Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2007 年 9 月 27 日星期四【晴】

「kiki媽媽＾３＾」諾情：774日大/ 2y1m13d(歲,月,日)

<各人的名稱、另類粟米>

阿paul近日教仔仔講大家個名稱,
- 叫阿paul做「靚女paul paul」=.=哩個阿paul教壞細佬,
- 公公就係「有有公公」,
- 媽咪就係「Kiki媽咪」,
- 爸爸就係「阿培爸爸」但唔知點解諾情講阿培2個字時, 要好鬼鬼崇祟, 壓低個聲線黎叫, 好似唔俾得人聽, 係佢自己要咁叫都無人教佢, 好鬼攪笑
- 娃就係「娃娃ee/ 娃娃豬豬」, 娃娃聽到之後, 一定又激死又笑死
- 蚊就係「舅父仔」
- 後加一個, 蚊's女朋友仔, 阿paul教仔仔叫佢做姐姐, 點知舅父私底下教諾情叫..........................「舅母姐姐」-.-, 關係突然跳左一大步

我食左一條阿paul刻意去買黎整架 - 另類粟米, 睇個樣都幾得意, 點知食落........好似未熟咁, 硬硬地又痴痴地牙, 食左半條都係決定放棄。不過阿paul話佢同d fd都覺得幾好食, 有咬口咁話0,0, sorry小女真的道不同, 大家口味不同呀。重話以前佢地細個時代, 都係食這款粟米, 係這一代先轉左做全黃色個款粟米, 重有咩超甜粟。

個樣又真係幾靚, 用黎做擺設都ok, 或者做吊飾都得呀^o^。

我是另類粟米

>>October 11, 2007 at 3:59:04 PM GMT+8

2007 年 9 月 26 日星期三【晴】

「kiki媽媽＾３＾」諾情：773日大/ 2y1m12d(歲,月,日)

<出紅色點點@@>

培話朝早發現仔仔出左d紅色粒粒, 身、面、手都有d, 加埋都成8-9粒, 紅紅地有少少凸起, 不過就覺得有痕有燒, 應該唔似係水荳, 唔知係咪俾蟲咬呢????培送仔仔過去俾阿paul時, 已交待了一聲, 大家都再睇定d仔仔個情況先。

紅色粒粒唔痕唔痛, 係咩黎架????

>>October 11, 2007 at 3:58:20 PM GMT+8

2007 年 9 月 25 日星期二【晴】

「kiki媽媽＾３＾」諾情：772日大/ 2y1m11d(歲,月,日)

<放假休息、「媽咪唔理我」>

中秋節翌日, 放假一天, 真係開心, 前日玩到今朝, 休息下精神晒。返到屋企齊齊訓, 可能仔仔前晚12點已經乖乖zzzzz, 訓左陣11點度就起左身, 佢起左身.....-.-我邊有得訓, 硬要拉我起身。有左諾情之後, 我都無機會做大懶豬(^(00)^), 培就訓到.....就黎太陽伯伯都回家啦, 佢先起身, 重要係俾仔仔嘈醒-.-", 真係好訓。

見有意欲, 我就追住個feel黎打下blog同埋整相, 唔係....熱情一過就的唔起心肝做。佢兩父子訓係床睇電視, 仔仔一路睇一路用隻腳仔"new下new下"我, 我初初都無為意, 以為佢腳痕o_o 腳多多咁"new", 無耐我好似聽到仔仔細細聲講野, 隱約知道有句說話不停重覆講, 好似講黎俾自己咁細聲, 再聽真d......聽到「媽咪, 唔理我」。

下@@, 唔通我聽錯@@, 再留心d聽, 無錯啦, 我真係聽到「媽咪, 唔理我」。即刻"kit"一聲笑左出黎, 叫埋培一齊聽, 問衰豬講咩, 佢:「媽咪, 唔理我」。哈哈.............我地笑到收唔聲, 攞得部相機出黎錄音, 衰豬仔就唔肯再講。我都有解釋俾佢知, 媽咪只係有野要整, 唔係唔理佢, 跟住攬返佢, 陪佢睇陣電視。

真係無諗過, 「媽咪, 唔理我」會出由佢口中, 一個2歲小朋友都知道咩叫唔理佢。加上同平日都一樣, 佢自己玩陣又會埋黎嗲下再去玩過, 真係唔明點解衰豬會覺得我唔理佢~o~ yyyy???? 不過聽到佢會咁講, 自己個心唔多唔少都會sweet sweet-~v~-, 證明我係諾情仔仔心目中的地位實在係.............

v
v
v
v
v
v
v
v
v
v
v
v

.............太高啦^o^v！！！
媽咪我愛諾情, 諾情愛媽咪！！！

** 掛念你的第28日 **

>>October 11, 2007 at 4:42:03 AM GMT+8

2007 年 9 月 24 日星期一【晴】

「kiki媽媽＾３＾」諾情：771日大/ 2y1m10d(歲,月,日)

<晴天、澤家bbq>

落左足足2日, 好在下晏起就無再落雨, 重開始放晴, 天公真係造美, 否則中秋佳節都玩得唔盡慶。放工約左lee fai同joanna去街市買扒同丸bbq, 點知攪得仔仔黎出到大中, 連培都返左工返黎/_\, 好在lee fai同j 街市收擋時沖去買左扒扒丸丸。再去百佳買埋drinks, fai就車大家入澤家。

澤、sherri同小龍一早入到去, 等埋我地就開始bbq。@@原來街市bbq檔個阿嬏迫lee fai佢地買左好多牛扒, 佢地真係衰, 迫人地一係唔買, 買就無得自己執, 最後我地有一袋雜丸、牛扒、雞亦、牛扒、尤魚、牛扒.....。另外澤重買左懶尿蝦、蟹。

Hei、嘉麗、nora同楊楊都入埋黎, 燒到12點度, lee fai就要同joanna走先。Nora重帶埋藍妹入黎, 佢係一隻剛出世的小喵喵, 仔仔又要撩佢玩, 但又怕抱佢, 最後半推半就都同藍妹玩左陣。牛扒真係太多了, 燒到第二朝天光, 都係重有成袋幾, 不過d牛扒都幾好味, 就算燒耐左都唔會"un"。第二朝就call的返屋企。

仔仔表現都幾抵鍚, 乖乖地無扭計, 夠鐘食埋奶奶就自動交豬, 又會乖乖係房玩, 最多得走出黎行個圈, 抵鍚＞３＜。

嘩~~~好驚呀, 藍妹小姐你..............咪行咁近好喎

好啦好啦........見有人扎住你, 同你close d

唔記得左同媽咪照相, 哩張係唯一架合照

>>October 20, 2007 at 10:13:42 AM GMT+8

2007 年 9 月 22 日星期六【雨】

「kiki媽媽＾３＾」諾情：769日大/ 2y1m8d(歲,月,日)

< T1 +雨、成功怡雅痾尿>

唉..............原來PLAN左中午同仔仔去海濱個水陸墟 , 晚上就海演花燈會, 今日竟然有雨, 重1號風球添, 真係激死\___/", 點解早唔落遲唔落, 偏偏大家慶祝中秋節先落雨。花燈會好似得今日、中秋前夕同中秋當日先有............唉.........迫住成日留係屋企...真係有d失望。希望中秋前夕唔好落啦, 約好左去bbq。

前2個星期己經成功地係阿paul屋企戒片, 自己會講「尿尿」, 或者自己除底褲仔係啖罐尿尿。不過之前未試過係麻麻度全日都尿尿成功, 今日好成功地次次都啖罐尿尿, yeah^o^！！！！但..........今日珮儀去左街成日無人同佢玩, 先無分心尿尿, 唔知下次珮儀都係度, 有得玩.......會唔會都成功呢???? 拭目以待～～～～～

>>October 10, 2007 at 1:49:42 PM GMT+8

2007 年 9 月 21 日星期五【晴】

「kiki媽媽＾３＾」諾情：768日大/ 2y1m7d(歲,月,日)

<明雅中秋晚會>

明雅3座合辦中秋晚會, 8點度就同培、仔仔過去玩, 等埋公公、阿paul一齊玩。有估重量抽獎、睇表演(唱歌、魔術)、小食、大免仔照相、小丑扭波波。

玩左陣就係明雅樓下公園玩, 有2個大姐姐坐左係滑梯上, 初初係姐姐撩諾情先, 每次佢sir滑樓經過, 就撩下佢, 又讚佢得意。跟住就到仔仔撩返人地轉頭-.-, 重好似好friend咁埋堆坐添-__-""。不過實在大哥哥係度跑跑跳跳, 加上佢又玩到面珠仔紅卜卜。

玩左陣就公公車車我地去大埔墟近m記食上海野, 都幾抵食, 質素都ok。衰豬重係度表演一次過飲2杯豆漿-.-d, 不過就只係扮野姐, 其實無飲到。

全部相>>CLICK<<

同兔兔大公仔影相, 佢係真人黎架^^

小丑哥哥扭俾我的劍劍汽球, 等我耍下劍

中秋節, 等我都表演一下, 同時飲2杯豆漿(不過係扮野, 無飲到~o~)

>>October 10, 2007 at 11:30:27 AM GMT+8

2007 年 9 月 20 日星期四【晴】

「kiki媽媽＾３＾」諾情：767日大/ 2y1m6d(歲,月,日)

<收到包裹、返怡雅、不停起身>

一早收到wawa call, 佢收到.......包裹啦^o^, 不過郵差叔叔只可以送到去學校的接待處, 娃再手持一張學校通知取信件通知單, 間接又間接地先取到包裹, 但佢收到個刻好開心。前幾日放工開盡motor腳飛去郵局, 總算無白費我辛苦左一番的苦心。

留係阿paul過左9晚避開水荳的日子, 都係日子返去, 睇得出培爸爸無左我地係身邊, 唔好唔少有d獨單寂寞~o~v, 所以話可以無左我地呀, right^o^o^o^o^o^o^o^o^o^o^? 加上仔仔久唔久半夜喊醒, 嘈住舅父仔、阿paul無交好訓。

唉.........唔通擒晚同今晚唔同床, 個衰豬就唔慣??? 成晚係度e e air air, 每隔2個鐘就醒一次, 平時都係夜晚係怡雅度諗, 中午/下午係阿paul度訓, 又會咁, 成晚無交好訓, 真係...............幾辛苦/___\。突然諗起......................

歌名: 每隔兩秒
演唱: 趙學而
........................

每隔兩秒我都想起你
但我不懂使你心歡喜
每隔兩秒我都想起你
完全忘掉了自己

.......................
雖然無關係, 但突然諗起姐。^o^

>>October 9, 2007 at 8:54:09 AM GMT+8

2007 年 9 月 18 日星期二【晴】

「kiki媽媽＾３＾」諾情：765日大/ 2y1m4d(歲,月,日)

<寄包裹to wa>

早走10分鐘, 急步去郵局, 寄左個包裹俾娃娃姨,

半島月餅的盒+
1個半島迷你奶皇月餅+
1奇華迷你月餅+
彩虹糖+
keroro公仔+
錄意公仔(諾情：「內里, 羅內里(愛你, 我愛你」 )+
瑩光棒+
回信

為求3日到達上海, 用左「特快EMS speed post」寄郵裹, 本來磅$6x, 寄特快要一個double$118, 要趕住中秋前到上海, 3日到達都抵架。寄特快要填一份投寄證明書, 填上物品詳情數量及價值, 因為如有寄失、損壞或delay七個工作天或以上, 跟據填寫的價值賠償, 最高$1000。....咁都有個保障, 寄去大陸我真係有d擔心, 大陸...........................唉。

其中一個郵差叔叔一路close門, 一路同我講「係咪呢, 聽我講無錯架, 最重要入左黎先, 再慢慢整都未遲」, =.=之前邊有人同我講過哩番說話喎=.=。跟住到我走時, 郵差叔叔一路開門一路同我講「真係聽我講無錯, 留住張野(郵寄證明書), 等對方收到先掉都未遲, 聽我講一定無錯架」, ^o^我知架啦, 放心。我都好多謝哩位熱心的郵差叔叔, 他的服務態度真係101分呀。~o~v

希望娃娃姨順利收到盒中秋節禮物包~o~, 遠方的一份心意, 收到的一刻唔知好開心呢??

** 掛念你的第21日 **

>>October 8, 2007 at 3:28:50 PM GMT+8

2007 年 9 月 17 日星期一【晴】

「kiki媽媽＾３＾」諾情：764日大/ 2y1m3d(歲,月,日)

<半夜無喊、幾時轉左身??>

前晚都重有半夜喊一次, 辛苦左2晚, 今晚終於可以甜甜一訓。咁咪同消防員的更期有得揮 : 返2放1 , 我就苦2休1(辛苦2晚休息返1晚)~o~

不過半夜我突然醒一醒, 一開眼..............差d鍚左落仔仔隻腳指度。頭變左腳, 腳變左頭。=.=點解........明明一張單人床, 訓左2個人, 點解諾情哥.....可以唔驚動我的情況下, 轉左180度, 腳仔訓左係枕頭上-.-。

>>October 8, 2007 at 12:24:11 PM GMT+8

2007 年 9 月 15 日星期六【晴】

「kiki媽媽＾３＾」諾情：762日大/ 2y1m1d(歲,月,日)

<香薰園、扭+喊足半hrs、cut hair、半夜喊醒>

Bk mama tat's 為慶祝大公子諾諾4歲生日, 邀請大家去粉嶺香薰園bbq。本來都掙扎梗應該帶仔仔去呢??? 我怕水荳傳左俾其他小朋友, 不過觀察左幾日, 都無異樣應該無俾珮儀傳染左, 無問題..去得^o^。阿paul怕諾情bbq時會唔食野, 就同我地飲完茶約埋阿培, 本來打算搭火車轉小van, 阿paul叫公公車我地過去, 話渣好快就到啦。

近門口先有個黑羊場仔, 木欄邊有好多長草, 仔仔餵羊羊餵得好開心。為等齊人先開始bbq, 先係兒童遊樂場玩, 有搖搖板、滑梯、鞦韆、跑草地。之後買左$5包魚糧餵錦鯉, @@嘩….d錦鯉好似十年未食過野咁, 場面極壯觀, d魚為搶食重會跳上水面。

雖然今日唔係太熱太曬, 但無風感覺上悶熱都有出汗, 燒左陣我地就同仔仔周圍行。靈龜池睇龜龜, 好多好大隻龜。賣點之一 - 薰衣草種植場, 可以好free咁行入種植場裡面任照相, 出黎個效果好靚~o~。旁邊有棵大樹吊住鞦韆, 可能想落雨關係, 好多小飛蟲圍住鞦韆, =.=唔敢過去影相添。6點度我地同gloria call的去粉嶺火車站, 玩左差唔多4個鐘度, 諾情豬仔跔到面珠都紅卜卜, 成個紅蘋果, 真想一啖咬落去~^v^~。

返到明雅我地就兵分兩路, 我同仔仔洗白白, 爸爸就返怡雅洗白白, 同時進行快趣d, 可以早d食飯飯。點知衰仔無訓晏交, 一見到阿培就開始扭計, 不停叫「等埋我, 爸爸」。張開口大聲喊, 係門邊訓地扭計, 出動零食..玩具..打..都唔得, 總之要扭。唉..由得佢自己扭, 哈..真長氣, 扭足半個鐘。最後抱起衰豬, 再氹佢先肯收聲。白白都洗唔切, 就挨住左係我懷抱訓左。無訓晏交, 下午玩左幾個鐘, 又扭左咁耐計, 唔累就假。

培帶埋剪髮用品過黎, 我地係仔仔不知情情況下, 好快好順利剪左半邊。點知幫仔仔轉另一邊, 郁郁佢就醒左, 跟住點氹都唔再訓。跟住哩半邊, 大家又回覆返搏鬥狀態下, 叫做完成左個初形。本來近頂位重有大約5蚊銀size, 稍為長左少少想再剪, 點知唔成功。掙扎左10分鐘度, 算吧, 我唔想佢再喊, 都叫做見得下人, 下次再剪啦。

或者玩得顛, 或者晚上扭得勁, 半邊突然喊醒左, 要再攬到實一實, 諾情先訓得返。

全部相>>CLICK<<
>>香薰園網址<<