2008 年 8 月 13 日 星期三 【酷熱】

根據以往的歷史，每逢農歷的七月十四前後我都會用最快的速度回家，不過今年有些特別，在農歷七月十三和十四我都有出街，但都會在十二點前回家…

農歷的七月十三，因為「別人的女朋友」為了某些事情令整個人都DOWN咗！而身為她的後備男朋友就梗係代替正牌男朋友出場好好咁安慰吓她啦！仲買咗枝捧捧糖比佢，哈哈！呢個是我們之間的默契和秘密。如果你問我，我覺得倘若兩個人真的是真心相愛，就不會因為這個原因而分手，也許這會令大家有一點的遺憾，但…這真的那麼重要嗎？如果是的話，那隨隨便便找一個代母也可以，不是嗎？不過我還是會尊重你的選擇，只希望你別忘 – 我跟小鵬哥永遠也是你最好的朋友…我們之間的感情絕對比任何事都要堅固！

農歷的七月十四，因為Bravo的同學仔其中有一個在九月的時候結婚，所以大家相約在今天聚一聚和派帖，不過昨天拎漏野比阿哥，所以收工先到九龍站拎咗相機套比阿哥之後先再去奧運站行返去旺角。老實說，如果不是因為有人陪著由奧運站行去旺角的話，我一定會坐MTR返荔景再轉車去旺角，哈哈！因為我怕嘛！

去到旺角街市的時候覺得肚子餓，所以帶咗小朋友去食人和豆腐花，以前同阿娘去旺角街市買R的時候，我總會閃入去食返碗豆腐花的…呵呵！Yumyum~而每次食豆腐花都會想起泉曾經一口氣食咗四碗豆腐花，最後搭車的時候要叫司機停機比佢嘔，哈哈！活該！估唔到小朋友唔好豆腐花，真少有。我仲以為佢係一級的垃圾桶乜都食！之後行咗一陣朗豪坊就會合我D同學，去到之後原來有D人直接上咗酒樓，所以我就先過酒樓等佢地，因為我覺得我兩隻腳的腳趾尾好痛…後來才知道原來起咗水泡，怪不得咁痛啦！幸好阿Clark有膠布，馬上進行急救。痛…大約八點半就開飯，大家吹水吹到十點左右就散水，哈哈！因為我唔想咁夜返屋企，十一點半左右就返到屋企…幸好今日阿娘無在阿公家訓，如果唔係我今晚一定會開燈訓覺的，沖完澡又聽到D我唔想聽的野。咁搞一搞又搞到成兩點，真係眼訓到震…

>>August 15, 2008 at 5:22:57 PM GMT+8

2008 年 8 月 11 日 星期一 【晴】

當我需要你肩膀的時候，你永遠也不會在我身邊…

當我需要你安慰的時候，你永遠也不會說任何的話…

可是為什麼當我要放棄的時候，你總會出現在我的面前…

我只是想生活簡單一點，難道這個要求很過份嗎？

為什麼你們每一個人都要我讓步、每一個人都覺得這是我的責任、每一個人都把所有的事情放到我身上？

你們有沒有問過我到底想怎樣？

未來真的很遙遠，幸福更已是捉摸不到…

還會有誰願意跟我分擔？

>>August 12, 2008 at 2:37:34 PM GMT+8

2008 年 8 月 7 日 星期四 【乍寒還暖】

2008年8月8日的早上和晚上的8點08分，你做緊D咩呢？今天的早上我搭緊車返公司、並聽著屬於「我們」的歌，而晚上我同阿康一齊逛街兼買野飲…

唯一可惜的是成個星期，居然連見泉一面的機會都沒有，為什麼從以前到現在都覺得見他比見穎風更難？也許是因為從一開始我就沒有把握機會、甚至會經過理性地去分析然後放棄…老實說身邊的朋友一直都有從旁幫助，只可惜……

本來今日打算收工返屋企，因為條頸早幾天扭親好似仲係幾痛吓！加上今日午睡時又唔小心咁又扭多吓，痛、痛、痛！不過後來阿康話他公司因為奧運開幕，所以放早，問我今晚同唔同佢一齊食…都好喎！近來好似越來越少同阿康一齊去搵野食，結果研究咗一輪就決定去荃灣食。準時收工坐廠車落荃灣，之後行去路德圍有間叫「魚秦蓬鰡M門店」食米線，話時話…以前在荃灣打工都沒有去過呢間食，因為次次經過門口都是很多人排隊。所以次次都會打消念頭食其他野…

阿康永遠都會比我揀先，甚至好似今次咁我揀晒！哈哈！基本上薨O度食之前我上網睇過食評，呢度最出名的是吉列豬扒米線，所以我地就點咗一個吉列豬扒米線、魚餃米線和炸魚皮，本來我想食雞翼的…不過呢個星期好似都食得幾多，所以最後放棄咗！

吉列豬扒真係好好味、D湯底雖然淡咗D，不過我都可以接受，但個餃就唔係好得，好厚皮…成餐飯兩個人都只是HKD58，唔錯啦！阿康俾錢，哈哈！然後我地就去行咗一陣新之城，見到有車車的扭蛋阿康就好老實「隉v咗隻比我﹝八達通﹞…後來經過零食店買咗包巨峰提子糖﹝都係阿康俾錢，哈哈！因為他知道我呢排手緊﹞…最後我都好有品咁比錢買野飲，然後他就送埋我去搭車，之後他就返MK拎野。

其實荃灣都有幾多野食，尤其是糖水店…下次可以去試吓第二間！

PS：師傅生日快樂！你又老一歲啦！生生性性咪成個o靚佬咁啦...



我用雙手 舀起了半匙月光
塗在陪妳回家 經過的池塘

水波揚著月光晃 有點迷惘
我們坐在板凳上 一起等待隔日天亮

跟著晚風 又走到那個老地方
我的單車還是習慣 倚在妳家的牆
我如往常的抬頭望 不管雲層裡有沒有月光

多麼不想 吵醒熟睡的小巷
路燈也聽妳講 未來會怎樣

這夜晚有一些涼 一些盼望
如此不安的徬徨 會不會也在你心上

>>August 12, 2008 at 11:06:08 AM GMT+8

2008 年 8 月 6 日 星期三 【乍寒還暖】

我親愛的邦少，牛一快樂！恭喜有人榮升咗做吹水王﹝作家﹞喎！無論點都好啦，由一開始你已經很清楚自己的目標和位置，從來都不用我們去擔心你…所以好好把握自己得來不易的成功，我們每一個人都會在你背後支持你的！要加油丫！

PS：唔該下次執一執個樣先出來見人啦！話晒今日都是台灣七夕情人節，比D面好喎！我還是鍾情戴金絲眼鏡的你…呵呵！

>>August 7, 2008 at 4:51:22 PM GMT+8

2008 年 8 月 5 日 星期二 【驟雨】

曾經有人說過話以下的話~~


首先心中想一個數字，然後加2.8後再乘5，之後再減去3.9343後再除0.5，最後再減去你所想的數未的10倍…

這已經由一個諾言變成一個謊言了。不是嗎？

>>August 8, 2008 at 3:45:42 PM GMT+8

2008 年 8 月 3 日 星期日 【酷熱】

OH NO！我完全忘了泉說今天要去動漫展！唉！又緣慳一面！SORRY~

>>August 12, 2008 at 9:12:53 AM GMT+8

2008 年 8 月 2 日 星期六 【酷熱】

呢個星期確實有太多的事發生，一下子壓到我都不知道怎樣去形容，總之所有的事情都不是在我能力範圍以內就可以解決到…難得昨天因為在家照顧阿公唔洗返Meeting，天氣又唔錯，所以打算今日自己去大澳行吓！想一想我有沒有去過這個地方呢？我都忘了，可是我敢保證泉一定去過，仲要食咗唔知幾多碗的豆腐花…有相為證，哈哈！

不過昨天YY、Bryan、Elva、Sam、OIC、Eric話去貝澳玩，想一想反正都係想靜吓，而且阿公有阿娘湊…所以決定同他們一齊出去玩吓都好。明明有人同我講係搭1130船，搞到我1100好乖咁去到中環碼頭，之後知道原來1200先有船，可惡…我下次出門前會打電話再Double confirm，搞到我成個傻仔係碼頭等咗成個鐘。激死我！

今次除了有7個人之外，Elva仲帶咗隻約瑟爹利 – 忌簾一齊來…哈哈！最搞笑係Elva幫佢著咗四隻鞋仔，成為了聚人的主角、吸引著旁人的目光！﹝穎風：仲乜無端端咁好文采！﹞我們首先入梅窩食返個Lunch，之後去超級市場買東西，因為他們今晚會Overnight一晚，而我呢D在職人士就梗係唔會留宿啦！買完野就再搭巴士去貝澳，但因為狗仔唔上得巴士，所以我們就分頭行事…另外的人坐的士入去。之後就去渡假屋放底D行裝，休息一會就出發去沙灘…而我呢D又醒字派的人一早就已經拎定本書去HEA，哈哈！因為我無打算落水嘛！

今日的天氣非常之好，如果要曬的話一定會曬~I的，所以我呢D怕曬的人就梗係閃埋一邊不同陽光玩遊戲啦！本來打算帶埋狗狗落水，最後都係被人趕返上水，所以我就成為了忌簾的褓母照顧它一會，不過唔知係咪因為Elva行開咗，忌簾見人、見狗都會吠一餐，叫極都唔停！搞到我都無乜點注心地睇書，睇到個太陽無咁猛烈就落咗去沙灘行咗一陣！見到小朋友砌城堡時，我又想起零的城堡，可惜到現在我還找不到那張相~𢡟I除了見到小朋友砌城堡仲見到D阿姨用鐵鏟去掘蜆，收穫都唔錯…

沙灘給我太多的夢，加上遠處見到有一架遊艇停在海中心…我又想起『佑佑號』。海水不繼打在我腳上，而有時候我會趁OIC和SAM玩緊的時候，自己靜悄悄地一個人轉身走著，感覺蠻舒服的，起碼我知道當我回頭的時候，總有熟悉的朋友！今天的「我」並不是孤單一個人…

大約行咗一個鐘頭左右就返上去，因為留底YY一個好似唔係咁好，之後我就繼續睇書、OIC就繼續上網，點知無端端有兩隻大狗係我們身後打架，呢個都唔係重點！重點係忌簾不停咁吠，好彩其中有一隻大狗被主人叫回去，但另一隻就向忌簾進發。嚇到我馬上抱著忌簾夾實佢個嘴，而忌簾就梗係無咁好死比我咁做啦！抓到我隻手紅晒，痛！而我就好衰仔咁叫OIC起身睇住隻大狗咪比它行過來，因為忌簾果時掛著狗帶我要起身抱走佢都抱唔切。幸好最後隻大狗都行開咗，不過就嚇死我兩個！而呢段咁精彩的場面YY居然行開咗，佢仲話坐咗咁耐都無事發生過…唉！無奈！

Bryan、Elva、Eric佢地游到差不過6點就上返來，之後返渡假屋梳洗…而我雖然無落過水，不過都換咗套衫等個人舒服D，過埋D相大約七點左右就閃…因為我同OIC打算坐2000船返中環，但在巴士站等咗起碼15-20分鐘先有巴士出梅窩，幸好路程不遠。最後仲有少少的時間買包麥精打打底，因為好肚餓…

出到中環去吉野家食返個靚飯就坐船返屋企，沖完澡整D野就乖乖上床找周公子了！

可能是因為今日有一大班人陪著自己，所以無乜空間去想其他事！抑壓了成個多星期的事，終於有機會讓自己稍為放鬆一下…

>>August 12, 2008 at 9:10:38 AM GMT+8

2008 年 8 月 1 日 星期五 【酷熱】

難得今日唔洗返meeting，點都要好好咁同周公子起碼大戰返10個鐘！阿公10點幾起咗身，不過因為阿娘仍在家所以我就好衰仔咁繼續訓！到點幾的時候阿娘出門，而阿公又返入房訓覺…但我果時都差不多訓醒，Correction…係比電話嘈醒！所以乖乖咁離開張床。

出咗廳食咗幾粒車厘子就睇上次在書展買的書 – 橘子作品 ~ 對不起、我愛你！由「別人的女朋友」提議我買的，因為佢話呢本野的內容好岩我喎！睇咗頭果幾個chapter就明白為什麼「別人的女朋友」咁講了！唉！有D野唔係話我想就可以做，就正如我呢排的金句一樣 – 我喜歡你，很想擁有你！但不一定要跟你在一起 (即使世界將我們遺忘)！其實買呢本書仲有另一個原因就係個封面畫得幾靚！哈哈！

睇到一半阿公就醒咗！睇一睇個鐘才知道原來已經五點了，提議同阿公落街行咗個圈之後湊返佢上樓，本打算問吓阿娘幾點返，點知條友無帶電話！但我今晚要同ITS開飯，同埋開飯之前約咗人傾計…同最後我都係陪同阿公7點先出門，取消咗個談判時間直接去九龍灣開飯，想一想我成日都好似只食咗幾粒車厘子！呵呵！

去到九龍灣就打電話比Cathy問路，途中同個FD傾咗D野，不過無結論…

今日的ITS飯局都算齊人，有my dearest Maria、Janice、Elaine、Shirley、Jack + 女朋友、Penny、Roy + 女朋友、Phoebe、Tommy邦、Christy、Wells、my lovely JoeJoe and ME…本來打算去九龍城食意大利野，不過Book唔到枱。所以改咗去九龍灣打邊爐，而下午的時候他們就去咗睇Batman…

如果BBQ vs. 打邊爐，我會Prefer後者…哈哈！原因很簡單，因為我怕熱！所以如果同阿康佢地放火的話，我通常都會將燒呢個責任交比身邊的人，而我就梗係遠離火爐等食啦！呵呵！

食咗幾粒丸就收到女官電話，因為之前在日本買咗D野比佢！所以今次順便拎埋比佢，而剛好我食飯的地方同佢家都幾近。最初以為要行返返去MTR站，好彩最後都唔洗…比咗野女官之後就返上去，因為有一半的同事都已經出晒城，所以大家都很關心外面的情況。食到差不多成11點就散，返屋企時打電話比OIC問吓今日開會的情況和明天的集合時間，最搞笑係講講吓JoeJoe投訴我講電話，結果要匆匆咁收線。

返到屋企成12點，洗完白白就check吓email、睇咗幾頁書就搵周公子了…

PS：今日係太郎同笙笙的生日，祝你地生日快樂！太郎打工越來越順利；而笙笙就梗係越來越Smart、越來越靚啦！

I love you both~~~

>>August 5, 2008 at 3:18:26 PM GMT+8

2008 年 7 月 31 日 星期四 【清涼】

這個星期每一天都想見我寶貝GM的衝動，對丫！也許這3-4年間…他是我唯一可以完完全全毫無保留去依賴的人，也因為他才讓我有勇氣繼續待在這裡！雖然我曾經懷疑過他對我的好是因為利益的關係，但最後因為西門爸爸的話令我知道每個人心中都總會有自己想保護的人，不管其他的人怎麼說，凡是都應該用自己的「心」去感受…

忍了四天最後都係約了寶貝GM食返個靚飯，最初打算痛痛快快地哭一場，可惜到最後自己還是忍住了！對住寶貝GM有很多事情都不用說得那麼詳細，因為以他的經驗我根本就不用說太多他也會懂，但自己那一度氣還是嚥不下去！到底在什麼時候才可以解決呢？

也許寶貝GM說得對，我應該分清楚什麼事情才是自己能力範圍內解決，解決不了的事就讓時間去解決吧或是找其他人幫助。可是我真的可以那麼瀟灑嗎？我真的可以逃避著這一切嗎？

所有所有不安的感覺都接踵而來，以前的事都一一浮現出來…原來一直以來這些所謂的『景象』都沒有離開過我！雖然身體開始出了警告，但這條路還是要一個人走、肩膀上的負擔也只有一個人扛著…當然有誰不希望自己每分鐘都發生快樂的事，可是現在的我確實快樂不到…



好辛苦咁終於拖到收工了，而今晚有個半SDR的飯局，因為佢地有D人話想見吓Lancy，加上Stephen又剛收到通知有offer，所以大家都決定賀一賀、見一見！飯局揀咗去黃埔的鳳城酒家，小時候曾經食過MK果間，但自從姨媽搬咗屋之後就再無去食過了…因為Lancy很多野做，所以搞到差不多成7點先打的去黃埔。

今日的飯局有Stephen、YAN + 太太、Lancy + 老公、William、Simon、Rebecca and ME。我]叫咗個冬瓜盅、�亶翩B西芹蝦仁、小食鵝片、小食牛展、炒通菜、炒魚鬆和我最喜愛的脆皮雞。同以往一樣我都係由頭食到尾，而他們都唔會點同我爭食，呵呵！呢個就係年紀細的好處。哈哈！基本上大家都很關心Stephen的近況，雖然是同一圍枱，但可能因為大家都好耐無見，所以有時候大家都是各有各的話題…

大約食到十點就撤退，之後我同埋William + Rebecca一齊坐小巴，點都好過搭30X，如果坐成個鐘都未必返到去。本來打算出MK傾D野，不過太晚了！同埋我想我要好好的整理一下自己才去解決吧！畢竟GM今日講的野，我明白、但不代表我可以面對…

返到屋企才知道阿娘湊咗阿公入來，而阿娘第二日要去阿公間屋度睇裝修，所以無人在家照顧阿公。呢咁的時候就梗係第一時間report比OIC請假啦！呵呵！其實我有提議過湊埋阿公返Meeting的，因為聽日兩大OC都浦頭開會，但我親愛的阿公唔理我，而我矛理由真係留佢自己一個在家，話晒呢度佢又唔係好熟…Right？

最後偉大的OIC就梗係再無藉口要我返去開會啦！所以辛苦晒你啦！同埋無咗我係度，班RC一定好Happy…

>>August 5, 2008 at 2:54:50 PM GMT+8

2008 年 7 月 29 日 星期二 【陰】

由上星期五開始連連續續都有太多的東西壓到我連氣也呼不出、吸不到，我不知道有些事情我該不該繼續去執著、也不知道該不該去放棄、更不知道下一步可以怎樣走？或許那盡頭已不在了，所以不會再有人陪我走下去吧？！

有人說哭一場吧！總好過把所有不開心的事壓到連自己想吸一口氣也很難，可能我真的哭煩、哭膩了，我真的很累了！想靜一靜但我原來還會怕一個人、想逃開但有些事情總要回來面對，到底在什麼時候問題也可以解決了？

今日一返到公司就被阿TART招見，成朝早就用咗接受兩小時的時間同佢解釋一些他不明白的事情，其實事情很簡單，只不過他根本就沒打算去聽我說、更從來沒打算相信我說的話，結果成朝早對我來說完全是精神虐待！

不要再迫我聽一些我不想知道的事啦！受不了~~~受不了~~~受不了~~~受不了呀~~~

>>July 30, 2008 at 4:31:33 PM GMT+8