2008 年 6 月 25 日 星期三 【颱風】

呢排的心情有點兒波動，哈哈！不過絕對跟「風神」無乜關係！只是個人問題，最大的原因我想是因為近來真的睡得不夠、睡得不好，令皮質純偏高！而且自己又常常胡思亂想，令身邊的人遭受到我不必要的小脾氣，哈哈！矛辦法啦！誰叫朋友的定義就是互找麻煩、互相利用！

現在是晚上的十點四十六分，基本上我昨天晚上幫ACC做了一個overnight duty，由2300做到0330左右，仲要做D野都略為Low B，我唔覺得當事情發生會咁順利就可能解決。因為在『雞場』附近，但因為無shuttle bus返公司，所以同埋其他人一齊在Regal留到佢地架coach接他們！而我就在呢個時間同阿SAM傾咗很多事，無論是Sqn的事或私或下的事！SAM都算是我在Sqn第一個認識的NCO，哈哈！也是他跟我惡補成個Sqn的structure！大約傾到5點左右佢地架Coach就到，而我就行返去搭車返公司補眠！經過T1見到大快活開咗，就食返個魚柳早餐先。食飽飽就返公司補眠。

原來HAS的Shuttle最早果班是0538開，哈哈！我成為了今日HAS的第一個乘客。因為天未光，公司較為暗，而且冷氣又無！梳洗完畢就返去自己個位度補眠，但最後都係有點怕怕，所以叫管理處開燈，不過冷氣就要等到0745先開得。結果因為又熱又焗的關係最後都係訓唔到！到冷氣開時才睡了半個鐘左右！

在嚴重睡眠不足的情況吓公司D同事又唔生性，唉！煩躁指數已經急升，加上自己flight又有少少問題，令到自己已經發忟了。最後好似嚇親「新丁的爸爸」！呵呵！其實照道理又好似唔係好關佢事，不過自己又在發脾氣中！仲要好似自己唔記得發乜脾氣，總之快點完埋個Camp，let's have a break~~~

>>June 29, 2008 at 4:49:29 PM GMT+8

2008 年 6 月 23 日 星期一 【驟雨】

這個星期屬於busy week，乜duty都放晒在這個星期！唉！次次都係咁，由FUK返來之後好似都無真真正正咁休息過！我已經很久沒有睡過15個小時了！無奈！

本來打算今日乖乖放咗工就回家補眠，但發覺之前在FUK買比「別人的女朋友」的東西就來過期，所以唯有匆匆咁約她明天見，為免好似上次MK事件，我決定去APM等佢！因為APM果間書局一定無收咁早！好醒咁坐尾班快車去觀塘，大約7點半去到，落車收到「新丁的爸爸」的電話，個衰仔一開Ball就潤我今日會等到幾點，講咗幾句發覺行錯路！結果就匆匆咁收線搵返條岩的路先，畢竟我對觀塘的路唔係咁熟悉！

入到APM乜都唔洗睇就直去我要去的地方 – 書店！本來想睇梁望峰本新書，不過後來拎咗第一本書叫 – 【即使世界將我們遺忘】 作者：鄭梓靈！因為人太多，所以自己企在一旁睇！睇咗個半鐘頭就KO完畢！成本書的內容很簡單，只是說一對朋友一開始的時候已經是互相喜歡對方，可是因為男方已有女朋友，而女朋友更是女主角的好朋友！所以女主角把自己一切的情感都收藏著！到最後男女朋友因為又吵鬧而分手，而這次男主角再沒有回去哄回女朋友！女主角因為這樣跟男主角吵了一場，而男主角更乘機和女主角表白！可惜女主角不接受，而男主角也決定離開到第二個國家實踐他的夢想，而女主角因為不捨男主角一手創立的餐廳讓給他人，所以女主角主動要求男主角把餐廳暫時交付給她去打理！直到某一天男主角回來了，而女主角也知道其實自己選擇等待，是因為她一直都放不開他！當女主角踏入餐廳的時候，她對男主角說：我回來了！Happy ending！

『等待』可以很短，也可以很長，甚至是一輩子的事矛結果的事！視乎當時人如何去想、如果去給自己一個理由。這個理由可以很荒唐、也可以很簡單！故事中最後以「我回來了！」去交待整個故事的結局，根本就不需要很複雜！簡簡單單是我現在所嚮往的生活！但事實上我很清楚自己把很多事情都複雜化，當事情發展不是自己所預期的話會發脾4、會不停在某一個問題上複雜化或胡思亂想！到最後可能會選擇放棄！

泉最討厭的是未試過就選擇放棄，因為他總是覺得你又未嘗試過，甚麼知道不行！或許這也是我們相差最大的地方！每一個人都有他自己的性格、觀點和角度！當要決定一件事情的時候，當時人很難去肯定自己的決定永遠是對的，就像故事中男女主角對愛情的態度一樣！

「別人的女朋友」大約九點半多才到，食飯時我們又討論過這個話題！之後她問了我一句話：「你是用穎風或是真正的穎風去比？」那一刻我想了一想，對啊！我好像一直以來也沒有想過這個問題，結果我隨口說我應該會揀穎風！但「別人的女朋友」好老實咁話：「算吧啦！我並不覺得穎風是適合你！」那一刻真無奈！結果我就話：「咁我揀泉！」「別人的女朋友」話：「如果我有得揀，我都會一定會揀小可」… 矛錯！結果我們有得揀的話…

食到咁上下我部電話好似將我一星期接的來電一次過響晒出來！原來天文台話將會卦8號風球，Shit！馬上同「別人的女朋友」KO完我們的晚餐之後就搭車閃人，因為一封橋我今晚就訓街！連續7-8個電話由我APM響到返屋企！哈哈！被人關心著的感覺都真係不錯！

慶幸返到去都未封橋，急速咁洗完白白就訓！因為聽日報左個Overnight service~~~


小分享 – 我喜歡你，很想擁有你，但不一定要跟你在一起！【轉自 即使世界將我們遺忘】

>>June 26, 2008 at 7:50:32 AM GMT+8

2008 年 6 月 20 日 星期五 【清涼】

新丁放左兩個星期假﹝for school's final exam﹞，今日開始返Meeting，不過他們下個星期再放假，因為本SQN搞drill camp！本來今日同埋公司同事出海的，但有點不放心「新丁的爸爸」自己一個搞晒D事，而且Ki又因工作關係返唔到來幫手。所以最後都係乖乖返RM睇吓自己有乜幫到手！

起身問阿哥今日有無便車坐，最後的答案是自己返！去到奧運站例行公事咁去M記買漢堡包，順便買埋比「新丁的爸爸」！返到學校已經開始左open formation！之後「新丁的爸爸」告訴我他找不到今日RM考試份卷，果吓真係O晒嘴，最後有人話份卷係另一個NCO度，而個NCO要20分鐘後才回來！唉！有無搞錯！結果我就用咗呢20分鐘同班新丁做咗個HKACC和C&C的Revision，其實呢兩科都已經講過無數次，但唔知點解佢地都係做唔到！而最後果Part就係比話返比佢地知上次我果6條問題的summary﹝返左幾多次meeting、點解入ACC、ACC比唔比到你想要的東西、有什麼東西對你是最困難、升左BC你想做什麼、你最喜歡和最不喜歡的人﹞！其實呢個Summary都係好快咁同佢地講吓！根本就無時間做到discussion！睇吓下次有無機會先！

當我做緊briefing時我見到那個NCO返左，所以就可以安排考試！而我也趁這個時間出去好急速地解決埋我個Lunch，而「新丁的爸爸」就好無奈咁同另一個新丁補返D lecture，哈哈！40分鐘的考試時間好快完，而臨收卷之前我已經比咗個溫馨提示他們再檢查一下他們的個人資料，如果比我發覺到有問題我唔會改份卷的！而趁班新丁去咗做Footdrill的時候，我就趁機又審問咗「新丁的爸爸」幾句，因為之前已經明明已經提咗佢有個新丁佢唔識睇中文，會安排個人讀比佢聽！結果原來無安排到，仲要係到收卷Cpl先同我講呢個case！果吓真係有少少脾氣，最主要是發自己為什麼會無去follow！唉~~~

最後唯有問返果個新丁佢對份卷有無問題，而幸好她只是對國歌那一部份因為不太懂寫中文而有點困難，所以我提議讓她唱給我聽就算，但可惜最後她連唱也不行！所以我都矛辦法要fail佢！因為國歌那一部份佔成份卷的一半！而我們又趁他們去Footdrill的時候改埋份卷！簽埋record book！不過以上所說的事大部份都是由「新丁的爸爸」做的，而我就繼續做返個每次返RM都唔知做緊乜的閒人！感覺不是太好！想去做多D，但好多野自己都唔識做。

新丁操完Footdrill上返classroom，我們就派返D record book比佢地！而之前又比我搵到有2個新丁真是填錯了自己的資料，首先就比「新丁的爸爸」審問了幾句，到最後我都係決定今次殺一警百，而且YY提咗我一句：講咗的事就要去做！對丫！反正我從來都唔覺得自己係好人。

講完呢part就講另一part，7月5日會搞個parent's day，目的是想D家長了解一下我們平時如何教導他們的小朋友！今日有27個新丁返RM，差不多有10都話今日交唔到家長信！原因有好多 – Printer壞咗、Screener壞咗、矛人通知…總之乜理由都有！最後我都係忍無可忍又審問成班新丁，因為下個星期會Close meeting，如果他們今日交不到家長信的話，唔通真係又叫家長打電話比「新丁的爸爸」嗎？拜託！他都有自己的工作！結果今日我又做多次衰人話佢地可不可以自己主動一點，呢句話我由第一次見佢地開始而不停地說，可惜最後他們都是沒有！到最後我問了「新丁的爸爸」今日交不到家長信的人點做，而佢好快咁叫佢地用相機或screener映或scan封家長信send比Cpl！嘩！好勁丫！我完全想不到用這個方法，果然是「新丁的爸爸」，有D衝動想為你鼓掌！

完咗meeting就例牌去Tea，之後同埋YY、Derek and 「新丁的爸爸」去MK買Boot，今日去到只剩返幾對！然後就打電話比「別人的女朋友」，因為她今日有空閒理吓我，最後我們相約在師傅鋪度，哈哈！本來想放底個包包，但個衰人今晚約咗人！行咗一陣就去開飯，食飯的時候同「別人的女朋友」照樣都是互相談論一下【男朋友】的問題，每一個心中都有一個尊屬天使，只是你不會知道你什麼時候會遇到他 / 她，也不會知道原來走了一回他/ 她一開始已在你的身邊！我知道身邊的朋友很替我擔心，畢竟等待中的生活是很泛味的，但有些事情不是我想就有的！再說現在的我還是那一句：如果他肯【嫁】我肯【娶】！哈哈！不過最後都是比「別人的女朋友」打消了我這個念頭！真可惡！而今日最搞笑的話題就是我們重提返昔日屬於我們的故事，現在回看過去，真的帶給我們很多的快樂！

之後再轉戰旺中就回家！畢竟今天都有點兒累！



不知不覺，我忘了屬於你的【白】色~

偷偷收藏妳笑容　輕輕不經意的牽手
這樣深深愛妳的指間縫　就像自然呼吸無須去形容
白鴿飛翔的自由　安靜盛開的百合
晴空中像棉花糖的雲朵　都讓我想起妳純真的溫柔
最愛　妳內心裏純白的顏色　簡單卻幸福的顏色
張開雙手就能擁有
妳純淨笑容已取代了繽紛的彩虹
更美麗睿詠最愛
妳世界裏純白的顏色　舒服而自在的顏色
深呼吸著妳的暖和　當冬天飄起雪的時候
請妳陪著我　將希望的白紗舖滿在即將到來的以後
給愛純白色的夢
吹起蒲公英的風　咖啡濃郁的泡沬
白色上記錄的相愛經過　都讓我想起妳純真的溫柔
最愛　妳內心裏純白的顏色　簡單卻幸福的顏色
張開雙手就能擁有
妳純淨笑容已取代了繽紛的彩虹
更美麗睿詠最愛
妳世界裏純白的顏色　舒服而自在的顏色
深呼吸著妳的暖和　當冬天飄起雪的時候
請妳陪著我　將希望的白紗舖滿在即將到來的以後
給愛純白色的夢
想執著的宣認手牽手守候愛情的永久
給妳純白色的夢　給愛純白色的夢

>>June 23, 2008 at 4:18:49 PM GMT+8

2008 年 6 月 15 日 星期日 【颱風】

在偶然的情況下看到小鵬哥，感覺很興奮！雖然是匆匆的一眼，可是那一種安心的感覺到現在還是一樣。數數手指，我們也真的已經很久很久沒見了！就連他的消息都已經少去八卦了！回想起昔日經常和『別人的女朋友』一起找小鵬哥的日子，真是很開心！而我們也是因為小鵬哥的關係而認識！哈哈！

除了小鵬哥之外，近來接觸最多的居然是泉！話雖如此，但其實我倆也不是常見，畢竟彼此都很忙，是忙於各自的事情。所以結論都是 – 不管我們相隔有多近或是多遠，如果彼此都只留在自己的地平線上走著，就算用一輩子的時間也不會有交叉的時候！對嗎？

身邊的人常說 - 這些的「回憶」，重要嗎？這樣的「等待」下去，值得嗎？

或許是在很久以前已經習慣了活在「等待中的生活」，而「回憶」是給自己活下去的理由吧！

>>June 16, 2008 at 3:40:06 PM GMT+8

2008 年 6 月 9 日 星期一 【晴】

昨晚返上去搵周公子之前上網再check吓今日返HKG的loading，點知突然矛乜位剩！馬上Send去email比老黎叫佢check吓班機有無其他的waiting list，之後就同阿娘在博多站附近再周圍逛，經過Yodobashi camera就走咗入去行返轉先！

自從上次飛日本已經很喜歡行這些地方，一來有冷氣、二來各式各樣的東西它都有會、三來自己鍾意睇電子產品，哈哈！雖然有很多東西都唔識，不過我喜歡憑感覺去做我想做的事！所以當感覺不好或沒有安全感的時候，我也許會回頭或放棄吧！行行吓睇到有錶的Counter，睇中咗隻Nike錶，佢隻錶的style for running的、好似一隻手鐲咁，真係型到震！搵個sales拎出來比我試，可惜我隻手腕位太幼，佢個錶鐲《cool》唔實我隻手，仲要係因為隻錶好輕，無乜手感，所以跌咗都會唔知！考慮了一會都係決定唔買，雖然我覺得對返HKD的價錢around 500蚊左右！唉~~~

行完Yodobashi camera都差不多時候回酒店拎行李去機場，因為loading都幾FULL，所以安全起見都係要早D去機場Standby好D，經過Supermarket再買多幾盒蕃茄仔 + 巨蜂提子返香港比阿哥。Around半個鐘就去到機場，去到CHECK-IN counter就同個staff講係公司ticket，見到阿娘很快地將D行李搬晒上輸送帶，我就忍不住話：要Waiting！搬晒上去仲乜。點知講完呢句就見到個counter同事出張Boarding PASS比我，吓！咁玄！居然唔洗再waiting就出比我，Great！結果拎完張Boarding pass就好快咁離開個counter，然後上去餐廳度食飯！揀咗間有烏冬的餐廳，叫咗個滑蛋豬扒飯 + 烏冬！YUMYUM~~D吉烈豬扒皮和豬扒是矛分開的，仲要係肉質鬆軟，而烏冬就唔洗講！大部份都係手打烏冬，非常之美味！哈哈！唔知道如果阿泉都在的話，會唔會連我果份都搶埋呢？

食飽飽就上機，今次揀左走廊位坐，起碼舒服一點！最搞笑係當派飛機餐時，是日飛機餐有豬柳飯，阿娘好興奮咁點咗來食，食咗一啖之後同我講：阿妹，乜呢D豬咁難食！哈哈！笑死我，拜託！阿娘你頭先食果個飯都為返HKD80蚊。平平安安咁返到香港都差不多下午五點左右，搭車返屋企執埋D野就開飯，分手信…左搞右搞又搞到成點先訓~~~

如果大家想睇多D相就問我拎地址啦！

>>July 8, 2008 at 3:55:22 AM GMT+8

2008 年 6 月 8 日 星期日 【晴】

今日的行程仍是留在天神區，哈哈！因為阿娘話如果去其他地方一來車程又遠、二來車費又貴，倒不如留返在town 行mall好過，加上以天神區呢個咁大的地方，我們昨天都只不過是行咗一部份而已。加上一條天神地下街都足夠行一日！

來到天神區都是漫無目的咁行，行完岩田屋就出返去搵野食！經過同事介紹去咗一間叫『釣魚茶屋』的地方食我們今天的午餐，不過就行咗一大段冤枉路先搵到個巴士站搭車去果度！激死我！有乜理由個巴士站出面叫2A、後面叫2B、再過D叫1A，都唔知係邊個排位的，一D sense都無！

去到間『釣魚茶屋』才發現原來下午5點鐘才是入去茶屋度食和釣魚，Lunch hour只是賣下拉麵、餃子、串燒之類的東東！唉~~~矛辦法啦！結果就咁KO完我們的午餐就又搭返車去天神行下地下街。真搞笑！昨晚同阿哥MSN，佢居然叫我買D特別D的糖返來比佢食，真搞笑！因為其實我好少聽阿哥講佢鍾意食糖的。結果今日我就全力幫佢搜集各式得意的糖，而首選都係巨蜂提子味為先！途中經過一間賣衫的鋪頭，睇中咗件Tee！價錢都可以接受，所以就買咗件Tee比自己做禮物。之後去咗另一個地方，見到有間cake shop，就坐底食返個Tea先！叫咗杯綠茶珍珠 + 芒果蛋糕，VERY DELICIOUS~~YUMYUM~~~連平時怕Cream的阿娘都把成個cake KO到一滴不漏！

休息過後再周圍咁行吓、睇吓，又好無意咁發現到昨天食那間好好咪的壽司店，今次仲要係矛人排隊，最後又走咗入去再食返個Tea time的PART II，哈哈！好彩我好醒咁上次食壽司時映咗相，所以今次有D壽司佢無整出來，我都可以比返張相佢睇！哈哈！好醒丫…

食完好飽，再去多次超級市場入貨就返酒店休息一會！之後就去中州那邊的屋台開飯。中州的屋台比天神較為集中，成條街擺咗十幾間！方便我們去選擇，行咗個圈結果是旦入咗間，反正都係靠指東指西！我無記錯的話呢間叫做【司】，個老闆娘好好人，盡量用英文話比我知餐牌上的東西是什麼，結果我們點了黑毛牛舌、串燒、蔬菜天掃羅等等的東西，咁又¥3000！食完野就行咗一陣，經過汽水機買咗兩支野飲，順便用埋D coins！之後就搭巴士返酒店執野準備明天回港，順便拎晒D野出來映返張相，實行大SHOW OFF~~~

>>July 7, 2008 at 4:15:52 PM GMT+8

2008 年 6 月 8 日 星期日 【晴】

轉眼間原來已經七年了，去年的「你」很開心的跟綺羅一起過27歲的生日，今年回復單身的「你」也開心的跟公司的人一起過！那當然，這是否是「你」所期待或是希望的，我想只有「你」自己最清楚。畢竟從以前到現在我從來也不會管太多，嚴格上是我理不到！

有人問我是不是有心選這段日子出國，哈哈！也許吧！為慶祝生日而旅行這件事我早在兩年前已經做過了！再說當我在日本的時候，我真的沒想那麼多了，反而只是很普通的跟阿娘說今天是穎風的生日而已！就這樣... 呵呵！看來我們之間的距離已經看不清、數不完了。從另一個角度去看，也許是已經放棄了那一份執著。

在最初決定要出國的時候，我真的打算今天回來的，但因為機位問題要延後一天。所以雖然人有權利去決定自己的路或是安排自己的未來，不過在最後也可能因為其他的因素而作出適當的改變。以前的「你」在工作中找不到成就感，總覺得一切的事情都是必然的，反正就不會有人會責備「你」。但現在的「你」已經找到屬於自己的舞台，「你」很清楚要為什麼而做和努力，也因為這個原因「你」不知不覺給自己很大的壓力。我知道「你」不希望讓身邊的人失望，不過我相信「你」更不希望身邊的人為「你」擔心，對嗎？

所以凡事盡力而為，我們每一個人都會看得到，就算最後的結果不理想，如果「你」真的努力過，在我們的心中「你」也是成功的！大家一起加油吧！還有… 當開車時，請把車速減到法例內的規定！生日快樂~

>>June 17, 2008 at 2:14:19 AM GMT+8

2008 年 6 月 7 日 星期六 【晴】

本來今日的行程是去別府那邊浸溫泉，不過因為我身上有傷口，所以不方便去浸溫泉，而阿娘又怕自己一個人兼日本浸溫泉都是不穿泳裝的，所以最後決定今日行天神區！天神區和香港的旺角、銅鑼灣一樣，以shopping mall為主。而且天神仲有一條好出名的地下街，又大又長！行一日都行不完！

今日因為是在市內遊，所以就決定去買西鐵巴士的1 Day pass！¥1000 for two person！咁當然只是限於某個範圍內啦！因為我無等到¥100巴士而就咁見到架車去天神就上，結果架車的車站和旅遊書的有一點不同，好彩行咗幾個街口發覺不對勁就行返對面坐返車返轉頭！呵呵！我開始feel到為何我D同事叫我咪亂上車，不過矛所謂，反正One day pass可以任坐！哈哈！

搭返回頭車在最多人的地方落，胡亂咁入咗間shopping mall，之後行埋三越！然後有D肚餓就根據旅遊書上的介紹去附近一間壽司店食壽司，好彩今次矛行錯路！去到嚇咗一跳，個牌寫要起碼等40-45分鐘，不過對於在香港食壽司要排隊已經習慣了！所以就乖乖咁等！入到去其實都係一迴轉壽司店，同蜂壽司的Style差不多！見到乜就拎乜食，D帶子壽司完全有口感兼有鮮味、最重要是海膽、黑毛和牛、牡丹蝦都平過香港很多！YumYum~~~同以往一樣都係食咗12-13碟左右，Around ¥3000左右！之後就繼續同阿娘行shopping mall，經過Disney store！仲見到我上次飛東京同Kinki買的stitch，不過我最後都係乜都矛買到就閃，呵呵！因為本帥哥將於7月頭再戰日本。~YOY~

行完三越果D大公司就行埋LOFT，LOFT好似香港的IKEA / 實惠，之後有點兒肚餓就再睇旅遊書去搵吓附近有乜好野食，結果睇中咗一間食餃子的店舖，就同阿娘又開始去搵野食。行到咁上下再問下人，結果又比我誤打誤撞咁搵到間野，真係無奈！睇佢出面店舖樣完全估佢唔到入面係食餃子，不過好彩佢D餃子都幾好味，同埋隻餃子都唔細，有一隻手掌咁大的。除咗餃子我仲叫多個南瓜蛋糕！

休息過後又再在天神胡亂咁行多陣，在超級市場買咗埋手信就返酒店放底D野！休息了一會再搭返巴士去博多運河城那邊速行咗45分鐘左右，仲要比我搵到間賣TOTORO的店舖，有D款我在東京都未見過，不過向來節檢的我就梗係無收穫，因為如果要儲齊所有TOTORO的東西，仲咗MARK 6都未必買得晒！臨走之前有音樂噴泉表演睇，真係估唔到部G9居然映到個效果，勁丫！睇完之後又搭車去天神搵屋台。

屋台等於香港的大排檔，平均每條街都好散咁得兩至三間車仔檔，而食D野都係串燒、關東煮之類的東西，行咗一陣就隨便咁入咗間由一對夫婦開的檔作為是日晚餐！我地叫咗餃子、魚仔串燒、雞肉串和關東煮！不過食呢D屋台都唔平，拍得住我食一餐壽司的價錢。食飽飽就返酒店洗白白，食埋今日在超級市場買的蕃茄仔，之後就訓覺了！

2008 年 6 月 6 日 星期五 【酷熱】

今日8點左右起床，整埋D野就落樓下食早餐﹝飯團+麵豉湯﹞。臨出發之前check吓email和reply吓email！呵呵！雖然話就話放假，但公事、私事都要處理一下，畢竟矛人會預計得到那樣是不是重要的事。

大約9點幾去到JR站，之後研究咗一輪都找不到買豪斯登堡車票的地方，好彩最後見到information counter，問完information counter之後原來買豪斯登堡車票是要在另一個地方的counter買，而不是去售票機！在雞同鴨講的情況下終於買到2套來回特急票，再返information counter問埋回程的時間就衝去車站，因為發覺原來仲有2分鐘就開車﹝0922﹞，慶幸information counter的姨姨一開始就寫埋月台號碼比我，如果唔係實搵死！就算搵到都等死，因為下一班列車是一個小時之後。

上到月台就見到一架類似的火車，唔理三七廿一就入咗去先！哈哈！其實我來之前上網見過吓呢架火車，有D印象！入到車廂就搵位坐，因為我地買的車票係自由席，有位就有得坐、無位就有排企！行咗幾個車廂都無位就決定同阿娘分開坐！因為成程車程起碼個半鐘！雖然話搭火車，但其實日本的JR都幾好坐，D位都算闊落！但就貴D，來回車票¥4900一個人！車程去到一半就見到阿娘行過，馬上叫停佢！原來她說她旁邊那個人落咗車有位。

去到豪斯登堡大約1100，一落車就見到歐洲式的建築！而由火車站行去入口都起碼要7-8分鐘！而呢個時候就梗係出動我背得咁辛苦的腳架，去年在美國的時候就係靠它陪著我走過每一段路！豪斯登堡的入場券有兩個價錢，一個是普通入場券¥3200、另一個叫Passport ¥5600！Passport包埋園內所有的專用設施，所以我就決定貴D都買Passport！

而剛好豪斯登堡正舉行「花之饗宴　GALA FLORA2008」，所以周圍都是不同種類的花，岩晒我阿娘呢D愛花之人！入到去見到幾個荷蘭風車﹝荷蘭風車區﹞，之後就入咗去一間Teddy Bear的博物館，入面有好多不同種類和主題的Bear，行到出口仲有一隻超大的Bear比遊客映相！而根據這個銷售策略，在博物館出面一定會有相關的商店！呵呵！

睇完Teddy Bear本打算繼續行入去，但見到原來有船座！就轉咗去由水路入，其實我都唔知會入到去邊，因為睇地圖佢都唔細的，不過點行都應該唔會迷路的！Right！坐咗十多分鐘的船船就去到另一個Zone – 尤特萊區！毫無目的咁周圍行，之後上咗高塔睇晒成個豪斯登堡的風景。之後行行下比我發現到有間賣龍貓的店舖，Yeah！唔理三七廿一就衝咗入去，不過款式矛乜特別，所以最後都係空手出來，不過我就靜悄悄咁在入面偷偷咁映咗幾多相，呵呵！最開心的係龍貓店外有個龍貓公仔Welcome之後仲有個大的龍貓木板公仔！在龍貓的店的旁邊仲有另一間大兩陪的Miffy Shop，如果火星仔阿娘係度一定發晒癲，而我梗係發揮出好友精神又靜悄悄咁偷映左D相比佢，本來睇中咗幾樣野，不過我怕火星仔阿娘會同我買埋同一樣的野，所以最後我都係矛買到！睇完之後阿娘話坐璇轉木馬，坐完之後就在旁邊間快餐店食返個Lunch，我就叫咗個燒汁漢堡包餐，而阿娘就叫咗杯軟雪糕！個漢堡包好好味，好多汁！拍我 坐香港的Burger King！而阿娘話杯雪糕都好好味，D雪糕好滑、同埋D雪糕係去到個脆筒底！正~~~

食飽飽就去另一個地方進法，那麼叫荷蘭漁村區！我們仲入咗去一個叫大航海體驗館玩，它的玩法是模擬你坐咗架船的甲板上並會隨著故事發展而成個台都會郁的！，所以入到去的人都要坐定定兼扣好安全帶！一開始果時都唔覺有D乜野，但越郁就越勁，最慘的係佢D坐位係木椅來的，真係坐到個Pat都痛！出到門口忍不住同阿娘講真係估佢唔到會成個台郁！玩到一個咁刺激的遊戲就去睇下其他博物館，那些都是講返之前大航海體驗館介紹過的磁器和航海用品！

之後我們就園內的巴士打算出返去入口那邊，因為其實我地咁行發都已經行咗成3個幾鐘！但途中又經過尤特萊區的德姆特倫高塔，而前面有一個用花圍著的時鐘，結果我就同阿娘又落咗車係前面映下相，係呢度最開心的都莫過於周圍都有不同的花圍著你，而好慶幸的是我的鼻敏感居然矛發作！我想最主要的原因應該是日本的天氣沒香港那麼濕~~~

映完花，就再搭返巴士去另一個zone – 新城市區！而呢度有很多遊樂設施，不過最後因為時間關係，我同阿娘只揀咗其中一個入去睇，而它最主要是用鏡的反射而製造出一個大空間的效果！睇完出來阿娘本打算坐玩具火車，但出到來那邊好似收咗！所以就放棄了！都唔知係咪D遊樂設備是閞1700的，睇完個「豪登斯堡IFX劇場」之後好似乜都收晒咁！不過其實行到呢度我們都係時候要回程，因為最後那理返博多的火車好似在1822開車，而由新城市區又要行一大段路先出到去。

由新城市區行返去荷蘭風車區會經過一條好短的吊橋，過左吊橋有一大遍花海！而愛花的阿娘就梗係趁機映返幾張相，而且太陽也開始收！無今朝果時咁刺眼！最後在半行半映的情況下終於出返去火車站！原來不經不覺今日都行咗5-6個鐘，怪不得條腿好似唔係自己咁。

可能是因為夜的關係，成架火車無乜人。而我這時才拎張MAP出來真真正正咁研究吓成個豪登斯堡有乜玩同有乜睇，因為其實我們今日在園內好似係毫無目的咁周圍行！唔睇由自可、一睇就真係嚇死我！原來成個豪登斯堡有8大區，總共有大約61樣設施可玩可睇，而我同阿娘今日只不過是睇咗一半左右的野，玩的都唔係太多！真係估佢唔到，唔怪得上網有D人話最好在入面留一晚！不過在入面住一晚酒店起碼成千蚊都唔知得唔得。點都好啦！反正今日來都係打算行吓，而且最開心的一樣野就係唔洗Plan咁多行程！完全岩晒我呢D懶人的Style~~~

返到博多大約8點幾，返咗酒店放底D野就再出過去搵野食，本來打算在博多附近食餃子店的，但行行吓見到一蘭拉麵就決定去食一蘭！不過比想像中一般，麵少之餘仲要得2塊叉燒！真無奈！更無奈是Tick Menu之前佢局然只比左additional menu我，拜託！我連Main都未點又何來有addition，最後又在雞同鴨講之下佢終於明白佢比錯menu我！唉~~~

食完就行返酒店，好彩返酒店之前又去咗Supermarket買咗D車厘子、蕃茄和沙律！如果唔係今晚可能起身落樓下買杯麵！呵呵~~~~

2008 年 6 月 5 日 星期四 【晴】

每次用FOC都是有驚有險兼好趕咁決定幾時出發、坐邊班機出發和住到那裡！而今次都是一樣，加上今次是我跟阿娘一齊飛日本，一個完全聽不懂、說不明的地方！再說根據我公司同事對我今次的福岡之旅的結論就是 – 唔好見出口差不多樣就出、唔好見車就上、唔好亂衝亂撞到最後搞到自己唔知去咗邊！拜託！我D紀錄有無咁差丫！

其實今次的FUK之旅本來是在5月中和Rebecca一齊起行，不過因為loading問題，最後我沒有跟Rebecca一定一齊飛！而今個星期剛好Check過個loading好似都OK，結果就用咗3天時間出飛兼換Yan和請假，OH NO… Yan價7.5…好貴丫！本來打算飛4D3N，不過9號那天的Loading好似唔係咁靚仔，所以安全起見都係book多日hotel for back up！而根據以往的經驗就是去到先plan行程！哈哈！反正阿娘都唔係第一次跟我一齊飛！怕什麼！加上我又問咗人借旅遊書，矛事的！

KA飛FUK每天一班來回機，所以有位就有得上，無位就要Stay多日。去到機場counter直接出到boarding pass，因為飛去FUK果程唔Full load，之後我就用最快的速度返公司print咗張野，事原係因為阿娘昨天無端端咁話想去溫泉！然後就馬上趕返過機場入閘，好彩我對香港的海關好有信心，半個hours就行到入gate，而且今次同我以往的style，Final Call！哈哈！

雖然班機唔Full，不過都有九成！oh no！何解飛日本的機無電視睇！想悶死我咩！

去到日本福岡是當地時間1330，入埋海關拎埋行李就搭shuttle bus去另一個terminal轉MTR。FUK和東京最大的分別就是由機場出Town只需要15-30分鐘，所以今天都起碼有半日的時間可以周圍行吓！去到東橫-inn check-in大約2點幾﹝中間行錯路，好彩一問人東橫-inn好多人都知道﹞，放底行李就坐巴士去outlet。可能是因為平日的關係，所以成個outlet都無乜人行，不過呢度的outlet給我有種在美國感覺！可能是因為這裡大部份都是外國的牌子。阿娘就周圍睇；而我就周圍映相，經過一間在香港都有的章魚丸店，就順便咁食返個Tea！再行多陣就搭返巴士返博多。順便在巴士站上面的食街食Dinner，我地揀咗食咖哩，在日本我點都會最少食一餐咖哩的，因為日本的咖哩同香港好唔同，它不會太辣！而且仲好好味！不過因為阿娘不肚餓的關係，所以我們只叫了一個咖哩牛肉飯配沙律，正~~~

食完飯就同阿娘行咗一陣博多站，經過supermarket買咗2盒沙律和車厘子for今晚宵夜！D車厘子又大粒又甜，正丫！大約12點左右就搵周公子，因為聽日一早要起床去豪斯登堡~~~