2005 年 9 月 26 日 星期一 【晴】

今日...都有落雨呀~
真係不太喜歡下雨的感覺...

今日仍然有頭暈的感覺...
有些時候也不知是因為自己感冒未病好
還是因為自己太多野諗．．．
有些時候．．
還有想嘔的感覺．．．好辛苦．．．
好想自己會快ｄ好番．．．我已決定了．．．今個星期六帶嫂嫂上蝻蛇尖．．．嘻嘻．．．你會變得好叻０架喇～～

夜晚大哥哥打電話來問起與小孩媽媽餐飯點．．．班人真係幾難約．．不過唔緊要．．最重要是出來吹吹水
跟大哥哥談了很多無聊的東西，我想可以讓我講咁多的人現在也不多．．．
現在跟身邊的人也沒有太多深度的談話．．．
可以暢談的感覺很好
原來還有你會記住一起開cafe的承諾
其實有些時候．．．
幸福與快樂的感覺可以好簡單
為何人還是要不停地追尋．．．這種空洞的感覺又是甚麼?是我還沒有學乖嗎?

老餅梁家威家中播起真心英雄這隻歌．．．令有些已遺忘的記憶湧現
原來有些時候
忘記．．．
在不知不覺中已令你飛渡千山

甚麼都不算甚麼
即使你離得多遠....也不好抱怨

>>September 27, 2005 at 6:57:46 PM GMT+8

2005 年 9 月 25 日 星期日 【晴】

今日到小泰利生日....
呢排真係忙呀~...但都同你講句...生日快樂呀!!!
希望你可以向著你的夢想進發喇..飛機師~

今天收到玉怡從英國打來的電話..
很開心
感覺得近~
我想這樣的話即使不在身邊
日子也應該不會很難過?
還記起上年去到成都..得番一個人係街時...
也買了張電話咭打電話回香港給你~
感覺上就是...
忽然間很想聽到你們的聲音的感覺...
永遠也不會沒有話題
永遠不會有收線時的孤寂..........
希望你在那裡會很快找到自己的路向

一向我也是個很容易沮喪的人......
有些時候..
真的希望自己的感情指數低一點........
輕鬆一點
放開一點.......
理性上明白...
知道自己應該如何去做..
但感情上仍然有沮喪的感覺......水瓶座..是否這樣的生物?
很多人在擔心我
不想成為一個要人擔心的人

唯有說一句.....
我會努力

>>September 26, 2005 at 6:14:38 PM GMT+8

2005 年 9 月 24 日 星期六 【寒冷】

今日係小孩的生日...小孩媽媽..生日快樂呀..上次同你去海旁傾計好開心~
希望...將來的日子..與你們這班大學識的好朋友..仍然可以keep到...不單只是莊員..
還有肥妹..你、carol同阿jane佢地...
因為相識.真的是一種很微妙的緣份

今日打風..破壞了我跟雯雯去看星星的計劃...希望下星期會好天喇..
不知為何任何事也提不起勁..好像自己越來越怕麻煩似的..
其實開心時開心..即興時即興..不就已經是快樂了嗎?

今日因為要做公司d野同做功課，所以留在家做功課...反正自己未病好..抖下都好
但出面落大雨...自己竟然落了街...一個人走在那條斜路上...自己也不知想走到那裡...
只在這個風風雨雨的日子在這個熟悉的島上走了走.....真的很想去山上吹吹風......

昨天看完剩下的<<藉著雨點說愛你>>.....
最後那段..說到愛情的選擇..很感人....
如果沒有選擇你...可能已經過另一個的人生..和另一個的人生活...
但不論結果多短暫..我仍然想選擇你
因為與你一起
就是我生活的最大幸福與快樂........

有些時候也會有這種感覺....但..真的由自己去選擇嗎?

<<情書>>於十月一日再次在百老匯電影中心播放..很想看呢..當年的木百原崇真的很正..

今天再次看Cast away...懷念當年與肥在圖書館一起看這套戲...
真的在poly lib 看太少戲了~

>>September 25, 2005 at 5:29:52 PM GMT+8

2005 年 9 月 23 日 星期五 【晴】

今日係長週....
今朝仍要上班
但頭暈加頭痛...
很累..很想快點回家...然後跟阿咕交換完NOTE
我就求其買了些東西吃完便睡..

點解個頭會咁暈?
我想自己也要休息多一點...
但功課....匯基d Training note....還有補習..
今天第一見阿jane介紹的補習...不錯...久遺了的文學~
但阿媽怕我太辛苦...我想...再忙一點...應該也可以的...
遲下還同阿嫂一齊幫肥妹同frankie手~^ ^~

不過一切...也應該要抖番下先~
現在暈到甚麼也不想做~

>>September 24, 2005 at 6:15:55 PM GMT+8

2005 年 9 月 22 日 星期四 【陰】

明天開始打風...一年一度的o camp 被迫改期..希望班仔順順利利啦~

今日返工都好病..同暈...也不知是否遊船河時的暈仍未散..今日都仲好暈...
今日公司d人話我琴日無返...公司好悶
阿文仲話我成日走去曬...梗係易病~

夜晚約了崔及慧豬食飯..我們幾個很久也沒有約出來好好談天了~
本來想談的..竟然嘻嘻哈哈笑過了...我們還說了很多很好笑的事~
我感覺這樣幾好..其實朋友...也只是需要溝通一下就好~

慧豬今天當我跟她說同一句話時會拍我的頭
從前我們就是有過這個不名文規定
不知是誰先提出的..聽聞
當兩個人同時說出一句話時..要鬥快拍對方的頭..然後許個願..這個願一定可以實現的..
現在想起也覺那樣的我們多麼單純
我想現在仍有衝動跟慧豬鬥快拍對方的頭的人
只有玉怡了(我覺得你仍有keep著這個拍人頭的習慣)
多謝慧豬提醒我這個遺忘了的好習慣..我下次一定會比你快的~

跟她們又買了些東西...真羨慕慧豬.......掂呀~

>>September 24, 2005 at 6:30:15 AM GMT+8

2005 年 9 月 21 日 星期三 【晴】

今日...頂唔順..頭暈暈..都係唔返工...
平日好珍惜d假..因為每一個假期也是可能是我將來留給朋友仔一齊去玩的時光
不過..太辛苦了
最終都係請假..不要辛苦自己

今日在家乖乖的睡....但仍然不知自己可以做甚麼好

昨天在poly拿了一本polylife睇~
有個編輯企係標高柱上拿著相機影相~
寫著:
「曾看這樣的一篇報導，它說一個人的生活圈子裡來去都是那二三十人，而其他人只會是過客。或者這是緣份吧?大概有很多人曾經進入過我們的世界，但我們並沒有花力氣去留下他們，慢慢地他們淡出了我們的世界。我們總歸咎於與他們有緣無份，但是我們有否反省過是因為我們做得不夠才導致這結果呢?

珍惜眼前人，也許是老生常談，但又有多少人能做到?人總是在失去之後才懂得珍惜。所以，請好好對待身邊的人吧!無論是愛人、朋友或者親人，請不要到失去才懂得後悔。

大概，想去彌補也已是太遲.....」

心想編委的作品少有地高質素...以前編委都有找我上莊..結果我最後俾錢錢佢地哄了上旅協，因為"理工旅協"這四個字....令我[的大學生活，甚至整個人生也好像改變了..起碼..以前的我不會每年到長咀看從海上升起的日出.......

那天遊船河時...心想不知為何係U 度最熟的人始終都係旅協人..不論是上莊或下莊...小孩或肥妹..全部都因為這四個字認識的

跟阿柯走到舊can食飯時，柯說可以從我的說話中感到我多麼享受自己的大學生活...

>>September 23, 2005 at 4:14:31 PM GMT+8

2005 年 9 月 19 日 星期一 【晴】

唉.......................
有時真係覺得自己幾無用

昨天Relax過後今天又要回復上班的生活...不舒適的一身OL服裝
前天開始發病....今日病得更嚴重...有d開唔到聲..口嚨勁痛
但係惡號響起..今朝一早阿頭打黎..問我佢個training 幾點開始
我答十一點囉..然後佢話咁你十一點去到匯基啦..
頂,...我口嚨痛呀...暴發戶食住早餐一路批評我寫的NOTE
又話自己個妹讀CU傳理...人地有咩definition..
喂..話曬我假假地都叫讀傳理(Communicaion)出身丫...
要一個無讀過的人批評..你咁叻自己寫丫..
仲問我..乜你病咩? 咁你train完不要回公司了...返去訓下..
好似皇恩浩蕩咁..又講番話我見工時講d野..差d唔請我咁..
我真係有d嬲...大佬..我一個人一腳踢..你搵過人工唔高又肯咁抵得諗既人啦...
激死我

好病..辛苦...
食飯時一個人..走圍都係學生..插針都插唔入...
諗住去酒樓會少人d..點知一個人..一張枱都無...唯一一張都俾一對師奶霸埋..唉
好灰諗住行去city食..點知個實Q問我拎學生證...
現在是否不是學生無飯食丫!!!!
我都係想搵個地方hea下...休息下...
忍唔住打俾慧豬..一聽到佢把聲已經忍唔住喊,..
好無用..為0左d小事....唉..我都係唔夠獨立
然後阿咕找我吃..
超感動....................多謝你呀阿咕....
唉...
好似煩住人咁

唔鐘意自己為0左d小事而唔開心
為0左一個人而感到害怕
不知可以留在那裡好的感覺

然後train完等阿咕放學去搵旅行的資料..
因為我地只係諗住"落雪的地方"
一d資料都唔夠..好快俾人踢番出黎.......都唔知去邊好....

夜晚林大輝個mIss打來問我明天是否派tutor下來...
下????
唉...攪0左成晚...
累.........

明天還有功課要交..
有幅畫...
我覺得會做唔切...........
我討厭上班的感覺

>>September 20, 2005 at 2:22:50 PM GMT+8

2005 年 9 月 17 日 星期六 【暴雨】

今日係中秋正日...
祝各位中秋節快樂...
與各自己相愛的人在一起曬月光

今日下午去了婆婆度食飯..很久也沒有見婆婆..她好像精神了一點..但仍然有時聽不明白我說甚麼
不過一家人一齊食飯..閒話家常..感覺都幾好

然後同TERRY去青衣城買了一些明天的食物...
去遊船河先黎打風...
個天係唔係唔鐘意我地呀?
不過
聽日你一定要好天呀~

小孩媽媽明天不來..
我唔要佢喇..
成日放我機機

今天的中秋節仍然在家中渡過..本來諗住做功課..但HEA了
本來諗住跟柯出去..但下雨沒有了
也沒有所謂丫
多一天假期也是好的
星期三的功課..我真的要多多努力

跟阿咕談了很多對二次元的感覺
有些時候也很希望現實之中
有多一些像二次元中很需要對方的感覺存在
這個世界
真的存在這樣美好的戀愛嗎?
希望真實的戀愛來臨時
不會叫人太失望吧?

>>September 18, 2005 at 6:34:29 PM GMT+8

2005 年 9 月 16 日 星期五 【晴】

今日放假...yeah~~
訓訓訓...又訓到五點喇...我真係勁呀~~
中途好多人打過來我也沒聽~
哈~

今日係中秋前夕..
但一D氣氛都沒有..不單止因為打風...
樓下一個黎玩的0靚仔也沒有
以前近中秋時下面總是很熱鬧..我們會搬張枱落去一家大細的坐在樓下閒話家常...
唉
還有慧豬一家也會下來一齊玩~
但今年...不旦連屋村的氣氛沒了..連慧豬都搬了...
即使不搬..可惡的豬也一早出0左去WET..又唔預我.....

結果今天我跟咕落了青衣城..感到青衣城的海邊變得越來越美麗了
我們找了個草原仔坐下來
吹吹風及點下蠟燭...傾下計...都幾好...
咁先似中秋嘛
最後十二點便回家了...
看著身旁有一堆妹妹仔好開心咁同自己的朋友一起高高興興的玩
想起以前我們就好像她們那樣...
現在各朋友仔又去了那裡呢 ?
不過兩個人的中秋..也是不錯的

最美好的日子得到過了..
做人不應太貪心

今日打風..整天也見不到美麗的月亮
現在三點半了..竟然有幸看得見明月..
立即拿起相機拍下
希望可以記著今年的月光

希望在明天嘛~

>>September 17, 2005 at 7:24:15 PM GMT+8

2005 年 9 月 15 日 星期四 【晴】

就快中秋..放假感覺濃厚...
在此希望大家千里共嬋娟~ 有個美好的中秋節

今日一大早去了接送阿頭的月餅...SHIT~~~~
然後回到公司都唔多大想做野

夜晚同公司的人一起到逸東酒店食自助餐...幾開心~
阿頭帶了他的BB女來..很可愛~~
同公司d人好多無聊野講..大家笑下咁過迎月都幾開心~
不過有時同公司的人雖然開心
但卻不算是朋友...最起碼...我們很少在對方面前展示脆弱或不滿的一面
不過我想...如果沒有了工作的利益衝突
我跟他們...應該可以做得成朋友的 ^ ^

今天係逸東吃了個很難吃的Cheese Cake...
但佢其他的東西還可以...andy0個朱古力怪魔係朱古力噴泉度係咁搵西瓜呀...菠蘿係變成朱古力蛋糕既物體
最後我地竟然無聊到整朱古力壽司..猜輸了便吃一舊..很不幸地..我輸了兩次..真係想嘔

今天是西瓜去英國的日子...
本來諗住係起飛前打個電話俾佢
但因為同d同事玩下玩下...都唔覺晏了...
玉怡打來我還來不及接已經收了線..
我再打已經沒法接通了...
你一個人離開
可以嗎?
很擔心你.......
為何不響久一點讓我接這個電話?我不想留下你一個人面對這個分離的時刻.......
希望英國一切...會比香港更好

你...
一定一定一定要保重
我會在香港與阿咕她們等你回來...
還有...
中秋節快樂

>>September 16, 2005 at 5:05:22 PM GMT+8