|
2006 年 2 月 5 日 星期日 【颳風】
Ｕｐｄａｔｅｄ．．＊
今日冇返工呀．．可能病病地，又可能唔想返工，又可能懶訓啦～＊
不過我發左好多個夢呀，個個都怪怪地既
今日睇左醫生攞左５包藥返黎，都唔知食唔食好．．
今日真係唔多知自己想點呀．．訓到差唔多２點先起身
返到出黎睇完醫生返到屋企又訓．．訓到而家１０點
呆呆滯滯咁．．想點呢～
不過我好掛住肥仔老公呀．．唔知點解呢
好想見到肥仔喎．．就好似啱啱開始拍拖個時咁
不過個時好易話見就見．．而家就唔得ｌｕ．．
你話幾慘呢，肥仔返工又好辛苦喎
－－－－－－－－－－－－
尋日同肥仔去左晞晞係ｍ記搞既生日ｐａｒｔｙ，好熱鬧呢
好多小朋友呀，又見到同晞晞同年同月同日生既ＢＢ ｔｉｍ．．
好似小丸子入面巴豬鼻同學
真係開心喇～１歲就係麥當當開ｐａｒｔｙ
肥仔今日既角色就係做ｃａｍ ｍａｎ．．滿場飛．．
都好開心架呢，見到好多ｂｂ ｍａ
仲有見到２個極品．．好耐冇見啦
不過今日真係好開心喇，因為見到肥仔都玩得好開心ｍａ
  
  
－－－－－－－－－－－－－
最開心係．．．我終於聽到肥仔尋晚讚我靚．．哈哈哈哈～
>>February 27, 2006 at 11:35:46 AM GMT+8
2006 年 2 月 2 日 星期四 【微冷】
金豬出現啦～＊
ｈｅｅｈｅｅ．．真係開心喇．．
不過肥仔就陰公ｄ囉
金豬既用途～
最終目的係．．肥仔儲錢娶老婆
短期目的．．令肥仔駛少ｄ錢
真係一舉２得喇．．哈哈哈哈～＊＊
餵飽金豬守則（一）
每月奉獻
每月最少５００大元，不收硬幣只收紙幣
餵飽金豬守則（二）
罰款
-----------------
罰款條例如下﹕
１．不自動每月定期奉獻金豬,違者首日罰款１０元，段日數幾何遞增，不設上額
２．不可善自動用金豬的肥肉（儲起的錢），違者重罰１００下大板外加還清所有肥肉
針對某人而設 --
３．早午晚須致電老婆一次，違者每個電話２０元
４．每天都必須心存掛念老婆，違者請心存後悔自動奉獻
５．不可進食一些老婆認為的違禁品，如煙酒屎尿肥豬肉等，違者每樣１００元
６．不可在老婆在場時眼望其他女性（楊氐家族除外），違者罰款２００元
７．不可對老婆大聲出話，不可黑面，違者視乎本人（你老婆）的心情重罰
８．你將要變成魔鏡，每天見到老婆都話要靚，就算訓覺時都係，如被發現沒遵守規則，
懲罰如上一條
－－－－－－－－－－－－－
暫時罰款條例係咁多，多謝收看！！
金豬既第１餐將會係．．我地２人既新年利是錢．．
都幾金金架．．＊應該都幾飽．．＊
>>February 3, 2006 at 7:22:32 AM GMT+8
2006 年 1 月 31 日 星期二 【颳風】
而家返梗工啦～＊年初４就要返工ｌｕ．．
今個新年其實我覺得冇咩氣氛
假期又唔係多，又冇咩地方去，
所以新衫都冇咩點買過，又冇咩扮靚靚
年２９同肥仔係９龍灣睇戲，睇魔幻王國．．好好睇呀
之後就好趕咁返屋接肥妹仔貓貓走，諗住帶佢去拜年ｍａ．．
點知我去到彩虹等巴士個時無啦啦頭暈喎
少少暈暈地，跟住眼花花，再跟住聽唔到野，再周身冇力．．
我就知架啦～再過多陣一定訓街架啦
肥仔個時話搭的士返我屋企．．
我雖然話好，但係我個時係到諗，呢到雙黃線巴士站冇的士架喎
好彩啱啱有巴士到，濛查查見位就坐，坐左陣就冇事ｌｕ
不過比肥仔鬧左好耐囉．．佢話我病唔食藥喎．．＊
其實個時我最驚都係萬一我訓低左係街，
肥仔又要睇住肥妹仔，佢都唔知點算囉．．好彩冇事
之後返到肥仔屋企又係另一個考驗．．
肥妹仔驚到傻左．．我初初都ｘ心，但係估唔到佢驚成咁呀ｍａ
本來以為佢唔慣生保地方啦～但後尾發現唔係喎．．
見佢係到索，鼻郁郁咁．．先知佢聞到肥仔ｄｉｃｋ ｄ狗味驚驚．．
所以成日"呢"入肥仔dick唯一去唔到既地方,就係sofa底
之後捉左佢入房,佢又搵訂"呢"成晚冇訓,攪到我又成晚冇訓．．
知唔帶佢黎啦～佢驚到就快變低ｂ貓時，我又辛苦
年初一同肥仔屋企人飲完茶返到佢屋企等埋佢ｄ姨姨黎到之後
我決定帶貓貓返屋企先，佢又訓唔到，又唔食野好慘架ｍａ
我寧願辛苦ｄ帶佢返屋企，之後再返去肥仔屋企囉．．
勁辛苦囉．．又成晚冇訓ｍａ，冇再暈都算係咁
打邊爐都食唔落野，肥妹返到去安樂哂～＊
年初２．．
去左肥仔嫲嫲到拜年．．
估唔到咁多人有ｄ嚇左一嚇，知就扮靚ｄ啦～＊
開足２台麻雀．．勁．．．全個家族都鍾意打麻雀．．＊
年初３．．
死訓爛訓．．冇咩幾可架啦～
仲要死痴爛痴住肥仔．．都係冇咩幾可．．
之後食左ｄ野肥仔就要離我而去找新歡啦～
我就病到呆呆滯滯咁返屋企啦
返到屋企就發埋ｄ兇殺夢，嚇到死左．．
>>February 1, 2006 at 4:56:32 AM GMT+8
2006 年 1 月 23 日 星期一 【乍雨乍晴】
愛可以包容一切，可以體諒，因為我愛你．．
多謝你對我的付出，我知我有很多缺點
--------------------------
不用再害怕 因我們踏著 相同的步伐
我選擇這樣去守護跟隨 陪伴你流浪
我的愛捧著你 往自由 去飛翔
>>January 24, 2006 at 12:12:09 PM GMT+8
2006 年 1 月 23 日 星期一 【晴】
好累呀
終於返到屋企喇
一如以往我都會睇日記........
我諗我今次真係好過份........對唔住
>>January 23, 2006 at 6:37:47 PM GMT+8
2006 年 1 月 22 日 星期日 【乍雨乍晴】
惜緣
緣是甚麼?
是機會?是巧合?是命運?是這樣?是那樣?......
甚麼都不是，緣是自然，緣是你的存在證據。
知道緣，你還活著。
蟲作品
Ref:23/1/06 am730newspaper
---------------
機會、巧合、命運都有了..
我是活著..
我想..我只是不懂得如何"惜"
慶幸的是..我還活著..
活著 我才有機會努力學懂珍惜
延續我們的巧合
改寫我們的命運
----------------------------------------------------------
除了有點懶之外
怎樣形容我自己好呢
簡單點說﹕
我經常天真，但不失膚淺
--------------------------------------------------------------------------
對了..很久沒哭得那麼厲害了..
哭出所有不快，辛酸，委屈
是真的忍不住了
身體的疲憊 令我抵擋不住突如其來的哭意
從前我不哭 但不代表我是堅強的
但 為何要阻止呢
我只想在一個我信任 覺得溫暖的地方發洩擺了
但我想我錯了 地方錯 人物錯
難道要做回從前的我 只會在得自己的空間偷偷的流淚
單純的我以為 不開心有溫暖的懷抱 有溫柔的話語
是我過份的天真 還是人們的複雜
錯了......我應該做一個只會笑的娃娃
因為娃娃是不會眼腫腫..不會不敢抬頭見人
----------------------------------------------------------------------------------------------
我們 曾愛的瘋狂
為追求感覺 就拼命去闖
我們 才太過健忘
來不及珍惜 徒增了悲傷
是誰 習慣了對方
才讓平淡 推翻了過往
如果你累或孤單需要力量
回過頭我永遠 會在身旁 <----肥仔一定會話我係"跟得夫人"..做咩都跟住哂
前方的你永遠 在我心上
------------------------------------------------------------------
如果在大家一齊年多後..
你心愛的人問 你有否真的愛過我嗎
我想是我作人女朋友太失敗 還是我真的不懂去愛一個人
自問這已是我最努力，最用心做的一件事了
我真的有那麼差嗎 那我還能做甚麼才能令你滿意
現在只能自嘲天資不足 後天死蠢
-----------------------
有人說鼠年出生的人，今年是分手年．．
朋友在笑時 不信風水命理的我 心裡卻有點害怕
>>January 23, 2006 at 1:27:04 PM GMT+8
2006 年 1 月 19 日 星期四 【乍雨乍晴】
尋日係茄蓮生日．．
我地去左ａｐｍ唱ｋ，不過玩得不太盡慶～
因為我尋日實在太累啦
周身骨痛得過份，咁大個女都未曾試過
本身的累令我沒有心情，加上死肥豬張國新遲到５０ｍｉｎｓ
我一個人無無聊聊行ａｐｍ．．累上加累．．＊
心情超差，差ｄ累到喊～
幾經辛苦終於人齊可以坐低，
但我已經累到食野既力量都沒有啦～
好彩有人餵我食野，都算ｄ人有返ｄ良心啦
思敏仲有幫我揼骨ｔｉｍ．．真係好
唉～好慘呀．．拎住支ｍｉｃ都手震呀
可憐．．．．．．．＊
唱完即刻打的回家
－－－－－－－－－－－－－－－－－－－－－－
今日呢～當然都唔會好過啦
頭暈暈咁．．
上左頭３堂，好辛苦．．
小息，頂唔住啦～頭暈作嘔加上全身都好痛
ｄ眼水係咁標出黎，嚇死人．．＊
咁啱蔡小姐仲走黎問我聽日個假幾時補比我
但係佢見我咁，又知我ｄ病仲未好返
就幫我同何ｓｉｒ講我聽日出唔到特殊奧運會喇
嗚嗚～真係好．．＊終於有假放啦．．
唔駛連返７日工～
我真係要好好咁訓返一覺啦～＊唔係我真係會死架．．
唔知點解隻右手仲可以震到而家
>>January 20, 2006 at 11:59:41 AM GMT+8
2006 年 1 月 18 日 星期三 【颳風】
 茄蓮
>>January 18, 2006 at 2:49:24 PM GMT+8
2006 年 1 月 17 日 星期二 【晴】
我都耐都未試過咁攰啦～
成身軟哂喎，行步路都冇力呀．．
而家打隻字都冇咩力
上晝還好喎．．一到下晝好似就死咁
做野都做到冇停手，攰到講野都冇力
平時ｂiｌiｂaｌa架ｍａ
仲有一個ｂａｄ ｎｅｗ．．
呢個真係攞我命呀～＊
我星期６要返工呀，仲要ｈｏｌｄ ｄａｙ
山長水遠去小西灣，要同ｄ學生參加特殊奧運會．．
我而家都冇哂氣力啦～點捱呀．．＊
上個星期日要返工．．返到星期６．．
返７日工．．人都癲．．＊
我想放假呀．．好想放假呀．．＊
好耐都冇訓過覺啦
對於我黎講，夜晚訓覺一早又要起身既日子根本只可以叫休息．．
個人唔知點解咁攰，但係好精神囉
>>January 18, 2006 at 10:54:50 AM GMT+8
2006 年 1 月 15 日 星期日 【晴】
病呀病呀病呀．．真係好辛苦架～＊
星期６個晚成晚訓唔著，６點半又要起身返學校喇．．
星期日係家長日ｍａ．．＊好無聊過左一個上晝
之後返去肥仔到一齊食ｌｕｎｃｈ
攰到傻左，又周身唔舒服
返到去訓左２個鐘之後就唔訓啦．．
星期日用黎訓覺好似好ｗａｓｔｅ咁
之後同肥仔睇ｈｏ ｃｃ既梁祝傳奇，好好睇．．
睇完就落街買ｄｉｎｎｅｒ食
不過要食粥粥呀，喉嚨痛ｍａ～＊
不過都食到好飽飽呀
到左夜晚就好慘慘啦～
個頭好暈啦，個鼻好塞，喉嚨好痛
辛苦到訓唔著喎．．成個人懵盛盛咁．．
跟住好似食左幾粒藥冇幾耐就訓左ｌｕ
不過訓得一陣又要起身返工，好辛苦呀．．
個頭ｆｉｎｇ ｆｉｎｇ咁．．
上左車個頭又係咁撞喎
返到學校食埋早餐之後就開始訓喇～
一訓就訓到差不多１點食ｌｕｎｃｈ
ｄ同事話我點解咁嘈都可以訓得著喎
因為真係好唔舒服囉，我訓左冇幾耐個個都係到訓．．
即係話我地又冇咩野做囉
唉～～～家長日補假老師學生都唔駛返，
好心都放埋我地啦，反正遲ｄ又要補返比我地架啦～＊
>>January 16, 2006 at 10:42:58 AM GMT+8
|
![]()
|
| 我要記著我走過的每一段日子，
快樂的、失意的。
我要記著晴天的白雲，和雨後的彩虹。 |
＊～做功課～＊
○o心跳╭☆回憶o○
|
|
廣告 |
|
|
讀者留言 |
| 路人留言
|
 你隻lost in blue係咩
>>January 4, 2007 at 4:06:15 PM GMT+8
我依家多數都係玩孖寶兄弟＆賽車ｊ
>>January 4, 2007 at 3:44:04 PM GMT+8
我都買左ＮＤＳＬ ar~
<br
>>December 18, 2006 at 1:19:03 PM GMT+8
Re:最梗要你開心呀ma..
<
>>July 1, 2006 at 4:56:51 PM GMT+8
謝玉玉．．．．．．
<br>雖然
>>July 1, 2006 at 5:50:13 AM GMT+8
halo..我想問你美華氏既地址
>>April 4, 2006 at 2:29:36 PM GMT+8
不人道既校長...
>>March 28, 2006 at 2:37:51 AM GMT+8
To芷欣..
<br>心有靈犀m
>>January 11, 2006 at 7:20:55 AM GMT+8
我手提都有呢幅猫猫pic呀~
<
>>January 10, 2006 at 2:31:25 PM GMT+8
To老公:你都枉為大學生架啦你,
>>November 25, 2004 at 7:43:35 PM GMT+8
老公～ｓｏｒｒｙ呀～～我唔係唔理
>>November 18, 2004 at 3:31:24 PM GMT+8
妳唔記得我好信妳架???我玩&#
>>November 13, 2004 at 6:12:00 AM GMT+8
哈哈~ d相又影得唔錯bor~
>>November 8, 2004 at 1:56:18 PM GMT+8
我今日真係好眼訓呀~訓ı
>>November 7, 2004 at 7:26:41 PM GMT+8
我冇睇history 架~~
<
>>October 28, 2004 at 4:08:16 PM GMT+8
To老公:老公～你知唔知咩叫解釋
>>October 27, 2004 at 5:43:16 AM GMT+8
恭喜晒啊...有情人終成眷屬囉.
>>October 25, 2004 at 4:26:07 PM GMT+8
|
|
人氣: 13959
Design & Scripting by ShowHappy.Net
|
Ｕｐｄａｔｅｄ．．＊
金豬出現啦～＊
而家返梗工啦～＊年初４就要返工ｌｕ．．
好累呀
惜緣
病呀病呀病呀．．真係好辛苦架～＊