2005 年 9 月 26 日 星期一 【雨】

Lunch同同事一齊食, 佢講左d o野比我聽,
佢話個地盤管工上個禮拜夜晚返公司搵老闆講我壞話...
又話我比唔到資料佢做, 又話我唔熟手, 又話lee樣又話果樣...
聽到個刻真係唔係幾開心, 之不過佢講o既o野又錯唔晒o既!
唔係我唔想唔幫佢, 只係我夾係中間,
人地決定唔到o野我點話佢知點做呢?
我日日都催人比資料我, 人地唔煩, 我都覺得煩啦!
我都好難為架! 但無人知囉! 我真係想逃避架! 不過...... 我做唔到囉!
果晚雖然佢講左我好多唔好o既o野,
但係原來我知果晚都有好多人幫我講說話...
包括老闆、細細老闆同一d同事...
"佢地話我唔熟手, 學多兩三年咪熟手囉"、
"個個都係咁架啦, 你係老師傅, 你咪幫下佢囉"等等...
所以我好多謝老闆比機會我學o野... 唔係個個老闆都咁好!
下晝落左地盤, 不外乎"企"、"等"、"行"同"講兩句o野"咁...
不過今日見到靚靚設計師, 都成3、4個禮拜無見佢喇!
6點1先走得, 又要趕返學, 不過今晚無買包食...
一來唔肚餓, 二來放學EVA姐約左我食宵夜!
3個鐘頭o既電腦堂, 就係教Microsoft Word...
唉... 佢教果d o野我都識o既, 所以又上網同icq...
仲有今晚終於派學生證喇! 不過個樣就唔多好睇!
有學生證睇戲可以平d, 食飯又可以平d... 唔知仲有咩更多優惠呢?
宵夜同EVA姐食粥, 最後佢比錢, 話當請我生日喎!
仲有呀EVA姐! 如果果個男仔唔係太差o既, 咪試下囉!
之後我送埋佢去搭車, 我先去搭車返屋企...

>>September 27, 2005 at 4:56:45 PM GMT+8

2005 年 9 月 25 日 星期日 【雨】

7點鐘鬧鐘響, 我懶床左3個字!
今朝要8點半到地盤, 所以早左成粒鐘起身!
好眼訓... 真係唔想返...
出門果時諗住"羅"長遮, 但諗諗下就換左把縮骨遮,
因為唔想拎, 同埋落地盤又麻煩...
但係我以前好鍾意"羅"長遮, 篤篤下好似幾好咁!
8點先搞掂出門口, 去到半路d人就打o黎催我...
不過最後我都係遲左3個字! 但係我要等到11點先輪到我地去夾o野!
白白浪費左我成朝寶貴o既時間, 真係想x%@z佢!
Lunch同班師傅一齊食, 食完返去地盤行多陣...
1點9就走人趕番公司, 返到去趕左d o野,
坐唔夠15分鐘又要趕去九龍城...
係小巴釣左幾條魚, 真係大"支力"喇!
約左人3點鐘, 當然又遲到啦! 本來諗住逗留個幾鐘然後返公司...
點知... 又搞到成6點先走! 又要趕返學...
搭小巴... 又要釣下魚! 仲要我未搭過唔知邊度叫落車!
好彩有人叫落車, 我又覺得好似差唔多就跟住落...
好彩... o岩o岩好! 真係Lucky... 半路買左個包返學食!
今晚3個鐘好快過, 因為佢講個d o野我都唔明,
佢就照講, 我就照聽... 好專心咁聽! 但我都係唔多明...
唉... 點算好? 邊個physics掂呀? 幫幫我忙好喎...
返到屋企都10點半, 個肚仔開始肚餓!
沖完涼就煮左個出前一丁食, 最後連味精湯都飲埋...
公仔麵真係一個好o既發明! 雖然唔多健康, 但又好好味喎!
食完諗住早d打埋日記12點幾d訓o既,
點知阿媽就走入o黎叫我幫佢睇晒所有信,
加埋幫佢填埋信用咭申請表, 最後仲要幫佢上地鐵個網訂迪士尼水晶車!
做晒都12點幾lu... 今晚又要夜訓喇! 聽晚又要返學... 好唔開心呀! 點算好呀?

>>September 26, 2005 at 4:40:43 PM GMT+8

2005 年 9 月 24 日 星期六 【驟雨】

本來"較"左10點鬧鐘響, 但未夠鐘我就醒左幾次lu...
琴晚又訓得唔好, 起身條頸又有d痛...
唔知點解隔一排就係咁, 係咪"支力"過頭呢?
10點半就出左門口返工, 返到去都係11點...
唉... 星期日都要返工, 真可憐! 不過真係太多o野做喇!
公司無人係度, 自己開閘... 好似幾free咁!
我開住部電話聽歌邊做o野, 做到12點幾有人返喇...
我仲諗住得我自己一個添, 跟住邊做邊MSN,
到左2點幾先去麥記買外賣, 返去邊食邊做...
4點鐘老闆返o黎見到我好意外! 哈... 我平時都咁勤力架啦!
諗住4點幾慧姐出到o黎啦! 點知差唔多6點先到...
不過無所謂啦! 反正係公司有o野做...
陪左佢睇化妝品兼換化妝禮品, 不過入到去好似唔多方便咁,
男仔好似怪怪地... 搞掂再去書局買計數機比佢細妹,
不過佢約我出o黎最重要係幫佢男朋友睇書包!
行左成條波鞋街, 再去朗豪坊, 再去埋聯合都唔多睇得o岩...
d書包唔知點解越出越醜樣o既! 行到差唔多8點就各散東西lu...
一諗起聽朝要早起身就唔開心, 好辛苦呀!
聽晚仲要返學, 又要連續辛苦3晚! I feel tried...

>>September 25, 2005 at 2:57:35 PM GMT+8

2005 年 9 月 23 日 星期五 【寒冷】

成朝都係公司忙, 好多好多煩o野!
係咁做... 係咁聽電話... 勁多o野堆埋o黎!
我一個人咋! 真係分配唔到d時間做公司o野同落地盤囉!
唉... 10個煲得7個蓋! 我睇我幾時襟唔住啦...
雖然今日星期六, 返半日! 但係...
我做到成3點幾先走, 返到屋企沖完涼先食lunch,
食完麵, 之後食粥! EVA姐就打o黎講心事...
哈... 有人鍾意咪好囉! 駛咩咁煩呢?
男仔唔可以喊o既咩? 人傷心就會架啦!
唔好歧視男人唔喊得啦! 仲有呀!
果次真係好好好唔開心我先係電話度比妳聽到姐...
妳唔駛成日講o既, 如果比妳睇到仲得了!
傾傾下地盤打o黎! 唉... 叫我星期一 8點半返到去喎!
咁我咪要早成個鐘起身... OH! My God...
5點幾就走左上床小睡, 訓到成8點幾先起身,
因為要睇"殘酷一叮"... 睇完就要燙衫...
聽日仲要返公司做o野! 我真係唔係好想返...
我feel到個人真係好"支力"喇! 快d到10月1號啦!
放個長週未假期......

>>September 24, 2005 at 3:55:05 PM GMT+8

2005 年 9 月 22 日 星期四 【驟雨】

今朝返公司做文件o野, 作封中文信...
都作左好耐, 又好似唔多通順咁!
唉... 中文唔得、英文又唔得...
本來11點應該要落地盤開人大會議,
但係我d o野都做唔晒, 結果比人鬧!
個d咁o既會, 我唔出席都無問題啦...
做到2點鐘先去食lunch, 我去左麥當奴食新果個餐,
個包可以講話ok o既, 不過我鍾意食果個薯皇...
大大舊比薯條有咬口, 唔錯唔錯... 不過少過頭姐!
食完之後就去灣仔報英文會考, 都幾多自修生去報喎!
有d年紀仲... 我唔記得"羅"錢去報,
原來係佢地會比張單我去交.... 真大鄉里!
報一科都要成差唔多500蚊, 限期前先去交啦!
報完就過番紅磡地盤睇o野, 一落親去d時間就過得特別快...
話咁快6點幾, d師傅一早走晒... 一個人行去火車站!
唔知點解近排又諗番起佢, 分左手都差唔多兩個月lu...
好似仲未完全放得低咁, 可能我份人比較怪啦!
傻下傻下咁... 我都同自己講唔好諗架喇!
算啦... 我估上天都安排晒架喇... 唉......

>>September 23, 2005 at 2:26:26 PM GMT+8

2005 年 9 月 21 日 星期三 【清涼】

今朝起身勁勁勁辛苦... 都係琴晚衰點幾先訓!
9點我先出門口, 去到地盤都9點9 lu...
偷懶左9個字! 去到企左成個朝早!
都唔知點解好鬼熱, d汗都無停過...
搞到我都心煩氣燥, 唔多舒服!
Lunch同班師傅去食飯,
返到去又傾o野、夾o野、睇o野, 總之好鬼多麻煩o野!
5點鐘搞掂晒d o野就走人返屋企lu...
又偷懶左1個鐘放工! 返到屋企樓下見到1號風球o既牌,
唔怪得知咁鬼死熱啦! 我都估唔多妥架喇!
返到去, 阿媽好意外咁早見到我,
我就照直講比佢知, 我都唔係好過份姐!
o拿o拿聲走去沖涼, 之後入左房online,
on on 下覺得個人好"支力", 就走左上細佬張床訓陣,
訓左9個字真係唔多夠, 真係好"支力",
不過要食飯, 一定要起身!
食完再on過... 不過已經唔眼訓lu...
今晚一定要早d訓, 返幾日學都搞成咁...
唉... 最衰以前唔努力, 後悔都太遲啦!
各位讀書o既朋友、表妹們... 比心機讀書喇!
好似我咁就慘喇...........................

>>September 22, 2005 at 2:21:52 PM GMT+8

2005 年 9 月 20 日 星期二 【清涼】

琴晚返完學, 今朝起身勁辛苦!
唉... 開始感覺到辛苦! 不過點我都會捱落去...
成朝都係作英文信, 平時無寫開,
真係覺得無從入手! 真係要比d心機練多d喇!
下晝又出左地盤, 次次都要同佢地好似嗌交咁!
我覺得我變左, 以前都頂得順! 但宜家...
5點9就走人去返學, 又係買左個包同支水就當一餐!
今日上英文, 上左無幾耐就釣魚,
好彩釣左5分鐘就有魚上釣喇! 可以專心上堂...
好準時咁9點9先落堂, 今晚約左慧姐食宵夜,
佢都係o係長沙灣返夜校, 佢仲辛苦返足5日...
去MTR等佢, 點知見到個同事又係讀IVE o既!
佢竟然同佢女朋友係度等我約左邊個,
真係等佢地兩個唔順!
之後慧姐揀左食車仔麵, 個老闆係咁讚佢d豬紅同唔知咩o野!
勁搞笑... 我都唔知比咩反應佢, 我都食o野都唔講究o既!
姐係對牛彈琴... 唔知係咪平時無生意呢!
同慧姐傾左好多o野, 佢仲請埋我食麵添...
真係多謝晒... 不過我有機會下次請番妳啦!
之後送佢去MTR, 我就搭巴士返屋企lu...
返到屋企都11點幾, 阿媽唔記得左我今日返學,
仲埋我飯添... 真係浪費左佢心機喇!
話咁快宜家又到12點半! 唉... 聽日又唔願起身啦!

>>September 21, 2005 at 4:38:27 PM GMT+8

2005 年 9 月 19 日 星期一 【清涼】

今朝成朝係公司都無做過d咩野,
但d時間又過得好快喎!
Lunch同同事去食, 佢話遲d唔做...
如果你一早係咁o既人就唔叫你入o黎做啦!
佢都唔體諒下我o既, 仲可能連憐我架!
所以我都唔知比咩反應佢... 失望!
食完之後過左PCCW換$100超市現金券比阿媽用...
返到公司就等到4點, 先等到公司車出地盤,
佢仲要去埋深水"土步"同石硤尾之後先去紅磡灣...
去到都5點半, 傾少少o野就6點3喇!
去完等於無去, 總之自己搭車去啦!
之後就趕返學, 去到長沙灣買左個包同支水就一餐喇!
結果又遲到4個字啦! 今日I.T.堂...
教d o野真係唔係好掂, 唔教都識o既,
所以我大部份時間都係上網,
希望下堂教d我唔識o既o野啦!
9點8就放學, 去到巴士站o岩o岩有車!
我發覺架車好準時9點10左右就o黎,
所以下時要醒d, 如果唔係有排等下一班!
返到屋企見到檯面開左個恆香月餅,
但係個樣好似唔多掂, 所以我就開左個美心月餅...
個樣睇落去靚好多, 所以就食左半個,
沖完涼打埋日記就食埋果半個先!
唔知係咪近排食完就坐, 好似有個小肚腩添...

>>September 20, 2005 at 3:29:07 PM GMT+8

2005 年 9 月 18 日 星期日 【清涼】

今朝成點鐘先起身, 唔知係咪琴日玩左成日,
一起身就周身骨痛添! 阿媽出門口前無煮定o野食,
Lunch只係食左個蛋榚同埋一個有金箔o既迷你月餅,
個月餅人地送o既, 咁大個仔都無食過添!
食食下個中學fd打o黎, 話上o黎借電腦用...
雖然無咩所謂, 但係我都要執下間屋先見得人o既!
佢3點幾上到o黎, 用左兩個字電腦,
佢就出左廳打PS2, 我就睇住佢打, 睇睇下我仲瞌眼訓添!
6點佢先走人... 我仲諗住下晝小睡架嘛!
7點鐘阿媽買埋飯返o黎, 沖完涼就食飯, 食完飯就燙衫!
之後就睇電裡寫日記, 諗起聽日要返工就唔開心,
但係唔返工就無錢, 無錢就好多o野都做唔到lu...

>>September 19, 2005 at 1:49:40 PM GMT+8

2005 年 9 月 17 日 星期六 【乍寒還暖】

今日中秋節... 十點阿媽就叫我起身!
因為計劃左今日去紅梅谷BBQ...
不過就難為左我個二表妹同細佬喇!
因為佢地兩個8點就出門口去霸爐lu...
細表妹同阿姨就11點上o黎我屋企幫手拎o野,
然後就搭的士出發! 12點開始燒...
大表妹佢就最醒喇! 2點鐘先黎, 真輕鬆!
燒左幾個鐘先開始落左場大雨!
落雨我同大表妹都第一次時間遮個爐,
雖然落好大, 但好彩唔係落左好耐...
之後都有好幾次"狼來了"想落唔落咁!
燒到8點幾又落一場大雨... 條褲同對鞋濕完又濕!
燒到10幾就收檔lu... 都燒左差唔多11個鐘, 口都無停過...
我都未試過落雨"羅"住把遮燒雞翼o既,
仲要燒左咁耐, 仲要係一大家人, 仲要係中秋節添!
其實過節一家人過最開心, 不過個個都開始大!
可能第日個個都有節目唔得閒lu...
我最希望就係第時過親節, 個個結晒婚,
都可以一家大細都出o黎過就very good喇!
不過我好似諗多左lu... 係時候發下夢...

>>September 19, 2005 at 10:53:21 AM GMT+8