2005 年 5 月 11 日 星期三 【晴】

居心何在??


眼訓...提提神~

有時真係唔明有d人講一d說話出黎有咩居心!?
你到底係妒忌丫....定係想人地認同你講o既o野呢???

o係我面前你扮到好好咁...同我講晒心事~
又叫我過左KA之後唔好唔識人~
到我同Elaine見到你....同你打朝呼~你又同D人點講???講d咩說話???

你自己講D咩說話唔好以為人地唔知!!
人地都有sense....唔係你講咩就咩!!亦唔好以為我咩都唔知~
你自己講過d咩說話你自己好清楚~
我唔明點解你要咁講d咁o既說話囉~你覺得你咁樣講你會好開心咩?
最終蝕底o個個只係你自己~!
唔成日人同人呻點解d人個個唔鍾意你~唔該你諗下你自己d言行舉止~

你o係我面前講過d說話難聽我都算數~當冇事~
估唔到你o係其他人面前講o既說話仲"好聽"!
人地唔係白痴ga.....

人地同我講你點點點....我都已經當耳邊風~
估唔到你一次又一次都係咁........當我信錯你啦~~~
我只可以講一句....大家都係成年人~講過d野要負責任!!
收o下自己把口喇~~人地唔鍾意你你唔怪得人ga喎!~

>>May 12, 2005 at 11:48:56 AM GMT+8

2005 年 5 月 10 日 星期二 【晴】

我的本性???


今日冇乜特別事發生~~~~Great~!^.^


無聊狂影.....
----------------------------------
整體性格
阿思小姐，恪守本分，積極主動；親切友善，直接但不衝動，上進心很強；也有機靈變通，不拘小節，外冷內熱的一面。
待人性格
阿思小姐待人：富人情味；喜歡獨來獨往；謙虛保守但不怯場；親疏觀念很強；坦率但不洩密。
處世性格
阿思小姐處事：不會強迫別人；非常執著；不輕易妥協；把握重點兼顧細節；穩健踏實；隨性自在隨機應變。
性格缺點
阿思小姐性格的缺點為：出手大方不在意金錢；有時候非常固執不輕易讓步；偶爾會拘泥於計劃不能隨性。
價值觀
阿思小姐重視的價值觀為：實用實際實惠；身份地位；勢力範圍；較不擅長：興風作浪；與眾不同；好奇追新。
愛情性格
阿思小姐在愛情上喜歡按部就班的進展，懂得欣賞浪漫，喜歡佔有對方；較常表現：循序漸進，目標明確，行事靈活，熱情主動。
金錢性格
阿思小姐的金錢觀：很懂得用錢不浪費也不小氣，用錢會有妥善的計劃；容易把錢用於：享受生活，滿足自我，求新求變，追求自由。

準唔準呢???好似有d都講得幾岩bor....

From 高妹Xanga~^o^

>>May 11, 2005 at 11:38:25 AM GMT+8

2005 年 5 月 9 日 星期一 【雨】

入Team....


今日返左Dragonair House一陣就過左機場train~
闊別一個月多的機場禁區....我又返o黎啦!!^o^
仲見到好多舊同事~~

過程中跟左一班Staff一齊o係gate口度接班delay flight~
傾計途中,佢地拎左張roster出黎~原來已經有左我地o既更~
佢問左幾個人o既名...其中一個係我~@.@??
佢地係VS Team...所以我都會係VS(維珍) Team~同Team的會同一張roster~
wo....咁快就知自己咩Team...VS都唔錯...haha...
VS套U都唔錯...不過唔知airside洗唔洗著VS套U呢~
好在唔係OZ Team....因為我唔鍾意套U...哈哈!!!^.^

今日d時間過得好快呀~~~
不過之後o個幾日都係要o係classroom上堂....>.<....

今日仲有幸可以見到呢駕20周年飛機~好靚呀~^o^

>>May 10, 2005 at 3:41:43 PM GMT+8

2005 年 5 月 8 日 星期日 【颱風】

暴雨過後........


落左成日大雨.....Lunch time仲要搭返車過客運大樓拎返張permit~
簡直驚險......遲左返入課室,要偷偷摸摸地"鼠"返埋位...哈~~
冇被發現....Lucky~~^o^

暴雨後行出去Open area~見到個天好清好靚....
點知.....只係霎那間的雨過天清.....Omg....討厭落雨...>.<

--------------------------------------

以下是我的性向分析說明：

‧ 真實生活中你會被什麼性格的人吸引：
兔 － 那些有點雙重性格的人最吸引你，例如外表冷若冰霜但內心熱情似火的人兒。

‧ 在被追求的過程中，什麼方式讓你最無法抗拒：
猴 － 有創意、永遠讓你感覺新鮮。

‧ 你最希望留給情人的印象：
貓 － 有格調。

‧ 你最不希望在何種情況下和情人分手：
獅 － 自負、有如獨裁者，對你頤氣指使。

‧ 你希望和你的另一半建立何種關係：
鳥 － 你考慮的不止是現在和他(她)的關係，而是未來能共同成長。

‧ 你對感情世界腳踏兩條船的看法：
人 － 你在乎社會的看法，婚後你不會有越軌的行為。

‧ 你對婚姻生活的看法：
白虎 － 你認為婚姻是最值得珍惜的、得來不易的寶藏。

‧ 你對愛情的看法：
鴿 － 你認為愛情是雙方面的承諾。

From : http://home.kimo.com.tw/yihjongchen/p2/311.html

>>May 9, 2005 at 11:35:41 AM GMT+8

2005 年 5 月 7 日 星期六 【雨】

母親節快樂!!!


同媽咪出左旺旺行街shopping~~~~^o^
食左我最鍾意食o既魚蛋粉....好好味呀!!
夜晚老豆出黎搵我地,去左食必勝客~~

咁就過左一日母親節+放左2日假.....時間過得真係快!!!

o黎緊呢個星期....開始另一個Traning Course.....
兩個Test又殺緊o黎....=.=''' 上個星期五先考完一個...好在有成90分~唔洗re-test...
希望o黎緊o個兩個test都唔洗re-test啦!!!
入咩Team就睇埋呢兩個Test喇~~驚驚~~~~

-------------------------------------------



【屬於】

你說：她不是屬於你的。

我說：我不是屬於你的。

誰是屬於誰？

>>May 8, 2005 at 3:12:36 PM GMT+8

2005 年 5 月 6 日 星期五 【晴】

最貴的禮物




今日收到我咁大個女最貴的一份禮物....多謝你~^o^

一朝早同媽咪入左屯門睇醫生~!!
星期六o既屯門實在係多人到嚇死人~仲難行過旺角...=.='''
終於都買左o個盒PN 眼影喇~~好靚~^.^

夜晚出左去尖尖同人食飯~~
去左文化中心海旁坐~好熱鬧呀~^o^
睇住d人跳Hip Hop~仲有人吹"色士風"~正....

好開心呀今日~!!
仲有就係好多謝你送o既生日禮物~thanks~^o^

>>May 7, 2005 at 3:57:46 PM GMT+8

2005 年 5 月 5 日 星期四 【晴】

我和老師之間的秘密.................


今日我和Dick Sir之間有秘密......哈~!!!唔可以比人知....
呢個秘密只有9+1人知.....唔知會唔會有人口疏呢~
唔好累到Dick Sir就好喇!!!^.^

好累呀....連續幾日都冇點休息過~
忙完CBT Test...又忙上堂.....忙完上堂,又忙考試...
聽日同後日終於都可以透下喇.....Great~^o^
-------------------------------------

5月2日 牡丹
花語：羞恥．富貴
在這天出生的你，很正直，喜歡坦白。男朋友和你之間若沒有秘密，更能堅定你結婚的決心。

都說得頗對呢~~~~~~~~~^_^

>>May 6, 2005 at 12:05:34 PM GMT+8

2005 年 5 月 4 日 星期三 【晴】

~~飛機餐~~


今日上堂出現左一陣小風波~~
當阿Sir講到關於catering o既野...就討論起邊間airline o既餐好食d~
大部份人都認為隔離台(CX) d餐比KA好食~~~~
當然我都有份講下啦....HAHA!!!
但係...我的確覺得CX d餐係幾好食喎~~~

點知....阿Sir就好大聲話"你地依家o係邊間公司做野","邊間公司請你返o黎"
笑死我地.....阿Sir果然好效忠KA~~~
遲D有機會....我一定會比較o下KA同CX 邊間d餐好味d ga喇~^o^

依家暫時plan左年尾要出ticket去旅行呀~~^o^
Unlimited....我一定唔會蝕底!!希望到時去得成啦...哈!!!

>>May 6, 2005 at 2:51:01 PM GMT+8

2005 年 5 月 3 日 星期二 【晴】

釣魚.........Zzz...Zzz.......


由於尋晚要趕埋個Test send返去~攪到我成3點幾先訓...=.='''
今日一朝早就要起身....眼訓到暈....

今日2nd Training day~成日都係o係class room上堂...
足足釣左幾次魚......=.='''
好痛苦~~!!!

死啦!!星期五又有Exam喇.....要快快溫書...如果唔係又唔夠時間溫書!!
星期五去機場Training......好興奮呀~
不過下個星期又係要上返classroom...>.<'''' Until 18/5~~
我諗我都要日日釣魚ga喇.....ha....


呢幾日都唔係好Happy~~~~~
點解?唉....唔想講.....=.='''''

>>May 4, 2005 at 2:12:23 PM GMT+8

2005 年 5 月 2 日 星期一 【晴】

開始lu.......新o既開始又開始左lu~~~~


今日係港龍o既1st day training~~~
好多野攪.....好多手續要辦~~一個字"忙"~
港龍大廈入面真係幾靚...對出個View仲正~~(住o係o個度就好喇!)^O^

上左成日堂...人都呆晒~太耐冇咁樣上堂喇....=.=''''

放左學之後同好多人迫S1出地鐵站~~放學時間+放工時間......Peak hour...=.='''

同Elaine出左旺旺....要買紮頭髮o既用品....又要破費喇!!!救命...
極度唔夠錢洗....要下個月先有糧出~
有冇人可以救援下我.....哈哈!!!!

唯有節衣縮食o下啦.....學生係窮d ga喇~~~~!=.='''''

>>May 3, 2005 at 6:15:18 PM GMT+8

廣告 讀者留言 |  路人留言   | 原來世界有時真系好大好大~~ >>June 8, 2006 at 2:07:49 PM GMT+8 我無所謂呀~我而家係無業遊民~你 >>May 29, 2006 at 6:23:42 AM GMT+8 我o地仲未買禮物俾"獅子頭"喔~ >>May 26, 2006 at 3:44:06 AM GMT+8 我o黎果科係聽日19號(星期五) >>May 18, 2006 at 3:26:01 AM GMT+8 你都大把因緣啦~haha~ >>May 17, 2006 at 2:13:18 PM GMT+8 喂~你o地去玩塔羅叫埋我oY~ >>May 17, 2006 at 7:13:58 AM GMT+8 嘩...妳唔洗o下o下撻全躲嘛~ >>May 9, 2006 at 7:22:30 AM GMT+8 =_="""" <br>原來你生 >>May 7, 2006 at 3:04:47 PM GMT+8 我來耶~~~ <br>你個xan >>May 5, 2006 at 9:38:28 AM GMT+8 唉～～君君份禮物我都有份的～～你 >>May 4, 2006 at 4:31:38 AM GMT+8 哈~多謝你無show到我O咀o個 >>April 13, 2006 at 6:49:51 AM GMT+8 o_o""發生什麼事了? >>March 16, 2006 at 7:55:36 PM GMT+8 ^o^ >>March 4, 2006 at 4:14:54 PM GMT+8 嘩...你...竟然賭波!!! >>January 15, 2006 at 7:31:53 PM GMT+8 wow~~果個係你媽媽嗎?好似樣 >>June 19, 2005 at 7:50:38 PM GMT+8 我有睇你diary架~~咁你又知 >>June 13, 2005 at 8:01:58 PM GMT+8 太耐冇開icq..都唔知你有個d >>May 22, 2005 at 8:28:39 PM GMT+8

人氣: 16097

Design & Scripting by ShowHappy.Net