2005 年 9 月 16 日 星期五 【寒冷】

今朝起身勁頭痛, 因為都係自己衰...
琴晚飲咁多, 又夜訓! 真係唔想返...
不過成朝返到去都好輕鬆、又易過!
好快就放工, 不過都要遲左半個鐘...
走o既時候又多o野拎,
返到大圍仲要幫阿媽去街市拎聽日BBQ o既食物!
兩隻手"羅"滿晒o野、又重! 仲要橫風橫雨添!
拎住d o野等雨停, 手都斷! 幾經辛苦先返到屋企!
3點3先食我o既lunch, 之後就打PS2...
打到6點半先趕去換衫陪阿媽見個fd,
收到盒8個裝o既月餅... 嘩! 係勁長個盒!
佢地請左我地去高級酒家食,
真係唔習慣去d咁高級o既地方!
返到屋企都10點鐘lu... 仲要下晝拎得重過頭,
兩隻手臂都好痛, 扯住扯住痛!
神呀! 希望聽日唔好落雨啦!

>>September 17, 2005 at 4:23:37 PM GMT+8

2005 年 9 月 15 日 星期四 【清涼】

今朝無返公司直踩地盤, 點知去到樓下,
開著電話無幾耐就hang機... 試左7、8次都係咁!
唉... 琴晚玩左成晚無理由咁架!
最後放棄聽日"羅"去整...
到差唔多lunch都係唔信邪, 再試下...
點知都係唔得! 就諗住反正約左下晝轉台,
試下插張新咭, 點知無hang... 仲已經收到添!
真係唔明點解咁奇怪, 搞左半日得個吉!
下晝去左第二個地盤, 好快又搞到5點幾!
就同班師傅早d走, 因為今晚公司請食中秋飯!
去到個個師傅都賭錢, 我就買左便利睇...
搞到9點3先開飯, 我就飲左勁多紅酒,
食到一半我就開始ring ring地!
但我都無停, 因為我想麻醉自己去忘記阿臻!
不過我知自己只係呃緊自己...
食到11點飽晒就走人, 上到巴士阿陳小姐打o黎!
我仲以為佢貴人善忘添... 同佢勁傾, 傾到樓下都繼續傾!
傾到12點先上樓, 沖涼打日記!
宜家1點, 聽日都要早起身返工...
幾時可以比我好好休息下呢?

>>September 16, 2005 at 4:59:44 PM GMT+8

2005 年 9 月 14 日 星期三 【清涼】

今朝好意外, 係公司做做下o野,
突然有個阿姐送個果籃上o黎,
原來係比我架, 我都係第一次收到d咁o既o野!
點解會有果籃o既呢...
其實係我幫佢訂左十幾萬燈所以中秋送個果籃上o黎姐!
我都覺得自己lee幾年真係好幸運,
無論工作或者感情, 總算對我算係咁...
可惜．．．．．．

>>September 15, 2005 at 1:46:19 PM GMT+8

2005 年 9 月 13 日 星期二 【清涼】

返左兩晚學, 今朝起身真係唔多掂...
勁頭訓! 唉... 老喇!
成朝都係公司搞paper work, 做極都做唔晒...
同個同事食完lunch之後就去左轉台,
個sales講$80有兩個plan揀!
第一個1000基本；第二個1000基本+400網內...
我同我個fd都話點睇都係第二個plan抵d啦!
所以我地就問有咩唔同, 佢講左幾次我地都聽唔明有咩分別!
原來第二個plan分鐘係獨立分開計,
姐係網內爆左就會收錢唔會計落基本度,
所以我地兩個一致覺得第一個plan抵d,
唔問清楚差d比佢陰左...
下晝又比人催落地盤,
不過未落地盤前又要去深水"土步"買喇叭線...
好彩有公司車, 唔駛"羅"餐死!
我發覺次次去到地盤都係得個企同等,
無咩時間有得坐, 所以宜家成日都覺腳仔痛!
走o既時候有公司車, 又可以搭順風車出太子,
然後轉地鐵去長沙灣返學, 可惜又遲左個幾字...
今晚上英文, 算係lee 3日比較最實用o既!
放學返到屋企都10點半, 沖埋涼成家等我開飯做節!
真係無試過咁夜成家人食飯+做節...
食完又11點幾lu... 又要返入房打日記!
連返左3晚學終於輕鬆d, 宜家等緊sunday中秋BBQ!
表妹們... 妳地準備好未呀? 真係未出發先興奮!

>>September 14, 2005 at 4:19:20 PM GMT+8

2005 年 9 月 12 日 星期一 【清涼】

公司d文件o野都唔知幾時先有時間做...
宜家日日都要落地盤同人夾o野同開會,
真係開始覺得唔多頂得順, d人又煩、又串!
今日仲要搞到我成6點3先放工,
飯都未食就要由紅磡趕去長沙灣返學,
成7點多d先搵到間課室! 今日上I.T.堂,
頭果個幾鐘教點開file同save... 嘩!
我就無聽佢講, 自己上網睇o野...
都唔知下堂會唔會教d深d o既o野!
上緊堂carrie小姐打o黎, 所以放學覆番佢,
可能lee兩日大家都無緣啦! 大家都搵唔到大家!
最後佢打番o黎, 不過見佢同緊fd一齊就唔想煩佢啦!
有機會再傾過... 之後打比may姐, 好耐無都無過佢喇!
不過may講得o岩, 我真係一個重色輕友o既人o黎,
所以前排都無點搵過佢, 妳仲會當我係朋友架可?
返到屋企先食o野, 11點先食晚餐... 真唔掂!
所以搞到我咁夜先寫日記, 但周公開始又急call我lu...

>>September 13, 2005 at 4:44:57 PM GMT+8

2005 年 9 月 11 日 星期日 【清涼】

唉... 尋晚11點幾o係床"典"到點幾!
唔知係心煩定心火盛... 最後終於都係開冷氣降火!
搞到朝早都唔知自己幾次熄左個鬧鐘,
不過好彩都唔係遲左好多...
Lunch去番好耐無去過食o既餐廳,
以前日日都去, 但今次感覺好似唔同左... 陌生左!
食完諗住去轉台, 但係去到門口自己又好猶疑轉唔轉好,
最後... 無轉到! 但我o岩o岩決定左聽日一定轉!
希望我又唔會三心兩意啦! 唔好諗咁多無謂o野...
之後落左地盤行來行去, 擒上擒落... 腳仔都軟埋!
5點半就決定放工食晚餐... 因為今晚第一日返學!
o係紅磡食完晚餐都已經6點3, 即刻搭火車轉地鐵去長沙灣,
去到遲左少少... 阿sir o黎到講左個半鐘廢話先開始講書,
今日係上"Electrical Princples", 成堂都講公式,
咩咩V1+V2+V3=唔知咩o野, 同唔知咩R1+R2+R3=唔知咩o野...
頂... 成堂我淨係聽到V1、V2、V3、R1、R2、R3,
其他咩都唔知佢講咩, 真係頭都大埋!
第一堂就唔知佢講咩, 都唔知點算...
最後捱到9點9放學, 舒服晒... 但聽日又要返3個鐘! Oh... My god!
放學諗左好耐想打比個舊fd, 但最後都係搵唔到佢!
之後就打比EVA姐, 因為星期六打比我, 我都未覆佢...
傾到屋企樓下都繼續傾, 佢竟然咁快就約我生日食飯!
我都唔記得左我今個月生日, 不過我諗都係同往年咁過架喇!

>>September 12, 2005 at 4:14:43 PM GMT+8

2005 年 9 月 10 日 星期六 【清涼】

今朝11點3細佬個鬧鐘係咁響, 佢就係廁所度刷牙gel頭...
響左成5分鐘都無人熄! 唉... 唯有我起身熄啦!
我都無諗過咁早起身o既!
刷完牙洗完臉就食阿媽整定o既意粉, 食完只係12點幾...
無o野做, 就打PS2... 打打打... 打到5點幾去online...
Online見到阿臻, 同佢討論左報英文會考o既問題,
原來我樣樣都唔清楚架喎... 真失敗!
沖完涼就要自己煮o野食, 因為阿媽去左街...
之後就燙衫睇電視, 個迪士尼開幕節目講到咁鬼誇張,
我以前去都無佢講到咁o既free o既!
不過迪士尼開幕就令我諗起d o野... 不過果樣o野我以經做唔到lu...
宜家咁快就10點, 但仲未有倦意...
不過聽日仲要返工、落地盤、返學!
我仲未接受到要返學呀! 點算好?

>>September 11, 2005 at 3:06:01 PM GMT+8

2005 年 9 月 9 日 星期五 【清涼】

又咁快到星期六, 今朝起身頭暈暈...
因為琴晚食左藥, 都唔知點解會感親!
朝早專登返公司print圖, 仲要係幫人print...
落到去都11點幾, 跟住同阿sir睇我地做d o野,
我真係頂唔順佢, 又話我地lee樣又話果樣...
樣樣都話要做足100分, 佢都傻傻地o既,
不過無計啦! 鬼叫佢係收貨人咩, 無得唔跟住做!
係地盤搞到3點鐘先走, 飯都未食, 諗住返大圍食下午茶,
點知大快活勁多人, 我又唔想"羅"住o野食去搵位,
所以最後就選擇左返屋企煮麵食...
返到屋企第一時間online, 見到 Eva 姐,
我先記得佢下晝比過電話我但我又開緊會無聽到...
見唔到佢online我都唔記得覆番佢, 原來佢想約我食lunch,
之不過我今日真係太忙, sorry呀!
沖完涼食完麵都4點幾, 然後睇埋"尋秦記"大結局,
再睇"刑事偵緝檔案", 但睇睇下就訓著左lu...
到8點幾都未有胃口食飯, 但都照食...
然後無咩電視睇, 就選擇睇"Titanic"
我都唔記得睇過第幾次lu, 但我記得果時我仲係澳洲讀緊書...
成套戲最精彩最係撞船同沉船o既一刻!
唔知到沉船果一幕, 我會唔會......又咩呢!

>>September 10, 2005 at 2:54:26 PM GMT+8

2005 年 9 月 8 日 星期四 【酷熱】

朝朝起身都唔願起身, 所以決定左今晚12點前訓...
我越o黎越覺得我好似唔適合做地盤,
一來地盤d人好煩, 對住唔同人有唔同o既面孔...
二來又大塵又唔乾淨...
三來要記好多o野...
四來好多o野都要o黎問我做決定...
五來成日比人單打...
六來好多o野做...
七來我又無技術經驗...
八來落得地盤多, 暗瘡都多左... 仲有九來... 十來......
不過lunch我都選擇左食麥當奴, 我真係幾麻煩!
5點幾先走, 去到火車站出面有勁多西裝友,
差唔多都有成百人, 佢地係度拉客買樓, 駛唔駛呀?
之後返左公司, 做到8點先返屋企... "支力"死人!

>>September 9, 2005 at 3:18:37 PM GMT+8

2005 年 9 月 7 日 星期三 【酷熱】

8點9先出門口, 一開機就有人留言比我!
唔駛講... 緊係地盤d人留架啦! 8點3就打o黎,
真係頂佢唔順, 我決定左夜晚唔飛線返屋企架喇!
熟我o既都知我屋企電話架啦! 所以實搵到我o既!
返到公司做左陣o野, 就落左太子地鐵站美心幫公司買月餅券...
去到竟然話我知佢都無百幾張咁多, 佢地就搵人搭地鐵去深水"土步""羅"比我,
我足足等左佢地3個字, "羅"完月餅券返o黎仲要我等...
因為佢地仲要打電話去check信用咭, 我又足足等左2個字...
個女仔係咁講唔好意思, 我買萬5蚊姐, 又唔係大數目, 真係"羅"o黎搞!
趕番公司就趕出去地盤, 去到講左兩句又食飯...
唔知係地盤d人煩定係我心煩, 我又同其他公司d人嘈... 點解我會忍唔住架!
到4點鐘就閃人返公司, 我又偷懶行左陣先返去, 睇左陣電話, 如果睇岩就會轉台lu...
返到去做做做... 咁就7點9 lu... 走都無咩心情, 都唔知點解...

今日終於出左IVE time table:
Monday... 18:45-21:45 ~Electrical Princples~
Tuesday... 18:45-21:45 ~Information Tech. Applications~
Wednesday... 18:45-21:45 ~Vocational English & comm. Skills~

>>September 8, 2005 at 4:32:02 PM GMT+8