2005 年 11 月 25 日 星期五 【晴】

今日終於可以返半日, 仲可以早左半個鐘o係銅鑼灣走添...
走o既時候有個心想開埋下晝做公司o野,
但係... 都係得個諗字! 返到屋企得自己一個,
自己煮飯食, 無無聊聊又打機...
唉... 無所事事都幾辛苦!

>>November 26, 2005 at 1:44:26 PM GMT+8

2005 年 11 月 24 日 星期四 【微冷】

由朝到晚我都覺得好煩... 點算好呢?
好想有人可以幫我分擔下, 邊個可以呢?
夜晚帶左個以前公司同事到我公司見工,
個結果係... 請左!
可能係我介紹o既關係, 同埋老闆又信得我過...
就咁傾兩句就ok無問題, 兩個禮拜後返工!
不過我希望佢會早多幾日返啦!
又唔知辭左職果個決定留唔留低...
如果真係唔留, 我又要幫手跟埋d o野!
其實我都覺得做lee份工好辛苦又大壓力,
不過無壓力又學唔到o野, 出到去可能搵唔返咁o既人工!
同埋lee個老闆都幾好人, 又幾信任我...
總之我覺得無左lee個老闆都無宜家o既我喇! 衷心o既多謝!

>>November 25, 2005 at 2:51:20 PM GMT+8

2005 年 11 月 23 日 星期三 【微冷】

第一次睇旺區o既地盤真係有d唔習慣, 除左朝早果幾個鐘無咩人之外...
成日都有勁多人係地盤門口行, 銅鑼灣真係多人d o既!
唉... 好煩... 香港生活真係壓力大d... 為左搵兩餐咩都要做...
今日係地盤撞到IVEo讀書o既同學仔, 佢又會咁o岩係果個地盤做!
香港真係細, 咁都會撞到... 唔夠6點我就放工lu...
之後上左阿姨度食飯, 大表妹去左廣州唔知IVE d咩交流!
二表妹又好忙, 7點幾就要出佐敦補習!
三表妹就7點鐘先放學返o黎, 返到o黎仲要勁icq同煲電話粥!
如果係我細妹, 一早就比我鬧左好耐lu... 唉......

>>November 24, 2005 at 4:27:49 PM GMT+8

2005 年 11 月 22 日 星期二 【微冷】

本來前兩日約好左今朝一早落地盤搵師傅,
唔知佢放左我飛機, 好彩去之前打個電話比佢...
唔知落左去傻下傻下就浪費晒我d時間喇!
朝朝硬係有意想不到o既工作, 我d工作都唔知幾時先做得完!
上個月買果對白色converse已經開好黃黃地添,
下次都係買膠o既好d, 布o既洗完好似會變黃... 唉!
放工時入左老闆房同老闆傾左幾個字, 都係傾番阿達走o既問既!
老闆話加我人工叫我跟埋佢d o野, 我第一句就話唔係錢o既問題...
我根本就無咩時間, 3個project我真係跟到死下死下, 做到都無咩心機!
我就提意叫老闆請番兩個幫手仲好啦! 老闆都覺得我提意唔錯,
叫我睇下有無人介紹下... 人就無o麥邊幾個架喇! 因為我都係得一個人選姐...
我叫左阿Ken lee兩日上o黎見工試下, 反正人工高d, 不過真係好多o野做囉!
同老闆傾到成6點9, 又要趕返學! 唉... 又遲到lu...
阿sir今日講左7/12同14/12考listening and speaking!
唔知點解我都唔係好驚... 希望比我想像中易啦!

>>November 23, 2005 at 4:45:24 PM GMT+8

2005 年 11 月 21 日 星期一 【微冷】

今朝如常出門口, 落到樓下就搭小巴...
點知行到半路先記得我今朝唔係返公司先,
應該要出九龍城傾d o野, 搭錯車...
唯有改變行程去第二個地盤先啦! 又係咁, 成日唔記得d o野!
食埋飯先去第二個地盤, 搞到3點幾先走返公司做o野...
成日凝住好似仲有好多文件o野未做咁, 係我多心定係真係唔記得d o野呢?
差唔多6點, 阿達先返o黎, 我都諗到咁遲都返o黎緊係同老闆講辭職架喇!
我都諗住等佢講埋, 睇下老闆會唔會叫我入去開會架喇!
點解我都無等到, 因為今晚要返學... 後尾打番比佢, 佢話老闆都有留佢...
不過除非真係加佢3成人工啦! 如果唔係我諗佢都唔會留低囉!
最衰我聽朝唔返公司啦! 要下晝先返, 不過我諗返到去老闆實搵我傾計喇!
如果真係要我跟埋果幾個project, 我真係無咩能力跟喇!
就算加我1倍人工, 我都無時間跟, 日日都出街...
又要開會、又要決定好多o野、又要做文件o野、又要畫圖...
最慘係唔止跟緊1個project, 跟3個... 姐係樣樣都要乖3... 諗起就唔開心喇!
再過多幾個禮拜IVE又話要考試, 都唔知點死好... 好煩呀!

>>November 22, 2005 at 4:12:38 PM GMT+8

2005 年 11 月 20 日 星期日 【颳風】

今朝唔願起身, 係張床麼左成半粒鐘, 8點3終於起身lu...
換衫又唔知著邊見好, 三心兩意... 搞到9點鐘先出門口!
一開電話, 就有3大個留言, 3個都係同一個人...
原來琴日有大件事, 但因為我無開電話, 所以唔會煩到我!
唉... 我都唔知下次放假開電話定唔開電話好!
做得lee個位, 其實好應該無時無刻都開電話, 但係...
放左工都要煩公司o野真係好辛苦! 唉... 真係煩呀!
朝早真接出左銅鑼灣個地盤, 無返到公司!
有時無咩做出下地盤都幾好, 一來都係行行企企!
二來最多都係叫人做o野! 不元來仲可以無時無刻偷下懶添!
不過今朝就要自己落手去做, 因為無師傅o係度!
唯有自己去周圍搵掣, 都唔知係咪平時小做o野,
關果d水喉掣都關到我手痛! 11點就走人返公司...
做到點半先去食飯, 去番食開間餐廳, 唔知點解突然諗番起佢!
諗番由開始認識到之後閃電拍拖, 再由開始好甜蜜到最後分手...
我諗我應該放低左佢lu... 但我有時又會諗起一d關於佢o既o野!
分左手差唔多4個月, 我都無打過比佢, 我都覺得我好似好小家咁...
我希望我有機會會打比佢啦! 不過我唔知可以講d咩姐...
夜晚要返IVE, 一返到去無幾耐就開始眼訓, 結果我諗左差唔多成粒鐘!
嘩... 真係唔多掂! 好鬼"支力"! 阿sir講書我又唔明... 我真係無咩興趣...
o黎緊仲話要測驗考試添! 今次大鑊喇... 真係要神仙打救lu...
放學撞到個一齊讀IVE o既同事, 佢話唔做喇喎! 最慘係我帶佢入o黎!
做左幾個月又話唔做, 我都唔知點同老闆交代!
一早知係咁, 我就唔介紹佢入o黎啦! "羅"o黎搞......
之後打比EVA姐同佢講阿達唔做o既消息,
佢仲同我講左好多我o既私人o野... 我好似無講過佢聽架!
原來佢睇我日記, 我唔知點解我唔會諗人地會睇我日記然後知我o既o野!
同埋近排記性又唔多好, 有時講過d o野真係唔多記得!
我好似仲好候生咋喎! 點算好呀!

>>November 21, 2005 at 4:24:14 PM GMT+8

2005 年 11 月 19 日 星期六 【微冷】

今朝竟然訓到成2點鐘, 個人真係好"支力", 好想繼續訓,
不過我知訓得多唔係咁好... 起身屋企無晒人,
阿媽今日去左樓下搞o既一天團, 不過佢出門口前都有煮定o野食!
所以我有lunch食, 食完就睇番琴晚錄左o既台慶, 有d場面都幾感人...
之後online睇報紙, 睇完就打好耐無打o既PS2!
細佬唔知o係邊度"羅"左隻龍珠game返o黎, 我記得細個好鍾意睇龍珠架!
宜家打番都有好多o既回憶, 時間真係過得好快, 話咁快已經廿幾歲人喇...
5點幾"羅"左包朱古力消化餅出o黎, 點知食下食下, 就食晒成包lu...
食完都覺得幾熱氣添! 所以打完機就食左碗粥, 希望降下火啦!
差唔多9點鐘阿媽先返, 我就開始睇電視...
睇左套7年之癢, 好普通, 無咩劇情... 港產片真係差少少!
唔知點解對眼成日都好"支力"咁, 今晚又要早d訓, 聽晚又要返學...

>>November 20, 2005 at 3:49:32 PM GMT+8

2005 年 11 月 18 日 星期五 【微冷】

成朝係咁勁執catalogue, 執幾個鐘都執唔晒! 做到點幾就走lu... 其實好想繼續做落去, 不過要幫阿媽去阿叔度借車! 次次上親去我都會諗... 我一定要賺多d錢, 好似佢咁住半山! 住洋樓養番狗... 都好耐無"渣"車喇! 不過手車都係咁得... 哈哈... 首先"渣"車入返大圍接阿媽, 之後就出馬"安"山, 入到去都3點幾,之後先食我o既lunch,阿媽就唔知係邊度"羅"部HiFi返屋企... 4點幾就開車走, 出上環... 點知行錯路, 入左大老山繸道出彩虹, 我真係唔多掂, 不過行海底繸道都無行錯,去到上環都5點幾lu... 阿媽就買藥材海味, 買到7點幾"羅"成幾袋先肯走! 之後諗住o係旺角搵位泊車食飯, 點知搵極都搵唔到, 最後就出左太子食, 不過30分鐘就要入1次錶, 真係幾麻煩! 送阿媽同d貨物返屋企, 之後就"渣"番架車去何文田比阿叔, 搞掂都成11點lu... 1個人行落山, 真可憐! 其實買架車唔難, 最難係要養佢, 養車仲貴過養老婆, 咁我寧願養老婆喇! 哈哈...

>>November 19, 2005 at 5:06:11 PM GMT+8

2005 年 11 月 17 日 星期四 【微冷】

今日o係地盤等人等左半日, 浪費晒我d時間!
搞到我3點幾先返到公司, 做番我自己應該要做o既o野...
做得個少少, 聽日禮拜六, 我已經唔想再返full day喇!
上個禮拜已經開足禮拜六同日, I feel so tired...
夜晚上左阿姨度, 借左個旅行袋比大表妹,
連我自己都未用過架! 不過唔知o岩唔o岩佢口味姐!
二表妹話想睇Twins演唱會, 但佢又唔請我睇, 仲要我請佢添...
除左我都無邊個陪得妳睇喇喎... 想睇就要付出多少少架喇! 哈哈...
唔知點解今日對眼好鬼"支力"咁, 今晚要早d休息, 聽日又要辛苦過!

>>November 18, 2005 at 3:48:52 PM GMT+8

2005 年 11 月 16 日 星期三 【微冷】

琴晚成兩點訓, 今朝勁眼訓...
唔知點解夜晚勁唔眼訓, 仲好鬼精神咁添!
9點7、8先返到公司, 一心諗住今日可以開始做自己o野,
點知又要幫同事將中文譯做英文, 跟住令外一個又要我幫佢執catalog!
頂... 咁做法! 真係會做死我架! 搞到我都無晒心機...
Lunch同個同事食飯, 佢話過左3個月試用期老闆加佢一千蚊少喎!
唉... 我都唔知佢諗咩! 當初介紹佢入o黎個時都係講明加5百...
宜家老闆話加佢1千都lee樣果樣, 佢會唔會貪左d呢?
又話勁辛苦, 又話要轉工... 我一早都提左佢會勁多o野做架啦!
做到差唔多7點就走lu... 我真係唔想留o係公司lu...
上到去阿姨度, 表妹就好奇咁話新衫喎! 哈... 佢地好似大驚小怪咁!

>>November 17, 2005 at 3:29:49 PM GMT+8