2005 年 12 月 4 日 星期日 【乍雨乍晴】

天文台又話今朝會好凍... 但係我都唔覺o既!
今朝直接約左人10點鐘去灣仔開會... 我又可以偷懶遲d出門口喇!
不過去到成朝都係淨係聽人講o野, 我都無講過10句o野...
唉... 我都唔知出現o黎做咩! 仲話個個禮拜一繼續開... 但我唔鍾意喎!
開完會都成點鐘, 本來都想食d o野先落地盤...
但係經過d餐廳都勁多人, 我又唔鍾意勁多人o既地方...
行下一間、行下一間... 我又唔想食野麥記同KFC...
最後都係去完地盤先算lu... 睇完o野都兩點幾!
但係d餐廳都係勁多人, d人唔駛做架? 又話經濟不景喎!
最後都係選擇左返旺角食, 返到去真係差唔多可以食下午茶lu...
唔知點解... 今日feel到自己好似遊魂咁! 魂不附體o既感覺!
唔知係咪前兩日傷風成日食藥o既關係呢? 唔多掂!
夜晚又要返學... 都唔知阿sir教咩, 聽完等於無聽過...
我都唔知點解我會揀o黎讀, 如果唔知對我工作有幫助, 我都唔會揀囉!
我近排真係覺得辛苦囉! 好多好多o野..................... 好煩呀!

>>December 5, 2005 at 4:12:42 PM GMT+8

2005 年 12 月 4 日 星期日 【乍雨乍晴】

天文台又話今朝會好凍... 但係我都唔覺o既!
今朝直接約左人10點鐘去灣仔開會... 我又可以偷懶遲d出門口喇!
不過去到成朝都係淨係聽人講o野, 我都無講過10句o野...
唉... 我都唔知出現o黎做咩! 仲話個個禮拜一繼續開... 但我唔鍾意喎!
開完會都成點鐘, 本來都想食d o野先落地盤...
但係經過d餐廳都勁多人, 我又唔鍾意勁多人o既地方...
行下一間、行下一間... 我又唔想食野麥記同KFC...
最後都係去完地盤先算lu... 睇完o野都兩點幾!
但係d餐廳都係勁多人, d人唔駛做架? 又話經濟不景喎!
最後都係選擇左返旺角食, 返到去真係差唔多可以食下午茶lu...
唔知點解... 今日feel到自己好似遊魂咁! 魂不附體o既感覺!
唔知係咪前兩日傷風成日食藥o既關係呢? 唔多掂!
夜晚又要返學... 都唔知阿sir教咩, 聽完等於無聽過...
我都唔知點解我會揀o黎讀, 如果唔知對我工作有幫助, 我都唔會揀囉!
我近排真係覺得辛苦囉! 好多好多o野..................... 好煩呀!

>>December 5, 2005 at 4:11:26 PM GMT+8

2005 年 12 月 3 日 星期六 【微冷】

朝早10點幾就聽到鬧鐘響, 唔知係細佬定係阿媽無熄到鬧鐘!
我太懶, 照訓... 最後第二o既細佬頂唔順走左去熄...
過多半個鐘度, 又有鬧鐘響... 但我已經再訓唔到lu...
可能琴日下晝訓得太多, 所以11點就起左身!
傷風又未好番, 不過都好過琴日少少架喇!
無咩胃口, 食左阿媽煮o既米粉同粥...
12點幾屋企又無晒人lu... 自己一個又無咩做...
online... 打PS2... 睇雜誌... 好鬼無聊...
禮拜三考listening, 本來想溫下d生字, 但又無咩心情!
唉... 今次真係考天才喇! 幾時先會勤力d呢?
宜家都8點幾lu... 9點要睇"無間道2"... 睇完都11點...
姐係又唔駛溫啦! 反正仲有幾日時間, 我都唔太擔心o既!

>>December 4, 2005 at 12:45:33 PM GMT+8

2005 年 12 月 2 日 星期五 【晴】

今日禮拜六, 咁快又一個星期o既終結...
今朝見天氣唔係咁涼, 所以就咁著左件長袖T-shirt返工!
唔知係咪o係火車涼親, 返到去係咁流鼻水...
唉... 搞到個鼻勁唔舒服... 11點幾頂唔順...
食左粒傷風藥, 本來都唔想食, 因為都未食o野!
12點幾就想返屋企, 真係頂唔順...
不過我係勤力o既員工, 當然等到夠鐘先放工啦!
搭火車返屋企, 一上車feel到好"支力"...
本來諗住轉小巴返屋企, 不過諗諗下行返去當做下運動囉!
返到去沖完涼就煮麵食... 食完睇左陣電視就恰著左... 約魚...
果時兩點幾... 唔多掂... 真係要上床訓一陣!
一訓就訓到夜晚8點... 訓緊果陣仲好似有人打過我手機...
不過講咩就唔多記得lu... 記性好似差左...
起身成屋都無人, 咪自己煮o野食囉! 真可憐!
點知轉個頭阿媽返o黎買左飯比我, 係就一早話我知呀嘛!
近排脾氣唔多好, 講兩句唔鍾意就好容易發脾氣...
好似無人體諒到我近排壓力大左咁, 我真係唔想捱lu...
現實社會中... 錢對人o黎講係咪好重要呢?
雖然個個都講, 錢買唔到快樂...
但係現實社會, 我真係覺得無錢真係萬萬不能囉!

>>December 3, 2005 at 4:07:41 PM GMT+8

2005 年 12 月 1 日 星期四 【晴】

今朝一早出銅鑼灣, 搞左兩個鐘就去人lu...
返公司前蛇左一陣, 買埋KFC返公司食!
唔知點解唔想係街食, 可能覺得開始悶掛...
返到邊食邊上網, 足足上左兩個鐘先做o野!
好勤力咁由兩點做到七點鐘先走,
放工上左阿姨度食飯, 9點幾先走人...
搭小巴時覺得成個人都"支力",
好彩聽日禮拜六, 應該做半日就收工!

>>December 2, 2005 at 3:28:02 PM GMT+8

2005 年 11 月 30 日 星期三 【晴】

近排好訓左... 可能個人"支力"啦...
搞到朝朝兩個鬧鐘都比我"禁"停幾次先肯起身!
唔知點解... 近排好驚人地問我工作上o既o野...
尤其問我果d技術上o既o野, 因為我始終都係o岩o岩學!
好多都未明, 所以我次次答親人o既答案都係"唔清楚"、
"要check下先知"又或者"轉頭答你"等等...
d記性又唔多好, 有時都覺得自己幾無用!
成朝雖然都係坐o係公司做o野, 但又唔係好多實質o既o野做左出o黎!
我已經要開始寫低每個地盤有咩要做喇! 因為實在太多o野, 驚會做漏!
Lunch太子請飲茶, 都食得幾飽添! 原來公司其他人仲未知阿達會走...
但我今日已經講晒比人知, 人係我帶佢入o黎, 但做左幾個月又要走!
搞到我係其他同事面前都唔係幾好意思! 慘情...
4點幾出左紅磡, 轉左個圈又放工lu... 夜晚阿公唔知幾多歲o既大壽...
約好左阿姨表妹一家人、表弟同自己一家去旺角食飯,
點知6點鐘表妹佢地都未出得門口, 阿公又無咁早到,
搞到自己一個on居居返番公司搞左陣o野先走,
7點幾先等到阿公、表弟同細佬, 佢地唔識去, 要勞煩我帶佢地去!
比左幾百阿公當生日禮物, 唔知點解佢好似好開心咁...
最後食左2千幾, 不過都勁多o野食! 不過例牌都係食乳豬、龍蝦、魚翅......
今晚應該會幾好訓, 因為飲左兩杯, 忘記晒d煩o野...
搞到10點幾先返到屋企, 兩日阿旺都未睇, 轉頭睇埋佢!

今日好開心, 因為股票賺左錢...
仲要比阿姨知道講埋比阿媽聽添!
搞到阿媽問我"羅"錢去旅行!
唉... 都唔知夠比佢去定比我去...
都係遲d送番部電話比佢啦!
不過買左先話佢知, 應該會開心d o既...

>>December 1, 2005 at 4:01:54 PM GMT+8

2005 年 11 月 29 日 星期二 【微冷】

琴晚發現左d o野, 但唔知係咪我諗多左...
不過我見到覺得都開心o既,
起碼我知果樣o野無同我一樣, 一齊消失!
希望妳會繼續keep住啦!
但我唔會o係度講我講緊d 咩囉! Sorry......

今日返到公司, 公司分配唔到人比我去我個地盤!
唉... 結果緊係o係咁比人打o黎追我啦!
又要我今日一定要死掂比佢... 咁搞法... 我真係無咩命lu...
最後下晝好彩比到個人我, 再加上夜晚再搵多兩個開O.T.應該都搞掂!
下晝去左銅鑼灣開會, 我真係頂唔順個顧問,
樣樣o野問佢, 佢淨係識推來推去, 又串... 好憎佢!
開完會都5點幾, 又要趕去九龍城睇下班師傅搞唔搞得掂...
去到都6點, 睇到6點半又要趕返學... 身心疲累...
下個禮拜三要考listening, 話咁快又考試! So poor...
放學約左EVA姐食宵夜, 佢請... 多謝晒!
佢講起新年去旅行, 本來都好彩去, 但一諗起新年去旅行會貴好多...
我就打消左個念頭lu... 都係留番淡季去平好多!
送埋佢去搭巴士我先去搭巴士! 嘩... 架巴士勁耐先o黎!
搞到我成11點半先返到屋企... 沖埋涼連阿旺都未睇就online打日記!
唔知點解果日唔打日記好似唔多安落咁...
不過打埋d無聊o野, 悶親人lu... 都唔知有無人睇o既!

>>November 30, 2005 at 4:50:54 PM GMT+8

2005 年 11 月 28 日 星期一 【陰晴不定】

地盤d人叫我今日9點鐘落到去, 但係我8點10先出門口!
唉... 我開始都無放果d人係眼內, 因為佢地真係亂咁up...
落到樓下搭小巴, 又見到靚靚o既小學同學!
我都唔得問佢點叫佢好, 叫中文全名好似唔多掂咁...
不過大家又唔係咁熟, 成程小巴加火車都唔係講左好多o野!
講真... 成十幾年都無聯絡, 都無咩好講...
其他個d同學仔都好似消失晒咁lu...
見番一個, 仲要大家都認得大家已經好好喇!
同佢一齊o係紅磡落車, 我就去地盤...
今日成日地盤都無咩人, 風涼又水冷!
因為今日有政府官o黎睇o野, 但我都唔知點解我都要o係度...
我地做地盤一小part o既o野之嘛, 但我足足同師傅企足成日!
除左食飯坐左陣, 其他時間唔係行就係企...
搞到我放工對腳勁"支力", 行路都扯住扯住咁! 我咁樣一定做唔到sales啦!
放工之後要返學, 唔返到學校都無電話打o黎,
仲要勁多個... 好鬼煩! 打o黎又話lee度趕, 再唔係就等人用...
唉... 公司人手又唔係我分配, 問人"羅"人又無咩反應,
淨係識話無人, 唔夠人... 咁我d o野點算呢? 我d o野都好趕...
人地又要追我叫我落多d人... 我夾係中間真係好慘, 又話唔到事!
搞到我成晚上堂都無心機, 淨係覺得好煩好煩+好煩...
我真係做到無咩心機lu... I feel so so so tired...

>>November 29, 2005 at 4:23:50 PM GMT+8

2005 年 11 月 27 日 星期日 【晴】

琴晚都唔知做咩o野, 已經點幾走上床訓, 但o係張床度碌來碌去都訓唔著...
到3點幾訓下又醒下咁! 係咪心靈上有d o野呢? 定係日頭訓得太多呢?
人就係咁... 夜晚又唔願訓, 朝早又唔願起身!
近排我都懶左, 日日都差唔多成9點先出門口返工...
今日成日都係公司做o野, 唔知點解日日緊係有新鮮o野搵我!
唉... 個頭痛到好似麻木晒咁! 係咪我睇得太灰呢?
可能我係一個比較悲觀o既人啦... 凡事都向唔好o既一邊諗左先!
5點幾EVA姐打o黎, 問我去迪士尼去成點喎! 唉......
佢又唔update下, 睇下我個日記喎! 淨係識掛住個衰人唔得架...
夜晚返學, 成堂都好比心機做paper... 個阿sir又唔教人點做!
淨係識叫人睇下先啦! 幾千蚊學費... 如果我一睇就明又唔駛請佢啦!
結果3個鐘o岩o岩好做得晒份堂課, 仲要左抄右抄, 真可憐!
讀書唔緊要... 好慘係要考試! 我最唔鍾意就係考試...
如果可以淨上堂就"羅"到張Cert.幾好呢!
大表妹話想搵個o係迪士尼做o既男朋友... 咁先唔好啦!
雖然可以免費去迪士尼, 但係成日去都悶啦!
同埋個男朋友成日去到咁遠做都無咩時間陪妳啦... 時間又長!
所以諗下好喇! 唔好成日發米奇老鼠夢喇... 哈哈

>>November 28, 2005 at 4:37:59 PM GMT+8

2005 年 11 月 26 日 星期六 【晴】

禮拜日無節目... 12點幾先起身...
成屋又無晒人, d細佬返晒工、阿媽就返左大陸!
好耐無都無煮出前一丁食lu... 如果阿媽係度就好喇!
因為實有o野食呀嘛... 食完就打PS2, 打到4點幾...
就上床訓覺... 訓到6點阿Ken打番比我,
話決定左會o黎我公司做! 哈... 又多個熟人喇!
不過最快都要下個禮拜頭先得, 希望我介紹lee份工比佢會幫到佢啦!
講完見咁早, 當然繼續訓啦! 訓到7點先起身...
夜晚個餐當然又要自己煮啦! 煮唔難, 我最憎就係洗煲同洗碗...
所以第日個老婆一定要鍾意洗碗! 哈......
夜晚就睇左套豪情, 不過打晒格仔無o野睇!
Now電視d片真係新d架喎! 有線果d播完又播都係d舊片...
大表妹打比我話聽日迪士尼取消喎!
唉... 我已經聽晒電視講做足準備喇喎! 下次有機會再去啦!
講真... 我聽日都比較多o野做, 可能取消左對我o黎講係好事!
一心諗住聽日放假, 宜家又要返工... so poor!

>>November 27, 2005 at 3:46:43 PM GMT+8