2008 年 2 月 8 日 星期五 【乍雨乍晴】

寶貴與弟兄姊妹一同事奉,並且一齊入xxxx村傳福音,雖然今次我們接觸的人數比上一次少很多,但自己在傳福音上有突破,能夠入屋做個人工作願主堅固我們手的工!!

>>February 12, 2008 at 3:19:58 PM GMT+8

2008 年 2 月 6 日 星期三 【乍雨乍晴】

保密日記，請登入觀看！

>>February 12, 2008 at 3:47:44 PM GMT+8

2008 年 2 月 5 日 星期二 【乍雨乍晴】

感謝主我今天收到光愛中心的信,我獲得愛心步行日之攜手共步迪欣湖的攝影比賽優異獎!!

>>February 7, 2008 at 3:27:12 PM GMT+8

2008 年 2 月 2 日 星期六 【乍雨乍晴】

oday is quite Cold, only 8C!!!!
感謝主我今天晚上跑了50分鐘的步,由尚德村跑到將軍澳泳池,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,再一次由寶康公園起跑,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,最後跑回尚德村,用了太約 50分鐘

>>February 3, 2008 at 3:15:59 PM GMT+8

2008 年 1 月 25 日 星期五 【乍雨乍晴】

today is quite Cold, only 13C!!!!
感謝主我今天晚上跑了50分鐘的步,由尚德村跑到將軍澳泳池,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,再一次由寶康公園起跑,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,最後跑回尚德村,用了太約 50分鐘

>>January 26, 2008 at 3:25:12 PM GMT+8

2008 年 1 月 20 日 星期日 【乍雨乍晴】

感謝主爸爸送了一張椅子給我，他說是某鄰居給他的,我之前經常說想有一張有得挨的椅在房裡。

>>February 7, 2008 at 3:49:12 PM GMT+8

2008 年 1 月 16 日 星期三 【乍雨乍晴】

日日對住個低能的同事
真係想死
成日話辭職,本身個人又a字膊,辭左半年都未走
成日話d人卸d野俾佢,其實佢密都卸俾人地就真

>>January 18, 2008 at 2:29:02 AM GMT+8

2008 年 1 月 10 日 星期四 【晴】

主內寶貴的弟兄／姊妹　　　　　　　　　：

全教會祈禱會（為主熱心）星期二　　　　5-10-90　　　余弟兄　　　錄音帶筆記分享
大家黎到，大家見下，都已經好好架啦！下，即係幾寶貴！有一日會見到主和歷代弟兄姊妹，你話幾好呢！你仲會有什麼憂愁呢？我問你．有幾多都會忘記喇，唔好話天上幾好喇！有一日會見到歷代聖徒和主自己，又見到我們的父，這些日子是不遠的了，我們可從世界局勢就看見了．你可看見蘇聯現在局勢不太穩定了，（而家已經分裂成為俄羅斯），那麼變成點我們未知道的，而近年她都相當辛苦，佢都正在奮鬥著，以後再有沒有野出，也很難講．在中東那裡當敵基督出現時會搞和平科案，而家在蘇聯不斷在搞這些野，而家看到全世界的國家都是沒有路走，而家成班都好似盲頭蒼蠅一樣，連帶領都唔知點搞，你睇到架，以前有兩大陣形敵對喇，即可能仲有點刺激，鬥志，而家少了美蘇的對抗，大家都唔知有什麼目的去生存．

而家就算共產黨都沒有真正持守自己的主義，反而去搞什麼經濟，而家整個世界上未信的人，全無意義可言．就算打仗也沒有這種意欲，實在都唔知道自己要做什麼，近來報章也沒有重要新聞，這樣看世人就是多麼空虛，越來越墮落，即係壞得好厲害和殘酷得好厲害，這一切（歐洲共同體）都預備緊主返黎接我們，和敵基督的出現．我們不知道九七如何，而十團聚都講到世界個方面既野，但我們的意思不是要放棄香港，但我們必須要自己作好準備，比如家團要作好準備，無論有什麼事／局勢來到，事實上沒有野可摧毀它，兩三個人那些出動呢，沒有野可摧毀它，例如大陸就是這樣，但現在未到時候，不能講得太詳細．但你不用憂慮，我們卻要拿住現在的時機，因為唔知道有咩野會發生，實際上主可能俾中國更大機會，現在直到九七還不夠２００個禮拜，三年幾，一年５２個禮拜，咁到係百零日到，即係唔夠二百個，相當短暫的．
你自己想一想，實在是十分短暫的．咁如果我們聽話的，我相信主恩典是夠用的，拿，咁我們先睇節聖經先，啟示錄，第三章，第十四節．我們知道教會時代分七個階段，咁而家己經到了最後的階段，跟住就主返黎喇！所以是十分近的，從世界局勢可看到，真的就快完了，而最後階段的特點，我想提醒一樣野，一齊讀，第十四節．

┌你要寫信給老底嘉教會的使者說：那為阿們，的為誠信，真實作見証的，在神創造萬物之上，為元首的上說，我知道你的行為，不冷也不熱，我巴不得你冷或熱．你既如溫水，也不冷也不熱，所以我必從我口中把你吐出去．你說：我是富足，己經發了財，一樣都不缺．卻不知道你是那困苦，可憐，貧窮，瞎眼，赤身的．我勸你向我買火煉的金子，叫你富足．又買白衣穿上，叫你赤身的羞恥不露出來，又買眼藥擦你的眼睛，使你能看見．凡我所疼愛的，我就責備管教他．所以你要發熱心，也要悔改．看哪！我站在門外叩門．若有聽見我聲音就開門的，我要進到他那裡去，我與他，他與我一同坐席．得勝的，我要賜他在我寶座上與我同坐，就如我得了勝，在我父的寶座上與祂同坐一般．聖靈向眾教會所說的話，凡有耳的，就應當聽．┘啟3:14-22

咁教會有其他特徵，我唔多講住，但我要你注意的事，┌你要發熱心，也要悔改．┘主又講到其他的問題，好像後面講到┌困苦，可憐，貧窮，瞎眼，赤身的┘但佢仲以為自己好富足，又缺少信心，所以主要佢買火煉的金子，我們可以看到信心要經過試煉的，金子代表信心，所以我們若果遇到困難時，不被打沉的話，信心是有提升和進步的，會學到更多野，同理學到的野是深刻的，同理個口的野壓迫你去倚靠主，去尋求勝利，咁你自然會學到更多野，同理你會有種真的品格，唔係浮浮下那種，係有種堅忍，即係真野黎架．另外就是要聖潔，因這是個彎曲悖謬的世代，很污穢，即係要買白衣穿上．亦都要買眼藥擦你的眼睛，使我們能看見，心眼是光明，奪去主的心．但我今次想講的事集中在，┌你要發熱心！也要悔改．┘

呢度是提得特別詳細的，之前提到┌你既如溫水，也不冷也不熱，所以我必從我口中把你吐出去．┘雖然有講到其他需要，但有一件是講得十分詳細的，就係要發熱心，唔好不冷和不熱．咁另外老底家本身有人民掌權的意思，民主，個個都話要自由，一尾都話相對．但我們有一點野是絕對的，就是聖經，神的話，我們的信心是有絕對的根據，所以我地能夠發出熱心出黎．如果要得勝，我地必須要發熱心的，呢個時代的教會就是，唔夠熱心！呢個時代全世界的基督徒是有史以來最多的，我幫你講，起碼佢係話信先喇，係最多架，所以話以前什麼三千悔改，五千悔改，但與現在相比也不是一回事．但係點解個種沖擊力咁弱呢？就係質素的問題，唔好理質素先，仲有咁多錯野，唔好講喇，就算對的都好，但係只要佢唔係咁熱呢，佢都做唔到些什麼，何況有咁多錯野添，他們的屬靈書籍有很多錯野係裡面，就算係對的都好，按著裡面的道理去生活，有沒有火熱的心呢？

係咪有火焰，係咪整個人擺上去呢！個人係俾主同佢心意拿住，即係有異像，一切都為著個件事架，唔係話將主的事擺做其中的一件，而係咩野都為著個件，舉例來說，我做運動是為了主，是為了建造教會，唔係為著一件還一件，例如食野也是一樣，所以幫你食野有時都麻煩點，我可能會話下你架，我話Ｄ豬朋狗友唔好食咁多，咩野豬朋狗友呢，就係個Ｄ豬呀，因為既然你係同樣出錢，點解唔揀Ｄ有營養既黎食，Ｄ豬又生蟲，又肥，下，你係唔係好想似佢咁呀，（哈！哈！哈！），你同樣出錢就食好Ｄ喇，如果你食Ｄ什麼無謂野，你見到我，到係行開Ｄ好，（哈！哈！哈！），如果唔係我會提下你架，你請我食我都會提下你架，咁既情況，我都未飲過，都唔知那些什麼思樂冰啊，（哈！哈！哈！），我一生都未飲過，我都唔知係什麼來的，我唔知有無喇，又或者間中一啖自己唔記得，不過就咁睇佢個樣都唔會有什麼營養，可口可樂啊，應該係苦口苦面啊，若你飲Ｄ鮮奶我都唔會話你，就算維他奶都好Ｄ呀，一切都為著個件事架．

而家唔夠人手，如果你食少ＤＸ品，就多Ｄ時間去事奉主，生病和晒時間，又短命Ｄ呀，精神又差Ｄ呀．你應該有異像，有使命感，你人生是有目的的，如果成日食思樂冰，你不如去格零難去傳福音喇，有咁多冰食，（哈！哈！哈！），咁既情況，你要注意我唔係苦行者黎架，我係有意義行者，我可以幫你玩，而玩到係有意思架，即係一切都為了主和祂的心意，為了全世界．教會．我都盼望為主同佢心意而奔跑，唔單止為自己的健康，健康後面重有原因的，咁主佢話：┌你要發熱心．┘就算世界上其他的事，如果唔發熱心，亦都唔會有幾大成就．就算你去返工和返學，也要勤力和進取．唔係好似其他人的力爭上游，而係為主在凡事上忠心，為主得更多人．唔好懶洋洋，因為如果懶洋洋你自己都唔好受喇，邊有人歡喜懶洋洋和無心機的狀態，同理你話：豐盛的生命．（哈！哈！哈！），拿如果你返工返成咁，你都好難同同事講信左主有豐盛的生命，如果你返學返成咁呢，仲著住件豐盛生命運動的衫，哈！啍！

即係有種鬥志，奮鬥的心，有種熱心至得，連世界上Ｄ人係咁，先有Ｄ成就，咁無可能主要我們做最榮耀既野同理佢既託付，就唔駛架！其他人為了自己的理想，信念去沖刺，奮鬥，就咁熱心，而主呼召左我地喇，佢話，你來跟從我，咁樣跟從主就可以不熱心的，有咩可能呢？
我地只有熱心過佢就會姐．無理由佢仲熱心過我地架！咁既情況，星期日我就在這裡講奮鬥的人生，咁我黎講就多數唔夠節制，咁我都要去學習節制，但係如果你俾我揀唔夠節制好過一生好似條墨魚咁，拖拖拉拉呀，無呢神氣呀，雖然唔夠節制都會太傷身體，但總好過什麼也沒有，就算傷得好厲害都仲有Ｄ用，不過就係早Ｄ上去事奉呀！（哈！哈！哈！）無咁大智慧，做唔到咁多野，但係都係做到野架，都有個榜樣係度，都有Ｄ火係度，好過你無幹勁無奮志，叫阿們都有Ｄ心機：┌阿們．┘唔係，┌阿們．┘（哈！哈！哈！）主是對這時代教會講的，呢個時代Ｄ教會好多有這個現象，但主話：┌你要發熱心！也要悔改！┘

拿如果你唔發熱心，都唔會榮耀得去邊架，正如主多次說：起來！同理倚家中間二十幾歲的，實在是很年輕，但係最弊的是有Ｄ二十幾歲就老喇，三十幾歲Ｄ要小心，四十幾歲Ｄ要小心，五十幾歲Ｄ要小心，六十幾歲Ｄ要小心，七十幾歲Ｄ要小心．最後的啟示錄是約翰寫的，成九十歲喇，佢都心裡係好火熱，成九十歲都做文字工作（哈！哈！哈！）都寫幾卷約翰書信喇，仲有啟示錄添，佢一定係好有熱心架！若果無熱心，叫人熱心，有無搞錯呀！同理佢又受逼迫，被放逐到拔摩海島．
成九十歲仲係有火架！你唔好廿歲開始做野就下沉，拿，一定要起黎，如果唔係你就唔會快樂架喇，一個人如果無獻身目標，佢無可能會快樂架，我幫你講，好寶貴我地有一個完全可信，最值得，完全唔會後悔，一個獻身的目標，就是主自己同理佢心意，因為神都係好似火焰一樣，聖經說：耶和華的烈焰，你應該有父那樣的質地，你唔好做旁觀者．將來主問你：你在地上為我作了些什麼？你說：我做旁觀者．你經常聚會做什麼的？我做旁聽架．唔好係度觀望，懶閒，閒站著．我覺得做基督徒無第二條路走，就只係完全投入．只有係完全投入，無第二條路走．
因為連神自己都係完全投入，主真係好誠實，佢講野係好真架，你係要愛佢多愛一切，好我地睇一節聖經，睇呢個，提摩太後書．第四章第七節，我地不如一齊唱．

┌美好的仗，我已經打過了，我已經打過了．當跑的路，我已經跑盡了，我已經跑盡了．所信的道，我已經守住了，我已經守住了．從此以後，有公義，的冠冕為我存留．┘讀理後面呀，┌就是按著公義審判的主到了那日要賜給我的．不但賜給我，也賜給凡愛慕祂顯現的人．┘
呢個提摩太後書就係保羅係監獄係斬頭前寫的，係佢最後的文字，而寫到第八節，已經係佢最後的話了．第九節後面係個Ｄ交託既野，最後既話係一個勝利既話．正如好像主耶穌在地上一樣．佢提到：┌美好的仗，我已經打過了．┘第二，佢話：┌當跑的路，我已經跑盡了．┘┌所信的道，我已經守住了．┘保羅的未了的話中，可見他對人生的看法，佢所重視既野．
第一樣野，就係人生是有戰鬥的，佢話：┌美好的仗，我已經打過了．┘佢就好明白清楚做基督徒跟從主係點既，就係受苦進入榮耀．當然他不是忘記了家的實質之類，佢唔係忘神的心意，
後面講到：┌當跑的路，我已經跑盡了．┘當跑的路就係主要佢做既野，託付佢既野，佢亦都做完．但係如果我地唔打呢場仗，是不能成就什麼的．你唔先心靈勝利，保羅起碼自己覺得一生有一場仗要打，就是信心的仗！係有戰鬥架，當跑的路就係講到神既心意，佢已經做左主要佢做既野，佢不斷越遠越遠咁去建造教會，係跑咁樣去完成，有奮鬥的心去完成．

唔係爛咁去完成，今日有Ｄ爛既基督徒，爛都好Ｄ啊，有Ｄ訓既基督徒，有Ｄ行緊既，但係保羅呢Ｄ係跑架，同理呢個係馬拉松既跑呢架．我順帶幫你講我地跑呢個係馬拉松既跑，唔係短跑呢架，間中有Ｄ短跑喇，但係個心態一定要馬拉松咁跑．拿，我已經跑左三十幾年，我唔知幾耐，我仍要跑下去，馬拉松咁跑，直到完成主要你在地上的旨意．而且個跑係有標竿既，佢話佢向著標竿直跑，所以有Ｄ基督徒連標竿都唔知，你話佢地點跑？所以我地一定要清楚自己人生的的目的和意義．主佢知道自己在地上要做Ｄ咩野事，而家一九九零年祂要做咩野事，佢永世要做Ｄ咩野事，咁而而家做既事與永恆是有關的．感謝主使我地好清楚呢方面既野，咁到有一本清楚明白講主永恆心意，神造人的目的．

我知道佢要建造神的家，而呢個係世界性既異象黎架，我地要往普天下去建造合神心意的家．同理加上佢好清楚係六四年既託付，對我地好大鼓勵，而家我地要帶黎最後既恢復，所以我地人生好有意思．而且係好清楚既目標，同理亦都講到我地幫佢相愛相親，唔單止去完成，而且神的家也包含這一切．咁但係我地要奮鬥，跑咁去完成，知唔知呀，我再講多一次，我情願你係Ｑｕｅｅｎ低左，都好過你一生事事彈彈，差不多先生個Ｄ．就算宋尚節咁講，佢都可能唔夠節制，但起碼佢有好大既影嚮力．咁但係你當然有智慧喇，但有智慧必定要有熱心，主佢話：┌你要發熱心！┘都唔係自然架播，主話：你要，你要發熱心！你要肯去發，有心去發！決心唔好再咁落去，你要發熱心．好寶貴保羅話：┌美好的仗，我已經打過了．┘佢一生咁榮耀唔係自自然然架，唔係信左主就自然會，唔係咁架！例如主都好樂意向我顯現，咁都有幫助，有託付呀，我一生唔係自自然然就搞掂架．

保羅佢一樣係有仗打，我地更加了解呢件事就更加好，因為起碼了解呢件事就唔會咁容易灰心，你遇到難處既時候，你會覺得好正常，然後點樣靠主奮鬥克服佢，同理你有心理準備，就自然無咁怕．也知道不是難克服佢，只要我奮鬥和倚靠主的話就能得勝有餘，佢既誡命係唔難守架．仇敵係已經失敗左既仇敵，咁星期日我就用左一個比喻，就是同一個弟兄去拗手瓜，咁佢隻手就係係下面，我地而且既戰鬥就係咁，我地就係佔緊上風，仇敵係已經失敗左，佢就係係下風，但係佢都係想反擊我地，想攪擾我地，想打低我地，但我地就係佔緊上風．但佢都有番咁上下，我地感謝主，我地既仇敵都有返咁上下，如果太渣都無密意思架，（哈！哈！哈！）太渣都對我地無密用，毫無鍛練，例如那些世界拳王幫佢練拳都起碼咁上下，如果搵你幫佢去練都係無密用，（哈！哈！哈！）一定係俾人打低，佢都會搵咁上下強去練架，太渣都無密用架．太渣都學唔到Ｄ密野，你都唔使咁依靠主呀，唔能夠提升你的信心．例如打乒乓波，佢肥仔都唔識架喇，（哈！哈！哈！）你打黎到係晒氣，捉祺又係，佢第一步就上公頭，（哈！哈！哈！）咁你幫佢捉一年都無密進步架！我地感謝主，我地既仇敵都幾厲害，雖然主勝過它，拔去了它的牙，但佢都係吼叫既獅子，即係會Ｒｏａｄ，ｒｏａｄ咁聲，都唔會ｍｅｉ，ｍｅｉ咁細聲架，同理係獅子黎，唔係老鼠，都有返咁上下，同理仲有好多差役．

我幫你講呢樣証明主是勝利的，如果主唔係愛我地，佢都唔會造呢Ｄ野黎搞我地喇，主咁笨咩，佢隨時可以整死幾隻加麻，如果真係咁厲害，我相信主都會做低幾隻先，但係主放心，你掂架喇，主都知道我地有佢係可以勝利架，佢先放心俾咁多仇敵係世界上面周圍走．咁我地一定要去打，唔適宜用掙扎呢兩個字，但係我即管用番呢兩個字，不過你要明白我意思，不過我都係用奮鬥，唔用掙扎用奮鬥，不過我用掙扎呢兩個字你會易明Ｄ架．但我地不是佔下風，就用掙扎呢兩個字．對方有咁上下勁時，你都不要沾沾自喜，要保持上風，都要用返Ｄ力，都要奮鬥，唔係自然就拗＊架．拿咁我地有個仗打，所以弟兄姊妹唔好灰心先，點解又有試探架，嬴左佢又黎和，（哈！哈！哈！）又黎過，如果你清楚左就唔會灰心，每一次都係你勝利既機會，每一次勝利都係有賞賜，使你唔倚靠主係唔得架，同理使你小心儆醒，使你呢個人心靈要保持在狀態至得，咁既情況．今日我唔多講苦難的益處喇，但你要清楚知道你一生要不斷奮鬥，自強不息，如果你想勝過仇敵你一定要奮鬥，即管用理掙扎呢兩個字，即是要搏鬥架．

呢Ｄ係真既事尼架，拿以弗所書第六章講到要幫仇敵摔跤，即係打摔角．呢Ｄ野有時都幾理身架，要鬥成咁架！所以你有時心靈經歷一些戰鬥，你唔好覺得自己唔愛主，你一清楚左就唔使怕佢，有時主容許有密集又多的試操來纏住你，你心裡不要以為希奇，而家係想辦法靠主去勝過佢，你應該知道雖然咁，但主的恩典必夠你用，你可得勝有餘，更厲害的都勝得過，呢Ｄ不是表示你不愛主，這都是出於仇敵的手．同理主都要用呢Ｄ黎操練我地．咁就唔會有陰影，或者會發覺ｄ試操咁壞，會唔會係自己已前失敗ｄ回憶呀，好似自己唔係好想親近主咁，或者去傳福音點解咁驚既，都唔係幾想去咁，個ｄ就係控告呀！你要明白呢ｄ係正常既野黎，咁你就唔會受控告喇，一切唔想聽主的話的感受，呢ｄ係好正常和實遇到架，有時仇敵都會利用肉體架蝸，另外有時有種壓力或陰影咁樣，同理有時會蒙敝你使你會遭遇ｄ困難．肉體方面我盼望你注意一件事呀，就係唔單止有世界吸引，而且你裡面都有，即係有各種欲念呀咁既野，咁肉體唔單止有各種欲念，魔鬼佢會引誘你去犯罪．

另外當你做好野個時，佢都會拉扯你唔好去做，使你做得唔係咁暢順，唔係好想去做咁架，肉體是兩面的，一面是引你犯罪，一面是阻擋你唔好做好野，所以羅馬書中說：我為善的時候，就有惡與我同在．就係拉扯佢，使佢做好野唔係咁暢順．例如你疲倦時，你都唔係好想去親迎主架，就算你唔疲倦，魔鬼都會整ｄ意念俾你架，你唔好當自己係咁架，點解咁唔愛主架，只要你唔理佢，我去！我要發熱心！如果有攔阻你，你都去既，呢種愛主的心會更加大架．你就唔好自己控告自己．例如傳福音，有時怕羞，或者驚，己經係硬著頭皮咁厲害，帶左剛盔咁硬架，（哈！哈！哈！）頂硬上咁去架，點解佢地咁容易，但係我就．．．．唉！我都係唔夠愛主同愛人架喇！唔係架，如果你頂硬都係仲上既話呢，你愛人同愛主的心係好大架，拿唔好再受欺騙．因為每一個都有肉體扯你架麻，我都有肉體喇，你都唔知我以前傳福音時，都唔知有幾多次硬著頭皮咁上去，加上我過去個人特別怕羞呀，又唔識講野蝸，但係去下去下就自然無咁犀利呀．恩賜就被挑旺左，同理呢ｄ係自然反應呢，可能佢充滿信心，但係隻腳都震緊架，因為太少講喇，當然而家你震我唔震喇，咁都挑旺得好犀利，以前唔識講野，而家講得太長氣，而家前面我都要決心講短ｄ，（哈！哈！哈！）今日唔知得唔得喇！（哈！哈！哈！）

你大家肯定好歡喜喇，余弟兄講短ｄ！但係講短ｄ，個內容都係一樣咁好架，即係濃縮ｄ，咁都係為著呢個時代既人身體太差，被逼要就佢．有時係咩人，作咩人，有時都要ｄ既．（哈！哈！哈！）點解過去講咁多，因為過去心裡火熱呀，有時我唔敢擔保，要按聖靈帶領至得．即係可以改變都咁架個人，慢慢沖過左就越黎越容易喇，你都要架．今日我想幫你搞清楚信心幫奮鬥既咸接呀，個種相互既關係，個種平衡，有ｄ基督徒就搞唔清楚呢，聖經講話要倚靠主，但係有ｄ屬靈書籍就麻ｄ架蝸，話信心的安息，好似一搏鬥就唔合聖經咁，好似靠自己咁，佢地搞唔清楚呀，保羅話自己盡心竭力，歌羅西書講到保羅既事奉，盡心竭力，呢ｄ原文既字，實際講到做到個人根疲力盡架，原來保羅平時既事奉搏到咁犀利，同理有時又講到晝夜勞苦，所以你一定要清楚知道一個真正基督徒形象至得，因為呢個世上少ｄ呀，同理有時就算少有ｄ咁既人，你唔知對不對，唔知邊個對呀，如果你地唔知邊個對時，就唔會做架，所以要清楚，保羅話自己比眾使徒格外勞苦，使徒已經勞苦，佢仲比眾使徒格外勞苦，但係呢個係神既恩呢架，所以神的恩是和做既野配合，信心幫奮鬥既配合，今天好多基督徒搞唔掂，就係一搏命親就靠自己，呢ｄ係屬靈書籍錯誤既講法呢架．

你只要清楚我地基礎係信心，我地開始一定係信心，例如你失敗左，你要起來，你話：主啊！我倚靠你．你立刻被聖靈充滿，按你當時信心的容量來充滿你．或者你話：主啊！救我．你就立刻被聖靈充滿，你心就被搞掂左喇，當你心裡有力量時，你就開始奮鬥．即係得到力量而去奮鬥，拿保羅都係咁，佢話：我也為此勞苦，照著他在我裡面運用的大能，盡心竭力．西1:29拿我順帶一提，有一樣事，就係什麼事也要用信心帶頭的，只要你倚靠主時，當時你就可與仇敵搏鬥．例如你犯了罪，你唔倚靠主，沒有信心，奮鬥也沒用．同理一個倚靠主既人一定有禱告架，所以如果唔禱告又唔親近主，猛做猛做呢，咁呢ｄ就係靠自己喇．但係如果你有禱告又有親近主，又有信心，咁你奮鬥就好正常喇．你親近主有力量，就有動機去奮鬥．咁你就去過奮鬥既生活，咁順帶一提呀，有ｄ力量係你奮鬥時主才加給你的，佢唔會預先俾架，你要注意呢件事，主耶穌有一次遇到一個枯手人，主耶穌點樣幫佢呢．主話：伸出隻手黎！奇唔奇怪呀，咁果個枯手既可能話，你未醫我點伸呀，你都知我枯乾左喇，如果伸到出黎伸使你醫，但係主話：伸出隻手黎！當佢手一伸，手就復原了．拿即係係佢未聽話之前，未享受到力量，但當佢聽主話做既時候，力量就黎．咁呢個你係有經歷架，即係你唔好話而家都無密力量實做唔到喇，唔係蝸，而係照主所吩咐的去行，你做的時候就同時有力量．呢個係最哈人架，好多基督徒唔知呢度，佢一尾等力量黎，等力量，我幫你講，等到死都無力量黎．點解倚靠主無力量既，保羅話：靠著愛我們的主在一切的事已經得勝有餘了．點解我靠佢無密野既，拿當然你靠主一定有幫助．但係有幫助並不代表完全，一定要靠主作成祂的工作和繼續奮鬥，繼續運用信心做佢要你做既野．即係你靠主起來，但係你要繼續保持穩行高處．

錄音帶Ｂ面
電掣，電不斷流，未開之前就唔會沖爆左佢呀，一路運用不斷無限的供應．未講之前，我講信息之前，的以前過去神經衰弱呀，身體個方面呀，華，個人真係好辛苦，即係唔想講呀根本．但係我都會有ｄ咁既野播，即係我好愛主同愛人，但係都有咁既感受，即係個身太累，唔係好想講福音咁．咁但係呢個唔係真我呢架，不過係肉體個ｄ，如果你當左係．死啦！密咁衰架，即係講福音都唔想，咁我都有呢ｄ野架，甚至個人累和辛苦時，但係唔理佢，照講！個人本來好累，但係個一下被聖靈充滿，就即刻有力量黎，本來無密聲架，但係後來ｄ聲越來越大，聲音質變左架，真係會變得清澈和亮架，同理連體力都唔同左，同理講開後只怕講得太長者．咁呢ｄ就係你為主做緊時候有力量加給你．明唔明先呀呢種清況，我舉個例你會明ｄ．所以要清楚個種信心幫奮鬥既關係，你倚靠左主之後，就要奮鬥．你奮鬥既時候，ｄ能力黎，你就會勝利．同理我地要經歷一種戰鬥．我幫你講要勝過一ｄ試探時，要經歷一ｄ痛苦，同理要幫佢頂過先可以勝利，你唔好聽ｄ屬靈書籍話，信心的安息，一掙扎親就係唔對既，就唔會勝利既．我幫你講，唔係！只要你無失敗，你仍然站在信心的路上面，你重有戰鬥和掙扎，呢個唔係錯架，反而你不服，死都要勝利，死都唸返主．有可能你要厲害ｄ奮鬥，可能要大叫一聲都有用架．即係講聖經既話，咁要視符情況而定．靠著愛我們的主，在一切事上已經得勝有餘了！如果你做得更厲害時，你可以ｃｕｔ左ｄ思潮架．

拿聖經教你既野，有時要做架，同理你個人都唔想跳舞架，但係聖經話你跳，咪跳羅，（哈！哈！哈！）唔係你倚靠主就自然有種氫氣球，幫你跳舞架，（哈！哈！哈！）所以跳舞話唔係自動就跳架，你估彈弓人呀！所以聖經係要黎行架，行既時候要突破自己個種阻力．例如有試探，你可以幫主講定先架，主啊！如果我暫眼就表示倚靠你，（哈！哈！哈！）又或者微笑呀，每次試探黎，你決心微笑一下，都可能已經勝過喇．因為你而家重係係世界上，靈魂身體係一致架，有時你個身體行動時會影嚮心靈，魂架蝸，如果你一思想做第二樣，就可以ｃｕｔ左ｄ思潮，有時可以咁勝利架，如果ｄ試探黎時，你可以唱：奇異恩典，何等甘甜．．．．．拿，可以咁勝過，所以有陣時你都要奮鬥至得架，如果試探得太厲害時，你要用堅固信心抵擋它．或者，阿爸啊！跳幾下舞，已經唔記得左，即係唔一定要咁，我舉例者．

總之黎講你一定要幫佢鬥過，但唔係死唸住佢黎鬥個種，而係你要去擺脫佢，擺脫佢既時候做其他野分散注意力，如果太密集或者可以趕佢走，趕完佢走之後，可以唸返主自己，或者可以：主啊！救我！，但係如果係繼續黎都唔好灰心，要繼續努力，如果你一灰心就已經失敗左．有時如果主要你掉棄ｄ野，你個心都好似被割左一刀一樣，凡事忍耐麻，咁忍字都有把刀喇，每個基督徒要勝利，個心辰被割多好多次架，一定係無辦法架，有時你感情既問題，係要丟棄就要丟棄，你依靠主都要願意忍受個ｄ野架．人地打仗都要掉棄喇，唔通打仗叫理個女朋友呀，（哈！哈！哈！）咪一樣要掉棄，佢呢ｄ世上既事，都願意丟棄屋企呀之類，咁我地跟從主做主的精乒，係提摩太後書第二章，咁難道我地做主既精乒會有優待架，唔使架，根本仲比佢不如？咁你一定要睇電視機至得，咁保羅佢坐監有電視機睇？（哈！哈！哈！）你無電視機就唔夠喜樂，佢保羅係監獄都大大喜樂添，如果有時電視機吸引大，咪行開羅，聖經講你要逃避少年人的私慾，每一個人試探唔同，你自己知自己事架，有時你要逃避佢，所以你一定要奮鬥至得架，唔好由佢擺佈至得，走咪走羅，如果咪陣間又講理ｄ壞野，ｄ掂污你既野你要行開ｄ．保羅佢話咩野呢：┌美好的仗，我已經打過了．┘呢個係心靈既仗呢架，咁我都打左成三十幾年喇，打仗做咩呀，為著要個心保持完全純正，完全清純，完全相信主既愛，我都唔知有幾多次俾魔鬼話我唔係咁愛主，你估余弟兄真係特別ｄ架，當我感受主無咁愛我，我唸返主既愛，我勸服返自己既心，一樣要架，我直到主愛佢感動返我，激勵返我，因為魔鬼佢唔想我被主愛激勵，如果一個人唔被主既愛激勵，佢唔會去得邊架．

咁但係你都要去奮鬥至得，搵多ｄ時間去安靜，數算一下主在你身上的恩情呀，都係去整到個心服番主，完全服主．同理個人有感恩，被主既愛去感動，明明先呀，咁但係都要時間麻，使個心靈係勝利，同理個心係保持清潔純潔，美好既仗就係要咁架喇，同理要完全正直，我一生都係要打呢個仗，呢個係最值得打既仗，呢個仗先係真正既仗黎，其他都係外表架，全世界一切勝利既仗其實都係失敗，呢個仗會影嚮我地一生和永恆，係要切切保守你心，勝過保守一切．拿保羅就黎見主既時候，佢講：┌美好的仗，我已經打過了．┘所以保羅心靈都係經過好多戰鬥架．但係佢最後保持到，無論佢受幾多既苦，佢仍深信主係愛佢架，佢話自己係一切患難中，靠著愛佢既主係一切事上已經得勝有餘了，佢深信無野能使主的愛幫佢隔絕．無論幾痛苦黎到，佢仍然知主是深愛他的．就算係死係生，主都係一樣咁愛佢，佢保持到火焰係度．保羅就係一生咁打呢ｄ仗，我三十幾年都係打呢個仗，因為我知道如果我個心係唔掂，就係唔掂，個心死亡，人就無用，個心如果唔俾主愛激勵，就實死無生．如果無正直重死，個心一定要保持正直和純正，真誠，願意聽主話．就算幾多代價都要聽番，我自己都要打，有時心靈係受不少痛苦，但係係最值得架，所以保羅話呢個係美好既仗呢架！有時若果為著心靈勝利，要用幾個鐘頭去打架，有時情願唔訓覺，打贏左佢先訓．起碼你訓覺前唔好有失敗啊，你應該有個習慣，永遠唔好帶著罪和離開主的心去訓覺，你情願訓唔著，都要打到個心服左先好訓，你應該有這個習慣，咁對你心靈會好大幫助架．

你個心靈都唔會差得去邊架，最起碼係成日都是勝利的，你應該有信心一生不斷去打呢場仗．最後睇多節聖經呀，睇提摩太後書，呢度就係最後既話，都係好緊要，第二書，咁前面都講到精兵個方面．你要和我同受苦難，好像基督的精兵．所以有時要受苦架，睇第二章第二十二節，你要逃避少年人的私慾，同那清心禱告主的人追求公義，信德，仁愛，和平．我最後想講呢就係，如果單獨打仗係辛苦好多和無謂，唔底，失敗機會係大架，所以十二節話你要逃避少年人的私慾，同，同，同，同，那清心禱告主的人追求公義，信德，仁愛，和平．所以你應該活係教會中，幫弟兄姊妹一齊追求，如果唔係魔鬼佢打底你，有時最慘就係打底左都唔知，俾佢呃左仲以為自己好清高，以為眾人皆醉我獨醒，余弟兄都無密智慧架，呢班咁既野去帶住教會，我地無咁投入，因為佢班帶領唔係咁好，有時你無密機會交通，因為你個人隻眼瞎了，呢ｄ係最毒架，佢打底左你都唔知，特別ｄ文員啊，讀書多個ｄ啊，你唔好自以為ｄ知識啊，魔鬼知道既野仲多過你架，唔能夠靠呢ｄ野．最緊要你個心夠唔夠純，你個心有無火先，我幫你講，如果無火，已經俾魔鬼呃左你喇，你係唔係完全投入先，如果唔係，你已經俾魔鬼呃左你喇，你唔好以為自己好聰明，如果係呢個咁寶貴既時代教會，你都唔投入去，同理加上係呢個時代主清楚託付我地，我都唔知幾寶貴係我地中間聚會個ｄ，因為係主佢清楚託付我地，使我知道呢個時代要做ｄ密野，你若果都不投入呢，係實在俾佢呃到好犀利，你重以為聰明，咁係咪笨得好犀利先．拿我自己經歷好多仇敵詭計，魔鬼係好毒辣，好厲害，但係有一樣寶貴係我咁多年活係弟兄姊妹中間．

咁而家重未夠，可能因為做文字工作方面，同理ｄ長老，長老有時孤單ｄ都唔奇，因為佢有時未必入家團，咁長老聚會兩個禮拜至一次，唔夠，同理有時都好多野要去傾架，實在前面我唸要一個禮拜一次同理長ｄ，唔果唔係都好危險架．如果咁樣，教會先有新突破，咁呢個我地大家先至安全，連ｄ大個，如果唔樣都唔夠安全呀咁樣，唔係幫你講笑架，因為戰鬥真係猛烈架．所以你有家團應該好歡喜架喇，你唔好話，我唔想入家團．即係你需要一班弟兄姊妹幫你一齊，而家戰鬥真係猛烈，我地需要弟兄姊妹扶持，同理主透過弟兄姊妹供應，同理使我地隻眼唔係咁紮架，唔會俾仇敵咁易蒙敝架，如果你唔幫弟兄姊妹接觸，你一定會學少好多野，最緊要弟兄姊妹提醒，所以打仗好少單丁架，單丁好唔底加麻，同理二個背對背都可以關顧對方，好安全，如果擲ｄ野黎都可以掃射你呀麻，如果一個一個係咪打死左都唔知呀，無人掩護，我地需要弟兄姊妹掩護，禱告，安慰，支持，同理交通．交通係好緊要架，例如你幫弟兄姊妹講平常野，原本心係沉架，但唔知點解心靈會提升番，你會有番盼望，拿我幫你講盼望就係從聖靈黎，籍著聖靈既能力，大有盼望．就係你幫弟兄姊妹接觸，聖靈透過弟兄姊妹使你有番盼望．你要小心一樣野，就係魔鬼會不斷放灰心毒氣架，你單獨既時候好易灰心，可能會承擔唔到咁多，所以我地需要弟兄姊妹幫助．主佢係地上，以實亞書話：祂不灰心，也不喪膽．就係佢都經歷好多魔鬼俾佢既灰心意念，好多難處，但係主不灰心，也不喪膽．直到祂在地上建立公理．連主自己都幫班門徒一齊，佢話：係我磨難之中，常幫我一齊，就係你地．佢都需要ｄ門徒呀，佢都有人既需要．你可見這就是奮鬥的人生，呢ｄ先係豐盛既生命呀，如果見到個人充滿標竿，幹勁，奮鬥異象，咁先至係豐盛架麻．如果一切都勁過人，以為得著了，完全了，仲駛密要進步，仲駛密要奮鬥呀，番學連奮鬥都武，主就係要我地做最榮耀既野，我地應該興奮架．你地記得返去睇士師記第五章，特別係姊妹呀，真係唔睇都唔好做姊妹喇！（哈！哈！哈！）

當中有提及，以前士師多數係男架麻，但係竟然產生呢個女士師，而厲害到超過當時既男士師，返去睇第五章，佢作首歌，佢點講：我的靈啊！應當努力前行！寫首歌去鼓勵自己，佢話：我的靈啊！應當努力前行！所以佢對自己的心講話，實在每日你應該常幫自己講信息架．所以我講左好多，但係主講得最多，但係你應該常幫自己講信息呀，我的心哪！你當稱頌耶和華！大衛佢都係鼓勵自己，我的心哪！你當稱頌耶和華！詩人咁多講到神的好，但仍是要鼓勵自己，我的心哪！你當稱頌．．．同理後面講到我的心哪！不可忘記祂一切的恩惠，可能當大衛唔係咁有感恩既心，所以要鼓勵自己，如果你唔幫自己講信息，你無可能幫人講信息，所以你應該每日幫自己講信息，使自己個心渴慕主自己，提醒自己．特別係受試探個陣時．例如詩篇四十二篇佢話，我的心你為何憂悶，為何在我裡面煩燥，應當仰望神，因祂笑臉幫助我，我還要稱讚祂．有時一定要鼓勵自己，幫自己講信息，有時要動一下手腳先得架，手要動下，面要笑一下，笑也是笑給主看．笑容很奇妙的，錦上添”粒”架（走粒），（哈！哈！哈！）當遇到難處，遇到試探，可以向主笑一笑，都有很大的幫助．跪在地上心得安息，所以要多用身體言語去影嚮你的心靈，特別站在聚會時邊緣的弟兄姊妹，要講：我的心哪！你當稱頌耶和華！咁樣奮鬥，前面已經無密時間喇，如果你肯奮鬥，你會進步的好快．例如靈修，你要對自己說，我唔可以再咁樣落去！我要靠主逆流而上！但有魔鬼不斷攻擊你，咁咪打足一生羅，無和談呢樣野架．（哈！哈！哈！）所以你不要灰心，要持續打．無第二條路走，只有立刻起番身，同理你一定是得勝者，連我都係年青人黎架，雅歌書中說到，威武如展開旌旗的軍隊，是主稱讚我們的，威武如展開旌旗的軍隊，我係基督的精兵，如果未起黎既今晚就要起黎，未投入既，今晚就問下家團長有咩野做！（哈！哈！哈！）今次我一定要在掰餅中出聲！要咁至得呀！

6月3日祈禱會余弟兄訊息表．
　　　　　　　　　　　　讀禱 信愛默想 心眼看主 　　　神心意的目的
────────────────────────────────────────＞
注　信　體　靠　心　與　平　領　深入相交　　　相愛　相悅　　　　　　　　１　　２
意　靠　會　神　無　神　穩　受　深深經歷神　　敬拜　　　　　　　神　　　幫　　勝　　　　　　　
主　悔　神　的　纏　和　安　洪　　　　　　　　　　　　　　　　　︿　　　助　　過　　　　　　　　　　　　　　　　　
　　改　的　靈　累　諧　靜　恩　　　　　　　　堅　　清　　　　　｜　　　認　　，　　　　　　　　　　　
　　　　同　敬　───────　　　　　　　　固　　純　　　　　｜　　　識　　脫
　　　　在　拜　安　卸　降　　　　　　　　　　　　　　　　　　　　　　　神　　離　　　　　　　　　
　　　　，　　　息　擔　服　　　１．少滋潤就求問主．　　　　　　　　　　和　　分　　
　　　　心　　　　　　　　　　　２．多滋潤就集中享受．　　　　　　　　　其　　心
　　　　情　　　　　鬆　獻　　　　　　　　　　　　　　　　　　　　　　　心　　．
　　　　和　　　　　弛　　　　　　　　　　　　　　　　　　　　　　　　　意　　　
　　　　目　　　　　　　　　　　　　　　　　　　　　　　　　　　　　　　．　
　　　　光　　　　　　　　　　　３．不忘恩，心被恩感．
　　　　．
１．讀聖經．
２．思念主的名．林前11:24　　　　　基3:16-18
３．心靈的顯現．約14:21
１．讀完聖經，被真理引導，直至到與神深入相交．
２．沒有多讀聖經，但與神深入相交，討神喜悅．
３．心被恩感，發頌讚．
４．多唱詩歌，思念真理．　　　　　　　　　　日期：4-6-97　　　　　主內寶貴的弟兄永隆

一九九七年九月十四日主日聚會信息筆記　　　　　　＜家團的實行＞　　少強弟兄
約10:9-16┌我就是門．凡從我進來的，必然得救，並且出入得草吃．盜賊來，無非要偷竊，殺害，毀壞．我來了，是要叫人得生命，並且得的更豐盛．我是好牧人，好牧人為羊捨命．若是雇工，不是牧人，羊也不是他自己的，他看見狼來，就撇下羊逃走．┘
家團的鋒刃．自己得益．人的關係重要．要流淚撒種，植物就會生長，＊盛，正如植物的生長不是一朝一夕，容易輕鬆，要不斷維繫，但若有一點火頭（誤會，懷疑，比較）如香煙，不斷焚燒，見者流淚，聞者傷心．所以要竭力保守聖靈所賜合而為一的心．
來8:5┌他們供奉的事，本是天上的形狀和影像，正如摩西將要造帳幕的時候，蒙神警戒他說：你要謹慎，作各樣的物件，都要照著在山上指示你的樣式．┘

（是照耶和華所吩咐他的．）切實遵行神的命令，預表，模型．出埃及記．建造會幕，ｍｏｄｅｌ．埃40:33-35┌在帳幕和壇的四圍，立了院帷，把院子的門簾挂上．這樣摩西就完了工．當時雲彩遮蓋會幕，耶和華的榮光就充滿了帳幕．摩西不能進會幕，因為雲彩停在其上，並且耶和華的榮光，充滿了帳幕．每逢雲彩從帳幕收上去，以色列人就起程前往．雲彩若不收上去，他們就不起程，直等到雲彩收上去．日間耶和華的雲彩，是在帳幕以上．夜間雲中有火，在以色列全家的眼前，在他們所行的路上，都是這樣．┘建造會幕，神要住在人的中間，雲柱，雲彩預表聖靈．詩36:8-9┌他們必因你殿裡的肥甘，得以飽足．你也必叫他們喝你樂河的水．因為在你那裡，有生命的源頭．在你的光中，我們必得見光．┘詩132:13-14┌因為耶和華揀選了錫安，願意當作自己的居所．說：這是我永遠安息之所，我要住在這裡，因為是我所願意的．┘
埃39:42-43┌這一切工作，都是以色列人照耶和華所吩咐摩西作的．耶和華怎樣吩咐的，他們就怎樣作了．摩西看見一切的工都作成了，就給他們祝福．┘神的殿＝我們信徒的身體．神的靈充滿聖殿，充滿教會，是聖靈居住之所．（是照耶和華所吩咐他的．）四十晝夜神己將自己心意傳與摩西，正如耶穌將神國的事傳與門徒在四十日中．徒1:3┌他受害之後，用許夕的憑據，將自己活活的顯給使徒看，四十天之久，向他們顯現，講說神國的事．┘太28:18-20┌耶穌進前來，對他們說：天上地下所有的權柄都賜給我了．所以你們要去使萬民作我的門徒，奉父子聖靈的名給他們施洗．凡我所吩咐你們的，都教訓他們遵守我就常與你們同在，直到世界的末了．┘清楚建築教會的藍圖，徒9:17┌亞拿尼亞就去了，進入那家，把手按在掃羅身上說：兄弟掃羅，在你來的路上，向你顯現的主，就是耶穌，打發我來，叫你能看見，又被聖靈充滿．┘，4:8┌那時，彼得被聖靈充滿，對他們說．┘，4:31┌禱告完了，聚會的地方震動．他們就都被聖靈充滿，放膽講論神的道．┘，7:54-55┌眾人聽見這話，就極其惱怒，向史提反咬牙切齒，但史提反被聖靈充滿，定晴望天，看見神的榮耀，又看見耶穌站在神的右邊，就說：我看見天開了，人子站在州的右邊．┘神的靈在人身上，能力浩大．教會復興（回轉）不是口號，而是可見的事情．唯有教會復興，世人才有盼望，因為被聖靈充滿．詩80:3┌神啊！求你使我們回轉，使你的臉發光，我們便要得救．┘神給我們的東西，不是自己用，乃是為建立教會，同人有份，同心同工．徒2:43-45┌眾人都懼怕．使徒又行了許多奇事神蹟．信的人都在一處，凡物公用．並且賣了田產家業，照各人所需用的分給各人．┘徒2:42┌都恆心遵守使徒的教訓，彼此交接掰餅，祈禱．┘有黑暗勢力攏罩全地和攪擾人心．彼此交接，掰餅，祈禱．
不同社區活動，因為有親情，相愛，強力見証．走理一齊，小息，食飯．個網穿左．約翰是補網者．感受相愛，喜樂，親切，笑容，同人唔同．約13:34-35┌我賜給你們一條新命令，乃是叫你們彼此相愛．我怎樣愛你們，你們也要怎樣彼此相愛．┘彼此相愛的心，認出是主的門徒．
太24:12┌只因不法的事增多，人的愛心漸漸冷淡了．┘提後3:1-15┌┘前進路線，徒2:46┌他們天天同心合意恆切的在殿裡，且在家中掰餅，存著歡喜誠實的心用飯．┘一齊食飯，主將人數天天加給我們．分細Ｄ，交接．
１．一同聚會
２．食飯
３．建立和勸慰．
帖前5:11┌所以你們該彼此勸慰，互相建立，正如你們素常所行的．┘交通心事．羅14:19┌所以我們務要追求和睦的事，與彼此建立德行的事．┘建立德行．內心的長進．品格隨和，平易迎人，德行，刀磨刀，磨出刃來．進步提醒．提醒不是害你，乃是益你．來3:13┌總要趁著還有今日，天天彼此相勸，免得你們中間，有人被罪迷惑，心裡就剛硬了．┘細胞小組，傳4:9-12 ┌兩個人總比一個人好．因為二人勞碌同得美好的果效．若是跌倒，這人可以扶起他的同伴．若是孤身跌倒，沒有別人扶起他來，這人就有禍了．再者，二人同睡，就都暖和．一人獨睡，怎能暖和呢？有人攻勝孤身一人，若有二人便能敵擋他．三股合成的繩子，不容易折斷．┘同一座大廈，同是肉身兄弟，同一間學校，同一班同學．一個細胞小組獨立傳福音，福音裝備，細胞分裂，身體健康，靈命生長．弗4:16┌全身都靠他聯絡得合式，百節各按各職，照著各體的功用，彼此相助，便叫身體漸漸成長，在愛中建立自己．┘定期分裂．
全地長老＞地區性長老＞帶區＞族長＞團長＞組長＞細胞小組
１　族相聚　
２　團相聚
３　團相聚
４　組相聚
一九九七年九月二十八日主日聚會信息筆記　　　　　　＜因信而活＞　　少強弟兄
信心，與主火熱的心，禱告．保羅完全的擺上，奉獻是信心和無憂慮的表現．雖然主是全知的，但主仍有數我頭髮的愛，箴四１８┌義人的路，好像黎明的光，越照越明，直到日午．┘
憂慮＝因不知前面何事發生．日出，等候黎明，越來越榮耀，生命應活著，越來越豐盛，光明．越照越明，力上加力，榮上加榮，恩上加恩，樂上加樂．提後二５┌人若在場上比武，非按規矩，就不能得冠冕．┘屬靈的原則要遵守，就不能得冠冕和應許．林前九２４一２９┌豈不知在場上賽跑的都跑，但得獎賞上的只有一人．你們也當這樣跑，好叫你們得著獎賞．凡較力爭勝的，諸事都有節制．他們不過是要得能壞的冠冕，我們卻是要得不能壞的冠冕．┘┌詩十一３┌我是投靠耶和華．你們怎麼對我說：你當像鳥飛往你的山去．看哪！惡人彎弓，把箭搭在弦上，要在暗中射那心裡正直的人．根基若毀壞，義人還能作什麼呢？┘打裝要花很多時間，眼看不顯眼，但是十分重要的．根基若毀壞，義人還能作什麼呢？例子：亞伯拉罕和大偉，根基不穩固，十分危險．我們不是與屬血氣的爭戰，我們乃是與天空屬靈的惡魔爭戰，謹慎．攻擊分１．明裡２．暗裡．每日的灰心毒箭，暗裡攻擊，來十３５一３９┌所以你們不可丟棄勇敢的心．存這樣的心必得大賞賜．你們必須忍耐，使你們行完了神的旨意，就可以得著所應許的．因為還有一點點時候，那要來的就來，並不遲延．只是義人必因信得生．他若退後，我心裡就不喜歡他．我們不是退後入沉淪的那等人，乃是有信心以致靈魂得救的人．┘五１１一１４┌論到麥基洗德，我們有好些話，並且難以解明，因為你們聽不進去．看你們學習的工夫，本該作師傅，誰知還布人將神聖言小學的開端，另教導你們．並且成了那必須吃奶的，都不熟練仁義的道理．因為他是嬰孩．惟獨長成大人的，才能吃乾糧，他們的心竅，習練得通達，就能分辨好歹了．┘失落，起初的愛心，中途跌倒，忍耐直到底．勇敢的心，略有一點力量，遵守主的話．主是信實的，
原文　　　　生　　１４２次
生＝－生活（中文版本）　　　　　　　　　生＝永生１７次（中文版本）
因信神的兒乃而活，因信而活是根基．要試過才知道信心的果效．退後＝沒有信心．
Ｆａｉｔｈ　ｏｎ繼續信靠！繼續信靠！繼續信靠！得勝與超越的生命，神不滿意沒有信心狀態的義人，來十２１一２３┌又有一位大祭司，治理州的家．並我們心中天良的虧欠已經灑去，身體用清水洗淨了，就當存著誠心和充足的信心來到神面前．也要堅守我們所承認的指望，不至搖動．因為那應許我們的是信實的．┘充足的信心，有禱告＋親近主＋聚會＋傳福音，並不代表運用信心，並不代表沒有退後的．聖經二類書信１．保羅／由羅馬書到腓利門書．２．非保羅．／由希伯來書到啟示錄．信心行第一的．彼後一３一９．┌在各樣德行上求進步：神的神能已將一切關乎生命和敬虔的事賜給我們，皆因我們認識那用自己榮耀和美德召我們的主．因此祂已將又寶貴又極大的應許賜給我們，叫我們既脫離世上從情慾來的敗壞，就得與神的性情有分．正因這緣故，你們要份外的殷勤．┘
八樣．信心＋德行＋知識＋節制＋忍耐＋虔敬＋愛弟兄的心＋愛眾人的心．
如沒有信心，影嚮：１．德行＞律法主義，形式主義，法利賽人，容易驕傲，自誇得人的榮耀．
２．知識＞自高自大．林前八１
３．節制＞天主教徒，禁慾主義．西二２３
４．忍耐＞不喜樂，很辛苦．運用信心會唔同晒．因信而活！

一九九七年十二月十日聚會信息筆記　　　　　　＜同一心志，站立如同一人＞　　少強弟兄
上次我們講過詩八十四６．┌他們經過流淚谷，叫這谷變為泉源之地．並有秋雨之福，蓋滿了全谷．┘我們基督徒就是泉源之地，聖經上說我們係世上的鹽和世上的光．基督徒的特質，生命豐富，返聚會不應視為一種責任．
腓一２５～３０┌我既然這樣深信，就知道仍要住在世間，且與你們眾人同住，使你們在所信的道上又長進又喜樂．叫你們在基督耶穌裡的歡樂，因我再到你們那裡去，就越發加增．只要你們行事為人與基督的福音相稱．叫我或來見你們，或不在你們那裡，可以聽見你們的景況，知道你們同有一個心志，站立得穩，為所信的福音齊心努力．凡事不怕敵人的驚嚇．這是證明他們沉淪，你們得救，都是出於神．因為你們蒙恩，不但得以信服基督，並要為他受苦．你們的爭戰，就與你們在我身上從前所看見，現在所聽見的一樣．┘
生＝使弟兄姊妹又長進又喜樂，因為保羅活著就是基督．
死＝與主同在好得無比．體會主的心，有同一個心志，專心跟從神，不是個自己做自己野，乃是大家有同一個清晰目標．
要知道你團或你族的弟兄姊妹是在掙扎中，還是站立得穩，不斷向前，我們必須要知道怎樣活出這景況．
心要一，如果心不一的話很難帶的，如果弟兄姊妹相愛主是最滿足的，主死前也祈求父信主者合而為一．海外問題情況，一齊事奉但心不一，對弟兄姊妹不滿意又不出聲．
合一相愛，前進，禱告，愛得落每一個弟兄姊妹，腓二１～４推行家團，多機會發揮恩賜，兩種極端的例子．１：一見到不對的事就勸勉弟兄姊妹．
２：怕跘倒了弟兄姊妹，所以不提醒．
最重要的是在基督裡．用愛心說誠實話．安慰，每個人都有難處和刺傷．我舉一件事情來說明：有一個弟兄得病入院，有十個弟兄姊妹探他．第一個幫佢講信息來鼓勵他，第二個也是這樣，第三個也是這樣，第九個也是這樣．到了第十個弟兄，因為他們不擅於說話，只有緊握（弟兄）病人的手，心裡有說不出來安慰的話．之後有人問那住院的弟兄剛才誰最幫到你？那住院的弟兄答是第十那一個．
所以不是聽信息，乃是接受弟兄姊妹的安慰和關心，幫弟兄姊妹不是ｃａｓｅ，應有彈性，不應死板．每一次相聚都應該使每一個弟兄姊妹的感情更深地建立．這次相聚才算不失敗．彼此扶持．靈裡有什麼交通，思想與弟兄姊妹靈裡的關係，每一小組有靈裡相交聚會．如果不是的話，弟兄姊妹的心靈不能滿足，要有真誠的相交．
心賜慈悲憐憫，有人性，即時關心，不是無動於喪，心不麻木，每個弟兄姊妹都有特別的需要，活出家的實質，家團成功，討主喜悅，為要復興神的教會．

一九九七年十二月二十三日聚會信息筆記　　　　　　＜尋求聖靈的能力＞　少強弟兄

我今日會用多Ｄ時間去禱告，由於近來香港的人心不安（禽流感），我們需要看見主的心意，要弟兄姊妹的心靈先復興，透過特會，大團聚去大大提升弟兄姊妹的心靈．因為這世界充滿極大的需要．我地先睇詩篇八十四篇５一７┌┘我記得上兩次幫大家分享過．而我最深刻的一節是第六節┌┘，而他們這一班人，是充滿生命力，將流淚谷變為泉源之地．而呢個世界可以話係流淚谷，充滿痛苦，悲慘，絕望，仇恨．．．．你看新聞就可知道．聖經講到主來到世上是要光照坐在死暗幽谷裡的人．┌┘現在香港破碎家庭問題嚴重（包二奶），社會風氣越加敗壞，很多社會工作者也完全解決不到這些問題．寶貴主耶穌在人類最黑暗的時期時，來到人世間，祂要光照世人，使好多痛苦，絕望的人大大改變，如犯奸淫的女人和稅吏馬太．
寶貴唯有主才有這種生命力，影響全世界，使哀哭的變為跳舞．我想就算香港政府和很多社會工作者也幫助不到痛苦，絕望的人，反而是充滿主的愛的基督徒才可做到．
寶貴門徒遇上復活的主也有個徹底的生命大改變，特別在使徒行傳中提到的他們，我想信是指詩篇八十四篇的第六節的（他們），他們的影響力遍及全世界，使徒行傳一章６一８節┌┘你會發覺他們的問題會比較自我中心，他們渴想知道主幾時復興以色列國，進入主的榮耀和喜樂，而未真知道全世界人的需要，所以主要他們為祂作見証從耶路撒冷直到地極，去滿足人的需要．另一個類似例子是福音書裡彼得見主在山上變像，他想為主摩西和以利亞搭棚，想常見主的榮光和享主的同在．
但主不同，祂變像後下山就去拯救鬼附的人，所以主在彼得後書裡提到：┌┘盼望我們一同看見世界的需要，腳踏實地和放眼世界．
主要門徒為祂作見証從耶路撒冷直到地極，最主要的是見証主的大能和大愛，好似主來到世上是為了要顯明父的愛和神的大能，┌從來沒有人見過神，┘主來要除滅魔鬼的作為，但主要升天了，祂要用我們的身體來完成祂的工作，祂要我們活出祂在地上的榮美和生命力，一樣表明父的愛．
可是若要完全活出是比較難，因為我們曾犯罪失敗過，有過往行為上的瘕疵和缺點，寶貴聖靈己經來了，使我們出死入生．至於怎樣使流淚谷變為泉源之地，我們必須要聖靈的能力，正像保羅說自己活著就是基督．唯有完全倚靠聖靈，不靠自已聰明智慧，非勢力，非才能，靠主的靈方能成事．完全被聖靈掌管，如果唔係，再靠血氣熱心多少年也沒有用，影響力大與少，完全決定於聽不聽聖靈的話，人心已經預備好了，裝架已發白了，要人配合才能，你當打發人去收裝架．最要的是本身要有光，才能光照坐在死暗幽谷裡的人，正如主一樣，門徒在主復活後，知透了自已的軟弱，明白到靠自已實死，開始了真正的信心生活，是被聖靈掌管的狀態．
我近來發現主在香港不斷出手，有些意外或災難隨時都有，可能連你也有份，臨到你家庭，但我們必須配合主的工作，不靠自已的血氣和衝勁．如果我們沒有聖靈的能力，絕不可能做主的見証．我想信作見証不單止作在福音聚會中，亦需要在家庭學校教會，各種地方，如果沒有聖靈的能力，你必失敗的．真係需要聖靈大大充滿你，不是單聽信息，乃是行道和有第一手的經歷．弗一章１５一１９節┌┘我想他們只是知道，而不是真知道主，重要的是真知道的問題，不是知幾多，而是透過禱告經歷有多少，只有禱告才能不斷的真知道主自已．弗三１５一１６保羅是很少屈膝禱告的，而這之他是屈膝禱告的，可見是十分的迫切，他們是知好多，聽好多，可是實際上真知道很少．現在我們首先要為穩定的事奉主的禱告，因為在軍隊中當兵的，要剛強和站立得穩，這才可以開始屬靈的爭戰．第二的是為不穩定的和常有難處的禱告．唯有禱告才有可能使將流淚谷變為泉源之地，所以我們前面鼓勵所有大小相聚都要加強禱告去產生復興．

>>January 10, 2008 at 4:07:34 PM GMT+8

2007 年 12 月 16 日 星期日 【炎熱】

你都好好
小鹿 sent 2007/12/16 下午 10:50:
你的熱心 真係好好
小鹿 sent 2007/12/16 下午 10:51:
又去幫小朋友
小鹿 sent 2007/12/16 下午 10:51:
又帶人信主

>>December 17, 2007 at 3:32:26 PM GMT+8

2007 年 12 月 14 日 星期五 【乍雨乍晴】

感謝主我今天晚上跑了50分鐘的步,由尚德村跑到將軍澳泳池,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,再一次由寶康公園起跑,再跑到茵怡街市,再跑到寶翠公園,再跑到寶仁樓,再跑到欣明苑,再跑到景林村,再跑回將軍澳泳池,最後跑回尚德村,用了太約 50分鐘

>>December 16, 2007 at 11:23:06 AM GMT+8