多其實自己仲放不開Ｄ乜？

老實說：用「開心」呢個形容詞放係你身上一點也沒有錯，起碼現在的生活是你自己選擇和享受，我沒有打算打擾什麼！畢竟我沒有資格去有任何的意見。也許是因為身邊一個又一個既朋友都因為『相信』對方而最終受傷的是自己的時候，你就會知道別把自己看得太重要，反正要欺騙一個人談何容易，要把一切的責任都歸咎於對方身上又何難．．．

>>September 17, 2011 at 6:58:51 PM GMT+8

2011 年 9 月 8 日 星期四 【晴】

有時覺得有些事係上天安排，我好努力去忘記一些事、好努力去做好每一件事！但好多時都得唔到其他人認同的時候我就會想很多不切實際的事。久而久之當初的衝勁都會冷卻下來！

公司的事的確讓我覺得消極，為何同一個人對唔同的人會說出不同的話？我自問自己真係無能力替代任何一個人，我只想做自己能力範圍以內的事。難道這少少的想法都有錯嗎？

自己的事...我真的很感謝天主的安排，如果3號果日同旅友無約到Joe Joe，那天我們必會去食鄧媽媽米線，撞唔正就當然最好啦！但撞正的話我又可以做到Ｄ乜？雖然一早知道佢地唔知邊日會去葵菁劇院睇Show，不過呢Ｄ情況又避到幾多次？太多的無奈、太多的不明白都足以令自己知道原來由一開始自以為這個人不喜歡的事，事實上佢係可以接受的！

或許係時候考慮將Remove的範圍放大！反正都唔會有邊個人會知．．．包括當時人都一樣！因為從一開始我就唔應該參加這些有階級的課外活動...

>>September 8, 2011 at 5:44:04 PM GMT+8

2011 年 9 月 7 日 星期三 【清涼】

我享受這個工作環境和直屬上司，但我受不了同事和同事之間的爭名奪利！

離開絕不是我希望的決定，為何打返工都要面對咁多人事鬥爭？

你唔幫助我們控制不了，但希望你別加重我們的工作量！因為我相信就算我地做到幾辛苦你只會假人假意問一句而沒有任何行動！我明白昔日的你係要幫Engineer打Submission的工作，不過昔日的你一個對3個Engineers，而我地一個要對7-8個Engineers，而且呢個Project area一D都唔細，文件一定比你以前多，當然現在的你根本就不知道咁多，因為你從沒有幫過我們分擔過！

一句到尾，做到好忟！唔想成日都同大叔講太多，但好唔開心！

>>September 7, 2011 at 4:46:07 PM GMT+8

2011 年 9 月 5 日 星期一 【清涼】

有時真係好討厭自己點解要咁執著，既然改變不到的事為什麼自己總是放不開？

其實一句很簡單的說話，一件很少的事都會很容易將自以為不在乎的情緒通通都湧出來．老實講...一次又一次...我的確再無勇氣去接受多次，最重要的是我唔知自己係度等緊Ｄ乜？一個解釋？一個道歉？或是一個理由？Remove是因為我唔想再知太多我當初以為你是不喜歡而無主動想你去做的事，但原來就算Remove咗都唔代表我會知少D，看來我應該將成個Corp的人都要Remove晒才可以...不過最諷刺的是原來『朋友』居然是靠Facebook去維繫！Accept唔Accept都根本不再重要，我唔想再俾人當傻仔咁玩。And at least you still can share with her when you feel down.

工作我只求簡單，我無打算同你地爭Ｄ乜！亦無打算要係上司前表現到自己好Powerful，一直以來我都係做自己能力範圍內的事．你要去搞事我控制唔到，不過大家同一條Team希望你地能將對敵呢個心態向外而不是係自己條Team度搞事！

>>September 6, 2011 at 5:24:57 PM GMT+8

2011 年 8 月 30 日 星期二 【清涼】

我只想講在阿哥未「嫁」出去之前的生日飯之所以會一齊食全是因為我地兩兄妹的生日只係相差兩天才會大家一齊食餐飯，並不是因為「我」生日而去食呢餐飯！

所以每年的生日我都會自己搵節目，總之唔洗留係屋企就完成咗我當天的目的。我唔明白你今年發咩癲一定要係我生日當天同我食飯，但我想話你知．．．只是因為今時今日你個仔唔會再一齊食呢餐所謂的「生日飯」，你就唔好講到自己咁委屈咁多年都無係正日同我食！

以前唔會做的事，今時今日都無需要再去做！反正我從來都唔會去祈求過我生日那天你地會做Ｄ乜野！

而且人大咗對於「生日」呢個名詞唔會有太大的驚喜，都只不過係搵個藉口屈班兄弟姊妹一齊食餐飯！

總之一句到尾，無謂做埋Ｄ多餘的事！

>>August 30, 2011 at 4:57:23 PM GMT+8

2011 年 8 月 27 日 星期六 【清涼】

因為阿哥同自己生日將近，所以又要分別同兩位老人家食餐飯！講真．．．如果有得揀，呢Ｄ飯局我可以唔食．反正食咗又唔代表有咩好處！衰Ｄ講句叫「比面飯局」！

食完返自己搭車返屋企時係架車度想，如果有朝一日我真的結婚，我不排除連佢地都唔會知會一句就去註冊，反正係我心裡對他們都只是「門面事」。知道既時候就會知，無必要知既都唔會主動去講Ｄ乜！

有時都覺得自己可以用「冷血」去形容，但想深一層，我變成咁唔多唔少都係因為你地做成的。一次又一次的無奈、一次又一次的憎惡和傷害對於你們根本就微不足道，反而你們該慶幸我仲可以活到今時今日．．．

朋友是我唯一選擇活著的依靠，我曾經相信一切都只是自己多心，但事實已在眼前，所以請別用「朋友」這個名詞去掩飾你的謊言或選擇，對於我這一切都只是「諷刺」！

>>August 28, 2011 at 5:28:42 PM GMT+8

2011 年 8 月 7 日 星期日 【晴】

轉眼間一年已過！其實自己做過什麼、等什麼？或是希望這一切都是場夢？

太多顧慮最後又得到什麼？

今天友人提醒了一句：「就算你remove咗，都唔等於佢會知道！就算他朝有日佢真係知道，更唔代表佢會再想跟你做朋友！何必一直給自己機會知道更多的藉口？一次又一次的沉默到最後你又得到什麼？得到的就是給對方開始另一段新的關係…」

不過有一點我是很清楚的是我從來都打不入他的圈裡！因為我做乜都係錯！

>>August 7, 2011 at 6:26:05 PM GMT+8

2011 年 6 月 17 日 星期五 【晴】

自從一搭入六月，在兩個星期內都發生了很多自己無想過的事！阿娘撞頭要call白車入醫院、自己的氣管敏感喪咳同失聲、尋日又唔知仲乜係公司發燒搞到個人暈下暈下！

我係咪要搵個「大師」睇一睇流年運程？唉！好倦丫！飛完轉新加坡都唔覺得自己有休息過…同埋有些事情不是時間過去就可以放下！

>>June 18, 2011 at 8:13:24 AM GMT+8

2011 年 5 月 29 日 星期日 【晴】

友人之前無意提起一個問題！

昔日的半年用了七年多的時間都忘不了！

那如果是年半多又需要用多少時間去釋懷？

老實說…有很多問題都已經不需要去解釋，更重要的是當初選擇以沉默的方式去等待答案的方法是自己選擇的，雖然最後得回來的是最不希望看到的結果，但…只要身邊的人過得好就已經足夠！不是嗎？自己的感受是怎樣也沒必要讓其他人知道！



>>May 30, 2011 at 2:11:14 PM GMT+8

2011 年 4 月 29 日 星期五 【酷熱】

以「速逃」去形容就最理想不過！

>>April 30, 2011 at 10:07:20 AM GMT+8