2005 年 10 月 16 日 星期日 【晴】

今日好開心
朝早陪frankie去拆雷利d指示牌~
行了渣大..去了梳化石坐
同肥妹肥肥擾擾嚷嚷現了一天
很開心..舒服~~~

夜晚同資料幹事慶祝生日
去了跑馬地食大排檔
好味...
雖然人不多......
但都好開心
好多傻仔野
明天再講~^ ^~

>>October 16, 2005 at 6:35:51 PM GMT+8

2005 年 10 月 14 日 星期五 【晴】

強仔生日快樂~~
今日係強仔生日..但我卻很忙
昨天只send了一個message給他..不知他今天忙不忙?

今日朝早要返工...想死...
下午又趕去青衣補習...
但又唔記得帶鎖匙
真黑仔...
報完又趕住同小玲出街同返屋企~
好趕~

今晚個歌星賀台慶好攪笑

>>October 16, 2005 at 6:33:53 PM GMT+8

2005 年 10 月 14 日 星期五 【晴】

今日係星期五...本來明天可以不用上班
但老闆娘又叫我明天去佢個seminar...想死
我只係想訓多一陣~

夜晚去了跟阿咕慧豬蓉蓉食飯...少了玉怡一個.. 總像又缺少了甚麼
因為錢及假的問題...
結果我們放棄了"要看落雪的世界"
改了去d近d的地方
但總的來說
我很希望可能跟她們去旅行~

講起旅行
真的很想唔做去旅行
但..........
一定有很多阻礙
但我決定努力儲錢..實現這個夢想
一次過可以實現兩個夢想...
希望可以成真
這次不會騙我嗎??
我這次可以相信嗎?
還是
又只是只有一大堆沒有回 音的回答

>>October 16, 2005 at 6:30:32 PM GMT+8

2005 年 10 月 12 日 星期三 【晴】

真係好想將一個星期的日記打番出來...
明明有好多野想講的~

今日返工都好精神...呢排其實心情都幾好~
今日返工都係...部機hang0左成日...
所以成本效益好低~

今日放工後終於無野做..太好了..可以回家好好休息...雖然昨天返學累..但感覺上仍很精神

與朋友開開心心談了整晚..感覺很好
有些時候....
活在同一個天空下
感覺已經好實在
或許有d人叫這種感覺為幸福
但我
可能會叫這種感覺為心寧安靜
要有一個真正地當你是寶的人.......
希望這個人不用要我等待太久~



------------------------------------------------------------
再次睇番阿john的相簿...感覺與成班莊員係山上的合照是最好看的~
hee~
http://community.webshots.com/user/lai983

------------------------------------------------------------------------------------------------------------------------
海洋占卜

基本習性→擁有龍蝦特質的人無論行動或姿態都很敏捷迅速，若事情無法按照程序順利進行，就會顯得很不耐煩。喜怒哀樂起伏很大，心裡所想的事也會表現在臉上。另外，對於新的事物及情報非常敏感，是很講究穿著和生活品質的時尚女性﹝或男性﹞。自尊心強，非常在意面子。

優缺點→優點是常會考慮到周圍的人，很會替別人設想。還有，不論年紀多大，只要腦海裡有想做的事就會馬上去做，這點也是龍蝦類型的人的長處。缺點是一受人褒獎就容易迷失自己。

愛情觀→對愛情的得失心很重，愛上某人便有得不到手誓不罷休的頑強態度。他們最不能忍受被人遺棄的感覺，「因為不甘心，所以不放手」的糾纏態度令人害怕，所以最好找一個與他們個性類似的情人，才不會令他們再次受到感情的傷害。

速配職業→適合龍蝦的人的工作是美容師及造型師等等與美有關的職業。平時很注意流行的趨勢的他們，如能把天份應用於工作上，擅用對流行的敏感及美學基礎，必能成為優秀的設計人才。

◎適用釣餌→就算只是一句話，如果讓他覺得你是為他著想的，他就會覺得很高興。「這麼忙還麻煩你，真抱歉…」、「真的很不好意思…」等，先說些謙虛的話，會讓他也盡量表現出誠意。



敏感、非常在意面子、不甘心、因為別人的稱美而迷失的語句...都幾似我~
哈

http://www.366.net/cut-sea.phtml

>>October 13, 2005 at 6:22:16 PM GMT+8

2005 年 10 月 11 日 星期二 【晴】

琴日行完黃竹角咀...真係身心疲累...
再一次出咀好開心..估不到自己都仲行到~
隻腳無乜野...反而肩好痛~

今日返工D同事又笑我黑0左...
隻腳花曬..真係唔係咁好睇
但感覺好好........琴日行0左成日山...今朝返工時見到個海面都係閃閃的..很有生氣~

好慘的事
我份
What is a designer的功課...因為返工運送其間出現了意外...變得身首異處咁
睇睇下自己份功課又好似好唔靚咁...
好灰...堂堂各同學都要拎自己份功課present...但我今日真係連present的勇氣都沒有~
工作...加功課...加疲累...灰上加灰~
好彩有柯及咕的鼓勵...多謝你地~

present完...都唔係好差0者~
阿sir今日仲無break過....係咁cher...終於可以準時九點半放學...上會坐了一陣..唔sit會了
好肚餓...又眼訓~
去到CD Podium...有飯食~~^ ^~~
不過其實都無乜胃口．．．但真的很想去看那些只有花、草及雪山的世界
走時行去佐敦仲撞到阿Wing...佢地琴日行到鹿湖峒都唔出咀呀．．．．仲話腳痛添～
佢陪我行出佐敦
然後我就搭42a返屋企了～

今日同朋友仔傾開愛自己的問題
甚麼才是愛自己呢？
有些時候很迷惘．．有些時候很忐忑
但有更多的時候
我希望自己甚麼也不要想．．．
學會不要期待
然後傷心的感覺又會少一些
一早知道散場是這種模式．．．也在預計之中
或許．．
我就是一個太熱愛面子的人
亦不擅於依賴別人
或許
過去因為我的怯懦
或是因為命運的安排
得出這樣的一個結局
但
我想
我已經沒有氣力再去角力了
在心與心的角力中．．．
我已經沒有了很多人的敏感與期待
我的心
一早化成灰．．．．在眼前的朦朧之中融掉
現在一切也很好
同一個天空及世界下
已經很足夠

>>October 12, 2005 at 5:49:17 PM GMT+8

2005 年 10 月 1 日 星期六 【晴】

一朝早因為太熱...頂唔順..八點幾就起身~
點知個人坐係度都出汗..恐怖~

幫我地煮野食的大廚遲遲唔肯起身..........仲俾0左d有毒既紫貝天葵我地飲...
我飲完一啖再飲橙汗...
永隆同細k 都有飲....
然後我一訓低就有d野上湧..即刻衝了隔離的草叢中嘔...點知我呢個時候望向隔離...有個人同我做緊同樣動作...就係黃永隆喇...
d有毒既紫貝天葵太厲害了....竟然令我地一飲就嘔.......但最勁既係...雯雯飲完無事囉~
煮意粉1..........d汁酸既..不過都幾好味..有d後悔話係山度煮野食有情趣d
因為今日實在係太熱喇~
阮美黎探我地時
我唔知講錯句乜野...令佢笑到噴汽水............真係好攪笑~
今朝一早就係咁笑~~
其實都幾開心..除0左熱d之外...........

之後雯雯就走喇~Bye bye la~
走時同阮美講bye bye...看著她的背影.......想起上年在這個同一的地方...
她說撞到曾樑偉呢~...估不到他仲行山...仲要係又係o camp 時係行入大灣條路撞到佢
佢仲係著住對牛屎鞋......
一切又好像過去了......
其實看著她或他們..各有自己的發展
各有自己的生活
自己也很應該為她們感到高興...........希望我的好朋友及好莊員會在不同的角落找到自己生活的方向~

因為太熱，所以我地見到d member玩遊戲都覺好熱，實在唔明白當年自己點咩個超級重的大背囊入黎仲要迫d member玩遊戲.....
所以我地去了咸田飲野..我萬歲...不過唔緊要啦，上次馬大遲到話過出糧請肥脯夫婦食野..但我唔想請肥波囉....

我地好辛苦咁去到雙鹿，今日一d風都無，我真係行到有d暈下暈下，好彩去到雙鹿好番好多
不過行雙鹿時無人照顧我......嗚~
佢地連入澗個位要跳..睇都唔睇下，平時我d莊員實會扶我，行過去時整親又唔理我喎...我想起有次行呢度跳0左落去，alex即刻落黎救我，嗚...好彩頭暈暈都仲行到0者~

我好掛住我d莊員呀.........

去到雙鹿好多人...仲要d人食煙同掉煙頭下來，頂...有無公德心的?
後來個阿叔仲要係我地面前吐啖落雙鹿度...實在想吐
本來想行地龍..但肥脯話好似行耐d...所以我地落番西灣
去到西灣..竟然撞到阿發(表哥)...唔係掛..係度都撞到人 ?
去到士多...肥波話要睇精英大師比賽，要我地等佢...哈哈...就係咁...就屈0左佢一餐...

見到d member....真係蟻民咁......我地行得快過佢地，出到西灣亭...個感覺好好
打的...肚脯請搭的士...萬歲~~~
沖完涼...
我地就去食車仔麵........多謝肥波先生~yeah~
永隆係咁叫六送...我都有五送...細k 仲有豆漿涼粉冰...真係未試過食車仔麵食得咁爽..
後來...我地就搭車車返屋企lu~

今次camp雖然熱...但都算幾開心既~

>>October 7, 2005 at 6:17:22 PM GMT+8

2005 年 9 月 30 日 星期五 【晴】

十月一日....國慶..
對於我來說..難理國慶是甚麼..只知放假..討厭在城市之中渡過
結果...我跟阿frank同嫂嫂入了Camp...又一年的旅協O CAMP

因為要等肥妹的關係..我等到六點半...
結果肥妹因為雷利不肯放人而不來
永隆駕車又遇上了交通意外(係佢隔離駕車有交通意外)
所以遲到...
結果佢叫我自己入去先.......
本來我都有諗過不如等埋佢地
結果自己又跟自己說...怕甚麼呢..不可以老是害怕的..........
結果...我就真係自己一個人夜媽媽咁入了...

雖然沿路都有人(赤徑前)..........
但上大浪坳開始便沒有人了...自己又好耐無行 ..
上極都上唔完..以為到啦，點知見到張炳奴個名...真係有d灰
上到去一d風都無..四周無人......勁驚..我開始問自己點解要來了..
一個人的時候..
原來我真的很容易胡思亂想......
想著以前d莊員一齊走在這條
嘻嘻哈哈的笑聲....
想著.....自己好像很沒用似的..又想起很多朋友......你們會否掛念我?
唉.........
去到士多...
好驚入大灣時個林位...結果好好彩咁撞到三個人也是入大灣...結果...就一齊入喇..
見佢地嘻嘻笑笑咁...感覺就是一大班朋友..不論那些人..愛上行山的..總是感情幾好.....
終於出到沙灘見到阿frank同雯雯..
主席呀...一句問侯都無.......嗚........不過見到佢地...個心又無咁驚......

後來先知原來阮美都係度紮營..很久沒見阮美了.....真的很掛念她
感覺上廿五屆都幾 nice..攪camp fire個skill也不算太差...
只係有d小鬼做緃火狂徒.........勁白痴

大灣d沙...好細~

上到去都無位紥營...
後來去了上年紮營隔離個位...阿frank竟然拎d燒雞燒鵝出黎食
加上一支紅酒...........我又飲到暈下暈下...
個人完全唔多企到~
不過聽住d海浪聲...好舒服~
結果...酩酊大醉的我死都唔肯訓.....一個營訓四個人太迫了...又多蚊咬又熱...
結果三田點來一場暴風雨..真的有d恰似三年前...
不過..我這一次已經不會再哭了...原來感覺真的會隨日子飛逝....雖然有很多事仍很難忘

不過.......
今晚.....
雖然沒有夜涼如水
但卻一樣舒服清新

>>October 3, 2005 at 6:23:43 PM GMT+8

2005 年 9 月 29 日 星期四 【晴】

今日下午教完書...
感覺上覺得自己很適合教書...
放學的時候很多小朋友叫我
而且...
他們很可愛
最初不做老師因為怕自己會變成沒志氣的人....
眼看著中一時與我們一起進來吳祥川的老師
看著他們變得沉著..變得對教學麻目...
由會考時對著我說長篇大論的人
到畢業時...聲聲哀嘆..
說實在..
實在不想像他們那樣...
但結果.......

做了一年商業的工
我發現我不適合這樣..成日俾人屈..俾佬細剝削的生活...
我想睇番d天真的笑臉...
聲番d童真的說話
感覺一下人生的希望

唉
今日放工時又無啦啦俾阿頭屈去見客..
心中真的有點怒火...
不過......
算啦

晚上即使多累也出去了陪柯喝酒
知她近來心情不好
真的很擔心她
出到去自己都飲0左好多......
見她將心中的鬱悶抒發了出來...雖然有點失控^ ^
但我想也是好的...
竟然將骰盅當成酒杯...今天崔與敏也來了...
大家也對想談話的人說了很多
但我...
忍了手
沒有打電話
白白流了一些沒有用的眼淚...
沿著海旁...跟她們說著以前進hall時最愛走在這裡的感覺
然後..我們四人便相依結束了這個荒唐的晚上...
柯...飲得多唔好的...下次唔好成日浦了...
我俾肥仔話我變成爛女人了..嗚

>>October 3, 2005 at 6:34:16 PM GMT+8

2005 年 9 月 29 日 星期四 【晴】

今日學打非洲鼓...幾開心

如果你地有報衛徑長征...(雷利0個個)

就會見到我打非洲鼓的了~

不過...真係勁痛囉~



今天又教書...感到自己幾鐘意教書的感覺..D學生會問我食飯未0架~

對住d學生好得意~

我有d想讀番cert edu..去做老師~

其實細細個(中七前)都係諗住做老師的...任重而道遠嘛~

但後來因為發現老師日復一復...年復一復..男既除了個肚脯..女既除了更殘之外

我也感覺不到熱誠..如果教孩子沒有"心"那不如不去教好了~

原來自己都幾鐘意細路仔~...........做得commercial多都覺商業社會好煩好奸

唔係奸唔起..係唔想去奸...............但做了幾日老師的我又是否真的了解為人師表的辛苦?

放了便回poly借書...感覺上自己有點像個學生了....平時返工六點幾放感覺都幾趕....可以四點幾係理工走過...感覺悠閒很多...很舒服~

>>October 3, 2005 at 5:50:05 PM GMT+8

2005 年 9 月 27 日 星期二 【晴】

今日去了匯基training ~
好眼訓
昨天趕起了功課...好夜先訓添~
不過今日教書都好開心...因為感到有一班學生
佢地真係好似我地以前中學......雖然有d 會駁下咀..但係好可愛...好想佢地會好好享受自己的人生咁，很想跟他們說...要好好感受呢...中三以後的生活...會是人生中其中一個美好的回憶~

今天下午frankie還張學生證俾我...順手請我食飯~
好開心喎...因為最初我都唔記得0左你話請我食飯(我諗住你吹下水)...
所以話..我幾時都話frankie係一個可靠的男人(起碼講得出做得到喇)
我地係又一城食飯時俾d中三既匯基學生妹撞到
佢地即刻拎轉頭..
我就好大方咁打招呼...我心想佢地一定會返去同d同學仔講話撞到阿Miss Wong同個男人食飯...
以前的我們
在中學時代就是這樣的
話題是....
阿乜sir今日個髮型好怪.....聽講阿咩老師呢....邊科後天測驗未溫曬..有班師兄回來打籃球已經算是大事了...
那時的生活
多麼的輕.........
多麼的簡單..........

很久沒跟frankie好好談過...自己仍滔滔不絕的...但也聽了他說很多事...這樣分享生活的感覺很不錯...希望遲下得閒d...會去到跑馬地食大排檔..已經說了大半年

夜晚又要由公司趕去poly上堂..很辛苦呀..因為很趕...........很累呢
與柯吃過三文治後上堂..這次好像feedback好了一點...但仍然十點多才放
感到...一邊返學一邊返工的感覺幾辛苦
其實很多人希望讀下書會令人生有方向..但我覺得不應該拿讀書來逃避...如果你不是有興趣的...盞辛苦自己

夜晚跟柯談了很多
知道她很煩..自己亦幫不了多少
但總希望她自己...言出必行..最起碼就是完成年尾去日本的夢想

跟柯說到...
為何人與人之間相處...不可以坦率一點呢?
例如我們看到花..感到花很靚...便說花很美麗呢~
見到天空的雲很舒服...便說很舒服呀
很掛念一個人...便應立刻打個電話俾佢...說..我很掛念你~

這樣坦率一點...自己也會舒服一點.........

http://hk.geocities.com/storage4hk/love/test.htm
我有95分~...感情勁豐富的女人.......SHIT !!!!!!!!!!!!!!!!!

>>September 28, 2005 at 6:21:40 PM GMT+8