2006 年 6 月 28 日 星期三 【晴】

過埋今日就考晒試lu aoa

朝早又出左去食早餐

食完早餐就返學校

返到去見個個都仲係度溫

我就棄左

算la 識就識 唔識就唔識

考左4個字就走左人

同邦邦去左機舖打機等佢地

打到11點佢地出晒黎就去左唱k

第一次同雄仔女友唱

不過雄仔病左去唔到

下次再去過la!

唱到點幾要走先

去黃大仙俾本字典我father

俾完去左西九龍睇佢地踩冰

睇睇下走左去搵佢地食壽司

食完就等埋小龜佢地一齊走

之後陪佢地去左食麥當勞

順便等下時間

坐左好耐最後決定左去旺角行

以為佢地搭地鐵落去

成班痴左線就去行

咁辛苦為乜....!

行到身水身汗...拿命

四圍行下商場...再陪manly整埋佢張電話卡

之後就入青衣

去到買左小小野食就上白虎屋企

一d打雀一d打機

打到2點幾就落左去食宵夜

食完送埋manly上車就返返上去

點知唔記得左pw

要等人出黎救命

個陣電話又無電

真係好diu

返到上去都係打機

打到4點幾勁眼訓都係訓陣好過

訓到6點佢地去食早餐

我就返屋企

好在都仲知醒落車

返到去涼都無沖就訓著左



＊好心ｄ人ｌａ

唔識又係度扮晒野

出到黎係度獻醜

唔笑都唔得

>>June 30, 2006 at 12:50:35 PM GMT+8

2006 年 6 月 27 日 星期二 【晴】

今日唔使返學

真係好...可以訓下覺

不過訓到8點幾就醒左

起身上左陣網又訓過

訓到10點幾11點就起身整野

12點出門口

出到去最早去到就去左茶樓拿位先

阿媽同阿公睇完醫生就黎埋

呢間茶樓d野食都幾好食

不過好貴

飲完茶就去左旺角換返條褲

換返之後非常好

之後就落左沙田買鞋

買左對跑鞋...諗住暑假去跑步著

之後四圍行下

想買波boot

點知斷晒碼...一係就無色

最後決定走人

返到粉嶺去左名都到睇

竟然有碼有色

非常好...仲要380$

即買

呢對個感覺同舊個對差好遠

紙皮同棉既感覺

夜晚...天使同魔鬼交戰左好耐

最後天使嬴了

所以聽日都係唔出貓

奉行我既 " 識就識 唔識就唔識"政策



跑鞋

波BOOT


>>June 28, 2006 at 2:39:06 PM GMT+8

2006 年 6 月 26 日 星期一 【晴】

尋晚又唔係好訓得著

真係燥

本來想等3點睇波

不過真係好攰...最尾都訓得著

不過朝早差d唔記得起身

成6點先醒

起身第一件事就係睇返賽果

超開心...烏克蘭成功出線8強!

睇完就換衫出門口

出到去都唔係好遲

食完早餐返學校溫多陣英文

寫左小小字係字典到

不過應該都無乜用

識就識...唔識俾晒答案你抄都係唔識

考個陣完全咁證實左呢個定律係岩

都ok既...應該都有50分

考完就去左寶聲打機

超泠清

可能太早既關係la

打到12點就去左銅鑼灣

睇中左對BOOT

聽日去試下先得

行多陣就去左扒王之王食lunch

都唔係好貴...3x$

食完就同佢地去左見工

見完四圍行下

5點幾就走左

攰到爆...

但係返到屋企又訓唔著

好diu

夜晚又無飯食

又無錢...只好食杯麵

好在阿媽返得黎岩岩好

買左d野返黎

唔使係杯麵咁dry

食食下威豪打黎

同佢傾下電話

我諗都要做定人情架la

唉...人地一啤啤...我就眼啤啤

唉...

唉......

唉.........



仍然沒有　遇到　那位跟我絕配的戀人
你根本也未有出現　還是已然逝去

懷疑在某一個　國度裡的某一年
還未帶我到世上那天
存在過　一位等我愛的某人
夜夜為我失眠

從來未相識　已不在
　這個人極其實在　卻像個虛構角色
　莫非今生　原定陪我來
　卻去了　錯誤時代

　情人若寂寥地　出生在1874
　剛剛早一百年　一個世紀
　是否終身都這樣　頑強地等
　雨季會　降臨赤地＊

為何未及時地　出生在1874
邂逅你　看守你　一起老死
互不相識　相處在　同年代中
仍可　同生　共死

為何未　及時地　出生在1874
邂逅你　看守你　一起老死
若果不可　相約在　和平地方
也與你　暢遊戰地

為何未　及時地　出生在1874
挽著你的手臂　徹夜逃避
漫天烽火　失散在　同年代中
仍可　同生　共死

>>June 27, 2006 at 3:31:11 PM GMT+8

2006 年 6 月 25 日 星期日 【晴】

真係好diu

12點諗住訓

點知攤到2點半都訓唔著

見仲有半個鐘3點都係起身睇波算

葡萄牙vs荷蘭

超好睇...超肉搏feel

野野打頭踢肚剷腳

16黃4紅...痴線

睇完就洗頭換衫

6點幾出左門口

去觀塘食早餐

食完返學校溫書

發覺返到學校溫書真係無乜用

今次份卷又係好diu

佢跟住一本書黎出

早知問人借黎印答案

好在都應該合格

10點做完就出左去

見acc miss係度入去問分

合格wo...有68分aoa

不過唔知有無睇錯...應該都唔會錯架la

之後就去左寶聲打機

睇佢地玩高達俾人屈機

究竟係未真係要轉行唔踢波去打機

見到人地個個都攬住一個係度打機

真係燥...又羨慕-.-

打到12點就去食飯

食完就返屋企

超眼訓

上左陣網就訓覺

訓到6點幾家姐落街食野

順便幫我買埋野食

食完開始溫書

可以叫做考埋聽日完場

聽日考完真係好想大嗌一聲 我diu!



＊測試你的異性緣＊

題一．你認為你是一個有個性，有自己的思想及主見的人嗎？
是(請回答問題二)
否(請回答問題八)

問題二．你較喜歡星形還是心形的項鏈呢？
星形(請回答問題三)
心形(請回答問題九)

問題三．你喜歡玩洋娃娃或機械人嗎？
喜歡(請回答問題十一)
不喜歡(請回答問題四)

問題四．你對中國的傳統服式有興趣嗎？
有興趣(請回答問題十一)
沒有太大興趣(請回答問題五)

問題五．你的衣櫃裡有紅色的衣服嗎？
有(請回答問題六)
沒有(請回答問題十二)

問題六．你願意申請一份需要工作經驗的職位嗎？
願意(請回答問題七)
不願意(請回答問題十三)

問題七．你受到朋友的歡迎，是否因為你是一個可靠的人呢？
是(你屬於A型)
否(你屬於B型)

問題八．你是短頭髮的嗎？
是(請回答問題二)
否(請回答問題十五)

問題九．你是否覺得你的膚色不夠白晰呢？
是(請回答問題三)
否(請回答問題十六)

問題十．請從下列兩種花中選擇你較喜歡的一種：
向日葵(請回答問題十四)
野菊花(請回答問題十一)

問題十一．你是否一個有責任心的學生或職員呢？
是(請回答問題五)
否(請回答問題十七)

問題十二．你最近對手工藝有興趣嗎？
有興趣(請回答問題十八)
沒有興趣(請回答問題六)

問題十三．你認為你是一個親切友善的人嗎？
是(請回答問題七)
否(請回答問題十九)

問題十四．你介意與一群異性朋友睡在相同的一張床?？
介意(請回答問題二十)
不介意(你屬於A型)

問題十五．運動是否你主要的業/課餘活動呢？
是(請回答問題九)
否(請回答問題二十一)

問題十六．你對理科有興趣嗎？
有興趣(請回答問題十)
沒有興趣(請回答問題二十二)

問題十七．請從下列兩種顏色中選擇你較喜歡的一種：
橙/橘色(請回答問題十二)
紅色(請回答問題二十四))

問題十八．你較喜歡山還是海洋呢？
山(請回答問題十三)
海洋(請回答問題二十五)

問題十九．你會妒忌比你出色的人嗎？
會(請回答問題十四)
不會(請回答問題二十六)

問題二十．你介意在公眾場所大笑或大聲談話嗎？
介意(你屬於C型)
不介意(你屬於B型)

問題二十一．你會經常收拾你的房間嗎？
會(請回答問題十六)
不會(請回答問題二十八)

問題二十二．你喜歡看電視的體育節目嗎？
喜歡(請回答問題二十三)
不喜歡(請回答問題二十九)

問題二十三．你認為純友誼關係能夠在異性朋友在之間
存在嗎？
能夠(請回答問題十七)

問題二十四．你想學習烹飪嗎？
想(請回答問題十八)
不想(請回答問題三十一)

問題二十五．你對互聯網絡(Internet)有興趣嗎？
有興趣(請回答問題十九)
沒有太大興趣(請回答問題三十二)

問題二十六．你較喜歡下列哪一種性格的人呢？
運動型(請回答問題二十)
成熟型(請回答問題三十九)

問題二十七．你喜歡穿著及炫耀名牌時裝嗎？
喜歡(你屬於B型)
不喜歡(你屬於D型)

問題二十八．你較喜歡狗還是貓呢？
狗(請回答問題二十二)
貓(請回答問題三十四)

問題二十九．你通常會攜帶香水出街嗎？
會(請回答問題三十)
不會(請回答問題三十五)

問題三十．你較喜歡太陽還是月亮呢？
月亮(請回答問題二十三)
太陽(請回答問題二十四)

問題三十一．你經常改變你的髮型嗎？
是(請回答問題二十五)
否(請回答問題三十七)

問題三十二．服務其他人令你覺得很忙碌嗎？
是(請回答問題二十六)
否(請回答問題三十八)

問題三十三．你通常保持整齊的頭髮嗎？
是(請回答問題二十七)
否(你屬於C型)

問題三十四．你有烹飪恐懼症嗎?
有(請回答問題二十九)
沒有(請回答問題三十五)

問題三十五．你是否擁有很多裝飾品呢？
是(請回答問題三十六)
否(請回答問題三十七)

問題三十六．你喜歡在假期或節日期間購物嗎？
喜歡(請回答問題三十七)
不喜歡(請回答問題三十一)

問題三十七．將來你希望製造雕像嗎？
希望(請回答問題三十二)
不希望(請回答問題三十八)

問題三十八．你十分挑剔你內衣褲的款式嗎？
是(請回答問題四十)
否(請回答問題三十九)

問題三十九．你對製造手工藝有興趣嗎？
有興趣(請回答問題三十三)
沒有興趣(請回答問題二十七)

問題四十．你是否一個追隨時裝潮流的人呢？
是(你屬於C型)
否(你屬於D型)


解答：
* A型：
你是一個外向和樂觀的人。雖然你也有挫折失敗的時侯，但開朗的你很快便會振作起來。
異性朋友很喜歡你親切且友善的性格，但也同時令你的配偶失去安全感。
不懂表達感情是你的缺點，但寬容、大量及慷慨是你受歡迎的原因。同性朋友很難了解你，
因為你性格天真單純，但這正是你吸引異性的有利條件呢！

* B型：
你關懷照料的性格總是令朋友們覺得你是他們的大哥哥/大姐姐。
朋友們都很信任你；他們覺得與你聊天很舒服並且是一種樂趣。
通常一些年紀比你小而且感情脆弱的異性都會受你吸引。

* C型：
你是一個依賴及欠缺主見的人，因此異性朋友總是覺得你是他們的小弟弟？
小妺妺。在四個類型之中，你是最適合結婚的一類。
你能成功地佔據配偶空閒的時間；你總希望你是眾人的集中點。
楚楚可憐是你給異性的印象，因此朋友們都熱心地保護及照顧你。
穿著清潔整齊的衣服能令你更加受歡迎。

* D型：
在四個類型之中，你是最性感的一類。
嫵媚迷人的你很受朋友們的歡迎而且更是眾人的集中點呢！
可是，朋友們往往只是寵愛你的外貌；忠告你不要過份信任異性的甜言蜜語！
另外，希望你能夠多些表現你的智慧及主見，這樣你便能成為一個外在及內在美兼備的人。


＊我係Ａ型...完來我都幾難俾人了解

不過吸引大量異性就...


＊＊烏克蘭同舒夫真高今晚加油

殺入八強！

>>June 26, 2006 at 4:30:24 PM GMT+8

2006 年 6 月 24 日 星期六 【晴】

尋晚仲想起身睇阿根廷

不過好眼訓都係訓覺算

訓醒食左個早餐

之後上多陣網又訓過

訓到1點起身溫書

午間新聞有精華睇

麥斯洛迪古斯 真係好勁

下場德國對阿根廷應該幾好睇

之後成個下午都係度溫書

溫到6點又抖過

食完飯再溫過

不過完全唔知溫左d咩

聽日都係執生算

夜晚on唔到msn

感覺與世隔絕



你的桃花運高嗎?

算算看你總共得到多少個●★◆，
數目最多的即是符合你狀況的答案。

1. 你買東西時的發票，你通常都是怎麼處理的呢？
中獎率太低了，不是給人就是丟掉 – ●
隨便塞，時間到再找出來對 – ★
好好收藏在固定的地方 – ◆

2. 你本身喜歡跳舞嗎？
很喜歡，很多舞步都會跳 – ●
不喜歡，沒有舞蹈細胞 – ★
看心情吧，也只會一些簡單易學的舞步 –◆

3. 逢年過節，要坐火車回家，通常你會：
先預購買票，免得到時跟人擠呀擠的 – ●
現場購票，把命運交給上天 – ★
摸黑趁三更半夜較沒人的時段回家 –◆

4. 你通常都是如何選購鞋子的？
名牌，設計師設計的鞋子 – ●
便宜，腳可以塞進去的鞋子 – ★
不會太貴，有特色的鞋子 –◆

5. 你本身是否有近視眼呢？
有，不過我多半戴隱形眼鏡 – ●
有，每天眼鏡鼻梁高高掛 – ★
沒有或度數很淺，不戴眼鏡 –◆

6. 那你的眼睛很大嗎？
正常適中，不會特別大 – ●
很小，人家常提醒我別『睡著』 - ★
我有一雙水汪汪的大眼睛 –◆

7. 你本身是否是個愛笑的人？
會保持笑容，也會保持幽雅 – ●
比較正經，有人說過我不苟言笑 – ★
很愛笑，常常一笑就沒有節制 –◆

8. 根據經驗，你認為內在美與外在美那個較重要？
外在美會比較重要 – ●
內在美應該比較重要 – ★
兩個都一樣重要 –◆


●較多的人

恭喜你！你目前紅光滿面，桃花運極佳，
身邊有很多追求者或愛慕者，也有很多選擇的機會。
只是你也容易因為受到異性的青睞而顯得驕傲、得意忘形，
甚至自抬身價，忘了自己本來的面目，
也忽略那些陪你一路走來的朋友。

現在的好不代表永遠的好，朋友卻可以是一輩子的朋友。
選擇變多使得你的眼光變高當然是無可厚非，
只是也要多多注意身邊的老朋友。
愛情不是選擇一個最好的，而是最適合你的人。
這麼一來，你的愛情也將幸福到永久。


★較多的人

不想給你吐槽，只是你的桃花運一直都不怎麼好。
就算身旁出現了對你示好的異性，恐怕也只是三分鐘熱度，
沒兩、天就又打回原型，讓你常常大喊『春天到底在哪裡？』
雖然很想談場戀愛，你也只能一天比一天著急而已。

想要愛情就多改變自己給人的外在形象，讓人直呼你真的不一樣了。
別以為外在就不重要，也別再迷信什麼真心做自己就有人會看得到，
好好表現自己，多秀秀自己的優點才是正經。
雖然沒有桃花，你的愛情卻是最為穩定長久。


◆較多的人

你的桃花運其實還不錯，只是有時候你實在表現的太做作、太衿持，
喜歡掩飾自己的感情，隱藏自己的感覺。
導致人家就算真的對你有意思，
可能也會因為猜不到你的心意而卻步不前，甚至做罷。
自己作的事只好自己承受。

又要馬兒好又要馬兒不吃草，心裡想吃蘋果卻偏偏告訴人家你想吃芭樂。
不瞭解你的會猜得到你心裡想的那才真有鬼。
學會順其自然，學會大方表現感情。
也許你的戀情一下子就到來。通常你的戀情會發生在老朋友身上。

真係順其自然好d

>>June 25, 2006 at 1:39:06 PM GMT+8

2006 年 6 月 23 日 星期五 【晴】

又到假期

可以訓返個夠

訓到朝早11點先起身

起身睇海賊王

好多情節之前都無睇過

好有新鮮感

睇到1點幾就換衫

之後就出門口

去左銀行入返d錢

之後就去球場

超級曬

不過今日踢完個人好鬼舒服

無晒壓力!

仲有波入...全靠檸檬哥

本來仲有一球...不過俾阿金接到實一實

咁靚...俾佢入a嗎

踢完就返屋企

沖完涼出黎等食飯

食完飯個人開始feel到好熱

個人都曬黑左d

個身都無以前咁白aoa

夜晚11點睇德國

瑞士只需要8分鐘就輸左呢場波=_=

成場都俾人禁住黎攻咁滯

睇睇下差d訓著左

本來仲有場阿根廷

再睇聽日應該唔使溫書

都係訓覺算了

>>June 24, 2006 at 5:08:23 PM GMT+8

2006 年 6 月 22 日 星期四 【晴】

尋晚無乜心機溫書

最後又係度睇電視

再之唔知醒

真係好攰

好想快d有一整日俾我訓

朝早同檸檬一齊返

最後一日返學

去到觀塘係7仔買埋野食就返學校

點知俾人見到著唔係西褲

好在都係話左一句

次次考中文都要出去等佢派完卷先入得返去

今次份作文好似易d

d格式無咁難

不過應該都唔會好高分

錯別字個d真係好難諗

考剩4個字個陣就走左

等埋佢地就去左機舖打機

考完試必去既地方

打打下差唔多黎左半班人

12點幾見肚餓就過左去隔離食飯

食食下富樂同阿茛走左去偷拍

好鬼死衰aoa...

食完就自己一個去左拿野

都唔係好遠遮好在

拿完就同佢地落左旺角

小龍同阿茛去見工

去到超多人排

即刻唔見=.=

都係去見雪糕la你地

阿BEN買左銀包

好鬼死有錢

之後我買左鞋同褲

不過條褲太大條

都係要拿去換

仲拿左d去camp既資料

有興趣同我講各位同學仔

日期:7月12-14日(三-五)

買完野就返屋企

返到去沖左個涼就訓覺

超好訓

訓到8點幾醒左

之後係度睇海賊王

睇睇阿媽終於返黎

即係有野食

一路食一路睇返巴西場波既精華

P.祖連奴 d遠射真係好勁

要練多d遠射先得

聽日又有波踢...早d訓先

>>June 23, 2006 at 4:32:37 PM GMT+8

2006 年 6 月 21 日 星期三 【晴】

5點鐘...起身

但係再訓返

訓到5點9先識醒

不過整完出黎都係6點3個字

出到去7點半都唔夠

去左雞翼之家食早餐

食完溫左陣就返學校

望多兩眼見無乜用都係棄左佢算

好在我溫左既都有出到

真係好

考完填埋d評估就走人

去左寶聲打機

打到12點幾就去左翠屏飲茶

MISS請客

每人都係33$...總計330

唔係好貴遮

下年個班可能會散...shit

飲完茶去返機舖

第一次俾人挑機

真係好鬼PK蝦新手

之後去打第隻games

玩左幾蚊之後見3點幾就走人

去大埔踢波

曬到PK...未踢坐係場邊等都以經濕晒

今日俾人迫左去踢左閘

想助攻又唔得

守又唔慣-.-

真係成個傻仔咁

有個自己友踢踢下傷左

要白車送走...希望無事la

踢完就返屋企

唔係好攰今場

返到屋企沖涼...聽日考中文

今晚可以唔使咁緊張



＊個日記終於都好返

無日記打既日子真係好悶

＊威豪哥好波

相對...我好dry

＊從不喜歡孤單一個
可惜偏偏孤獨一個＊

>>June 22, 2006 at 1:03:49 PM GMT+8

2006 年 6 月 20 日 星期二 【晴】

今日全日都溫書

尋晚睇左半場英格蘭先訓

訓到10點幾起身

整完野就落街買野食

食完開始溫書

1-6溫書!

溫到6點見攰就休息

同白虎傾下電話

傾到食飯

食完飯一路睇電視一路溫

溫到夜晚一點

之就點都要訓一訓...zzz

>>June 22, 2006 at 11:06:58 AM GMT+8

2006 年 6 月 19 日 星期一 【晴】

我操...個日記兩日都上唔返

朝早10點幾熱醒左

訓唔返..起身上網

msn到12點幾就落街買野食

又諗唔到食咩

焗住去左買麥當勞

買完野食...一出門口就落大落

我操...要特登兜左條大路

返到屋企食完野訓左陣

5點幾開始溫書

好迷...下學期頭無乜點聽書

D筆記又係無乜解釋

真係屈左機

溫到食飯

食完飯想訓陣先溫

訓唔著10點幾再溫過

加油...呢科點都要拿個B

>>June 22, 2006 at 11:04:37 AM GMT+8