2007 年 12 月 1 日 星期六 【晴】

雖然以下的內容要在2007年12月的時候發生，不過因為本帥哥工作較忙、而懶的成份居多，所以一直都無乜點update過這個所謂的Diary~~~哈哈！不過唔緊要啦！反正都無乜人會睇！要知道我的事的人總會知道，不需要知道的人也不用去知道！我係咪講到好『玄』呢！

回正題！基本上呢半年的生活都是同ACC有關，我終於明白為何阿哥的時間每天都不夠用。呢半個月我做左人生最努力的一次，就是每晚落街跑步，雖然時間不長！大約每晚半小時！但對於我呢D好日都唔會郁吓都人都真係幾有突破性的事情！能夠令我做呢樣野的全是因為本帥哥我今天要考體能測驗，如果過唔到我下星期就要再返來補考！其實補考並不是什麼大的問題！問題係本帥哥下星期要出Trip，所以點都要PASS！

今日返meeting最主要都是Presentation and PT Exam！Presentation的topic我揀咗我其中之一的收藏品 – COKA COLA！10分鐘的時間好快搞掂！仲要係Commend唔錯！呵呵！下午就到我地PT exam！Total有7項！會計最高6項的分數，最少要有18分！而我好擔心的是800米的跑步，限時4分鐘！好彩最後我都可以成功地pass，哈哈！THANKS SHIRLEY！而我在掌上壓果PART唔知發咩癩咁在一分鐘做到45吓，好勁咁有5分！結果加加埋埋剛好有18分！過關！

一放左學我就馬上打電話比Kinki！哈哈！3D2N的台灣之旅！正式始動！

>>April 29, 2008 at 8:58:59 AM GMT+8

2007 年 11 月 24 日 星期六 【颳風】

又係ACC時間，成個11月的假期都係忙緊ACC的東東，而今日就係ACC一年一度的Annual Parade，基本上大部份的ACC人都會參與今個Event。而我們AT就梗係要必到啦！

因為阿哥都要出Show的關係，所以我就跟埋佢車一齊出發，之後才知道原來C sqn的reporting time係0900，Oh no~所以我就馬上打電話比十件同佢講我要late半個hour！講開又講，無端端昨天收到通知要著No.1，玩咩！點返屋企拎丫！問咗阿哥佢都話notam無收到通知！所以最後都係決定唔理，大不了咪比人punishment。因為要接埋Bryant的關係，所以我地順便就在九龍站食返個靚早餐先再出發去Police School。雖然我係late，不過都好彩無比人X，仲要係果刻才知道原來唔係成個AT的人都知我阿哥係WO，哈哈！真係估唔到！之後就每人分工，而我就被分工去守Car park。都唔知呢個叫唔叫好位！不過負責呢Park的IC就真係唔係好得，CALL緊都無人認，仲要係D information比正常的慢成幾陪，成日都叫我地自己唸掂佢，但自己又唔話比我地知order係乜！總之就亂到爆。但最後守咗無耐Winnie見到我地仲乜咁慘比人安排首car park就搵咗2個男仔來頂我地，而我地就守cover playground，GOOD~但因為D嘉賓仲未到的關係，所以我地都好Hea咁坐埋一邊等開飯。直到大約3點左右個show開始，我就揀咗個場邊位企！有得睇show之餘仲唔洗晒！呵呵！

原來阿哥今次有份操Parade，哈哈！不過對我來說都無乜所謂，但開Show之前無端端有個阿sir問我佢條Tie有無唔正，哈哈！呢個人好熟，不過我唔記得佢叫乜水，但我敢肯定係佢一定識我阿哥係乜水。成個show大約4點半左右就完，之後就食吓野到大約5點幾左右就開始清場。同上次GFS一樣，全世界又係企晒係度唔知仲乜，企到6點幾就收到Order去清垃圾，拜託！天都黑齊，乜都睇唔到點清！結果我就好衰仔咁走返去阿哥部車度問吓有無SMC電筒仔，然後就又唔知仲乜咁企晒係度等運到，到最後有人忍不住問阿Ma’am唔跟車的人可唔可以dismiss先才走得。而阿哥、Peter、阿達、阿Ann、阿榮和阿船就由5點等到我6點幾，不過佢地一D都唔悶，仲好無聊咁係度玩相機。唉~~~

等埋我就一齊去香港仔開飯，哈！其實我都算係第一次同佢地食飯！當然成餐飯我做食果個啦！食到10點幾就結帳散水各自打道回府了！

PS：今日係火星仔阿娘生日，呵呵！生日快樂丫！搵日錫返啖補數

>>January 22, 2008 at 8:54:29 AM GMT+8

2007 年 11 月 17 日 星期六 【微冷】

GFS開放日又來了，去年我以一個Visitor的身份來參觀，今年我用一個ACC的身份來這裡做services！GFS開放日都算是ACC其中一個必出的services，起碼有1/3的ACC人都會來這裡幫手，而市民也可以趁呢個機會近距離睇飛機升降和GFS的直昇機加設施！

而我相比其他的同學仔都算好彩，因為他們被安排去做Crown management兼食塵，而我就被安排在counter登記！同行者還有Carol and Karen，最勁一樣野就係我仲拎返屬於自己名的permit！基本上坐counter都算順便，雖然個開放日時間係0930才開始，不過今朝都係0730就在荃灣Report，所以都幾鬼眼訓。所以我就同Carol不停咁搵D野娛樂吓自己，如果唔係登記成日實悶死！

做到咁上下無端端比Jackie Sir叫咗出去，oh no！仲乜調人坐出面counter，仲要係第一個！結果同我預期的一樣就係D人一入到來就湧晒去我個Counter，好彩本帥哥身手敏捷！如果唔係真係食蕉！去到差不多1300到我放飯啦！有半個hour，結果就急急咁去canteen開飯！之後見到阿哥，不過無理佢。哈哈！

食完飯就返counter繼續努力，而中間發生咗後小插曲就係有一對情侶，個女人好似好唔滿意咁來參觀，乜個人資料都無填，咁都算…我幫你填埋，結果叫佢留聯絡電話佢話唔方便！頂！咁唔滿意咪入來丫。本來應該叫佢去另一個counter，唉~~不過算啦！費事嘈！咁大個人都唔識填自己的資料就咪學人出街！仲有丫阿姐，呢度話晒都係禁區，你試下唔拎身份證出境睇下你出唔出到丫！真係有問題！

成日的services我地有半個hour去參觀，不過咁樣一來一回都只不過係得20分鐘！所以其實都係乜都無睇過！到最後差不多清場，今年憑成人票可以有美洲豹直昇機紙模型一張。真奇怪！明明上一屆係小朋友會有紀念品，仲乜今年是大人才有，可惡！仲埋見到D小朋友無紀念品的時候都幾慘，而我身旁的GFS阿sir都係咁話！哈哈！其實我唔識呢個阿Sir，不過佢見到我同carol係度自娛都同我地講吓笑，最後仲醒咗2張書籤比我地！Yeah~

成個場around 1830就清晒，而我地唔知仲乜企晒係度等左成大半個鐘，最後原來就係在GFS大合照，真無奈！已經累到飛起仲搞埋D咁的野！而果時就Feel到喉嚨開始痛，因為不停咁叫咗成日。 一開始就叫D 市民入來登記和解釋一D規舉，而走的時候就不停咁叫D人去前面拎紀念品… 所以唔喉嚨痛都幾難。

左搞右搞就搞到成7點左右先出到東涌，之後就去東薈軒開飯！點知見到大Sir和成班Officer都係果度開飯，不過好彩我地坐下層佢地坐上層！食完飯就各自散水了，而走之前都同D阿sir打聲招呼先，哈哈！禮貌嘛~~

>>January 9, 2008 at 3:59:27 AM GMT+8

2007 年 10 月 14 日 星期日 【颳風】

雖然我們搭2點幾的機返香港，不過今日九點多就起床，因為我地要搭十點幾的Airport Express去機場，而由Town去機場都要成個鐘。所以今天都係無乜機會再行吓！話雖如此，但我們今日都係要用埋餘下已所淨無幾的Yan買蛋糕食，仲要係晨咁早就企係門口等開門果隻！

其實今日最擔心都唔係上唔上到機的問題，而係我個:琣陬Loverload到要比人罰錢的問題！好辛苦咁推個:皒釆荂A然後就去買蛋糕。最搞笑係我抽個:皒釆荓霈伎嵾惘釩雃h人係跟著我一級一級咁行落去！到我落到最底時先知道原來我阻街，哈哈！不過我唔明D人明知我掫搬緊:痝ㄔ糬n跟著我尾。

買完蛋糕就出發去JR站，不過問題來啦！因為今次唔係抽落樓梯！而係抽上2層樓梯，OH NO~雖然Kinki的右手有傷，但佢都好好人咁幫我拎左另一袋的野上去先，而我就慢慢咁一級一級咁抽上去。最無奈係當時係上班時間，D日本人見到我咁抽:琱W去的時候居然同我保持3個身位的距離﹝尤其係男子﹞，驚死我一鬆手就會壓死佢咁！﹝其實都唔會無可能，因為個:痧u係好重﹞好辛苦咁上咗一條樓梯，忍不住同Kinki講要休息一分鐘先，點知當我準備繼續努力的時候有個日本的姐姐好好人咁過來幫我手，佢一抽就抽起個:琚A而我就係下面扶著。唔洗半分鐘就上到去！嘩！勁丫！真係估佢唔到大家身形差不多佢咁夠力！係呢一刻就想起剛才D日本仔同我保持距離的情況，唉！算吧啦！

上到月台就等架Airport Express，剛映咗幾張相就有車啦！結果用埋最後的努力搬埋重咗十幾磅的『阿仔』上車。而我和Kinki就乘機趁呢段小小的時間小睡片刻！之後就到機場Check-in，但因為counter仲未開，所以就在附近的shop行咗一陣，順便研究吓一陣check-in完食乜！而後來check-in果時同我預期的一樣『阿仔』真係overload咗，不過加埋Kinki的『阿仔』就可以share返個重量，所以我就放埋之前拎咗出來果袋野放埋入『阿仔』度，哈哈！方便D嘛！交底咗『阿仔』就去睇吓仲有乜人係未買手信作最後衝刺，然後就去咗間餐廳食野！我叫咗個咖哩豚肉烏冬、而Kinki好慘咁用埋最後的零錢食冷烏冬！食完野我見到一間好似買雪糕糯米滋的東東就買咗兩舊blueberry和蜜瓜味同埋Kinki一齊食。之後就入閘準備返來lu，呵呵！好彩呢班機都唔係好爆。最後差不多7點幾平安抵港，而我就同Kinki分道揚鑣回府。

返到屋企好彩有個叔叔好好人幫我抽埋『阿仔』落車，如果唔係我都怕我抽咗一下會將『阿仔』成個拋落車！回到家就好興奮咁拎晒D野出來比阿娘睇，尤其係我今次的Totoro…

今次個trip如果唔係有Kinki都未必去得成，而且去到之後如果唔係因為有佢我一定會迷路的，所以多謝晒丫！

2007 年 10 月 13 日 星期六 【颳風】

今日訓到大約8點半左右就起床，因為今日一早要去『築地』食Shish…來到日本都好似無正正式式咁食過一餐Shish。

我地大約10左右去到築地市場，通常築地市場大約在清晨五點左右就開始賣新鮮的魚，到大約8點左右就會將D賣唔晒的魚會留返比自己的餐廳整Shish比客人，所以基本上去趁呢度食都一定係好新鮮。不過當我地行到入去築地市場發覺有D唔對路，因為據聞築地市場一定好熱鬧和人來人往，但就我們所見的係一片清靜，行到入去D食肆全部都是關門的。結果我們行返出去問人才知道原來築地市場星期日係休市的。Oh No~點解本旅遊書無講到呢個咁重要的消息的。可惡！最後我地唯有行返出去外市場那邊睇吓有無野食，好彩最後都發現外市場那邊都有很多食肆係有開的，而我們就隨便揀咗一間入去開飯，反正係呢度求期食間都會好味過在香港食的。

入到去就靠Kinki指住餐牌同師傅落Order，唔洗問一開始就梗係三文魚、海膽、帶子、蟹膏壽司，一係咪講笑！三文魚就不在話下，海膽壽司簡直係Yummy Yummy！完全係有無種鮮甜的味道！贊！之後我地仲點咗拖羅、好多沙的蜆湯、蒸蛋和加碼的三文魚、海膽、帶子壽司！哈哈！一朝早就食得咁豪。都咪話唔爽！同埋我發覺我地一係就唔食，一食就會食得好豪爽！Yeah~食飽飽就係附近行咗一陣就出發去『上野』買零食作手信…

2007 年 10 月 12 日 星期五 【颳風】

在未講今天的行程前，有一件事件一定要跟大家去分享分享！


事原是昨晚訓到大約凌晨3點多的時間，個冷氣機制不知為何不停地發出一D『啪、啪、啪』的聲音，初時我以為是Kinki覺得凍之類所以沒有理會，但後來聲音的次數越來越多，結果我忍不住起身望一望咩事，而始時Kinki又同一時間望和我那邊，始時我們才發現原來不是對方在調教冷氣，仲要是大家都很有默契咁說了一句「咩事丫！」結果我們都起身睇吓發生咩事，到最後決定call落counter，不過因為語言不通的關係叫咗他上來自己睇，後來連那個人都不知道為什麼，所以我們就要凌晨執野轉房，而我呢D超級大懶人就將所有野一堆咁放晒入:痟N閃，去到第二間房由Kinki先敲門去入去，而我就將之前那埋野好原整咁拎返出來放在椅子上，連Kinki都話我勁！之後我們又咩都唔理咁繼續下半部的睡眠，直到鬧鐘響起來！

而今天的行程將會是『大出血』，因為一早就會去「三鷹之森博物館」睇關於宮崎峻的野，有得宮崎峻的野就梗係有我最愛的TOTORO！而因為日本的MTR實在太混亂了，結果去到某一個月台問下當值的叔叔才知道我們原來去錯月台，他仲好好人咁用漢字寫低埋我地應該去什麼月台和坐什麼JR，真厲害！而最後我們也很順利咁去到三鷹站！途中我們才說起今朝凌晨的事，那一刻才發現『Oh no！好像蠻恐怖！』但呢個一種感覺很快就在到站時又忘掉了！哈哈！因為我看到了一架貓巴士車在我眼前經過。研究了一會，結果我們都是決定行路過去，反正離入場時間仲有一個小時。我們一邊行、一邊KO之前在蛋糕店買的蛋糕和一邊映相！感覺有點像之前和「別人的女朋友」去宜蘭那個運動公園的差不多！

2007 年 10 月 11 日 星期四 【晴】

估唔到原來我今年都成功咁完成了我的旅行大計，就是飛SFO和NRT！仲要係成功地使用到有驚有險的FOC，真係要講一聲…thanks god~~

其實一直以來都想飛返轉日本，不過因為無伴和要返學的關係，所以都係得個講字。後來知道公司會停飛NRT，結果迫於無奈咁搵人陪我飛，嘻嘻！NRT呢D地方對我來說唔同大陸，係完全溝道唔到的。最後好好彩咁有個同事肯一齊出張FOC同我飛NRT，Yeah！多謝Kinki…大家一定對Kinki呢個名好陌生，哈哈！其實我都係今次返公司先同佢熟，原來佢最初入來公司做，我在電話教過佢用system，當時的我就梗係估唔到我地可以做到好朋友啦！其實我果時係公司都唔錯的，呵呵！有教無類嘛！加上自己做過新仔知道新仔的慘。

其實Kinki今次真係『陪』我去NRT，因為佢在1月同7月NRT大減價的時候已經飛過，所以計埋我呢次她在今年已經飛去NRT三次了。但佢都好好人咁陪我飛，仲要係佢右手受咗傷，哈哈！多晒！結果我的NRT之旅可以成功出發了…Yeah~~~

同之前的經驗一樣，都係唔到機場都唔知自己上唔上到機，不過今次的trip之前check過loading都算唔錯，同埋有另一個好同事Eva幫我地Block埋個靚位﹝就係只有我紮人無人紮我﹞所以都算係安全出發的。好順利咁去到機場上機、起飛、出發。

雖然我地今次只係飛4日，無咗頭尾實際只係玩兩日，不過今次的NRT之旅以『食』為主要目標，加上因為我又完全未去過NRT，所以今次的Plan由Kinki全程負責，我只需要跟就OK！岩晒我呢D懶人。唯一擔心的係我手上的清單都唔知點去搵﹝清單包括阿哥的攝影器材、表姐的Agnes B和『別人的女朋友』後加的護膚品﹞。本來打算在飛機上先Plan去邊度，但後來我地兩個都係食包就訓…哈哈！

去到機場就馬上去搵地方買一些好似octopus的車飛出Town，原來由機場出返town都要成個鐘，最慘都係我地miss咗架去池袋的express，所以要搭另一架去新宿的express去轉返去池袋。雖然9點幾起飛，下午2點幾就到airport，但最終都係成6點幾先到hotel，哈哈！因為中間行錯咗路！真係咪講笑，NRT的地鐵站真係亂到飛起，我到現在都仲未識睇邊度打邊度，呵呵！如果Kinki在地鐵唔見咗我的話，我都唔知點算！好彩她沒有，仲成程牽著我走，好Sweet！

去到酒店放低D野再休息一會就出去行吓附近的mall，因為NRT的Shopping mall around 2030就收工，途中經過一間賣蛋糕的鋪頭，如果我地就買咗件蛋糕食，真係超超超好味丫！我地係池袋附近行到差不多人地收工前去咗樓下的supermarket買特價壽司，仲好成功咁搶到一盒，哈哈！開心開心！之後我地就行返去酒店KO咗盒野先。NRT的天氣都幾涼，如果長時間在Outing的話都要長袖加半厚的Jacket，不過因為我地好多時都係在室內，所以我一件Tee加Jacket都無問題！但原來日本人都幾怕凍，我著件短袖出街，見到身邊的人已經出晒冷頸巾和大褸…仲要係佢屋內的地方已經開晒行溫器【25度或以上】，所以每當我一去到室內的地方就會喊HOT~~~

係酒店KO完盒壽司又HEA咗陣就又行返出去食『無敵家拉麵』，當時都差不多晚上十點幾，門口仲有人排隊…排到差不多個待應就比咗個menu我地揀野食先，點知佢見到我地係遊客居然同我地講普通話，真搞笑！入到去我地一人叫咗一碗拉麵，真係咪講笑，D湯同香港果D差好好好遠，D湯底係有種鮮味走出來的，一個字「贊」…食包包我地就返酒店執吓野，計劃一下明天的行程，哈哈！明天去睇三鷹之森博物館，有我最愛的Totoro！順帶一提 – 原來Kinki同我一樣都係好鍾意Totoro的，哈！我地簡直就一拍即合。

食飽飽就行返去Hotel，順帶一提，由Hotel去JR站都要行15分鐘左右。返Hotel前去咗100Yan店買咗2支水和小零食，然後就洗白白、研究吓明天去邊之後就訓覺了…

2007 年 9 月 29 日 星期六 【炎熱】

幾日之前同咗屋企人映畢業相，而今日就同我相識15年以上的兄弟姊妹映畢業相，而今年除了我之外仲有雷生都係一齊著袍映，哈哈！我又可以乘機行埋一邊做配角了！

係映畢業相之前研究了很多地方，最後決定今年去CU映！加上本團為今次的活動出兩部車包接送，所以去遠D都無問題，最大的問題都只不過係行錯路！因為他們一朝早要返聖堂望彌撒，所以我、哥哥、阿康和OD姐妹就在大圍先會合他們，同以往的歷史一樣都係有遲無早，最後因為架車唔夠位坐，所以阿康就自己行上CU先，我地其他人就跟車！點知由大學站出車去CU結果要用咗成個鐘先到達目的地，哈哈！因為我們迷路了，加上鄒姐架車無乜油，所以要出返去沙田第一城那邊搵油站，最後唯有搵哥哥上咗一架的士再由的士司機帶路先上到去！哈哈！呢D咪就係展翔團的本色！

因為上到CU都已經成4點幾，各人都把握趁仲有陽光的時間急速咁映相、映相和映相，雷生個衰仔居然著條短褲映畢業相，結果大家的焦點好自然都係Focus咗係佢對毛腿上！而今次我帶埋師傅送的臭迪﹝被別人的女朋友監督下買的﹞出來同大家見面，好彩我家有個製衣阿娘，用咗一晚的時間就準備咗件袍比臭迪，哈哈！勁丫！而臭迪也成為大家的拍攝對象！

為咗今次呢個映相團，阿康事前問過很多人有邊D地方值得去映，而趙兄也邊映邊打電話問路搵靚景，其中去到一個叫做「水天一色」的地方，超靚！而山下就係科學園，不過呢度有個類似湖的東東，同天空剛好形成一個倒映，簡直係絕！映完呢度太陽都已經收得七七八八，所以當我們去到人工湖那邊已經天黑了！所以映多幾張相就決定散水去龍華開飯。

而因為我們得2架車要坐11個人，所以最後決定由我做屈蛇，哈哈！好彩我係跟阿睿車，因為鄒姐又行錯路啦！仲要比佢誤打誤撞找到龍華的Car park！不過因為車太多所以就決定泊入屋村！而我地都唔洗等咗好耐位就有得食啦！展翔團除了過年的開年飯都好耐未試過13個人開飯啦！而大家都趁未開飯的時候就來返個NDS孖賽賽車大決戰！

食完飯都差不多成10點幾，所以各自分車回府了！而粗略估計今日都有6-7部相機映相~~~€

>>January 8, 2008 at 8:20:43 AM GMT+8

2007 年 9 月 25 日 星期二 【微冷】

睇返自己的『事記』，我好似沒有在這裡說過本帥哥的大學學位已經順利畢業，雖然無阿泉佢咁勁有一級的成績，不過Pass對我已經很滿足了！同以往的歷史一樣仍然都係差1.幾分就上多個Grade，但無辦法啦！有D野都係唔好要求咁多了！

本打算今日是公聚假期大家會比較得閒，所以就安排同咗屋企人映，本來邀請埋姨媽、表姐一家，不過因為各人都有事和阿娘話我呢D又唔係咩重要事就唔好打擾人後，所以就無同她們映！我初打算既然唔映就全部人都唔映，費事比人『話』啦！不過阿哥話既然都預咗那天出來就我地自己出去映，結果他出車載我們去咗迪欣湖映相。唔洗問，心情一定唔係咁好，不過難得阿哥做攝影師就算吧啦！

我們大約三點幾去到，但因為等位泊車都等到成4點左右先開始，第一次迪欣湖，都幾靚！可惜本帥哥的心情就是不好，而阿哥同女朋友都盡量引我笑，但…唉！算吧啦！我們圍著個湖一邊行、一邊映相，途中仲見到一個舊同事Simon Ho，結果同佢映咗張相！其實講真丫！放假帶埋小朋友來呢D地方都幾好，地方大又唔洗同人迫！所以我成日都話女朋友好幸福，因為阿哥會成日出車周圍去。

映畢業相都一定不可缺少「拋帽」的相，而阿哥就用咗支遠鏡去映，所以我就算企得好近、拋帽拋得很高都映到成個過程，而我就好享受呢一刻的玩樂。

映完相就出發去另一個地方 – 布袋澳食海鮮！係呢一刻我發覺做乘客都唔錯，因為一上車我就已經去咗搵周公子短聚片刻！第一次去呢個地方，而老豆就又開始緬懷他昔日和他的同事來這裡食海鮮的情景！

食完飯就去埋西貢滿記食糖水，之後就打道回府了。

>>January 8, 2008 at 8:25:12 AM GMT+8

2007 年 9 月 1 日 星期六 【乍寒還暖】

今朝又係晨咁早就起身，因為今朝要坐9點車返香港，之後落酒店下次的中菜館食早餐，等埋詳叔來車我們去車站就正式結束我今次的陪襯之旅。

今次返香港用剛通車不久的港圳公路，不過我一上車就好老實不客氣咁去找周公子。不過今次一坐就坐咗差不多3個鐘。而落車過關就方便很多，因為呢度實行一地兩驗。唔知係咪心理因素，當入返香港境區時，感覺成個人都輕鬆晒！

大將12點半就返到太子，打電話比『別人的女朋友』吵佢起身，之後同埋老豆和阿哥食埋lunch就自己行街等『別人的女朋友』。經過鋪頭見到『別人的師傅』今日有浦頭，好Yeah！有地方落腳啦！同師傅傾咗一陣我就又訓底咗！直到『別人的女朋友』到咗我地先出去行咗一陣街，因為我地今日的目標是早行完、早回家！6點半就去食蜂壽司，行到差不多十點就返師傅度，而『別人的女朋友』就不停咁問師傅買Agnes b的bag有無discount，之後師傅好衰仔咁點走咗『別人的女朋友』，然後自己走咗去買咗個bag送比她做生日+畢業禮物，哈哈！嚇到『別人的女朋友』都唔知比D乜反應佢！而我就繼續睇阿笨與阿占唔理佢地。

睇完之後就走，哈哈！好少可唔等埋師傅我地2個就閃，話雖如此！但我地2隻野都係走咗去行咗陣街兼食埋碗糖水先閃，所以返到屋企都已經係12點多的事了。

>>September 24, 2007 at 10:00:46 AM GMT+8