2005 年 8 月 18 日 星期四 【雨】

今日8點鐘o岩o岩起身地盤就打o黎追我o野!
頂... 頂... 頂... 真係頂唔順......
出門口o既時候又唔係幾想"羅"遮,
之不過落緊雨, 無計...
9點先出門口, 9點9先到地盤, 真懶惰!
行來行去, 等到11點半先開大會, 真可憐!
開個9個字, 講少少o野, 真浪費時間!
食完飯又要返去搞o野, 搞到6點鐘先走,
開頭仲諗住返公司, 但結果比魔鬼打贏天使,
魔鬼叫左我返屋企... 沖完涼食完飯返左入房對住部電腦,
好鬼無聊, 又無o野做... 又諗起d o野! 點算好呢?
我好似知道自己應該點做好, 只係自己仲未面對到!

>>August 19, 2005 at 2:11:31 PM GMT+8

2005 年 8 月 17 日 星期三 【乍寒還暖】

今朝阿媽出門口話我唔帶遮,
我諗住都無落雨, 咪唔帶囉!
點知落到樓下唔夠兩分鐘就開始落微雨,
我仲諗住無o野o既, 一陣就出太陽...
點知... 當排隊等小巴出火車站o既時候,
d兩好似開始越落越大, 又無小巴...
點知前面果個姐姐轉頭見到我無遮,
就話遮埋我... 嘩! 我真係第一次遇到咁o既真人真事咋!
落小巴o既時候佢仲等埋我遮我入埋火車站添...
佢真係好人呀! 我都唔係幾好意思添...
夜晚我去左IVE交入學表, 交左成差唔多8千蚊1年,
真係貴... 仲要唔係我最想讀果科!
不過無計啦! 鬼叫我無學識咩...
點都要頂硬上架喇! 唉................................................

>>August 18, 2005 at 2:58:18 PM GMT+8

2005 年 8 月 16 日 星期二 【乍寒還暖】

今日起身真係唔想返,
但係我諗起如果唔返, 地盤d o野就搞唔掂!
天呀! 我幾時變得咁有責任感架!
下晝係地盤見唔到d煩人,
舒服好多... 靜好多... 安落好多...
做到5點鐘就趕返公司做埋d o野,
因為夜晚約左Nicky... 不過我都要做到成7點先走,
7點半先去到黃大仙, 唔知佢有無不滿呢?
去到由佢揀去邊度食, 原來佢一早就諗定...
去到日本餐廳又由佢揀食咩o野, 原來佢又一早諗定...
哈... 都幾好喎! 我咁無主意, 有人幫我諗埋... so good!
食o野時傾左好多o野... 佢早我兩日同男朋友散左,
咁快又拍拖喇! 有無咁快呀! 真係唔公平喇...
不過佢個樣同我8年前o岩o岩同佢一齊o既時候都無咩大分別!
但我覺得有女人味左... 唔同我o岩o岩識佢個時成個細路女咁!
時間真係過得好快, 但係對佢仲有少少特別o既感覺!
之但係我知我同佢唔會再有可能,
我覺得做一個咩o野都可以講o既好朋友就足夠lu...

>>August 17, 2005 at 3:24:29 PM GMT+8

2005 年 8 月 15 日 星期一 【乍寒還暖】

今日好累呀! 成朝都係公司做o野...
下晝就去左地盤, 6點鐘趕番公司...
因為... 夜晚約左...... 大表妹買電話!
我要係公司搞到6點9先走,
表妹就係度傻等......
佢終於都買左, 成4千銀! 佢真有錢!
買完之後我強迫佢陪我"羅" i pod mini....
呵呵... 真係難為佢陪我一齊排隊喇!
之後我地去左電腦中心買o野!
仲諗住幫我個二表妹個靚靚同學仔買cam,
點知收左舖添... 唯有下次自己買過...
之後就去左先達揀電話套,
出到o黎落大雨, 我就揀左行遠d行天橋去火車站喇!
返到屋企都9點半喇... 之後沖完涼先食飯盒!
嘩... 食到好鬼飽呀! 宜家仲好眼訓添.... Z... z... z... Z... z... z...

>>August 16, 2005 at 3:12:07 PM GMT+8

2005 年 8 月 15 日 星期一 【乍寒還暖】

今日好累呀! 成朝都係公司做o野...
下晝就去左地盤, 6點鐘趕番公司...
因為... 夜晚約左...... 大表妹買電話!
我要係公司搞到6點9先走,
表妹就係度傻等......
佢終於都買左, 成4千銀! 佢真有錢!
買完之後我強迫佢陪我"羅" i pod mini....
呵呵... 真係難為佢陪我一齊排隊喇!
之後我地去左電腦中心買o野!
仲諗住幫我個二表妹個靚靚同學仔買cam,
點知收左舖添... 唯有下次自己買過...
之後就去左先達揀電話套,
出到o黎落大雨, 我就揀左行遠d行天橋去火車站喇!
返到屋企都9點半喇... 之後沖完涼先食飯盒!
嘩... 食到好鬼飽呀! 宜家仲好眼訓添.... Z... z... z... Z... z... z...

>>August 16, 2005 at 3:11:26 PM GMT+8

2005 年 8 月 14 日 星期日 【陰】

今日係咁比人追o野! 我真係覺得好辛苦...
一個人做幾百萬樣o野, 手又得一對,
又要出去睇地盤, 人又得一個...
近lee兩個禮拜真係忙左好多!
下晝同阿達去食lunch,
佢o黎左成個禮拜先同佢食得兩次飯...
話晒佢都係新同事+舊同事+朋友...
同佢傾傾下... 講起拍拖... 佢好意外我之前拍拖!
佢講左好多好有道理o既o野, 有好多o野我都覺得佢講得幾岩,
之不過... 我真係無咩勇氣做到!
我係一個船頭驚鬼, 船尾驚賊o既人!
雖然過左兩個禮拜, 但係我仲係好掛住佢...
我唔知要再比幾多時間自己先可以開始忘記佢!
其實我知道自己呃緊自己...
佢可能宜家比以前過得更開心都唔定,
如果真係... 我應該開心o既!
夜晚大表妹請食元綠... 因為佢大個女喇! 18歲...
話咁快就咁大個喇! 我都唔可以再咁白痴同低B喇!
食完之後就去左睇電話... 佢決定左喇終於...
睇見佢買電話我都開心埋一份添! 可惜無貨啦暫時... 真掃慶!

>>August 15, 2005 at 3:51:00 PM GMT+8

2005 年 8 月 13 日 星期六 【陰】

今朝11點幾比阿媽叫起身, 因為今日要去沙田拜山,
1點鐘先出門口, 我都有好幾個月都無去過喇!
3點幾搞完先去食大家o既lunch,
去到大快活要等位, 我最唔鍾意就係要等位,
個個都係食下年茶餐當午餐... 不過我都食得好飽!
之後就去左新城市, 兩個表妹送阿公去搭巴士,
我地就行左陣等大表妹o黎睇電話...
唔知佢諗成點呢... 攪攪下我都想換埋一份添!
係喎... 聽日大表妹生日, 我就無咩送比佢喇!
送個birthday kiss比佢啦!
哈哈... 我o既第一次birthday kiss仲未送比人架!

>>August 14, 2005 at 1:53:50 PM GMT+8

2005 年 8 月 12 日 星期五 【寒冷】

近排幾鍾意lee首歌...

自欺欺人 (方力申/傅穎 Theresa)
曲 : 雷頌德 詞 : 方杰 編曲 : 雷頌德

歌意: 你呃到人，又可唔可以呃到自己呢？既然繼續一齊只係一種習慣，
一種責任，倒不如為大家好些，乾脆完了吧。

女:就算忍　
男:守得了秘密還不安心 原諒我　
女:不懂得再怎麼扮幸運 原諒我　
男:我顧慮成罪人　
女:畢竟總有惻隱
男:知感情完了 扮未發生

女:想開口又沉默 想分手 又難受
終於都 欺騙你欺騙我感受
男:還道歉 說我會補救　
女:怎退後
男:對你說謊 表演夠不夠？

女:這次　
男:又再騙你一次　
女:何不狠心一試
男:太害怕令你變得寂寞
每一次 都裝出我好意
女:擔心得我一個 呆坐到六時
男:別妄想你都講過 別懶惰 要說清楚
女:看 我們正對峙　
懦弱地逃避了事 敷衍都算關注　
男:瀟洒點結束不等於自私
合:分開方可各自開始

女:不想等是時候 不想拖是時候
真不想 欺騙你欺騙我感受
男:誠實說 我愛你不夠　
女:想退後
男:愛到這刻只得責任　
女:不想佔有

女:這次　
男:又再騙我一次　
女:何不狠心一試
男:太害怕害我變得寂寞
我想試 始終不敢亂試
女:擔心得你一個 呆坐到六時
男:別妄想你都講過　
別懶惰 要說清楚
女:看 我們正對峙　
懦弱地逃避了事 敷衍都算關注　
男:瀟洒點結束不等於自私
我為何怕事？

女:沒法拖手　
男:這次　
女:就要揮手　
男:這次 我曾發誓對你好
　 願做你好友 減低一點內疚
女:真心話 我跟你無謂再逗留
男:別妄想你都講過　
別懶惰 要說清楚
女:既決定了告辭 別冒昧來電救治
請收起你心意　
男:瀟洒點結束不等於自私
合:不必假裝血流不止

女:不要　
男:又再詐騙 不要　
女:情深款款
合:不要 留下次處置

>>August 13, 2005 at 3:50:17 PM GMT+8

2005 年 8 月 12 日 星期五 【寒冷】

今日返工都無落雨,
唔知係咪個天知我要出地盤,
11點幾就落勁大雨...
頂... 未去到地盤就濕晒!
左搞右搞就搞到2點幾先走!
仲要係地盤拉親個膊頭! 唉... 真黑仔!
返到屋企無人煮定o野食比我,
但我懶, 乾"趙"福麵就算數...
邊食邊睇"尋秦記", 結果睇到6點幾,
然後就打機... 打呀打... 打呀打...
打到8點幾先煮粥食! 邊煮邊打, 邊食又邊打...
覺得個人都幾無聊... 點算好?

>>August 13, 2005 at 3:29:32 PM GMT+8

2005 年 8 月 11 日 星期四 【寒冷】

今朝偷懶... 9點9先到去到地盤!
等左成個鐘先開大會,
開左個半鐘只係講過幾句o野!
好心就唔好叫埋我去啦! "徙"gas...
食完飯都兩點, 又要返唔想返o既地方...
d大人物左一句, 右一句, 再左一句, 又右一句!
唉... 難為我lee個唔高唔低o既小薯仔(small potato)!
我成日寶貴o既時間就比左個地盤!
唉... 6點幾先走, 腳仔都軟埋!
返工又上左阿楷屋企打機...
可能lee排比較悶啦! 打機o既時候真係幾開心!

>>August 12, 2005 at 2:16:17 PM GMT+8