2006 年 6 月 29 日 星期四 【晴】

本來諗住做多幾日既，不過個raymond無端端走過黎問我想番到幾時，咁就緊係話做埋今日唔做啦！哈哈，所以今日係最後既一日^^咁岩落場又有人打黎叫我見工，不過我知機會微乎其微，不過我都會去見的！
午飯個陣好自在，d野飲我做晒，又唔洗俾人話，但係到夜晚，當我講完話唔做之後，d人d態度就轉晒....真係勁衰......不過一日比一日覺得d時間過得快左，可能越來越識真取時間懶~~~

點都好！春田！正黑店~~

>>June 29, 2006 at 4:34:52 PM GMT+8

2006 年 6 月 28 日 星期三 【乍寒還暖】

一天的工作又完了，電話沒有響過，每當想找人的時候，也都找不著~

答入深夜了，這是我們的時間吧......「我心想」，如此的平淡，很倦嗎？我真的一點也不倦，喉嚨只想不斷地震動，說著我和你的心事，互相的傾訴，耳朵很想聽到你的聲音，不想沉默~

最後電話掛上了，這樣一天便過去，又要踏上工作~電話還是當鬧鐘比較合襯.....

>>June 28, 2006 at 5:10:22 PM GMT+8

2006 年 6 月 26 日 星期一 【晴】

周身骨痛痛~~今日day off~~即刻上勞工處搵工~~一份高依家份工二千蚊，一份低二千蚊~~

兩份都起沙田，8千個份人工好吸引，不過又係做侍應時間無咁長，都幾好~~陣間去見工

另一份做初級文員，4千蚊，打左個電話，佢話會盡快打黎，um.....人工係就係少d~~不過放得早，起碼仲有個夜晚俾自己，而且學新野，為自己裝備多一把刀，點都好，我都覺俾依家果份好........(如果計敬業樂業，我係天下第二等苦人呢)
==================================================================================
下午租左兩套碟睇，哈x移動城堡同比卡超…睇到一半去左沙田見工，話今晚會通知，依家都無打到，咁就無我份lu...~~跟住買個下午茶番屋企繼續睇，睇到訓著左~咁就一日…唉........
聽日又折磨喇.......

>>June 27, 2006 at 1:40:47 PM GMT+8

2006 年 6 月 26 日 星期一 【炎熱】

唉，岩岩放完工番黎沖完過涼，咁就差唔多一點喇~~
禮拜一，少就真係少人好多，不過一樣咁倦，果條pk主任真係要幫佢改番個名叫猴急佬~又白癡，叫人地唔好做既野自己又做，明明做緊野又叫人地做，都唔知佢做緊麥，個個都唔妥佢，不過算啦，打份工姐，今日同d同事都熟略左好多，起碼有咩都遇埋我，好似食野啊，傾計咁，夜晚又有沙律同超正既牛肉，ok la~又飲左支bear~

間野連企都唔準，真係粗晒嘴，好彩我都唔笨，偷懶依家野我都算在行~~
不過d時間真係過得好慢.....唔明點解…

>>June 26, 2006 at 5:09:38 PM GMT+8

2006 年 6 月 25 日 星期日 【晴】

岩岩起身無耐，諗到陣間又要去間野，真係有d怕怕…但係…第二日ja bor......

ICES......講得岩既~~~THX YOUR MESSAGE~

>>June 26, 2006 at 2:31:12 AM GMT+8

2006 年 6 月 24 日 星期六 【晴】

今日第一日番工，倦倦倦，勁倦…都唔知麥事…比起上年，依份好似想拎人命，成日都起間野度，真係無自由，失自由，最衰就係要落場，個半鐘真係唔知做咩好，第二間野真係幾大…好Q倦的，第三可能今日禮拜日，先咁多人姐…都唔明，咁貴都咁Q多人黎食…

聽日禮拜一，點都無人喇掛，點都好，希望無人…咁岩，今日係間野既兩周年紀念，佢地個個出去食晚飯，人有請，問我去唔去，我揀左唔去，跟住個廚房佬話：「唔去？今日白做嫁ja bor~~」，真係粗晒，最後都無去，返歸好過~~好倦的一天呢…

>>June 25, 2006 at 3:36:28 PM GMT+8

2006 年 6 月 23 日 星期五 【酷熱】

今日又去左連弟屋企打雀，好似前幾日先打完咁~~~^^"好唔好意思呢~~
有陸安、黎膠、西西、連弟同我~~~好開心呢~~~

今朝春田日本料理打左電話黎話聽日可以番工lu....~~唔知新環境會點呢…d人會唔會難相處...~~
um.........聽日就會知....~~
ices話春田花花幼稚園，又係bor^^~~

聽日俾心機！

>>June 24, 2006 at 1:36:45 PM GMT+8

2006 年 6 月 22 日 星期四 【清涼】

香港d天氣越來越熱喇~~~各位朋友仔小心中暑~~~

前日終於都考埋oral完成我第二次既會考了~~~輕鬆晒，第二日就去搵工喇~~~

朝早打左幾個電話，一係請左人，一係就等電話~不過有間叫我聽日去interwiew~之後同左樹樹去~不過都唔係搵工的，去左睇魚，好大條「皮芭」啊！！夜晚就玩icq~~~send相send到好夜呢~~~

今日就繼續搵工，朝早去拎成人身份証，個大頭照都幾靚仔^^~~hehe~~跟住就去第一城搵~~見左幾間，有一間日本料理有fd起果度做，話好大機會請，我都希望呢~~~不過跟住都出左去尖嘴搵，事關人工有7千5~好高呢~~行左勁耐先搵到間野，跟住佢俾左張白紙我，叫我寫~~個腦一時空白，好後悔無起大岡啊.......覺得寫得好差.....話等電話~~~~起架車度係咁諗，諗左篇好好嫁......唔知點解好似考試考得唔好既感覺，諗諗下就訓著左LU~~~番到屋企同阿爸傾計.......~~
靜怡都收到份手信了，點解你仲未有既.....

>>June 23, 2006 at 12:33:01 PM GMT+8

2006 年 6 月 14 日 星期三 【酷熱】

最後一日了，就係去小樽喇，首先係去運河，影番張本本旅行雜誌都有既相，不過就無食到果度最出名既雪糕，因為超多人排隊，過左鐘仲有人排緊…O晒~~
係咁行，有d好似人住既小屋，原來係鋪頭黎嫁，仲好多野買添~~~d旅遊書都無講過~~超靚~~

好快又去左壽司街，仲有買音樂盒既專門度，好大好靚啊，第一、二層擺滿音樂盒同卡蛙依既學生呢~~三樓就自己創作音樂盒既地方~~真係好俾心機揀手信，都唔平嫁，係咁行，差唔多全條街都行晒~~好多風鈴，好多龍貓公仔~~好多好多得意野，香港未見過............

自己黎既話行一日都仲有得行呢.....~
之後番機場答飛機~~個空姐~~~嘿~~~~四點半上機，差唔多9點落機..~~望到沙田夜境~~，去到機場都唔洗五分鐘~~但答bus要成個鐘呢...~~好倦咁訓教~

>>June 23, 2006 at 12:20:31 PM GMT+8

2006 年 6 月 13 日 星期二 【微冷】

第四日喇，今日d境好靚嫁~~
首先有日式同洋式早餐揀，緊係揀洋式啦，日式食到怕怕~~係bbq黎嫁~~早餐就有bbq~
跟住就向富良野出發喇，好靚既大花園啊，不過未岩季節，所以無x衣草
買左支有x衣草既test tube，跟住去食富良野密瓜，勁甜~~跟住就留左野無拎~~無左支test tube~
就去左一間唔知咩野食自助餐~~逗留左勁耐~~得一間鋪頭~唯有同家姐去影相~
之後又上車，去番札榥，行狸小路喇，好多學生呢~~~成係街好長，仲有地下間~~大出血~
見到間買衫既鋪頭，好多日本仔起果度買~~~都唔執輸~~~有二手levi~~二百幾~~~
行下睇下好快又天黑，去食成吉斯漢鐵版燒，無叫到神戶牛，不過仲好，有叫個d連好味兩個字都聽唔到呢~~~^^~之後番酒店，試下衫就同家姐出左去喇，因為有好多夜市，d境又靚~~~
行到勁倦呢~~~不過都好多飛仔的...~~~很倦的一天就訓到大聽朝~
同自己買過既野影左張相~~

>>June 22, 2006 at 5:38:45 AM GMT+8