2006 年 10 月 25 日 星期三 【微冷】

今朝返學既時候撞到阮阮同埋劉恆！

之後一齊入學校門口！

點知子晴無啦啦走過黎，仲以為佢捉我！

點知係捉阮阮囉！阮阮成日都俾人捉裙短！

今日好多測驗呀！

中文堂小組討論，雞脾勁好彩囉！

又抽中佢！

Fish永遠都會抽中隔離位，我打死都唔會同佢坐！

英文堂測驗，勁難囉！

我好似錯晒，劉恆又俾我抄！

我出貓既時候霍狗勁大聲咁講出黎！

咁姐係我以後都出唔到貓喇！

我真係好想去燒烤呀！

Apple陪我去喇！

Apple唔去，就唔去喇！

小息俾Apple畫花晒隻手，D字仲要寫到勁大！

唔去廁所洗，都唔知點上堂！

聽日Check校服，因為有人叫我剪頭髮！

物理堂測驗，勁忙囉！係咁搵書！

仲打算打機添，點知無得打！

Lunch返到黎之後，就去搵Apple喇！

佢話我俾佢咬3啖，佢就會去燒烤！

3啖濕濕碎喇！我豪俾你！

不過佢淨係咬咗一啖咋！

生物堂打機，得我一個玩蟲蟲大戰！

好鬼悶呀！搵雞脾同我玩先！

班主任堂無野做，可以打機！

今日補電腦，我地又落去吹水！

份工作紙勁多唔識做囉！

雞脾俾賴屎咬咗一啖，好「甘」下！

咬完就瘀咗喇！

真係好唔慣坐輝輝附近囉！

佢成日變雪人，真係頂佢唔順！

都唔明點解佢可以一次著咁多衫！



放學陰咗Apple一次！

我放隻手喺佢前面！

佢差少少一啖咬咗落去！

我依家勁愛Apple咬我囉！

>>October 26, 2006 at 10:42:43 AM GMT+8

2006 年 10 月 24 日 星期二 【陰】

今朝好累呀！呢排唔知搞咩野！

都唔知係唔係病！

我好記得今朝Pinke打過我一下！

你小心我報仇呀！

今日大口陸運會，唔知聽日有冇得見Elaine呢？

佢就正喇！咁快陸運會！

今日調晒位喇！我周圍個個都訓覺！

搞到我都想訓埋一份囉！

小息有禮物收，本身真係想拆嫁！

不過都唔知邊個送，就無拆喇！

化學堂同阮阮交換電話玩！

我見到佢有隻Game好正！以為會有靚女除衫，點知無囉！

仲以為係咸Game添！

生物堂無聽書，係咁打機！

Lunch同阮阮阿Ming同埋芷蔚佢地傾計！

我搞到佢地笑咗勁耐囉！

我幾勁呀！

佢地3條友笑到好似白痴咁！

電腦堂睇雞脾整網頁D野！

真係白痴到爆囉！

佢既想像力仲勁過我！

之後同佢睇人Xanga，我地勁想死囉！

因為見到D「超索既女」囉！

仲要全部都係裘記！

真係對學校太失望喇！

我同雞脾玩既時候仲唔小心吞左舊香口膠！

今日補數學，本身打算同Apple佢交換電話一日！

不過我真係唔識用佢部電話囉！

唉，人地補完Maths就走得，不過我仲要留低補多半個鐘囉！

一次唔合格就賴曬野喇！

下星期唔知有邊個陪我留低呢？

最衰芳芳要陪Carmen，唔係搵佢陪我都好！

>>October 25, 2006 at 10:30:34 AM GMT+8

2006 年 10 月 23 日 星期一 【酷熱】

唉，今日Maths堂勁Hurt囉！

數學我都唔合格，真係勁PK囉！

超想死呀！仲要連Apple都高分過我！

中文堂差少少要作成300字囉！

都唔知李Sir佢想要咩！

物理又話要測驗喇！本身佢話俾我地Open Book！

之後又改口唔俾！

小息又俾人串！勁無奈囉！

芷蔚話要同我去影貼紙相！

搵日有機會先喇！

電腦堂個個都打機，我仲串賴屎話佢玩泡泡龍廢！

點知我仲廢過佢囉！

唔知點解佢地個個打機都唔理，我打機佢就理！

仲要啤到實一實！

Lunch搵Apple傾計，佢今日好鬼靜！

我好唔慣囉！

唔係話佢平時嘈！

不過平時好開心，今日Lunch佢唔知搞咩野！

今日PE堂踢波，又要去PK喇！

我都唔知自己識唔識踢波！

又好似識又好似唔識咁！

不過有時踢波真係幾好玩！

希望唔好愛上呢種運動喇！

依家先黎學我諗太遲喇！

有冇人教我點射波呀？

如果我識射波就有野玩喇！

今日頂咗一球，不過唔入！

我仲傳咗球靚波俾霍狗，不過佢入唔到波！

行返學校既時候仲要俾翁Sir佢串！

翁Sir都串人，真係少有！

彬彬今日Lunch踢爆咗個垃圾桶，勁型！

今日測生物，我60題MC中咗55題！

都係因為我努力...........出貓！

補完課陪彬彬去買垃圾桶，超低死！

之後出咗中央，我同傑仔同埋臻臻玩射Key！

我佢地兩個射咗兩次，但係我就射咗成4次！

有兩次都係最後射個Air波！

打左6點半，就返去接Apple喇！

佢俾人串，低死！

今日好累，踢波既開心野都無同佢講！

>>October 24, 2006 at 1:00:40 PM GMT+8

2006 年 10 月 22 日 星期日 【晴】

Eva生日快樂

今朝勁驚俾人捉頭髮，不過入到學校門口發覺冇老師！

之後就放心晒喇！

今朝早會勁爆笑，江錦華佢講D野真係笑死人囉！

我Feel到佢勁淆底囉！

陳Sir俾咗張新既坐位表俾尤威！

我睇過喇！我同劉恆都唔洗調！

不過輝輝要調過黎，勁PK囉！

我諗以後都唔洗開風扇同冷氣囉！

我諗最低死係阮阮同佢坐囉！

小息俾人追數囉！

唔記得係14定16盒奶喇！

不過最後我要還17盒囉！

本身18盒，不過鬼叫佢送咗隻中指俾我咁串！

生物堂咩都做唔到囉！

佢係咁走黎走去！

我要聽書呀！因為依家教生殖呀！

我最愛既科題！

我要練啞吟，我唔要唔夠Apple大力！

我又有隻史迪仔喇！

真係好鬼鍾意Apple！

電腦堂勁悶囉！我勁串阮阮佢！

因為佢聽日要同輝輝坐！

死喇！陳Sir調走咗個灃哥！

但係調個慕容健昌過黎囉！

咁姐係同無調無分別！陳Sir太PK喇！

電腦堂講紋身，真係好鬼想紋呀！

紋咩就諗好喇！不過紋喺邊就唔知！

Lunch有人要返屋企拎野！

成日都咁無記性！

我唔鍾意D咁無記性既女仔囉！

琴日同佢傾完電話講既野，佢今日就同我唔記得咗！

Eva份生日禮物佢聽日就唔記得喇！

英文堂好鬼想訓覺！

唉，聽日阮阮調咗過黎！

我日子難過喇！日日都打仗！

今日又要補英文，好彩無訓覺姐！

張Sir黎罰人囉！

真係嚇鬼死我囉！

2006 年 10 月 21 日 星期六 【酷熱】

今日睇咗個E-mail！

真係勁無聊呀！

不過我好想講，我以後都唔會再對女仔咁好喇！

點解次次都係咁嫁？

不過Apple例外喇！


今日下晝同Apple傾咗成個鐘頭電話！

佢勁俾我串呀！

佢仲勁爆自己D瘀野！



夜晚出咗去搵BB佢地！

佢地話去機舖，其實唔係太想去機舖！

因為咗到有好大陣煙味囉！

而且唔明有咩咁吸引！

佢地走咗之後我就去搵Eva佢地！

我地成班一齊去左千色影貼紙相！

9個人一齊影，不過影得晒先好野！

跟住我地6個男仔一齊影相！

阿Ming佢係咁話我個樣串囉！

我個樣生成嫁！我都唔想！

我地整D相整到成11點先走！

個老闆勁無奈，因為我地喺到佢又唔收得工！



BB生日快樂！

>>October 23, 2006 at 10:52:57 AM GMT+8

2006 年 10 月 20 日 星期五 【酷熱】

今朝一早出咗去打波！

唉，中央愈黎愈多廢人同細佬！

霸晒D場，打屎忽咩？

今日打咗好耐波，我9點幾打到2點先返屋企！

有其中一個鐘係陪彬彬同肥勤射Key囉！

佢地要玩埋D勁無聊既規矩，自己又要係咁輸！

今日諗埋D無聊野！

唉，真係好唔開心！


下晝出咗去剪頭髮，我諗都算轉咗髮型既！

最少剪法唔同晒！

剪完頭髮就去搵大口佢地！

佢地諗咗勁耐先決定到去邊食囉！

不過好彩我唔去食姐！


唔知點解，覺得身邊愈黎愈少朋友！

唔知點解，依家覺得身邊好多人都好恐怖！

唔知點解，個個變緊？



你從來唔去緊張我！

2006 年 10 月 19 日 星期四 【陰】

今朝便服日，要著件班衫！

勁想死呀！我覺得今朝會係咁俾人笑囉！

落到去，我地班勁型！

個個件衫都一樣！

仲要係咁俾人指指點點！

陳Sir唔知係唔係因為覺得件班衫核突！

朝早唔肯著，小息先見到佢著！

星期一調位，我同陳Sir講話我想坐番呢個位！佢話得！

Miss Wan今日都著嗰件班衫！好俾面呀！

Chem去咗做實驗，勁無聊！

Lunch有人唔要我！拋低我，所以要同傑仔佢地食！

不過臻臻同我一樣，同病相連！

Lunch講咗樣野俾傑仔知，聽完之後佢好謝呀！

我之後落咗去搵佢，希望佢無事喇！

呢排唔知咩事，我鍾意一拳打落道門到！

真係好怪呀！

Lunch之後兩堂中文堂，超悶呀！

放學又要補喎！

5B班D人勁PK囉！成班係上面唔落黎！

本身可以5點準時放，就係因為佢地班PK遲到！

所以我5點幾先有得放！

我無同李Sir講話佢地成班PK係上面唔落黎咪算好囉！

放咗之後，喺出面睇波！

陳Sir佢都有份踢，仲有入波！

馬騮佢真係影相！

影咗兩張，我就要走喇！

之後同Apple同埋Mandy行去銀座！

我地去睇鬼同學，最低死係佢地兩個都驚！

一開始真係嚇到佢地，點知之後佢地就唔驚喇！

套戲真係麻麻地，我鍾意睇D鬼不停害人！

套戲有面有一樣野好有新野，想知問我喇！

睇完戲之後就送佢地兩個返屋企喇！

送完Mandy返屋企！

Apple就講咗件事俾我聽，點解我未聽過咁奇既？

同Apple行行下，我突然間就諗起佢話睇完戲之後去買番隻史迪仔！

佢本身話算，之後又話想返去銀座！

跟住我就同佢行返去銀座喇！

其實佢連點跌隻史迪仔都唔知！

不過記得佢喺我面前曬隻史迪仔嗰日！

我心入面諗咗一句「鬼唔望你聽日跌左」！

唔通我真係咁口臭？

Apple買完隻史迪仔俾錢既時候，我見到佢身上有條蟲！

死喇！Apple生蟲呀！會變爛Apple！

我好好心咁一手將條蟲彈左落一大堆零食嗰到！

希望條蟲鍾意佢既新居喇！

買完野之後就行返去天頌商場，本身打算送埋佢返屋企！

不過佢怕俾佢屋企人見到！

返到屋企，我先覺得累！超想訓覺！

聽日剪頭髮，我諗我今次真係會轉Look！

>>October 23, 2006 at 10:50:45 AM GMT+8

2006 年 10 月 18 日 星期三 【陰】

今日先有得拎班衫！聽日就便服日！

今朝一早就返去抄功課！

數學堂勁計數！

自從琴日個測驗之後，我感覺到一樣野！

就係我要俾心機讀書，我都未試過有一次測驗令到我咁諗！

今日上堂好少打機，除左生物同埋物理堂之外！

小息傾計，阿Sam都唔去Eva生日！

我都唔知講咩好，其實我覺得佢應該去！

物理堂有成2堂，之後聽劉恆講澄澄溝女D野！

其實我想8好耐嫁喇！

不過一直唔夠膽開口問！

聽到一樣野，都唔知係唔係應該開心好！

估唔到溝女呢方面我比澄澄叻！

劉恆一邊講，我就一邊笑，我諗佢唔知我笑咩！

不過佢想知我都唔會講俾佢知！

因為呢個係秘密！

Lunch唔洗陪佢，佢今日返屋企！

佢返到黎既時候搵我，話買咗蘋果派！

不過好彩佢話係佢自己食既姐！

好彩！佢今日仲請我飲朱奶添！

Lunch本身打算拎隻「逃」俾彬彬！

點知唔記得咗！聽日一定記得！

今日彬彬好慘，佢以後都唔準掂我喇！

因為彬彬掂親我，我都會走去搞返Apple！

中文堂因為飲咗盒奶，搞咁勁想去廁所！

我地中文堂聽歌，勁正！

生物堂打機，因為無咩野做！

上完生物堂就有人落去拎班衫！

唉，對件衫勁失望囉！

唔靚囉！D質地根本就係一件Tee！

一開始都話整Tee嫁喇！

依家又唔知整到似咩！

今日補Chem，又測驗！

成績超差囉！

唉，聽日都唔知點著件班衫！

仲要淨係得我地一班著！

大肚婆件XXL勁大，佢本身打算同我換！

真係睬佢都傻！


大獲，我發覺自己有近視！

不過唔係好深，好彩！


聽日應該都係5點放！

放心喇！一定會睇到鬼書友既！

>>October 19, 2006 at 12:55:51 PM GMT+8

2006 年 10 月 17 日 星期二 【陰】

今日測數學，琴晚仲好有信心嫁！

但係點知份卷有咁鬼多題，做都做唔切囉！

阿Sir仲話唔合格要留低溫書！

死喇！我諗我都會唔合格囉！

份卷又唔係難，不過鬼咁多題！
時間又少，我見到咁多題仲以為有成個鐘俾我計！

點知得40分鐘，好鬼PK呀！
小息Apple又黎搵我喇！

佢拎咗我部電話走！

英文堂同劉恆傾計！

不過係咁俾人啤囉！

第2個小息佢又黎搵我！

佢一開始俾返部電話我，點知諗諗下佢又拎返走喇！

佢仲話今日同我交換電話用，想返屋企打機！

咁既屎橋都俾佢諗到！

Lunch又有社際睇，不過係初級組！

仲要鬼咁悶，睇到想死！

Apple話聽日唔睇，因為太悶喇！

Apple今日唔記得咗一樣野，要我提佢！

希望佢聽日都唔好記得喇！

聽日先有班衫拎，時間真係剛剛好！

希望聽日真係拎到喇！

生物堂係咁打機，我入到11球喇！

今日有個講座聽，仲以為唔洗測驗添！

點知一聽完就要即刻測！

最衰都係個講座囉！悶到想瞓覺！

搞到我測驗計到勁慢！

同得Apple一齊多，學佢姓賴添！

唉，真係要溫下數先得喇！

真係完全唔熟囉！

依家先黎聽書，會唔會太遲呢？

我諗有心唔怕遲既！

死喇！佢話佢測驗唔會合格！

都唔知要差佢幾多盒奶先夠？

真係一個悲劇！

鬼書友係唔係真係聽日上嫁？

>>October 18, 2006 at 12:35:39 PM GMT+8

2006 年 10 月 16 日 星期一 【陰】

聽日拎班衫喇！好鬼開心！

唔知件衫點既呢？

小息落咗去搵傑仔，馬騮喺到講打機D野！

之後兩堂Chem，我都唔知佢教緊咩！

又唔算難，但係我又唔識！

第2個小息又落咗去，佢地幾個入晒去C班囉！

之後我都入咗去，不過好快出返黎！

因為4C個班房勁大陣野食既味！

英文堂測驗，又出貓喇！

今次劉恆都有出，因為佢都唔識！

Lunch食完飯就返黎睇波喇！

仲以為西社今場又會輸添！

我喺樓上睇到爆晒粗囉！

我真係好想掟個水樽落去！

北社個社長仲係之前咁打，不停插花，都唔知有咩用！

電腦堂同雞脾一齊打機，佢教我玩個飛機Game！

佢玩到勁叻囉！我無野好講！

物理堂補課喺到做功課，佢講書都無聽過！

今日我地又講扮野嗰條友，講佢點篤人背脊！

放學係樓下睇Apple佢練波，仲同傑仔一齊睇！

睇到6點幾佢就走喇！咁都唔等埋我囉！

馬騮佢又係！

我今日先知操場個射燈開關係邊，我搵咗勁耐！

搞到要問個校工先知個開關係邊！

睇睇下波，就俾人鬧喇！

之後趕埋我出去學校門口添！

等到6點半到，佢就放喇！

我發覺今日唔記得咗睇佢帶腳繩囉！

死喇！佢話聽日請我食蘋果派！

我最憎食既野！

今日Apple話佢成日都想嘔，點知阿Sam聽到！

我都估到佢會諗咩嫁喇！

我都想係你諗咁！不過無可能！

以佢咁既性格，跌左個仔都唔知喇！

今日玩Apple話好玩嗰個賽車Game！我D成績次次都差佢一兩秒囉！