2008 年 10 月 22 日 星期三 【晴】

開心同唔開心只是一線之差的感覺，可是有一點我可以確認的是 – 現在的我…並不開心！

就算泉世界把最好的東西給我，也不代表我需要的就是那些！

沒有妳的愛，這個我只是一半。不哭了、不笑了，為誰努力我也不明白！
沒有人能取代，一個圓的另一半。我固執的等待，等風再把妳帶回來…

>>October 22, 2008 at 4:22:19 PM GMT+8

2008 年 10 月 21 日 星期二 【晴】

呢個世界有很多不同性格、不同種類、不同意見和不同思想的人，凡事都沒有絕對的，只在乎當時人點樣睇呢件事…每個人都有自己的想法，為什麼某些人都要求別人跟著自己的想法去做？難道世界上就只有他 / 她的想法是對的？

人越來越大，可以管的事也越來越少！其實嚴格D講係自己無能力去理，就算自己想做到有幾好、為身邊的人想到有幾好都無用！時間、環境或個人的問題都會影響晒成幅圖畫的結構，所以很早的時候我就選擇不理、不聽、不問、不聞的態度讓該發生的事情自動發生 / 完結。可惜就算我如何做到「四不」的狀態，有很多事情都不是我不想就可以「四不」。畢竟每個人都要背著不同的身份、不同的責任，我都好想自私地做我想做的事；我更想什麼也不理自私地一走了之重新尋找屬於自己的天空…

可惜現在的我確實還沒有這個能力和放下那所謂的責任和等待！

但我仍希望你們可以明白，有些事情是改變不了，但不代表我沒有權利去選擇！就正如小麥說的一樣『不是有血緣關係的人就叫做親人！』

>>October 22, 2008 at 8:44:32 AM GMT+8

2008 年 10 月 16 日 星期四 【晴】

今日返工，一返到去就被阿TART寸咗幾句…唉！都唔係好想理佢，畢竟傷口又唔係咁舒服，同埋牙『教』位又好似無乜力咁。算！忍你！返到公司見到張枱好似被打劫完咁，班友真係趁我放假係我張枱度開壇作法咁…用咗一個朝早終於認返自己張枱，而我同阿TART都係河水不犯井口咁各自各精彩…

今日LUNCH約咗寶貝GM之外，仲有Stephen、Lancy、西門爸爸和William一齊係DINNING ROOM開飯，而因為我放假的關係，所以Lancy之前已經幫手點定R，一落到去就可以開飯，哈哈！真開心！不過我就真係要揀野先食到，有傷在口嘛…

第一碟就係京都肉排，唉！無行啦！咁大條骨係中間點食，結果無出手！而GM他們見到就問我仲乜事，我話我整完智慧齒食唔到咁硬的野，但他們話D肉都好淋我可以食…而最意想不到就係我GM居然問阿姐有無FOR剪野食的膠剪，阿姐就梗係被佢的問題考起啦！之後我GM就叫佢拎刀叉比我，等我可以切開一細細舊咁放入口…哈哈！呢種感覺好WARM！真係估唔到佢會咁做。好開心！

雖然我可以將D食物切到一細細粒咁放入口，但都食得好慢…幸好他們都沒有比壓力我，等我可以慢慢咁食。不過始終Lunch hours都有限定，所以我最後都好求期咁食多2碗粉絲就收手了。而我GM都好懷疑我係咪真係食飽侃，不過算啦！基本上食到呢一刻，我覺得牙『教』個位已經好累了…所以都無乜胃口再食下去。食飽飽送埋GM佢地搭車我和Lancy就返上Office了…

對住我GM，有時候真係會有驚喜，而呢種驚喜通常都係開心的，如果以他和西門爸爸相比，西門爸爸是一個陪我食零食和搞怪的爸爸，而GM就係一個給我無限安全感和意見的爸爸，我知道世上沒有完美的人，也未必會有一個人付合晒以上的條件，但起碼在我成長的過程上遇到他們，的確是我人生中最大的一個支持和依靠！

>>October 23, 2008 at 9:32:01 AM GMT+8

2008 年 10 月 14 日 星期二 【晴】

今日終於拔咗我人生中第2隻智慧齒，原因係痛咗咁多日，何醫生話唔拔都無乜問題，最多繼續痛落去。可惡！因為隻牙都出咗一半，所以唔洗開刀好快就拔咗出來，更加唔洗聯線…完全係快夾妥！搞掂完隻牙就send sms返公司請兩日假，承機休息返兩日都好…畢竟個人都唔係咁舒服！

>>October 23, 2008 at 9:11:10 AM GMT+8

2008 年 10 月 11 日 星期六 【陰】

因為要就埋IACE的關係，所以今年的Annual Parade比以往早咗一個月多舉行…尋晚12點幾就上床訓覺，不過成晚都訓得唔好，成晚都輾轉反側！到差不多天光先訓著，但無耐就要起床！唉！匆匆咁起身梳洗、換衫就出門，首先去MK接埋Elva，然後就直去警察學校，而呢段時間就梗係順個便咁係車度KO埋份早餐，不過隻智慧齒越來越痛，所以都無乜胃口！

好準時咁大約8點半就去到，落車再執吓件U！拎埋相機就去reporting as ordered…而今年好似無去年咁多人，感覺有點兒冷清！去到就見到BEE BEE同媽媽，嘻嘻！之前仲見到RAY RAY，所以就嗱嗱臨映返張相先。然後NCO就同我講我個Flight reports左26個左右的RC會來，結果有10個放飛機。唉！所以我一開始就已經同OIC講叫佢唔好咁老定就係咁解，好彩最後Guards Team都夠48人出show…

第一轉的rehearsal仲未洗我地出，所以我地就閃咗去car park度同佢地做D warm up drill…到第二次先正式入場做rehearsal，而我呢D閒人就繼續拎部相機行來行去，同BEE BEE、媽媽、RAY RAY吹吓水，最搞笑都莫過於陳SIR扮RO上台 + 做inspection，真係型到爆，唔笑都對唔住自己！做完Match on / Match pass的rehearsal就到佢地CDD的Rehearsal，而我就走左去後面山度映，睇下會唔會映到他們做出來的效果…可惜都唔係差太遠！

成個上午就不停咁做rehearsal，而我就久不久就要行返去睇下果幾個無野做的RC…唉！成日都唔出聲就唔知行咗去邊，睇少陣都唔得。終於挨到食飯，比原定時間遲左！所以食飯都速度都要快D，而牙痛的我仲要坐正李小龍旁邊，想食慢D都唔得！結果我就用左一個好快的方法就係撈汁就咁當湯飯咁吞左佢就算，而後果就梗係胃痛啦！不過KEEP住自己好忙咁，所以就當無事發生，哈哈！食完飯就換Full U準備出場，而我仍然都係做返一個閒人的角色。成個Parade好快咁就完咗，之後就到CDD的表演…辛苦咗幾個月終於搞掂！Mission is possible！收工！之後映埋大合照就各自各精彩，見到細路好開心咁周圍同人映相，我都係行去另一邊同阿哥映相算…快樂的時間好快就過，然後收槍、執野、換衫、開飯！而係Parade ground度意外咁見到BEKU﹝阿旋個B女﹞，同佢玩咗一陣！哈哈！好開心！本來同Bryan佢地一齊食飯，但阿嫂係屋企，所以我都係跟埋阿哥車返九龍同埋阿嫂佢一齊食，而後來我想起D WO都好似揀咗九龍果邊一齊食，所以我們就接埋阿嫂再出發去Mega box食Dinner，仲見到Elaine，呵呵！好耐無見佢啦。Mega Box D酒樓都幾好食，食過3間都唔錯！

食完就散水，阿哥載咗姜姜出地鐵站再送我返青衣，返到屋企沖埋澡洗埋頭就乖乖搵周公子！連續2日咁打仗都咪話唔累！看來明天要打電話去診所提早個牙醫期先得，咁痛發乜都食唔到！

>>October 21, 2008 at 9:21:23 AM GMT+8

2008 年 10 月 10 日 星期五 【酷熱】

本團一年一度的周年大匯操將於明天在黃竹坑警察訓練學校下午舉行，而今年因為IACE選擇了在本港開大會，所以今年的AP除了有例行公事之外，還有64人CDD表演！所以近呢幾個月大部份的時間都係放晒係SQN度，而我呢D衰仔就梗係唔會全程投入，但仍會為他們打氣的…

因為明天進行大匯操，所以今日都要去Police College度進行彩排。好彩阿哥問到人借車，所以我就拎埋D制服出去，今晚直接係阿哥家度訓。聽日一齊出車去果度做SHOW…畢竟0830就要Report，0900正式第一場的Rehearsal…

下午大約一點九左右就去到PC，剛好全世界準備出場。而我呢D閒人就梗係拎部相機全場走，雖然POLO上身，但下身係NO.2 + DMS shoes，所以上上落落都要小心為上…但可惜最後都係整花咗對鞋今晚要去阿哥度再磨過，唉！唔開心！而因為IACE的關係，所以當Match on / Match pass完左之後的一點點休息時間就練佢地的64人CDD的表演，而所有的花式都已經完成，不過仍欠一點點熟練和默契…雖然聽日係佢地的大日子，但我相信以他們越戰越勇的性格，一定會順順利利兼交足功課…

4點幾果時見到BEE BEE，原來他今日一早就已經做柴可夫幫手車出車入…真係難為了BEE BEE，所以趁無乜人留意到我就梗係足住BEE BEE同我玩咗一陣、映吓相，仲吹咗一陣水~𢡟IHEHE！希望呢個「BEE計劃」可以成功啦…完晒今天的Rehearsal，total跌咗6-7件啦！幸好全部都唔係我地的人，最跨的係連擔架床都出埋！勁丫！

差不多天黑就收工開飯，本來打算係香港仔食完就各自回家，後來講講吓就決定去將軍澳！原來由Police School去將軍澳都要過3條隧道，都咪話唔貴！去咗將軍澳中心開飯，有YY、李氏夫婦、達達 + ANN、Bryan、Elva、Lawrence、阿哥和我…叫R食飯，都唔知叫咗幾多樣野lu…而成餐飯他們就討論YY有幾緊貼時代的科技，包括電話、電腦和相機，呵呵！食到差不多十點就散水，因為聽日就係一年一度的大show，不容有失！

而阿哥就順便車埋YY、Bryan、Elva回家，去到尖咀順便打電話比阿嫂睇吓佢同公司D同事食完飯未，結果就載埋佢一齊回家！返到阿哥屋企第一件事就係磨鞋，拎件U出來吹吹氣！一齊睇吓今日映的Movie和相就各自整理自己的東東，12點幾就訓覺…不過唔知係咪因為牙痛，所以成晚都訓得唔好…加上又怕自己訓過頭！最後係半醒半訓的情況吓又到天光了...

PS：今日係大師哥生日，雖然已經無聯絡一段很長很長的日子…但那段重聚的日子是快樂的！多謝你給我一個夢，在此祝你生日快樂，開開心心！希望現在的你不是一個水泡啦！

>>October 17, 2008 at 9:37:16 AM GMT+8

2008 年 10 月 9 日 星期四 【晴】

呢個星期的BOOKING都幾FULL…

星期一同細路出去食飯，為咗D乜？我都忘了！反正來來去去都係公事…

星期三同寶貝GM + William + Bethia + Kenneth去美心小廚食Lunch，原因係乜？好似都係無乜！

星期四同Kinki去葵芳食飯，順便陪佢睇吓D姊妹裙，因為11月佢有個朋友結婚佢要去幫手。而自己佢返咗學之後，大家都忙…所以都好少出來食飯 + 吹水，難得今日有機會和時間就順便傾吓計，講吓大家的近況同埋我操兵隊的是是非非…哈哈！
﹝PS：是日係聰哥哥生日，又一大歲！生生性性啦！仲要得閒做吓運動，如果唔係就真係變肥仔，話晒你曾經都是一個五官端正的男仔，哈哈！再係咁就真係變佬㗎啦！﹞

而今日是雙十節，除了是台灣的國慶、「別人的女朋友」的細路和四表姐生日之外，今天也是泉29歲的生日…而今年的生日應該是平靜的，因為今年沒有人跟他搞什麼生日派對了﹝雖然他想每年都有人跟他搞﹞…不過我相信愛工作的他一定會很快就忘掉這個想法，對嗎？再說，之前都已經有人提前送了一個特大的birthday cake給他，所以他應該也已經滿足吧！雖則每當說到食，他都會很雀躍的！

同以往一樣我都不會準備什麼去慶祝他的生日，畢竟我始終認為他不缺什麼，而且就算我真的有準備到，對他而言也未必有用！所以在這方面我又可以慳返筆益吓自己…哈哈！唯一的surprise就係「別人的女朋友」今天一早就同我講 – 今日是阿泉的生日！哈哈！老實講…「別人的女朋友」對阿泉無乜好感，可能因為穎風是子霖的好兄弟卦！但她也從來沒有阻止過我對泉的想法！哈哈！感覺很複雜…不過都係果句，明的人總會明白、不明的人就算點講佢都係唔會明的！總之一句到尾，不管是從小鵬哥開始到阿泉，如果沒有這種的依賴…現在的我會變成怎樣呢？

雖然係阿泉的生日，但一早就已經約咗西門爸爸、George、Ricky and Rebecca去青衣打邊爐，加上據我所知他都不愁無人同佢過生日，所以我呢D閒人都係做返自己的事啦！
好耐都無食過飯啦！自從大家分別在唔同的公司做野，就少咗好多機會接觸…大家都係講返近來公司的事，可能大家的公司背景都唔同，所以話題都唔係太多！甚至有D dead air的時候，不過呢樣野我都慢慢明白和接受，始終時間會令到彼此的關係變得疏離，但如果仍能維持那種感情，就算大家的話題有多少，個心都係滿足的！而呢餐飯由西門爸爸做萬歲，佢話佢過咗Probation請食飯喎！呵呵…

1). 祝Gary仔 – 學業進步，比心機讀埋個degree…投資思想越來越精明！有好路數記得同我講一聲…哈哈…

2). 祝四表姐 – 每日開開心心、BB每日都健康成長、聽教聽話，同埋修身成功！哈哈！

3). 祝阿泉 – 一定要好好照顧自己、每日都要開開心心、咪成日都掛住食！可以成日都見到家人，同埋你一手一腳建立的仔仔一日比一日都營運得更好…還有，我希望你記住凡事都要量力而為，因為你「你不是孤單一個人的…」

>>October 23, 2008 at 9:02:12 AM GMT+8

2008 年 10 月 6 日 星期一 【晴】

不知道是不是因為打字打得多、用Mouse用得多？這幾天右手的手腕都有一點瘀瘀的痛，連帶上手臂的筋骨都不是太對勁，結果先將Mouse由右手換了左手，而做野的時候盡可能都用左手做，希望過一陣子情況會變好…但話雖如此，單手打字都不及雙手的快，而且阿TART呢排又係公司，簡直是隨時候命、隨時無命！唉！

昨晚唔知仲乜事，所有的「回憶」都一次過湧晒出來，那種由害怕到失望、直到現在強迫自己視而不見、聽而不聞的感覺都一一呈現出來，我知道問題總有一天要解決，可是為什麼每一次、每一次都不迫我作出選擇，而當我決定了之後又不讓我跟著我的決定去做，既然一開始你們已經決定了我的選擇，那為什麼還要我去選擇？為什麼？我討厭你們所謂的民主，我更討厭你們干預我的人生。

我可以很肯定的告訴你們每一個人，如果當我有能力離開的話，我一定會不回頭的離開，就算世界上只剩下的一個人。因為從一開始我就是被遺忘的一個…

>>October 8, 2008 at 4:23:02 AM GMT+8

2008 年 9 月 30 日 星期二 【晴】

呢排簡直係次次新鮮、獲獲甘…今日又被那個自我中心、自私自利、自以為事的人激親，如果那一刻我真係用個RANK去大佢的話，佢一定十級的樣衰，但就會有失我的身份！但呢度氣真係頂住咗…畢竟訓咗4個鐘就要起床的我，心情已經不好。在MTR被一個3星的SCC人寸咗句，煩躁指數已經去到黃區，加埋呢單野真係火都起！都唔知應該可以用什麼形容詞去形容這個人！

講返發生咩事，事源是今日是本團的例行活動 – 升旗禮 + CDD表演！因為我無Overnight，所以就同埋OIC一齊約咗0700筲箕灣MTR站等，而因為我早到的關係，所以就係便利店買野飲，撞到個SCC的3星人，好自然咁講咗句SORRY…點知仲要被人寸人多小心D，你無野丫！如果我戴帽上RANK你會唔會咁樣同我講野，可惡！

好Q咁OIC同阿哥搭埋同一架MTR，所以就一齊行過去海防博物館，而阿哥今天的身份是ACC的攝影師。大部份的人都在0800升旗禮前到咗，而我地成班官就梗係閃埋一邊吹水，正當我同CY面對面吹緊水時，無端端有人叫我全名，而我就好自己咁應咗句「YES SIR！」之後望一望原來那個今日又被那個自我中心、自私自利、自以為事的人，果下真係瘀到爆炸！真係想問佢一句，你無野丫！咁多官係度你做埋D咁的野，如果我真係話你 – 無面果個係你。結果我選擇唔出聲，而佢仲好HIGH咁周圍搵人吹水…呢下真係想一腳伸佢，激死我！雖則笙笙過來海防之前已經警告過佢的言行，但都係果句 – 意見接受、態度照舊！可惡丫！

Guard隊的工作完成，comment係RC的Drill都需要繼續improve，點知佢居然過佢地已經up to standard、有D仲已經超班！你無野丫！原來你心中的Standard係咁，唔怪得之你個人的態度係咁啦！完全係不知所謂丫！你自己衰就算，咪拖埋我地落水丫。激死我！所以我決定以後有咩事由你的OIC自己同你講，我唔會再理你！其次，叫你帶班新丁去食野，畢竟0500就已經準備出發，他們都肚餓…你仲夠膽死係度SHOW SO，最後我叫NCO幫我算數！唉！簡直係豬兜中的經典…

成個deployment around 1230左右就完結，執埋野映埋相點幾就閃水…換咗衫就同阿翠佢地食返個Lunch先，之後就搭MTR去調景嶺等OIC返屋企拎野比我，而阿翠就好好人咁陪我一齊等，順便吹吓水…然後我就搭車去金鐘搵埋細路上山頂，返正過開海嘛！數得出自己去過山頂幾多次，其中一次好似係年尾阿哥出車上來的…後來細路提議行上山，上面有一個叫做山頂花園的地方，最搞笑係沿路都係無路牌的，所以一路行都不禁到懷疑細路有無點我…行咗半個鐘左右終於見到啦！不過圍晒板裝修，而我地照樣好衰仔咁照行入去，哈哈！

落返山就去m記食咗個set打打底先，並研究吓睇唔睇煙花！返到中環睇一睇船表知道因為放煙花的關係，2030-2130都會無船的。所以唯有坐船過尖咀，最初打算食返個快飯，但無理由又係m記，所以最後去左文化中心附近等睇煙花…難得今次有部G9係身，順便試下映煙花的效果先…2130睇完煙花就去糖朝食野，點知因為人太多所以轉戰Food court…食完飯就搭K16轉MTR返屋企，洗埋白白都12點幾，急速咁吹埋頭就搵周公子了！因為真係累到不想再想任何的事…

>>October 3, 2008 at 9:16:09 AM GMT+8

2008 年 9 月 27 日 星期六 【晴】

基本上自從入左ACC，時間確實充實很多，也可以用「忙」去形容…因為大部份的時間都係不停咁Planning、Planning and Planning！而往往最大的問題都不是在於你的計劃有多好或多糟糕，而係幫你做operation果班人。一個好的Planning但如果做operation果班無follow or轉另一個方式去做，這只會是一個失敗的planning and result，但相反一個糟糕的planning由operation group互相合作和解決問題，這會是一個好的planning or result…

每個人都有不同的性格、意見和做事手法，但如果有D人只是自我中心、自私自利、自以為事的話，就算眼前一切有幾好，到最後都係會變成一堆垃圾！我不喜歡以官階去order一個人做事，更不喜歡因為我是SWO個妹而有任何特權…可是今天我不斷地想，是我不像一個Officer？還是我下的order很有問題？為什麼我們Expect一些人應該會做的事往往都沒有，而當你跟他說要做什麼、要check什麼、要follow什麼的時候，他的答案總會是「得喇！我會問某某啦！」甚至到最後是你有你講一套，他有他的另一套…所以出來的結果並不是我們預期的效果，而最無奈係結果唔好，他不覺得是自己的問題，反而是你們杞人憂天！唉！最氣的事，那個自我中心、自私自利、自以為事的人居把自己的問題、錯失推給其他的人，當其他的人已經準備好的東西，那個人一聲也沒說就把所有的功歸於自己的身上…我不知道其他的人會覺得是他很努力還是怎樣，可是我確確實實的好討厭你，很討厭虛偽的你！我不知道你肩膀上的職級是怎樣拿回來，但我敢肯定你並沒有這個能力做到這個職位！激死我！好想發脾氣，怪不得而家D小朋友會咁樣做野，原來那些所謂的大人都是這樣的…一代不如一代…

做完一天的苦力，又走咗去火星仔家洗白白…因為今晚同展翔在屯門開飯，所以都係沖返個澡等個人舒服D先再出去，臨上火星仔家之前去大快活買咗個TEA上去，可能因為今日太火了…沖完澡同火星仔玩咗一陣就出去陳主任度拎本台灣旅遊書比佢，佢條友飛之前先同我講，早知我就跟埋佢一齊飛啦！唉！因為佢話煲咗湯，所以我就又厚面皮咁走咗上去飲返兩碗先。順便同叔叔傾吓計，結果叔叔話叫我馬上報團跟埋佢地一齊去。哈哈！咪玩啦！咁急邊請到假丫，下次你早D出聲我都可以去安排吓的…

HEA到差不多八點就過去景峰，本來打邊爐的，但好多人都唔記得咗放晒飛機，我返雷生、子揚、阿康、哥哥同我，所以阿康就決定改咗去食飯算…雷生以為鄒姐都會一齊開飯，所以揀咗上次果間泰國野。不過後來才知道原來鄒姐不跟我們一起吃的，呵呵！基本上我去到的時候他們都已經食完了，所以我只是點多個蝦餅同炒粉…食飽飽就上去雷生的新居，佢個衰仔一個人住間九百幾尺兼三間房的居屋，真係爽到震…而bill基再唔洗訓廚房可以有自己的一間房了！今次都係第一次見bill基，哈哈！大件咗好多，仲好重，嘻嘻！因為阿康幫我按膊頭，所以我坐在地上！加上我又成日同bill基玩，搞到佢係我雙腿上踏來踏去…

我HEA到10點半左右就自閃，因為第二日要返工，加上呢兩晚又好夜先訓…很攰丫！攰到呢2日係阿泉的大日子都無乜時間去理過，3年了！不知道3年之後的3年還會有現在一樣或更高的成就呢？

PS：今天是928兩週年紀念日，兩年前的今天…我被放棄了！

>>September 30, 2008 at 1:38:19 AM GMT+8