2005 年 10 月 26 日 星期三 【晴】

我真係覺得自己咩都唔多識, 唔應該做lee個位...
下下都要問人, 要人幫, 我自己都覺得唔好意思!
今朝老闆o既一句話"你有無遇到咩問題呀?"
我覺得咁o既老闆已經無幾多個...
又肯比機會, 又會體諒你o既感受!
今晚唔駛返學, 可以7點鐘返到屋企, 真係幾好feel...
近排諗多左o野, 好多無結果o既o野!
我好似應該要改變下自己, 做令外一個唔同o既Sunny!
不過唔知由邊度開始改好, 有無人教一教我呢?

>>October 27, 2005 at 2:27:34 PM GMT+8

2005 年 10 月 25 日 星期二 【晴】

今日成日都無咩特別... 好平凡o既一日!
不過我今日o係地盤又見到小強,
仲要大大隻o係我面前路過, 我即刻彈開...
好彩地盤有兩個稱得上係男人o既人都驚,
其實我都唔係好特別姐... 大把人陪我! 哈...
夜晚上英文堂, 一返到去又講起考試!
唉... 一講起考試我又諗起我今年報左英文會考!
一諗起要考試我就驚, 我真係唔係幾鍾意讀書...
不過為左搵食, 無計啦! 辛苦都d都要捱落去!

>>October 26, 2005 at 4:26:35 PM GMT+8

2005 年 10 月 24 日 星期一 【晴】

秋天終於o黎喇! 見今朝涼涼地... 諗左好耐著長袖定短袖好!
最後都係揀左著長袖, 但出到去好似怪怪地咁...
出到九龍, 又真係暖d架喎! 開始有少少後悔...
返到公司就努力做o野, 點知... 好專心計緊數o既時候...
有隻小小強o係我檯面路過! 嘩... 我即刻彈開!
晨早就o黎嚇我, 就係因為佢, 我就無心機o係檯面做o野...
我將我要做o既o野搬晒去會議室繼續做, 咁先安心d...
d同事仲笑我駛唔駛咁驚呀! 嘩... 大佬! 我都唔知點解我會咁驚o既!
做到12點幾先去食lunch, 食完返o黎就搬番埋位繼續做...
始終都係有陰形... 唉......
4點鐘就走人出地盤, 落到去成日都比人問o野!
搞到6點9先走, 係我要返學最遲走o既一日,
返到去都7點半, o野都未食, 又要即做堂課, 之後都要test M.C.
好彩... 好容易... 但都要錯一題!
都唔知今日學校個internet搞咩鬼, 成晚都上唔到網,
阿sir教d o野又識, 搞到我on居居聽歌無聊坐左成晚...

>>October 25, 2005 at 4:37:10 PM GMT+8

2005 年 10 月 23 日 星期日 【微冷】

嘩... 今朝起身涼涼地... 不過感覺幾好!
禮拜一, 新o既開始...
不過, 我竟然9點1先出門口返工... So Lazy!
本來o係搭小巴上見到個小學同學,
可惜無機會無叫到佢, 好耐都無見過佢, 都係一樣咁靚!
返到公司都9點7... 做做做... 要做好多數...
轉個頭望下個鐘, 話咁快就12點, 時間有無過得咁快呀!
一個人食完Lunch返o黎又繼續做做做...
做到4點又要起程去紅磡地盤, 唔知點解個人好似手軟腳軟咁!
落去o既時間係過得特別快o既, 不過我要成6點4先走得...
返到學校都係7點鐘, 遲到3個字咋... 奇蹟!
今晚上電學, 阿Sir教左做條數之後無o野教!
嘩... 玩自修呀? 無無聊聊就出左去學校行左轉,
打比EVA姐吹下水, 話咁快就9點鐘...
入番去, 阿Sir竟然又做數喎! 真係玩o野呀!
9點8就放學, 返到屋企10點幾, 沖涼食飯睇錄左o既"阿旺正傳"...
暫時都ok... 希望越睇會越好笑啦!
睇完洗埋碗都12點, 要online寫日記... 話咁快寫完都12點半!
唉... 今晚又實唔夠訓lu......

>>October 24, 2005 at 4:33:24 PM GMT+8

2005 年 10 月 22 日 星期六 【晴】

琴晚頂唔順... 迫自己12點前訓...
因為感覺個人好"支力"!
今朝11點就起左身, 個人暈下暈下咁...
刷完牙就睇電視, "5年C班"都幾好睇!
睇完食埋lunch, 屋企d人就出晒街...
得番自己一個, 無無聊聊就打PS2,
打到3點幾就入房online, on到4點幾就上左床小睡...
一訓就訓到7點幾, 阿媽都未返, 無飯食!
8點幾阿媽先返, 食飯盒... 之後就要燙衫!
邊燙衫邊睇贖金風暴... 唔知係咪下晝訓覺時冷親添!
唉... 傷風就麻煩喇! 今晚要早d訓... 聽晚又要返學... 真唔開心!

>>October 23, 2005 at 3:36:47 PM GMT+8

2005 年 10 月 21 日 星期五 【晴】

咁快就禮拜六... 多o野做時間真係過得特別快!
過左一個平穩o既早上, 但我都要做到成兩點先放工,
雖然未做晒, 但我真係好想休息下, 因為今個禮拜真係好"支力"...
返到屋企沖埋涼3點幾先食lunch, 食完就要開工... 整部電腦!
裝過晒所有o野都搞到成7點, 真麻煩... 仲要邊裝邊做功課!
阿媽返左一陣又出左街, 得番自己一個孤伶伶添...
又無咩好做, 唯有打完日記打機啦!

>>October 22, 2005 at 1:05:43 PM GMT+8

2005 年 10 月 20 日 星期四 【晴】

今朝本來諗住o係公司做到10點幾就落地盤開會,
點知臨出門口先記得未做payment上單!
唉... 唯有o拿o拿聲做啦! 點知一個電話就搞到我成12點...
姐係唔駛落去開會啦! 好彩無人打o黎小我姐...
食埋lunch就起程去紅磡, d煩人真係好煩,
佢地真係幾自私, 我都唔知點算好!
落到去淨o係應酬佢地都應酬到6點幾先走...
今晚約左May姐食飯, 放工打比佢, 佢仲未走得!
我唯有去住旺角睇住電話先, 等到7點鐘佢終於走得,
o黎到都7點半lu... 我地都唔知去邊度食好,
我又無主意o既, 行行下... 見到扒王之王, 我地就選擇左!
o麥旺角新開左間咩? 定係我比較out呢?
食完8點幾, o係旺角行左陣...
佢陪我睇衫, 我發覺我自己真係幾麻煩, 思想古怪...
睇唔o岩, 經過佐丹奴, 買左3件衫, 盛惠150蚊!
之後去左波鞋街睇波鞋, 因為對converse爛左有個吼,
所以諗住買多一對黃色, 點知去到睇睇下, 白色真係好睇好多...
最後決定買白色, 又盛惠161蚊! 唉... 落地盤都唔知點著白色鞋!
買完好想去聯合再睇衫, 不過今日已經過度消費...
都係留番下次先再買! 經過眼鏡88, 我就叫May姐幫手睇眼鏡!
因為舊果副上堂都已經睇唔清楚個白板寫咩lu...
但d眼鏡睇極都好似唔o岩咁, 膠架d款唔多掂, 鐵架又好似斯文過頭!
最後都係無買, 下次經過第二間先再睇過!
o係走之時候, 迎面有個好熟o既男仔同我點頭, 跟住我又跟住點頭,
但我諗極都諗唔起佢o係邊個, 唉... 我真係老人癡呆喇!
諗到返屋企都未諗到, 後尾"羅"d相簿出o黎睇,
d相令我諗想以前好多o野, 有開心有唔開心!
有陸運會"羅"獎o既相, 有中學年代o既班相...
有細個同表妹影o既相, 成十幾年前...
有去台灣、馬來西亞旅行o既相, 諗起我同佢突然講分手負左佢o既o野...
有第一份工歡送會o既相, 仲有好多好多...
終於比我發現個男仔係邊個! 哈... 原來係中學隔班o既男仔!

>>October 21, 2005 at 4:48:52 PM GMT+8

2005 年 10 月 19 日 星期三 【晴】

朝早真係唔想起身, 成個人都好似軟晒咁...
好彩成朝都無咩特別, 不過做到成點半先去食飯囉!
一個人食飯無o野做, 就sms煩下大表妹...
嘩... 佢今日返半晝, so good! 做Full time student真係好!
食完飯行左陣電話舖, 又要睇下買咩機比阿媽...
睇埋上台買機真係幾煩, 無計... 為荷包著想!
去到地盤門口登記, 個保安哥哥仔竟然同我講o野,
佢話"日日都見我!"... 無計啦! 日日都要睇住班人...
入到去... 即刻見到d煩人! 又捉住我o黎講o野!
煩足我半個鐘, 頂唔順呀! 以為之後平平安安啦...
點知臨放工先o黎玩o野! 搞一大輪o野, 我都唔知佢o岩定我o岩!
如果佢o岩我就大鑊喇! 唉...... 搞到6點半我仲o係咁諗點算好!
為左佢o既問題, 我就放工返左公司搵資料,
本來7點幾阿楷同佢女朋友約左我同sammi補祝生日飯,
搞到佢地到齊晒我仲o係公司做緊o野, 仲打o黎吹我!
我都唔好意思, 做多一陣就雞咁腳行過去, 好彩o係旺角食,
如果唔係我都唔知點算! 去到d"送"都o黎齊晒, 真係勁唔好意思...
食完飯大家行左陣, 經過百老匯阿楷話要睇"黑社會",
唔係呀嘛! 我都唔鍾意睇果d戲o既, 不過我又無咩所謂o既!
可惜無晒位, 有無咁多人睇戲呀? d人咁有錢o既...
之後就各自各回家, 當然阿楷要送女朋友仔返屋企啦!
哈... 睇見佢地好似幾好咁... 佢地都拍左好幾年喇!
唔知幾時結婚呢? 我想做下伴郎呀!
話晒識左十幾年, 我都未試過... 唔知會唔會留番個位比我呢?

>>October 20, 2005 at 4:33:17 PM GMT+8

2005 年 10 月 18 日 星期二 【陰】

返學果晚緊係成點鐘先訓... 搞到第二朝都唔願起身...
好想放大假, 但又行唔開, 快d新年就好lu...
今朝終於可以返公司, 不過就要趕好多o野!
為左快手, 本應打英文o既信我打左中文...
我真係無時間諗, 又要做lee樣又要做果樣!
我都唔好意思要同事幫手...
做到成點鐘先飯, 好耐無同同事一齊食lu...
傾起好多o野, 佢ex. gf d o野、同工作上o既o野!
佢問我"跟job有分紅o既咩?" 下... 有o既咩?
我都係今年先跟... 如果有再加埋雙糧咪有好多錢囉!
哈... 全部都係我自己諗, 要知就要等到農曆新年前先知...
無分紅都唔緊要, 最重要有雙糧就得喇!
下朝就落左地盤, 落到去緊係好鬼忙... 好煩呀!
6點3先走, 趕頭趕命去返學... 本來唔想食!
諗住放學返屋企食少少o野就算, 點知阿媽打o黎...
話我做咩唔買個包食, 咁又係... 一陣病左都唔知邊個去照顧我!
今晚上英文, 去到坐低無幾耐就好鬼眼訓!
閉目養神左一陣之後就專心聽書...
時間都過得好快, 放學o係學校撞到個同事,
佢同埋個女朋友一齊放學, 真開心......

>>October 19, 2005 at 4:35:17 PM GMT+8

2005 年 10 月 17 日 星期一 【陰】

今日成日都o係地盤... 我覺得好唔開心!
我覺得好煩... 好多問題... 點先可以逃避呢?
夜晚上電腦堂, 聽左陣間書, 又係教word...
下堂應該可以聽下書, 因為教Powerpoint!
放學約左EVA姐食宵夜, 去到佢帶左同學仔Joey一齊...
如果一早知就著好d啦! 哈哈...
不過, 妳唔想聽我都想講左一次,
妳真係要諗清楚先搬出o黎囉! 一個人生活唔係妳想像中咁容易架!
最後我決定左同佢講我做果d衰格o野, 我唔想再忍唔到手去睇人d o野!
Sorry..................................................................

>>October 18, 2005 at 4:48:30 PM GMT+8