2005 年 10 月 6 日 星期四 【清涼】

今日成日都o係地盤,
開會... 夾o野... mark o野... 睇o野...
好彩都解決左好多問題...
希望o黎緊一帆風順啦! 唔好再難為我喇!
5點半就放工返屋企, 好耐無偷懶喇!
放工打唔到比阿媽, 唔知買唔買飯盒好...
因為琴晚阿媽講過下, 但我誤會左!
最後返到屋企自己煮麵食... 出前一丁~so good

本來想o係日記寫低好多o野,
例如記低每次拍拖o既回憶...
不過諗諗下如果寫出o黎個個咪知我拍過幾次拖囉!
好似無咩秘密咁... 又好似好造作...
唉... 等我諗清楚先... 我唔想寫左後悔!

>>October 7, 2005 at 2:55:04 PM GMT+8

2005 年 10 月 5 日 星期三 【酷熱】

今朝起身勁"支力"... 勁眼訓!
好彩今晚唔駛返學姐...
返到公司, 又好多o野煩, 表面上好似唔係好多o野做,
但做做下好似越o黎越多o野咁...
Lunch同同事去食開間餐廳,
食完就同佢去左星際買PSP o既 cable!
佢真係有錢, 買部PSP o黎打,
睇見佢買左, 我又心思思添...
下晝落左地盤, 好似開始無咁多o野搞喇!
但係我要開始做paper work... 如果唔係就有排煩!
放工去左馬會買六合彩, 買左十期... 希望中左唔駛做啦!
之後返屋企途中順便"羅"埋錢比阿媽...
出左糧又無左一大截... 唉......

>>October 6, 2005 at 2:02:56 PM GMT+8

2005 年 10 月 4 日 星期二 【酷熱】

今日諗起好多o野... 好多同佢發生過o既事!
由o岩o岩開始好多開心, 到最後和平分開...
我都唔知自己想點...... 我真係覺得好"支力"喇!
知道有人對佢有意思, 我個心就好似唔好受咁...
不過我可以做o既... 只係o係心入面希望佢幸福!

仲有我想有d o野想講o既, 就係呢......
睇過我日記o既朋友, 可以o既話唔駛重覆妳地o係日記睇到o既o野比我聽架!
雖然我show得出o黎唔介意人地睇,
但係人地口中聽番自己寫o既o野好似有d怪咁! 希望妳地唔好介意啦!

>>October 5, 2005 at 4:09:46 PM GMT+8

2005 年 10 月 3 日 星期一 【酷熱】

朝朝鬧鐘響完又繼續訓番... 硬要懶床3、4個字先起身!
所以宜家起碼8點9先出門口, 返到去都9點5、6個字...
唔得... 聽日一定要早d, 唔可以再咁懶惰!
成朝我o係公司出幾張單, 搞左成3個鐘...
d 數真係勁煩, 又要咁又要咁! 我真係無咩耐性...
做到成點半先去食飯, 食完就出地盤...
o係地盤行左轉就比阿sir捉住入寫字樓!
唉... 咁就企左兩個鐘, 又無謂、又唔關我事!
煩到5點, 再搞d煩o野, 咁又6點... 又要趕返學!
電腦堂... 無聽書... 不過"羅"左琴日電學notes返o黎睇...
睇完都係唔多明! 唉... 真大鑊!
放學約左慧姐食宵夜, 本來約左地鐵站等! 後尾改左地面等...
點知大家都誤會左個地方, 好彩... 全靠我聰明搵得番佢姐! (講笑姐)
最後揀左食粥, 傾左陣計就送佢搭地鐵...
之後行去巴士站時睇下個電話, 原來EVA姐打過比我聽唔到...
同佢由長沙灣傾到返屋企樓下先收線...
不過中途都斷左成3次線, People真係唔同d...
Sorry呀! 聽晚我想放學早d返屋企, 所以再下個禮拜先食宵夜啦!
今晚好d... 打完日記宜家先12點8, 可以早過琴晚訓喇! 真係老喇...

>>October 4, 2005 at 4:43:54 PM GMT+8

2005 年 10 月 2 日 星期日 【清涼】

朝早8點9竟然有人打o黎我屋企, 嚇鬼死!
以為老闆打o黎催我做咩唔開電話仲未返工添!
原來Carman想約我今晚dinner, 不過可惜我要返學!
唯有遲d先食妳個餐啦! 哈哈...
搭小巴出火車站, 去到半路有個阿婆叫落車... "叔叔... 球場下落!"
我聽到佢叫完就心諗阿婆叫得做叔叔, 一定有番咁上下啦!
點知個司機頂多30歲, 唔知佢聽到有無唔開心呢!
如果宜家有人叫我做叔叔, 我一定好難受囉!
下晝老闆請飲茶, 佢地去左先, 我做埋少少o野先過去!
間酒樓係始創6/F, 第一次去, 諗住求其一架lift上到6/F就搞掂啦!
點知上到去原來係唔通o既, 又要我落番樓下走去令外一邊搭...
設計果個真係有d問題o既, 都唔體諒下d蠢人o既!
食完老闆就傾公司制度, 大家講下o野! 講講下... 老闆就係度教仔!
係咁鬧... 係咁鬧... 其實太子都40幾歲人啦! 仔女都3個喇! 唔好咁勞氣啦!
搞到我地都要出口救太子, 真唔好意思......
4點鐘Carman又打o黎想等我放學dinner, 不過我放成9點9...
仲要係長沙灣讀, 佢就住香港! 最後都係放棄左... 佢實在太想同我食飯喇!
下晝做到4點半先趕去地盤, 轉個圈就6點鐘走人返學!
又係一個包當晚餐... 今日上電學, 越比心機聽就越唔明...
上上下... 阿楷個女朋友阿茵打o黎, 話約星期4請我食飯...
話咁快星期4就比人book左! 唉... 真難得有人約!
約好就繼續聽書... 死啦! 我真係好驚考試唔掂呀!
所以到放學時好唔開心, 無咩心情! 想打比人傾計,
但最後我都揀唔到打比邊個... 我份人有樣o野唔好, 就係婆媽... 唉!
返到屋企先肚餓, 就蒸左包點心... 叫咩o野豬排飯團!
第一次食, 無咩o野特喇! 但又比我食晒喎...
希望食肥少少啦! 但唔好淨係肥係個肚腩度喎!

>>October 3, 2005 at 5:10:45 PM GMT+8

2005 年 10 月 1 日 星期六 【清涼】

11點"紮"醒訓唔番! 唉... 放假都要咁早起身!
之後要幫表妹design張電腦檯, 好快就搞掂lu...
不過唔知佢地覺得 o 唔 ok 呢?
之後阿公打o黎, 話琴日幫佢燒隻碟有d問題!
唉... 解釋完佢都唔明!
轉個頭阿媽就出左去, 得番我一個o係屋企...
成個下晝就係度打機, 打到6點幾先走去沖涼!
食完飯盒就入房online兼燙衫...
今日就係咁過左一個無聊o既禮拜日喇!

>>October 2, 2005 at 1:32:36 PM GMT+8

2005 年 9 月 30 日 星期五 【陰】

本來今日放假, 諗住好好地可以訓好d...
點知7點幾就"紮"醒左, 好彩訓得番...
但係之後就訓得唔好lu... 訓下醒下... 醒左成5,6次!
訓到12點有人打o黎就頂唔順要起身lu...
沖完牙洗面... 屋企一條友都無... 唯有自己煮o野食啦!
一開電腦, 表妹就叫我幫佢設計電腦檯! 嘩... 好耐都無畫過喇!
邊畫邊睇電視, 阿公就上o黎搵我幫佢燒VCD...
研究左半粒鐘先研究到點燒, 好彩都唔難!
到6點鐘我就開始約魚, 頂唔順係廳瞌左一陣...
沖埋涼食埋飯就打PS2, 打打下有人打o黎屋企找我,
無理由會有人知我屋企電話架! 一聽原來係Nicky小姐...
同我講遲來的"生日快樂"! 哈... 我真係無諗過妳會唔記得,
不過上年都好似係咁... 無所謂啦! 生日對我o黎講好似無咩感覺lu...
表妹夜晚就催我比張設計圖佢! 嘩... 好彩我有做功課姐!
聽日比埋其他design佢睇! 咁就大功告成......

>>October 1, 2005 at 4:16:53 PM GMT+8

2005 年 9 月 29 日 星期四 【酷熱】

新的一天、新的開始...
返埋今日終於又放兩日假, 好期待期假呀!
今朝起身都好準時, 但係都要成9點鐘先出門口,
所以9點半先返到去... 趕左份文件, 10點就馬上出發去地盤開會!
好彩... 佢地都唔開始! 搞左陣自己o野, 11點9先開始!
不過開左唔夠10分鐘, 講左兩句o野就散band... 我都唔知我去o黎做咩!
開完o岩o岩好夠鐘食飯, 食完返去等下人, 又要趕去九龍城...
係紅磡都唔知搭咩巴士, 睇牌又無架去九龍城廣場!
唯有等巴士到走上去問啦! 點知架架都唔經, 最後放棄左...
轉問經唔經舊機場, 好快第一架就話經, 總之醒少少啦!
趕到去雖然都係遲到, 但係又係未開始開會, 又要等...
約好3點鐘... 之後又話要遲半個鐘! 等等等... 等到4點1先o黎到!
唉... 一早知佢唔多好相與, o黎到講左兩句就勁串咀...
真係想一把星埋去, 最後都係唔多好氣氛咁散會!
逗留到5點半就散水返屋企, 搭巴士搭到差唔多返到屋企先約魚!
好彩... 停站前o岩o岩知醒姐! 經過商場就剪埋頭髮先返去!
洗完頭又要等... 剪個頭都等左成半個鐘先到我! 唉......

>>September 30, 2005 at 2:43:40 PM GMT+8

2005 年 9 月 28 日 星期三 【晴】

＊今日9月29號... 雖然係生日, 但大個左都已經無咩特別感覺!
又大一歲... 開始有d驚... 因為已經唔可以再好似細路咁!
細個果時就想快d大個、大個o既時候又想做番細路仔...
點解個個都有咁o既想法呢? 唯一大個o既好處就係可以搵錢!
雖然錢唔係萬能, 但無錢真係萬萬不能...
今年願望同往年差唔多, 離唔開錢、愛情同健康...
錢... 希望o黎緊lee一年再搵多d錢, 平平穩穩啦!
愛情... 澳洲返o黎4、5年都無拍拖, 之後有... 但無幾耐就散左!
所以今年希望真正o既小公主出現! 我唔想再過眼雲煙, 希望拍拖3、4年就結婚生仔...
仔再生仔... 孫再生仔... 長長久久就好喇!
健康... 我希望阿媽健健康康, 因為我已經無左... 所以希望佢長命百歲同健康!
最後決定左, 由今日開始我會忘記掛住佢... 因為我知我真係要重新做人!

起身好鬼"支力", 好眼訓... 不過捱左3晚學, 今晚唔駛捱, 都ok o既...
出門口一開電話, 收到message, 但無諗過係may姐囉! 多謝妳!
12點半, 識左好耐o既好朋友同佢女朋友用3 line 打o黎, 我都無諗過佢地會記得o既!
不過佢地表示10頭先同我食飯, 多謝晒!
喵咁o岩今日無出地盤, Lunch去左之前認識阿臻o既餐廳度食,
諗起佢, 不過... 只會係回憶! 好多o野唔同晒...
返到去係咁做, 做到6點幾, 就去左沙田食元祿...
因為生日半價, 得我同阿媽同第二細佬食, 生日都係習慣同屋企人過...
希望下年會有個女朋友一齊食啦! 3個人半價都食左二百幾, 都幾貴喎!
不過食得勁飽... 都算係咁啦! 可惜表妹佢地無o黎啦! 唔o黎都要有表示先得架喎!
起碼都每人都要比個birthday kiss啦! 我諗我接受到o既! 係難為左少少咁姐! 哈哈...
食完就去美心"羅"埋蛋榚返屋企, 沖完涼就入房online,
10點半就開蛋榚許願吹蠟燭, 食完已經大肚腩lu...

>>September 29, 2005 at 3:17:23 PM GMT+8

2005 年 9 月 27 日 星期二 【酷熱】

今朝出遲左門口, 要趕返公司... 因為師傅等緊我!
返到去比晒佢想要o既o野佢, 之後我就跟埋佢車一齊出去地盤!
唉... 搞左成差唔多成日, 4點半就走返公司lu...
返到去做左9個字o野又放工趕返學,
今堂好專心, 所以d時間過得勁快...
返到屋企個肚有少少餓, 飲左碗湯同食左個月餅!
跟住就入房打日記, 唔知點解無咩心情寫......

>>September 28, 2005 at 3:47:22 PM GMT+8