2005 年 9 月 6 日 星期二 【酷熱】

嘩... 琴日拎完兩桶線! 今日起身周身痛添... 老喇! 老喇!
9點5先返到公司, 老闆就係我個靚位度左搵右搵!
原來搵緊我跟果個project d文件姐!
都無做到d咩o野就到10點幾,
要落去開會, 出門口o既一刻, 太子問我去邊車埋我!
哈... 真好! 唔駛曬... 又唔駛行... 不過可惜唔係坐Benz啦!
下晝同左班師傅去飲茶, 早知唔去啦! 都唔岩傾o既...
返地盤就夾o野, 左搞右搞... 到臨放工比阿sir捉我地o既手工!
唉... 好Q煩呀佢地! 個個禮拜都有新o野... 仲有跟左lee個地盤之後,
對住班橫不講理o既人, 粗口都講多左添, 我真係要檢討下先得喇...
仲有呀! 我宜家成手都係蚊"欄", 真係幾驚登革熱、日本腦炎、白紋伊蚊添...

>>September 7, 2005 at 2:21:19 PM GMT+8

2005 年 9 月 5 日 星期一 【微雨】

尋晚發夢... 係街見到佢...
我仲同佢打招呼, 真搞笑... 咁o既夢都有o既!
一早起身好鬼眼訓, 晚晚都成點鐘先訓...
搭緊火車地盤其他公司o既人打o黎!
唉... 我覺得好鬼煩, 真係想熄鬼左個電話!
因為近排打親o黎o既人都係講公事o既,
d朋友忘記左我lu... 好可憐!
返到公司老闆o岩o岩想出門口, 佢話落我個地盤...
我當然唔放工千載難逢搭Benz o既機會啦!
地盤搞完一輪, 老闆請去飲茶!
不過5條友食飯, 大人物話題都唔o岩我d細人物o既...
食完就諗住返公司一陣, 經過始創走左去睇電話,
我諗住轉台, 因為我係時候要忘記d o野!
睇左陣... 我其實唔捨得轉, 因為我希望有機會同佢sms,
但係我咁耐都無點做過... 我太被動lu...
我要諗清楚下先, 各位比d意見我好嗎?
返到公司做到成4點幾, 之後就趕落鴨深水"土步"買喇叭線,
今次仲要一次過買兩大桶, 拎左兩條街先有的士,
手都軟埋, 重到隻手都好似唔係自己咁...
的士去到地盤門口, 班師傅落晒地牢收唔到電話!
頂頂頂... 我真係無力拎入去喇! 所以我打比其他公司o既同事...
哈... 佢好好人幫我搵人推車出o黎! 真係衷心多謝!
跟住o係地盤又同人夾o野, 搞到6點半先走,
搭火車時仲要企成3個站, 腳仔都軟喇!
所以無行番屋企, 搭小巴... 但都補唔番!

>>September 6, 2005 at 2:21:30 PM GMT+8

2005 年 9 月 4 日 星期日 【酷熱】

今朝未返到寫字樓, 地盤就打o黎講比人爆格...
唔見左成皮電器o野! 唉... 真係蹬老闆心痛喇!
成朝係咁做, 搬左新位仲係唔係好慣咁...
唔知係咪個位太好未習慣呢?
Lunch去左試新o野, 越南o野但好貴... 最衰都係個同事啦!
我都成個禮拜無去食開個間餐廳lu, 因為我落地盤仲多過係公司!
可能係上天o既安排, 再去都無咩意思掛!
做到3點幾就趕落地盤, 落到去都未停過...
唉... 仲要求人比料我... 罰企左成3,4個字! Oh... my god!
差唔多7點先走, 個個都走晒, 一個人行... 我唔想再係咁喇!
日日都係返工, 地盤, 放工, 返屋企, 打機, online...
不過遲d無咁得閒架喇! 過多一個星期就要返學lu...

>>September 5, 2005 at 4:06:38 PM GMT+8

2005 年 9 月 3 日 星期六 【微雨】

新o既日記地方... 不過同lee度寫o既o野一樣...
http://hompy.now.com.hk/id/sunsun09

>>September 4, 2005 at 4:17:35 PM GMT+8

2005 年 9 月 3 日 星期六 【微雨】

今朝12點醒過, 點知仲係好眼訓...
就繼續訓... 訓到2點鐘先起身!
Lunch就食琴日食剩o既粥同烏冬,
好過自己煮啦! 食完就打Playstation...
打打打... 打到7點幾...
然後就沖涼食飯, 跟住就燙衫,
咁就9點幾10點lu... 咁就過左1日。
好無聊添! 唉......

>>September 4, 2005 at 1:56:45 PM GMT+8

2005 年 9 月 2 日 星期五 【晴】

起身個刻都係好眼訓好眼訓好眼訓...
但都比平時早左些少架喇! 8點鐘...
因為我唔想太遲返公司, 好似唔好好咁...
返到去... 做呀做... 做呀做...
本來諗住11點前落地盤跟d o野!
點知... 成朝係公司度趕o野!
下晝太子請完飲茶就車我去深水"土步"買喇叭線...
仲要幫太子買手提handfree... 做埋私人助理!
好彩都比我搵到我需要o既o野, 成桶喇叭線拎到我死死下先去到佢架車度...
都好... 起碼佢都車埋我落地盤... 唔係我就要搭的士架喇!
為左桶喇叭線, 我下晝要開O.T. 去到地盤都3點幾lu...
跟下o野... 夾下o野又到6點... 星期六都要攪成咁... 就可憐!
7點鐘先返到屋企, 沖完涼食阿媽煮定o既烏冬再眼埋"尋秦記"都成11點幾喇!
搞到咁夜先打日記... 個人好"支力"但又唔想訓住...
有咩好做呢? 結果...........................................

>>September 3, 2005 at 4:12:04 PM GMT+8

2005 年 9 月 1 日 星期四 【清涼】

今朝又要一早落地盤,
左搞右搞, 行來行去, 等開大會...
開完都12點幾lu...
出去食完飯又要再捱過,
左等右等, 問來問去, 到6點都未搞好d o野!
唉... 6點幾就唔想做走人lu...
返到屋企食飯盒, 之後就打機...
打到11點先online打日記, 真懶散!

>>September 2, 2005 at 3:40:54 PM GMT+8

2005 年 8 月 31 日 星期三 【清涼】

今日返到公司, 終於可以搬新位喇!
我搬到最後, 一眼睇晒d人做緊咩...
都幾好呀! 人地偷懶我就知, 自己偷懶就無人知!
哈哈哈... 真開心...
不過執左半日o野, 好多o野執, 執到手腳都軟埋...
4點幾出左側魚涌開會, 6點幾先走想搵大表妹,
但最後都無打到, 之後諗住返公司... 7點鐘先返到去!
影埋印準備聽日落地盤o既o野先走,
咁就8點幾喇! 身心疲累喇...

>>September 1, 2005 at 3:37:48 PM GMT+8

2005 年 8 月 30 日 星期二 【清涼】

以為打左心入面o既o野出o黎個心會好過d,
但事實都唔係o既... 總之唔打啦! 比人睇晒添!
聽日9月1號, 唔知佢準備成點呢?
不過我都好關心我d表妹o既, 妳地又搞掂未呀?

今朝返公司出一出現, 唔夠兩個字又走人...
落到地盤企左成日, 好"支力"呀!
好多o野都要我決定, 我真係覺得一個人管一個地盤真係唔掂!
何況我要管兩個添... 天呀! 我個腦快爆喇!
下晝係food court食, 又比我見到食人食剩果個人,
我第一眼見到佢, 我就諗起d o野,
我竟然係望一望我食晒未, 我唔想有剩佢食我口水尾囉!
放工返到屋企門口, 開門比我竟然係二表妹...
嚇左一跳! 原來佢上o黎借電腦用...
3位表妹... 妳地真係要小心d部電腦喇!
大表哥唔知仲可以幫得妳地幾多十次架咋!
又或者有左男朋友就唔駛需要我lu......

>>August 31, 2005 at 4:18:48 PM GMT+8

2005 年 8 月 29 日 星期一 【酷熱】

其實我好多o野想同佢講, 分左手都差唔多一個月,
時間真係過得好快, 但我內心仲未可以做到唔諗佢,
點解呢? 其實我唔想忘記佢, 但係我知道我要做到忘記佢囉!
我好想同佢講可唔可以再一齊, 但我諗左好多好多假設出o黎,
我好不切實際囉! 男仔唔應該婆婆媽媽、要主動D...
但我有齊晒Lee d缺點! 我應該做一個女仔好d...
我好想打比佢同佢傾下計, 但係我連做主動打比佢都覺得困難,
究竟我點解會咁呢? 我真係好失敗囉!
可能佢已經忘記左我, 但我始終都會暗地裡關心佢...

今日好辛苦, 成個下晝都係地盤企...
做到6點幾放工, 阿媽打比我叫我同佢行惠康,
順便買定汽水, 等中秋燒雞翼飲架喇!
表妹們... 妳地唔會放飛機架可? 仲要早d幫手去搵位喎!
買左成個鐘, 真係腳仔都軟...

>>August 30, 2005 at 3:20:26 PM GMT+8