2004 年 9 月 29 日 星期三 【晴】

今日係我係hopewell最後一天的日子，好多野做呀，我唔係一個不負責任的人，所以一定會交代得好好地先走。

不過今日有得食雪糕月餅，好好味，記得上次因為唔開心而食的士多啤利味Hargada雪糕的味道很難食，不過今次又OK喎。

今晚我地莊約0左一齊返番禺，八點半係上水等，因為我返完屋企再出黎驚唔夠時間，所以都係係公司放工之後直接去上水，不過六點去到，鬼有人咩，唯有自己搵個地方自己睇書啦。
睇<<麵包樹上的女人>>，F.6時睇過，唔知點解而家又想睇番，睇到七點半八點佢地終於黎喇。今日都好多人黎，有主席同嫂嫂，阮美，肥仔，強仔，JohnJohn，terry，frankie同我，有九個人0架。去到深圳，原來佢地真係唔係好多人成日返大陸，我地坐肥仔book的車，兩個小時後才到，阿欣爸爸好熱情咁招呼我地，佢地係番禺間屋好大0架，有三層，house0個隻，超正。

之後我地就去水禾田到度宵夜，有炸湯丸，好好味。

>>October 2, 2004 at 5:25:53 PM GMT+8

2004 年 9 月 25 日 星期六 【晴】

今日幾開心喎
我地幾個去0左沙灘玩~

>>September 27, 2004 at 4:51:51 PM GMT+8

2004 年 9 月 24 日 星期五 【晴】

今天朝早
係要返工既.......
一想到仲有幾日就不用返
有點鬆口氣的感覺...
但又有點擔心及無奈...
唉
唯大見步行步...

因為星期六，所以九點先返到去，買0左個大埔粢飯食，雖然無黃埔既咁好食，但係都OK啦，好懷念係黃埔朝早買到既粢飯同hall既生活，不過無所謂啦，現在的生活也有現在的好，一定要這樣想吧。
返到公司竟然見到永隆坐係度....
估不到佢星期六都返到喎
不過佢都好辛苦既
又返學又返工
淨係朝早起身已經想死...
見佢一身旅協既打扮
o camp衫
短褲
拖鞋(呢個先經典)....
但自己呢
就要著得斯斯文文，真係羨慕佢返工都可以著得咁free...
以前自己返會返學行山行街都係咁著，但係而家就唔得喇，起碼要成日著d痛到死既鞋...
我寧願著TEVA:p

其實今日返黎都無咩野做，都係跟返少少野，覺得自己對公司都無乜contribution，不過都要扮有野做...上下網，打下index，Rosa就黎問我點解要走，佢個樣幾恐怖呀，不過唔緊要啦，我決定好了，我這個頑固的女人決定了雖然常常會後悔，不過今次真係好理性咁諗清楚了(我覺得)。
隔走時永隆走黎傾開計，又有野聽喎，真係愈聽愈擔心，雖然我好想返去，不過又好驚返去，點解會驚呢 ?我都唔知，可能有點累吧。而且那裡好像已經沒有甚麼值得自己信任及留戀的人在那裡了。所以....不過我又覺得有d唔忍心，可以做既就做囉，自己成日都係咁，好想盡自己全力做一件事，為0左不要令自己後悔。記得有本書講過，人生在乎的不是最後得到的結果，而是其中自己曾為這件事而發奮努力過的精神。

因為想同永隆傾落去，所以就同佢一齊搭火車 ，佢真係一個廿四孝男朋友，一個純品及真心的心是很重要的。中途除0左都係講旅協，都會傾自己既問題，不過可能大家既goal唔同，或者係我仍然未跌過，唔信邪掛，我好想用自己的雙手去證實自己相信的事 ，雖然 未必一定可以實現，但總算努力及嘗試過吧＾　＾．．．

之後佢就搵人食飯，我就去０左荃灣搵carol同肥妹，今日同佢地兩個唱K，我都好想唱K呀，不過唔知點解，我地幾個都係點埋ｄ好慘情既歌，唔知係慘情既歌特別多?不過唔緊要，唱首分手快樂未幾開心~

之後carol仔就去西貢燒野食，我同肥妹行０左一陣荃灣，然後就返屋企食飯。
而家要做個乖乖女，多ｄ係屋企先得，今晚有湯飲，好野。

聽日無得學獨木舟，都唔知做咩好，天文台話聽日好好天呀，好想去行山，不過佢地話上個星期行０左喎，無人陪我行添~咁唯有去海灘玩啦~~

雖然現在的生活是返工等收工，等放假，等星期六日去玩，等人約，等有山行，但也不代表現在的生活是不好的，不是嗎?即使沒有人等我^ ^

今日唱K時聽到一首歌，係at17翻唱黃耀明的<<如果你愛我>>，原來好好聽．．．

在這一刻 讓我於高處跌下
而無懼怕 如你愛我
用你的方法承受承受我嗎
但你沒有答話 相信仍在尋覓對白
有些細沙 令一室空氣現在混濁了吧

難得一刻 讓我將真相透露如同病發
如你愛我 用你的一切明白明白我嗎
但我沒有說話 不算疲累
仍舊坐下 轉一個彎
讓灰色知覺慢慢如微塵降下

知不知這份愛搖動時 便發現心的層次
這關係 今天美麗未如從前
還有沒有意思 知不知我為你沉下時
在發問我願不願意
這關係 一些缺憾造成懷疑
不著痕跡地情變

讓你讓我愛吧
相對時候仍未太壞
抹一抹它 會飛的終會慢慢如微塵降下

相親相愛直至搖動時 便發現心的層次
這關係 今天美麗未如從前
還有沒有意思 不知不覺直至沉下時
在發問你願不願見 這關係
怎麼接受未如從前 不斷回憶著情意

>>September 26, 2004 at 4:37:58 PM GMT+8

2004 年 9 月 23 日 星期四 【晴】

今日
都係返工.....
返到公司無野做
都係自己找些file執下

lunch時同公司一個媽媽級的同事傾計
講到做母親的心情
或許天下間的母親也是這樣的吧..
我應該好好體諒她

呢排唔知點解心情有d起伏
好想
自己個病
快d好........

>>September 24, 2004 at 4:43:17 PM GMT+8

2004 年 9 月 22 日 星期三 【晴】

今日公司好多野做
問quotation, 趕meti, 整catalog D野
咁就一日喇
唔知點解
雖然都係坐係office度
但係我都覺得好累
可能因為對鞋
我都係著唔慣....

之後約0左強仔同frankie出去
我hea住出去旺角
但係出到去都係六點半...
然後就係旺角一個人盪啦
盪盪下原來Frankie都出0左黎喎...
咁就去信和搵佢
見到佢
佢個樣仲頹過我
見到佢咁我都唔知點開解佢好....
原來佢都會發夢仲係公司0架喎
佢又學唔到我咁型唔做...
所以唯有捱世界啦
唉...
其實個個都係咁捱...

約0左強仔係overlander度等
因為佢去換鞋
順便買0左個防水袋
我係d新monbell's catalog度見到
有個大營成2米幾高
但係重28kg囉....
但係佢個樣好靚0架
好似個小型太空館咁
可以訓十二人
如果可以擁有個咁既營就正咯
不過唔好叫我拎喎
哈哈

之後我地就去0左油麻地0個間味千拉麵食飯
上次黎同阮美食既芝士焗年糕
做咩今次會變細碟0左咁多?
不過佢個肥牛金菇肥牛卷都幾好味既

係餐廳到
聽到男人講既話......
:「男仔係會比女仔重情既」
我問: 「未真係既咩?」
:「係0架」
我話:「重情未即係多情，多情的人個個也愛也不是一件好事」
:「我記得聽過一個friend講過:每一個男人都渴望成為耶穌，好似佢咁博愛」
聽完之後真係滴曬汗
不過兩個男人竟然好讚同...
又再一次證明我係唔明男仔諗d咩
亦唔了解呢種生物
不過聽下佢地講
又幾得意既
唔....
乜真係想做耶穌既咩?
乜呢個世界唔會有d人會令你地只愛她一人?

之後我就同0左強仔去百老滙電影中心睇戲
我地行行下
唔知點解就行0左去英昌
我地好自然咁就入去睇下啦
強仔又買0左個袋lu...
我都好想買個袋
不過講0左好耐
都未捨得買...

買完之後就去睇戲
我地今日去睇 "聖.教.慾"
原來呢套戲係三級0架喎
我都唔知添
其實我有無睇過三級片呢?
我都唔記得lu
同強仔都傾0左好多野
都幾開心啦...
套戲都幾好睇
不過令人好不安囉
尤其是最後0個幕
個畫面唔恐怖
但係個意境好恐怖
加埋d鬼詭的音樂
真係令我不寒而慄......
原來有d人為0左自己
竟然可以扮野扮成咁
出賣自己
然後又扮無事....
真的有點恐怖
不過又好似是極平常的一件事一樣...

睇到十一點半
強仔送我去搭車
返到屋企都十二點半lu
有d眼訓
不過
唉
又俾人話了
好啦
我會學乖d的了......

>>September 24, 2004 at 2:43:03 AM GMT+8

2004 年 9 月 21 日 星期二 【晴】

好耐無寫日記
因為日日返到去開陣icq已經好眼訓了.....
不過我會記得之前發生的事與感受
然後好好的在以後的日子update
記得睇過一個fd個網話一個成日寫日記的人
其實係會比唔寫的人容易唔開心
因為我們會看回自己曾為甚麼而不快樂．．．
咁我算不算係呢?
的確
通常有意欲令我下筆
也是一些快樂的事
即使真的記下快樂的事
他朝看了也只有徒添歲月流逝之感
但無論如何
為自己的生命留下一個印證
始終對於我來說也是一件有義意的事
記得以前上文學堂時阿sir講過
自古以來的好文章
也是出自一個心靈飽歷風霜的詩人
如果他們沒有經過最傷感的悲傷
又如何寫出感人之深的文章?
「楊柳岸
曉風碊月
今朝酒醒何處」
原來再次醒來
已不知自己身在甚麼地方了．．．

近來生活也很平淡
星期六日去０左廿四屆的o camp
都幾開心啦
唯一唔開心的地方就係落雨．．．
唔通我地四個女仔一齊係戶外出現就會落雨?
攪到佢地個個唔肯去游水呀
真係蝕桌
咁辛苦行入去．．．．

可能下年先會再去lu...

不過近期的不快樂似乎也是被人發現了
是我的臉從來也是會騙人嗎?
我也不知道...
不過我想
再過一段時間便會沒事的了
反正有很多事也不容我去控制

今日返工永隆都有返黎
lunch時一齊食飯
大家既內容仍然是離不開旅協
唔知間公司其他人聽到我地講既野
會不會覺得我地好奇怪?
佢講到好似好灰同好大件事咁喎
不過年年都有大件事
年年都有不妥當之處
然後過０左一年後
又寄望下一莊會更好
寄望後又失望又寄望
人真是一種奇怪的生物
不過我都有ｄ想返去睇下．．．
睇下有無心情同機會喇．．．

今日我遞了辭職信．．．
阿頭留０左我一陣
最終都係俾我走
雖然自己有ｄ迷惘
但我仍然相信之前的感覺
所以最終也是決定了
我就是一個愛憑感覺做人的人
這些人
不是很可靠吧
因為你的感覺和第二個人的感覺也不同
那一個才是事實呢？

放工之後去０左hall搵小孩
係小孩房坐０左陣
好舒服．．．
carol仔今次都係度
大家一齊傾計又好似以前咁．．
好開心
不過因為放工前收到個電話
無啦啦我又involve入呢ｄ事件入面了
次次自己都係旁觀０個個
那時才是自己呢?
不過可能到自己時又不是自己想像般開心的了

因為呢個電話
令我又知道平時同我扮無事的人原來自己又身在煩惱中
或者唔想講可能只係因為暫時未有心情
不過可以陪到最後
也是一件令我珍惜的事。

人越大越見更多無奈的事
愛情對於我來說從來不是一件容易駕馭的事
無奈是因為自己無努力過嗎?
努力過結果可能也是一樣
誰人知道甚麼時候做些甚麼會有這樣的結果?
沒有人知道吧?
似乎當愛情牽涉到三個人
有一個人註定是要傷心
你做甚麼、說甚麼、或者不做甚麼、不肯說甚麼
結果也是傷心
只記掛住玫瑰的小王子又何曾出現過
結果可以成為朋友的人又有多少人?
一切也沒有所謂吧
希望曾經身在其中的人
也是有解脫的一日吧

>>September 23, 2004 at 2:35:06 AM GMT+8

2004 年 9 月 17 日 星期五 【晴】

今日放假~yeah~做0左五日，終於有一日放假，真係等0左好耐，不過呢一兩日的假，又好似好短咁。
今日訓到十二點半，起身打俾慧豬 ，因為今日應承0左佢幫佢搬屋，食埋野先上去，佢屋企都搬得七七八八，一個由細去到大既地方，忽然間變得人去樓空，自己都不免有點唏噓，不過唔緊要啦，人總是要變，自己沒有想過去轉變但可以阻住其他人的轉變。

佢間屋也是一向的凌亂，幫佢搬0左陣，見到小學時的進步獎獎狀貼係個櫃上面，好殘舊，小學，已經是時代久遠的事吧?走進她的房間，見到好多野，有去武夷山返黎時一齊買既書，一書四本，我兩本佢兩本，還有中六七時miss鄭俾我地的書，她也不要了，留在這舊屋內，反正很多東西也是捨棄吧? 見到有本野好熟面口，打開睇睇原來係中五時既紀念冊，我係第一個寫0架，佢連呢本都唔要喇?原來佢唔記得0左同埋唔認得0個本係紀念冊0者。

搬呀搬，阿咕話之前好辛苦，我又覺得OK喎，好攪笑，個司機話我地兩個係女中豪傑，仲勁過個文弱書生(即係佢細佬)，笑死我，佢間新屋其實都唔係大好多0者，不過執一執，應該都會整齊過以前既。搬到咁上下，我地返屋企lu，因為我要趕住執野去西貢喇。

返屋企沖埋涼先出去，點知咁就遲到喇， 我坐緊車出旺角時，Frankie已經到0左，唯有叫佢入去搵準時大王阿John先喇，今日我莊好齊人喎，只係爭alex就齊莊，我諗除0左上莊0個年出隊0個日，我地都未試過咁齊人一齊去大灣，我入到去西貢都已經六點半lu，本身細K都同我地一齊入0架，不過佢有莊員陪佢，無所謂啦。主席同嫂嫂五點時入0左去先。我地就等埋吹野既肥肥，返既強仔，加埋brian，然後就坐的士入去。有donna係度 果然係嘈d，我地係惠康勁嘈，不過我又幾開心，只要同d莊員一齊，幾時都咁開心，幾時都咁多人錫我~^ ^~

食完麥噹噹之後搭的士，中途撞到家輝喎，佢都認得我地，實在太開心喇，佢話佢地廿屆都差不多齊莊到，咁恐怖?會不會個望魚角俾人霸曬0架?都係快d入去。

去到北潭坳，terry同強仔只係攪個電筒都攪0左好耐，人多時真係好煩呀佢地....八點喇...強仔買0左個廿雞電筒又好光喎，個新toiler整好喇喎，terry話不如係度紥營算，不過我地都係仍然繼續行，一大班人好嘈咁行，都同donna 傾0左好多密計，好開心，呢種一大班人嘈既感覺好得意，成日唔知為咩嘈，但係又好開心喎。 哈~

去到赤徑，撞到鄧兆基，佢話佢幫佢地整好個火就走喇喎，唔通個campfire已經開始0左?都係行快d先，不過上斜，我地係唔係好掂。阿John同frankie 對摩打腳真係cher死我，所以我都係押後算喇，上到去，抖0左一陣，好似見到遠處有火光咁，我同強仔就跑落去喇。去到士多，第一個見到既就係frankie，我地等埋其他人落黎，然後就三個人行先。

frankie話上年陪廿三屆劈柴0個時行條小路可以好快咁出沙灘，我都未行過，出到沙灘見到遠處有好多人，就快開始喇，我地係個沙灘度跑，不過跑唔郁，諗起當年自己就係咁係呢個咁大既沙灘度跑黎跑去，都唔知當年係邊處搵d力出黎。行行下已經點火喇，好彩都見到點火0個一刻，無遲無早，雖然係遠景。

去到見到主席兩夫婦，好開心，我地終於黎到喇，呢個旅協一年一度的盛事。自己最終都趕得切黎。廿三屆d女仔就坐0左係度，男仔就全部入0左去加柴。kathy拖0左我入去玩changing parter，我就拖埋強仔玩，幾驚呀，有個member照我件衫話做乜我件衫唔同樣，嘩，真係老喇，跳一陣都想死，累死了，不過我都係第二次以參加者的身份玩campfire ，做member 真幸福。

之後就返上去camp site紥營，我地去番上年紥營0個度，我地幾個女仔就坐係度，terry又無野做喎，我叫埋佢過黎坐佢又唔肯，唔通佢唔想承認半個女人的身份?後來去水源拎水時好瘀，竟然唔知個水源係邊，行過0左都唔知，真係太耐無黎喇。哈哈。後來食埋湯丸，我地就坐係度望星星，今晚好多星呀，我又帶0左星圖黎(係天文學會借的)，望住個咁多細少銀河的天空，平時返工時悶氣都消曬。好靚呀，令我想起雲南的星空也是如此美麗的。

我地玩下笑下咁就兩點喇，有d人訓0左覺，淨番我同donna幾個傾計，好開心喎，聽到好多野，我問大家有甚麼女孩子對他們做的感動事，我覺得大家都好幸福~我也很愛大家呢^ ^
我自己呢，有人叫我起身我就好開心的了。

今晚個星空真的很美麗，美得令人不捨得訓覺呢。

>>October 5, 2004 at 7:07:06 PM GMT+8

2004 年 9 月 16 日 星期四 【晴】

今朝都係如時起身
今日同肥妹一齊報玩風帆，八點半開始報名，我搭73x訓到差不多到站時就打俾肥妹confirm報名喇，第一次報，佢話個course full0左喇喎，唔係呀嘛?咁快?唔係話八點半先開始報咩?我只係遲0左十分鐘0者。市政局的活動真係難報呀。報唔到，唯有又返工喇。

返到工都係似無咩野做，其實咁樣叫好定唔好呢?無乜野做但係又唔知自己可以做咩好?咁樣又一個星期了，時間真的好快過。

聽日去o camp呀，本身琴日玉怡佢地約0左出黎食飯， 不過我因為要扮乖乖女的關係，所以無去到，佢地去0左慧豬屋企玩同傾計，好似講0左好多野喎，不過自己又無得聽添。

唔知
聽日會點呢?
好耐無去大灣了
希望可以去游水。

>>October 5, 2004 at 11:21:18 AM GMT+8

2004 年 9 月 15 日 星期三 【晴】

近來的生活也不知在做甚麼
好像平時對人時仍然是那個自己
但一個人時又不是那個自己
現實與精神之間出現了兩個我
但身邊的人好像也沒有發現
究竟
何時
這兩個我才可以融合?

舊的日記網重開了
但是我的日記全沒有了
我又要再POST過上去

現在我連寫日記的時間也沒有很多
寫網上日記都係係公司先得閒寫
平時返到屋企
吃過飯
睇陣電視已經要訓覺

不知道星期六日個CAMP會開心嗎?
今次我地莊有成十個人去
除0左上次自己出隊外
都未試過咁齊人去大灣了

>>September 16, 2004 at 2:57:55 AM GMT+8

2004 年 9 月 14 日 星期二 【晴】

又是新一天的開始
今日拎個大袋俾肥肥
今朝出門口既時候幾驚俾阿媽鬧
但係又無喎
琴晚同佢講0左星期六日去camp
竟然好平靜
我諗可能上次之後
佢唔想再同我嘈
或是因為她已經心淡呢?

早d出門口
上0左243m
食完個紅豆包之後就開始訓覺
去到荃灣搭73x
今日都好多人喎
咁我又開始訓喇
73x真係厲害
我醒0左三轉都未到...
但係其實明明我琴日好早訓
今朝都ok精醒
但係都會好想訓覺既
點解呢???

聽日阿頭返黎
一個星期的hea 做已經沒有了
琴日同崔講完
有少少想........
唔...
你夠唔夠膽咁做?

今日諗住早少少放工之後返poly搵肥肥
放工打俾佢佢話要返筲箕灣見個客先喎
咁我咁早放工黎做咩呀?
我拎住個袋係度諗繄野
俾個同事發現我係條街度行得好慢咁發呆....
肥仔話大概七點去到POLY
所以我就用最慢既方法--搭巴士返去喇
坐呀坐
咁就坐0左成個鐘車去到佐敦...
打俾佢
點知佢仲係筲箕灣喎
唉
佢過得黎都一個鐘之後
咁我不如過去港島搵佢啦
因為我唔想一個人落單的係POLY等人
一個人係POLY的感覺令人不安
係我自己話要去搵佢既...
鬼叫我自己咩都驚........

你
驚咩0者...
無鬼用

夜晚返到屋企連ICQ都唔係好想開好想玩
由五點半放工
由大埔去佐敦再到筲箕灣再到青衣
用了兩個半小時
我八點半返到屋企
準時食飯

返工放工
係車度大家都係咁
呢種放牧的生活何時才結束?

>>September 16, 2004 at 2:49:55 AM GMT+8