2004 年 7 月 28 日 星期三 【雨】

周身都痛
冇做熱身走去做運動定係太耐冇做運動之原故呢
總之而家真係好很痛

今朝euro rscg 既唔知乜水打黎叫我聽日上去拎返張cert
真係全程有七成都係未醒既狀況下聽的
完全記唔起少少我自己係咩情況下按"接聽"既button
諗起都驚
都唔知之前應左佢0的乜
後來醒到約到時間去拎到算係咁
而家先黎拎返張野都唔知想點
其實呢張野真係有0的用架如果早0的拎既話...頂
而家唯有將佢放埋一邊先......唔知第時仲有冇機會用呢....唉

聽日約左5C一群同學仔吃飯
又唔記得左約左係邊到等
星期五約左芭比又唔記得個time>>>
好冇記性
好耐都冇見過呢兩群人
好期待見到大家
hahaha.....

最後要share既係
飛"的"真係好爽
20mins內返到home (已包括停埋0的死人燈位)
激動興奮!!!!!

就係咁
聽日先再講

>>July 28, 2004 at 6:52:45 PM GMT+8

2004 年 7 月 27 日 星期二 【晴】

琴晚突然好想做運動
又好想打squash
於是今日坐言起行
今日已經係七月二十七日
學生身份好快完結
好快就冇得以$9/ half an hour 去book squash court 啦
$18打一個鐘仲有埋拍同波真係好爽
係咁將個波打埋牆到真係開心
不過打一個鐘都已經好攰
隨時攰過打basketball...
好開心可以用到呢個學生身份book到平場打到壁球yeah!

之後返左廖先生屋企睇<<小孩不笨>>
本來係想睇多次<<怪獸公司>>
好可惜隻碟唔知做乜Q load唔到...
於是睇多次 <<小孩不笨>>
其實真係幾好睇
睇多次覺得可憐既位都依然覺得係可憐
不過今次再睇既時候
對於呢0的singaporean 同 0個到既華僑了解多左
esp佢地既口音
今次再睇再聽有時真係覺得自己好似聽緊自己既fd係到講野咁
其實佢地既口音真係怪怪地(although我覺得都唔係問題既...個個地方都有怪既時候)
但係佢地自己真係唔係好覺架......

食完飯之後hea下就返屋企
真係太想同大家share一下由天水圍返屯門碼頭既車程
LRT幾時都係我最唔like既公共交通工具
慢到要喊燈位又多
有時真係覺得落車行快過佢開車
除左有0的冷氣嘆下之外真係唔知有咩可取既地方
搭西鐵由屯門去天水圍都係八分鐘既時候
由天水圍輕鐵站去到天瑞要成十五分鐘咁滯
真係等到and搭到人都燘
另外一樣不可不提的就係0個間死人接駁巴士506
好似食左屎咁
行到蟻"冷"咁
真係唔知佢想點
唔夠100m 有兩個站..
站站停起步又慢行得又慢
今次仲要個個燈位都停佢一停
連0個個近呢100次或以上經過都未轉過紅燈既燈位都會轉紅燈
由市中心返黎又返左幾個字.......
0的接駁位真係衰到唔信....
架西鐵真係幾快都冇用
唉........

>>July 27, 2004 at 4:31:15 PM GMT+8

2004 年 7 月 25 日 星期日 【晴】

星期日
晨咁早拱返中大
miss左最精彩的文先生長氣但生鬼演講
看見輔導員好像不太投入的debrief
看見了不太通力合作的一群人
ocamp實在是一個很難攪得很好的節目
炒其實是倒不會的
但是七就真係在所難免
只想告訴大家落力一點主動一點
合作不是被動
合作是相向的
要ocamp成功似乎還是有很大的空間
你們都還有能力去補救只要肯努力的話

第二場活動到灣仔書展睇書
今年係第一次weekend去
因為唔想明天又要出到咁鬼遠
今次亦係我用左最長時間入場的一次
以往年年都總能打尖成功(而年年都冇諗住打尖架喎又)
書展多人既情況就好似年宵咁
老老實實0的書唔係真係咁平
0個0的田園愉林平日都做緊七至八折架la...
係0的大眾呀page one 0個0的平lor>>
但係好多買得起既書都係田園0個0的有得賣la>>>
不過我依然非常enjoy見到周圍都係書的感覺
又可以見下0的新既手工藝品做下DIY真係幾開心
另外書展又可以過下買書癮
有時真係買0個下仲開心過睇
真係好奇怪
但原來又唔係只係我一個先係咁...
愛書之人都係like "買" and "擁有"的感覺
多於看書的感覺...but 當然那些書都真係好睇既
如果能完成晒手上既書都真係算係好叻la.

書展中途收到mother來電
都知冇乜好野
之後落左佐敦伊利沙伯探阿婆
又係0個個辛苦既樣
都係未醒過
我都係覺得自己冷血
除左覺得佢訓係到好慘and 受左咁耐病魔煎熬好慘之外
我真係唔係好能夠去重整or記起佢以往的片段...............
全程都唔知以咩心情去應付
其實非常老實我覺得呢個時候完結生命真係可能係一件好事....for佢and 其他relatives la>
即係咁多年黎食又食唔係好到
訓又訓唔係好到
行又行唔到
真係做人乜引都冇la...
後來同mother 搭車返黎聽到佢竟然同我有同樣諗法
係佢口中原來都有愚孝
做人有時真係要現實0的又係真既
唔能夠成日希望每個人都用同樣既時間放係呢到
其他人始終都有佢地既世界
又唔係唔黎...都黎到齊晒la
怨話人地"以前"冇黎真係好冇mean!而家都真係唔係太遲0者
同埋呢0的位...我都唔知係咁我冷血(我mother 聲稱話話佢唔孝順都係咁話)
日日出去佢又唔知你黎過真係有0的side時間...
用唔著日日去係真的
日日咁用咁多時候出出入入又要返工真係辛苦架....
一路搭車返黎一路聽左mother講一0的家庭事
其實我真係覺得呢0的野ok陌生
即係好似完全冇呢0的野既idea係0個brain到.......
um...覺得mother 其實真係好有修養0個批
有品得好緊要.....
對情感控制得非常好..其實佢真係應該可以係一個好叻既人
可惜生活係這樣的家庭同這樣的年代
所以話當我地擁有好既野同機會既時候真係好應該珍惜.......

最後同大家分享一件奇事
由於係廟街食完煲仔飯then back home
所以係yau ma tei行落MK 到搭59X
一路行
唔知點解突然間覺得會見到阿琴
then一向後望真係見到佢
佢仲要真係著住我諗佢會著既一件衫
都真係好神奇............點解咁既呢....

>>July 25, 2004 at 5:40:49 PM GMT+8

2004 年 7 月 24 日 星期六 【晴】

布吉之旅總算過去
感覺不過不失
可以同幾位朋友一起歡渡一個星期都是賞心樂事機會難得
唔知要等到幾時先會再一齊得閒
唔知下次跟團仲會唔會係跟0的旺季中既旺季既團
識到更多嘆世界既有錢人呢
(呢團0的人都算係有錢0個0的黎架la我諗..)
(即係阿有錢男人俾成千蚊領隊費既時候)
不過天氣唔好真係一個遺憾
一心諗住去影多0的靚天
點知都係空手而回
不過都總算係玩過唔少野
騎下大象水牛睇馬騮表演原來都唔係想像中咁七
海底既魚亦非常吸引

返到香港又要面對自己既生活
好彩仲有一個星期先返工
今次返工真係要好認真咁去做了
有時成日諗住唔鍾意真係會冇左個投入感
現時未返工唔可以講定0的乜
但係一定要盡力0的先得yeah!!!!

>>July 24, 2004 at 6:26:05 PM GMT+8

2004 年 7 月 22 日 星期四 【晴】

新華旅遊泰國布吉五日四夜陽光與海灘之旅
第一次跟團去旅行
總括感覺是比想像中的好
團中團友們親切
大部份小朋友可愛非常
並沒有討厭的情況出現
領隊風趣非常
雖然說話機會不多
可是卻逗得團友們非常開心
值得嘉許
七的是天氣以及那個唔講野好過講野而佢又講得好少野的導遊

內容詳細序述
五日四夜其實玩既只有三日
雖然報團既時候都已經知道
但係依然覺得有0的唔抵
bear 一聲一落機就落雨真係十個頂有十個
再bear一聲就係火速路過第一個景點"英雄姊妹銅像" 加零個講解history
唔落車影相都真係好正常不過
但係作為一個導遊都好應該講下呢個野係乜黎掛
唔講0個下真係bear一聲...(later再講佢更bear一聲的言行..真係嘆為觀止)
之後到左第一個目的地"水果街"which is 有兩檔咁多既生果檔+一個便利店
真係我屋企留下個街市都多水果過佢...十分頂
then就去到酒店
酒店都是不錯的
不過那個有window可以望出"廳"的toilet真係太有趣
為janice leung 帶黎"更多"...係更多的表演機會

2nd day
一早起身天色都已經唔係太好架la..
第二天係哈哈島之旅
陽光與海灘本來係應該同時的出現
可惜天色唔係想像中咁好
(但係其實後來發現呢日都冇話真係落雨都真係超級好)
由於導遊先生真係十分頹
完全沒有提及我們現在的位置及所要到達之目的地之位置相差
所以我們全程都好似盲左一般
完全HAVE 零個idea 自己究竟所在何處
so really 唔知哈哈島的真正位置
不過所以的beach的確得小呢
有沙既地方真係細得可憐
不過沙倒是很幼的很鬆軟的
在那裡我esther janice 玩了parachut
這裡的parachut比我上一次在芭堤雅玩的那一次矮好多
不過parachut始終都係一樣好enjoyable 既玩意我覺得
可以一個人係空中望返落個地下望到咁清澈既海水到咁靚既小島真係好開心
yeah!最後可以成功降落真係型到顛
玩樂完畢係島上吃了全個旅程最唔好食既一餐
(其實都唔係話難食..但係唔抵同唔satisfied lor)
0個0的死人seafood真係太握人la>>>>>>>too bad!!
食完飯搭返架快艇返phuket然後再返hotel到做thai 古法按摩
其實真係好抵...
俾0個100蚊hk$就有兩個幾鐘既service and 0的人都係比足力去同你按
but 其實我又真係有好多位都好想笑
真係好想笑...我都係唔係好忍到架la>>hahahaha
終於係lock 身0個下笑左出黎......真係頂
不過我真係諗呢0的野男人做真係幾尷尬架喎....唔知其實係點既呢
then再去一個叫民族餐廳既地方食dinner
好開心今次可以同阿三歲同五歲一張枱食飯
佢地真係超級得意
尤其實係阿三歲0個條八字眉同個咀
不過見住阿爸爸媽媽咁辛苦咁take care住佢地就覺得慘
真係唔知點去enjoy個trip好
呢對小朋友真係非常值得一提
得意可愛但係極怕羞
整日都hide係媽媽隻腳到
成日都係到食snacks
真係食到唔停0個下好野
之後再去左芭東到行.....
其實唔叫做太多野行..始終都係phuket...

day 3
由於有12個一家大細要睇fantasea
所以自由活動日由星期四即day 4 變成day 3 的活動
係佢地去呢個咁既fantasea既同一日上午我地就去左一個叫做鳥蛋島既island
0個到其實真係明顯比哈哈島靚
不過超級食屎的係天氣真係勁差
一去到就落晒大雨咁...
真係乜mood都冇鬼晒
去到最初都仲叫做有少少陽光
但係後來又係到間歇性地落下大雨
真係bear一聲.....
留係水到又唔知做乜好
上到水又好很凍
最衰既係佢真係係你leave 0個一刻先至黎陽光普照
你話我地四個其實係咪真係咁好彩呢....
不過呢個島既魚真係好多好靚同好近
真係可以就咁拎住塊bread係到餵魚then就有勁多既fish係到爭..
真係勁靚
一潛入水到就成個水底都係魚...
超靚........不過the ball先生應該會好憎呢個地方
hahah..見到一條魚係方原十里都唔惦...
同條魚距離1cm我怕佢真係會嘔
呢個旅程另一個令人satisfied既地方就係島上既自助lunch
0個0的curry, 河粉, 炸雞脾, 蝦片都係勁好食0個0的
真係食完仲想再食再食呀!!!!!!!!!!!!!正!
之後四點到返到hotel 再係個swimming pool 再swim
奇怪地0個時0的weather又非常好la wor..
係0個到同0的老外一齊游水坐係個池中心到drink 野真係覺得自己係到嘆世界
係泳池又意外地可以同到三歲同五歲玩
佢地係水中真係異常地興奮
suddenly 變得好熱情
又自我介紹又叫你陪佢玩
一反平日害羞的常態
姐姐係咁叫我地睇住佢係到轉
轉到我個頭都暈
細路又突然話俾我地聽佢希希同叫我陪佢玩真係好開心
佢真係勁得意0個批......有一下冇用水泡係咁係個swimming pool到跳
一冼腳就成個人坐左係個pool到成個人都跌左入水.........
彈返起身即刻係咁卒自己整塊面.....又即刻飛返埋爸爸到....hahahah
係pool仲同左一個四年級既靚女玩slide
阿靚女真係好靚(雖然係咁強迫我地陪佢玩0個個玩左幾十萬次而又唔係咁好玩既slide)
而且係幾叻0個0的黎架喎
janice leung話齋"明顯係重點栽培0個0的黎架喎"
同到佢地玩真係開心
消磨左唔少開心的時間
then 之後一行四人再加一個團中男子keith出左去芭東到食飯
去到一間同emirates有關係既thai restaurant 到食野
雖然要等好耐但係真係好好食同好抵
正
不過我真係唔係太明白點解呢間野同emirates係有關係..
點解佢0的餐具會有emirates0的stickers??????

講返keith呢個人
其實都係一個好人黎既
但係唔係真係100%岩傾lor
同埋真係有0的strange架...
即係講到有十萬個朋友但今次黎又唔係同朋友
而係同一班自己屋企人識既一家人黎旅行
即係佢同班人又唔係好fd...(coz都真係完全唔同年紀)
又唔係親朋戚友....so 真係十個奇怪都有九個架la>>>>>
唉
真係俾晒面先可以俾到0的反應佢架有時......

講返0個晚.....一路行芭東一路落雨真係唔知想點
不過行行下都可以try到一檔好高水的粟米檔真係超good
咁簡單咁平既野都俾足誠意去整真係好

行完大概十一點到返到hotel and then took shower
之後楊小姐sleep左
我地引開左keith之後
esther janice 同我再自己傾計
0個晚我地discuss 左belief的問題
知道了esther poon的火熱時代
亦專題研究了兩個case study
esther poon 的"佢地唔係好熟架咋喎"真係中左個point
不過呢0的case都係我地難以理解
有時我都會諗我係佢地又未必會咁絕or 心水清...
不過希望我唔會係咁....
因為兩個cases既情況都係太extreme同過份 la>>>>

day 4
野生動物生態之旅
今天真係陽光普照足一整天
本來就係成日去beach架la>>
可惜因為fantasea change 左個timetable ...
唉
不過都冇得怨架la>>
其實邊一日落雨都係冇引
即係其實即係黎得布吉落雨都係唔好架la...唉....
呢個野生動物之旅又比想像中好喎
唔太悶同都enjoyable and時間都過得幾快...即係都唔會有想快0的走既feeling
可能係同0的人fd左..又可以同0的細路玩下
所以時間都快過左好多

呢個時候又要講另外一0的團友
有兩對恩愛的couples都係我地覺得幾funny
一對係一個男人個樣好似後生過女人既couple>>>
後來俾梁小姐裝人地填問卷知道左呢個貌似maggie Q 的nice 女子已經34
但真係唔知但老公係幾老呢....個樣好後生...
兩個人都好nice 好好人
成日都聽住我地四個人講埋晒0的廢野...
然後又會笑
唔知佢地聽我地講0的廢既野...即係例如janice leung 0個0的"我求求你la求求你la唔好落雨"
係有咩感覺既呢..........coz 有時我地0的對話都真係講左十分鐘都可以係零個內容
完全係唔講好過講0個0的情況...haha
另一對couple由梁小姐另一次裝人填evaluation form既時候知道佢地係in the group of 21-30
一對年輕的夫婦.....老公係一個勁廢既人
成日都講埋0的勁好笑既野
又會up廢話做埋0的廢既動作....
其實兩個人都好takative
係機上面同佢地傾計都幾開心
yeah!!!!!!好鐘意阿老公先生一見導遊落車即同我地講佢壞話.....超似我地自己本身0的廢朋友..haha

今天lunch去左一間中式的酒樓到食野
點心既情況.....都ok既
but真係加左0的thai的口味
頗有趣....今次又係同細路家姐and maggie Q夫婦同枱
今次同家姐玩得好開心...
四個人一齊估佢出既謎語
actually我又真係覺得我地做戲幾好
好彩一向廢開..所以同小朋友玩都有0的用
四隻腳長耳朵鍾意食carrot都仲可以扮估唔到令到小妹妹咁開心and覺得自己好叻
哈哈......換來maggie Q 夫婦的一句"你地唔做戲真係side..haha"
之後走之前想同妹妹影相就同佢講"你上鏡咁靚點解唔影相呀?"
咁就氹惦佢..真係突然易氹左咁多..有0的驚
then見到細路同家姐好興奮咁係等lift的地方係咁係到跳
真係好睇...好funny..
then一個下午係咁手信手信手信
食物珠寶燕窩大大supermarket shopping mall乜都有
一行四人係一個叫Big C 的shopping mall的地方buy了4個"toe" bag<---到而家都唔知點串..唔該幫下我
咁平真係幾抵..and幾靚..yeah!
then再買我地喜愛的飛機薯條and KFC cheese french fried...正...即食with cheese 粉真係勁正
at nite再去了一間都幾型既restaurant到食last一個dinner
同爸爸媽媽傾左計真係開心
做人父母真係唔易
又想小朋友有得玩有個好回憶
又要自己辛苦and 冇得玩
仲要食飯既時候cut 埋俾佢食
佢突然訓著你又要獨臂咁食飯
手又"脾"'腳又"脾"
突然醒返大喊又係un頂....唉..真係玩就好好玩
要take care一0的都唔易....
見到都辛苦死

之後janice leung 去左做spa and then我地返左hotel hea下
諗住出去出面條街行下0者
即係行雷閃電咁
明唔妥我地la>>>又冇得去
沖完涼個個訓晒..
點知阿janice leung小姐繼1st nite 整爛人地道落地玻璃門後又黎一個唔見dc 風雲
真係唔知俾咩反應之際
又話係個gip的暗格搵返
頂...一分鐘前話一定唔係個gip到
原來自己冇記憶既地方都未搵過...bear一聲..
唉
不過都真係好彩冇唔見到

day 5
回程日
吃了很full的breakfast
就去機場
阿導遊先生終於俾返個咪阿領隊la>>>>>>>太開心la>>>
阿領隊阿仔真係funny廿倍
個人都係廢廢地....似the ball ...連樣都係似似地...
起碼可以令你望住佢真係會諗起the ball....
講野流暢funny...話自己係早晨時份的新華旅遊既ad到上過鏡...都係明星一個...
真係bear但非常funny
佢個人其實都有文有路....真係幾good..我錢多都會俾多0的領隊費佢..可惜我冇錢...算佢唔好彩
另外阿導遊先生波仔就真係難以形容對佢既feeling...'
即係佢個人就唔係唔好..有時都幾好架喎
such as 雞醬and 黃皮果事件
但係佢又真係本晒pea咁架喎....完全可以唔望你講野
又唔想你出hotel..唔鼓勵你消費
又唔講你聽0的地方既history同background info
仲要講野又唔clear..完全重組唔到佢up乜有時
悶既程真係十個頂有十個
又可以對你勁冷漠
阿好笑好老公好興奮咁同佢share野佢可以好似一句都聽唔到咁架喎
最頂0個個case如下
波仔: "你地知唔知村長泰文點講"
團友們: "xyz>sdlsjskf" (興奮地答出不同的answers>>>)
波仔回應: "係lor係lor任你地up lor." 繼續 "村長即係最大架la>........"
大家都bear一聲..問完唔答..拉開話題
百思不得其解.......好似俾佢玩咁........唉....
希望下次唔好再跟到佢....

其實全程黎講都係ok既
心情都係愉快既
係返工前一個week可以咁去玩一玩and有得break一break咁真係好正..
明天再補充...而且好tired>>>>>sleep先

>>July 24, 2004 at 6:13:22 PM GMT+8

2004 年 7 月 17 日 星期六 【晴】

終於都寫到
真係想寫既時候又冇得寫
而家真係乜都唔記得晒

呢幾日都係匆忙之中渡過
本來有好多野都想打下
但係而家都係一點都記不起

生日會之前本來約左argon傾下ocamp的事
但收到mother 的電話說婆婆入了hospital
最後便取消傾談時間到了醫院去看一看
我不知道我應該有什麼感覺
其實我與她的感情真的不深
我對family 的感覺亦十分十分弱
所以都真係唔好問我有咩感覺
我只係覺得大家都很辛苦了
真的很辛苦了
活著如果並沒有意義的話
我想我老了不會想活著
這只是我對自己生命的意見而已

昨晚幾經辛苦book到ginger
終於一嘗ginger的食物
食物倒是不錯的
但是其實食物的份量倒不是一大群人可以去的地方
不過waiter都幾好
又肯俾我地set過0的枱又肯俾我轉台睇隔世追兇
繼上個星期的byby生日派對
而家再黎莫家淦生日會
其實繼續係咁真係個個星期都有得見
杜先生提議要好似無綫0的生日月
有本月之星咁
一個月慶祝一次生日
呢個都不失為一個好好的提議
下個月開始都真係要攪返個
生日月先得la!!!!!!!!!!!等待迎接吧朋友們

淦淦生日會後再來一場宵夜聚
almond+春+本人
係美樂的一小處位置坐了很久
春春的工作都頗有趣其實
不過原來自己真係冇乜興趣
好彩真係冇去報到....

>>July 18, 2004 at 11:28:45 AM GMT+8

2004 年 7 月 13 日 星期二 【晴】

原來做一個tour guide 一0的都唔易
做既時候先發現自己對香港
一個自己住左成廿幾年既地方
有好多好多唔熟悉既地方
and更加發現一0的tourists覺得hk famous既野
原來身為hk人既我地一0的都唔覺得有咩特別
咁樣作為一個hk人好似好難盡地主之儀咁
雖然勁shopping原來真係幾悶
但係為了盡一個朋友and hk人的責任
我都陪了兩位朋友在各大shopping mall 及旺角逛了一整天
希望朋友滿意hk 的東西la>>>>>

>>July 13, 2004 at 5:50:50 PM GMT+8

2004 年 7 月 12 日 星期一 【乍寒還暖】

When we were small,
we like raining, we like to play under rain
When we grow up,
we are afraid of raining and we use umbrella to block the rain!
回家的時候看著一班年青人在兩中踢著波令我想起小時候的日子
那個時候什麼都不怕
不知天高地厚
雨下的多大或者太陽有幾猛都會到球場打波
有時見到落雨可能仲開心
但人大了
唔知由幾時開始覺得落雨係一定要帶傘
愈黎愈唔想俾雨水弄濕自己
"少年不識愁滋味----強說愁"
最怕有一天當我們真的明白or 感受到咩係愁的時候
我們就不會再說出來
因為原來愁是一種很複雜的東西
不再是三言兩語便能說得明白


生活事
兩點出到中環HMV
在那裡等了一個小時左右
可能對方沒有手提的關係
冇得打去問反而令自己沒有平時那樣著急
不過倒有想過是自己聽錯了日期及時間
幸好有堅持在那裡等
終於見到朋友的出現
不過等一個卻有兩個久違了的朋友出現
其實兩位朋友係nz 遠道而來我真係都諗唔到有咩地方好介紹佢地去
因為其實香港冇乜特別
只係你想要乜都有
想做乜都得
但係特別的東西我倒是想不到
不過只是想shopping咁簡單我諗我都幫到佢地既
希望聽日唔好落雨la>.
咁可能同佢地周圍行下
and 原來nz既口音我都仲記得
只係朋友你講野實在真係太細聲
有時真係唔知你係到講緊野...

本來想帶你們去我的大學看看
但我想你們未必有很大的興趣了
phil你又真係每一次都有0的"secret"野講黎聽
真係好笑and 都係bear一聲唔知俾咩反應你好

>>July 12, 2004 at 4:36:21 PM GMT+8

2004 年 7 月 11 日 星期日 【晴】

永遠都係想打野就login唔到頂

星期五晚上
中七放榜
彷彿是離開自己很遠的事情
望見0個0的咩mean 同low quant咁
其實我好似從來都冇認真咁睇過同分析過
都真係0個時中大預科生輔導日一聽到條BBA formula之後
都冇乜worry過0的乜la>.
今次係最用腦的一次
幫王小姐排choice
其實都考得算係咁我個人覺得
lang 好始終都係好0的
長遠黎睇都係有so過AL 好既其實
到你入到大學AL真係好唔important
努力
希望順利入到HKU ba

星期六
楊惠婷小姐生日會
本來諗住的surprise唔知有冇
因為見唔到byby 見到呢到同知道呢到既第一刹那
不過俾佢上次0個一句都真係攪左個好大既破壞
放八點買埋cake上到黎都已經八點半到
見到佢地係樓上cafe到望落既第一個feeling係好型
覺得我地突然之間大個左好多
行上去既時候好有六樓後座feel
入到去諗起自己的"快樂餐廳"
雖然呢個cafe真係令人有少少disappointed
但一班人係一個多玩具既地方hea下都唔錯
冇大班人傾計
但大家都樂在大家的一小堆一小堆中
可以為別人製造或帶來快樂及團聚的感覺真係一個好好的career
非常之想開一間專for人地gathering既餐廳
未必一定要有一個主題like toy story
但係可以decorate到好開心好bun fun
if 人客有special request要佈置某一個主題既房可以幫佢design同佈置
見到人地玩得開心自己又開心
見到一間靚靚既restaurant都會好開心
好想呢個夢想係能夠成真

byby的生日禮物
janice 的一句"又真係從來都冇聽佢講過話要買喎"
哈哈
esther 再回應"佢咩都想架la"
絕
不過byby真係好似好like咁
anyway...byby都係好人0個0的
點都會俾足反應我地既
不過好開心我地可以送出第一份不無聊而係實際的禮物
大個了
返到home冇位再放宿舍咁多野.....
要開始送實際的東西了
最後行左成個cwb終於去到JP既杏花樓到有咁多位俾我地食個糖水打個完場
開心愉快的一晚
不知不覺間真係發現同你地一齊係最開心
大家0個種近距離 明白 諒解
真係難以形容
那一種開心的感覺是每一次都由心底慘出黎
唔可以講話因為邊個位而好開心
就係可以見到你地已經好開心
祈都岩...以前係宿成日見
級社又見..做野又係你地食飯又係你地玩又係你地
但係而家真係要好好講下自己既近況有時都好難
好想再留係宿舍
每一次諗到呢0的位...就會突然之間好想返到宿舍居住....

星期日又要返工
有錢搵係開心
但係悶
好彩今日唔駛見到angel
其實當你一開始就係同呢個人part而唔會part到任何人既時候
你都仲可以接受佢
但當你試過part 到好人like fanny
你一世都唔想再見到呢個人
真係神經and 顛
平時hiroshima都係走少少高檔路線
點會請呢0的零communication skill同痴線既人返黎攪破壞架
變態架........

而家好攰
聽日要in bauhaus
唔知會點in呢

>>July 11, 2004 at 6:07:32 PM GMT+8

2004 年 7 月 8 日 星期四 【晴】

一天兩場中學聚會
下午收到突如其來的ICQmsg from郭老師
即刻出發到市中心食一個tea and吹下水
很可惜自己敬愛的老師一個一個的跌入全校最不受重視老師之行列
不過個人清高少少都真係埋唔到0的勢利既人堆
下下都要靠刷鞋真係好難攪
說回中學都不是沒有一點令人留戀的地方
中六七的課堂生活是過得頗令人滿意的
得到很好很有熱誠的老師教導
的確是當時發奮向上的原因
所以不時都會記起鄧sir同mrs.wong
有時好想返去探下佢地
因為覺得這一種掛念與不時的探訪都是感謝他們的一種方法
說起社...
突然又感嘆現在的學生實在差了
(其實我唔知我以前係咪咁差)
但係我聽過一個很好的人說一個好社長是怎樣做
令我心中有了一個好社長的model
團結四社是ultimate goal
可能而家0的人就係冇左呢個心
competition的性質大了
但communication and cooperation的機會卻變得愈黎愈少
學校的分化愈黎愈大
學生對社的歸屬感也一年不如一年了
.....不過一切都可能是自己的感嘆而已

第二場聚是5C小聚
相約吳almond edward ter仔飯局一聚
無聊依舊
感覺卻很自然
說實在是大家都變了一點
人是成熟了
每一個人也是
想的事多了很多
在我們面前的世界大了很多
夢想有的已經破滅向另一個目標進發倒是一個積極的行為
有的夢想還在
大家都在努力中
十年後不知道大家會變成怎樣
只希望到時與你們相處的感覺和form5時 和現在都是一樣的自然

晚上突然拿出文文幫我燒的舍音盃and 傅盃女藍相and movie一看
突然覺得那些事都很遠
真正的懷念不是會立即出現
而是在你離開了一段日子之後慢慢的滲出來的
你愈去回味往事懷念的感覺愈強
這一刻很想回到宿舍一次
很想再回到大廳
一起的練習一起再聽一聽舍監廢但很有趣的說話
一切的事又懷念起上來
看來還是逃避呢

>>July 8, 2004 at 6:11:45 PM GMT+8