2003 年 10 月 6 日 星期一 【乍暖還寒】

今day上完BSAD
一行.......m.....等我數下先......
11個人上我地第一堂既射箭呀!
好緊張呀

第一堂都係講下規矩咁啦
分你係" 左手人 " / " 右手人 "
hehe同用邊隻手寫字無關，係分邊隻係你既主眼呀!
我就係→ 右眼人啦!

跟住分弓.....點知多數得20磅既
16.18就分左畀anglea同joyce，i~~~~有咩理由我同班大牛龜都係用同一個磅數ga...

跟住教點上弓.....
i~~~~~大獲啦!!! 唔夠力呀!!!!超樣啦
一黎唔係幾夠力，二黎我勁驚我裝條弓唔穩，會彈出黎，嘩咁彈法只有死路一條!
係阿sir不知情既情況下叫左班長幫我拉!
第一堂就咁，仲點上第2堂呀
阿sir 真係唔會理你ga
......未上之前我都知會係咁......

為左CAS係要出d力ga la


丁完飯飯上左去library，分notes同問人點做BSAD
因為我可能tmr present. ar!!
再上PQIS，但係都係無咩心機聽
襯會長行開左拎左劍擊學會個印黎玩...
好悶呢!
不過一落堂聽到個好消息...
劉華突然同坐我隔離既同學仔講星期4留低影相喎
咁果陣我坐係佢隔離，即刻問劉華係唔係影名星相
佢仲答我係添!
原來係我地班有一男一女型人幫學校影相呀仲要分2輯，便服同suit !
我諗一係for ive既booklet/ lab or 放係學校既poster !!
勁啦佢地! yeah !成班都好興奮呀
好想知係d咩人揀出黎ga
掂啦BIS 2e之光呀!!!!!!!!! ^ ^

係42A 1742見到咸蛋黃呀(但係今日既無咁橙既)，好想打去報仇，但係我諗佢都唔得閒ga la
費事好似上次佢打黎咁，上次我話人今次就畀人話無聊呢!


今晚好多野做呀，又要prepare 個n年前要我pre 既present.
又要溫BSAD，tmr 有quiz ar
好彩有細佬買既" 西米露 "作支援姐! ^ ^


ps.睇到留言啦，少時間係一個reason la
但最重要係今日好多野做呀，一於星期6啦!

今日收到導演幫我地晒既k房相相呢，唔該晒!

>>October 9, 2003 at 5:06:22 PM GMT+8

2003 年 10 月 5 日 星期日 【晴】

susan 都唔知做咩?係咁check人地d 功課
頭4個字就續個check wk2既功課
勁啦我地班21個得6個做齊，i~~我都畀d ws陰左，做留左1張!
跟住再check wk3既...
又用多2個字!邊個開頭同我講佢唔係好理學生有無做功課ga
i~~e方面佢就麻煩過Morag la

之後去左toilet，返到黎讀緊group list
e~~原來又分返class no.黎分組喎!玩咩!
但係....group 1下個week要present. 但係...佢好鬼祟咁只係畀左張topic 其中一個group member
跟住就咩都唔講
睇完條topic 都唔知pre 咩
又唔知要pre幾耐喎!.......
i~~~~~ 個個都只係贈我一句→ " 行先死先!"
睇黎下堂都要預左返去畀鬼婆鬧ga la
佢係要鬧既最好用法文，無人知佢鬧咩就得啖笑啦! ^ ^


咁佢地由今日起搞左個溫LCCI團(不過其實要係學校溫既都只係得mon/ tue就做到)
但係我係成班人面前係溫唔到野ga
無去呀
同埋我要去自修室，起碼拎返張証先呀!
到e+都無時間溫acc，覺得張500蚊跌左一半落咸水海咁...

今日係靚女瑪莉既牛一呀... ^ ^

十月六日是你的生辰 給你遙遙一吻 ~~~~~ haha~~~~~~

2003 年 10 月 4 日 星期六 【晴】

今日食完飯無意中睇到無線做緊電影
→ " 辣椒教室"...?好似好耐啦播!99年既...
e~~~~~~~~e度咪 青衣ive?
咩原來4年前被畀人拍過電影ga?
大致上同e+既都無咩分別，可能係e+殘d咁啦
不過係電視睇好似靚咁多咁既!!當你親身去過...感覺又好唔同下


本來想溫LCCI，但係不知如何入手
結果走走去e - learning HTMl
但係e e 下個網又死啦喎! i~~你話佢幾克人憎呀!!!
好啦咁去執acc d notes
e~~~無意中畀我搵返mobile 張單! haha ~~
搵佢果陣又搵極都搵唔到，唔係搵佢既就自動浦頭，都唔知佢想點
見都執開野，咪繼續執埋其他drawers law
嘩!!! 我都收過幾多封信ga wor
大大細細，外國本地，有郵票無郵票...
唔計BD , Christmas cards 都有5十幾封呢
(仲有d我諗係我搬屋果陣無拎到)
hehe但係e+懶寫信啦!!
仲發現有唔少中4.5 for上堂傳紙仔既紙仔，等我諗個辦法用埋佢先!!


今晚有「香港國際煙花音樂匯演」
香港同意大利比賽
佢地2個都幾唔同下
香港既用好多鮮紅色!佢放得好高，連係屋企都有一半可以成"個"睇晒!
(國慶果日果d唔得既!，所以今次更加興奮)
除左紅色都多左紫同藍
相反意大利既就無咁鮮色，同埋無放得咁高，好多都睇唔到呢
但係佢地d設計好細微，彈左上去會散到好開、好幼同埋好多時係識轉既!

果然係比賽，比起10.1靚好多 !


hoho星期日又係做英文功課既時間啦
又係睇住4葉草做啦!!

>>October 8, 2003 at 5:44:09 PM GMT+8

2003 年 10 月 2 日 星期四 【晴】

今日無咩野做，hae左一陣(都唔係一陣ga la)
小儀同安仔鬥長氣，竟然大家都差唔多? 17sec左右...
安仔你唔好玩讓賽啦，你個leader 位置不保ga la !
5點起先醒起，係喎我話睇《千機變》喎
咁就開左黎睇，嘩有成5個trailers??唔洗咁hard sell ar?
唔知係唔係自己一個係comp睇無咩意C，定係一開始e面、超儀同班彊c打足十幾分鐘
對白唔多過3句.全程都係" 呀! " "哈!" "ya!"....
有點兒悶lor!
好彩睇睇下都ok ~~


果個" 棺材 "超靚啦! 靚過你張床呀!
" 棺材 "??都係個名黎姐!
一隻唔會吸人血既彊c??但係又會飲其他彊c幫佢吸人類'既血喎?
其實真係有分別咩?
最終一隻唔會吸人血既彊c仲做埋彊c獵人...?
真係科幻啦!


" 鐘意d唔鐘意得既...因為唔鐘意得，可能會仲得!..."
但係都係" 鐘意d鐘意得既應該係最得!"
之不過→ 佢首歌都畀左答案你，時代變 連正邪也在變 ...
咁係得定係唔得呀?...


>>October 5, 2003 at 4:51:21 AM GMT+8

2003 年 10 月 1 日 星期三 【晴】

一朝早起身print CAS~~
haha~~原來成晚整果個插頭係for 電話，唔係printer ga
我諗尋晚真係太眼訓啦!好彩佢發完皮4lu
但係我個cover page 一直都print唔到，只係show 到黃同綠，無理由ga...
我問florence佢個cover係咩
佢答我" 黑橙 "咁你聽到會諗起咩呀??????
我就諗起黑色柳丁lor，黑色既橙
我仲係度話佢勁有creativity，for CAS arm晒la
點知佢話我係" 傻婆 "，原來佢只係用左黑色同橙色!!
我覺得我誤會既concept正好多lor ^ ^


返左學半個月lor，好似d巴士都幾聽話咁
好多時我一去到就有車，最耐都好似係等左6分鐘左右
唔似得上年咁等襯最少都10分鐘!!
今日42A黎左架冷氣巴，本來見樓下都有位想位樓下
但係....都係唔好啦，咁就上左去坐
今日架冷氣巴一d都唔涼，仲好曬，有d唔耐煩
radio show朱茵係仲講緊唔知咩野....d男乘客睇得好開心，但係我就好悶
突然聽到d好熟既聲音，hehe...
係fancl最新AD → See Fresh ○ Heard Fresh ，終於有一次係我睇到既時候，電視仲未播ga


返到去都1328 lu，又係無人?唔係呀fa
原來佢地去左print CAS d野係library出黎，同一時間導演係department出黎叫住我
我企左係中間都唔知應邊個好!( 仲要係個位我就2邊都見到，但佢地就見唔到大家! )
原來導演係想畀上次唱k 同埋佢去韓國d相我地黎呀!
佢既效率真係好快呢!

入到去架船已經遲啦，樓上雅坐畀人坐晒
唯有落返下面
今日玩 img src
vicky, alex tam, florence星期6都無返學，話靠晒我喎...
但係因為走左去toilet，返到黎都唔知佢講緊咩
好彩projecter 都仲有show係邊度 get data ja
因為睇完題目都唔係好明，咁問阿sir
但係佢又係勁 敷衍lor
係我唔知唔可以咩都講晒，但係都唔係咁阿fa...
佢用我部機示範，但係做做下，佢又話呀唔係咁，你睇阿sir 都會做錯野既~~
i~~我都懶得畀反應呀!


好彩做做下都知佢想點
Alex So 勁快做完lor，係度幫人去影CAS d野添
但係我點都show唔到野，經佢講一講
原來係要續幅pic save sin 得，成個file係唔得ga
o我! 就係咁咩都得啦!
今堂同上堂差得遠lor，上堂做到尾都做唔晒，但係今次唔洗半堂就ok lu~~
(其實係今堂做既野白痴姐)
之後好鬼得閒係度睇相相...
係喎導演真係係韓國撞到Dr. Chung 呀，有相為証添呢!
同埋叫Alex So幫我去影CAS 既cover，但係連e度既printer都print唔到
即係唔關屋企個printer事啦?!
咁唯有有黑白果張交啦
之後同florence king project既野~~~~~
Joey唔讀，做project 既分組情況可以話係定左
i~~今次Alex So走左，我地慘啦，yr 1果陣咩都靠佢IS等等先咁掂ja!!
即使係要每人做1part，都係佢講，拿我地e+要做咩咩咩
咁你地做邊樣呀? 之後仲係所有人send晒畀佢執....
今次Alex 走左去Sammy果組，揀直就係uneven resource distribution!
2個班長係埋一組? 點可以一組有2個勁人ga?!!
同埋除非可以8個人一組啦，如果唔係都好難再做我地既 leader la !
florence係咁講" 我地無左佢唔得、唔掂ga !" hehe 好有失戀feel lei !
不過我地成日咁講vicky都好難做ga !!
又或者e個係我地學獨立既時候la，話唔定我地都做得好似佢咁好呢?
e個世界無話無左邊個唔得既....
(hehe 我唯有咁講la ^ ^)



跟住我同florence去探佢個locker，佢話要clean 佢個locker ma
仲帶晒包書膠、cutter、雙面膠紙、一盒似係消毒棉花既野...我真係服左佢lor
我問佢係唔係消毒藥水?佢係咁笑....你點解會咁諗ga~~~~
仲叫我聞喎，我諗住佢叫得我聞，應該唔係消毒藥水掛
嘩! 好應呀!! 吸晒d超勁既消毒藥水呀，救命呀!!!!!
我同佢講你實笑死人啦!! 之後我就行開左去大佬華既locker拎書
由D block 去A block 再行返去 D block ，佢仲係度clecn緊
之後就見到大佬華行過la
佢行過?即係1530落堂la~~~ 大佬我地出黎果陣扮去toilet ga ja~~~~


返到去劉華都黎左lu
但係又咪係講返個 project 2000點用~~講完屋企又無得做喎
又無lab assignment ~~都無人理佢!!
今日又係早左落堂，正!
之後上SAO交回條，再去canteen食野

今次我地決定搭42 去學日文(haha...同一目的地，但今次唔搭mtr la)
都未搭過42，原來佢係咁兜既
大家都好興奮呀，見到咩講咩，好似小學生去旅行咁!我仲拎住包蜜瓜豆奶飲添
(除左Alex So 我諗佢好累啦)
CNC我又見到你啦!!(死啦我係架車度亂講野，希望無畀CNC d阿sir miss 聽到!)
仲見到隻超靚既 " 咸蛋黃 " 正!
但係e架車真係狂兜，勁耐先出到去sham shui po
仲要越來越多人，3坐位真係3個人坐ga ，逼到爆 ^︿^
到站la，但係勁多人落唔切車，過左一個站先落到!!
今次我地從" 工業區 "出發，好似去左幾十年前既香港咁

我地決定每次去都要唔同路線!玩足12 堂~~
好彩去到都仲有位坐，如果唔係阿sir一定認得我地5個人呀
唔知係唔係今堂坐後左，覺得有d眼訓，同唔想聽書
haha~~ 上次果15個字都唔認得啦，仲要講多15個
今堂只係記得 " 痴痴 "同 " 哈哈 "
不過最用得多同記得既e然係→ " 媽他 "即係再見( for短時間唔見)咁解


落到去又係見到3寶，係許留山買野飲
hehe~~ 見到火麻仁我又忍唔住lu，好耐未飲過啦
Marco問既問題同我第一次問既一樣，" 會唔會好苦ga??"
hehe大家都係畀個名扼左，唔苦ga，仲好甜添
今日上車都係拎住杯野飲，真係水不離身，如果e d水係= $$$$$$就好lu
今次又玩鬥早返到屋企，算吧啦，如無意外最早都係我同Marco之爭
我就落車早過佢，但係我要行多個幾字返到去
可能佢快過我都未定ga
不過住大圍既florence都係遲我2個字姐!

>>October 4, 2003 at 8:01:57 AM GMT+8

2003 年 9 月 30 日 星期二 【晴】

今日10.1對我黎講只係一日假期，就係咁簡單!

本來一早起身想hae下先，唔想做野住
但係開左個icq個個都係問CAS 個plan & proposal 既問題
咁就一齊做la
但係導演仲未send service d 野黎，咁又chat下，聽下收音機咁...
所以hold左成日都未搞掂個plan!!

之後叫tommy send 返唱k d 相同video 畀我睇
嘩真係笑到爆呀!!! ^ ^
為免人地以為我傻既，係屋企都要忍笑呀!!
辛苦呢!!
同alex講好彩影唔到我正面，但佢勁衰話係人都認得我
啍! 我就唔信n 既多個" 人地 "都認得我，你無被攝入鏡係度講風涼話?!!
不過唔緊要啦，畀我地記錄低e個美好回憶嗎!
最衰係佢要clean up ，如果唔係sammy會跳耐d ga!!
e+拍得十幾秒ja...

2003 年 9 月 29 日 星期一 【綿綿細雨】

Sammy 生日快樂

荃灣neway→ 38

2003 年 9 月 28 日 星期日 【清涼】

今日只係返去上一堂BE 英文，甚是無聊 !!
但係我要珍惜呀，就快無咁得閒ga la (其實e+我都應該好唔得閒，只不過未燒到埋黎唔理佢姐)

尋晚做既Ws 只係行埋黎check 過，對都無對過
點解會咁ga?
原來做ML p/10 -11係指本書唔係作業，真係係佢先知啦
因為佢唔會提你要做咩功課，你要自己check schedule
仲以為我地好醒，做左帶晒返去添
點知做錯晒~~
今日教telephone skill，仲睇埋vedio，好好笑ga !! ^^



放左學無去街啦，返屋企食飯
一倫家務後上網apply loacker
好齊人呀今日，可能係早放學掛，有6個同班同學on左啦
個個都好似係1樓既，我知道有5個都係啦，其餘都好似係D block
得我係A block 3樓ja wor ~~
就係咁佢地話玩division of locker ，我果個用作放eng !!


haha~~好耐未試過tue 返0830都咁開心
因為......聽日好明顯係返去玩，上lecture 只係返去聽書，咩都唔洗做
最緊要係sammy 生日，個長break 會去唱k 呀haha ^^
但係話同alex唱" 亂世佳人 "，但我好似聽過2次，唔識唱~~~~
希望佢會放過我


ps.究竟" 松記 "糖水鋪係邊ga，今日畀對情侶問倒我呀!
但係見佢地咁sweet，仲食咩糖水呀

>>October 1, 2003 at 10:26:25 AM GMT+8

2003 年 9 月 27 日 星期六 【酷熱】

今個week都幾唔得閒，但我都仲堅持到寫diary
雖則係後補既...
但係日日都勁長喎
我都算對得個diary住lor
不過e度真係放左好多心機落去
唔想咁快放棄
同埋可以畀我練下html ma
haha好大個籍口，e度真係可以練到咩??????

2003 年 9 月 26 日 星期五 【酷熱】

因為10.1黃金周，放紅字，所以今日都仲要返學呀
唔知今日有幾多人返呢?


今日補WPB (L)，可能係d人唔係咁識整網頁啦
今日返既人都幾多下，同平時唔係差太遠，而我地班都保持到" 一行 "
算係咁啦!!
本來打算幫人簽名，但係出左lecture hall先記得好似自己都未簽喎
問返...原來班長keep住左同晒成班 tick
失敗!!



上完Lecture 之後有2個鐘lunch，之後先上CAS
i~~ vicky 同 florence又無返，3寶又唔知走左去邊
結果同班傻佬出左葵芳食KFC，5個男仔 + 1個女仔(突然發現咩我果班咁少女仔ga 咩?)
佢地真係傻ga，話一人一桶雞，邊個食唔晒既就邊個畀$$$
跟住就同我講" Cherry....你都係咁定$$$啦 !! "
hehe~~ 你癲我都唔傻
係咁同電話中既florence講野，扮聽唔到!!
之後同佢地講返，"如果你地真係咁，我唯有扮唔識你地，各有各食啦^ ^ "


好彩佢地都係講下ja，不過佢地既食量都幾得ga
當我有懷疑真係食得晒既時候，佢地已經同我講放心喎實食得晒
但係唔知點解今次d雞無雞翼既...
葡ta 又變左唔知咩" so" 喎~~~
但係都食得好鬼飽啦!!
勁好笑呀，擦card card d 食物可以做一會餐ga
當擦到葡ta→ 磨菇飯→ 薯蓉→ 熱飲...之後
阿so係咁叫" 汽水....汽水..." 真係汽水喎，好好笑!!
tommy都差d中獎啦，已經係連續擦到4個 " 上將 "...
差d ja ~~~~

hehe~~我第一個已經唔係啦~~ 真係差呀!


食飽飽搭車返去上CAS睇帶
因為想幫florence同vicky簽名，但係阿sir係度阻住晒
諗住遲d先簽返!!
本來都幾精神ga，但最衰係6帽理論
黃沾戴完又戴，講完又講，開始眼訓
咁就真係訓左~~~~~
去到最尾醒左，hehe~都nearly完lu...
突然記得我未幫佢地簽呀，問alex本野去左邊，i~~已經畀返阿sir
i~~又再次失敗!!!! sorry ~~~
你地原諒我啦

>>September 29, 2003 at 8:48:19 AM GMT+8

珊活回憶雜 【本子裡的照片，記憶裡的生命】 ‧ 照相本子(Jun - Sept) ‧ 。 照相本子(Oct - Jan) 。 婆婆的設計●我的設計 04 平安夜 廣告 讀者留言 |  路人留言   | 好耐無見你 好鬼掛住你呀 >>May 2, 2005 at 2:49:59 AM GMT+8 我o個盆依然健壯喎~ <br> >>April 9, 2005 at 1:33:55 PM GMT+8 你的薰衣草怎麼樣?不會又被夾死吧 >>April 5, 2005 at 7:04:39 AM GMT+8 終於有大事回顧喇？？ <br>２ >>February 10, 2005 at 1:26:43 AM GMT+8 噢!~ <br>睇0黎我要對你好 >>February 2, 2005 at 4:16:18 PM GMT+8 hohoho! <br>你唔覺得 >>January 26, 2005 at 11:16:53 AM GMT+8 OH...入唔到呀??? <br >>January 13, 2005 at 5:49:59 AM GMT+8 hi呀,阿山,估唔到你會搵得返我 >>January 11, 2005 at 1:41:09 AM GMT+8 d33?? wah 咩黎架 >>January 1, 2005 at 8:21:58 AM GMT+8 merry christmas! >>December 23, 2004 at 7:56:17 PM GMT+8 hey~baby <br>it' >>December 14, 2004 at 7:43:36 AM GMT+8 小山山,看過你的攝影作品後,越來 >>December 7, 2004 at 1:49:37 AM GMT+8 十二月二十四日唔係要去影相咩？ >>December 5, 2004 at 12:50:39 PM GMT+8 係呀~~考試考到傻左 <br>唔 >>November 18, 2004 at 8:46:17 AM GMT+8 幾時有新野睇呀??? >>November 12, 2004 at 2:16:28 AM GMT+8 check 左喇! <br> < >>November 8, 2004 at 7:54:28 AM GMT+8 做乜唔去呀？？？ <br> <b >>November 5, 2004 at 2:45:10 PM GMT+8 AT LAST,上次個留言呢,其 >>November 5, 2004 at 1:53:58 AM GMT+8 AlSO呀,我呢排都好鍾意唱歌呀 >>November 5, 2004 at 1:51:21 AM GMT+8 你真係好忙咁喎,咁耐無打過日記, >>November 5, 2004 at 1:49:51 AM GMT+8 HAhAHa~ <br>好好笑咩 >>November 3, 2004 at 2:09:29 AM GMT+8 你不槐係我好姐妹 <br>完全明 >>October 17, 2004 at 12:29:47 PM GMT+8 我都想玩singcon <br> >>October 14, 2004 at 11:41:29 AM GMT+8 hahaha,take note >>October 8, 2004 at 1:36:21 AM GMT+8 hahaha,學我,原來咁打日記 >>October 5, 2004 at 1:55:02 AM GMT+8 山仔，你ＣＵＴ左頭髮未呀，本來星 >>October 3, 2004 at 2:52:39 AM GMT+8 搵到喇!!借黎copy丫唔該!! >>September 26, 2004 at 6:19:12 AM GMT+8 hehe,你終於搞到同我地一樣, >>September 26, 2004 at 6:07:11 AM GMT+8 小姐 <br>你好快d upda >>September 20, 2004 at 1:00:10 PM GMT+8 9月11日生日熊,仲唔updat >>September 14, 2004 at 11:35:46 AM GMT+8 祝你生日快樂 <br>祝你生日快 >>September 11, 2004 at 1:36:20 AM GMT+8 祝你生日快樂，祝你生日快樂， < >>September 9, 2004 at 2:33:32 AM GMT+8 你變左喇... <br> <br >>August 30, 2004 at 1:30:58 AM GMT+8 好耐無黎喇~haha~ <br> >>August 29, 2004 at 6:51:10 PM GMT+8 靚里滋好似water sleep >>August 28, 2004 at 1:24:41 AM GMT+8 好呀好呀,我都要拎埋我d ten >>August 27, 2004 at 1:20:05 AM GMT+8 睇黎你份工好似好高難度喎 <br >>August 26, 2004 at 10:51:12 AM GMT+8 山,遲d某個星期六我需要你,因為 >>August 25, 2004 at 1:25:23 AM GMT+8 下,乜o個次原來係補完習返屋企呀 >>August 22, 2004 at 9:37:01 AM GMT+8 hahaha~~~ <br> < >>August 20, 2004 at 1:32:29 AM GMT+8 呢排咁乖既,日日都寫日記喎!! >>August 20, 2004 at 1:28:04 AM GMT+8 小姐 <br>好深呀 <br>睇 >>August 14, 2004 at 12:49:22 AM GMT+8 <br>小山山,唔該哂你o個日 >>August 12, 2004 at 3:38:34 PM GMT+8 我都想出一個月呀， <br>的糧 >>August 3, 2004 at 5:06:53 PM GMT+8 不過我都忍唔住晚晚做呀! <br >>August 3, 2004 at 2:57:32 PM GMT+8 0個16隻就係限量版 <br>以 >>August 3, 2004 at 1:31:24 PM GMT+8 唔緊要,都唔算係做錯d乜野o者! >>August 3, 2004 at 1:26:09 AM GMT+8 我溫返本雜誌喇,係一本賣$6,叫 >>August 1, 2004 at 4:05:07 AM GMT+8 山呀山呀,我今日應該會去買水晶呀 >>July 31, 2004 at 1:08:43 AM GMT+8 加油呀!!! >>July 28, 2004 at 9:41:16 PM GMT+8

人氣: 31197

Design & Scripting by ShowHappy.Net