2008 年 9 月 5 日 星期五 【晴】

成個星期的Lunch + Dinner都出咗街食，都咪話爽！因為真係累到爆…唔知係咪因為連部電話都知我近來都無乜點同周公子談情說愛，明明記得臨瞓前都仲有電的電話，居然到第二天無電仲要熄埋機果隻，最後到下午兩點左右阿娘叫我起身時問我「乜你今日唔洗返meeting咩？」，那時才匆匆地換另一舊電開機。一開機，幸好mail box都仲未爆，但D電話就…哈哈！

最終都係無返Meeting，反正偉大的OIC都預咗我唔返，哈哈！難得有天額外的假期，都係決定留在家執吓野，睇吓之前在書展和在「別人的女朋友」家搬回來的書。一幕一幕熟悉和相似的片段又再次從腦海中走出來，有開心的、有無奈的、也有懷念的…雖然所有的片段並不是跟書中所說的一樣，但感覺都是一樣的。

『有時候活在回憶裡，也是一種溫暖！』

>>September 8, 2008 at 2:24:41 PM GMT+8

2008 年 9 月 4 日 星期四 【晴】

如果不是細路想上去看一看，我到底會過多久才再到這裡？對上去這裡應該是跟「別人的女朋友」一齊看煙花！之後都好像沒再走到上來吹海風、看維港的夜景了…

同一個地方！

同一份景色！

不一樣心情！

不一樣感覺！

因為…

遺下的只過去的回憶！



PS：今日是陳主任和趙兄的生日，呵呵！牛一快樂丫！

祝契媽繼續享受退休的生活、永遠都青春無敵、身體健康！

祝趙兄工作順利、早日搵到份自己鍾意的工作、升職加薪請我食飯…聽仲要教聽話唔洗我勞氣！哈哈！

>>September 9, 2008 at 1:26:25 AM GMT+8

2008 年 8 月 31 日 星期日 【晴】

一年又一年，轉眼間已經做咗廿幾年人。不過呢一年真係發生了很多的事，有很多都是自己控制不到和預料不到的事，是好是壞…只在乎自己的心態！唯一無改變的是身邊仍然都有可依靠的兄弟和知己！

年頭的時候曾經計劃過今年的生日離港幾天，可是到最後都是乖乖上班去…因為阿TART又放大假，所以我又要趁呢幾天的空閒清吓我手頭上的工作。但老老實實，呢份contract過唔過到年尾都係一個大的問題！雖然昨天留在家HEA咗一日，但感覺仍然都覺得個人很疲憊，兩邊的肩膊都好似被鑲住螺絲咁實咗。真係搵日要搵人鬆 一鬆先！呵呵！

返到公司成張枱都好似打仗咁，因為月頭同事們都要簽time sheet出糧…搞到成11點先去飲杯水，整埋手頭上的野就放Lunch。約咗老黎同Bethia去美心腳食生日飯，最搞笑係Brandon叫老黎代他請我食飯，哈哈！老謝晒丫Brandon。可能因為今天比較忙，所以好快就到收工時間。搭廠車出旺角，之後行咗一陣潮流特區睇吓有咩新玩具，後來經過鋪頭居然比我見到師傅，哈哈！傾咗一陣就閃。因為我都差不多夠鐘開飯…

同以往一樣都係同阿康、盈盈、阿匡和哥哥一齊開飯，而今年我叫埋「別人的女朋友」一齊加入戰團，呵呵！反正他們大家都互相認識。今年的飯局揀咗去食『麻布茶房』，嘻嘻！因為同事話果度的咖哩蛋包飯好好味，而且價錢又唔係太貴！雖然是自己生日，但都無謂要佢地洗咁多錢，反正都係搵個機會大家一齊食餐飯咋。因為哥哥和「別人的女朋友」都要OT，所以我地四個就唔等佢地叫咗D野食先，一開BALL就叫咗個麻布海鮮豆腐沙律﹝完全唔得！﹞、咖哩蛋包飯﹝GOOD！下次可以再食﹞、什錦天婦羅﹝一般，無特別﹞，後來再加多個什錦燒烏龍麵和芝麻蝦冷麵﹝好味！﹞之後哥哥到咗就再加多個二人餐 – 咖哩蛋包飯 + 叉燒拉麵 + 炒雜菜！「別人的女朋友」差不多成九點先到，而果時我地都已經叫緊甜品…所以我決定一陣再同佢出去食過！哈哈！

盈盈佢地今年又買咗個蛋糕比我，哈哈！經過一輪保護蠟燭大戰之後，就由阿匡負責分餅！最搞笑係當我打算狠狠地在個蛋糕送上一刀的時候，「別人的女朋友」叫我咪切到落底，哈哈！原因是什麼？呵呵！下次見到我時問我吧…至於我許下了什麼願望，哈哈！「別人的女朋友」話講咗出來唔靈驗的，所以大家都係唔好問我啦！不過咁多個祝福之中，我最想成事的是阿康祝福我果個，哈哈！果然係好兄弟…到point、到point…

食完蛋糕再食埋個雪糕甜品，今餐真的是很滿足！多謝晒！後來阿康、哥哥和「別人的女朋友」一齊去信和中心，因為哥哥要買game。逛完一輪阿康話想飲杯野，結果我地幾個就走咗去發記再吹吓水！到11點左右就散水，返到屋企、沖埋澡、左搞右搞成兩點先訓…真係超累！

總之今日多謝晒咁多位的SMS、Email、MSN、Gift和飯局啦！

PS：今日係公司做咗樣好衰的事，就係明屈我的寶貝GM請我食生日飯，哈哈！不經不覺原來我都係呢間公司過了4年的生日…

>>September 3, 2008 at 7:15:52 AM GMT+8

2008 年 8 月 30 日 星期六 【晴】

看來我不應該對某些人、某些事情執著，反正一句話可以說得很簡單，可是真真正正記得去做又有多少的人？諾言和謊言的分別就只是差幾筆畫而已…

夜晚同阿康傾咗一陣，結果被他一語道破！不管是穎風或是阿康，他們說的都是同一句話，而我在這裡都寫過無數次！我不是不想擁有，而是我怕去擁有…與其是這樣我寧願不去擁有，這樣的傷害應該是最低的…所以我要學好好珍惜自己，最少要留下一點點自己的完整 ！這是零教的，我不知道我可不可以做到，可是我一直很努力的保護自己！因此根據以往的經驗，這場賭注我應該會羸的！

因為明天約了盈盈他們一齊食飯，所以那算今天留返給細路，可惜有人好像有事情要忙！算吧！

>>September 1, 2008 at 9:41:40 AM GMT+8

2008 年 8 月 29 日 星期五 【晴】

又到生日週，基本上同往年一樣，生日飯依舊和屋企人食先…不過今年有一點兒的特別，就是我做咗個特強電燈泡跟埋阿哥和阿嫂一齊去食他們成婚後的第一個生日飯，呵呵！矛辦法啦！誰叫我們倆兄妹的生日只差兩天，而阿嫂今次就慘D…哈哈！一個人比三個人的價錢…

呢幾天個人都唔係太舒服，結果決定今日都係唔著U著Polo返meeting，臨出門前阿嫂打電話來話個飯局由下星期改了今天，因為間餐廳話今日臨時有位可以後補成功…最搞笑臨收線的時候阿嫂話今晚帶你去威 – 著靚D！佢咁講 = 牛仔褲、Ball鞋免問啦！咁咪要我著返工衫或西褲？咁同著U有咩分別！想了又想兼問埋偉大的OIC，結果…呵呵！今日偷懶一天唔返Meeting…畢竟要過到去PCS那邊好遠丫。

係屋企HEA到咁上下就換衫出門，好準時咁去到尖沙咀半島門口的噴水池集合…趁阿哥+阿嫂仲未到就周圍映吓相先，之後就一齊行去一間日本餐廳…哈哈！咁大個女都未食過半自助式的日本菜…一開BALL唔洗問就向魚生 + 海膽 + 甜蝦進法，雖然不及日本好，但味道和口感都唔錯！簡直爽到震，尤其是一舊一舊的海膽放入口的快感…Yum Yum…經過一輪狂掃之後就試下Menu上的手卷 + Main course﹝照燒牛肉 / 天掃羅﹞，都係果句！爽到震…哈哈！

我們由六點幾開始食到九點左右才撤退，一邊食、一邊映相！連貌似白花油王子的經理都忍不住問我地係咪好鍾意映相，因為由我們入座開始就已經映到離座都仲映緊！加上我手上的G9加埋阿哥部50D + 大鏡頭出場，呢張枱的人簡直全部都係專業的攝影師！嘩哈哈！

食飽飽就去Harbour City行返個圈先，之後就搭K16去南昌站。因為阿娘今晚過咗阿公度，得我一個在家，所以阿哥話叫我今晚過去佢度訓，不過我唔係咁想著住套咁斯文的返工衫。故此我最終都係決定返屋企，起碼第二日出街都可以舒舒服服…

好滿足的一餐飯，多謝阿嫂~~~~~~

PS：祝阿哥同卿卿生日快樂！身體健康！開開心心！搵多D！賺多D！

>>September 1, 2008 at 8:37:26 AM GMT+8

2008 年 8 月 26 日 星期二 【酷熱】

明明可以擁有，但就是一次又一次退縮…

明明已到盡頭，但就是不甘心就此結束…

明明是要放棄，但就是想辦法回到過去…

明明是累透了，但就是遲遲也不想放手…



哪裡有彩虹告訴我 能不能把我的願望還給我
為什麼天這麼安靜 所有的雲都跑到我這裡

有沒有口罩一個給我 釋懷說了太多就成真不了
也許時間是一種解藥 也是我現在正服下的毒藥

看不見你的笑我怎麼睡得著
你的聲音這麼近 我卻抱不到
沒有地球 太陽還是會繞
沒有理由 我也能自己走

你要離開 我知道很簡單
你說依賴 是我們的阻礙
就算放開 但能不能別沒收我的愛
當作我最後才明白

>>August 31, 2008 at 6:29:48 AM GMT+8

2008 年 8 月 22 日 星期五 【酷熱】

因為昨天天文台發出本年度第一個九號風球，所以本以為今天無機會去GFS參觀，誰知道有戲劇性的轉變，居然在1000之前轉咗一號風球…但因為昨天九號風球屋院唯一一間超級市場都關門，結果昨晚阿娘煮白飯 + 之前在日本買的咖哩作為晚餐就算。所以今朝一早起身就決定落街食個靚早餐先…

落到去餐廳超級多人，等咗成半個鐘有多先有位，食完早餐才施施然回家睇埋奧運才換衫去東涌。約咗班11個RC的Reporting time是1245，呢班細路唔洗返RM就遲到，最後等到1315左右先到咗7個，有個RC最後比我落order叫佢直接返TSL唔洗再過來、有個RC仲自動消失咗、另一個RC仲過份同OIC講佢屋企水浸出唔到門口，最抵死係我同佢住埋同一個屋院…真係想打電話比管理處搵人上去睇吓有無咩事可以幫到手…不知所謂！

好彩到去GFS我地都只係遲咗2分鐘，而今次仲好開心見到Josephine…而AT就差不多兩點先到，唉！真係唔明點解D人唔洗返Meeting都會遲到。想起以前自己AT的時候，次次都只有早唔敢遲！

今次帶我地GFS參選的有2位Staff – Alan Pong﹝TOSS的其中一位﹞和Ray Tso…每次去Visit，玩得最開心果個都莫過於係我，連Ray都問點解我可以比班RC玩得咁開心，呵呵！原因好簡單，因為除咗GFS的Staff可以鬧我之外，在場一齊visit的人都無乜邊個可以鬧到我！呢咁的時候仲唔全心全意咁享受！加上今次又唔係出Services…

成個visit大約行咗個半鐘，因為他們臨時有operation！其實GFS唔算好大，要介紹的東西可多可少，而當Alan + Ray比時間比其他人映相的時候，我地幾個就係旁邊吹吓水，最搞笑係Alan問我為什麼我可以著褲，結果我第一句就話：「因為我粗魯！哈哈！」後來才正經地解釋返儀仗隊的女仔通常都係著褲的，方便操兵！臨走之前Alan好醒咁留底咗email比我，哈哈！其實佢唔留我都有辦法比返D相佢，呵呵！因為佢係TOSS的其中一份子，加上我識得ACC的專業攝影師姜姜！

Visit完咗之後突然收到阿娘的電話，唉！佢又整傷條腰骨…結果要臨時返屋企拎技叉比佢，最初打算過銅鑼灣比佢！後來佢打電話話佢已經睇完醫生去旺角，所以就再搭返車去旺角拎比佢…叫阿娘返屋企佢就話要過阿公度收傢俬，唉！都懶得再同佢嘈，次次都係咁！自己受晒傷又唔肯休息，最後又搞到我周圍走…

後來見佢的情況咁差，就打電話比牛佬睇吓佢可唔可以過來接阿娘過馬鞍山，好彩牛佬果時送緊個客係附近，而我就趁呢段時間去買D野食先，因為跟著我要去HQ聽BASC的presentation，起碼要挨到九點先有飯開…本來想買雞蛋仔，不過果間鋪已經關門大吉，結果好快咁閃咗去KFC買咗個餐就行返去會合阿娘佢地…

好彩牛佬順便車埋我去HQ，如果唔係實遲半個鐘有多，幸好都算準時浦頭！成個Presentation大約2個鐘左右完成，其實如果以一個無join過呢個camp的人去聽個Presentation，除了不停咁睇background photo + video之外，我唔係好覺得佢地有講到關於呢個camp的version / feeling，當然呢個training camp確實帶給他們不少開心的回憶！

完咗個Presentation就同埋Jackie、Carey、OIC、Susan和阿翠去九龍城食小曼谷泰國菜，但因為人太多…所以都等咗半個鐘先有位，呢間野我都係第一次食…而幸好他們都無乜點叫辣的R菜，所以我都岩食，呵呵！大約食到差不多11點就撤退，而Jackie就好好人咁車我去葵芳搭車返屋企，如果唔係係九龍城有排都返唔到屋企！

>>August 25, 2008 at 2:14:35 AM GMT+8

2008 年 8 月 20 日 星期三 【酷熱】

當我最黑暗的時候
你是我最好的朋友
為他顧前　為我善後　從不問理由

當世界走到盡頭
你還是鐵了心留下　不放手
好朋友　心心相扣
我願歸於平靜的時候　陪你左右

>>August 21, 2008 at 1:43:14 AM GMT+8

2008 年 8 月 15 日 星期五 【酷熱】

從少就有懶床的習慣，尤其是不用上班或上學的日子，而懶床的時間是永無休止的，視乎自己到最後何時才肯離開我親愛的床…今天就比原來的時間懶咗成半個鐘先肯起身，明明成個星期都在公司補眠，但總是覺得個人很累、很累…

出門之前接到個電話，傾咗一輪才收線，搞到遲咗出門口。今日Lunch約咗火星媽一齊食，哈哈！朋友總是在大家需要關懷的時候出現，而因為我之後要返meeting，所以就決定去奧運站開餐兼吹水。原來奧運站都有間「麻酸樂」，結果好快就決定去果度開飯…味道好似比旺角好一點。

想一想身邊的朋友大部份都識咗十幾廿年，有很多事都唔洗點講前因後果他們都明白和知道我現在的環境是怎樣？問題在那裡？也因為大家識咗咁耐有很多事情我都不會解釋得咁清楚，從而成為了一個習慣。所以就算自己受了什麼委屈都不會向別人解釋咁多，反正熟我的人都知道我的性格和做事手法…或許有些東西我不應該那麼執著，但自從認識類少開始…我就學會什麼東西要「為你執著」！

返完meeting，女官同我講佢部notebook upgrade完D野之後就會自動Safe mode，結果我呢D無牌IT人睇完之後都係打電話比萬能阿康求救，而咁岩佢在MK買緊電話…最後就同埋女官一齊過MK拎部機比阿康睇吓！而因為第二天班細路會去培志操兵，阿康又點岩去將軍澳。所以就放底咗部Notebook比佢，第二日我過培志前去收貨，順便探吓BEE BEE、RAY哥和媽媽…呵呵！自己Graduation Dinner之後就無再見過佢地啦！好掛住佢地丫…

近來發生太多事，好想好想躲在他們的懷裡………

>>August 19, 2008 at 8:12:55 AM GMT+8

2008 年 8 月 14 日 星期四 【酷熱】

今日發生咗三件事，都係發生在公司的…

事件一：一早返到公司就聽到CCD那邊的姐姐大叫，原來有隻差不多跟手趾公咁大的蟻係佢地張枱度走來走去，結果我們有個ITS男同事就過去滅虫，但後來其他同事話農曆七月都係不宜發生，最後我口多多咁講咗句「留全屍」就返位…之後他們將隻蟻放咗入個盒度，而後來其他同事都返到來仲聽到今朝件事，就好好奇咁睇吓隻蟻，事情研究了大約10-15分鐘！

當各人返回坐位正式開始今天的工作時，其中INF的同事就send咗封emai比everyone，內容是「同事們，這裡是office，請大家不要咁嘈」，其實我收唔到呢封email，因為我唔屬於everyone的mail list，但我D同事就梗係forward返比我啦！結果IT controller就reply問INF同事的supervisor究竟佢其下的同事所send的email係compliant的email定係warm reminder，仲challenge他send everyone之前是否應該double check吓group list係包埋乜人名…

過了一會 INFSupervisor就reply返封email係warm reminder，仲話他們的noisy已經over 30 minutes兼唔覺send everyone有什麼問題！ 後來ITS的supervisor都reply返封email，首先就梗係say sorry，仲話會monitor佢自己的同事，唔會再成為黑人僧的人…

哈哈！呢D係咪叫辦公室政治？而因為呢封Email令ITS同事今日當說話大聲咗少少的時候，他們就有個默契叫其他人安靜，超搞笑！而最後當時人就再出返封apology的email to everyone…唉！呢D咪叫自己攞蟆I囉。自己做野又唔係好，但係度話其他人，完全係不知所謂…

事件二：事件一發生完不久就收到阿JO的電話，話我有個包裹…不過無寄件人的名，但因為近來公司對所有收的文件和包裹都會好小心。而當阿JO問呢排有無send到order買野或有人會寄包裹給我，我都抓晒頭問「會唔會係炸彈？」哈哈！結果安全起見就由阿JO保管住。後來我將呢個趣事告訴小朋友，結果佢告訴我原來份包裹係佢寄比我，So funny！而我就梗係鬧佢仲乜唔寫寄件人，嚇死人咩！因為我從來都唔會在公司收私人的信件，包裹就更加無可能…拆咗個盒原來是上次佢去旅行的手信，哈哈！最初打算叫「笨貓」，哈哈！因為送比我果個人………哈哈！但後來我改咗個名叫「小黑」，感覺好D！同事問我仲乜唔改個名叫「炸彈」，笑死我！點都好啦！多謝你份禮物…

事件三：今日我簽果間Agent公司派人過來派月餅券，真係surprise！但因為CX的contractor比本公司多，而我又無乜野做，所以就由我過去拎…同Agent公司的姐姐傾咗一陣，內容都係講返而家的工作環境和job duties…本打算傾完就返去，但出來之前小朋友問我會唔會去搵寶貝GM，想一想都係Send個SMS問吓佢得唔得閒。幸好佢唔洗開會，結果我就上咗去佢Office搵佢！入到房坐都未坐佢就叫我一齊落Canteen飲咖啡。

去到Canteen我就已經話明我Lunch食到好飽唔想食野，結果佢提議我叫杯紅豆冰。咦！都好喎！但可怕紅豆冰賣晒只有涼粉冰，照殺，反正預咗佢比錢！而估唔到我的寶貝GM都同我一齊似涼粉冰！哈哈！同佢傾咗一陣，告訴了他今朝的事，近來自己忙緊的事和操兵的事！唯獨今次再無講想喊的事，不過聰明的他最後溫馨提示了我一句「凡事盡成而為，有很多事都不是控制於你手，既然如此就要學懂放鬆一點或放棄，若不然只會令自己總有一天崩潰」GM果然是GM，就算我點逃避他都知道我最大的問題在那裡，那一刻真的呆了一呆，我真的可以讓自己放鬆嗎？我真的可以痛痛快快地哭一場嗎？

>>August 18, 2008 at 4:15:30 AM GMT+8