2004 年 9 月 13 日 星期一 【晴】

好野...
我終於可以開番呢個dairy喇~~
因為之前去雲南攪到呢個dairy無0左
以前好多回憶都無0左呀

再加上我本時係hall D data又唔見0左d...
好唔開心呀....

不過開0左個opendairy
都OK好用既
除0左佢成日轉亂碼同要打d網頁碼之外...
我個人就好專一的
不會坐這山望那山\
一事無成...
所以我開0左0個個後都無諗住呢個喇
但係因為opendairy又俾人attact喎
所以佢又死0左喇....
咁我唯有開番呢邊啦
或者學下細 k咁開 兩個做backup啦....

今日我又要返工喇
今日出門口時天氣好好
琴晚我有d眼訓
所以我都好早就訓0左覺喇
今朝都精神過琴日
但係坐73x時仲係訓足成程....嘻嘻
我真係好鬼死鐘意訓覺
只係而家返工真係訓少0左....~~

返到公司
今日d大粒野又唔係度
連平時中粒0個d都唔係度
我琴日又做曬d野
所以今日都無野做...
得閒打dairy

呢排有好多野想講...
要說
也不知從何說起..

只是
我近期在想
生命的問題...
生活及相處的問題...

在人生中的相遇
相處
事性發展到結果
是有一定天意的嗎?
我始終有少少不太相信...

就是因為要超脫人世間的種種平凡的束縛
然後才可以用自己的雙手觸摸最高的地方...

"好天一直在
只是有時飛得不夠高
看不到..."

好開心呀
今日又星期二了
返office工
最大的好處是返工收工定時
咁就一個星期

今個星期的willd camp
真叫人期待
因為好想同大家一齊去玩

不過
上年我也是抱著更期待的心情去 廿三屆的o camp
結果
又唔係好似我想像中咁開心
或者
從來期望愈高
失望愈大...
平常心
想做就去做就係最好0架啦

一時衝動
總好過無動於衷

>>September 14, 2004 at 3:43:43 AM GMT+8

2004 年 9 月 4 日 星期六 【晴】

今天好好天呀，每當我一早起身，看見個天藍得好像透明一樣，心情也會像天氣一樣澄明。.

今日雖然係假期，但係我地都要早起，因為今日我、肥肥、肥肥個表姐、阮美同frankie一齊去0左溯澗。我地今日去hea hea的猴塘溪。其實今朝都唔係好願起身，不過算啦，我好想去親近一下大自然。但係frankie就話好眼訓喇。.

雖然今日阮美話自己病0左，會好呆咁，但事實上佢今日戰鬥力好強勁喎。句句都有中喎，大家幾開心丫~不過講真，其實我又唔係咁介意^ ^。無所謂啦。.

今日天氣好好，我地去到猴塘溪，有個好大的潭，好靚0架…..仲有鬼佬黎添呀，d鬼仔自己爬上棵樹上面跳落黎，幾勁呀，個潭又有好多魚，好靚。我地係度hea0左好耐，慢慢地浮在清涼的潭水上，望向蔚藍的天空，一星期返工的頹氣也盡消呢…..好舒服，從流飄盪，真愜意，好像與自然融為一體，天人合一呢。最衰Frankie 潑我水，破壞了我的雅興，哼~.

之後我地行到當年鹵水汁事件的發生地點，一督潭喇(主席改的)，當年我地咩住重裝黎呢度溯澗，主席仲要一入澗就……..而我就慘俾肥仔玩….衰人。不過故地重遊，又OK喎。我地係度開爐煮野食，好多野食~仲有阿John 最鐘意的橙汁冰冰---自製的鮮橙咸柑桔冰冰。正~.

食食下，阮美唱起許美靜d歌，唔知大家仲記唔記得佢個《明知故犯》?好耐無聽，再唱起又幾好味道…….歌中的主角，算不算悲哀? .

為何要落淚 落淚仍要一個面對 無謂的負累
怎麼不忍失去 其實我不怪誰 在你掌心裡
偏偏我要孤單的寄居

為何要恐懼 寂寞時欠一個伴侶 甜蜜中受罪
怎麼講都不對 無論你想愛誰 在你掌握裡
我熱情隨時在手裏

誰也知 夜夜與她那內情 可惜我瞎了眼睛
真相 那須說明 而我卻哼不出半聲
誰也知 夜夜與她那內情 甘心去做你佈景
得到 你的愛情 還要再得到你任性



一切 原是注定 因我跟你都任性

>>November 14, 2004 at 4:12:20 PM GMT+8

2004 年 9 月 3 日 星期五 【晴】

今天的天氣也很好呢，今日放短週，好開心喎，原本今日諗住同肥仔阮美佢地一齊去唱K lunch，不過最終因為個個都起唔到身，所以就咩都無做到，係咁訓，係咁訓。.

訓到咁上下，又俾阿媽鬧，琴晚二點先返又俾人話，今日成日係屋企又俾人話，到底我地兩個，欠缺了甚麼? 是我的耐性，還是她的包容呢? .

這個問題，似乎永遠也沒法解決似的。.

夜晚又播番千與千尋，白龍給千尋吃的飯團，令千尋在壓抑憂慮的感覺中解放出來，好好地哭了一場，這樣的飯團，只要吃一口，即使心中又多少鬱悶也可以得到解脫吧? .

第一次睇千與千尋的時候，原來已經是三年前…不知不覺的。初初對這部動畫有好感，但算不上很喜歡，現在再看，千尋的純真與簡單，確是我們需要的力量。一直也很喜歡宮祺峻的動畫，希望以後都有得睇啦~.

今晚同terry傾計，好似好耐都無咁傾過計咁。以前係hall得閒就上去佢房，晚上的時候我就會捉住佢地陪我傾下計，當時佢地都分享0左好多野俾我0架..不過最終都無用之嘛。今晚的感覺很好，我實在太喜歡和別人吹水了，這樣才叫做生活嘛。.

結果，今天難得的假期又hea0左去….. .

>>November 12, 2004 at 8:02:23 PM GMT+8

2004 年 9 月 2 日 星期四 【晴】

今天當睜開眼睛的時候，又是上班的時候了。.

因為琴日同小孩去0左hall到傾0左陣計，所以返到屋企時都已經十二點了，hall真係好舒服﹐我坐係以前個位度，再用同一個角度看hall出面花花的風景，當做功課接近天光的時候，天空剛亮的日出景最靚。返到屋企俾阿媽鬧，知道佢係關心，但有時也感到無奈，如果自己係男仔會不會好一點呢?唉，放0左工，其實真係好想同d朋友仔一齊出下去，這些狹小的私人空間，要求太多會不會太奢侈? .

同肥妹一齊搭30x，傾0左好多野，其實都幾開心呢。.

今天想試下同事介紹既巴士路線，因為佢地話一個鐘頭度到，我遲了幾個字出門口，點知就…..原來都要個半鐘以上，所以我都係早少少出門口好了。遲0左少少，下個星期應該不會吧? .

今日開始有d大野俾我做，就係跟曬佢地D printed material同埋再整過一本新的係十月前交，我預計到自己將會好忙。不過因為都未熟，所以都好驚唔知點入手好，下個星期二仲要返深圳同國內的同事傾個內容，我都要準備得好d先。.

好野﹐聽日放短週﹐仲有好多幾好的待遇，仲有人工都比我預期的多，令我對呢份工再次燃點了希望，哈哈。.

返工喇，好想出去玩，打俾阮美又唔通喎，不過今日frankie同強仔又約我去食飯，補番上次一個人做support team的人情，哈哈，呢兩個莊員都唔話得。今晚仲有同佢地一team的家明，雲迪、阿b同埋做前一個support的simmy,Joyce同阿榮，因為人地莊人雄勢力既關係，我地變0左好似參加人地莊既聚會咁添，但係都無乜隔膜呀，我覺得上莊同下莊，始於個關係係會好d既，所以我都好開心同以同廿三屆大部份的人都玩得好融洽。聽聞琴晚既會員大會好激喎，攪到我又心癢癢想返去睇下，19號o camp，今年，仲去唔去? 我左諗又諗….多謝媽媽成日開解我 ~.

同frankie佢地食完飯之後，強仔一支箭咁衝去mountain hardware睇褲，而我唯有自己散啦，肥仔之前打俾我，唔想返屋企住既我就咁又過0左海搵佢，後來強仔打俾我，原來佢諗住食完飯之後同我吹下水喎，正合我心意啦，我最終\意就係夜媽媽吹水的了，強仔提議去東京飲日本清酒，半價呀，好呀，我更加鐘意吹水時飲少少酒，哈哈。結果我地點0左個「七步升天」，味好似果汁，飲0左4個shots，都有d暈，不過佢成8個shots都只係40幾蚊，都Ok丫。然後我地覺得唔夠勁，點0左個由五種酒制成的「透明」，個樽好靚0架，呢個就酒味濃好多，我都係飲0左少少，後來frankie又黎，佢叫0左個「山口組-夠膽挑戰」，酒味都幾重0架喎。不過就幾好味。肥仔要0左個無酒精的「xx黑夜」(唔記得0左)，係朱古力味的，不過班waiter就幾無禮貌﹐令我對呢度既良好形象破壞了。.

強仔佢地好似好驚我會醉咁，不過收到你地的電話，又幾開心既，多謝你地咁多個對我咁好的莊員們~~.

然後去0左佐敦搭亡命小巴，好彩玉怡最終都有打俾我，如果唔係都搵唔到。
聽日凌嘉敏走，玉怡會去送機呢….其實我都有d想去，不過因為太早了，所以都只係唯有係icq講句「一路順風」，希望我可以係佢下次返黎時再同玉怡佢地一齊玩煮飯仔啦。.

今天忽然想起了一首歌，其實關於這首歌原有的蜻蜓故事，又有多少人知?.已經沒有甚麼可以剩下的吧…

>>November 12, 2004 at 7:55:10 PM GMT+8

2004 年 9 月 1 日 星期三 【晴】

二零零四年九月二日 星期四

今日放工時看到的天空真的很清，很高，很漂亮，我好想好似d卷雲咁，無憂無慮地浮在天空上………

人生，有時真的很像遊牧人的生活，很多人工作可能只為兩餐，我們為了甚麼而做，人生有甚麼可以發展?想起初入大學時的感覺，也是這樣的嗎?幸好當時有自己紮根的地方，自己的心靈才可以平靜地感到實在，原來世界上有一個你想紥根的地方，想珍惜及保護的地方是這麼重要的，因為那是你靈魂安躺的地方。

今日返工都ok，都叫有d野做…帶飯返去食，係永隆個位用電腦…見到佢d cookies有mypolyu, webmail等，感覺好親切。好想返poly 。

放工，望向個天，天空好清，好羨慕d雲添。

出去紅磡火車站，因為約０左小孩同肥妹食飯，我順便返去poly還書。行上去平時成日行的火車站天橋上，我望向了平時返學都慣性望著的大招牌，呢排係canon機呢，呢個風景，自己好似好少機會會再返黎見，紅隧ｄ車仍然都係咁擠呢。人潮中，有很多年輕的面孔，他們都打扮新潮，傾著電話，臉上，沒有半點的憂慮，步入紅磚的範圍，我竟然不自覺地走進了M core的平台，右手邊是保安室，左手邊是圖書館，以前自己好鐘意去一樓呢邊個圖書館度溫書，因為可以看到出面的景色。再走進去是課室，自己以前就係係呢度上堂同Kill房開會。好想自己是在做夢，一覺醒來原來自己要趕頭趕命的去m core上堂。夕陽下，見到個著住西裝的男人看天空看得出神，你又是否俾這裡的夕陽所吸引?令你想起年幼時的事?　忽然間，真的有點兒想哭，可能覺得原來自己也蠻喜歡這個地方呢．．．．就這樣就這０左三年無憂的生涯，也應該慶幸吧。

我獨自在poly走了一回兒，今天是中期會員大會。不過約０左人，所以還是連會都無上就離開了，或許，這個才是我傷心的原因吧。

去到join０左小孩，同肥妹佢地都傾０左好多野，好開心佢會仍然好想keep住行山，身為曾經的旅協幹事，我們０個屆有member參加完我們的活動後如此愛戴行山活動，我們成功地達到了會章第一個宗旨，就是推廣有益身心的行山活動，仲要聯繫到各不同科目的同學，真的太開心了。

之後我地去０左hall，聽阮美講話今日有去，其實我覺得俾人con下其實都係好丫，雖然有人（老鬼）監察住，但係可以俾一班傻下傻下的學生發揮他們的才能及想像力，將自己於會，於行山活動的新組織概念實踐出來，其實也是蠻幸福的，因為你見用於世，但出黎做野之後，沒有甚麼經驗的我們便要受其他老練的人監察，自我發揮的空間，其實只隨上司的心情及機遇而定，記得讀文化視點的時候說過，每一個人也應該有其簽名的地方，即是每一個人也有種被肯定的渴望。現代商業社會，就是在工作上，有沒有你也沒有所謂，令到人特別易感到疏離感。

唉，不過其實自己今天的感覺是，好像鬆了一口氣呢。

>>November 12, 2004 at 7:25:48 PM GMT+8

2004 年 8 月 31 日 星期二 【晴】

今日係眾多學生返學的第一天，亦是我第一天返工的日子。琴晚因為未調節到生理時鐘既關係，我一點鐘開始訓，訓到五點幾先訓得著，然後六點半就起0左身喇。

七點落到去，今日同慧豬一齊返，我地又好似以前咁，一齊返喇，不過唔係一齊返學，而係一齊返工。佢搵到份學校的TEACHING ASSISTANT做，都幾好呀，係黃大仙返，不過呢種一齊返既生活，係佢搬0左之後就無喇，佢下個星期搬去長發，以後我地無得得閒上去佢屋企，出街一齊返，佢拍門叫我出門口，夜媽媽三點落去樓下睇月光過中秋同唔開心時陪我隊酒喇。所以好好珍惜這幾天。

返到公司都只係八點半，全個公司得一個人，九點到就開始好多人返。大家個氣氛都幾好，只係自己好似未習慣。一個鐘又一個鐘，時間都好快過丫。不過到十二點半都未放LUNCH，有D肚餓呢。好彩一點佢地都一齊食飯，可能今日有兩個新同事既關係，所以佢地好多人一齊食啦，仲有人請添。

不過我諗住為0左省錢既關係，所以聽日都係帶飯。

食飯之前都係睇D機器既簡介，佢賣D機又幾PRO喎，生意都好大，不過齋睇好悶。

食完飯之後更加眼訓。真係係咁"中"係咁"中"(不過後來聽TERRY講，佢第一日返工都係咁0架喎)。我又唔敢成日周圍走喎。不過後來都有D野做下，聽日FILE D FILE，希望無咁悶。

五點半有得放工，好野，仲有星期六的長短週，真的太開心了。可以去行山同玩了。我都係太貪玩呢。

一放工打0左俾阮美，不過佢開緊會，然後我就打0左俾小孩，琴日買對鞋，痛死我呀，真係有D個腳跟俾人CUT出黎既感覺，好辛苦，唉，咁就係第一日返工喇，行出去時見到好多中學生係D操場上傾計，好似好無憂無慮呢，真係有D想做番學生.........但係我不可以這麼脆弱，老是喜歡以前的生活。

每個人也有自己的憂愁吧?但誰不是努力地在生活中找尋趣味呢?

行0左好耐先搵到太和站，很累呢，人累，心也累.....

不知為什麼，我總是害怕著明天，或許會或許不會，其實有又咩所謂?
點解現在的自己會看得這麼開?為什麼那麼不想回去?
我也不知道
可能那裡
已經不是我當初喜歡的地方及人事了
曾經為過一件事一個地方那麼不顧一切地負出過，也是一件值得珍惜的事吧?
一切要過去的時候就會過去。

晚上的時候收到好多電話，好開心有你地咁關心我，令我覺得世界上仍然有人願意珍惜我的。^ ^。
我會好好努力的了。

明天
要更努力呢。

>>November 12, 2004 at 7:52:00 PM GMT+8