2005 年 11 月 28 日 星期一 【晴】

今日星期二...明天又要返學了~
每天晚總跟玉怡說早抖..然後起身工時玉怡便睡..到我放工...佢又開始新的一天...同我講早晨
實在太恐怖喇..所謂的一天..客觀咁睇...一日廿四小時真係好短
我地這樣的生理時鐘..好似可以成日見面傾計咁....

阿壹呢排少練習..我等你吹好聽的歌給我聽~

唔知點解
近來總覺得自己怪怪地
好似
越來越唔識講野咁
平時同D同事都可以講D好表面既野..但當然...他們離我"生活"還有很遠
但當我想講一D關於自己的事或者自己感覺的時候
我永遠也好像說不清似的

你打來
想跟你說我開心
想說東卻變西
最後變成沈默
自己好像很悶的一個人似的

你們打來
明明很想跟你們談久一些
我卻不知說甚麼好了

傾電話..好似始終唔0岩我咁

感覺好似自閉仔
一個唔識表達自己的自閉仔

如果同D朋友仔咁講..佢地實會話我邊忽似自閉仔............

其實我係一個鐘意戶外活動的自閉仔同怕寂寞精靈
所以得閒找我丫
見面時我會講野好少少

今日係旅協廿六屆誕生的日子
咁快又四年...........最終都無返去~
可能因為...我都唔知因為咩...總之覺得返去意義不太...可能是我的情緒又發作了...
連旅協都唔返
我都唔知邊度先係我落腳的地方
浮萍...飄泊如萍
真係改壞名

>>November 29, 2005 at 11:04:14 AM GMT+8

2005 年 11 月 27 日 星期日 【晴】

呢排都好懶寫日記呀~
或許因為近來身邊的事沒甚麼可記吧?
沒事可記的日子
我不想寫下來~
因為我想寫的
不想是表面的生活
而已內心的感覺
或許這樣的一個我未必很樂觀或快樂
但...
那確是我...希望我的朋友亦會接受這樣的一個我

今天是柯仔的生日~
祝我這位好朋友生日快樂呀~
就快去日本..很掛念呢
但希望你永遠能跟光一及岡一起~幾時你先得閒食飯?

星期天整整一天在家...明明有很多事想做...但甚麼也做不了~
我好懶呀!~
究竟我呢個人幾時先可以dick起心肝做好d野??

今天跟嫂談了一會兒...肥老是說上年攪雞雞地辛苦了嫂(其實我都覺既)，又唔見佢地睇到我既辛苦喎~雖然我知無得咁計~
談完...雖然好似有d灰..........我都好明白..做得好唔會有人讚...做得差就會有人話你的感覺
吃力不討好..........
但係
我真係覺得上年攪得幾開心
雖然我一早知道有些人一定未必會放好多時間同心機...
但
自我上莊0個時已經係咁0架啦...當然..我都知他們很努力的了
但有些時候自己也會很累...很怕自己無啦啦咁熱心做乜野....
可能..因為在互選時自己應承過自己...要對自己的莊員好好
自己唔係好叻(行山知識方面)，但我希望可以幫輕他們的一切..不要讓他們感到太辛苦
就這樣到現在...

我竟然發現
只有我沒有自己的生活
其實我也很想有個大根的地方
但讓我有歸屬感的地方現在又變成怎樣了?
總而言之..人不應回望過去

雖然當中有辛苦的地方..
但我確實感到上年攪年宵係開心及有成功感的
這種感覺可能很微少
但我相信
總有一點是真的

今日睇伊健套電視劇集...
說起係山度救人.......如果你搜尋了很久他也不給訊號，那你可能會放棄...
但亦有可能...他仍有一支電筒...在最後會發出最後的一點光讓你找到
u never try u never know...
我仍希望踏出想做的每一步

如果我只是想有個充實的人生
按著自己感覺而行
不想想那麼多...
可以嗎?

--------------------------------------------------------------------------
不知不覺睇完<<我們仨>>
很感人的一本散文
雖然只是記著生活鎖事...
但字裡行間...總流露著無限的感情.........這種真摰的感情..比起一切也重要
雖然看到最後發現原來她的女兒及丈夫是比她早死的
白頭人送黑頭人確是很可憐的一件事
看著女兒出生..長大...成材..然後患上癌症
人的一生實在太短暫...
究竟我的人生又會怎樣?
好像已過了三分一似的
我會點死呢?
希望可以死在愛我的人的身邊

書的最後一句說
"我們仨
就這樣輕易地失散了"
但......
我不感他們失散了
因為失散的靈魂
會在愛中重合


有人說看這些書太灰...
會令我更灰
其實因為這些書..
才會令我更重視感情
只要有人得閒陪下我
已經可以平衡番

>>November 28, 2005 at 5:33:36 PM GMT+8

2005 年 11 月 23 日 星期三 【晴】

玉怡生日快樂~
今年雖然不能在你的身邊跟你一起渡過
但是希望你係英國..有我地d保暖禮物..都可以陪你渡過呢個寒冬啦~

又一年..時間真係好快過呀
今日係公司睇番d相...d event support好似唔係好耐之前發生咁..原來又已經一年了~
今日收到公務員試的信
12月3日.........
仲要去到屯門考..返到poly都八點喇......點解咁遠0架???

本來已經安排好的一切
自己不能出席
竟然有點傷心

不過今日好像做了一個煩住大哥哥的事...實在是太沒用了..
少少事就要打俾其他人

怎樣才可以堅強一點,.....
不要為其他人添麻煩

>>November 24, 2005 at 5:23:06 PM GMT+8

2005 年 11 月 22 日 星期二 【晴】

今日...都幾好呀個感覺

中午在公司吃過午飯後便去了匯基做training 了...同學仔見到我都好似反應不錯...
不過呢班太多男仔..好嘈...用番以前做prefect時兇人的神情...佢地會唔會覺得我好惡?

但係教書真係輕鬆好多，比起係公司好似打杖咁...呢度真係精神同心靈上都舒服d
又有d學生俾我玩
最攪笑係........教佢地出去拍野時
班女仔掛在欄杆看下面的大哥哥(對於我黎講係小弟弟)打籃球
我忽然間想起了柯........

每次來到..也勾起不少中學的回憶

跟潘sir傾下堂d野到五點...然後返學..感覺上當然舒服得多..又唔洗趕...
又可以去埋牛奶公司食過茶餐..好味~~~
不過今日阿sir病了..好勁呀佢..病0左都照黎..好有專業精神
平時放完工上堂總是很累
但今天竟然不覺
可能不在公司打完杖先出黎
如果每次都可以咁就好了...因為精神都好d啦~

晚上離開poly時靜靜地欣賞了一遍poly的夜景...坐在後欄.....(以前我都已經鐘意自己一個黎呢度看風景)
覺得自己在這裡過了三年學生生活
不應再眷戀太多了
當初為何走來讀書?
一來不想自己工作不向前
二來也想再次感受學生生活
三來當然是入學條件及學費唔貴喇~
所以就來了
課程就快完結

我想我也將會很少機會特意回來的了
這裡
好像已經太少識的人和事(順帶一提..今天上陌生的counter撞到熟悉的小雞及太)

多看幾眼這裡的夜景吧
好景不常存
他朝再看也不知是甚麼心情及氣氛了

有點涼意.....
還是快點離開回家吧

>>November 24, 2005 at 5:02:03 PM GMT+8

2005 年 11 月 21 日 星期一 【晴】

今天去了仁立然後去了匯基教書

每次去到匯基，感覺上也很像回到中學時，然而我的年齡，已經可以為人師表了~
今日去到D學生好歡迎我...感到很安慰呢~因為佢地仲記得我
不過
竟然有個學生撞到我上次同媽媽北上....俾人點相添

今日收到一張明信片
雖然文字不多
但字裡的關心令我感到遠方的祝福與支持
我一直有好好咁照顧自己
不是嗎?
不用擔心我了~
我也會在香港努力的
希望你亦然


近來在看我們仨
很感人的一本書
很有人情味的一個家庭
他朝老了
有這樣的一個老人
陪我走完下半生的路嗎?

>>November 22, 2005 at 4:57:15 PM GMT+8

2005 年 11 月 20 日 星期日 【晴】

不知不覺十一月又已經過了大半了
昨天與肥一起由旺角行到佐敦...談了很多關於生活及工作的事...當中最重要的還有儲錢的問題...為 何我們出來做0左一年野仍然為錢煩0架?

記得以前捱得辛苦時
總會同自己講......捱下啦....時間好快就過
現在
唔知點解好似捱極都捱唔過呢個感覺
每天也感到
不能形容的感覺

究竟
是因為快樂才會有悲傷
還是因為有悲傷
我們才會珍貴快樂?

不過
此情既然無法可消除
那唯有由他去吧
一切隨風
希望
總會有陪我去流浪的人

虛偽的關係.......
二三四五六七八............
那裡是我容身之所

昨晚又是這樣子的
累了
朦朧之中睡去...
然後作了一個奇怪的夢

----------------------------------------------------------------------------------------------------

天氣好凍~
一向自己都幾怕凍
好彩仲有玉怡記得以前中學時凍少少我就出動頸巾...哈

希望我趕緊Final year project的好朋友
會無咁辛苦啦

星期三要交一幅類似油畫的物禮...唉...乜我轉0左讀ART咩?
雖然design都要打好底既...不過......真係越級挑戰

>>November 21, 2005 at 5:21:04 PM GMT+8

2005 年 11 月 20 日 星期日 【晴】

今日去了pre樂善行
昨晚Helen(廿一屆)打俾我話想行山喎，所以我就叫埋佢一齊黎喇
原來佢已經三年無黎過西貢...所有路佢都唔記得0左....連東灣同大灣都唔識分.......-_-

今日有terry、John、終於沒有放飛機的frankie、肥、helen同我，今日天氣勁好呀，天朗氣清，秋風送爽...一d都唔辛苦..只係我地又hea行

我地幾個又笑笑講講，也有不少笑料﹐但我忘了為甚麼笑了..總之就係一大班人行山，永遠不會悶，我地幾個，永遠都有話題...很高興可以這樣子

上完蝻蛇尖...香港太大煙霞，雖然天清，但係個景不太靚，只可以望，但影唔到
之後落東灣
我地係東灣度開爐
阿John唔見0左一陣，竟然捉0左隻蟹上黎...
佢話係毛蟹，即係大閘蟹的朋友仔....我地煮0左佢黎食..一打開，真係好多蟹膏...幾好味喎~
掂,...
阿John果然係一個野人，我相信只要有個海，佢一定唔會死的~


去到大灣士多，今次食了好好味的木瓜雪耳糖水，原來d木瓜係老闆自己種的，實在是太厲害了..
其實我都好想老0左係大灣開間士多....自己種下野..得閒聽下海..幾寫意~
最攪笑既係...老闆問我點解呢排少0左黎..佢認得我同肥仔!!!實在係太神奇了~
不過肥肥問開之前睇住佢大的狗仔..(原來個名叫三六)，一問之下，原來佢打架傷了生俎，所以已經不在世上了...一聽之下有點傷心，不竟物事人非事事休.......我自己
都好似已經黎得太多年了...
沒多一起的面孔
可能已經改變.........
為何我仍在這裡呢?

行番出赤徑走，坐大飛，隻船真係....飄到飛起，好驚...好似第一次搭咁快..真係好驚死~
六點幾出番西貢...去了吃泰國野，好味...
不過今日就辛苦frankie喇...
昨天沒有睡來來...
工作男真係得閒要自己休息一下

>>November 20, 2005 at 4:48:40 PM GMT+8

2005 年 11 月 19 日 星期六 【晴】

生活平淡到沒有甚麼可記
上班的日子
補習的日子
有陣時見到個妹妹仔，才中四，沒有甚麼目標，真的為她感到可惜，因為感到她寫得一手好文章，只是，真的很懶..............同埋唔知自己想點...唉......何苦要浪費自己最美好的時光?

補完習回家休息..因為一天又跑來跑去的，結果睡著了也不知時間
去了看NANA
沒有特別的感覺
因為睇開漫畫，所以........佢d劇情、連邊場著咩衫同對白都係一樣...
只係..漫畫入面蓮同真一都幾好樣...........但係真人版就....真一變0左吳浩康......


很多謝我的好友...柯仔對我的關心......其實我已經無咩事喇~

另外...近來蕃茄星人好忙同好辛苦...我希望佢d子子孫孫會幫到佢做野..等佢唔洗成日做咁辛苦

今日睇完套戲..最有感覺的只有這一句
"我已經厭倦了堅強了"

誰人不希望放下自己的包袱?
但在現實中
能夠可以真心依靠的
或平靜下來的地方
又有多少??

>>November 20, 2005 at 4:22:24 PM GMT+8

2005 年 11 月 17 日 星期四 【晴】

今日阿頭請食飯
但係去0左將軍澳鴻星食囉
好鬼遠
不過食大閘蟹宴，都幾好味~

記得初入黎無幾耐就同D同事黎過呢度食
咁快又一年喇
真係時日如飛
真係唔想時間咁快過..............
一年了
我在這裡學了甚麼?
我發現其實都有的...不過感覺上自己仲好似剛畢業出來..........

唉
一年又一年
食完返到家都十二點半........明天還是返工

今日發現自己個黑眼圈好大!

>>November 18, 2005 at 6:22:09 PM GMT+8

2005 年 11 月 16 日 星期三 【晴】

多謝月光小姐的支持
我會一直努力的......我個人就係咁.成日都覺自己好似唔夠好咁..........唉

不過努力向前係一件好事呀

今日返工各同事都問我有無事
而沒有心機的我
不是很有活力..連食飯都懶得同佢地講野
結果我阿頭話
你個樣好病..不如我俾多半日假你啦......
你話呀..邊有咁多病假扣


放工...
去了葵芳表妹的家度
都幾好咁..不過搬出黎住都真係幾貴
---------------------------------------------------------------------------------

今日夜晚玉怡終於收到了我們上星期寄去英國的郵包...
很開心呢
原來可以寄野俾人都寄得咁開心
可以咁遠都表達到我們的心意..實在是太好了~

願我的好朋友
係英國也會感受到我們細小的心意~

>>November 17, 2005 at 4:26:38 PM GMT+8