2012 年 1 月 30 日 星期一 【颳風】

最近因為感到個心跳有點不正常同埋有時會有幾下抽痛的感覺，留意咗成個星期多都無咩改進就趁初四那天開工大吉早D走去睇下醫生！本想打電話返青衣搵返自己睇開果個，不過同事介紹我去睇另一個，因為果邊的醫務所設備好D！如果真係要照心電圖果間診所都有…

可能因為初四的關係，唔係太多人睇醫生！等咗半個鐘就睇得！同醫生講咗的情況佢唔覺得我係心臟病，不過巡例都叫我去做咗個心電圖同量血壓先…出咗來的結果就係正常，始終呢個感覺又唔係經常有，只係久不久就抽你幾下…之後醫生問我有什麼病歷，我就話我有鼻敏感同埋氣管敏感…所以醫生就叫我去做一個「吹氣」的測試！呢個Test真係玩到我謝咗，由吹電機到普通比小朋友做Test的吹氣管我都係Fail，但其實我已經好努力去吹。

再見醫生的時間佢都話我條氣管好弱，但就唔認為我係個心有問題，結果佢開咗2支藥粉比我，一支就for鼻敏感﹝有類固醇﹞、另一支for氣管﹝無類固醇﹞比我睇下情況會唔會好D！

由上星期六開始用，其實吸藥粉都係第一次！而且for鼻果支都係每晚訓覺覺的時間先要用，反而氣管果支就每日四次，每次吸兩口！吸咗幾日無咩感覺，反而覺得心跳仲快咗同埋手震﹝好明顯果隻﹞，上網睇過原來都係呢兩隻藥的副作用！因為驗血報告仲未出，又唔敢自己停咗D藥！唯有自己呢段時間留意下自己多D！

>>February 1, 2012 at 6:57:24 AM GMT+8

2012 年 1 月 18 日 星期三 【晴】

正式末日版MV面世！




作詞：阿信
作曲：阿信+冠佑
編曲演奏：五月天+周恆毅
木吉他演奏：可樂 Cola Kai
絃樂演奏：李琪北京室內樂團
和聲演唱：士杰+可樂 Cola Kai

你說呢 明知你不在 還是會問
空氣 卻不能代替你 出聲
習慣 像永不癒合 的固執傷痕
一思念就撕裂靈魂

把相片 讓你能保存 多洗一本
毛衣 也為你準備多 一層
但是 你孤單時刻 安慰的體溫
怎麼為你多留一份


我不願讓你一個人 一個人在人海浮沉
我不願你獨自走過 風雨的 時分
我不願讓你一個人 承受這世界的殘忍
我不願眼淚陪你到 永恆

你走後 愛情的遺跡 像是空城
遺落你杯子手套和 笑聲
最後 你只帶走你 脆弱和單純
和我最放不下的人
也許未來 你會找到 懂你疼你 更好的人
下段旅程 你一定要 更幸福豐盛

我不願讓你一個人 一個人在人海浮沉
我不願你獨自走過 風雨的 時分
我不願讓你一個人 承受這世界的殘忍
我不願眼淚陪你到 永恆

你說呢 明知你不在 還是會問
只因 習慣你滿足的 眼神
只是 我最後一個 奢求的可能
只求你有快樂人生

只求命運 帶你去一段 全新的旅程
往幸福的天涯飛奔
別回頭就往前飛奔
請忘了我還 一個人

>>January 19, 2012 at 3:28:11 AM GMT+8

2012 年 1 月 15 日 星期日 【晴】

最近的心情有點反覆，也許是因為好的運程開始轉弱吧！

前陣子有同事介紹咗份工比我，在搭上搭的情況下以為一切順利！原來到最後都係失敗！以為當初由HR手上找回我份CV是好的開始，誰知道到最後有個高層因為不喜歡我曾經在KA做過而決定Reject我的application！真係「O」晒嘴！當然…為保搭上搭的朋友飯碗，無可能用呢個原因向平機會投訴，始終我不是從正途的方法去知道這個原因…

但老老實實，的確有點唔開心！從來都無想過呢個會係一個原因。而且我想講我在KA的生活真係好開心，雖然4年內發生的事很多、變化很大！但我好享受在GM領導下的IMD的生活…我唔敢講當時的我做得很好，但我真係好開心和大家一起工作的日子！

“Try hard, Play Hard” is our mission and vision…

>>January 19, 2012 at 3:39:07 AM GMT+8

2012 年 1 月 7 日 星期六 【陰晴不定】

為什麼每次都是這樣？

以為會見到時反而避得過！
沒有預計到時居然逃不了！

>>January 8, 2012 at 1:01:39 PM GMT+8

2011 年 12 月 17 日 星期六 【颳風】

今天是你的生日，我想除了可以說一句生日快樂之外，我不覺得我還可以或是應該說什麼！？畢竟我已經把自己可以做的或是能夠做的都已經做完！接不接受…根本早已不在我的能力範圍內可以控制到。

老實說…在這段日子我很努力的去忘記一些事、去逃避聽到或是會看到的事，但世事往往都不能盡人意。就算我走得有多遠、跑得有多快，最後都是會出現在我的面前。我只是想做我可以和應該做的位置，難道這也不行嗎？

「不能做朋友」是你曾經說過的，我只是跟著你說的話去做，而且也不想打破你自己訂下的宗旨…

畢竟我現在在任何的環境上我都是被人整到要住後退，根本就沒有一個地方可以容納到我，就算離開會被人牽著鼻子的玩弄一返！對吧？



>>December 18, 2011 at 3:54:52 PM GMT+8

2011 年 11 月 2 日 星期三 【晴】

難得今日早咗少少起身，仲打算去買個KFC早餐返公司嘆下！點知出門之前阿娘就收到醫院電話話阿公的身體狀況轉差，結果馬上通知阿哥準備，而我就出Email返公司請假…沿路其實我都無太大的傷心，始終阿公都已經九十多歲，而且再拖下去其實佢都好辛苦！

去到醫院，姨媽、姨丈、B舅父、G舅父、三表姐、三表姐夫都已經係床邊，看見阿公個樣同上次蠱惑B滿月的樣子真係差得遠，除了身邊插住很多喉管之外，面色也不是太好，而且仲有氣喘…已不能同我地溝通得到！看著他有口難言和半開合的眼睛和樣子真係百感交集，雖然我唔係阿公湊大，但一直以來都覺得阿公的身體係比阿婆好，起碼他能夠照顧到自己，閒時仲會自己落街飲茶。想不到最後是他先走一步。

之後其他舅父和阿姨都到，看見大舅父一開始無禮貌的呼叫聲真係想一巴過去！他是阿公最疼錫的兒子，當阿公有病痛叫佢帶阿公的睇醫生就叫其他人、每個月叫佢拎幾千蚊出來當養阿公又話無錢同無必要，但叫阿公拎十萬出來係大陸起屋的就是他。講真，去到呢個時刻當阿公望住佢時…我都唔知阿公係覺得恩惠定失望！最後大舅父仲用手遮住阿公對眼，但當佢一鬆開阿公都會半開，只係無咗之前的氣喘…

最後看著機器由正常到不穩定、由不穩定的跳動慢慢變成靜止，這一刻我知道阿公…走了！而當阿娘再次係身邊叫阿公再望她一眼時，我的眼淚也再次從眼眶中流出來！因為唔知點解我覺得阿公因為無再次望阿娘呢一眼而會成為阿娘的其中一種遺憾！

因為姑娘要幫阿公做清潔，所以我們都暫時離開病房，當一出病房外…腦海就哼著「九號球」，不知道這一刻的心情會不會跟怪獸知道溫媽媽因為腦缺氧而昏迷的情況一樣？



也許我這一桿　又沒辦法進球
就像我的生活　一直在出差錯
也許我這一生　始終在追逐那顆九號球
卻忘了　是誰在愛我
卻忘了　是誰在罩著我

>>November 3, 2011 at 9:12:24 AM GMT+8

2011 年 10 月 25 日 星期二 【晴】

今天終於知道一間上市公司的HR做事的手法原來係可以將一D同事的資料話比另一個同Grade的人知道！大開眼間！

事原：

之前申請咗公司Internal Post，星期一去HR做PC TEST，因為我入職果時無做到，HR係上一個星期五就通知我星期一上去。當天我已經問咗大叔而佢都話矛問題。

直到星期一，大叔report sick leave，咁我上午就出email通知我D同事我會下午過HQ整D野，食完飯…秘書小姐就Reply我email問我去HQ做什麼？幾時返…但因為當時我行開咗就仲未返位，所以未睇Email…而佢就打電話問我其他同事我係咪已經走咗？我去HQ做什麼！講真…我去HQ做什麼根本就唔需要同你交代！而當我行到返位佢見到我時就問…

秘書小姐問：你去HQ仲乜？
我話：我搵HR ~~
秘書小姐問：搵HR仲乜？
我話：問Renew contract的野..
秘書小姐問：contract的野唔洗過到去？
我話：有野我要傾..
佢先收聲。。

出門之前，HR居打電話問我係咪無同我個supervisor講我今日過去做test~~
我話我上星期5已經問左Supervisor，之後我問咩事？
HR就話我的Supervisor打電話去問我今日去HR做乜？
我真係問返HR，我個supervisor今日sick leave，同埋我上星期已經問左佢，我想問係邊個打電話來問我今日去HR做乜？
HR就馬上話：咁等我了解下先...

之後我出門之前見到KS，我同KS講我去HQ，KS問我去HQ做乜？我話搵HR傾D野，然後KS無再問什麼就叫我走...

過到去HQ做完Test再無人同我講過打電話去HR果個人係邊個…成件事就好似搞到係我無同Supervisor講我去HQ咁樣…


到星期二我同大叔講呢件事，大叔都好有義氣咁幫我打電話去HR澄清我之前係有問過佢我星期一去HQ的事之餘仲幫我問埋邊個打電話去HR話係我Supervisor，而HR就話只係有個自稱我Supervisor的人打電話去佢地度問我尋日係咪去HQ同埋去HQ做什麼，講真…作為HR，有乜理由會對其他人透露其他人的事？係咪一個電話打去我係邊個邊個的Supervisor就可以問所有野？再者，秘書小姐同我同Grade，有咩可能將我的事話比佢知？

當然呢件事最後就無疾而終，HR都唔會自打嘴巴咁去解釋為何可以將別人的資料透露比第三者知道！

但總括去講，我真係覺得秘書小姐用佢老闆的名踩過界。。。

>>October 27, 2011 at 7:21:39 AM GMT+8

2011 年 10 月 15 日 星期六 【晴】

公司的事，已經沒有太大的心機去想！因為一切都是改變不到的事實...

唯一這個星期的是腦袋每天都無時無刻哼著這首歌，聽返以前阿信唱的同現在唱的有所不同，而我個人就較喜歡近來他唱的版本！

『當　我和世界不一樣　那就讓我不一樣　堅持對我來說　就是以剛克剛』

『逆風的方向　更適合飛翔　我不怕千萬人阻擋　只怕自己投降』



>>October 16, 2011 at 2:20:05 PM GMT+8

2011 年 10 月 1 日 星期六 【晴】

從來都唔會對呢個家任何一個人有什麼期望，現在完全覺得對他們只有『失望』。

有時真係不得不讚揚本家的屋企人為何不做演員，起碼會有個最佳男主角，另一個講法就係他同我一樣都唔會對呢個家任何一個人有什麼期望，正所謂我有我的生活方式！你們不要問、更不要打算去管！

諷刺呢個形容詞放佢身上真係正確，一方面話唔想Ｄ人去佢屋企探佢老婆同個仔阻佢地休息，另一方面就大宴親朋（女家的親朋好友同佢自己Ｄ朋友）！原來佢老婆同個仔只會係佢大宴親朋的時候先唔需要休息！今次又明白多一個道理！

說真的...很多人都恭喜我榮升「姑姐」，那又如何？我該開心嗎？那只不過都是一個稱號，因為我不會對這個姪子做些什麼，應該係我沒辦法能對他做到什麼！所以我沒太多的喜悅，而我也只會做我應該做的表面功夫而已。

一次又一次的相信到最後都只是一堆的垃圾，那我為什麼要相信人？

>>October 2, 2011 at 5:20:41 PM GMT+8

2011 年 9 月 30 日 星期五 【晴】

工作因為人事的問題變得越來越複雜，其實係我的立場大家都係為咗打份工，為什麼要將所有的事情都變得複雜？咁做係咪會令到你覺得你的『意見』才是最好的方法？如果是的話，又為何當初一開始的時候你沒『意見』，反而要等一切的進度過了年多才提出？好想留係呢間公司，但唔想對住Ｄ咁既人去做嘢？可惜公司規定同一個Title係唔可以申請另一個Department的！咁如何是好？

以為見不到就會淡忘、以為選擇逃避就會快樂、以為再次見面可以平常面對．．．但原來事實是沒可能，一足一動都會讓人容易鈎起那所謂的回憶，而回憶反而是當你越想去忘記的時候就越忘不了！更何況是當初的承諾？眼看現在的你公開一段關係享受的程度絕不比當初的少，不是嗎？

屋企的事？真係唔想理．．．別人會替你開心，但事實是什麼又有多少人知道？

今日係MCD真係好忟，只想單純映相都會被外人的人干涉？我係咪真係咁好蝦，為什麼連想做一個攝影機為自己的團隊映Ｄ相都咁困難？我尊重任何一位睇表演的人士，但穿著「辛亥革命」的人士敢問你們都屬於ＶＩＰ嗎？

事原：今日海防操兵，第一場完之後就有一大班著住辛亥革命的內地團鏟入海防。人數都唔少，到第２場ＣＣＤ開始，平時ＶＩＰ的樓梯咪會清場，今次就比晒Ｄ辛亥革命人企晒上去．咁我見到官得陳sir一個我咪走左上去打算映ＣＣＤ，點知就有個著辛亥革命的人用廣東話同我講我果個位係比ＶＩＰ唔係比你映相，咁第一隊係Ｃ　ＳＱＮ我咪叫陳sir企果個位我企旁邊，之後果個人又話唔得死都話果個位係比ＶＩＰ（ＰＳ：我今日唔係著Ｕ係著ｐｈｏｔｏ　ｆｌｉｇｈｔ件ｐｏｌｏ），之後我就無咩好的語氣咁同陳ｓｉｒ講：「阿ｓｉｒ你出句聲！」陳ｓｉｒ就話：「佢映幾張相就會走」　（但果時ＣＣＤ仲未出場，只係準備中）果個人都好唔滿意點都話係ＶＩＰ，我真係好想問佢一句『ｗｈｏ　ｉｓ　ｔｈｅ　ＶＩＰ？』之後我帶少少火咁映左幾張相（ＰＩＰＥ手出左場）咪走，不過我走果時好唔老脾咁係果個人面前講「阿sir，我交唔到功課比ＣＯＲＰ唔關我事！」
之後我走返落樓下映，都無再去深究那個所謂的ＶＩＰ係乜人。

後來吹風話呢班辛亥革命的人係ＡＣ邀請，但我又唔覺有ＡＣ的人entertain佢地!所以佢地係咩來頭真係唔知。唉！家陣映相都撈唔掂我仲有咩作為？

>>October 1, 2011 at 5:55:12 PM GMT+8