Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 >>

2004 年 11 月 3 日星期三【晴】

今日原本諗住落堂就去搵老婆食飯，點知自己太懶訓起唔到身，無上到堂．．不過算喇，咁即係我可以快ｄ見到老婆仔喇～～今日仲可以上佢到同貓貓玩添～～～其實我唔係咁鍾意貓，不過見到樂樂又幾乖幾得意，我都幾鍾意佢喎～佢又痴我，挨挨吓咁幾得意～～玩咗一陣我地就去咗食野囉，之後返咗ｈａｌｌ比ｄ　ｈｅｌｌｏ　ｋｉｔｔｙ老婆睇，佢好開心呀，雖然唔齊．．．．不過我好快就可以儲齊架喇～～放心放心～～

夜晚我地去咗食飯～我食羊腩煲，不過佢好似唔係咁鍾意咁，呵呵～下次唔食囉～～
之後我地去咗睇相，途中個傻妹唔知做咩要跳ｎａｍｉｎａｍｉ．．．搞到我又好笑又唔知點咁．．．激死．．．不過因為我唔比佢跳，佢開始有ｄ唔開心咁喇．．．
攞相睇完之後，見到一張舊相，係佢之前話有人整咗做ｗａｌｌｐａｐｅｒ既相．．．我唔知係咩人喇，不過我又口衰衰咁比ｄ說話佢聽．．．哈哈～～結果搞嬲咗佢喇～～ｏｈ　ｓｈｉｔ．．．．自己攞唻衰添～

一路返屋企個傻妹都咀餅餅～之前果晚仲話佢今日會好開心添～～對唔住呀～

>>November 4, 2004 at 8:03:28 PM GMT+8

2004 年 11 月 3 日星期三【晴】

今日老公黎左我屋企睇貓貓呀～＊＊
呵呵．．係唔係好得意呢．．隻衰妹痴公架佢．．
係公就痴．．哼～＊＊

之後就同老公去ｈｏｌｌｙｗｏｏｄ　ｐｌａｚａ食野．．
去之前就去左ｓｅｖｅｎ到買左塊ｈｅｌｌｏ　ｋｉｔｔｙ板痴ｄ
ｈｅｌｌｏ　ａｕｔｉｅ既磁石仔落去．．ｈｅｅｈｅｅ．．
仲為左拎多２塊磁石仲食左２大杯雪糕ｔｉｍ．．
我食左半杯老公食左１杯半，ｈｅｅｈｅｅ．．
食完ｌｕｎｃｈ就返左佢個ｈａｌｌ到啦～
突然間見到多左好多ｈｅｌｌｏ　ａｕｔｉｅ磁石喎！！？？
唔通佢食左好多杯雪糕．．．．．．．
原來老公尋日教完劍之後山長水遠去左荃灣拎ｄ　ｈｅｌｌｏ　ａｕｔｉｅ返黎比我呀．．
嗚嗚～～好感動呀．．搞到老公尋晚冇飯食ｔｉｍ．．
１拎拎左３０個咁多～～不過好多都係重複左．．
而家我地仲差８個就齊啦，好野～～＊＊多謝老公．．．

之後夜晚我地去左食飯飯～＊＊
食完飯返去又一城到拎相～～．．去個時．．．．．
死人頭唔陪我玩ｎａｍｉ　ｎａｍｉ．．
哼～～佢唔玩我自己玩．．．點知．．．
自己玩都唔得．．．．．．．．．．．．比人ｘ住個口．．
哼～～～～～～激死我．．＊

拎完相個時睇到一張我既相．．
咁我都係隨口講左一句 "呢張相影到好豬咁"．．．
佢竟然講係囉．．．．．係囉．．未即係講我係豬囉．．激死我啦．．
仲要比人話返轉頭．．．．．你敢就拎去做ｗａｌｌｐａｐｅｒ啦死佬～＊＊
之後就返屋企喇～＊＊我地又要星期６先見到啦．．＊＊
真係慘慘．．又冇得見啦．．．＊＊＊

ｐ．ｓ．　老公～我唔會嬲架～～＊＊最多都係玩下架者．．
　　　　　你唔好我一嬲咁你就唔開心．．

>>November 4, 2004 at 3:39:43 PM GMT+8

2004 年 11 月 2 日星期二【晴】

今日又係project day呀, 忙咗成日先發現自己一開始就做錯野, 咩result都無結果......
即係食白果啦~~唉.........

做完lab之後就去咗教劍，不過教教吓自己就打埋一份．．．．原本話唔打架嘛，唔想咁累，
又忍唔住．．．真係要好好ｍａｎａｇｅ吓ｄ時間先得喇．．．．
不過今日練完劍我無同ｄ隊友去食飯，因為我有緊要野做．．
就係去攞ｈｅｌｌｏ　ｋｉｔｔｙ喇～～～要去到荃灣架．．
好遠，坐到ｐａｔｐａｔ都痛呀～

我個ｆｄ個阿哥比咗成三十幾個我，諗住加埋自己果十個實儲得齊啦，
點知果三十個好多都係重複架，激死我．．．．比唔到驚喜個傻妹添．．．
而家仲差８個先齊．．．唉．．唯有食多ｄ雪榚啦～～哈哈～～

返到ｈａｌｌ已經好累．．．事但煮咗個面食就算囉，摼錢嘛～～

>>February 23, 2005 at 7:39:33 PM GMT+8

2004 年 11 月 2 日星期二【晴】

>>November 3, 2004 at 2:02:30 PM GMT+8

2004 年 11 月 1 日星期一【晴】

＊～芝士餅～＊
樂樂唔乖乖呀．．．係我媽咪張床下底屙殊殊．．臭臭～
咁老公仔話貓貓一定要有貓廁所架喎～咁佢話同我去買．．
咁佢放學３：３０個時我係ｍｔｒ等佢一齊會金魚街買野比樂樂啦～
咁我地去到就去左紅蘿蔔到睇野．．
睇左都唔知買咩呀我．．好彩老公仔有做功課一早尋晚睇定要買ｄ咩～
又買左本貓貓書比我睇ｔｉｍ～～
要買貓沙比樂樂屙殊殊，又買左個大大隻既貓廁所．．
好重架～～拎死老公．．
買完之後老公話帶我去食糖水．．好山卡啦架．．
食完之後佢就幫我拎ｄ野返屋企喇～～
之後佢就要急急腳返學校教劍ｌｕ～～
見得個２個幾鐘咋．．不過都好過見唔到．．ｈｅｅｈｅｅ．．
好掛住老公．．＊＊
聽日又見唔到喎～～ｏｈｈｈｈｈｈ．．．
留返係屋企同樂樂玩．．等佢快ｄ熟我先得．．
唔係又比佢爪我架啦～～佢爪人好痛痛架～～＊＊
老公～～ｉ　ｌｏｖｅ　ｕ～＊＊

>>April 21, 2008 at 1:35:55 PM GMT+8

2004 年 10 月 31 日星期日【晴】

***十大戒條***
1.不得要求她溫柔。
2.千萬不要讓她喝多過三杯可樂，否則她會肥死。
3.到咖啡店你只可喝咖啡，我可改喝可樂或橙汁。
4.被她打時，要裝作很痛﹔如果真的很痛，要裝作若無其事。
5.在慶祝相識一百日的大日子，要親手送上鬱金香, 這樣她會很開心。
6.一定要學會壁球同劍道。
7.要有隨時坐牢的心理準備。
8.如果她說要殺死你，你最好別掉以輕心。
9.如果她的鞋不舒服, 要跟她交換鞋穿。
10.她很喜歡寫作, 給她多點鼓勵。

今日見唔到老公仔..好掛住..3週冇見個老公啦..唉～～～～
今日屋企多左個新ｍｅｍｂｅｒ～～
樂樂．．．．呢個唔係我個女呀．．係我隻新貓貓呀．．．呵呵～～
好得意好靚靚架．．英國短毛貓黎架．．銀灰色既～＊＊

>>April 21, 2008 at 1:35:39 PM GMT+8

2004 年 10 月 30 日星期六【晴】

＊～芝士餅～＊

今日要去ｃｉｔｙ　ｕ到呀．．因為傻佬佬既師姐要影ｇｒａｄ相．．
傻佬佬就著得超隆重囉．．由豪仔餅變左做老西餅．．哈哈～
ｈｅｅｈｅｅ．．之後就影影影啦．．仲見到好多人ｔｉｍ～有佢ｄ師兄啦，師姐啦．．
仲有小師妹ｔｉｍ，真係ｖｅｒｙ　ｇｏｏｄ喇，老公～可～～
可惜見得一個啦，比我見齊３個就ｐｅｒｆｅｃｔ喇．．ｔｏｏ　ｂａｄ．．
唔知佢地見到我有ｄ咩感想呢！？ｕｍｍｍｍｍｍｍ．．
之後好餓餓去左食第一餐，不過已經食ｔｅａ　ｌｕ～～
佢去左搵佢ｄ　ｆｄｓ（ｉ　ｌｏｖｅ　ｕ　ｂｏｙｚ）一齊食．．
ｏｈ．．聞名不如見面．．失敬失敬～小女子有禮～～＊＊ｈｅｅｈｅｅ．．
食飽飽之後返佢個ｈａｌｌ到．．不過有ｄｄ唔開心．．
比佢個死人頭昆．．又話冇明明就有（都係唔講得咁明，唔係全世界都知就樣衰ｌｕ）
哼～～～～～～～～～就係咁．．．今日我將我雙子座既特徵發揮得淋漓盡致．．
大孖細孖都輪住露面～～真係真係ｖｅｒｙ　ｖｅｒｙ　ｇｏｏｄ囉．．
唔～～～今日老公終於ｍｏｃｋ左個橙橙比我食啦．．講左成個月．．
之後８點幾就出左去食ｄｉｎｎｅｒ．．冇我地想食既車仔麵～哼～～～～～激死我．．．是但啦．．
都過都係悶悶地發下脾４者．．．．今日大孖出現既次數都幾密啵～
食飽飽我又要返屋企啦～ｏｈｈ．．岩岩去到門口仲要撞正阿妹ｔｉｍ～

>>April 21, 2008 at 1:26:38 PM GMT+8

2004 年 10 月 30 日星期六【晴】

今日一早就起身（其實都訓到成十一點），因為我劍隊既師姐影畢業相呀，
之前應承咗佢着西裝比佢睇，咁我就搞咗一輪先出發～～～返到去無耐就影喇，
不過等多過影，仲要悶親我老婆餅，所以我無耐就同佢一齊去食野喇～～
（我ｄ師姐話佢靚呀～～哈哈，緊係啦）

去咗同ｓｅｖｅｎ阿景食野，佢地都係第一次見我老婆仔，不過佢地都成日聽我講起佢架喇，
都無話咩唔自然呀咁～不過呢個時候我老婆仔開始有ｄ唔妥，好似話我嬲親佢喎．．．死火，
佢雙子座既大孖殺咗出唻喇～咀餅餅咁～～好得意呀～佢話嬲我厄佢喎．．．唔關我事
架．．．不過我都知佢唔開心，我緊係有不停氹佢錫返佢啦．．．好在最後佢都信我～呵呵～

夜晚去咗食品香，都幾好食架，送佢返去果陣我都好似開心返喇，咁我都安樂ｄ～～

老婆仔～妳要信我呀，我得妳一個喳！

>>February 23, 2005 at 7:40:09 PM GMT+8

2004 年 10 月 29 日星期五【晴】

今日訓到好晝先起身呀～訓醒就準備去芷欣屋企喇．．點解．．要幫佢扮靚靚星期一要影畢業相喎．．．＊＊
搞完之後見有ｄ時間淨未傾下ｄ女仔秘密囉，好好笑．．
之後我地２個一齊出尖咀．．我去搵傻佬佬，佢去ｊｏｉｎ　ｆｄｓ睇ｓｈｏｗ～
去到見到傻佬佬超開心．．因為已經有好多個鐘見唔到佢啦ｍａ．．ｈｅｅｈｅｅ～～比芷欣見到我個傻樣ｔｉｍ．．
之後呢就同傻佬佬行ｍｕｊｉ啦，佢話買個ｂｏｘ仔擺係ｈａｌｌ到放我ｄ野喎～
我都唔係放左好多野係個到者～～遲ｄ會多ｄ架喎～呵呵～～＊＊之後再行海港城啦～睇下ｄ野．．佢話一陣有野比我睇喎．．
唔知咩咁ｓｅｃｒｕｔ呢．．行行下唔知講係咩話佢已經幫未來既仔仔女女改左名～
佢鍾意ｄ疊字喎～鍾意個樂字既音（包括洛，樂，諾．．）
仔未要叫（楊洛ｏｒ樂ｏｒ諾）女就叫（楊洛洛ｏｒ楊樂樂ｏｒ楊諾諾ｏｒ楊洛樂等等啦）
英文夠叫ｐｉｎｅａｐｐｌｅ．．哈哈～再唔係就叫ｂｒａｂｒａ～
之後就肚仔餓去左食飯飯啦，又係去左沙爹王食．．
ｈｅｅｈｅｅ．．．佢拎左出黎比我睇啦，一本書．．ｈｅｅｅ．．．
好好笑．．（平時聰明一世的男人，在美女面前可能變成一個傻瓜，
女人喜歡看到聰明的男人為她變得呆呆癡癡）傻佬你梗係好ａｇｒｅｅ先買呢本書啦．．
ｔｈｅｎ食飽飽我地行左去星光大道行～佢第一次行星光大道咋．．ｈｅｅｈｅｅ．．佢既第一次比左我ｌｕ～
其間有好多姨姨伯伯叫佢買花比我架．．１０蚊１，２支個ｄ呢～～
好彩佢冇買．．佢同我諗ｄ野一樣喎～不愧係水瓶+雙子呀．．９９％夾．．ｙｅａｈ～
行到１０點幾差不多１１點就搭車返屋企ｌｕ，仲買左我最鍾意食既粟米食ｔｉｍ．．好食～～＊＊返到去都好夜ｌｕ～～

>>April 21, 2008 at 1:33:19 PM GMT+8

2004 年 10 月 29 日星期五【晴】

今日係星期六，又係忙碌既一ｄａｙ喇，同平時一樣，我一早起身就去咗跑步之後再練
劍．．．今次我練到好足呀，因為星期二，三我都偷咗懶．．．後尾同個師妹
（普通師妹ｏｎｌｙ）練，諗住教佢果陣唔小心比佢整到，又有血光之災．．．
唉，好在唔係好痛喳．．．．
之後就約咗阿景同ｓｅｖｅｎ食野，我地去咗ｍｋ食，都ｏｋ架，下次帶芝士餅去食先～～
食飽之後我地去咗睇書，我買咗本關於男人既書，阿寬寫既，因為之前都有睇開，
咪買本望吓囉～哈哈，原本本書話個個男人對住自己鍾意既女仔都會變到傻傻地，
做ｄ低ｂ野，唔怪得我近排都覺得自己低咗ｄ啦．．．．哈哈～之後我地飲咗陣野，
我就走咗去搵老婆仔喇，佢係芷欣度喎，咁就去ｔｓｔ等佢啦～～
等咗佢一陣我地就去咗四維行喇，又食野咁，後尾個傻妹話同我去行海旁喎，都好吖．．．
今晚實有好多好多野睇姐，咁我地就行去喇～～～果然不出所料，果度有好多人玩緊，
我就係度影吓夜境，都幾好玩架～～不過途中有好多人賣ｄ花，十文廿文咁，
見我地情侶拍拖就煩住哂．．．．我無買比佢呀，當然唔係為咗個十文廿文啦，
如果佢開心又有咩所謂？？？不過真正既原因係我唔想我第一次送比佢既花係咁無心思，
咁求其呀．．．．如果第時有人問起佢，　”喂妳老公第一次送咩花比妳呀，點樣架？”
我真係驚佢會唔記得，因為太無意義，我又驚佢都唔好意思講，　”無呀，街邊十文果ｄ
喳．．．”咁就大件事喇．．．．我一定會送花比佢，不過我一定要自己揀，花心思，
要佢記一世既，咁既第一次先至值得紀念架嘛～～～～
後尾我地去咗文化中心果面坐，望住個海好靚好舒服．．．可以多ｄ去坐就好喇～
之後我地就返咗屋企同狗仔玩喇～～～

>>April 21, 2008 at 1:32:28 PM GMT+8