2005 年 11 月 5 日 星期六 【酷熱】

嘩! 琴晚兩點幾訓, 今朝就要8點鐘起身呀!
因為要陪阿媽去香港一日遊...
今朝真係勁唔想起身, 個頭又勁痛!
不過無計, 因為阿媽個friend趕唔切落o黎香港,
所以我同細表妹頂上! 阿媽7點就出門口同阿公飲茶,
我就唔去喇! 寧願訓多個鐘好過, 8點幾落到去,
阿媽打包左個飽同腸粉比我, 掂呀!
9點幾就坐旅遊車出發, 成架車都係叔叔姨姨... 失望!
諗住一上車繼續訓, 點知個導遊姐姐係咁講o野, 真係頭都痛埋!
第一個景點就係石澳, 無咩睇... 睇沙睇海...
本來睇咩情人島架, 點知阿媽一見到條長命斜就話唔上lu...
之後無o野睇, 我就睇notes, 因為聽日測驗... 書都未溫添呀!
第二個景點就係大會堂, 我仲同表妹影左張有香港背景o既數碼相添!
不過要check E-mail先知收唔收到! 出左間房先知影完會show o係出面o既,
總之唔影啦! 睇蝕晒...
跟住就入"金里"魚門食lunch, 等左差唔多成粒鐘先有得食,
仲要同d唔識o既人一齊食, 我都唔慣食人口水尾o既, 見到公筷d人都唔用...
餐lunch又唔多掂, 我都唔係食左好多咋!
食完都3點幾, 第三個景點就係荔枝角公園, 都唔知有咩睇,
所以我都無落車, 係架車度好過...
5點幾就返到大圍, 今次係我去咁多個香港一日遊最唔掂o既1個!
不過買左飛唔去又浪費! 唉...... 返到屋企先記得d notes放左o係表妹度,
即刻打電話比表妹追佢"羅", 真係大懵呀!
夜晚打兩遍日記都打左成兩個鐘... 8點半晚飯都未食呀!
今晚仲要溫書, 神呀... 一定要測驗合格呀!

>>November 6, 2005 at 12:36:06 PM GMT+8

2005 年 11 月 4 日 星期五 【晴】

咁快又禮拜六喇! 都唔知開心定唔開心好...
話咁快就11月, 好快又2006年lu...
本來今日返半日架, 不過我d o野做極都做唔晒,
唯有開埋下晝啦! 好彩有補水幫補下, 等我心寧都上都無咁慘...
夜晚May姐約左我, 佢有兩個上海朋友o黎左, 叫埋我出去行下!
6點半放工, 過左金鐘等May姐同佢地d朋友,
唔知點解見到d陌生人我比較怕羞o既, 我都唔係幾敢講o野!
好耐都無講過國語喇! 好彩都唔係好生疏, 都ok o既...
佢地係上海人, 令我諗番起以前o係澳洲果個上海女朋友,
不過都好多年前lu.... 都失晒聯絡... 唔知佢生活點呢?
同May姐佢地係金鐘搵o野食, 最後都係揀左food court食,
食完就搭登山覽車上山頂, 都好耐好耐無搭過喇!
一程都要成廿蚊, 我真係搭唔起喇!
上到去先知個凌宵鎝裝修緊, 無得上去睇, 唯有去老襯亭睇啦!
我都係第一次去山頂老襯亭, 我都覺自己out out地...
睇完我地就搭小巴去中環天星碼頭, 搭小輪過海睇星光大道,
睇完都10點幾lu... 之後我地就落bar玩, 我都好耐無去玩喇!
7個人, order左一打, 我諗住唔多啦! 點知佢地唔係幾飲o既,
為左快d飲埋佢, 我就同May姐單對單玩, 仲要輸左成杯o黎!
頭個兩次猜枚佢都輸架, 點知玩大話骰我又輸番晒...
連繼飲左成3、4杯, 我開始頂唔順ring ring地, 點幾就散band!
走o既時候我都唔係幾掂... 我又唔想搭的士去旺角喎...
就陪左May姐搭通宵巴士, 佢架車雖然去青衣, 但都經旺角,
仲平過搭的士添, 去到旺角見到通宵小巴勁多人排隊,
我諗住起碼排成粒鐘啦! 點知馬上就有成5架車o黎,
好彩o岩o岩我都上到姐, 唔駛3個字就返到大圍lu...
一開門就馬上沖涼, 本來好想打埋日記架, 但個人真係勁ring!
唔駛10分鐘就沖完涼、吹埋頭、同刷埋牙, 然後上床訓覺!
兩秒都唔駛就訓著左lu... 起身都唔記得琴晚有無係人面前出醜添呀!

>>November 6, 2005 at 11:36:46 AM GMT+8

2005 年 11 月 3 日 星期四 【晴】

今日禮拜五, 11點應該要落地盤開會o既...
點知我竟然唔記得左今日禮拜五喎!
我真係開始做到傻下傻下lu...
今朝有個唔好o既消息, 我又要跟多個job喇!
本來開始唔係咁多o野做可以輕鬆d o既! 唉......
好唔開心呀! 又多o野做, 又要返學,
禮拜一又要測驗仲要未溫書, 總之覺得好煩好煩... 頭就o黎爆咁!
下晝同個同事食飯, 佢係咁同我講門口個姨姨成日唔好聲氣對佢,
食咁耐飯佢就埋怨咁耐, 仲要我幫佢反映下添! 唉... 邊問得出口呀!
本來夜晚約好左上o黎裝寬頻電視o既, 點知下晝打o黎話人手有d問題,
要改到下個禮拜先得喎! 我一心等緊今晚,
所以聽到要改期我都唔係幾好聲氣答番佢地, 不過... 無辦法... 都係無計!
好唔開心呀宜家... 情緒病發作... 點算好呢? 唉......... 唔開心呀!

>>November 4, 2005 at 2:55:28 PM GMT+8

2005 年 11 月 2 日 星期三 【晴】

今朝好懶... 成8點半先起身!
因為今朝諗住直接落地盤, 遲d返到去都無人理...
9點3出門口, 落到樓下個電話就響! 唉... 又係d煩人!
去到小巴站, 見到靚靚o既小學同學, 終於打到招呼lu...
不過無咩話題, 傾左幾句咋! 真係唔開心呀!
諗住10點前到地盤等靚靚設計師睇o野! 點知等到佢11點幾先得閒...
搞天花燈排位, 佢lee樣又唔鍾意, 果樣又唔鍾意... 我頭都痛埋!
唉... 最後佢叫我諗, 諗諗下都無心機諗, 就去左食飯...
一個人食完返o黎又o黎過, 終於比我諗掂, 不過唔知佢覺得點呢?
搞一大輪o野都搞到成5點, 第二個地盤又要我去睇,
仲要係咁催我添... 最後我選擇左搭的士由紅磡去九龍城廣場,
搭左36蚊... 好彩claim番公司數姐! 搞到我6點就可以放工lu...
成日都無返公司, 唔知有無人覺得我偷懶呢?
夜晚上左阿姨度食飯, 3個表妹都咁大人都唔識煮飯,
要勞煩我阿媽日日o黎照顧佢地, 唔知佢地會點報答我阿媽呢?
食食下飯, 阿楷個女朋友打o黎, 佢暗示左d o野比我聽!
都唔知真定假o既, 唔係我唔想做主動, 只係我天生被動姐!
就算比個電話我, 我都唔知點同人講o野啦! 何況我都無諗過果d o野...
其實我知佢同阿楷都幫左我好多, 但可能佢地高估左我啦! So sorry...
睇到一半"阿旺新傳"阿媽就話要返屋企喇! 佢話屋企都錄左喎! 返去睇喎...

>>November 3, 2005 at 3:10:33 PM GMT+8

2005 年 11 月 1 日 星期二 【微冷】

今朝要7點9起身, 真係好耐無試過咁早起身lu...
平時都要懶床到8點1、2先起身o既, 所以日日都習慣左遲到!
8點4出門口, 行去大圍搭85號巴士出九龍城廣場,
去到o岩o岩好9點鐘, 無早無遲...
之後d保安哥哥就帶我同幾個師傅落地牢睇o野!
嘩... 一開門就見到片地小強屍體, 心都寒埋...
仲要見到d路過o既, 大大隻... 真係頂唔順!
行到入去師傅就開始試o野, 突然見到一隻大o既o係師傅腳邊行過...
我睇住佢行行下爬左上師傅對鞋度, 之後就入左條褲入面,
但我見個師傅無反應喎! 我諗住我睇錯啦!
做左一陣, 行番上地面, 我見到個師傅好似痕痕地咁,
見佢抓兩抓條褲, 隻小強走番出o黎... 嘩! 佢可以頂咁耐...
我諗起都打冷陣呀! 我真係會頂唔順會暈低呀!
12點就返公司, 做左陣o野, 點幾就落街買麥當當返公司食...
下晝見地盤無咩特別o野, 我決定唔落去睇lu...
做6點幾就出發返學, 坐左陣就開始約魚, 近排真係好"支力"!
中途出左去走廊睇d女仔打手球, 好似幾好玩咁...
不過d女仔就麻麻地喇! 不過我都睇左幾耐下!
放學Eva姐約左我食宵夜, 今次佢無帶朋友仔出o黎lu...
食完送埋佢搭巴士就返屋企, 打比May姐傾計,
佢約我禮拜六夜晚出街, 話有好神秘o既o野喎!
又唔講個晚會做d咩o野, 我驚架喎! 都要比d心理準備我架嘛...

>>November 2, 2005 at 4:19:09 PM GMT+8

2005 年 10 月 31 日 星期一 【微冷】

今朝個鬧鐘響完又比我按停、響完又比我按停...
總共比我按停左4、5次, 因為琴晚又成兩點先訓... 頂唔順!
返到公司, 硬係日日都有新問題打o黎搵我解決, 好煩呀!
老闆又比新工作我, 我又唔推得!
又要用成兩、三日時間幫佢做... 命都唔多長喇!
點三先去食飯, 去到食開間餐廳一坐低, 有兩個外國人走入o黎,
唉... 例牌實搵我幫手! 六合彩又唔見我中...
食完去"羅"眼鏡, 戴左真係好好多, 睇靚女都多左! 哈哈...
本來想幫表妹買埋DVD-RW碟, 不過"羅"完眼鏡都遲到lu...
都係遲d先買! 返到去做到4點鐘又要落去地盤, 好煩呀!
6點4先走, 又要趕返學, 今晚上電腦, 返到去又要做功課即堂交...
做完見仲有好多人都未做完, 就出左去睇人打排球...
d女仔打波真係慢半拍咁, 唔多精彩...
但我就聽到隔離d人係咁評論佢地, 但唔係評論球技囉!
係評論邊個靚d... 哈... 男仔就係咁! 睇左成半個鐘先入番去...
今日教Powerpoint, 都好似幾易用, 不過下堂又要做功課!
唉... 得閒無o野做咩? 日做夜做......
準時放學返屋企, 阿媽留左勁多"送"比我, 食到勁飽呀!
邊食修邊爭取時間睇"阿旺正傳"啦! 有時開心下幾好, 輕鬆d...
宜家都成12點半喇! 聽朝要早起身, 要準時9點鐘去到地盤睇o野!
好眼訓呀! 聽晚又要返學... 頂唔順喇!

>>November 1, 2005 at 4:27:24 PM GMT+8

2005 年 10 月 30 日 星期日 【微冷】

星期一, 最唔鍾意o既一日...
因為放完假第一日返工!
成朝都唔係做左好多o野, 手頭上o既o野好似開始無咁多,
簡唔中我仲上網偷下懶添, 唔知我可以維持幾耐呢?
下晝一個人去左食開間餐廳, o係果度諗起佢,
今日o岩o岩好分開左3個月,
3個月前我比自己3個月時間去忘記佢... 但係我仲未做到!
唔知佢近來點呢? 不過... 我知佢應該生活得比我好...
我覺得自己好唔大方, 我都唔鍾意自己lee個缺點!
3點鐘我就o係公司出發去地盤, 去到班師傅o岩o岩tea緊,
地盤有個不成文o既規定, 就係有下午茶時間, 所以幾好架!
6點就準時走lu... 返到學校o岩o岩好6點9, 搵緊位o既時候,
有個之前傾過幾句o既同學仔叫我個名, 無端端叫我我都無為意,
阿sir成差唔多7點先o黎, 上左一個鐘就頂唔順,
出左去行個圈, 順便睇人o係操場打排球, 我足足睇左成3個字,
返到去竟然要做M.C., 個同學仔仲同我講有M.C.做,
仲話幫我"羅"埋添, 我都無為意講左聲唔該, 但佢唔係同我同檯架喎!
廿條M.C.竟然比成個半鐘我地做, 駛唔駛呀!
雖然唔簡單, 但個半鐘好似比阿sir偷懶咁喎...
臨放學前, 個同學仔竟然突然問我"返屋企食飯呀?"
我都無為意答左佢"係呀!" 到放學o既時候, 佢又問多我一次,
我開始個心有個疑問, 點解佢好似淨係問我d私人o野咁o既,
又諗起上堂上電腦堂, 上上下堂, 佢突然轉個頭第一次同我打招呼!
佢問左我咁多o野, 我開始諗佢係咪...... 鍾意...... 我估唔係呀嘛!
放學打比EVA姐, 佢本來叫我今日落Bar過萬聖節,
不過今日禮拜一, 聽日又要返工、返學... 佢話介紹d靚女比我識喎!
下次有機會啦, 我鍾意禮拜六happy hour多d, 因為第二日可以休息呀嘛!
我將個男同學o既事講左佢, 佢仲笑我添... 頂! 我真係驚架!
不過可能佢真係想識我lee個好人o既同學仔掛...
返到屋企, 電話就響, now寬頻打o黎搵我, 話送6個月寬頻電視比我喎!
有無咁大隻豬"拿"通街行呀! 本來好想登記架... 不過佢要我身份證no.,
我話我點信你呀! 佢就比左個公司總機電話同職員no.我, 仲有比埋個直線我,
我就話咁我轉頭打o黎先登記啦! 點知打去個總機錄音話過左辦公時間,
打直線我又唔信得佢過, 所以我上網搵查詢電話, 打左去問佢個總機係咪咁多號,
佢叫我放心無問題喎! 不過我都係唔係咁放心,
所以聽日先打去總機等人接過去好過... 我真係細膽, 又要驚, 又要想申請!

＊表妹們... 妳地唔覺得舊歌有味道d o既咩?
　所以我日記成日都用舊歌就係咁喇! 成日掛住貪新忘舊唔得架!
　仲有呢! 比人睇住打日記個心真係唔知點咁架... 妳要體諒下喇!

>>October 31, 2005 at 5:29:47 PM GMT+8

2005 年 10 月 29 日 星期六 【晴】

嘩... 今日訓到成點鐘先肯起身!
都唔知點解咁好訓, 唔係見到個鐘成點鐘, 我都唔會起身...
出到廳都已經無晒人lu... 不過阿媽就煮定Lunch留比我!
呵... 真係好唔駛自己煮! 邊食邊睇禮拜5 o既"阿旺正傳",
睇完就睇"早熟"vcd, 其實個劇寫得都唔錯,
薜凱琪又靚女, 我都睇到好感動,
不過我覺得d年青人睇完都無咩特別感覺架喇!
兩個人生活真係唔係想像中咁易! 唉......
睇完都成4點鐘lu... 入房online, 諗住on完line溫書,
點知幫阿姨燒完碟都差唔多6點鐘,
要換衫過阿姨度食飯, 順便"羅"隻DVD教表妹點錄!
今晚d"送"全部都有菜, 又無d色澤...
連油都落少滴, 駛唔駛咁驚肥呀! 日日都係咁真係無咩人生樂趣lu...
今晚返到去又要燙衫, 如果有老婆幫手燙就好喇! 哈哈...

>>October 30, 2005 at 12:26:15 PM GMT+8

2005 年 10 月 28 日 星期五 【晴】

禮拜六... 好開心! 因為又週未, 可以放假!
雖然本來返半日, 但係真係勁多o野又唔夠時間做喇!
所以下晝開左O.T. 今個月又多半日人工... Yeah!
本來今日預左成日都係o係公司做文件o野架喇!
點知一早一個電話, 又係d麻煩o野! 搞到好唔開心!
係咁做、係咁做... 做到成3點幾先走去食o野...
真可憐! 食完都成4點鐘... 然後去左地盤睇一睇!
我今日都無諗過落地盤, 所以著左對新o既白色Converse...
新鞋真係唔係幾捨得著去地盤, 最重要因為白色, 唯有小心d啦!
睇晒d o野都5點半lu... 就決定早d走!
今晚上阿姨度食飯, 上到去本來都好寧靜o既!
大表妹仲好唔客氣咁叫我自己"羅"部新o既DVD錄影機幫佢地駁,
哈... 好似當自己屋企咁! 點知二表妹返o黎之後, 3個女人就係咁講o野,
3個女人真係一個墟, 我就係咁幫佢地駁機, 駁完就set台,
點知set極翡翠台都做唔到第一台, 表妹叫我算喎!
但係我份人比較完美, 係都要set到為止, 但最後都唔知點搞!
走之前問表妹"羅"左d英文會考參考書, 勁多本...
我睇見就已經無心機, 又開始擔心, 我有考試恐懼症!
"羅"左5本走, 本本都成寸厚, 都唔知自己有無咁好恆心添...

>>October 29, 2005 at 4:07:45 PM GMT+8

2005 年 10 月 27 日 星期四 【晴】

今朝本來要去地盤開會, 不過我又放左飛機無去到!
唔係我唔想去, 我真係好多o野仲未做,
又要lee樣又要果樣... 禮拜一、二、三夜晚又要返學...
我真係開始覺得唔頂得幾耐, 我好想去旅行散心!
聽日雖然係禮拜六, 我諗我下晝都要開埋工架喇...

Lunch一個人去左麥記食, 有時覺得一個人好寂寞,
但多人我又覺得自己唔多講o野, 我都唔知自己想點!
食完返到去做到3點, 就落左去地盤...
落去又煩, 唔落去又煩, 我真係覺得頭都爆!

夜晚約左Carman食飯, 佢講補祝我生日喎!
我都唔係幾好意思, 佢記得我生日, 但我又唔記得佢生日...
係聯合等左佢成4、5個字佢先到, 企都企到腳軟!
本來諗住買衫o既, 點知睇唔o岩,
睇中左條褲180蚊我覺得貴左少少, 最後我都買左!
之後陪佢去左花園街睇衫, 睇完就去左女人街搵o野食,
佢係咁叫我諗, 我都無主意o既, 點諗呀!
最後都係佢揀左食日本o野, 食完都唔記得多謝佢添!
食完都9點幾, 行左陣女人街, 我買左條10蚊o既布帶,
勁抵呀我覺得! 買完就去左波鞋街睇波鞋比佢男朋友!
行左幾間佢就睇中左對Nike, 349蚊...
佢問我好唔好睇, 我就好坦白話唔好睇, 不過佢都係買左!
之後去左眼鏡88睇眼鏡, 配副新要$288...
但係"羅"我副舊眼鏡換鏡片只係要$160,
我又睇唔o岩d鏡架, 所以都係換鏡片算數!
又唔見左160蚊... 個驗眼師仲話我深左成倍,
之前左右都係100度, 宜家成200度...
唉... 點解會咁架! 佢話宜家我要成日戴番添呀! 點算呀!
之後去左瓊華睇衫, 佢見到d波鞋都係差唔多價錢,
就係咁講... 嘩! 價錢差唔多, 但靚咁多! 早知o係度買啦!
佢又"羅"對鞋出o黎睇, 左睇右睇, 又話越睇越醜樣...
女人真係善變, 我一早都話唔好睇架啦!
佢又話唔覺... 哈! 真係頂佢唔順呀!
睇完都差唔多11點喇! 陪完佢搭車, 我就搭巴士...
等左成3個字先有巴士, 過左幾個站有個姐姐抱住個BB坐左o係我對面,
個BB都幾醒, 識戚起兩條眉同我玩... 我真係好意外!
唔知我幾時有個咁醒o既細路仔呢? 哈哈...

>>October 28, 2005 at 6:06:10 PM GMT+8