2005 年 8 月 28 日 星期日 【微雨】

朝早返公司, 都係遲左3、4個字...
唔得! 真係要勤力d先得喇!
10點幾就聽左幾個地盤電話!
唉... 好煩呀! 我真係頂唔順...
11點就比人迫左落去, 落到去都差唔多食飯,
結果我逗留左1個鐘就同個同事去食飯...
但係food court差唔多食完o既時候,
我留意到一個中年o既男人坐係隔離檯,
個時張檯仲未執, 我仲以為個男人等人執啦!
點知轉個頭我就見到個男人食緊喇!
唔知係我睇錯定係佢快手買完,
但我見到碟飯得番唔係好多囉!
我第一個感覺就好嘔心囉! 但諗深一層佢好似好慘咁...
再諗諗下... 我地算係好幸福架喇!
返到公司做左1個鐘又要去側魚涌開會,
開到6點4先走... 搭緊地鐵o既時候就諗係搵表妹放工...
打比佢... 佢已經去到尖沙咀lu... 佢真係好準時放工!
好耐無放工搭地鐵! 嘩... 等3班車先上到車...
有無咁多人呀! 好彩人多都無蝕抵到姐...

>>August 29, 2005 at 3:52:44 PM GMT+8

2005 年 8 月 27 日 星期六 【微雨】

今朝訓到1點... 仲係好眼訓...
但係我知我應該要醒喇!
起身後得自己一個, 刷完牙係雪櫃搵o野食,
比我搵到叮叮飯... 不過我屋企無叮叮, 所以開爐蒸...
邊蒸邊打機, 打到兩點幾表妹打o黎,
問我同唔同佢地出尖沙咀, 我見橫掂無o野做就應承左!
約左3點3大圍火車站等, 但我3點3先出門口,
落到樓下見到阿楷, 佢問我去邊車埋我...
去到火車站都3點半lu... 上到火車仲比阿媽話咁遲!
一落火車阿妹係都要我拖住佢, 唔知佢係唔好掛住我呢?
佢個個都唔跟, 行行下仲要我抱, 手都軟埋...
去到小人國點知執左, 之後去左海港城, 我就諗起佢喇!
因為佢生日就係果度食左一個難忘o既晚餐...
行左陣就去左加連威老道, 因為阿媽同表妹佢地想睇鞋...
點知去度間舖睇左陣都無買到! 之後行去紅磡火車站返屋企...
返到屋企自己煮粉食, 之後節目又係打機, 打到10點幾就入房打日記!
入房先記得自己要燙衫, 唔係聽日無衫揀o黎著喇!

>>August 28, 2005 at 3:16:45 PM GMT+8

2005 年 8 月 26 日 星期五 【暴雨】

咁快又星期六...
一朝早就出地盤, 但係我都係9點9先去到,
偷左9個字懶... 我實在太差勁喇!
朝早約左地盤阿Sir睇我地做o既o野!
唉... 佢發掘左好多問題比我...
頂... 做好左d o野又要我地改...
唉... 個個禮拜都有新鮮o野! 頂... 好煩呀!
12點幾我就決定返屋企lu...
返到屋企只係1點鐘, 都未試過咁早!
夾夾埋埋今日呃左個幾鐘, 個良心好過意唔去添!
沖完涼就煮麵食, 然後緊係睇"尋秦記"啦!
睇到5點幾然後就online, 都無人o既!
6點鐘表妹就icq我叫我去佢屋企食飯,
我好想去架! 但係要行成半個鐘喎... 我實在太懶喇!
所以我都推左佢! 哈哈... 唔知佢有無失望呢?
轉個頭我就落左摟下麥記食dinner,
都好耐無食lu... 順便都想落傾散散步...
一個人真係幾寂寞, 不過我以前都係咁生活o既!
返到屋企得自己一個睇"殘酷一叮", 然後就打機打到12點幾!
我知自己好"支力", 但夜晚總係唔想訓...

>>August 27, 2005 at 5:02:07 PM GMT+8

2005 年 8 月 26 日 星期五 【酷熱】

今朝8點起左身就坐係電視前繼續訓,
好"支力"呀! 訓多4個字先肯去刷牙洗面...
一入房準備換衫就有人morning call,
唉... 真係頂地盤其他公司人唔順!
大佬... 我9點先開工架!
一朝早就落地盤開大會,
等下等下... 等到11點先開會,
仲要一開始講好多唔關我事o既o野,
等到12點幾終於有我份, 不過只係聽左5分鐘就散喇!
食完飯又返去行下, 睇下, 同班地盤師傅吹下水又到3點幾4點,
開頭諗住放工返屋企, 但係去到火車都係比天使救番我,
結果我返左公司做o野, 但點知做到7點幾前放工...
之後去左表妹屋企食飯, 3個女人真係一個墟,
3個表妹左傾傾右傾傾, 女人同女人真係比男人同男人容易溝通...
我坐到10點幾先走, 我見到人地一雙一對真開心,
我就一個人行番屋企好寂寞... 結果我又諗起d o野!
唔知佢近排點呢?

>>August 26, 2005 at 4:30:19 PM GMT+8

2005 年 8 月 24 日 星期三 【酷熱】

今日... 又可以gel個頭返工喇!
因為今日我都無計劃出地盤,
同埋今晚出街, 所以貪靚...
成日都係公司吸裝修d塵同天拿水,
搞到我成日都頭痛, 再係咁... 唔得掂喇!
夜晚約左EVA姐, 因為佢生日...
所以同左佢食意粉屋,
我無買生日禮物比佢, 所以請左佢食飯就算lu...
希望佢唔好介意啦! 因為我係一個又懶, 又唔知買咩好o既人!

>>August 25, 2005 at 3:14:57 PM GMT+8

2005 年 8 月 23 日 星期二 【微雨】

尋晚訓得唔多好... 醒過好幾次...
本應朝早要落地盤開會, 但我無去到...
10點鐘個地盤主管打o黎催我落去!
唉... 我就話11點幾就落去啦!
點知... 我係公司攪到點半先起程!
唉... 一出門口就又打o黎催我...
頂頂頂... 仲比佢話"又話11點幾落o黎!"
我就回應佢一句"得啦! 我咪落緊o黎囉!"
不過... 我落去之前, 走左去電腦中心幫我個表妹個fd買cam先,
去到地盤門口, 真黑仔... 因為d人係正門口拆棚,
所以人車不得進入... 我足足係門口等左半個鐘!
好彩無落雨咋! 唔係就變落湯雞喇!
入到去寫字樓, 4條友開左陣會...
個地盤主管已經唔多順眼架喇! 佢仲突然小下我...
我已經心情唔多好架啦! 我就同佢嘈起上o黎,
我已經好煩架啦... 佢仲要煩Q我... 我爭在未同佢講粗口架咋!
6點2鐘就係地盤走, 打比大表妹約佢一齊搭火車...
因為我諗住比個cam佢"羅"番屋企!
順便諗住叫埋佢過埋買電話錢比我! 點知...
佢話我知無提款咭喎! 有無咁得意咁大個女仲未有提款咭呀!
之後就等左4,5個字等我細佬返大圍同佢買電話...
買兩千蚊個電話送成"羅"o野, 又幾抵喎!
就係咁搞到成8點幾先返屋企... 返到屋企仲未有飯食...
阿媽仲未返, 又要等... 等等等... 等到9點幾先開飯!
所以宜家好"支力"喇! 唉......................................

>>August 24, 2005 at 3:25:46 PM GMT+8

2005 年 8 月 22 日 星期一 【酷熱】

起身真係唔想返工, 淨係想訓覺...
但係夜晚又唔想訓喎!
唉... 真係自己"羅"o黎賤呀!
下晝開始好唔開心, 好耐都無試過咁喇!
我真係好想喊出o黎, 我覺得做人真係好辛苦,
有d o野又無得去選擇, 我無得揀又控制唔到...
4點幾出公司落地盤, 行下睇下問下答下...
搞搞搞... 就搞到7點鐘先收工...
雖然對好多人o黎講仲算早, 但係我"支力"喇!

>>August 23, 2005 at 4:10:31 PM GMT+8

2005 年 8 月 21 日 星期日 【微雨】

今日好難得, 因為無落到地盤...
但係朝早就返去執o野, 因為公司裝修緊,
我要搬去臨時位, 遲d就搬去個好位!
哈哈... 坐到最後, 可以睇住人地有無偷懶!
但係公司塵土飛揚, 我就變左部私人吸塵機喇!
希望快d裝修完啦!
今日個fd叫我年尾去台灣,
佢就同女朋友去, 叫埋我搵個伴一齊去喎!
唉... 玩o野咩! 唉......................................

>>August 22, 2005 at 1:57:56 PM GMT+8

2005 年 8 月 20 日 星期六 【雨】

琴晚發左個好真o既夢...
發夢佢call我約我去IFC,
但唔知點解我最後都無比自己去到,
真係奇怪, 係咪真係日有所思夜有所夢呢?
朝早12點幾先起身, 食完o野之後都無o野做,
就入房online, 玩到4點鐘就小睡一下,
7點幾先起身, 就走去沖涼, 食完飯盒就燙衫...
今日o既生活都好平凡, 無咩做過咁...

>>August 21, 2005 at 2:40:17 PM GMT+8

2005 年 8 月 19 日 星期五 【颱風】

終於等到今日星期六,
返半day, 又唔駛落地盤...
所以今日gel左頭返工, 我以經好耐都無gel過頭lu...
我平日都習慣左個人醜樣咁返工...
12點幾老闆請飲茶, 飲到點幾,
但仲有更多o野做, 返去做到3點鐘就去左...
唔知係咪近排公司裝修, 搞到我個頭成日痛,
宜家仲痛緊! 唉... 點算好呢?
返屋企前去剪頭髮, 都ok掛...
返到屋企都4點幾lu...
就沖涼睇"尋秦記", 睇到8點幾...
之後就睇香港小姐, 睇完就入房online,
都無人同我傾計o既... 真可憐!

>>August 20, 2005 at 3:20:32 PM GMT+8