Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 >>

2004 年 10 月 28 日星期四【晴】

係囉～＊＊本來今日諗住煮公仔麵比傻佬食架．．
不過媽咪係到就唔好啦～咁我地就去左飲茶啦．．食佢最鍾意食既鮮竹卷．．
３條要食哂３條既佢，好好人比左條我．．搞到佢食少左條ｔｉｍ．．ｈｅｅｈｅｅ．．
食左ｄ野就走喇．．首先去左銅鑼灣幫佢串返ｄ水晶鍊先．．
攪掂之後就搭車車出發喇．．我地既目的地係ｓｔａｎｌｅｙ．．
今日我想遠離凡囂．．出ｄ冇咁人既地方．．靜靜地～
梗係近排比人煩得多．．好多野要煩～咩都煩啦～～我要淨化下自己先得，好似水晶咁．．
第一站係懲教處博物館，佢未去過未睇下囉．．我都去到悶哂囉．．
參觀完就留下倩影啦～影下相相咁啦．．之後行ｓｔａｎｌｅｙ　ｍａｒｋｅｔ．．
ｓｔａｎｌｅｙ　ｐｌａｚａ,再去ｍｕｒｒａｙ　ｈｏｕｓｅ到．．點知去到冇幾耐．．
就見到個阿叔眼甘甘望住我地～睇下佢搞咩鬼先．．無啦啦話幫我地影相．．咁好死！？？
好～影囉．．點知仲要懶係ｐｒｏ咁教我擺ｐｏｓｅ．．
ｏｈｈｈｈｈ　ｓｈｉｔｔｔｔ．．．８０年代咩仲有呢ｄ咁既ｐｏｓｅ．．
ｏｈｈｈｈｈ．．．死喇．．好想爆笑ｔｉｍ．．死忍爛忍．．．忍忍忍～～～
點知講到最後未又係想我地幫襯佢影相．．車～～
佢話佢大過我地，叫我地叫佢ｕｎｃｌｅ　ｇａｒｙ喎～
鬼唔知你老過我地幾十歲咩睇下你個ｍｅｄｉｔｅｒｒａｎｅａｎ　ｓｅａ就知啦～
你ｄ咁既咁 " ｐｒｏ"既ｐｏｓｅ仲敢比你影咩～之後我地未側側ｓｈｏｕｌｄｅｒ話就走囉．．
扮哂野咁話拎佢個ｃｏｎｔａｃｔ啦．．點知佢比張用Ａ４紙打字機整出黎既咭片．．
ＯＯＯＯＯＯ哂咀囉．．．等佢一走左之後我就勁笑狂笑啦～忍得咁辛苦～
之後我地去左千年古井喇～～梗係唔係為左睇佢啦，你估有千年水精出黎咩．．
諗住去個到Ｄ石攤坐下抖下涼吹下海風咁．．幾舒服～～＊＊即刻精神左Ｄ．．呵呵～
之後再完行去Ｂｅａｃｈ個到，睇下有冇蟹仔睇，點知潮脹．．行唔到出面ｄ石攤到玩＊＊
之後我地２個都肚仔餓決定搭車出去食野～～其間我地都影左好多相相架～不過影到我超樣衰．．唉～
ｄ死人ｍｏｖｉｅ．．．．．．哼～～
搭車出去行去香港仔個時個傻佬唔知做咩行路唔睇路．．ｃａｋｅ親．．佢話突然間有種玩跳樓機既感覺喎．．．
死囉～～我諗佢玩完跳樓機有陰影呀．．笑死我．．
之後行去搵野食個時～見到一個超爆笑既事情發生係我地既眼前．．
行行下．．前面既師奶個頭比上面唔知邊到ｄｕｍ左ｄ野落佢個頭到．．
１ｐａｔ　ｐａｔ既．．成個頭既前半部ｄｉｒｔｙ哂～～
雖然我覺得佢真係好慘．．但係我真係忍唔住想笑～～～～
又忍～～等個師奶見唔到我地個時我又頂唔順要笑喇～哈哈哈哈～～
笑到肚仔都痛埋．．＊＊笑左成日啦我．．
不過好彩唔係發生係我身上者～因為我同個師奶只相隔一步咋．．
如果係我實喊死．．好ｌｏｒ架ｍａａａａａａａａａ．．
之後去左潮苑食野啦～食完野去左一個我好耐冇去過既鋪頭買野食～
個到咩零食都有架～～細細個食大個左搵唔返個ｄ都有～勁勁～～
買完野食就搭車車返佢個ｈａｌｌ到．．不過呢．．返到去冇幾耐個傻佬唔知做咩唔開心～
見到佢唔開心我又唔開心．．．．．加上今日可能幸災樂禍得多．．
喉嚨痛唔舒服咁．．攪到突然間成個人ｄｏｗｎ哂～～
返到屋企仲多得媽咪唔少．．講左ｄ野攪到我更加唔開心．．
不過算啦．．以我既性格訓一晚就冇事架啦～～＊＊（希望啦）
傻佬唔好唔開心．．你唔開心我都唔開心～
不過呢．．最好你有咩唔開心都同我講啦．．係唔係～

>>April 21, 2008 at 1:24:49 PM GMT+8

2004 年 10 月 28 日星期四【晴】

豪仔餅time.....因為有人投訴我抄功課，所以今次我打先～～～
今日ｄａｙ　ｏｆｆ，一早就可以去搵芝士餅喇，雖然我懷疑佢好難咁早起身，
不過我都係照原定計劃去接佢．因為早一晚佢話煮野我食嘛．．．不過後尾佢媽咪係屋企，
就上唔到去煮野食，咁我地就去咗飲茶喇～食咗好多野呀，佢話鍾意食奶皇飽喎，
我實會記得既～～呵呵～

之後就係今日既節目喇，我地搭車去咗赤柱行吓同睇野，因為個傻妹話好熟果頭，
要帶我參觀懲教署博物館喎，咁我未去過嘛，緊係咩都唔知啦．．．
哈哈～不過個傻妹真係好叻，佢講咗好多關於赤柱既故事我知，我覺得佢好叻呀．．．
好鬼死ａｄｍｉｒｅ佢，突然間覺得自己變到好細個呀．．．哈哈～行咗陣博物館，
影咗ｄ相我地就去行赤柱ｍａｒｋｅｔ喇，雖然無咩睇，不過都好開心架，又可以拍拖～～
我地一路行，一路影相，去到美利樓，突然有個自稱ｕｎｃｌｅ　ｇａｒｙ　ｌｅｕｎｇ殺出
唻話幫我地影合照．．．．見佢懶係ｐｒｏ咁，又教ｐｏｓｔ又講ｄ　ｔｅｒｍ咁，就知佢古
古惑惑．．．果然不出所料，我想我地幫襯佢影相，其實我覺得無咩所謂，不過見佢ｄ技術嘛
嘛，攞咗佢ｃｏｎｔａｃｔ我地就走咗喇．．．．之後我地去咗石邊坐咗好耐，好舒服好舒服
呀，望住個海我地傾咗好耐，個感覺真係幾好．．．之後我地行多陣沙灘就返出去食野
喇．．．我地去咗香港仔食野，食粉面ａｇａｉｎ，講真真係嘛嘛地，
但係之後我地去咗一間賣零食既ｓｈｏｐ，果度有好多我細個果陣先食過既零食呀．．．
好開心，我好似變返小學生咁．．．ｏｈ　ｓｈｉｔ．．．哈哈～～我地掃咗好多野食呀，
一大欏咁返咗我ｈａｌｌ．

之後睇返今日ｄ相，玩咗陣我就送咗佢返去喇．．．．其間發生咗ｄ事，有ｄ唔開心，
不過我決定講比佢知，我呢個善解人意既老婆仔都好明白，仲同我講咗好多野～～
哈哈～感覺上我地又好似了解多咗咁～不過．．．佢話比阿媽見到我地一齊呀，煩咗佢一陣，
希望佢阿媽會接受我啦．．．．我唔係壞人呀．．．仲好錫妳個女架．．．．
一於用時間證明妳睇～～

>>February 23, 2005 at 7:32:00 PM GMT+8

2004 年 10 月 27 日星期三【晴】

頭先聽到我個好朋友ｓｅｖｅｎ話佢阿麻有事，可能唔得．．．我覺得好唔安樂，
好多野都唻得好突然，又會走得好突然．．．我又諗起我阿麻成日話想見我，
但係我又無時間去探佢，不過其實呢個都係藉口姐，同佢飲吓茶要有幾多時間？？？
可能係我怕醜，又或者覺得唔需要表達得咁多．．．．好多時人就會因為一刻既保留，
猶疑而錯過表達自己感情既機會．．．．．往往就因為咁，到失去咗機會既時候先識得後
悔．．．其實同一個自己覺得值得珍惜，值得去愛既人講一句真心話，
已經可以勝過好多好多表面既野．．．所以我決定帶埋我既芝士餅去探吓我阿麻，
表達一吓我對佢既關心．．．雖然有ｄ老土，不過我知我唔咁做一定會後悔．．．．

老婆仔，妳都係我覺得值得珍惜既人，我愛妳

ｐ．ｓ．希望ｓｅｖｅｎ阿麻吉人天相．．．．心情沉重中．．．．

>>February 23, 2005 at 7:35:44 PM GMT+8

2004 年 10 月 26 日星期二【晴】

今日做咗一日ｌａｂ，累到死呀～完全唔想去教劍，不過就想去搵老婆仔．
一放學我就去咗黃大仙接佢喇，返屋企～～不過都同平時一樣啦，好肚餓就去咗食野先，
食檬粉喎佢，果間野ｄ野食真係唔錯，多ｄ去先～～哈哈～

食飽飽就返咗屋企接阿ｄｉｃｋ去玩喇，隻衰狗開始跟老婆仔喇，成日跟住佢，
個傻妹又就佢喎．．．激死我．．．之後我地就去咗行ｓｕｐｅｒａｒｋｅｔ，
買咗ｄ野食夜ｄ食，我驚我肚餓呀～哈哈～返去坐咗陣就去咗整布甸喇，教佢整囉，
等佢下次整返比我食～

食完布甸，我地就覺覺豬囉～～～～～

>>February 23, 2005 at 7:36:25 PM GMT+8

2004 年 10 月 26 日星期二【晴】

芝士餅

本來今日都係見唔到老公架～～
點知下晝個時老公打黎話今日好累唔想教劍．．
叫我比一個ｅｘｃｕｓｅ佢可以唔去教劍～～
好簡單者～～見我囉．．呵呵～～
見我未幾好囉～ｈｅｅｈｅｅ．．．．．
之後佢真係唔教劍呀，好野～～又可以見到老公ｌｕ～
佢梗係知我一日唔見佢如隔３週喇～～
之後呢我地又約左係地鐵站都等．．
我地係黃大仙搭車車返去屯門～
因為佢知我好掛住ｄｉｃｋ　ｄｉｃｋ　ｍａ．．
ｄｉｃｋ　ｄｉｃｋ我黎梗啦～～呵呵～～～
返到去我地就食野啦～去左食泰國野．．唔唔～都幾好食～～
之後就去左佢屋企見ｄｉｃｋ喇．．
呵呵～～ｄｉｃｋ個腎虧病好似好返喇喎～今次冇咁多殊殊ｌｕ～
之後我地就行ｓｕｐｅｒｍａｒｋｅｔ．．老公話整布癲比我食～～
嗚嗚～～～好感動好幸福呀．．．嗚嗚．．我都唔識得整呀～～嗚～～～～
好野好野～～有得食．．哈哈～～好開心．．
睇佢整個時好似好簡單咋喎～等我下次自己試下先～～
過左陣有得食ｌｕ～～好好味呀．．不過食得個少少咋．．
佢話我咳唔比咁多我食．．仲要迫我飲咳水ｔｉｍ．．
好好好～～～～～難飲呀～～～～～～～嘔～～～～～～～～～
ｅｅｅｅｅ～～諗起都打冷震呀．．

>>October 28, 2004 at 9:28:23 AM GMT+8

2004 年 10 月 25 日星期一【晴】

芝士餅

好野～～本來今日應該見到老公架啦～～
因為佢全日都好忙好忙囉．．
本來佢６點半要教劍劍架．．咁佢５點幾個時話眼訓
叫我半個鍾之後ｃａｌｌ佢叫佢起身啦～～
ｈｅｅｈｅｅ．．．點知．．我都訓著左喎～～
死喇．．我訓醒個時都７點幾ｌｕｕｕ～～
唔知佢點呢．．點知佢又唔知醒．．
咁最後都係冇去到囉．．慘慘喇～～
冇去到即係有時間見我啦，哈哈～
好野～～咁我地約左係地鐵站等．．
去左ｈｏｌｌｙｗｏｏｄ　ｐｌａｚａ到食野～
食完行左陣見到戲院咁佢就話睇９：３０．．
ｏｈｈｈｈｈ．．時間仲要岩岩好ｔｉｍ～
咁我地仲差消防員未睇．．雖然一早知個男主角會死．．
不過睇到最後都係眼濕濕．．好慘呀．．．．．．
ｏｈｈｈｈｈ．．點知睇完戲出去落雨喎～～
ｏｈｈｈｈｈｈｈｈｈｈ．．點解會無啦啦落雨架．．
之後我地就搭車車返屋企ｌｕ～～
好野～～今日又見到傻佬佬～～
ｈｅｅｈｅｅｈｅｅｈｅｅ～～

>>October 28, 2004 at 9:30:22 AM GMT+8

2004 年 10 月 24 日星期日【晴】

芝士餅
今日呢～～＊＊
拍拖１０日啦．．ｈｅｅｈｅｅ．．．＊＊幾快～
好好好開心呀．．
首先．．我約左ｍｏｏｎ　ｍｏｏｎ去銅鑼灣買野．．
ｈｅｅｈｅｅ．．買左好多野呀．．好開心～
ｄ野全部都係買ｄ傻佬既．．＊＊
之後ｍｏｏｎ　ｍｏｏｎ同我等ｔａｎｇｏ放工
陪佢地食吉吉家．．
本來都唔知佢得唔得閒出黎搵我架～
不過呢最後佢６點放學就出黎ｌｕｕｕ．．
首先我地都餓餓地去左南記食野先～～呵呵～～
食完之後就去左維園送ｄ野比佢啦．．ｈｅｅｈｅｅ．．
我諗佢會鍾意卦～～係唔係好得意，好靚呢．．
我揀左好耐架啦～～你唔鍾意嬲嬲架．．
之後又玩左陣千秋喎～～ｏｈ～～哈哈～～
ｔｈｅｎ我地去左阿貓地攤坐啦～～睇下ｄ貓貓～～
個傻佬坐得舒舒服服就想訓喇～～不過我都知佢好ｔｉｒｅｄ架啦～
坐左陣我地就去左ｔｉｍｅ影貼紙相同咭咭～呵呵～～
影完我地就搭車車返屋企ｌｕ～＊＊
點知返到去傻佬病左呀．．發燒ｔｉｍ～
點算好呢～～～～～～休息多ｄ呀．．
早ｄ訓，知道未！！？？

>>April 21, 2008 at 1:17:28 PM GMT+8

2004 年 10 月 24 日星期日【晴】

嘩嘩~~今日落咗堂就諗住打比個傻妹睇吓佢做緊咩啦，點知佢話出緊街喎，約咗人買野～～
咁我緊係問吓佢買ｄ咩啦，見佢古古惑惑咁，一定有好野比我，咁我放咗學就去
ｃａｕｓｅｗａｙ　ｂａｙ搵佢喇．因為太肚餓既關係，我地去咗食米粉，
佢話出名喎ｄ春卷，哈哈又幾好食～～不過途中個傻妹鬼鬼祟祟咁唔比我睇買咗咩比我．．．
好．．．唔睇囉～妳實要攞比我既～哈哈～～～

之後去咗行公園，佢就送咗ｄ禮物比我喇～原來係一個豬樣既煙灰缸，
哈哈～咁有個豬鼻架，好得意架～～不過之後果份先真係比咗個好大既ｓｕｒｐｒｉｓｅ我，
之前同佢講過想要一條藍虎眼既珠鍊，不過搵唔到，原來個傻妹記住仲送咗比我．．．．
好感動呀．．．（雖然好明顯佢係睇返ｈｉｓｔｏｒｙ．．．．）不過ａｎｙｗａｙ，
我好鍾意，多謝老婆仔～

之後我地去咗阿貓地攤飲野，ｄ貓好搞笑，雖然ｄ野唔好飲，不過咁都幾好吖，
可以休息吓，同佢一齊真係好舒服呀～
一舒服就想訓覺．．．

>>February 23, 2005 at 7:37:10 PM GMT+8

2004 年 10 月 23 日星期六【晴】

芝士餅

今日佢要幫人補習呀～＊＊
所以我要等佢１個半鐘，等佢補完就行街街喇．．
我係屯門市中心行住等佢囉．．
不過佢比左個ｍｉｓｓｉｏｎ我呀．．
要我買份１０蚊以內既ｇｉｆｔ比佢囉．．
１０蚊雞，好似真係有ｄ難度喎．．
不過呢ｄ少事點會難到我呀～哈哈～～我咁叻．．
我未係到行行行囉．．唔夠半個鐘就比我搵到啦．．
買左個叮噹２００５ｃａｌｅｎｄｅｒ比佢～～～
好有ｍｅａｎｉｎｇ架．．因為我可以一早寫定哂幾時係我地拍拖１年紀念啦，
１００日紀念啦～好多野啦．．ｈｅｅｈｅｅ．．
係個傻豬話逄有１字既日子都要ｃｅｌｅｂｒａｔｅ架ｍａ～
本來都買多ｄ野送比佢架．．點知呢到大就幾大呀．．
幾個ｐｌａｚａ痴埋一齊ｔｉｍ架，搞到我盪失路ｔｉｍ呀～
不過都冇我想買比佢既野～～遲ｄ補返啦，ｈｅｅｈｅｅ～～
行到腳仔軟又熱辣辣，見仲有２０ｍｉｎｓ到佢先補完，
咁之後去左個到最熟路既地方許留山到坐住等佢囉．．
佢黎到食左ｄ野又繼續行街街喇～行完又食ｌｕｎｃｈ喇．．
去左梆林閣食啦，我叫左個咩蝦米ｘ肉ｘ啦～好難食呀～～
仲難食過我煮個ｄ呀．．食左２啖就冇食喇，好似好浪費咁ｔｉｍ．．
不過真係難食呀ｍａａａａａａａａａａａａ～～以後都唔食呢樣ｌｕ～
食完就搭車車返佢個ｈａｌｌ到．．
ｈｅｅｈｅｅ．．ｒｏｏｍｍａｔｅ哥哥都係到呀．．．
ｈｅｅｈｅｅ．．唔知講咩好ｔｉｍ．．ｈｅｅｈｅｅ．．啞左．．
ｈｅｅｈｅｅ．．好彩冇幾耐佢走左者～
之後我就繼續努力咁幫佢整ｄ相相痴係佢個牆到喇．．ｈｅｅｈｅｅ．．
佢間房越黎越似女仔房喇．．哈哈～～
因為越黎越多公仔啦～ｐａｎｄａ有２大隻．．叮噹都有好多．．ｈｅｅｈｅｅ．．
之後我地就睇ｖｃｄ．．睇我想睇好耐既" the day after tomorrow"囉～
好好睇呀．．．．．．．ｈｅｅｈｅｅ．．ｄ傻佬好似唔專心喎．．
睇完我就要走喇～因為要比時間佢溫書ｍａ，聽日ｔｅｓｔ　ｌｕ～
咁佢送我落到地鐵站我就自己搭車車啦．．
點知～～嗚嗚．．比人咸豬手呀，嗚嗚～～唔開心．．即刻話比傻佬知．．
之後就拿拿聲落車行啦～～
返到屋企先知媽咪佢地仲未返屋企，冇飯食，自己煮．．
ｈｅｅｅｅｅｅｅ．．．．煮烏冬，好好食．．不過我就煮得．．ｅｌｌ～

>>October 28, 2004 at 9:42:13 AM GMT+8

2004 年 10 月 22 日星期五【晴】

It's Time for 豪仔餅~~
嘩~~今日就勁囉......上星期三因為去咗陪芝士餅唱ｋ無去到教劍，結果比教練罰咗跑兩個大
圈．．．即係６０００米，ｏｈ　ｓｈｉｔ．．．好在早一晚我善解人意又體貼既芝士餅一早比我訓，唔係今日實腳都軟．．．跑完之後練完劍就打比佢喇，一聽就知佢咳緊啦．．．
原本想叫佢抖吓唔好去架喇，不過個傻妹好似細路女咁，勁想去，
咁最後我地都係決定去喇．．．

食咗少少野就出發喇，上到巴士就開始眼訓，不過個傻妹仲快訓過我．．．
激死～架巴士好快就到喇，一去到見到勁多人，差唔多啦，星期六又哈佬喂，實多人啦．
入到去我地就買咗少少野，扮吓應節嘛，咁先有氣氛架嘛．之後就去咗四維行，
見到佢幾個ｆｒｉｅｎｄ，阿ｍｏｏｎ仲醒咗兩三隻公仔比我地，真係有ｄ唔好意思．．．．
不過老實講，以我既實力，相信玩返廿幾三十次就可以攞到一隻公仔架喇．．．
哈哈～之後阿ｍｏｏｎ唔得閒，我地就自己去玩機動遊戲喇．．．．
一過到去就玩咗轉洗衣機．．．．都．．唔驚吖．．不過我又係全程咪埋眼．．．
我驚甩ｃｏｎ喳．．．哼！！

之後就去排隊玩跳樓機喇．．．都唔算好多人，不過一路排就一路驚，我完全未玩過架，
以前去海洋公園都係睇野多，都無咩時間玩，今次就唔同喇．．．．救命呀！！
就到我地果陣個衰妹又嚇我．．我都話唔玩架啦＞.＜．．．上到機坐底都無咁驚喇，
之後我全程拖住佢隻手，打死我都唔放架喇～～之後佢慢慢升上去．．．
嘩好靚好舒服呀，ｄ風吹埋唻真係好正好舒服，身邊仲有好女朋友一個，真幸福．．．
係咁幸福既時候我緊係咪埋眼用心意會一吓啦，就係呢個時候我地開始趺落去，
但係因為太累既關係，我訓着咗仲無打開眼，訓咗一陣，佢叫醒我，原來我地已經玩完喇，
真可惜，如果可以上上落落多十幾廿次就好喇，可以咪埋眼訓多陣嘛　＞.＜　　＜．．．．我個訓樣．．．
個衰妹可能見我訓覺過樣得意，特登即刻去玩海盜船，今次我一樣照訓，不過可能無咁累啦，
中途我都醒咗一陣　＝.＝'' 　諗住偷望吓佢嘛，點知原來佢一路望住我笑．．
哈哈～～衰人

玩完都差唔多返過去睇鬼屋喇，排咗一陣就入得，果陣已經好夜喇，ｄ人都差唔多走哂，
無咩人既海洋公園都幾得意．我地入咗中國鬼個間，自己人驚ｄ嘛，哈哈～今次到個蠢豬驚
喇，ｅ嘩鬼叫咁，笑到我傻～～我就緊係唔驚啦，我一早已經睇哂咩位有咩走出唻，
實嚇我唔到既～～呵呵～～

玩完我地就返咗去訓覺，結束今日咁精彩既一日喇～～～

p.s. 各位好友請放心, 我一定會好錫AVIS架, 希望有機會見見你地啦~~

>>February 23, 2005 at 7:38:42 PM GMT+8