2008 年 9 月 23 日 星期二 【晴】

剛才好專心地研究緊星期日Flight matter的事時，突然間電話響…是阿泉啊！今次真係阿泉打電話來，呢一刻真係嚇一跳。聽完電話之後馬上打電話比阿康，結果比阿康話我係度攪事…激死我丫！下次唔話比你聽丫…

突如其來的電話真係令我好surprise，但興奮過後想有冷靜和等待的時候…可是對我來說還是很開心…

>>September 24, 2008 at 2:33:18 PM GMT+8

2008 年 9 月 22 日 星期一 【驟雨】

也許在你的眼中你覺得自己付出了很多很多，但問題是你有沒有真真正正地了解我們需要的是什麼？想要什麼？希望什麼？一直以來你都確得自己做的事永遠是對的，其他人不贊同是其他人的問題，結果彼此的距離越來越遠，你就覺得這是其他人的錯…你話你會變、你會改，可惜你還是不覺得自己問題在那，態度照舊的話，所以有事都是沒有意思的！既然是這樣就不要再煩我吧！我已經很累了…

在這一刻我很想回到以前，回到寶貝GM的庇護下，也想起一句話「並不是有血緣關係的人才叫親人」你懂嗎？

有時真係完全唔明白阿TART個腦想什麼，居然話公司沒有出Announcement話8號風球前兩個鐘可以早走！拜託…呢樣野一直都係由Department Head自己決定的，都唔知話佢老實定係話佢無腦...唉！

>>September 23, 2008 at 3:41:53 PM GMT+8

2008 年 9 月 18 日 星期四 【晴】

今晚又有飯局，係SDR的飯局…本來11人confirm咗最後都係剩返7個，其中一個飛機王係我的寶貝GM，可惡！不過唔緊要啦，人少少都可以照食，反正如果要就晒咁多個真係好難，始終大家都屬於不同的公司…是次飯局的人物包括有Stephen、Anson、Yan、Simon、Rebecca、Timmy and me…

臨開飯之前幫「別人的女朋友」去問偉大的OIC會包包入CAMP，之後等佢收工來旺角時我再拎個包包比佢！哈哈！好似好轉折…

今次的飯局揀咗去旺角譚魚頭火鍋，呵呵！因為上次同展翔食飯有HKD150的Coupon，無理由唔用埋佢！我地大部份都係食蔬菜類，叫咗2碟肥牛、花枝片、鱔片、豆腐、炸支竹、丸、魚皮餃和水餃等的野…大家都講下近況，而話題最多都係神哥和Timmy的結婚計劃，同以往一樣我都係成日同神哥吵吵鬧鬧…Rebecca同Simon就比較少野講，Stephen都講下自己新公司和之前O記清盤的事，總之每個人都因為環境而變咗好多…但慶幸暫時大家的關係都可以繼續保持著！

其實在SDR TEAM真係可以搵到少有的人情味，大家的關心是出自真心…不管是上司和下屬都彼此關心對方！也是因為這個原因令到我有很好的回憶，也因為這個原因令到我有一種安全感相信這個老闆、相信這群同事！而最WARM的都係食完飯之後Stephen sent左封email比全世界，雖然是一個好簡單的summary和關心其他不能出席的teammate，但其實現今社會又有幾多好似Stephen呢D咁的Manager / 老闆，仲要係關心自己前途的前任老闆…真係好sweet~~~

>>September 22, 2008 at 9:26:29 AM GMT+8

2008 年 9 月 17 日 星期三 【酷熱】

上星期趙兄約咗今晚食飯，想一想我們都好像很久沒有好好私底下的約出來吹吓水…今朝一早問阿康今晚看飯局係邊度開，結果阿康問返我乜今晚有飯局咩？哈哈！追索返源頭，原來趙兄之前搵過阿康但佢無接到電話，之後自己又唔記得咗以為自己有通知過佢…哈哈！唔緊要啦！好彩阿康今晚都無約可以一齊食飯兼吹水…

呢排同阿TART去review我年尾extend contract的問題，而我的寶貝GM又成為我的軍師…如果有一天我跟他不再是同一行業下，我真的可以獨當一面嗎？我真的可以不用依賴他嗎？唉！我不知道…始終四年的相處，不是一下子可以改變，而我更是一個怕改變的人！

6點鐘收工搭廠車出尖咀，未夠7點就去到海港城，行咗過去UCC Caf讜搵位等佢地…結果等到成7點半阿康先到，因為我不停咁話好肚餓，所以阿康馬上叫咗個蒜蓉多士比我頂住先，之前到咁上下就叫定個SET，而我就馬上拎個碗出去沙律BAR度砌沙律山…呵呵！今次都幾成功，唔錯唔錯！剛開始KO座沙律山時，趙兄就到啦！好YEAH！終於可以叫野食，而我呢D咁專一的人就梗係鍾意於芝士菠菜三文魚焗通粉、阿康點了牛油蛋包飯、趙兄點了咖哩漢堡扒飯，而3個主菜我都係覺得我果個最好味，哈哈！

其實今次的飯局真係無咩topic，大家都係講下近況，而我講得最多都係關於SQN的問題…唉！每個地方、每個環境總有不同的人，不論是細路或是大人，大家都有不同的意見和想法，視乎彼此之間如何配合…有時我都會好唔明，作為一個團體的Leader是Base on什麼準則去決定和解決眼前的問題？為什麼不能有win win的結果？總之有很多很多問題都奇奇怪怪啦！其實呢個飯局係由阿康發起先，因為他知道我近來比較煩，而他覺得我同趙兄的想法都差不多，所以由他跟我講我會易接受D，呵呵！乜真係咩！其實我自己也不覺得，可能就像趙兄說的一樣，我們是同年同月生的人…

食完飯，阿康陪我搭K16去南昌，而佢就坐西鐵去天水圍拎野…返到屋企才想起忘了幫「別人的女朋友」借包包入CAMP，結果臨時問偉大的OIC借住先，不過有人聽日有節目，結果就要我首先去旺角拎咗個包包先，等「別人的女朋友」放左工來旺角搵我先再比袋佢…好似有點兒轉接！唉！仲打算可以趁乘車途中同我的寶貝GM傾吓計，因為聽晚係SDR的飯局嘛…

臨訓前同「別人的女朋友」傾咗一輛電話，我知道她擔心的事是什麼，而我都知道自己怕什麼、煩緊什麼和猶疑什麼！可是有很多事情不是我想就可以擁有，即使我喜不喜歡、即使世界有沒有把我遺忘，我唔知道我應該行出這一步或是原來踏步，可是現在的我確是沒有這份信心和安全感行出這一步…因為我始終有很多所謂的『回憶』在腦海中…

>>September 19, 2008 at 8:40:06 AM GMT+8

2008 年 9 月 17 日 星期三 【晴】

繼 Don't say Goodbye之後另一首什麼也不用再說的歌，一切的東西都已經由一首歌表達出來了。
小可.. 你好厲害，果然識左你7年！

一直等 一個人 等了很久
這一場 獨角戲 是很寂寞
春夏秋冬 我的窗口 只有風經過
愛很深 有多深 我也不懂
妳走後 我的心變的脆弱
聽一首歌 也覺得痛 但我誰也沒有說
右邊的座位 右邊的枕頭
都已經空了那麼久
為妳守候 那是因為 我已經看透
沒有妳的愛
這個我只是一半
不哭了 不笑了
為誰努力我也不明白
沒有人能取代
一個圓的另一半
我固執 的等待
等風再把妳帶回來

>>September 18, 2008 at 9:29:49 AM GMT+8

2008 年 9 月 14 日 星期日 【酷熱】

終於到中秋節，可以連放三日的假，可惜其中兩日都要奉獻給操兵團！唉！誰叫呢兩個月有咁多show要做咩…而我呢D閒人需要無乜Post，但又唔可以唔浦頭。無奈 …

昨天好乖咁係屋企無出街，所以好爽咁訓足15個鐘…如果唔係因為樓下咁嘈，我應該可以繼續同周公子再出海或坐林寶遊多幾個圈！回正題…今朝7點半左右就起身換衫入屯門，因為今日BOOK咗在屯門的海關訓練學校Training，係葵芳等咗好耐車！好彩都只不過係遲咗5分鐘…因為我去到時他們剛安置緊D班房分配，所以亂了一點…

一朝早做OC inspection，所以全世界都在酷熱警告現正生效的時候換晒No.1！唉！不過我呢D衰仔等OC做完Inspection之後就換返No.2，因為我件外套實在太大了…而且著件No.1走來走去唔係咁方便，呵呵！完晒inspection，就開始AP的Rehearsal…由本團偉大的SWO負責，由開始之前Yip Sir再重新remind所有人用rifle的安全知識，而站在旁邊映相的我成為了Yip Sir的目標。無端端比佢叫左出去玩問答問題，果下真係比佢嚇死我…仲要係在八十多人面前話一個無子彈的彈甲有子彈，後來Yip sir叫我拎舊野再睇多次才發現原來係無子彈，真係超級樣衰…

Rehearsal做到1230左右就放飯，細路有細路的房食，大人就有另一間房開飯…而我同笙笙兩個人share一個飯都係食唔晒，可能是因為天氣太熱了個個都無胃口！而下午就係CDD drill practise，我仍然都是一個camera man走來走去！完全覺得自己跟他們一玩跟陽光玩遊戲…唉，又唔知曬~I咗幾多啦！

最後今日個training到1630完成，馬上換咗身上臭到無比的No.2著返件casual，之後去陳主任屋企…哈哈！好無品咁之前叫佢煲湯比我飲，而叔叔見到咁熱仲好醒咁開埋冷氣比我！而我坐到6點半左右就閃，因為要出返九龍做節。本來打算食飯之前在阿哥家沖埋個澡先，但因為阿娘仲未到，所以最後都係食完飯先上阿哥度沖完澡先出街玩…

好趕咁10點半先係阿哥度走，之後落咗尖沙咀九龍公園行咗一輛！玩到12點公園關門就去咗間餐廳食野，我就叫咗杯雪糕紅豆冰！哈哈！爽到震丫！後來又行返去海旁那邊點埋剩返的蠟燭就打道回府，因為果時都已經差不多3點了，第二日又要去鑽石山睇埋新豬的Rehearsal…返到屋企又沖多次澡，執埋D野4點幾上床訓覺，雖則昨天訓足，但一日都已經透支晒了。



農曆八月十五，仍是小鵬哥的生日！哈哈！而蘇媽媽都是一樣，所以祝兩位牛一快樂！

>>September 16, 2008 at 3:40:04 AM GMT+8

2008 年 9 月 12 日 星期五 【晴】

每個人心中都有一個不想被窺探的秘密，但就算藏得有多深、多密…原來只要有相似的說話、相似的環境，所有的回憶、所有的感覺…最終都是一發不可收拾！

時間會令到一個人放棄，時間也會令到一個人回復精神，可是時間是不能令到回憶消失…

>>September 13, 2008 at 5:13:20 AM GMT+8

2008 年 9 月 10 日 星期三 【晴】

每逢將近中秋佳節，我都好自然想起小鵬哥，呵呵！因為農曆的中秋節是小鵬哥和蘇媽媽的生日！所以在此預祝小鵬哥和蘇媽媽生日快樂、身體健康、開開心心！也順便祝埋小鵬哥今天新曆生日快樂，又大一歲、生生性性儲老婆本！屋你就買咗，咁就祝你早日買到自己心儀的車啦！林寶堅尼都係一個唔錯的選擇，哈哈！

中秋節是一個給所有小朋友名正言順玩火的日子，小時候總不明白其他人為什麼那麼喜歡煲蠟，其實到而家咁大都係唔明！而唯一一樣無變的就係我仍然很喜歡點著蠟燭圍著自己或手拿著一個別人送的舊式紙燈籠在街上走著，仲要係圓柱體果隻紙燈籠！這份感覺好像真的能回到過去…

我不知道今年的中秋節會不會還個機會拿著紙燈籠在街上走呢？唉！今年的中秋假期要奉獻比操兵團…今日Lunch time「別人的女朋友」打電話給我話她收到小可送的溫馨牌 + 甜蜜的禮物，最搞笑係她說「我相信沒有人會明白我現在的感覺！」哈哈！我知道、完全明白啦！小可永遠都在你最需要他的時候自動自覺浦頭…真幸福…

>>September 12, 2008 at 4:39:44 PM GMT+8

2008 年 9 月 8 日 星期一 【晴】

很亂！一切的東西、一切的安排都很亂！雖然現在做的事都不被認同，可是我也不想放棄、我不想沒有努力就逃避！因為我答應過泉、我也答應過GM！

這是我一路以來追求的東西嗎？

但這是我一直最討厭的感覺！

>>September 10, 2008 at 2:11:35 AM GMT+8

2008 年 9 月 6 日 星期六 【晴】

記得中一的時候應該曾經路過這裡搭船回家！如果不是泉的關係，我想我應該不會打算到那裡再走一回…這個地方叫 – 大澳！

以前去大澳可以在屯門坐大約一個小時的船過去，而現在可以去東涌再轉大嶼山巴士入去。難得昨天在家休息了一天，所以心血來潮咁今日想入去大澳走一回。一來想出外走一走、二來想親身感受一下泉眼中的水鄉跟我有否不同…

訓到11點左右就收到morning call，但我仍然都要懶床一會才起身，沖完個澡精神爽利就執野出門…12點幾去到東涌，去food court食咗個Lunch就出發去大澳！搭一點鐘大嶼山巴士大約點九左右就到達，係碼頭映咗一大輪相先入村行，哈哈！因為泉上次是搭船入大澳，所以一切都是由碼頭開始。而今次都照舊帶埋萬能腳架與我同行這次大澳之行！

入村之前見到間食豆腐花的鋪頭，入面的格局同泉之前食果間一樣，但因為我剛食完Lunch，故沒有走入去一嚐味道，呵呵！入到村沿路都有很多賣小食和海味的鋪頭，而它們住的屋都是很舊很舊以前的樣式，同大陸差不多！但因為這個原因令彼此的鄰里關係都很緊密，現在在市區已經很難找到這一份和諧…

因為大澳並不是很大，加上沿路都有路牌，所以無書仔 / 地圖都可以隨隨便便地逛！首先行咗去舊村那邊感受下當地人的生活，之後才行過去另一邊較熱鬧的地方，經過路邊攤買咗包燒魷魚食，記得小時候每次去阿婆家都會落樓下D街邊小販檔買燒魷魚食，感覺好像回到過去無憂無慮的生活！而且為食的泉當然也有食過這裡的燒魷魚和燒瀨尿蝦…之後行到去侯王廟，又映咗一輪相就上去觀景台，係呢度好岩就係映日出 / 日落，不過我上到去果時只不過是3點D，所以都係放棄行去第二度…

行返落村偶然見到其記餐廳，之前上網睇過呢度最出名係冰震奶茶，因為它的凍奶茶是不用冰塊，而係成杯奶茶放入雪櫃！之後嗅到隔離台的叔叔食公仔麵好香，哈哈！所以又叫多咗碗餐蛋麵，呵呵！食完個TEA就再出發去其他地方，唔打唔撞行到另一個碼頭，途中經過製蝦膏的廠房，哈哈！那一刻覺得自己成身都係蝦膏味，因為呢個碼頭太大風了，所以都係不宜久留…回程行返去比我見到「少林」，矛錯！就係呢度啦！阿泉就係曾經係呢度學過煮過竽頭魚同埋打過一會兒的功夫，可惜是日休息，所以我都無得入去搗蛋！幸好我有部強勁G9可以Zoom到底映到少林個牌…

又是一輪映相時間就行返去落車的碼頭，剛好是日落時間！雖然我有部專業的攝影機，但其實我都唔係好識點視乎環境選擇適當的mode去映眼前的景色，結果都係憑感覺去映！反正映得唔好都唔會有人有異議！同埋想一想阿泉呢個懶鬼上次來大澳居然拎部手機出來映相，唉！不過佢都係志在入去食…

臨走前買咗底用炭爐燒的雞蛋仔食，同市區果D完全唔同，好鬆化、好好味！本來打算休息一會再食埋豆腐花先走，但唔知點解映日落果時突然覺得，其實我眼中的大澳是否會跟泉看的一樣呢？就算我重新走過他曾經走過的地方，彼此之間的感覺都應該不一樣！而每天的日出代表新的開始、日落代表當天的將會完結！到底我們一直以來的等待和執著…值得嗎？

最後我都是沒有食埋碗豆腐花就搭車回東涌，而因為沿途都很多人出車，架車又唔夠冷氣！搞到我暈車浪，最後返到東涌的Food court食Dinner都無晒胃口…而且我又除咗Cons戴返眼鏡，完全覺得自己係對唔到焦！食完Dinner就直接返屋企，那一刻的感覺才好一點…洗完白白整埋D相又搞到成點先上床訓覺！

感覺 – 很累！

PS：感謝今天令我沒什麼時間胡思亂想的蛇蛇！

>>September 13, 2008 at 4:11:11 AM GMT+8