2005 年 1 月 25 日 星期二 【晴】

標竿人生Day 25

~~苦難使我們脫變~~

問題:甚麼困難讓我的生命成長最多？

我覺得信心方面令我成長最多~因為我自少就缺乏信心.對好多事都比較遲疑,做事不夠決斷....往往令我自己失去了好多機會.但慶幸的是,神沒有放棄我,反而俾左更多機會我去增強自己信心~~就以中一團契個度為例,我第一次係個度講野ge時候,係非常緊張,驚自己講得唔好,令到d中一學生唔明,但經多次ge磨練之後,我對自己講ge野好有信心,知道點樣做先令佢地明白.我唔可以話自己已經做到最好,不過相比起以前,信心的確增強了不少~感謝神去改變我,感謝神俾機會我>.<

不但如此，就是在患難中也是歡歡喜喜的；因為知道患難生忍耐，忍耐生老練，老練生盼望；(羅馬人書5:3-4)

背經︰我們曉得萬事都互相效力，叫愛神的人得益處，就是按他旨意被召的人。(羅馬人書8:28)

>>January 26, 2005 at 5:30:32 PM GMT+8

2005 年 1 月 25 日 星期二 【晴】

突如其來的一想
呢度就好似我ge私人世界......最初呢度乜都冇,冇音樂,冇背景,冇簡介,冇圖,最重要ge係冇日記....到依家好似乜都有,我覺得係自己咁多本日記之中,用得最多心機同最靚ge一本~~~去到呢個日記,就好似入左自己心裡面咁,搵哂自己收藏係心ge野......呢度ge每一句,都係我自己心想講出尼ge野......原來當日子耐左,再搵番以前個d日記黎睇,係會令自己記得番好多野,回憶番好多野.....雖然唔係每件事都令我開心,不過就真係可以會心微笑~~笑自己點解個時可以做d咁ge野,仲可以打埋落日記到~~都幾搞笑~~希望可以keep住呢個打日記ge心,留番將來搵d friends一齊會心微笑都好ar~~~~haha~~呢一切一切,都係因為神俾我好多好多野,經歷好多好多野,令我可以打番自己感受出黎~~感謝主~~

>>January 26, 2005 at 4:05:16 PM GMT+8

2005 年 1 月 24 日 星期一 【晴】

標竿人生Day 24

~~真理使我們蛻變~~

問題:有哪些是神藉著祂的話語已經吩咐我去做而我還未做的？

改掉我多處的壞習慣是神叫我去做而我仍未能做到的.因為自己常常好自然地,又會做回那些壞習慣出來........事後才覺懊悔~~我很希望我可以天天記著神的話語,儆醒自己,達成向神承諾的事~~

下定決心當神要你做某件事時，無論你覺得有沒有道理或想不想做，你會信靠神的話去做。

背經︰你們若常常遵守我的道，就真是我的門徒；你們必曉得真理，真理必叫你們得以自由。(約翰福音8:31-32)

>>January 25, 2005 at 5:05:53 PM GMT+8

2005 年 1 月 24 日 星期一 【晴】


哥林多後書第六章第十節:

似乎憂愁，卻是常常快樂的；似乎貧窮，卻是叫許多人富足的；似乎一無所有，卻是樣樣都有的。

>>January 25, 2005 at 3:44:50 PM GMT+8

2005 年 1 月 23 日 星期日 【晴】

標竿人生Day 23

~~如何成長~~

問題:我應該在哪一方面放棄自己的想法，而代之以神的想法？

在傳福音方面,我應該放棄自己想法~~其實我是很想為神傳多d福音俾我d學校同學,朋友,不過就是因為經常懼怕被拒絕後的情況,而沒有做到~~我好希望係呢方面有所突破,改變思想,用神ge想法去傳福音.縱使他們相信與否,我都盡了最大努力為神做事~~

你們當以基督耶穌的心為心。(腓立比書2:5)

背經︰不要效法這個世界，只要心意更新而變化，叫你們察驗何為神的善良、純全、可喜悅的旨意。(羅馬人書12:2)

>>January 24, 2005 at 4:53:05 PM GMT+8

2005 年 1 月 22 日 星期六 【晴】

標竿人生Day 22

~~被造是為了像基督~~

問題:今天，我有哪些地方需要求聖靈的能力，使我們更像基督？

我覺得在做事的信心上,需要求聖靈的能力.因為很多時,我都是欠缺信心的,雖然那件事是對的,不過我都會有所懷疑~不放膽去做,做出來的事不夠好~所以信心上仍欠缺了,需要聖靈的能力........我覺得自己已經漸漸改變了~~~

背經︰我們眾人既然敞著臉得以看見主的榮光，好像從鏡子裡返照，就變成主的形狀，榮上加榮，如同從主的靈變成的。(哥林多後書3:18)

>>January 24, 2005 at 11:11:32 AM GMT+8

2005 年 1 月 22 日 星期六 【晴】

今日過左一日非常充實ge一日,有玩之餘仲有溫書添~~正~~事緣係朝早約左Penny佢地去打波,好幾個星期都未同過佢地一齊打波la,今次打波,易彗敏都有去添~~好搞笑,由佢黎左之後,都未鬥過一場波~~因為我地打親都係全場,佢唔打....所以就射下波就算.......不過............XDDDDD正岩佢走左之後,佢地就玩番半場la~~haha~~好彩佢唔知姐.......
佢走左冇幾耐,我同志和都走la~~因為佢要去睇Cosplay(我都好想去ar...不過有其他野做ja~~),而我就返屋企沖涼,然後就返康樂教Helen Cost Account.應該唔可以叫做教,應該叫一齊溫Cost Account~~因為我都唔係好記得,加上呢個sem都係學Cost Account,所以就一齊溫la~~~全靠佢ja,我先可以溫番d Cost Account ja~~~感謝你ar~~~Helen~~~>.<
溫完書之後,就去左排劇lar,收到個時間表,一月至三月,好多日都要排戲...不過唔緊要,人生當然要充實d先會豐盛ga ma~~~或者呢個係一個考驗la,神可能俾更大ge任務我去做~~~
排完戲都成九點幾lu.......之後再返大中搵Penny佢地去食糖水,吹下水,先各自歸家~~~不過我收到張好靚好靚ge咭ar,係志和係Cosplay個度買俾我ga~~>.<感謝感謝~~~
今日早午晚都過得好好,好正~~~~感謝主,等我係今日有得放鬆下心情,迎接明天ge挑戰~~

>>January 23, 2005 at 4:23:06 PM GMT+8

2005 年 1 月 21 日 星期五 【晴】

標竿人生Day 21

~~維護你的教會~~

問題:目前我能做甚麼事，去維護我教會的合一呢？

我覺得要做的事,便是與組員,教會內的任何人合一,而非劃一.好多時,我們都會因意見不合而嘈交.......不過原來神是希望我們要互相接納對方的不同,而不是反對對方的不同......我覺得這一點,我們真的需要銘記於心------接納.只要學識這個課題,教會裡的問題一定少了很多,教會便更迎合神的家~~~

有時候為了基督身體的好處，你要稍作忍耐。這是神把我們擺在教會家庭中的理由之一…學習不自私

背經︰所以，我們務要追求和睦的事與彼此建立德行的事。(羅馬人書14:19)

>>January 22, 2005 at 5:46:07 PM GMT+8

2005 年 1 月 21 日 星期五 【晴】

不經不覺,"標竿人生"呢本書已經睇完左二十天la~~~係呢二十天當中,我知道左人生五個目的之中的兩個目的.第一個目的係我們要帶給神滿足及歡心.第二個目的係成為神家ge其中一份子,學習去愛每一個人~~~感謝主保守住我ge心,令我呢二十天當中,從不間斷咁睇.因為當中想過放棄,留待另一日再追番...但係既然神話要每日睇一篇,咁就唔可以放棄任何一日ge時間~~二十天令我學會好多好多,不止於二個的人生目的,仲解決左我自己好多好多ge問題~~感謝主~~我亦知道,自己對神ge知識唔夠,所以一定要比人努力百倍,努力千倍,吸收神ge知識..雖然追ge日子唔短,但是我唔會怕辛苦.因為我要為神擔起更大的事~~~
唔知道,第四十天之後,我會有咩改變呢????期待神ge安排>.<

>>January 22, 2005 at 5:30:52 PM GMT+8

2005 年 1 月 20 日 星期四 【晴】

標竿人生Day 20

~~重建破裂的團契生活~~

問題:目前我需要與誰重建關係？

雖然我與小組組員的關係沒有破裂,但我覺得大家的關係仍然可以加強的.因為大家都只是一星期見一兩次,見面ge時間唔算太多,好難有足夠時間俾每一個人分享自己的事~~關係很難有很大的改善.所以要加強彼此ge關係,穩定大家對神ge心~~
我覺得我好好彩,因為我可以係一個咁開心,咁認真ge小組裡面成長,真係好正>.<我呢句野冇矛盾ga~~因為係小組裡面,雖然我地係成日玩,冇時冇刻都有得笑,不過係敬拜,崇拜個時,個個都好認真去經驗神,去感受神~~~玩之餘仲會有神ge存在,實在令我嚮往~~~我好鍾意我ge小組~~~好感謝主帶我~~~

箴19:11 人有見識就不輕易發怒；寬恕人的過失便是自己的榮耀。

背經︰ 若是能行，總要盡力與眾人和睦。(羅馬人書12:18)

>>January 22, 2005 at 5:48:07 PM GMT+8